Author: editor

နိုဝင်ဘာ ၅ ၊ ၂၀၁၅
M-Media

– မတူညီသော လူ့အဖွဲအစည်းမှ လူများကို ညဘက်တွင် မည်သည့်အကြောင်းမှ မရှိဘဲ တိုက်ခိုက်မှုများက ပြီးခဲ့သည့် သီတင်းပတ် အနည်းငယ်တွင် မွန်ပြည်နည်၏ မြို့တော် မော်လမြိုင်အား ခြောက်ခြားစေခဲ့လေသည်။ လူ့အဖွဲ့အစည်း ခေါင်းဆောင်များကတော့ ထို တိုက်ခိုက်မှုများမှာ နိုဝင်ဘာ ၈ ရက် ရွေးကောက်ပွဲရှိနေချိန်တွင် လူမျိုးရေး တင်းမာမှုများဖြစ်စေရန် ကြိုးပမ်းမှုဖြစ်မည်ကို စိုးရိမ်နေကြသည်။

အသက် ၂၀ ကျော်ရှိပြီဖြစ်သည့် ဟိန္ဒူ အမျိုးသား ပေါင်းပေါင်းက ၎င်းနှင့် ညီအစ်ကိုနှစ်ယောက်မှာ စက်တင်ဘာ ၂၆ ရက်နေ့ညပိုင်း လက်ဖက်ရည်ဆိုင်၌ ဘောလုံးပွဲကြည့်ပြီး ကမ်းနားလမ်း အတိုင်း အိမ်သို့ လမ်းလျှောက်ပြန်လာစဉ် အမျိုးသားအချို့က ၎င်းတို့အား ရုတ်တရက် ရိုက်နှက်ခဲ့သည်ဟု ဆိုသည်။

“သူတို့က ‘ခွေးမသား ကုလား’ လို့ ဆဲပြီး ကျွန်တော်တို့ကို ရိုက်ပါတယ်။ ကျွန်တော်တို့က ဟိန္ဒူ တွေပါ၊ မွတ်စလင် မဟုတ်ပါဘူးလို့ ပြောပေမယ့် သူတို့ နား မထောင်ကြပါဘူး” ဟု ပြောကြားခဲ့သည်။ ‘ကုလား’ ဟူသော စကားလုံးမှာ မြန်မာနိုင်ငံတွင် တောင်အာရှနွယ်ဖွားများအား နှိမ့်ချခေါ်ဝေါ်သည့် စကားလုံးဖြစ်သည်။ ပေါင်းပေါင်းတစ်ယောက် ဦးခေါင်းတွင် ဟက်တက်ကွဲသွားပြီး အချက် ၂၀ ချုပ်ခဲ့ရလေသည်။

“ဒါက တစ်ခါတစ်ရံ ကမ်းနားလမ်းမှာ တိုက်ခိုက်တတ်တဲ့ ပုံမှန်ဂိုဏ်းမျိုး မဟုတ်ပါဘူး။ သူတို့ဟာ တော်တော်လေး အစီအစဉ်တကျ ရှိပုံရပါတယ်”

မော်လမြိုင်ရှိ မိသားစုထံသို့ ရန်ကုန်မှ လာရောက် လည်ပတ်သော မွတ်စလင်တစ်ဦးဖြစ်သည့် အသက် ၂၅ နှစ်အရွယ် ငြိမ်ထွေးမှာ ထိုညတွင်ပင် ဈေးချိုဈေးကြီးကို ဖြတ်၍ သူယ်ချင်းတစ်ယောက်နှင့် ကားမောင်းသွားစဉ် ၎င်းတို့ရှေ့၌ မော်တော်ဆိုင်ကယ်တစ်စီး၏ ပိတ်ရပ်မှုကို ခံခဲ့ရလေသည်။

“အဲဒီနောက်မှာ မော်တော်ဆိုင်ကယ် ၁၀ စီးလောက်က အမျိုးသား ၂၀ လောက်ဟာ ကျွန်တော်တို့ကို အနောက်ကနေ ငှက်ကြီးတောင်ဓားတွေ၊ သံပိုက်တွေနဲ့ တိုက်ခိုက်ပါတယ်။ သူတို့ကို ကျွန်တော် အရင်က မမြင်ဖူးဘူးဗျ” ဟု ငြိမ်းထွေးက ၎င်းကြုံတွေ့ခဲ့ရသည့် အဖြစ်အပျက်ကို ပြန်ပြောင်း ပြောပြလေသည်။ ထိုတိုက်ခိုက်မှုအတွင်း ၎င်းမှာ သတိလစ်ခဲ့သည်။ သတိမလစ်ခင် ၎င်းအနောက်မှ လိုက်လာသည့် ဗုဒ္ဓဘာသာ သူငယ်ချင်းများကို တိုက်ခိုက်သူများက “မင်းတို့ ဗုဒ္ဓဘာသာဆို ဘေးဖယ်နေ။ ငါတို့က ကုလားတွေကိုရိုက်တာ” ဟု ပြောကြားသည့်အသံကို ၎င်းက ကြားခဲ့ရလေသည်။ တိုက်ခိုက်မှုကြောင့် ငြိမ်ထွေးတစ်ယောက် လက်ကျိုးခဲ့ပြီး ၎င်း၏ သူငယ်ချင်းကတော့ ဦးခေါင်းတွင် ဒဏ်ရာရရှိခဲ့လေသည်။

ရွေးကောက်ပွဲ မဲဆွယ်မှု ကာလအတွင်း မြန်မာနိုင်ငံရှိ လူများစု ဗုဒ္ဓဘာသာဝင်များနှင့် လူနည်းစု အစ္စလာမ် ဘာသာဝင်များအကြား တင်းမာမှုအရှိန်မှာ မြင့်တက်လာခဲ့သည်။ ဝေဖန်သူများကမူ မြန်မာနိုင်ငံမှ အချို့သော နိုင်ငံရေးပါတီများမှာ မဲရရှိရေးအတွက် အစွန်းရောက်ဘုန်းကြီး ဦးဆောင်သည့် မဘသအဖွဲ့ကို လူသိရှင်ကြားပင် ထောက်ခံကြသည်ဟု ပြောကြားခဲ့သည်။

လူမျိုးရေးပဋိပက္ခဖြစ်ရန် လှုံ့ဆော်နေသည့်အဖွဲ့
————————————————-
တောင်အာရှနွယ်ဖွားများသာ တိုက်ခိုက်မှုကို ခံရသည်မဟုတ်။ အောက်တိုဘာလ အစောပိုင်းကလည်း မော်လမြိုင်ကို ဖြတ်၍ စီးဆင်းနေသော သံလွင်မြစ်တစ်လျှောက်တွင် အရက်သောက်နေကြသည့် ကျောင်းသား ၁၀ ယောက်ဝန်းကျင်ခန့်နှင့် အမည်မသိ အုပ်စုအကြား တိုက်ခိုက်မှုတစ်ခု ဖြစ်ပွားခဲ့သည်။

မော်လမြိုင်တက္ကသိုလ် ကျောင်းသားများသမဂ္ဂ ဥက္ကဌ မင်းဟန် တာလာမွန်ကမူ  တိုက်ခိုက်မှုကြောင့် ဆေးရုံတက် လိုက်ရသည့် ကျောင်းသားတစ်ဦးအား သွားရောက်ကြည့်ရှုခဲ့သည်။

“အဲဒီအုပ်စုကလူတွေဟာ လူငယ်တွေကို ကျောက်ခဲတွေနဲ့ပစ်ပြီး ရန်စတာပေါ့ဗျာ။ ပြဿနာလည်းဖြစ်ရော တုတ်တွေဓားတွေ တစ်ဝင့်ဝင့်နဲ့ နောက်ထပ် လူ ၃၀ ကျော်လောက် ထပ်ရောက်လာတယ်။ အဲဒီနောက် သူတို့တွေက မော်တော်ဆိုင်ကယ်တွေနဲ့ ထွက်ပြေးသွားပါတယ်” ဟု မင်းဟန်က ပြောကြားခဲ့သည်။

“မွတ်စလင်တစ်ယောက် အီးဒ်နေ့မှာ အရိုက်ခံရပါတယ်။ နောက်တစ်နေ့မှာပဲ ဗုဒ္ဓဘာသာဝင်တွေ တိုက်ခိုက်ခံရပါတယ်။ ဒါ့ကြောင့် မြို့ထဲက ဗုဒ္ဓဘာသာနဲ့ မွတ်လင်တွေက ဒါဟာ အုပ်စုတစ်စုက လူမျိုးရေး ပဋိပက္ခဖြစ်အောင် လှုံ့ဆော်ဖို့ ကြိုးစားနေတယ်လို့ သံသယဖြစ်နေပါတယ်”

မော်လမြိုင်မှ ဂီတပညာရှင် တစ်ယောက်ဖြစ်သူ ဇင်မျိုးကလည်း အောက်တိုဘာ ၂၂ ရက်နေ့တွင် ဒေသခံအသွင် ဆောင်လာသူတစ်ဦး၏ တိုက်ခိုက်မှုကို ခံခဲ့ရသည်။

“ရပ်ကွက်အုပ်ချုပ်ရေးမှူးရုံးရောက်တော့ သူက ကျွန်တော့်ကို ကုလားထင်လို့ ရိုက်တယ်လို့ ပြောပါတယ်။ နောက်ပြီး မဘသက တစ်ယောက်ယောက်ကို ဖုန်းဆက်ဖို့လည်း သူက ပြောပါတယ်။ ဒါပေမယ့် ရဲစခန်းရောက်တော့ ဒါမျိုး မပြောတော့ပါဘူး” ဟု အိန္ဒိ-ဗမာနွယ်ဖွား ဇင်မျိုးက ပြောကြားခဲ့သည်။

ပြည်တွင်း ဘာသာပေါင်းစုံ ချစ်ကျည်ရေးအဖွဲ့ဖြစ်သော လူငယ်နှင့် လူမှုသဟဇာတဖြစ်ရေးစင်တာမှ ပရိုဂရမ်ဒါရိုက်တာ အောင်ကိုကိုက “ဒါတွေဟာ စနစ်တကျကိုလုပ်တဲ့ ကိစ္စတွေပါ။ ချမ်းသာကြွယ်ဝတဲ့သူတွေနဲ့ အာဏာရှိတဲ့သူတွေက ဒီအုပ်စုတွေကို ထောက်ပံ့နေတယ်လို့ သံသယရှိပါတယ်”

လူမျိုးစုံသည့်မြို့မှ မဘသရုံးခန်း
———————————
လူဦးရေ သုံးသိန်းခန့်နေထိုင်သည့် မော်လမြိုင်မြို့မှာ ဘာသာ၊ လူမျိုးပေါင်းစုံ သဟာဇာတဖြစ်စွာ နေုထိုင်သည့် ရှည်လျားသော သမိုင်းကြောင်းရှိသည့် မြို့ဖြစ်သည်။ ကိုလိုနီလက်ထက်ကတည်းက ရှိခဲ့သည့် မြို့လယ်ကောင်တွင် မွတ်စလင်နှင့် ဟိန္ဒူလူဦးရေ အများအပြားရှိပြီး ဗုဒ္ဓဘာသာဝင် မွန်လူမျိုးများ၊ ဗမာလူမျိုးများနှင့် အတူတကွ ယှဉ်တွဲ နေထိုင်နေကြသည်။

ထိုမြို့က အမျိုးသားရေးလှုပ်ရှားနေသည့် မဘသအဖွဲ့၏ ခြေကုပ်ဖြစ်ပြီး၊ မဘသ၏ အထွေထွေ အတွင်းရေးမှူးဖြစ်သူ ၀ီမလ ဗူဒီကဲ့သို့ အန္တရာယ်ရှိသည့် ဘုန်းကြီးအချို့ နေထိုင်သီတင်းသုံးသော ကျောင်းတိုက်များရှိရာ မြို့လည်း ဖြစ်သည်။

ထိုအုပ်စုများက မွတ်စလင်ဆန့်ကျင်ရေး သဘောထားကို လေပင့်ပေးနေပြီး မကြာသေးမီက ပြုလုပ်ခဲ့သည့် မဲဆွယ်မှုများအတွင်း အာဏာရပါတီအား ပွင့်ပွင့်လင်းလင်း ထောက်ခံခဲ့သည့် အုပ်စုများလည်း ဖြစ်သည်။

၂၀၁၂ ခုနှစ်ကတည်းက မြန်မာနိုင်ငံ အနောက်ဖက်နှင့် အလယ်ပိုင်းတို့တွင် ဗုဒ္ဓဘာသာဝင်များနှင့် တိုင်းပြည်လူဦးရေ ၅၁ သန်းတွင် ၅ ရာခိုင်နှုန်းမျှရှိသော မွတ်စလင်များအကြား လူမျိုးရေး အကြမ်းဖက်မှုများ ဖြစ်ပွားခဲ့သည်။ ထိုအကြမ်းဖက်မှုများကြောင့် လူ ထောင်သောင်းချီ အိုးအိမ်စွန့်ခွာ ထွက်ပြေးခဲ့ရပြီး အများစုမှာ မွတ်စလင်များဖြစ်သည်။

အစွန်းရောက် ဗုဒ္ဓဘာသာဝင်များ ရှိနေသော်လည်း မော်လမြိုင်တွင် ယခုအချိန်အထိ အကြမ်းဖက်တိုက်ခိုက်မှုများ မဖြစ်သေး။ သို့သော်လည်း မဘသအဖွဲ့က အမုန်းတရား လှုံ့ဆော်မှုကို အရှိန်မြှင့်လာခဲ့ပြီး အချို့သော နိုင်ငံရေးပါတီများကလည်း မဘသအဖွဲ့အား ၀န်းရံနေကာ လူမျိုးရေး တင်းမာမှုများမှာလည်း မြင့်တက်လာခဲ့လေသည်။

ပြီးခဲ့သည့် သီတင်းပတ် အနည်းငယ်အတွင်းက မဘသအဖွဲ့မှာ အမျိုစောင့်ဥပဒေ အောင်ပွဲကို ခြိမ့်ခြိမ့်သဲ ကျင်းပခဲ့ပြီး အာာဏာရ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီမှ အဖွဲ့ဝင်များလည်း ထိုအခမ်းအနားသို့ တက်ရောက်ခဲ့ကြသည်။

အထောက်အပံ့ ကောင်းကောင်းရထားသော သမ္မတ အကြံပေးဟောင်း နေဇင်လတ်၏ အမျိုးသား တိုးတက်ရေးပါတီက အောက်တိုဘာ ၁၂ ရက်နေ့တွင် ချီတက်လမ်းလျှောက်မှုတစ်ခုကို ပြုလုပ်ခဲ့ပြီး အစွန်းရောက် ဗုဒ္ဓဘာသာဘုန်းကြီး ဒါဇင်နှင့်ချီ၍ တက်ရောက်ခဲ့ကြသည်။ နေဇင်လတ်၏ မိန့်ခွန်းတွင် “မိမိတို့၏ အမျိုးဘာသာ သာသနာကို ထိန်းသိမ်းစောင့်ရှောက်ရေး” အတွက် တိုက်တွန်း ဆော်သြခဲ့လေသည်။

သဟဇာတဖြစ်မှုကို ထိန်းသိမ်းသူများ ရှိနေ
—————————————-
မြန်မာနိုင်ငံတွင် ဖြစ်ပွားခဲ့သော အကြမ်းဖက်တိုက်ခိုက်မှုများတွင် မငြိမ်မသက်မှုကို တားဆီးရန် အာဏာပိုင်များအနေဖြင့် ထိထိရောက်ရောက် ဆောင်ရွက်ခြင်းမရှိဟု စွပ်စွဲခံခဲ့ရသည်။

ပေါင်းပေါင်းက ၎င်းတိုက်ခိုက်ခံရမှုအတွက် မော်လမြိုင်ရဲစခန်းတွင် တိုင်ကြားရန် ကြိုးစားခဲ့သော်လည်း ရဲအရာရှိများက တိုင်ချက်ကို လက်မခံဟု ဆိုသည်။

“အဲဒီနေ့က ရဲတွေလည်း ရှိနေပါတယ်။ ဘာ့ကြောင့် ကျွန်တော့်ရဲ့တိုင်ချက်ကို လက်မခံတာလဲ။ ဒီတိုက်ခိုက်မှုတွေ ဆက်ဖြစ်လာအုံးမယ်ဆိုတာ သူတို့ သိနေလို့လား” ဟု ပေါင်းပေါင်းက မေးခွန်းထုတ်ခဲ့လေသည်။

ရဲစခန်းရှိ အမည်ပြောပြရန် ငြင်းဆိုခဲ့သော တာဝန်ကျ တပ်ဖွဲ့ဝင်တစ်ဦးက ထိုအဖြစ်အပျက်များနှင့် ပတ်သက်၍ အာဏာပိုင်များမှာ သင့်လျော်သည့် ဆောင်ရွက်မှုများကို ပြုလုပ်နေသည်ဟုသာ ပြောကြားခဲ့သည်။

“ကျွန်တော်တို့ သတင်းအချက်အလက်အချို့ ရခဲ့ပြီး လူမျိုးရေးအကြမ်းဖက်မှုတွေ မဖြစ်အောင် လုံခြုံရေးဆိုင်ရာ ဆောင်ရွက်မှုတွေ လုပ်ဆောင်နေပါတယ်” ဟု အဆိုပါရဲတပ်ဖွဲ့ဝင်က ပြောကြားခဲ့ပြီး ပေါင်းပေါင်း၏ တိုင်ချက်အား လက်ခံရန် ငြင်းဆိုခဲ့သည်ဆိုသောအချက်မှာ မဟုတ်မှတ်၏ ၎င်းက ပြောကြားခဲ့သည်။

မွန်ပြည်နယ် အစ္စလာမ့်ရေးရာကောင်စီမှ အသက် ၈၀ အရွယ် တာဝန်ရှိသူ ဦးအုန်းသောင်းက မော်လမြိုင်မြို့ရှိ လူ့အဖွဲ့အစည်းခေါင်းဆောင် များမှာ သဟဇာတဖြစ်ရေး စွမ်းစွမ်းတမံ ကြိုးစားနေခြင်းကြောင့် မော်လမြိုင်၌ လူမျိုးရေး အကြမ်းဖက်မှု ကြီးကြီးမားမား မဖြစ်ခဲ့ခြင်းဟု ယုံကြည်နေသည်။

“အရင်က ဘာသာရေးပဋိပက္ခတွေ ဖြစ်တော့မယ့် အခါတိုင်း ကျွန်တော်တို့ဟာ ထေရ်ကြီးဝါကြီး ဘုန်းတော်ကြီးတွေကို ပင့်ဖိတ်ပြီး အဓိကရုန်းတွေ တားဆီးဖို့ အကြံဥာဏ်တွေ ယူခဲ့ပါတယ်။ ဒါ့ကြောင့် မတူညီတဲ့ ဘာသာတရားတွေကြားမှာ ငြိမ်းချမ်းစွာ အတူယှဉ်တွဲနေထိုင်မှုကို ကျွန်တော်တို့ ထိန်းသိမ်းနိုင်ခဲ့ပါတယ်။ ပြီးတော့ အခွင့်အခါသင့်ရင်လည်း မဘသနဲ့ ဆွေးနွေးဖို့ ကျွန်တော်တို့ စီစဉ်ထားပါတယ်။ ဒီနိုင်ငံမှာမွေးတဲ့သူတွေအားလုံးဟာ နိုင်ငံသားတွေအဖြစ်၊ လူသားတွေအဖြစ် ဒီနိုင်ငံမှာနေ၊ ဒီနိုင်ငံမှာပဲ သေရမယ်ဆိုတာ မြင်တတ်ဖို့ အရေးကြီးပါတယ်”

Myanmar Now သတင်းဌာနတွင် ဖော်ပြခဲ့သည့် As polls near, attacks in Mon State raise fears of communal violence သတင်းဆောင်းပါးကို လေးမောင် ဆီလျော်အောင် ပြန်ဆိုသည်။