Author: editor

ရေပမာဏ ဘယ်လောက်သောက်ကြမလဲ

ဒီဇင်ဘာ ၁၂ ၊ ၂၀၁၅
M-Media

ရှေ့ခေတ်တွေးခေါ်ပညာရှင်တို့က အသက်ရှင်ရပ်တည်ဖို့ အခြေခံလိုအပ်ချက်တွေအနေနှင့် ရေ၊မြေ၊ မီးနှင့် လေတို့ဖြစ်တယ်လို့ တွေးဆ ခဲ့ကြတယ်။ ဒီကနေ့ခေတ်မှာတော့ တခြားအစိတ်အပိုင်း အမျိုးမျိုးလည်း လိုအပ်သေးတယ်ဆိုတာကို ကျွန်ုပ်တို့ သတိပြုမိကြတယ်။ ဖော်ပြပါ လိုအပ်ချက် လေးမျိုးကတော့ ကျွန်ုပ်တို့ရဲ့ ရှင်သန်ရပ်တည်မှုအတွက် အဓိကထားနေရတုန်းပါပဲ။

ရေကတော့ ကျွန်ုပ်တို့ဘဝအတွက် မရှိမဖြစ်လိုအပ်တဲ့ အစိတ်အပိုင်းပေါ့။ ကမ္ဘာကြီးရဲ့ ၇၀% လူ့ကိုယ်ခန္ဒာရဲ့ (၆၅%-၇၀%) ဦးနှောက်ရဲ့ ၈၅ %၊ အရိုးတွေရဲ့ ၂၀%နှင့်ခြောက်သွေ့တဲ့ မျိုးစေ့တွေမှာ ၅%- ၁၀% အထိရေပါဝင်နေတယ်။ ကီလို ၆၀ လောက် ကိုယ်အလေးချိန်ရှိတဲ့ လူတစ်ယောက်မှာ ရေအလေးချိန်က ကီလို ၄၀ လောက်ရှိတယ်။ ထပ်လောင်းပြောရရင် ရေရဲ့မော်လီကျူးတည်ဆောက်ပုံက တခြားအရည်အသွေးနှင့် ခြားနားပြီး တစ်မူထူးခြားပါတယ်။ ရေရဲ့တည်ဆောက်ပုံကို လေ့လာကြည့်ရင် မီးလောင်လွယ်ပြီး မီးလောင်တာကို အားပေးတယ်လို့ ဆိုနိုင်ပါတယ်။ ရေမော်လီကျူးတစ်ခုမှာ မီးလောင်လွယ်တဲ့ ဓာတ်ငွေ့ (H+) နှင့် မီးလောင်ခြင်းကို အားပေးတဲ့ (O-) တို့ကို အတူတွေ့ရပါတယ်။

အမြင့်တစ်နေရာကနေ မြေပြင်ကို ကျလာတဲ့ဝတ္တု၊ ပစ္စည်းအားလုံးဟာ အရှိန်တစ်ခုနှင့် ဆင်းသက်လေ့ရှိတယ်လို့ သိပံပညာရှင်တွေက ပြောကြတယ်။ ဒါပေမယ့် မိုးစက်ရေလေးတစ်စက်ကတော့ ခြွင်းချက်ပဲပေါ့။ ရေဟာ အဲဒီနိယာမအတိုင်း ပြုမူမယ်ဆိုရင် ထိတွေ့သမျှ အရာတိုင်းကို ကျည်ဆံတောင့်လို ထိုးဖောက်သွားမှာပါ။ ဒါပေမယ့် မိုးရေစက်တွေဟာ လေထီးတွေ ရှိနေသလို ပုံသေအမြန်းနှုန်းနှင့်ပဲ ဆင်းသက်လာကြတယ်။ လိပ်ပြာတစ်ကောင်ရဲ့ တောင်ပံကို သိမ်မွေ့နူးညံ့မှုလေးနှင့် ထိတွေ့သလို နီလာပန်းရဲ့ ပွင့်ဖတ်ကလေးကိုလည်း ထိခိုက်မှုမရှိအောင် သက်ဆင်းပါတယ်။ (တစ်နည်းပြောရရင် မိုးရေဟာ ဂရုဏတော်တစ်ပါးလို့ ဆိုရမှာပါ။)

ရေကို အကျဉ်းချုပ်လေ့လာကြည့်ရအောင်ပါ။ ကိုယ်ခန္ဓာ ကို အကျိုးပြုပုံနှင့် သောက်သုံးသင့်တဲ့ ရေပမာဏအကြောင်းပေါ့။

ကိုယ်ခန္ဓာ အတွင်းရေရဲ့ ဆောင်ရွက်ချက်များ
============================
ကိုယ်ခန္ဓာမှာ ရေရဲ့အကျိုးပြုပုံအားလုံးကို ကျွန်ုပ်တို့ရေတွက်လို့ ရနိုင်မှာ မဟုတ်ပါဘူး။ အောက်ဖော်ပြပါ အချက်တွေဟာ ရေရဲ့ဦးဆုံးဆောင်ရွက်ပုံတချို့သာ ဖြစ်ပါတယ်။ ရေဟာ ကိုယ်ခန္ဒာအပူကို ထိန်းပေးတယ်။ သွေးဖြင့် သယ်ဆောင်လျှက်ရှိသော အဆိပ်အတောက်ဖြစ်စေတဲ့ အရာတွေကို ချွေးနှင့်ဆီးအဖြစ် ကိုယ်ခန္ဓာကနေ ထွက်သွားအောင် ကူညီပေးခြင်းအားဖြင့် သွေးရဲ့အက်ဆစ်ဗေ့စ်ဟန်ချက်ကို ထိန်းညှိပေးတယ်။ ဆဲလ်တွေအစာကို အရည်ပျော်ခြင်းနည်းဖြင့် စုပ်ယူစေနိုင်တယ်။ (ရေဟာ အကောင်းဆုံးသော အရည်ဖျော် ပစ္စည်းဖြစ်တယ်။) အစိုဓာတ်ကြောင့် သစ်စေ့တွေ အညှောင့်ပေါက်စေတယ်။ အရာဝတ္တုတွေ ဖလှယ်မှုကို ထိန်းပေးဖို့အတွက် ဆဲလ်အတွင်း ဒြပ်ပါဝင်သိပ်သည်းမှုကို စုစည်းပေးတယ်။

ရေပမာဏဘယ်လောက်သောက်သုံးသင့်သလဲ။
===============================
လူတွေဟာ တစ်နေ့မှာ ပျှမ်းမျှအားဖြင့် ရေ 2.5 လီတာ (ရေ ၁၀ ခွက်) ချွေးထွက်ခြင်း၊ အသက်ရှုသွင်း ရှုထုတ်ခြင်း၊ ဆီးသွားခြင်း၊ မစင်စွန့်ခြင်းအားဖြင့် ဆုံးရှုံးကြတယ်။ အသက်ရှုသွင်း ရှုထုတ်တဲ့အခါမှာတောင် ရေကိုဆုံးရှုံးနိုင်တယ်။ ဒီလို ဆုံးရှုံးသွားတဲ့ ရေ အားလုံးကို ပြန်ပြီးအစားထိုးရမှာဖြစ်တယ်။ အထူးသဖြင့် နို့စို့အရွယ်ကလေးငယ်တွေ အရည်ခမ်းခြောက်မှုမှ လွတ်ကင်းစေရန် မဖြစ်မနေ ရေနှင့်မကင်းရှိသင့်သူများနှင့် သက်ကြီးရွယ်အိုတွေ ဖြစ်ပါတယ်။

ကျွန်ုပ်တို့ရဲ့ လိုအပ်မှုအားလုံးကို ရေနှင့် ဖြည့်ဆည်းပေးတာ မဟုတ်ပါဘူး။ တခြားသောက်စရာတွေ၊ အစားအသောက်တွေနှင့် လိုအပ်မှုကို ဖြည့်ဆည်းပေးကြရတယ်။ လူတစ်ယောက်ရဲ့ ရေငတ်မွတ်တာကို ပြေစေတဲ့ အကောင်းဆုံးအရာကတော့ ရေပါပဲ။ ဘယ်အရည်နှင့်မှ အစားထိုးလို့ မရပါဘူး။ လူတစ်ယောက်ဟာ ကျန်းမာပြီး ကျောက်ကပ်နှင့် အဆုတ်တွေ ပုံမှန်လှုပ်ရှားဆောင်ရွက်နိုိင်ဖို့အတွက် တစ်နေ့လျှင် အနည်းဆုံး ရေရှစ်ခွက်သောက်သုံးသင့်ပါတယ်။ ကဖိန်းနှင့် အရက်တို့က ဆီးရွှင်ပြီး ရေဆုံးရှုံးမှု များစေတာမှန်ပေမယ့် ရေငတ်တဲ့အခါမှာတော့ ရေအစား အဲ့ဒီအရာတွေကို အစားမထိုးသင့်ပါဘူး။

တခြားခြွင်းချက်တွေရော ရှိသေးလား။ အမှန်ပဲ၊ ရှိတာပေါ့။ ကျောက်ကပ်မှာ ကျောက်တည်နေရင် တစ်နေ့မှာ ရေဆယ်ခွက် (သို့) ဒီထက်ပိုပြီး သောက်သင့်တယ်လို့ အကြံပြုထားတယ်။ အမြင့်တစ်နေရာမှာရှိရင် ဒါမှမဟုတ် ကိုယ်လက်လှုပ်ရှားမှု လုပ်တဲ့အခါ လူတစ်ယောက်အတွက် ရေလိုအပ်မှု ပမာဏတိုးလာသလိုပဲ။ ပူအိုက်ရင်၊ စိုစွတ်ရင်၊ ဒါမှမဟုတ် အေးတဲ့အခါ ရေပမာဏပိုပြီး လိုအပ်တယ်။ ဒီလိုအခြေအနေမျိုးတွေမှာ ရေကို အများကြီး သောက်သုံးရပါလိမ့်မယ်။

ဘယ်လိုရေမျိုးတွေ သောက်သင့်သလဲ။
============================
မြစ်ရေဟာ တွင်းရေထက်ပိုပြီး ကျန်းမာရေးနှင့် ညီညွတ်ပါတယ်။ တကယ်တော့ ညစ်ညမ်းမှုမရှိဘဲ သန့်စင်တဲ့ပတ်ဝန်းကျင်ကို ဖြတ်ပြီးစီးဆင်းလာတဲ့ မြစ်ရေဟာ အကောင်းဆုံး အမျိုးအစားဖြစ်ပြီး အမြင့်ကစီးဆင်းလာတဲ့ စမ်းရေလည်း အကျုံးဝင်ပါတယ်။ တစ်ဟုန်တိုးအားနှင့် စီးဆင်းလာတဲ့ ရေအမြောက်အမြားဟာ အကောင်းဆုံး ရေအမျိုးအစားပဲ ဖြစ်ပါတယ်။ ဒါပေမယ့် ရေထုညစ်ညမ်းမှု အနှံ့အပြား ဖြစ်တာကြောင့် သန့်စင်တဲ့ မြစ်ရေကို ရှာဖွေရတာ ခက်ခဲလာပါပြီ။ အဝီစိတွင်းရေဟာ ရေသေဖြစ်လို့ PH များပါတယ်။ မြေအောက်ရေဟာ ယေဘုယျအနေနှင့် PH အဆင့်မြင့်တယ်။ ဂူတွေထဲမှာရှိတဲ့ ရေနှင့်တွင်းရေတို့က PH အဆင့်ပိုပြီး များပါသေးတယ်။ တခြားတစ်ဖက်မှာလည်း စမ်းရေဟာပေါ့ပြီး သောက်လို့ကောင်းတယ်။

ရေကိုဘယ်အခါ သောက်သင့်သလဲ။
==========================
အစားအသောက်ပြီးလို့ နှစ်နာရီ၊ သုံးနာရီအကြာမှာ ရေသောက်တာဟာ ကျန်းမာရေးနှင့် ညီညွတ်တဲ့လေ့ကျင့်မှုပဲပေါ့။ တချို့ပညာရှင်တွေရဲ့ အဆိုကတော့ အစားအသောက်စားနေတုန်း ရေသောက်တာဟာ ရောဂါရစေတယ်တဲ့။ ရေသောက်တာဟာ စားသောက်ချင်စိတ်ကို ပိုသိသာအောင် လှုံ့ဆော်ပေမယ့် ရင်ပူရင်ဆာ ဖြစ်တတ်ရင်တော့ အရသာရှိဖို့အတွက် အစားအသောက် စားနေတုန်းနှင့် စားအပြီးမှာ ရေသောက်သင့်တယ်။ ဗိုက်ဆာတဲ့အခါ ချွေးထွက်တဲ့အခါ၊ ရေချိုးပြီးစမှာ၊ ဝမ်းနှုတ်ဆေးစားတဲ့အခါမှာ ဒါမှမဟုတ် အသီးအနှံစားနေတဲ့အခါ ရေမသောက်သင့်ဘူး။ အထူးသဖြင့် ရေအေးကို မသောက်သင့်ပါဘူး။ အဲ့ဒီလို လုပ်တာဟာ ပိုပြီးရေဆာစေတာကြောင့်ပါပဲ။ စိတ်ရှည်ရှည်ထားရင်တော့ ရေဆာတာဟာ အလိုလို ပြေသွားပါလိမ့်မယ်။ ရေကို ထိုင်နေတုန်းသောက်ဖို့ အကြံပြုထားပါတယ်။

ရေပမာဏကိုထိန်းခြင်း
=================
လူ့ကိုယ်ခန္ဓာမှာရှိတဲ့ ရေပမာဏကို ဦးနှောက်မှာရှိတဲ့ ဟိုက်ပိုသာလာမတ်စ် (hypothalamus) ကထိန်းညှိပေးထားတယ်။ အက်ပီစီစစ် (epiphysis) က ထုတ်ပေးတဲ့ ADH (vasopressin) ဟော်မုန်းက ကိုယ်ခန္ဓာမှာရှိတဲ့ ရေ ပမာဏကို ပြုပြင် ထိန်းသိမ်းပေး တယ်။ ရေဖိအားနှင့် ထုထည်မသိမသာလေး ပြောင်းလဲတာကို နှလုံးမှာရှိတဲ့ (osmotic receptors) အော်စမိုတစ် ရီဆက်ပ်တာရယ်၊ သွေးပြန်ကြောတွေ မှာရှိတဲ့ (ဖိအား အားရုံခံစားလွယ်တဲ့ ရီဆက်ပ်တာ) ဘရိုရီတက်ပ်တာ (baro-receptors) တွေက ချက်ချင်းသိရှိနိုင်တယ်။ ဒီရီဆက်ပ်တာတွေက ရေဖိအားနဲ့ ထုထည်တစ်စုံတစ်ရာ အပြောင်းအလဲကို သိရှိနိုင်ပြီး ဟန်ချက်မညီ ဖြစ်တဲ့အကြောင်း ဦးနှောက်ကို သတင်းပို့တယ်။ အက်ပီဖီစစ် (epiphysis) ရဲ့ နောက်ဘက်ပိုင်းက ထုတ်ပေးတဲ့ ADH ဟော်မုန်းက ကျောက်ကပ်တွေကို ရေစုပ်ယူပြီး အညစ်အကြေးစွန့်ထုတ်မှုကို လျော့စေပါတယ်။

ရေပမာဏ အမြောက်အများသောက်သူံးခြင်းက ဘာကိုဖော်ပြသလဲ
====================================
ယေဘုယျအနေနှင့် ရေများများသောက်ခြင်းဟာ ဘာပြသာနာမှ မရှိပါဘူး။ ရေအရမ်းဆာတာ၊ ဆီးသွားလွန်းတာဟာ ဆီးချိုရောဂါ လက္ခဏတစ်ခု ဖြစ်သလို ဆီးချို (inspidus) အင်စပီးဒပ်စ် ကိုရည်ညွှန်းတာလည်း ဖြစ်နိုင်တယ်။

ရိုးရိုးအားလုံးသိကြတဲ့ ဆီးချိုရောဂါဟာ အင်ဆူလင် ဟော်မုန်းနှင့် ဆက်စပ်မှုရှိပါတယ်။ ADH ဟော်မုန်းချို့တဲ့ခြင်းကရတဲ့ ဆီးချို အင်စပီးဒပ်စ်ဟာ ကိုယ်ခန္ဒာမှာ ရေပမာဏဟန်ချက်မညီတာကို ဖြစ်စေတယ်။ ဒါကြောင့် ရေအရမ်းငတ်တာ၊ ဆီးလွန်တာမျိုးဖြစ်တဲ့အခါ ဆရာဝန်နှင့် ဆွေးနွေးပြီး အကြံဥာဏ်ယူရမှာ ဖြစ်တယ်။ ကိုယ်လက်လှုပ်ရှားမှု လုပ်နေတုန်း ရေငတ်တာဟာ ကောင်းတဲ့လက္ခဏ တစ်ခုမဟုတ်ဘူး။ သုတေသီတွေရဲ့ အဆိုအရကတော့ ကိုယ်လက်လှုပ်ရှားမှု မလုပ်ခင်နှင့် အလုပ်ကြမ်း ပင်ပင်ပန်းပန်းမလုပ်ခင် ရေကို အလုံအလောက် သောက်သင့်တယ်။ ပုံမှန်အနေနှင့် ပထမတစ်နာရီမှာ ကိုယ်ခန္ဓာအတွက် ရေတော်တော်များများ လိုအပ်မှာမဟုတ်ပါဘူး။ ဒါပေမယ့် ကိုယ်လက်လှုပ်ရှားမှု လုပ်နေတုန်းမှာတော့ မိနစ် ၂၀ မှာ ရေတစ်ကြိမ် သောက်သင့်ပါတယ်။

(Katir Demircanes How Much Water Should We Drink ကို ဘာသာပြန်ဆိုရေးသားသည်)

မမချို

December 5, 2015
မတူကွဲပြားသည့် ဘာသာတရားများရဲ့ အလှတရားများအတွက် အနုပညာပြပွဲကျင်းပ

ဒီဇင်ဘာ ၄၊ ၂၀၁၅
M-Media
မိုးစက်

ရန်ကုန်။ ။ မတူကွဲပြားသည့် ဘာသာတရားများရဲ့ အလှတရားများကို ဖော်ညွှန်းထားသည့် The Beauty of Religious Diversity ဆိုသည့် ခေါင်းစဉ်ဖြင့် အနုပညာ ပြပွဲတစ်ရပ်ကို ရန်ကုန်မြို့ရှိ ဘာသာရေး အဆောက်အအုံများတွင် ကျင်းပပြုလုပ်လျှက် ရှိနေပါတယ်။

ထိုပြပွဲကို Smile Education မှ ဦးဆောင်ကျင်းပပြီး ဘာသာရေး အဆောက်အအုံများမှ တာဝန်ရှိ ပုဂ္ဂိုလ်များက ပူးပေါင်းဆောင်ရွက်ကြောင်း သိရပါတယ်။

“မြန်မာနိုင်ငံမှာ ဖြစ်နေတဲ့ ဘာသာရေးပဋိပက္ခတွေ ချုပ်ငြိမ်းသွားဖို့ လူငယ်တွေရဲ့ ဖြစ်ချင်တဲ့ ဆန္ဒနဲ့ လူငယ်အနုပညာရှင်တွေက ကိုယ်ပိုင်ဖန်တီးပြီးတော့ ဘာသာပေါင်းစုံငြိမ်းချမ်းရေးကို ဆောင်ရွက်တာဖြစ်ပါတယ်” လို့ ယခုကဲ့သို့ ပွဲပြုလုပ်ရခြင်းနှင့် ပတ်သတ်ပြီး Smile Education မှ Project Co-coordinator ဖြစ်သူ မမြတ်ဖြိုးဖြိုးရှိန်က M-Media ကိုပြောပါတယ်။

ဘာသာပေါင်းစုံက မတူညီပေမယ့်လည်း အလှတရားပေါင်းစုံရှိတယ်ဆိုတာကို ဖော်ကျူးထားတဲ့ အနုပညာတွေဖြစ်ပြီး ဘာသာရေးလွတ်လပ်ခွင့်အနေနှင့် ပရောဂျက်တစ်ခု ပြုလုပ်ခြင်း ဖြစ်ကြောင်းကိုလည်း သူမက ထပ်လောင်းပြောကြားခဲ့ပါတယ်။

အဆိုပါအနုပညာပြပွဲတွင် ဘာသာပေါင်းစုံအလှတရားကို ဖော်ကျူးထားသည့် ပန်းချီကားများ၊ ကဗျာများ၊ ဓာတ်ပုံများ ပါဝင်ပါတယ်။

“ဒီပြပွဲလေးမှာ ဘာသာတရားတို့ရဲ့ ကွဲပြားစုံလင်မှုနဲ့ အလှတရားတွေ ပါဝင်ပါတယ်။ ကျွန်တော်တို့အနေနဲ့ ပူးပေါင်း ပါဝင်ရတာလည်း မြန်မာနိုင်ငံမှာရှိတဲ့ ဘာသာရေး အမုန်းတရားတွေကို ပျောက်ပျက်စေချင်လို့ပါ” ၅၉လမ်း ဆုတောင်းပြည့် ဗလီဝတ်ကျောင်းတော် ကုရ်အာန် အသိပညာပြန့်ပွားရေး အဖွဲ့ မှ ဦးဆန်းအောင်က သုံးသပ်ပြောဆိုခဲ့ပါတယ်။

ထိုအနုပညာပြပွဲကို ဒီဇင်ဘာလ ၃ ရက်နေ့မှ ၆ ရက်နေ့ထိ ဓမ္မပီယဘုန်းကြီးကျောင်း၊ ၅၉လမ်း ဆုတောင်းပြည့် ဗလီဝတ်ကျောင်းတော်၊ မဟာသျှီဝ ဟိန္ဒူဘုရားကျောင်း၊ စိန်မေရီကာဒီနယ် ချာလ်ဘိုကျောင်း တို့တွင် တစ်ရက်စီ ပြသသွားမှာ ဖြစ်ပါတယ်။

December 4, 2015
ခွဲခြား ဆက်ဆံခံရမှုမှသည် နာမည်ကျော် ဖက်ရှင် ဒီဇိုင်နာဖြစ်လာသူ

ဒီဇင်ဘာ ၄ ၊ ၂၀၁၅
M-Media
မိုးဝေ တင်ဆက်သည်။

– ကမ္ဘာတစ်ဝှမ်းတွင် H&M ဟုသိကြသည့် ဆွီဒင်ဖက်ရှင်ကုမ္ပဏီ Hennes & Mauritz က ၂၀၁၅ ခုနှစ် ၎င်းတို့၏ ဈေးကွက်မြှင့်တင်ရေး ဗီဒီယိုတွင် ဟီဂျဘ်ပုဝါ ၀တ်ဆင်ထားသော မွတ်စလင်အမျိုးသမီးတစ်ဦးအား ထည့်သွင်းဖော်ပြမှုက ပြီးခဲ့သည့်သတင်းပတ်များအတွင်း မီဒီယာများ၌ ခေါင်းကြီးသတင်း ဖြစ်ခဲ့သည်။

ထိုကဲ့သို့ ဟီဂျဘ်ဝတ်ဆင်မှုကို ပရိုမိုရှင်းလုပ်ပေးသော ဆွီဒင်ဖက်ရှင်လုပ်ငန်းများတွင် H&M က ပထမဆုံးတော့မဟုတ်။ Ahlens လက်လီအရောင်းဆိုင်ကြီးကလည်း ၎င်းတို့၏ ၂၀၁၅ အရောင်းမြှင့်တင်ရေး ဗီဒီယိုတွင် ဟီဂျဘ်ဝတ်ဆင်ထားသည့် မွတ်စလင်အမျိုးသမီးအား ထည့်သွင်းဖော်ပြခဲ့သည်။

အဆိုပါ အဖြစ်အပျက်နှစ်ခုစလုံးအတွက် ချီးကျူးမှုများ ရရှိခဲ့သော်လည်း ဝေဖန်မှုများ ရှိခဲ့ပြီး တစ်ချို့က ထိုကုမ္ပဏီများမှာ “ဟီဂျဘ်ပုဝါကို သာမန်ဝတ်စားဆင်ယင်မှုမျိုး ဖြစ်အောင်လုပ်ကာ အမျိုးသမီးများအား ဖိနှိပ်ချုပ်ချယ်မှုကို အားပေးနေသည်” ဟု စွပ်စွဲကြသည်။

ဂျော်ဒန်မိဘမှ ဆွီဒင်တွင် မွေးဖွားခဲ့သည့် မွတ်စလင်ဒီဇိုင်နာ အီမန် အလ်ဒီဘီကတော့ ထိုသဘောထားများနှင့်ပတ်သက်၍ နေသားကျနေပြီ ဖြစ်သည်။

သူမ၏ ဒီဇိုင်းတော်တော်များများက အရည်အသွေးကောင်းပြီး ဈေးကြီးသည့် ခေါင်းဆောင်းပုဝါများဖြစ်ပြီး ဆွီဒင်၊ ပဲရစ်၊ နယူးယောက်နှင့် ဒူဘိုင်းတို့ရှိ သီးသန့်ဆိုင်ကြီးများတွင် ရောင်းချကြသည်။

ရှေ့ဆောင်အီမာမ်၏ သမီး
———————————
သို့သော်လည်း ဖက်ရှယ်နယ်ပယ်သို့ သူမ၏ ခြေချမှုမှာ ပန်းခင်းသောလမ်း မဟုတ်ခဲ့။ မကြာသေးမီက အငြိမ်းစားယူသွားခဲ့သည့် ရှေ့ဆောင်အီမာမ်၏ သမီးတစ်ယောက်အဖြစ် အလ်ဒီဘီမှာ စတော့ဟုမ်းရှိ ဘာသာရေးကိုင်းရှိုင်းသော မိသားစုတွင် ကြီးပြင်းလာသူဖြစ်သည်။ ၁၉၉၀ ပြည့်နှစ်များက စတော့ဟုမ်းရှိ တစ်ခုတည်းသော ဗလီဝတ်ကျောင်းတော်မှာ အဆောက်အအုံတစ်ခု၏ မြေအောက်ခန်းတွင် ရှိပြီး လူမှုရေးစင်တာနှင့် ပူးတွဲဖွင့်လှစ်ထားသည့် နေရာသာ ဖြစ်သည်။

စုပေါင်းဝတ်ပြုရန်၊ ဓမ္မစာအုပ်များ ၀ယ်ရန်၊ ကုရ်အာန်ကျမ်းတော်မြတ် သင်ကြားရန်နှင့် ဟာလာအစားအသောက်များ ၀ယ်ယူရန်တွက် တစ်နိုင်ငံလုံးမှ မွတ်စလင်များမှာ ထိုဝတ်ကျောင်းတော်အတွင်းသို့ လာရောက်ကြရသည်။ စနေ၊ တနင်္ဂနွေနှင့် အခြားပိတ်ရက်များတွင် ထိုဗလီဝတ်ကျောင်းတော်၌ စုရုံးကြပြီး သာသနာရေးအသိပညာများကို မျှဝေကြသည်။

ထို အသိုင်းအ၀ိုင်းလေးထဲတွင် ရှေ့ဆောင်အီမာမ်တစ်ဦး၏ သမီးက မည်ကဲ့သို့ ပြုမူနေထိုင်ရမည်ဆိုသည့် သတ်မှတ်ချက်များလည်း ရှိနေသည်။

“ကျွန်မ အသက် ၆ နှစ်အရွယ်မှာ ဟီဂျဘ်ပုဝါ စ၀တ်တယ်။ အရွယ်ရောက်လာတဲ့အထိ ကျွန်မကို မိသားစုက စောင့်ကြည့်ခဲ့ကြပါတယ်။ မိတ်ကပ်လိမ်းတာ၊ ကျန်တဲ့မွတ်စလင်လူ့အဖွဲ့အစည်းနဲ့ ခြားနားတဲ့ ကိစ္စတွေ ဆောင်ရွက်တာကို မိသားစုက လက်မခံခဲ့ပါဘူး။ ကျွန်မမှာ တာဝန်တွေ တစ်ပုံတစ်ပင်ရှိနေတယ်၊ ဖြည့်ဆည်းရမယ့် အခန်းကဏ္ဍတစ်ခုလည်း ရှိနေတယ်လို့ ကျွန်မ ခံစားခဲ့ရပါတယ်” ဟု အသက် ၃၀ ရှိဖြစ်သည့် အလ်ဒီဘီက ပြောကြားခဲ့သည်။

သို့သော်လည်း ဖက်ရှင်အပေါ် သူမ၏ စိတ်ဝင်စားမှုက တစ်ဖြည်းဖြည်းဖြင့် ကြီးထွားလာခဲ့သည်။

“အမေနဲ့ အမေ့သူငယ်ချင်းတွေဝတ်တဲ့ တူညီခြုံထည်တွေ၊ တစ်ရောင်တည်းသာဖြစ်နေတဲ့ ခေါင်းဆောင်းပုဝါတွေကို ကြည့်ပြီး ကျွန်မ နှစ်သက်လေ့မရှိတာကို မှတ်မိပါတယ်။ သူတို့ဟာ အမြဲတမ်း ပုံတုံးကြီးတွေ ၀တ်လေ့ရှိပြီး အဲဒီအချိန်တုန်းကလည်း အိနြေ္ဒသိက္ခာရှိတဲ့ ၀တ်စုံဆိုလို့ ဆိုင်တွေမှာ ဒါမျိုးတွေပဲရှိတာကိုး” ဟု သူမက ရှင်းပြသည်။

အသက် ၁၆ နှစ်အရွယ်တွင် အလ်ဒီဘီတစ်ယောက် အထက်တန်းကျောင်း၌ ဖက်ရှင်ပညာကို စတင်သင်ကြားခဲ့ပြီး အ၀တ်အစားများဖန်တီးရေး သူမ၏ ၀ါသနာအတွက် စွန့်ဦးတီထွင်မှုအခန်းကဏ္ဍ ရှိနေသည်ကိုလည်း သူမက အလျင်အမြန် သဘောပေါက်ခဲ့လေသည်။ ထို့နောက် ဘွဲ့ဝတ်စုံနှင့် မင်္ဂလာဆောင်ဝတ်စုံများကို တီထွင်ဖန်တီးခဲ့ပြီး ထိုလက်ရာများမှာ ဖက်ရှင်ကျသလောက် အိနြေ္ဒသိက္ခာရှိသည့် ၀တ်စုံများလည်း ဖြစ်ခဲ့သည်။

“သူငယ်ချင်းတွေ ဆွေမျိူညာတကာတွေလို ကျွန်မနဲ့ နီးစပ်တဲ့အသိုင်းအ၀ိုင်းက မှာယူမှုအနည်းငယ်တော့ ရှိခဲ့ပါတယ်”

တက္ကသိုလ်တွင် အလ်ဒီဘီတစ်ယောက် ဂျာနယ်လစ်နှင့် ဥပဒေဘာသာရပ်ကို သင်ယူခဲ့သည်။ သို့သော်လည်း တစ်နှစ်တာ ကျင်လည်ခဲ့ပြီးနောက် တစ်နှစ်နားရန် ဆုံးဖြတ်ခဲ့လေသည်။

ဟီဂျဘ် ဘက်သို့ တစ်ဖန်ပြန်လှည့်
———————————
ကျောင်းနားသည့် ထိုတစ်နှစ်က သူ့အမတွက် အလွန်တန်ဖိုးရှိခဲ့ပြီး ဖက်ရှင်လောက တကယ့်လက်တွေ့ ရောင်းချမှုတွင် မည်သို့ အလုပ်လုပ်သည်ဆိုသည်ကိုလည်း သိခဲ့ရသည်။ သို့သော်လည်း ထိုကာလတွင်ပင် အလ်ဒီဘီမှာ ဟီဂျဘ်ဆန့်ကျင်ရေး ခွဲခြားဆက်ဆံမှုများကိုလည်း ပထမဆုံး ခံစားခဲ့ရလေသည်။

ဖက်ရှင်ဆိုင်ငယ်တစ်ခု၏ အပြင်ဘက်တွင် အရောင်းစာရေးအလုပ်အတွက် လူခေါ်ထားသည့် ကြော်ငြာကြောင့် အလုပ်သွားလျှောက်သည်ကို သူမ မှတ်မိနေသည်။

“အဲဒီနေရာအတွက် စုံစမ်းဖို့ ကျွန်မ အထဲဝင်သွားတော့ လူခန့်ထားပြီးပြီလို့ အပြောခံခဲ့ရပါတယ်။ ကျွန်မ သိပ်မယုံတာကြောင့် ဟီဂျဘ်မ၀တ်ထားတဲ့ သူငယ်ချင်းတစ်ယောက်ကို အဲဒီဆိုင်ကို ပြန်လွှတ်ခဲ့ပါတယ်။ သူက မေးတဲ့အခါမှာတော့ ဘယ်တော့လောက် အလုပ်စ၀င်လို့ရမလဲလို့ ဆိုင်က ပြန်ပြောခဲ့တယ်” ဟု သူမက ပြောကြားခဲ့သည်။

အလုပ်အကိုင်ရှာဖွေပေးသည့် စင်တာမှတစ်ဆင့် အရောင်းစာရေးအလုပ်ကို သူမ ရှာဖွေခဲ့ရသည့် အချိန်လည်း ရှိခဲ့သည်။ ထိုအချိန်တွင်တော့ တာဝန်ခံက အလုပ်လုပ်ရာတွင် ဘာသာရေးမပါရဟု သူမကို ပြောခဲ့သည်။

“အဲဒီလူက ကျွန်မကို ဟီဂျဘ်ချွတ်လိုက်တာ ပိုကောင်းမယ်လို့ ပြောခဲ့ပါတယ်” ဟု သူမ တွေ့ကြုံရမှုကို အလ်ဒီဘီက ပြောကြားခဲ့သည်။

ထိုအဖြစ်အပျက်များအတွက် စိတ်ပျက်အားလျော့ရသော်လည်း ဆုံးဖြတ်ချက် ပြတ်သားသည့် အလ်ဒီဘီမှာ တက္ကသိုလ်ပြန်တက်ခဲ့ပြီး ၂၀၁၂ ခုနှစ်တွင် ရုပ်သံဂျာနာလစ်ဇင် ဘာသာရပ်၊ ဥပဒေဘာသာရပ်တို့ဖြင့် ဘွဲ့ရခဲ့သည်။

နောက်ဆုံးတွင်တော့ ဖက်ရှင်ဆိုင်ငယ်တစ်ခုတွင် အချိန်ပိုင်းအလုပ် ရခဲ့သည်။ သို့သော်လည်း ပထမဆုံးအနေဖြင့် သူမ၏ ခေါင်းဆောင်းပုဝါအတွက် ဆန်းသစ်မှုအချို့ ပြုလုပ်ခဲ့ရလေသည်။

“(ဟီဂျဘ်ဝတ်တဲ့ပုံစံကို) ပြောင်းလဲဖို့ ကျွန်မ ကြိုးစားခဲ့ရပါတယ်။ မျက်နှာတစ်ဝိုက်မှာ ရစ်ပတ်ရမယ့်အစား အာဖရိကရိုးရာ ခေါင်းဆောင်ပုဝါတွေလို အားလုံးကို အနောက်မှာ စုချည်ခဲ့တယ်။ အဲဒီပုံစံအတိုင်း အင်တာဗျူးသွားခဲ့ပြီး အလုပ်ရခဲ့ပါတယ်” ဟု သူမက ပြောကြားခဲ့သည်။

ဈေးဝယ်သူများက သူမ၏ ဒီဇိုင်းအား ချီးကျူးမှုကိုလည်း အလ်ဒီဘီက ပြန်ပြောင်းပြောပြခဲ့သည်။

“ကျွန်မရဲ့ ယုံကြည်ချက် အယူဝါဒကို မထိခိုက်စေတဲ့ ပြောင်းလဲမှုအချို့ကို လုပ်နိုင်ခဲ့တယ်လို့ ကျွန်မ ခံစားရပါတယ်။ ပြီးတော့ ဒီပြောင်းလဲမှုကို ကျွန်မရဲ့ သာသနာနဲ့ ဆွီဒင်လူ့အဖွဲ့အစည်းကလည်း လက်ခံနိုင်ပါလိမ့်မယ်” ဟု သူမက ပြောကြားခဲ့သည်။

၂၀၀၆ ခုနှစ်တွင် ဆွီဒင်ရုပ်သံလိုင်း TV4 ၏ ဟီဂျဘ်ပုဝါစတိုင်များအကြောင်း ဆွေးနွေးသော မနက်ပိုင်း အစီအစဉ်တွင် အခြားသော မွတ်စလင်ဒီဇိုင်နာများနှင့်အတူ အလ်ဒီဘီတစ်ယောက် ပေါ်လာခဲ့သည်။

“ထိုအစီအစဉ်ပြီး နောက်ပိုင်းမှာ ဆွီဒင်ထိပ်တန်းသတင်းစာ Aftonbladet က ဆွီဒင်မှာရှိတဲ့ ကုန်တိုက်တွေကို သွားပြီး ခေါင်းဆောင်းပုဝါ ရောင်းချဖို့နဲ့ မွတ်စလင်ဖက်ရှင်တွေအတွက် နေရာပေးဖို့ စဉ်းစားနေလားလို့ မေးမြန်းခဲ့ပါတယ်” ဟု အလ်ဒီဘီက ရှင်းပြခဲ့သည်။

အဖြေကတော့ “No” ဟု ရခဲ့ကြောင်း သတင်းစာက သူမကို ပြန်ပြောခဲ့လေသည်။

ထို့နောက်တွင်တော့ အလ်ဒီဘီက မွတ်စလင်ဖက်ရှင်များကို ပိုမိုခေတ်မီအောင် ဆောင်ရွက်ရေးနှင့် ပတ်သက်၍ အသေအချာကို စဉ်းစားလာခဲ့သည်။ ထိုးဖောက်မှုမရှိသေးသည့် မွတ်စလင်အမျိုးသမီးများ၏ အ၀တ်အစားဈေးကွက်ကြီးမှာ မည်မျှလောက် ကြီးမားသည်ကို သိရှိလာသည့်အချိန်တွင် ကုန်တိုက်များက ၎င်းတို့၏ သဘောထားကို ပြောင်းလဲမည်ဟု သူမက အသေအချာ သိလာခဲ့သည်။ ထို့ကြောင့် အလ်ဒီဘီမှာ “ရိုးရိုးယဉ်ယဉ်” ဖက်ရှင်စီးပွားရေးလုပ်ငန်းကို စတင်ခဲ့လေတော့သည်။

လစ်ဟာမှုတစ်ခု ဖြည့်ဆည်းခြင်း
———————————
“နှစ်အနည်းငယ်က ဟီဂျဘ်ခေါင်းဆောင်းပုဝါကို ရောင်းချဖို့ ငြင်းဆိုခဲ့တဲ့ ကုန်တိုက်အချို့ဟာ အခုတော့ လိုလိုလားလားကို ရောင်းချနေပြီး မွတ်စလင်ဖက်ရှင်တွေကနေ အကျိုးအမြတ်တွေ ရယူနေတာကို ကြည့်ရမြင်ရတာ စိတ်ဝင်စားစရာပါပဲ” ဟု အလ်ဒီဘီက ပြောကြားခဲ့သည်။

ထိုဖက်ရှင်ဈေးကွက်က ကြီးထွားလာနေသည့် ဈေးကွက်တစ်ခုဖြစ်သည်။ Thomson Reuters မှ ၂၀၁၄-၁၅ အတွက် ထုတ်ပြန်သည့် အစီရင်ခံစာတွင် ၂၀၁၃ ခုနှစ် ကမ္ဘာတစ်ဝှမ်းရှိ မွတ်စလင်များက အ၀တ်အစားနှင့် ဖိနပ်တို့အတွက် သုံးစွဲမှုမှာ ကန်ဒေါ်လာ ၂၂၆ ဘီလီယံရှိသည်ဟု ဖော်ပြထားသည်။ ၂၀၁၉ ခုနှစ်တွင် ၄၈၄ ဘီလီယံအထိ တိုးတက်မည်ဟုလည်း ခန့်မှန်းထားသည်။

ကမ္ဘာတစ်ဝှမ်းရှိ သန်းနှင့်ချီသော မွတ်စလင်ဈေးဝယ်သူများအတွက် Mango နှင့် DKNY ကဲ့သို့သော တံဆိပ်များက မွတ်စလင်များ ဥပုသ်သီလဆောက်တည်သည့် ရမ်ဇာန်ဥပုသ်လတွင် အီးဒ်ပွဲတော်အတွက် အဆင်များကိုသာ ရောင်းချပေးသည်။

အလ်ဒီဘီက ထို ဈေးကွက်လစ်ဟာမှုကြီးကို သတိပြုမိခဲ့လေသည်။ သူမက ဖောက်သည်များကို မေးမြန်းဆန်းစစ်ပြီးနောက် အများစုက အသင့်ဝတ် ခေါင်းဆောင်းပုဝါများကို ၀ယ်ယူဝတ်ဆင်ချင်သည်ကို သူမက သိရှိခဲ့သည်။ ထိုအချက်က ခေါင်းပေါင်းများဖန်တီးရန် ရရှိသည့် အတွေးလည်း ဖြစ်ခဲ့သည်။ အခုလက်ရှိတွင် Happy Turan ဟုခေါ်သည့် သီးသန့် ခေါင်းပေါင်းအဆင်ဒီဇိုင်းတစ်ခု သူမတွင် ရှိနေပြီဖြစ်သည်။ ထူးခြားသည့် ပုံစံများဖြင့် ဖန်တီးထားသော အဆိုပါခေါင်းပေါင်းများကို မွတ်စလင်များတင်မဟုတ်ဘဲ မွတ်စလင်မဟုတ်သူများအကြားတွင်ပင် ရေပန်းစားနေသည်။

သို့သော်လည်း အဆိုပါ ခေါင်းဆောင်းပုဝါများကိုသာ အလ်ဒီဘီက ဒီဇိုင်းထုတ်သည်မဟုတ်။

“မွတ်စလင်ဖက်ရှင်သမားတွေအတွက် သင့်တော်တဲ့ အ၀တ်အစားတွေကိုလည်း ကျွန်မ ဖန်တီးပါတယ်” ဟု အလ်ဒီဘီက ပြောကြားခဲ့သည်။

သို့သော်လည်း သူမ၏ ဖန်တီမှုများမှာ လွယ်လွယ်နှင့် ပေါက်ခဲ့သည်မဟုတ်။

“ကျွန်မလုပ်နေတာတွေကို လူတွေလက်ခံလာဖို့ နှစ်တော်တော် ကြာခဲ့ပါတယ်”

၂၀၀၁ ခုနှစ်တွင် ခေတ်ပေါ်မွတ်စလင်ဖက်ရှင်အား စတင်ဖော်ထုတ်ခဲ့သည့်အချိန်က ရင်ဆိုင်ခဲ့ရသည့် ဝေဖန်မှုများကိုလည်း သူမက ပြန်ပြာင်းပြောပြသည်။ သူမကိုဝေဖန်သူများက အုပ်စုနှစ်စုဖြစ်ပြီး မွတ်စလင်များနှင့် ဆွီဒင်အမျိုးသားရေးဝါဒီများဖြစ်သည်။

၎င်း၏ တီထွင်ဆန်းသစ်မှုများကို မနှစ်မြို့သည့် မွတ်စလင်အချို့နှင့်ပတ်သက်၍ အလ်ဒီဘီက “ဥရောပကိုရောက်လာတဲ့ မွတ်စလင်အချို့က ဖယ်ကျဉ်ခံရမှုကို ခံစားနေရတယ်လို့ ကျွန်မ ထင်ပါတယ်။ ပြီးတော့ သူတို့ရဲ့ ယဉ်ကျေးမှုနဲ့ ဘာသာတရား ကဏ္ဍတိုင်းကိုလည်း တတ်နိုင်သမျှ လက်မလွှတ်ချင်ကြဘူး။ အဲဒီလို လက်လွှတ်လိုက်ရပြီဆိုရင် ဆုံးရှုံးသွားတယ်လို့ သူတို့ ခံစားရပါတယ်” ဟု ပြောကြားခဲ့သည်။

သို့သော်လည်း သူမအား သံသယမျက်စိဖြင့် ကြည့်ကြသူများကို အလ်ဒီဘီက အနိုင်ယူခဲ့သည်။

“တစ်ချိန်က ကျွန်မကို တော်တော်ဝေဖန်ခဲ့ကြတဲ့သူတွေဟာ ဒီနေ့မှာတော့ ကျွန်မဖောက်သည်တွေ ဖြစ်နေပါပြီ” ဟု သူမက ဖွင့်ဟခဲ့သည်။

၉/၁၁ တိုက်ခိုက်မှု နောက်ပိုင်းတွင် အလှည့်အပြောင်းတစ်ခု ဖြစ်လာခဲ့သည်ဟု အလ်ဒီဘီက ဆိုသည်။

မွတ်စလင်များအပေါ် ရန်လိုတိုက်ခိုက်မှုများ မြင့်တက်လာခဲ့ပြီး ဟီဂျဘ်ပုဝါ ၀တ်ဆင်ထားသည့် အမျိုးသမီးများမှာလည်း မလုံမခြုံ ခံစားရလာသည်။ တစ်ချို့က ဟီဂျဘ်အား မ၀တ်ဆင်တော့ရန် ရွေးချယ်ခဲ့သည်။ အလ်ဒီဘီကဲ့သို့ အခြားသူများကတော့ အဆိုပါဟီဂျဘ်ကို ခေတ်မီဆန်းသစ်အောင် ဆောင်ရွက်ကြလေတော့သည်။

အလ်ဒီဘီအတွက် ထိုသို့ဆောင်ရွက်ခြင်းက ဖက်ရှင်ဒီဇိုင်း တီထွင်ဖန်တီးခြင်းထက်ကို ပိုလေသည်။ ယခင်က ဆွီဒင်တွင် ၀တ်စားဆင်ယင်မှုနှင့် စပ်လျဉ်း၍ သတ်မှတ်ထားသည့် စည်းမျဉ်းစည်းကမ်းများကြောင့် မွတ်စလင်အမျိုးသမီးများမှာ အလုပ်လျှောက်ရာတွင် မည်မျှ အခက်အခဲနှင့် ရင်ဆိုင်ရသည်ကို သူမက ရှင်းပြခဲ့သည်။

သို့သော်လည်း ရဲတပ်ဖွဲ့ဝင် မွတ်စလင်အမျိုးသမီးများ ၀တ်ဆင်ရန်အတွက် ယူနီဖောင်း ဟီဂျဘ်ပုဝါကို ဖန်တီးရန် ၂၀၀၇ ခုနှစ်တွင် ဆွီဒင်ရဲတပ်ဖွဲ့က အလ်ဒီဘီအား တာဝန်ပေးခဲ့သည်။ ယခုအချိန်တွင်တော့ သူမ၏ ဟီဂျဘ်ပုဝါ ဒီဇိုင်းက ဆွီဒင်မွတ်စလင်ရဲမေများအတွက် ယူနီဖောင်းအဖြစ် အသုံးပြုနေပြီဖြစ်သည်။ ထို့ပြင် ဆွီဒင်စစ်တပ်၊ မီးသတ်၊ ဆေးဘက်ဆိုင်ရာနှင့် ဆေးရုံများတွင် အသုံးပြုရန်အတွက် ဟီဂျဘ်ပုဝါကိုလည်း သူမပင် ဒီဇိုင်းဆွဲ ဖန်တီးနေသည်။

“မွတ်စလင်တွေအပေါ်မှာရှိနေတဲ့ မကောင်းမြင်မှုတွေကို ဖယ်ရှားဖို့အတွက် ကျွန်မက ဖက်ရှင်ကို လက်နက်တစ်ခုအဖြစ် အသုံးချပါတယ်။ မွတ်စလင်အမျိုးသမီးတွေဟာ ဖိနှိပ်ခံနေရတယ်ဆိုတဲ့ အနောက်တိုင်းက မြင်နေတဲ့ပုံရိပ်နဲ့၊ အဲဒီပုံရိပ်ကြောင့် မွတ်စလင်အမျိုးသမီးတွေ လူ့အဖွဲ့အစည်းကနေ ကင်းကွာသွားတာကိုလည်း ကျွန်မ တွန်းလှန်ချင်ပါတယ်။ ကျွန်မတို့ဟာ လုပ်နိုင်တယ်၊ မလုပ်နိုင်ဘူးဆိုတာကို လူ့အဖွဲ့အစည်းက သတ်မှတ်တာမျိုးထက် အဖြေရှာဖွေခြင်းအားဖြင့် လူ့အဖွဲ့အစည်းမှာ ထူခြားမှုတစ်ခုကို လုပ်ဆောင်ဖို့ ကျွန်မ ကြိုးစားခဲ့ပါတယ်”

ဖက်ရှင်ဖြင့်ပြောင်းလဲခြင်း
———————————
သူမ၏ ကြိုးပမ်းမှုက လူတိုင်းအပေါ်တွင်တော့ လွှမ်းမိုးနိုင်းခြင်းမရှိ။ မွတ်စလင်ဖက်ရှင်များကို ခေတ်မီအောင် ဖန်တီးမှုကို ရှေးရိုးစွဲ မွတ်စလင်များနှင့် ဆွီဒင်လက်ယာစွန်းရောက်များက မကြိုက်လှ။

“၂၀၁၁ ကစလို့ ဆွီဒင်အမျိုးသားရေးဝါဒီတွေက ကျွန်မကိုဦးတည်တဲ့ အမုန်းတရားဖြန့်ဖြူးမှုကို လုပ်ဆောင်ကြပြီး ခြိမ်ခြောက်တာမျိုးတွေလည်း ရှိပါတယ်”

ဖုန်း၊ မက်ဆေ့ခ်ျ၊ Facebook၊ အီးမေးလ်ဖြင့်လည်းကောင်း ၎င်း၏ ဘလော့ဂ်တွင် မှတ်ချက်ရေးခြင်းဖြင့် လည်းကောင်း အလ်ဒီဘီက ခြိမ်းခြောက်မှုများစွာကို ခံခဲ့ရသည်။

“သတိထားနေ ခင်ဗျားအိမ်ရဲ့ ၀ရန်တာမှာရပ်နေရင်း ခြေချော်ကျသေသွားမယ်။ ဘာမှတ်နေလဲ” ဟူသော မှတ်ချက်များလည်း ပါသည်။

အချို့သော အင်တာနက်စကားဝိုင်းများတွင် အလ်ဒီဘီမှာ အသက်ရှင်ရန် မထိုက်တန်ဟုပင် ဆွေးနွေးမှုများ ရှိခဲ့သည်။ မွတ်စလင်ရဲမေများအတွက် ဟီဂျဘ်ပုဝါဒီဇိုင်း အပ်နှံခံရပြီးနောက်ပိုင်းတွင် ခြိမ်းခြောက်မှုက ပိုမိုများပြားလာသည်ဟု သူမက ပြောကြားခဲ့သည်။ သို့သော်လည်း အလ်ဒီဘီတစ်ယောက် ဆိတ်ဆိတ်သာ နေခဲ့လေသည်။

“ဆွီဒင်ရဲတပ်ဖွဲ့မှာ ဟီဂျဘ်ပုဝါ ၀တ်ဆင်ထားတဲ့ မွတ်စလင်အမျိးသမီးတွေကို တွေ့မြင်ရတဲ့အတွက် သိပ်ကိုဂုဏ်ယူပြီး အရမ်းလည်း လေးစားအားကျပါတယ်။ တစ်ခုခုမှာ စွန့်ဦးလုပ်ဆောင်သူဖြစ်ဖို့ဆိုတာ သိပ်တော့မလွယ်ပါဘူး။ တာဝန်ခံမှုက အရမ်းကြီးတယ်။ ဒါပေမယ့် ကျွန်မတို့ မဖြစ်မနေလုပ်ရပါမယ်”

ယနေ့တွင်တော့ အလ်ဒီဘီ၏ Haute Couture ခေါင်းပေါင်းများကို ဆွီဒင်ရှိ နာမည်ကြီးကုန်တိုက်များတွင် ရောင်းချနေပြီဖြစ်သည်။ သူမက ယူကေဈေးကွက်ကို ထိုးဖောက်ရန် မျှော်လင့်နေသည်။

“အခုအချိန်မှာ ကျွန်မရဲ့အ၀တ်အစားတွေ၊ ခေါင်းပေါင်းတွေကို ဘာသာပေါင်းစုံက၊ မျိုးရိုးပေါင်းစုံက အမျိုးသမီးတွေ ၀တ်ဆင်နေကြ ပါတယ်။ တစ်ချို့တွေက အဲဒီခေါင်းပေါင်းတွေကို စုဆောင်းကြတယ်။ ဖိနှိပ်ချုပ်ချယ်မှု အရာတစ်ခုလို့ ရှုမြင်နေရာကနေ နှစ်ခြိုက်စရာ ဖက်ရှင်တစ်ခုအဖြစ် ပြောင်းလဲသွားတာမျိုးကို တွေ့ရတာဟာ သိပ်ကို စိတ်ဝင်စားစရာကောင်းပါတယ်” ဟု သူမက ထပ်လောင်းပြောကြားခဲ့သည်။

ဟီဂျဘ်ပုဝါ ၀တ်ဆင်သည့် မွတ်စလင်အမျိုးသမီးများမှာ ၎င်းတို့၏ ၀တ်စားဆင်ယင်မှုကို မပြောင်းလဲဘဲ ဖက်ရှင်လုပ်ငန်းနှင့် အခြားသောလုပ်းငန်များတွင် ၀င်ရောက်လုပ်ကိုင်လာနိုင်ပြီဟု အလ်ဒီဘီက ၀န်ခံပြောကြားခဲ့သည်။

သို့သော်လည်း သူမက “လူတိုင်းဟာ ကိုယ့်အထုပ်ကိုယ်ထမ်း ကိုယ့်လမ်းကိုယ် လျှောက်ရတာပါပဲ။ ဆွီဒင်မှာ အရာရာတိုင်း ပြောင်းလဲသွားမယ့် နောက်နှစ် ၁၀၀ လောက်ကို ကျွန်မ မစောင့်နိုင်ပါဘူး။ ပြောင်းလဲမှုအချို့ကို ကျွန်မ လုပ်ခဲ့ရတယ်။ ပြီးတော့ ကျွန်မအတွက် အလုပ်ဖြစ်မယ့် အဖြေတွေကို ရှာဖွေခဲ့ရပါတယ်” ဟု ပြောကြားခဲ့သည်။

“ကျွန်မဟာ မိန်းမဆန်တယ်လို့ ခံစားရပြီး အရောင်းအသွေးစုံတဲ့၊ သဘာပတ်ဝန်းကျင်နဲ့ လိုက်လျောညီထွေမှုရှိတဲ့ အ၀တ်အစားတွေကို ၀တ်ချင်တယ်။ ဒါ့ကြောင့် ကျွန်မ အဲဒါတွေကို တီထွင်ဖန်တီးခဲ့ပါတယ်” ဟု ဥရောပအမျိုးသမီးငယ်အဖြစ် စတိုင်ကျမှုအတွက် သူမ၏ ဆန္ဒကို ပြောပြခဲ့သည်။

“ပြသနာတွေကို ဖြေရှင်းဖို့၊ မွတ်စလင်အမျိုးသမီးတွေ အလုပ်ခွင် ပိုဝင်ရေးကို ခွင်ပြုဖို့အတွက် နိုင်ငံရေးနည်းလမ်းအရ အဖြေရှာဖို့ အချိန်တော်ကြာမယ်ဆိုတာ ကျွန်မ စောစောပိုင်းကတည်းက သတိပြုမိခဲ့ပါတယ်။ ဖက်ရှင်ကနေ တစ်ဆင့် ပြဿနာ တော်တေ်ာများများကို ဖြေရှင်းနိုင်မယ်၊ လူ့အဖွဲ့အစည်းမှာ ပိုမိုဝင်ဆံ့လာနိုင်မယ်လို့လည်း ကျွန်မ ခံစားမိပါတယ်”

“ဖက်ရှင်ဟာ အနုပညာဖြစ်တယ်။ အနုပညာဟာ အပြုသဘောဆောင်ပြီး (မွတ်စလင်အမျိုးသမီးတွေဟာ) ဖိနှိပ်ခံနေရတယ်ဆိုတာ့ တစ်လွဲယူဆချက်တွေကိုလည်း ချေဖျက်မောင်းထုတ်နိုင်ပါတယ်။ ကျွန်မကတော့ ဆက်ပြီး အ၀တ်အစားတွေကို ဖန်တီးသွားချင်ပါတယ်။ ဒါက လူတွေအတွက် အခွင့်အလမ်းတွေ ပြောင်းလဲမှုတွေကို ဆောင်ကျဉ်းပေးလာပါလိမ့်မယ်”

ref:Al Jazeera

December 4, 2015
ဦးသန်းရွှေနှင့် ဒေါ်အောင်ဆန်းစုကြည် တွေ့ဆုံကြောင်း BBC ပြော

ဒီဇင်ဘာ ၄ ၊ ၂၀၁၅

လွန်ခဲ့သည့် ၁၂ နှစ် အရင် ၂၀၀၃ ခုနှစ်က ဗိုလ်ချူပ်မှူးကြီး သန်းရွှေနှင့် ဒေါ်အောင်ဆန်းစုကြည်တို့ တွေ့ဆုံခဲ့စဉ် Photo-AFP

ယခင် စစ်ခေါင်းဆောင်ဟောင်း အငြိမ်းစား ဗိုလ်ချူပ်မှူးကြီး သန်းရွှေနှင့် ဒေါ်အောင်ဆန်းစုကြည်တို့ ဒီကနေ့ နေ့လည် ၁ နာရီက နေပြည်တော် စစ်ရုံးမှာ တွေ့ဆုံခဲ့ကြောင်း သတင်းတွေ ထွက်နေတယ်လို့ ဒီကနေ့ ည ထုတ်လွှင့်တဲ့ BBC ရဲ့ သတင်း အရသိရပါတယ်။

ဒေါ်အောင်ဆန်းစုကြည်နှင့် မတွေ့ဆုံခင် ဦးသန်းရွှေနှင့် ပြည်ထောင်စု လွှတ်တော် နာယက သူရဦးရွှေမန်းတို့ တွေ့ဆုံခဲ့တယ်လို့ သတင်းတွေ ထွက်ကြောင်း BBC သတင်းမှာ ပြောပါတယ်။

NLD ထိပ်တန်းခေါင်းဆောင်တွေကို ဆက်သွယ်ရာမှာတော့ တွေ့ဆုံတဲ့ သတင်းကို ငြင်းပယ်ခြင်းမရှိပေမယ့် အတည်ပြုပြောခွင့် မရှိဘူးလို့ BBC ကပြောပါတယ်။

December 4, 2015
ကမ္ဘာချစ် စိတ်ဓာတ်နှင့် လူသားဝါဒ

ဒီဇင်ဘာ ၃ ၊ ၂၀၁၅
ဂျက်ဖရီတင်အုန်း ( ရန်ကုန်စက်မှုတက္ကသိုလ် R.I.T)

လူနှင့်တိရစ္ဆာန်ကွဲပြားခြားနားခြင်းသည် အသိဥာဏ်ပညာ၊ ဆင်ခြင်တုံတရားဖြစ်သည်။ အကြောင်းနှင့်အ ကျိုး၊ အကောင်းနှင့်အဆိုး၊ အမှားနှင့်အမှန်ကို ဝေဖန်ပိုင်းခြားနိုင်သော စွမ်းအား၊ တိရစ္ဆာန်တွင် မရှိပါ။ လူတွင်ရှိသည်။

လူအချို့တွင် အယူအဆအမျိုးမျိုး၊ အတွေးအခေါ်အမျိုးမျိုး၊ ဘာသာအယူဝါဒ၊ ဓလေ့ထုံးစံ၊ ယဉ်ကျေးမှု၊ ဘာသာစကား အမျိုးမျိုးရှိသည်။ ထို့ကြောင့် လူရှိလျှင် ပြဿနာရှိကောင်းရှိနိုင်သည်။ ပြဿနာရှိလျှင်၊ ဆင်ခြင်ဥာဏ်နှင့် မဖြေရှင်းပဲ ဒေါသရှေ့ထား၊ စိတ်လိုက်မာန်ပါ၊ ပြုလုပ်မိပါက ရာဇ၀တ်မှုတစ်ခုခုကို ကျူးလွန်မိပေမည်။ ကျူးလွန်သူကို အရေးယူ အပြစ်ပေးနိုင်ရန်၊ တရားဥပဒေရှိသည်။ ကျူးလွန်သည့် အမှုပေါ် မူတည်၍ ငွေဒဏ်၊ ထောင်ဒဏ်၊ သေဒဏ် စသည်ဖြင့် တရားဥပဒေ စိုးမိုးရေးအတွက် ကျူးလွန်သူတိုင်းကို အရေးယူ အပြစ်ပေးနိုင်ရန်၊ နိုင်ငံတိုင်းမှာ တရားဥပဒေ ရှိပြီးဖြစ်သည်။

ဥပဒေသည် နိုင်ငံသားတို့၏ အသက်အိုးအိမ်၊ စည်းစိမ်ကို ကာကွယ်ရာတွင် “မဟာတံတိုင်းတစ်ခုသဖွယ်” ဖြစ်သည်။ အားကိုးရာ မိဘသဖွယ်ဖြစ်သည်။ ဥပဒေနှင့်ပတ်သက်၍ ပြည်သူ့လွှတ်တော်ဥက္ကဌ သူရရွှေမန်း က “ဥပဒေရဲ့အထက်မှာ ဘယ်သူမျှမရှိစေရ” ဟူ၍ မြန်မာနိုင်ငံ၏ တရားရေးဝန်ထမ်းများအား မှာကြားခဲ့ ဖူးသည်။

တရားဥပဒေသည် အုပ်ချုပ်သူအစိုးရနှင့် အုပ်ချုပ်ခံပြည်သူလူထုအပေါ် လွှမ်းမိုးမှုရှိရမည်။ ဩဇာသက် ရောက်မှုရှိရမည်။ အသက်ဝင်မှုရှိရမည်။ ကမ္ဘာပေါ်တွင် အင်အားအကြီးဆုံးနိုင်ငံတစ်ခုအနေဖြင့်၊ ကမ္ဘာ အလယ် နှစ်(၇၀)မျှ ဦးဆောင်နိုင်ခဲ့သော အမေရိကန်နိုင်ငံတွင် သမ္မတ ဘစ်လ်ကလင်တန်သည် အိမ်ဖြူတော် White House ၀န်ထမ်းမော်နီတာ လူဝစ်စကီးဆိုသူ အမျိုးသမီးနှင့် လိင်ကိစ္စတရားစွဲ ခံရ၍သမ္မတကိုယ်တိုင် အာဏာရှိစဉ်အတွင်း တရားရုံးကို သွားခဲ့သည်။ ကမ္ဘာ့အင်းအားအကြီးဆုံးနိုင်ငံ
အမေရိကန်သမ္မတကြီးလည်း တရားရုံးတော်ကို လေးစားသည်။ ဥပဒေကို လေးစားသည်ကို ကမ္ဘာ့တလွှားနိုင်ငံခေါင်းဆောင်များ အတုယူသင့်သည်။

ယဉ်ကျေးသောနိုင်ငံ၊ ယဉ်ကျေးသောလူ့အဖွဲ့အစည်းတိုင်းသည် တရားဥပဒေကို လေးစားသည်။ တရား ဥပဒေ၏အကာအကွယ်ကို ရယူသည်။ တရားရေးဝန်ထမ်းများသည်လည်း၊ တရားစီရင်ရာ၌ ဆင်းရဲချမ်းသာမကြည့် အာဏာ power ကိုမကြည့်၊ တရားမျှတမှု (Justice) ကိုသာကြည့်သည်။

အတိတ်ဟောင်း၊ စနစ်ဟောင်းမှ လူသားများသည် “အင်အားသည် အမှန်တရား” (Might is Right) ဟု လွှဲမှားစွာ လက်ခံယုံကြည်ခဲ့ကြသည်။ အင်အားရှိသူ၊ အာဏာရှိသူတို့က၊ အင်အားချို့တဲ့သူ အာဏာမဲ့သူ တို့အပေါ်၊ အနိုင်ကျင့်၊ ဗိုလ်ကျ၊ လုယက်တိုက်ခိုက်၊ သိမ်းပိုက်ရာမှ၊ အရသာတွေ့သွားကာ ပဒေသရာဇ်စ နစ်၊ အာဏာရှင်စနစ်တို့ ကမ္ဘာတလွှားပေါ်ပေါက်ခဲ့ကြသည်။

ယနေ့ကမ္ဘာပေါ်တွင် နိုင်ငံပေါင်း ၂၃၀ ကျော်ရှိသည်။ ကမ္ဘာ့ကုလသမဂ္ဂအဖွဲ့ဝင်နိုင်ငံပေါင်း ၂၀၀ နီးပါးရှိ သည်။ ဖွံ့ဖြိုးတိုးတက်သောနိုင်ငံများတွင် စစ်အာဏာရှင်များ အုပ်ချုပ်သော တိုင်းပြည်များ မပါသလောက် ဖြစ်သည်။ ဥပမာပြရလျှင် မြောက်ကိုရီးယားနိုင်ငံ၊ ကျူးဘားနိုင်ငံနှင့် ဇင်ဘာဘွေ၊ ဆူဒန် စသည့်နိုင်ငံများကို လေ့လာတွေ့ရှိနိုင်သည်။

ကမ္ဘာ့ Media များ၏ ကျေးဇူးကြောင့် ကမ္ဘာ့ပြည်သူလူထုသည် လူထုကိုအခြေခံသော လူထုကတင် မြှောက်ရွေးကောက်သော ဒီမိုကရေစီစနစ်အရသာကို မြည်းစမ်းမိကြသည်။ လိုလားတောင့်တ လာကြသည်။ ထို့ကြောင့်လည်း အဖိနှပ်ခံ ကမ္ဘာတ၀န်းမှ ပြည်သူလူထုသည် အသက်သွေး၊ ချွေးတို့ကို စွန့်လွှတ် အနစ်နာခံကာ၊ ဒီမိုကရေစီ ပန်းတိုင်အတွက် တိုက်ပွဲဝင်ခဲ့ကြသည်။

ဒီမိုကရေစီစနစ်တွင် “အမှန်တရားသည် အင်အား” (Right is Might) ဖြစ်သည်။ လူဖြူ၊ လူမဲ၊ ဘာသာအယူဝါဒ၊ ဆင်းရဲချမ်းသာ မည်မျှပင် ကွဲပြားခြားနားပါစေ လူထုရွေးကောက်ပွဲများတွင် “အသည်းကြားက မဲတစ်ပြား” သည် အရေးပါလာသည်။ သက်ဆိုင်ရာဒီမိုကရက်တစ် အစိုးရများသည်၊ ပြည်သူလူထု၏ဆန္ဒကို အလေးထားရသည်။ သို့သော်လည်း ဥာဏ်နီ၊ ဥာဏ်နက်၊ ကလိမ်ကကျစ်၊ ဥာဏ်ဆင်သုံးပြီး မဲလိမ်၊ မဲခိုး၊ ကြိုတင်မဲ စသည်ဖြင့် လူထု၏ဆန္ဒကို ဥပက္ခာပြုကာ၊ လူထု၏ခုံကို အချောင်လုထိုင်ချင်သူ၊ ထင်ရာစိုင်း ရာဇ၀င်ရိုင်းအောင် ပြုလုပ်နေသည့် အာဏာရှင်များလည်း၊ ကမ္ဘာတ၀န်းမှာ ကျန်နေသေးသည်။

၂၀၁၃ ခုနှစ်၊ ဇူလိုင်လတွင်၊ ဇင်ဘာဘွေ အာဏာရှင် ရောဘတ်မူဂါဘီ၏အတွင်းရေးများကို လူမှုရေးကွန်ရက် Facebook ပေါ်တွင် ဖော်ထုတ်တင်ပြမှုကြောင့်၊ ထိုအာဏာရှင်ကြီးသည် အကြီးအကျယ်ဒေါသအိုးပေါက်ကွဲကာ Post တင်သူအား ဖော်ထုတ်ပေးနိုင်သူအား ဆုငွေ အမေရိကန်ဒေါ်လာ ၃ သိန်းပေးမည်ဟု ဆုငွေထုတ်ခဲ့သည်။ ထို့ကြောင့် အာဏာရှင်များသည် Media ကိုကြောက်ကြသည်။ ဥာဏ်နီ၊ ဥာဏ်နက် မီးကုန်ယမ်းကုန်သုံး၍ Media ကိုထိန်းချုပ်ဖို့ ကြိုးစားကြသည်။

Media ကြောင့်လည်း ၎င်းတို့၏ အဓမ္မလုပ်ရပ်သည် “ဘူးပေါ်သလို” ပေါ်ခဲ့သည်။ ယနေ့လူထုသည် Media ကိုအားပေးသည်။ အားကိုးသည်။ Media သည်လူထုအတွက် နားမျက်စိ ဖြစ်လာသည်။ ထို့ကြောင့်လည်းMedia ကို နိုင်ငံ၏စတုတ္ထမဏ္ဍိုင် ဟုတင်စားပြောဆိုကြခြင်းဖြစ်သည်။ Media ကြောင့် ယနေ့ကမ္ဘာကြီး သည် ရွာပုံစံ (Globalization) မြင်လာရသည်။

ကမ္ဘာပေါ်ရှိ ဘာသာတရားများကို စေ့စေ့စပ်စပ်လေ့လာကြည့်လျှင် မည်သည့်ဘာသာတရားကမျှ အစွန်းရောက်သူများ (Extremists)၊ အကြမ်းဖက်သူများ (terrorists)ကို လုံးဝအားပေးခြင်း မရှိကြောင်း တွေ့ရသည်။ ဘာသာတရားတိုင်းသည် ယုံကြည်သူတိုင်းကို လိမ္မာယဉ်ကျေးအောင် အကျင့်စာရိတ္တကောင်းမွန်အောင် လောဘ၊ ဒေါသ၊ မောဟတို့ကို ထိန်းချုပ်နိုင်အောင် သင်ကြားပေးသည်။ မယုတ်၊ မလွန်၊ အလယ်၊ အလတ် လမ်းစဉ်သည် လောကလူအားလုံးအတွက် အကောင်းဆုံးဖြစ်ကြောင်းကို သင်ကြားပေးသည်။

လူမျိုးရေး၊ ဘာသာရေးမှာ အစွန်းရောက်လျှင် လူ့ဘောင်အဖွဲ့အစည်း၏ အပြင်ဖက်ကို ရောက်သွားတက်သည်။ လူမျိုးစွဲ ဘာသာစွဲ အစွန်းရောက်မှိုင်းမိနေသူများသည် “စိတ်ရောဂါဝေဒနာရှင်များနှင့် တူသည်”ဟု ကမ္ဘာကျော် အမေရိကန်စိတ်ပညာပါရဂူတစ်ဦးက မိန့်ဆိုခဲ့ဖူးသည်။ ထိုသူများကို ဘာသာရေး၊ နိုင်ငံရေး”အဆိပ်မှိုင်းများ” သွတ်သွင်းရန် အလွန်လွယ်ကူသည်။ ထိုသူများသည် ထိလွယ်၊ ရှလွယ်၊ ခံစားလွယ်တက်ပြီး၊ ငြိမ်းချမ်းရေးလမ်းစဉ်နှင့် ကင်းဝေးတတ်သည်ဟု ထိုပညာရှင်ကြီးက မှတ်ချက်ချ ပြောဆိုခဲ့ပါသည်။

ကမ္ဘာပေါ်တွင် စီးပွားရေး၊ လူမှုရေး၊ နိုင်ငံရေးဆိုင်ရာ အစည်းအဝေးများ၊ ဆွေးနွေးပွဲများ အမျိုးမျိုးရှိသည့်အနက်စေ့စပ်၊ ဆွေးနွေး၊ အဖြေရှာသည့် ငြိမ်းချမ်းရေး ဆွေးနွေးပွဲများသည် အချိန်အကြာဆုံးပွဲစဉ် ဖြစ်ကြောင်းတွေ့ရမည်။ နှစ်ဦးနှစ်ဘက် အလျော့၊ အတင်း၊ အပေး၊ အယူဖြင့်သာ “ငြိမ်းချမ်းရေးပန်းတိုင်” ကို ရောက်နိုင်သည်။ လောဘ၊ ဒေါသ၊ မောဟ၊ မာန်မာန၊ အတ္တစိတ်များ ပါဝင်လာပါက ငြိမ်းချမ်းရေးကို အဟန့်အတား ဖြစ်စေမည်။

ယနေ့ကမ္ဘာပေါ်တွင် လူဦးရေ သန်းပေါင်း ၇၀၀၀ ကျော်ရှိသည်။ လူမျိုးပေါင်း ၅၀၀၀ ကျော်ရှိသည်။ ဘာသာစကားပေါင်း ၆၀၀၀ ကျော်ရှိသည်။ အရှေ့တောင် အာရှတွင် လူဦးရေ အများဆုံး သန်း ၂၀၀ ကျော် ရှိသည့် အင်ဒိုနီးရှားနိုင်ငံတွင် ပြောဆိုသုံးစွဲသည့် ဘာသာစကား ၂၅၀ ကျော်ရှိသည်ကို ထောက်ရှုလျှင် တိုင်းရင်းသား မျိုးနွယ်ပေါင်း မြောက်မြားစွာ နေထိုင်လျက်ရှိသည် သိနိုင်သည်။

B.B.C အသံလွှင့်ဌာန၏ မှတ်တမ်းအရ ကမ္ဘာ့လူဦးရေ၏ သန်းပေါင်း ၂၀၀၀ ကျော်သည် ခရစ်ယာန်ဘာသာကို သက်ဝင်ယုံကြည်ကြသည်။ သန်းပေါင်း ၁၆၀၀ ကျော်သည် အစ္စလာမ်ဘာသာကို သက်ဝင်ယုံကြည်ကြသည်။ သန်းပေါင်း ၈၀၀ ကျော်သည် ဟိန္ဒူဘာသာကို သက်ဝင်ယုံကြည်သည်။ သန်းပေါင်း ၅၀၀ ကျော်သည် ဗုဒ္ဓဘာသာကို သက်ဝင်ယုံကြည်ကြသည်။ မည်သည့်ဘာသာကိုမျှ သက်ဝင်ယုံကြည်ခြင်းမရှိသည့်သူပေါင်း သန်း ၈၀၀ ကျော် ရှိသည်။ ဂျူးဘာသာ၊ ဆစ်ခ်ဘာသာ၊ ဂျိန်းဘာသာ၊ ကွန်ဖြူးရှပ်ဝါဒနှင့် နတ်ကိုးကွယ်သည့်သူများလည်း ဒုနဲ့ဒေးရှိသည်။

လူမျိုး၊ ဘာသာ၊ ရိုးရာအစဉ်အလာ ယဉ်ကျေးမှု မတူကွဲပြားခြင်း (Diversity) ကို “ငါနှင့်မတူ ငါ့ရန်သူ” ဟု မျက်မှန်စိမ်းတပ် ကြည့်နေမည့်အစား “မတူကွဲပြားခြားနားခြင်းကို” အင်အားတစ်ရပ် အလှအပတစ်ရပ်၊ ဂုဏ်ယူဖွယ်ရာတစ်ခုအနေနှင့် အသုံးချသင့်ပါတယ်ဟု ၂၀၁၂ခုနှစ်၊ နိုဝင်ဘာလ ၁၉ ရက်နေ့တွင် မြန်မာနိုင်ငံကို ချစ်ကြည်ရေးအလည်အပတ်ရောက်ရှိစဉ် အမေရိကန်သမ္မတ ဘာရက်အိုဘားမားက ရန်ကုန်တက္ကသိုလ်ဘွဲ့နှင်းသဘင်ခန်းမတွင် သမိုင်းဝင် မိန့်ခွန်းတစ်ခုမြွက်ကြားခဲ့ပါတယ်။ ထိုအခမ်းအနားကို ငြိမ်းချမ်းရေးနိုဘယ်ဆုရှင် လူထုခေါင်းဆောင် ဒေါ်အောင်ဆန်းစုကြည်၊ သီတဂူ ဆရာတော်ကြီး ဒေါက်တာ အရှင်ညာနိသရ၊ “၈၈” မျိုးဆက်ပွင့်လင်း လူ့အဖွဲ့အစည်းတို့ တက်ရောက်ခဲ့ကြသည်။

လူတစ်ယောက်တွင် လက်ချောင်းငါးမတူကွဲပြား၊ ပုံသဏ္ဍာန်ရှိနေခြင်းသည် လက်တွေ့တွင် အသုံးတည့်ခြင်းကိုဖြစ်စေသည်။ သဘာဝကျသည်။ အဓိပ္ပါယ်ရှိသည်။ “ငြိမ်းချမ်းရေး၊ စမ်းရေအေးအေးကို သောက်သုံးလိုလျှင် ကမ္ဘာပြည်သူလူထုသည် လူသားဝါဒ(Humanism) ကို ကျင့်သုံးဆောက်တည်ရမည်။ လူသားဝါဒဟူသည် လောကတွင် လူကို လူလိုမြင်၊ လူလူချင်း တန်ဖိုးထားဆက်ဆံသည့် လမ်းစဉ်ဖြစ်သည်။နိုဘယ်ဆုရှင် ကမ္ဘာကျော် ရူပဗေဒပညာရှင်ကြီး ပါမောက္ခ အိုင်းစတိုင်းက “အကြမ်းဖက်ခြင်းသည် အကြမ်းဖက်ခြင်းကို ဖြစ်စေသည်။” (Violence breeds Violence) ဟု ပြောခဲ့ဖူးသည်။

ထို့ကြောင့် နေရာဒေသတစ်ခုတွင် မတူကွဲပြားခြားနားသည့် လူများ ထာဝရအတူ ယှဉ်တွဲနေထိုင်လိုလျှင်တစ်ဦးနှင့်တစ်ဦးပြင်ပ ပရောဂများ၊ သွေးထိုးလှုံ့ဆော်မှုများ၊ သံသယများကို အသိနှင့်ယှဉ်ပြီး လက်ခံရမည်။ ဘာသာအယူဝါဒ၊ ဓလေ့ထုံးစံမတူကွဲပြားသူများ အချင်းချင်း ပွင့်လင်းမှုရှိရမည်။ နားလည်မှုရှိရမည်။ အပြန်အလှန် လေးစားချစ်ခင်မှုရှိရမည်။ ဘာသာပေါင်းစုံ ချစ်ကြည်ရေးပွဲများ၊ ဆွေးနွေးပွဲများ ကျင်းပခြင်း၊ဘာသာရေးခေါင်းဆောင်များ ဦးဆောင်၍ လူထုတရားပွဲများကို စုပေါင်းကျင်းပခြင်းသည် ပွင့်လင်းမြင်သာမှုကို ဖြစ်စေပြီး ဘာသာရေး ပဋိပက္ခများကို ဖြေရှင်းပေးနိုင်သည်။

“သည်းခံခွင့်လွှတ်ခြင်းသည် နိဗ္ဓာန်၏ သော့ကိုပိုင်ဆိုင်ခြင်း “(Patience is the key of paradise) ဖြစ် သည်။ အကောင်းဆုံးသော ကလဲ့စားချေခြင်းသည် သည်းခံခွင့်လွှတ်ခြင်း (The best revenge is forgiveness) ဖြစ်သည်ဟူသော ဘာသာရေး အဆုံးအမများသည် ကမ္ဘာကြီးကို ငြိမ်းချမ်းစေသောငြိမ်းချမ်းရေး တရားများ ဖြစ်ကြသည်။ ငြိမ်းချမ်းရေးတရားများကို လက်ကိုင်ထားပြီး၊ လူသားအချင်းချင်း၊လူသား ၀ါဒကို ကျင့်သုံးမည်။ လူပီသအောင် နေထိုင်ကြမည်။ “မိမိကြောင့် ကမ္ဘာကြီး၏ ရေ၊ မြေ၊ လေ၊တော၊ တောင်၊ သဘာဝအလှတရားများ (Natural Beauty) ဘယ်တော့မှ မပျက်စီးစေရ” ဟူသော စိတ်ဓာတ်မျိုး ကမ္ဘာချစ်စိတ်ဓာတ် (Global spirit) လူတိုင်းရင်မှာ ထားနိုင်လျှင်၊ ကမ္ဘာကြီးကို ခြိမ်းခြောက်နေသော အစွန်းရောက်ဝါဒ (Extremism) အကြမ်းဖက်ဝါဒ (Terrorism) များ အနှေးနှင့် အမြန်ပပျောက်သွားပြီး၊ သာယာဝပြောသော ငြိမ်းချမ်းသောကမ္ဘာကြီးတစ်ခုကို မုချဧကန် တည်ဆောက်နိုင်ပေမည်။

ဆောင်းပါးရှင် ဂျက်ဖရီတင်အုန်း ( ရန်ကုန်စက်မှုတက္ကသိုလ် R.I.T) ပေးပို့လာသည့် ဆောင်းပါးဖြစ်ပါသည်။

December 3, 2015