Author: editor

နိုင်ငံတော်အတိုင်ပင်ခံနဲ့ ကနေဒါဝန်ကြီးချုပ် ရခိုင်အရေးဆွေးနွေး

အာဆီယံနဲ့ ဆက်စပ် ထိပ်သီးညီလာခံတွေ တက်ရောက်ဖို့ ဗီယက်နမ်နိုင်ငံမှာ ရောက်နေတဲ့ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ဟာ ကနေဒါဝန်ကြီးချုပ် Justin Trudeau နဲ့ သီးသန့်တွေ့ဆုံပြီး၊ ရခိုင်ပြည်နယ်အရေး ဆွေးနွေးခဲ့ကြပါတယ်။ အာရှ-ပဖိစိဖိတ် စီးပွားရေး ပူးပေါင်းဆောင်ရွက်မှု (APEC) ထိပ်သီးညီလာခံ ကျင်းပမယ့် Da Nang မြို့က ဒီကနေ့ သီးသန့်တွေ့ဆုံမှုအတွင်း၊ ရခိုင်ပြည်နယ် အကျပ်အတည်း ဖြေရှင်းရေးနဲ့ ပတ်သက်လို့ သဘောထားအမြင်တွေကို ဖလှယ်ခဲ့ကြောင်း နိုင်ငံတော် အတိုင်ပင်ခံပုဂ္ဂိုလ်ရုံးက သတင်းထုတ်ပြန်ခဲ့တာပါ။

ရခိုင်ပြည်နယ်မှာ လူသားချင်းစာနာထောက်ထားမှု အကူအညီပေးရေး၊ ပြန်လည်ထူထောင်ရေး၊ နေရာချထားရေး၊ နိုင်ငံသား စိစစ်ရေးနဲ့ ကျန်းမာရေး၊ ပညာရေး အပါအ၀င် ဖွံ့ဖြိုးတိုးတက်ရေး လုပ်ငန်းတွေနဲ့ ပတ်သက်လို့ မြန်မာအစိုးရရဲ့ ဆောင်ရွက်ချက်တွေကိုလည်း ဆွေးနွေးခဲ့ကြပါတယ်။

မြန်မာနိုင်ငံ ရခိုင်ပြည်နယ်က တကျော့ပြန် အကြမ်းဖက်မှုတွေကြောင့် အိမ်နီးချင်း ဘင်္ဂလားဒေ့ရှ် နိုင်ငံကို ရိုဟင်ဂျာ ဒုက္ခသည် ၆ သိန်းကျော် ထွက်ပြေးရတဲ့အထိ ပြဿနာပေါ်နေရတဲ့အပေါ် ကုလသမဂ္ဂ အပါအ၀င် နိုင်ငံတကာက ဖိအားတွေ ဆက်လက် ထွက်ပေါ်နေချိန်မှာပဲ နိုင်ငံတကာ ခေါင်းဆောင်တွေပါ ရောက်ရှိနေတဲ့ ထိပ်သီး ညီလာခံတွေ တက်ရောက်ဖို့ ဒေါ်အောင်ဆန်းစုကြည် ရောက်ရှိလာခဲ့တာပါ။

အမေရိကန် သမ္မတ Donald Trump အပါအ၀င် နိုင်ငံတကာနဲ့ ဒေသတွင်းက ခေါင်းဆောင်တွေပါ ရောက်နေကြတဲ့ ညီလာခံတွေမှာ နိုင်ငံတကာ အသိုင်းအ၀န်းက အာရုံစိုက်နေတဲ့ ရခိုင်ပြည်နယ်အရေး ဆွေးနွေးဖြစ်လိမ့်မယ်လို့ မျှော်လင့်နေချိန်မှာပဲ ကနေဒါဝန်ကြီးချုပ်နဲ့ သီးခြားတွေ့ဆုံခဲ့တာလည်း ဖြစ်ပါတယ်။

ဒီကနေ့ ဗီယက်နမ်နိုင်ငံက တွေ့ဆုံမှုအတွင်းမှာတော့ ဒေါ်အောင်ဆန်းစုကြည်နဲ့အတူ အမျိုးသားလုံခြုံရေးဆိုင်ရာ အကြံပေးပုဂ္ဂိုလ် ဦးသောင်းထွန်း၊ နိုင်ငံခြားရေးဝန်ကြီးဌာန ဒုတိယဝန်ကြီး ဦးကျော်တင်တို့ အပါအ၀င် မြန်မာအစိုးရ အဆင့်မြင့် တာဝန်ရှိသူတွေ ပါဝင်ခဲ့ကြသလို၊ ကနေဒါနိုင်ငံဘက်ကတော့ ၀န်ကြီးချုပ် Trudeau အပြင်၊ နိုင်ငံခြားရေးဝန်ကြီး Chrystia Freeland မြန်မာနိုင်ငံဆိုင်ရာ အထူးသံတမန် Bob Rae အပါအ၀င် တာဝန်ရှိသူတွေလည်း ပါဝင်ဆွေးနွေးခဲ့ကြကြောင်း နိုင်ငံတော် အတိုင်ပင်ခံပုဂ္ဂိုလ်ရုံး သတင်းထုတ်ပြန်ချက်မှာ ဖော်ပြထားပါတယ်။

VOA မှ ကူးယူဖော်ပြပါသည်။

November 11, 2017
ကျွန်ုပ်သာ နိုင်ငံတော်၏ အတိုင်ပင်ခံပုဂ္ဂိုလ် အကြံပေးဖြစ်လာခဲ့ရင်

သြစတြေးလျနိုင်ငံ ၊ ဆစ်ဒနီမြို့တွင် 2017 ခုနှစ်က ကျင်းပပြုလုပ်ခဲ့သော ဒေါ်အောင်ဆန်းစုကြည်၏ မွေးနေ့ပွဲအခမ်းအနား၌ တွေ့ရသည့် ဆောင်းပါးရှင် ဒေါက်တာသိန်းမိုးဝင်း

ဆယ်စုနှစ်များစွာ အစစအရာရာ ယိုယွင်းခဲ့ရသည့် အမိတိုင်းပြည် နိုင်ငံတကာစာမျက်နှာမှာ အလျင်အမြန်နေရာယူဖို့ရာ ရေရှည်၊ရေတို စီမံကိန်းများချမှတ် အကောင်အထည်ဖော်ရန် လိုအပ်သည်ဆိုသည်မှာ ကျွန်ပ်လိုပဲ ပြည်သူတိုင်း နားလည်သဘောပေါက်ပါလိမ့်မည်။ “တစ်နေ့တစ်လံ ပုဂံဘယ်ရွေ့မလဲ” ဆိုသည့်ဆိုရိုးနှင့် အညီ မည်သည့်စီမံကိန်းမဆို စဆောင်-လိုပြောင်း လုပ်ရင်း အကောင်းဖက်သို့ ဦးတည်ရန်ကြိုးစားရမည်သာ။

စာရေးသူ ကျွန်တော် ၈၈၈၈-အရေးတော်ပုံကြီးနှင့် ရန်ကုန်စက်မှုတက္ကသိုလ်ကျောင်းသားအဖြစ် ၁၉၉၆- ကျောင်းသားအရေးတော်ပုံတို့ကို ဖြတ်သန်းခဲ့ဖူးတယ်။ အခြေခံလူတန်းစား ဘ၀သမားမို့ “ငါ့သားကို ပညာအမွေသာပေးနိုင်တယ် ကြိုးစားသား” ဆိုတဲ့ အမေ့စကားရိပ်အောက် စွမ်းစွမ်းတမံကြိုးစားရင်း ဒီကနေ့ နိုင်ငံတကာကျောင်းတော်ကြီးတွေမှ အင်ဂျင်နီယာ ပါရဂူဘွဲ့အထိ စွတ်ခူးခဲ့လေပြီ။ ကျောင်းတော်ကြီးတွေပိတ်၊ ပညာရေးစနစ်တွေယိုင်၊ လူမှုဘ၀တွေကျဆင်းလာရင်း တိုင်းပြည်အရာရာ ချွတ်ခြုံကြသွားနေသည့်အတွက် မိမိတို့ ပညာရေး၊ စားဝတ်နေရေး၊ ဘ၀တိုးတက်ရေးတွေအတွက် နိုင်ငံတကာသို့ထွက် ဘ၀တိုးတက်အောင် ကြိုးစားနေကြရသည့် မြန်မာတွေ သိန်းဂဏန်းခံ့ရှိနိုင်သည်။ မိမိတို့ရောက်ရှိရာ နိုင်ငံရပ်ခြားတွင် နေထိုင်ကြိုးစားနေခြင်းကြောင့် ထိုတိုင်းပြည်များ ဖွံ့ဖြိုးတိုးတက်ရေး တစ်ခမ်းတစ်ကဏ္ဍ အကျိူးသက်ရောက်မှု ရှိနေပေမယ့် မြန်မာပြည်အတွက်တော့ ထိုပညာရှင်မျိူးစုံ လက်လွတ်ဆုံးရှုံးရသည့် (Brain Drain) အတွက် လွန်စွာ နစ်နာလှပေသည်။

ပြည်ပရောက်မြန်မာတွေ အမိမြေကို ချစ်ကြသည်မှာမလွှဲ။ အမိတိုင်းပြည်ကို တိုးတက်စေချင်ကြသလို မိမိတတ်ကျွမ်းရာ နိုင်ငံရပ်ခြား ပညာ-လုပ်ငန်းအတွေ့အကြုံများ တစ်ပွေတစ်ပိုက်နှင့် လာရောက် အကျိူးပြုလိုကြသည် မှာလဲ အသေအချာ။ သို့သော် ဒေသတွင်း တည်ငြိမ်မှုလျော့ပါးခြင်း၊ တရားဥပဒေစိုးမိုးမှု အားနည်းခြင်း၊ သာတူညီမျှပူးပေါင်းဆောင်ရွက်နိုင်မည့် အခွင့်အလမ်းများ နည်းနေသေးခြင်း၊ ခွဲခြားဆက်ဆံမှုတွေ အလျင်းမပျောက်သေးခြင်း စသည်တို့သည် နိုင်ငံ့ပညာရှင်များအတွက် များစွာအဟန့်အတား ဖြစ်နေသေးသည်။ “တရုတ်ပြည် ပြန်လည်ထူထောင်ရေးနှင့် နိုင်ငံခြားရောက် တရုတ်ပညာရှင်များ၏ အရေးပါပုံ” သည် လေ့လာအပ်သော သမိုင်းဥပမာတစ်ခုဖြစ်သည်။ ဖွံ့ဖြိုးဆဲအဆင့်ကိုရောက်ရန် ကြိုးစားဖြတ်သန်းနေရသည့် အမိမြန်မာပြည်ကြီး နိုင်ငံတကာ့အလယ်မှာ ရင်ကော့ခေါင်းမော့ရင်း “တို့မြန်မာ” ဆိုသည့် ဂုဏ်ကို အမြန်ဆုံး ရစေချင်လှပြီ။ ဒီ့အတွက် စဉ်းစားမိသည့် အတွေးတစ်ခုက- အကယ်၍များ ကျွန်ုပ်သာ နိုင်ငံတော် အတိုင်ပင်ခံပုဂ္ဂိုလ်၏ အကြံပေးဖြစ်လာရလျှင်….တိုင်းပြည်အတွက် ဘာအကြံကောင်းများ ပေးနိုင်မည်နည်း….ပေါ့။ အကြံကောင်းဆိုသည့်အပိုင်းမှာ ၃-ပိုင်း ဆွေးနွေးပါမည်။

၁) ၀န်ထမ်း အခန်းကဏ္ဍ

ဝန်ထမ်းတိုင်း ငါတို့သည် ပြည်သူ့ဆန်စားနေသည့် အကျိူးပြုဝန်ထမ်းကောင်းများ အစဉ်ဖြစ်နေရမည်။ ဤခံယူချက်နှင့်အညီ ပြောဆိုဆက်ဆံ ၀န်ဆောင်မှုပေးရာတွင်လည်း ပြည်သူ့ဘ၀တွေ တိုးတက်စေရေးကိုသာ ရှေ့ရှုလုပ်ဆောင်ရန်လိုအပ်သည်။ “ရေမြင့်လေ ကြာတင့်လေ” ဆိုသည့်စကားအတိုင်း ပြည်သူ့ဘ၀တွေတိုးတက်မှ ၀န်ထမ်းတို့သိက္ခာလှစေမည်ကို မမေ့အပ်ပေ။ အထပ်တစ်ရာမြင့် အဆောက်အအုံတည်ဆောက်ဖို့ (ဘိလပ်မြေ-အုတ်-သဲ-ကျောက်-ထုံး-သံ-ရေ)များအား အချိူးညီ ပေါင်းစပ်ပြီး မှန်ကန်သည့် နည်းပညာသုံးနိုင်မှ ဖောင်ဒေးရှင်းကောင်းဖြစ်လာနိုင်သလို တိုင်းပြည်တစ်ပြည် အနာဂတ်တိုးတက်ရန်မှာလည်း ဖောင်ဒေးရှင်းဖြစ်သည့် ပြည်သူအားလုံး၏ အယုတ်အလတ်အမြတ်မရွေး ညီညာခွန်အားများအား ပြည်သူ့ဝန်ထမ်းတို့၏ ပန်းထိမ်ဆရာသဖွယ် မှန်ကန်သည့် ၀န်ဆောင်မှု ပြုနိုင်သည့်အပေါ်မှာ မူတည်သည်။

သို့ပါ၍ ၀န်ထမ်းများ (အုပ်ချူပ်ရေး၊ တရားစီရင်ရေး၊ နယ်မြေအေးချမ်းသာယာရေး၊ ဥပဒေပြုရေး၊ စီမံခန့်ခွဲရေး၊ ကာကွယ်ရေး) ၀န်ဆောင်မှုပြုရာတွင် ပြည်သူအပေါ် ချိူသာလေးစားစွာဆက်ဆံရေး၊ ဒုက္ခ၀န်ထုပ် မဖြစ်စေရေး၊ ဘက်လိုက်-ခွဲခြားဆက်ဆံမှု ရှောင်ရှားရေး၊ ၀န်ထမ်းကျင့်ဝတ် ထိမ်းသိမ်းရေး၊ သမာသမတ်ရှိပြီး တရားမျှတရေး၊ ဥပဒေဘောင်အတွင်း နေထိုင်ကျင့်ကြံ ဆောင်ရွက်ရေး၊ မိမိကိုယ်ကျိူးထက် တိုင်းပြည်အကျိူး မျှော်ကိုးဆောင်ရွက်ရေး၊ တိုင်းပြည်နှင့် ပြည်သူ့ပေါ် သစ္စာစောင့်သိရေး၊ ၀န်ဆောင်မှုများအား မှန်ကန်စွာဖော်ဆောင်ရေး၊ ပွင့်လင်းမြင်သာမှုရှိရေး၊ ချစား ၀န်ထမ်းများအား ထိရောက်စွာဖော်ထုတ်နိုင်မည့် (Anti-Corruption Agency) ဖြင့် ပြန်လည်ထိမ်းချူပ်ရေး အစရှိသည်တို့ကို ဆောင်ရွက်ရမည်။ စင်ကာပူနိုင်ငံ၏၀န်ထမ်းများ ၀န်ဆောင်ပေးမှုသည် လေ့လာအပ်သော သာဓကတစ်ခုဖြစ်သည်။

၂) ပြည်သူ့ အခန်းကဏ္ဍ

သမိုင်းကြောင်းအရ စစ်အာဏာရှင်အောက် တိုင်းပြည်ပြန်ရောက်သွားခဲ့စဉ်က- တစ်ခါးပိတ်စီးပွားရေးဝါဒ၊ ကိုလိုနီပညာရေးစနစ်ဟု မှတ်ယူဆန့်ကျင်၊ ဓနသဟာရနိုင်ငံများ အုပ်စုမှခွဲထွက် စသည့်စီမံကိန်းများကိုသုံး တစ်သံ-တစ်မိန့်အောက် ဆယ်စုနှစ်အချိူ့ကြာ အုပ်ချူပ်ခံဘ၀ ဖြစ်လာခဲ့ရသည့်အတွက် အိမ်နီးချင်းနိုင်ငံများ ဖွံ့ဖြိုးဆဲအဆင့်သို့ တိုးတက်သွားနေချိန် မြန်မာပြည်သူတွေ၏ စိတ်ဓာတ်အတွေးခေါ်-စီးပွား-ပညာ-လူနေမှုဘ၀အစုံ ချွတ်ခြုံကျနေခဲ့ရသည်။ တိုးတက်သောနိုင်ငံများအဖို့ အယူအဆ-ဓလေ့-ကိုးကွယ်မှု-အသားအရောင် မတူကွဲပြားသည့် ဘက်ပေါင်းစုံ (rich cultural strength) ကို အင်အားစုအဖြစ် ဖန်တီးနေချိန် အမိမြန်မာပြည်အတွက်တော့ ထိုအခြေအနေရောက်ရန် အလွန်တရာ အလှမ်းဝေးနေသေးသည်။ ၂-နှစ်သားဝန်းကျင်သာ ရှိသေးသည့် လက်ရှိအစိုးရအတွက် “ဟတ်ချလောင်း”ဆိုပြီး အရာရာ မပြောင်းလဲနိုင်သေးသည်မှာ မှန်ပေမယ့် ၀န်ထမ်းဆိုင်ရာ၊ ပြည်သူဆိုင်ရာ၊ ပူးပေါင်းလုပ်ဆောင်မှုဆိုင်ရာများဟူ၍ စီမံကိန်းများချမှတ် အကောင်အထည် ဖော်ရပေတော့မည်။

၃)အစိုးရ-ပြည်သူ ပူးပေါင်းလုပ်ဆောင်ရမည့် အခန်းကဏ္ဍ

နိုင်ငံတစ်နိုင်ငံကို ပမာဆိုရလျင်- တိုင်းပြည်တိုးတက်စေမည့် “ပြည်သူတို့၏လုပ်အားသည် ပဋိပက္ခကင်း ညီညွတ်ခြင်းအပေါ်တည်” အဖြစ်စံနှုန်းမှတ်ယူကာ ပြည်သူတို့၏ စိတ်ဓာတ်-ပညာ-သဟဇာတ အစဉ်ရှိနေစေဖို့ ပညာသင်ကျောင်းများမှ လူမှုအသိုင်းအ၀န်းအားလုံးထိ အသိ-သတိ (educate, motivate, brainstorm) မြှင့်တင်ပေးသလို တစ်ဖက်မှာလည်းပဲ သာတူညီမျှ အခွင့်အရေးရရှိစေဖို့ ဥပဒေရေးရာ ထိမ်းကျောင်းမှုများ (Anti-Racism Law, Multiculturalism, Anti-Discrimination) ဖြင့် ဘောင်ခတ်ထိမ်းချူပ်ထားသည်ကို တွေ့နိုင်သည်။

မြန်မာအချိူ့ မှတ်ယူနေသည့် ဓလေ့တစ်ခုက- မိမိ၏ကိုယ်နှုတ်အမူအယာဖြင့် လူတစ်ဖက်သားအား ထိခိုက်လိုက်ခြင်းကိုပင် တစ်ဖက်သောသူ နစ်နာသွားသည်ဟု မမှတ်ယူခြင်းပင်။ ဥပမာ- ငမဲ၊ တောသား၊ ဂျပု၊ အိမ်စေ၊ လူနည်းစုဘာသာဝင်များအပေါ် ပစ်မှတ်ထား ခေါ်ဝေါ်သမုတ်မှုများ၊ မရှိဆင်းရဲသားများအား မတူမတန် ဆက်ဆံမှုများ၊ အမူအယာဖြင့် နှိမ်ချစော်ကားမှုများ၊ ဘ၀ပေးကုသိုလ်ကံကြောင့် ကိုယ်လက်အင်္ဂါချွတ်ယွင်းသူများအား ခွဲခြားဆက်ဆံအခေါ်အဝေါ်များ စသည်တို့ကို ဓလေ့တစ်ခုသဖွယ် မှတ်ယူနေခြင်းကို စိတ်မကောင်းဖွယ်ရာ တွေ့ရသည်။ သို့ဖြစ်လေရာ ပြည်သူတို့၏ စိတ်ဓာတ်-ပညာ-သဟဇာတမြှင့်တင်ခြင်း၊ ဥပဒေရေးရာ ထိမ်းချူပ်ကြိုးညှိမှုများ ပြုလုပ်ရင်း ကွာဟနေသည့် လူမှုအသိုင်းအ၀ိုင်းကို စွမ်းအင်အဖြစ်ပြောင်းလဲရန် ကြိုးစားဖို့လိုသည်။ ဤကိစ္စများတွင် ပြည်သူနှင့် နေ့တစ်ဓူဝ ထိစပ်နေသည့် သတင်းမီဒီယာ၊ အနုပညာနယ်ပယ်၊ ဘာသာပေါင်းစုံလူ့အဖွဲ့အစည်း၊ လူမှုရေး ငြိမ်းချမ်းရေး ပရဟိတအဖွဲ့စုံ၊ အစိုးရယန္တယား အစရှိသည်တို့၏ ပူးပေါင်းဆောင်ရွက်မှု လွန်စွာအရေးကြီးသည်။

တစ်ဆက်တည်းမှာပဲ “ပညာလို အိုသည်မရှိ” ဟုဆိုရာနှင့်အညီ ပြည်သူတွေကိုယ်စီ ပညာတတ်ဖို့လိုပြီ။ ဗဟုသုတပေးသည့် စာတွေဖတ်ဖို့လိုပြီ။ မိမိတို့၏ သားသမီးများအား ခေတ်ပညာအမွေ ပေးကိုပေးရမည်။ ကျောင်းပညာ မဖြစ်မနေသင်ကြားရမည့် ဥပဒေပြဌာန်းရမည်။ ပညာသင်ကြားပေးခြင်းကြောင့် မိဘပြည်သူများအတွက် ၀န်ထုပ်ဝန်ပိုးမဖြစ်စေရန် လိုအပ်သည့် ပညာရေးစရိတ်ဘတ်ဂျက်များ တိုးမြှင့် သုံးစွဲရမည်။ မိဘပြည်သူများ အရေးပေးအားကိုးရလောက်မည့် ပညာသင်ကြားခြင်းစနစ်၊ ကျက်ဖြေစနစ်မဟုတ်ဘဲ တွေးခေါ်ဆင်ခြင်လေ့လာသုံးသပ်နိုင်သည့် နိုင်ငံကြီးသုံး ပညာရေးစနစ်မျိူးကို မြှင့်တင်ရမည်။ သို့မှသာ အမှန်တရားအပေါ် ရဲရဲဝံ့ဝံ့ ရပ်တည်ဖလှယ်တတ်သော၊ ပြောရဲဆိုရဲသတ္တိခဲစိတ်ရှိသော၊ အချောက်တရားပေါ် မကြောက်တတ်သော၊ နိုင်ငံတကာနှင့် ယှဉ်ပေါင်တန်း တွေးခေါ်ဆင်ခြင် လုပ်ဆောင်တတ်သော နိုင်ငံ့အကျိူးဆောင်များစွာ ပေါ်ထွန်းလာနိုင်ပေမည်။

ဆိုတော့ကာ- နိုင်ငံတော်အတိုင်ပင်ခံပုဂ္ဂိုလ်နှင့် စာရေးသူတို့ နိုင်ငံတကာအခမ်းအနားကြီးတစ်ခုမှာ “သဟဇာတလူ့အဖွဲ့အစည်း (Harmonious Society)မှ တိုးတက်သောနိုင်ငံတော်ကြီးဆီ အရောက်လှမ်းနိုင်ရေး” ဆွေးနွေးခဲ့ဖူးသည့်အတိုင်း အထက်ဖော်ပြပါ အကြံပြုချက်များအား ဘက်ပေါင်းစုံမှ ဟန်ချက်ညီညီ ဆောင်ရွက်သွားနိုင်မှသာ တိုင်းပြည်တိုးတက်ပြောင်းလဲမှုများ သိသိသာသာပေါ်ထွန်းလာမည်သာမက “ပါတီကိုကြည့် မဲထည့်ပါ” “ပြောင်းလဲချိန်တန်ပြီ” ဆိုခဲ့သည့် စကားအားမာန်များ ၂၀၂၀-ရွေးကောက်ပွဲကာလမတိုင်မီ အကျိူးသက်ရောက်လာနိုင်မည်ဖြစ်ပါကြောင်း။

ဒေါက်တာ သိန်းမိုးဝင်း (01-Nov-2017)

The University of New South Wales, Sydney, Australia, +614 5138 9185

November 2, 2017
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး

နေပြည်တော်လွှတ်တော် အဆောက်အအုံကို ဒရုန်းနဲ့ ရိုက်ကူးဖို့ပြင်ဆင်နေချိန် ဖမ်းဆီးခံထားရတဲ့ နိုင်ငံခြားသတင်းထောက် ၂ ဦး မြန်မာနိုင်ငံသား သတင်းထောက်တစ်ဦးနဲ့ ယာဉ်မောင်းတို့ကို ဖမ်းဆီး ထားတာဟာ ၄ ရက်ရှိနေပြီး မိသားစုနဲ့တွေ့ခွင့်မရသေးပါဘူး။ ရှေ့နေနဲ့လည်း တွေ့ခွင့်မရသေးဘူးလို့ မြန်မာသတင်းထောက်ရဲ့အကျိုးဆောင်ရှေ့နေက ပြောပါတယ်။ ဖမ်းဆီးထားတဲ့သူတွေကို သွင်းကုန်ထုတ်ကုန် ဥပဒေပုဒ်မတွေနဲ့ အမှုဖွင့်ထားပါတယ်။ ဒီအကြောင်းကို ဗွီအိုအေ မြန်မာပိုင်းသတင်းထောက် ကိုထက်အောင်ခန့်ကတင်ပြပေးပါမယ်။

အောက်တိုဘာ ၂၇ ရက် မနက်ပိုင်းက နေပြည်တော် လွှတ်တော်အဆောက်အအုံအနီးမှာ အဝေးထိန်း ဒရုန်းလွှတ်တင်ရိုက်ကူးဖို့ ပြင်ဆင်နေတဲ့ တူရကီနိုင်ငံအခြေစိုက် TRT သတင်းဌာနရဲ့စင်္ကာပူရုံးခွဲက မလေးရှားနိုင်ငံသူ သတင်းထောက်အမျိုးသမီး။ စင်ကာပူနိုင်ငံသား အမျိုးသားသတင်းထောက်တို့အပြင် ဘာသာပြန်အဖြစ်လိုက်ပါသွားတဲ့ မြန်မာနိုင်ငံသား သတင်းထောက် ကိုအောင်နိုင်စိုးအပါအ၀င် ယာဉ်မောင်းတို့ကို ရဲတပ်ဖွဲ့ကဖမ်းဆီးပြီး သွင်းကုန်ထုတ်ကုန်ဥပဒေပုဒ်မ ၈ နဲ့ အမှုဖွင့်ထားပါတယ်။

ဖမ်းဆီးတာက ဒီနေ့မှာဆိုရင် ၄ ရက်ရှိနေပြီဖြစ်ပါတယ်။ ဖမ်းဆီးခံရပြီး နောက်တနေ့ စနေနေ့မှာ ချုပ်ရမန်ယူ စစ်ဆေးနေတာပါတယ်။ စစ်ဆေးနေဆဲကာလ ဖြစ်တဲ့အတွက် အပြင်လူနဲ့တွေ့ခွင့်မရဘူးလို့ အမှုကို ကူညီလိုက်ပါ ဆောင်ရွက်ပေးနေတဲ့ မြန်မာနိုင်ငံလွတ်လပ်သော ရှေ့နေများအသင်းရဲ့နေပြည်တော်တာဝန်ခံ တရားလွှတ်တော်ရှေ့နေ ဦးခင်မောင်ဇော်ကပြောပါတယ်။

“ရာဇ၀တ်တရားသူကြီးဆီကနေ ရမန်ယူထားတယ်ခင်ဗျ၊ ရမန်ယူထားတော့ ရမန်ကဘာနဲ့ ယူထားသလဲဆိုတော့ သွင်းကုန်ထုတ်ကုန်ဥပဒေ ပုဒ်မ ၈ နဲ့ ရမန်ယူထားတယ်ခင်ဗျ ။ ပြီးတာ့ ကိုအောင်နိုင်စိုးနဲ့ Taxi driver ၂ ယောက်ကို ပျဉ်းမနားရဲစခန်းအချုပ်မှာထားပါတယ်။ စင်္ကာပူ ဂျာနယ်လစ်နဲ့ မလေးရှား အမျိုးသမီးဂျာနယ်လစ်ကိုတော့ နေပြည်တော်မှာထားပါတယ်။ အမှတ်၁ ရဲစခန်းအချုပ်မှာထားပါတယ်ခင်ဗျ။ သူတို့ကအခု ရမန်ယူထားတဲ့အတွက်ကြောင့် ရမန်က သူက ၁၄ ရက် ယူလို့ရပါတယ်။ ၁၄ ရက်အတွင်းမှာတော့ ရုံးကိုပြန်ပို့ရမယ်ပေါ့လေ။ စစ်ဆေးမှုကတော့ Under investigation လို့ပြောတယ် အဲဒီအတွက်ကြောင့် အပြင်လူနဲ့ သူတို့ကို တွေ့ခွင့်မပေးသေးဘူးခင်ဗျ။”

သတင်းထောက် ကိုအောင်နိုင်စိုးနဲ့ ယာဉ်မောင်းတို့ကို အချုပ်ချထားတဲ့ အမှတ် ၅ ရဲစခန်းရဲ့ စခန်းမှူးက စုံစမ်းစစ်ဆေးမှုတွေပြုလုပ်ပြီးချိန်မှာ မိသားစုနဲ့တွေ့ဆုံခွင့်ပေးမယ်လို့ပြောကြောင်း ကိုအောင်နိုင်စိုးမိသားစု ကိုယ်စား လိုက်ပါဆောင်ရွက်ပေးနေတဲ့ ကိုရဲထူးကပြောပါတယ်။

“အမှတ် ၅ ရဲစခန်းမှူးကပြောပါတယ် သူတို့ Investigation လုပ်ပြီးတဲ့အချိန်ကျရင်တော့ ပေးတွေ့မယ် ဒါပေမယ့် အချိန်အားဖြင့်တော့ သတ်သတ်မှတ်မှတ်မပြောနိုင်သေးဘူးလို့တော့ ပြောပါတယ်။ ဒီဘက်မှာ ရမန်ယူထားတဲ့ ကာလအတွင်းမှာ စုံစမ်းစစ်ဆေးနေတယ်ဆိုတော့ သူတို့အပြင်ကို ဘာမှ ထုတ်ပြောတာမရှိသေးဘူးခင်ဗျ။”

သတင်းထောက်တွေဟာ လွှတ်တော်အဆောက်အဦးနားမှာ အဝေးထိန်း ဒရုန်းယာဉ်လွှတ်တင်ဖို့လုပ်နေစဉ် ဖမ်းဆီးခံရတာဖြစ်ပါတယ်။ ခုလို လုံခြုံရေးအထူးသတိထားတဲ့ နေရမျိုးတွေမှာ အဝေးထိန်းဒရုန်းမလွှတ်ရဆိုတဲ့ ကန့်သတ်ချက်မျိုးရှိသလားလို့ သတင်းမီဒီယာကောင်စီက ကိုမြင့်ကျော်ကိုမေးတော့

“ကျနော်က တခါမှ မကြားဖူးဘူး Drone သုံးတာ ဘယ်နေရာကန့်သတ်တယ်ဆိုတာ ။ ရွှေတဂုံဘုရားမှာတော့ ကန့်သတ်တယ်ဆိုတာက မီဒီယာတွေထဲမှာလည်းပါဖူးတယ်၊ အဲဒါတော့ကြားဖူးတယ်။ ဒါပေမယ့် လွှတ်တော်လိုနေရာမျိုးမှာ မကြားဖူးဘူး သတိ၊ အသိပေးထားတာ အဲဒါမျိုးမကြားဖူးဘူး။”

ဖမ်းဆီးခံထားရတဲ့ နိုင်ငံခြားသား သတင်းထောက် ၂ ယောက်နဲ့ပါတ်သက်လို့တော့ သက်ဆိုင်ရာ သံရုံးတွေကို အကြောင်းကြားထားတယ်လို့ မြန်မာအစိုးရက သတင်းထုတ်ပြန်ထားထားပါတယ်။ သူတို့ကို သွင်းကုန် ၊ထုတ်ကုန် ပုဒ်မ – ၈ နဲ့ဖမ်းဆီးထားတာဖြစ်ပြီး အဲဒီပုဒ်မနဲ့ အပြစ်ရှိကြောင်း တွေ့ရှိရင် ထောင်ဒဏ် ၃ နှစ်ဖြစ်စေ ငွေဒဏ်ဖြစ်စေ ကျခံရမှာဖြစ်ပါတယ်။

VOA မှ ကူးယူဖော်ပြသည်။

October 31, 2017
“ငြိမ်းချမ်းရေး ဦးတည်သည့် ဘာသာပေါင်းစုံ ဆုတောင်းပွဲ”

ဓါတ်ပုံ- ပေါ်ပျူလာမီဒီယာ

ကမ္ဘာပေါ်တွင် နိုင်ငံပေါင်း ၂၀၀ကျော် ရှိသည့်အနက် ကမ္ဘာ့ကုလသမဂ္ဂအဖွဲ့ဝင် နိုင်ငံပေါင်းမှာ ၁၉၅ နိုင်ငံသာရှိပါသည်။ ကမ္ဘာ့လူဦးရေသန်းပေါင်း ၇၀၀၀ကျော် ရှိသည့်အနက်၊ လူမျိုးနွယ်အုပ်စုပေါင်း ၅၀၀၀ကျော်ရှိပြီး ထိုလူသားမျိုးနွယ်များ၊ ပြောဆိုသုံးစွဲနေသော ဘာသာ စကားပေါင်းမှာ ၆၀၀၀ကျော်ရှိပါသည်။ အပြည်ပြည်ဆိုင်ရာ လူ့အခွင့်အရေး ကြေညာစာတမ်းအရ ကမ္ဘာ့နိုင်ငံအသီးသီးရှိ လူသားများသည် မိမိတို့ အားသန်ရာ ဘသာတရားများကို ကိုးကွယ်ယုံကြည် ကြပါသည်။ ဘာသာတရားအသီးသီးသည် လူ့ဂုဏ်သိက္ခာနှင့်ကိုယ်ကျင့်တရားများ စာရိတ္တမဏ္ဏိုင် များ ဖွံ့ဖြိုးတိုးတက်ကြံ့ခိုင်လာစေရန်နှင့် လောကီနှင့် လောကုတ္တရာ အေးချမ်းစေရာ တရားများကို သာ ညွှန်ပြလျက်ရှိပါသည်။

ကမ္ဘာ့ပေါ်ရှိ လူသားများ ယုံကြည်ကိုးကွယ်နေကြသည့် ဘာသာတရားများကို ဆန်းစစ် လေ့လာကြည့်လျှင် ခရစ်ယာန်ဘာသာဝင်များက သန်းပေါင်း၂၂၀၀ ကျော်ရှိသည်။ အစ္စလာမ် ဘာသာဝင်များက သန်းပေါင်း ၁၈၀၀ကျော်ရှိသည်။ ဟိန္ဒူဘာသာဝင်ဦးရေက သန်းပေါင်း ၁၁၅၀ ကျော်ရှိသည်။ မဟာယနနှင့်ထေရဝါဒ ဗုဒ္ဓဘသာဝင်ဦးရေက သန်းပေါင်း ၅၃၅ သန်းကျော် ရှိသည်။ မဟာယနဗုဒ္ဓဘာသာဝင်ဦးရေမှာ သန်းပေါင်း ၃၆၀ ကျော်ဖြစ်ပြီး။ ထိုင်းနိုင်ငံ၊ လာအိုနိုင်ငံ၊ ကမ္ဘောဒီးယားနိုင်ငံ၊ တောာင်ကိုးရီးယားနိုင်ငံ၊ နီပေါနိုင်ငံ၊ ထိုင်ဝမ်နိုင်ငံတို့တွင် တွေ့ရပါသည်။ ထေရဝါဒဗုဒ္ဓဘာသာကို အများစုလက်ခံယုံကြည်သည့်နိုင်ငံမှာ သီရိလင်္ကာနိုင်ငံနှင့် စာရေးသူတို့ မြန်မာနိုင်ငံဖြစ်ပါသည်။ မည်သည့်ဘာသာတရား၊ အယူဝါဒကိုမျှ လက်ခံခြင်းမရှိဘဲနေသော လူဦးရေပေါင်းမှာ သန်းပေါင်း ၁၀၀၀ကျော် ရှိနေပြီး ကမ္ဘာ့ကွန်မြူနစ်နိုင်ငံများဖြစ်သည့် တရုတ်နိုင်ငံ၊ ဗီယက်နမ်နိုင်ငံ၊ရုရှားနိုင်ငံ၊ ကျူးဘားနိုင်ငံနှင့် မြောက်ကိုးရီးယားနိုင်ငံတို့ဖြစ်ပါသည်။

ကမ္ဘာ့နိုင်ငံအသီးသီးတွင် မတူကွဲပြားသော လူမျိုးနွယ်အုပ်စုများရှိကြသည်။ ထိုသူတို့တွင် မတူကွဲပြားသော ဘာသာအယူဝါဒ၊ ဓလေ့ထုံးစံနှင့် ယဉ်ကျေးမှုများ၊ ဘာသာစကားများရှိကြသည်။

အာဆီယံအဖွဲ့ဝင် အင်ဒိုနီးရှားနိုင်ငံတွင်ပင် လူမျိုးနွယ်အုပ်စုပေါင်း ၃၀၀ကျော်ရှိသည်။ စာရေးသူတို့ မြန်မာနိုင်ငံတွင်လည်း ၁၉၈၂ခုနှစ် မြန်မာနိုင်ငံသားဥပဒေအရ မဟုတ်ဘဲ နှုတ်မိန့်ညွှန်ကြားချက်အရ ပြောဆိုရေးသားနေသော လူမျိုးနွယ်ပေါင်း ၁၃၅ မျိုးနှင့် ၂၀၁၄ ခု၊ မတ်လ ၃၀ရက်တွင် ကောက်ယူ ခဲ့သော သန်းခေါင်းစာရင်းအရ ပေါ်ထွက်လာသော လူမျိုးနွယ်ပေါင်း ၈၀၀ ကျော်ရှိနေသည်။

ထို့ကြောင့် ဘာသာပေါင်းစုံ၊ လူမျိုးပေါင်းစုံ၊ ရိုးရာဓလေ့ပေါင်းစုံ၊ ယဉ်ကျေးမှုပေါင်းစုံ ပြည့်နှက်နေသည့် ကမ္ဘာ့လှည့်ခရီးသည်များ စိတ်ဝင်စားခြင်းခံရသည့် နိုင်ငံသည် စာရေးသူတို့ မြန်မာနိုင်ငံဖြစ်လာသည်မှာ ဂုဏ်ယူဖွယ်ရာ ကောင်းလှသည်။ မတူကွဲပြားသော ပန်းအမျိုးအစား ပေါင်းစုံ စုဝေးလျက်ရှိသည့် ပန်းဥယျာဉ်ကြီးသည် လူအများ၏ စိတ်အာရုံကို ညှို့ယူဖမ်းစားနိုင်သကဲ့ သို့ပင်ဖြစ်သည်။

ကွယ်လွန်သူ ကဗျာဆရာကြီး ဦးတင်မိုး ရေးစပ်ခဲ့သလို “ဖိုးလမင်းလည်း သူ့အဆင်းနဲ့ သူ့အလင်းနဲ့၊ ပိုးစုန်းကြူးလေးလည်း သူ့အဆင်းနဲ့ အလင်းနဲ့” ဆိုသလိုပင်ဖြစ်သည်။

စာရေးသူတို့ မြန်မာနိုင်ငံသည် ခေတ်အဆက်ဆက် အုပ်ချုပ်ခဲ့သည့် အစိုးရများ၏ စီမံ၊ ခန့် ခွဲမှု့၊ ညံ့ဖျင်းမှု၊ လောဘ၊အတ္တ၊ ကိုယ်ကျိုးရှာမှုများနှင့် ပြည်တွင်းစစ်မီးများကြောင့် ကမ္ဘာ့အဆင်းရဲ ဆုံးနိုင်ငံ စာရင်းဝင်ခဲ့ရပေသည်။ ယခုအချိန်သည် အရပ်သားအစိုးရ အုပ်ချုပ်နေသော အချိန်ကာလ ဖြစ်၍ တိုင်းပြည်အတွက် မိမိတို့ပေးဆပ်နိုင်သည့် ကာယ၊ ညာဏ၊ စွမ်းအားများကို ပေးဆပ်ချိန် တန် နေပြီ။ အမိမြန်မာနိုင်ငံတော်ကြီး ငြိမ်းချမ်းသာယာဝပြောစေရန် တိုင်းနှင့်ပြည်နယ်အနှံ့တွင် မတူကွဲ ပြားသော ဘာသာဝင်များ၊ အတူတကွလက်တွဲ၍ “ငြိမ်းချမ်းရေး ဆုတောင်းပွဲ” များကို အလျဉ်းသင့် သလို ကျင်းပနေခြင်းသည် ကောင်းမြတ်သည့် အစဉ်အလာကောင်းတစ်ရပ်ဖြစ်ပါသည်။ ထို့ကြောင့် လည်း ရန်ကုန်တိုင်းဒေသကြီး၊ အမျိုးသားဒီမိုကရေစီအဖွဲ့ချုပ်က ကြီးမှူး၍ အောက်တိုဘာ (၁၀) ရက်နေ့က “ဘာသာပေါင်းစုံ ငြိမ်းချမ်းရေး ဆုတောင်းပွဲ” များကို အောင်ဆန်းအားကစားကွင်း၌ လည်းကောင်း၊ဒုတိယအကြိမ် အင်ယားကန်ပေါင်ပေါ်တွင် လည်းကောင်း၊ တတိယအကြိမ် အနေဖြင့် အောက်တိုဘာ (၂၄)ရက် သင်္ကန်းကျွန်းမြို့နယ်ရှိ သုဝဏ္ဏ (Event Park) ၌ လည်းကောင်း ကျင်းပခဲ့ရာ စာရေးသူလည်းတက်ရောက်ခဲ့ပါသည်။ ဘာသာပေါင်းစုံမှ ဘာသာရေး ခေါင်းဆောင်များနှင့် ပြည်သူအချို့ စုစုပေါင်း ၅၀၀၀ ကျော် တက်ရောက် ဆုတောင်း မေတ္တာ ပို့သ ခဲ့ကြပါသည်။ ညနေ ၆နာရီကျော်တွင် ဘာသာပေါင်းစုံမှ အမျိုးသမီးကိုယ်စားလှယ်များက “ငြိမ်းချမ်း ရေး ဖယောင်းတိုင်ရှည်ကြီး” ကို ထွန်းညှိ၍ အဆိုပါ အခမ်းအနားကို ဖွင့်လှစ်ပေးခဲ့ပါသည်။ ထေရ ဗုဒ္ဓဘာသာအဖွဲ့၊မဟာယနဗုဒ္ဓဘာသာအဖွဲ့၊ အစ္စလာမ်ဘာသာအဖွဲ့၊ ခရစ်ယာန်ဘာသာအဖွဲ့၊ ဟိန္ဒူ ဘာသာကိုယ်စားပြုအဖွဲ့များက ငြိမ်းချမ်းရေးကို အထူးရည်ရွယ်လျက် မိမိတို့ဘာသာအလိုက် ဓမ္မတေးပုံစံ ဖော်ဆောင်ကာ သီဆိုသွားခဲ့သည်မှာ တက်ရောက်ခဲ့သည့် ပရိသတ်အပေါင်း စိတ်နှလုံး အေးချမ်းမှုအပေါင်းကို ပေးစွမ်းခဲ့သည်ဟု စာရေးသူထင်မြင်ခံစားမိပါသည်။

ထိုအခမ်းအနားတွင် ရန်ကုန်တိုင်းဒေသကြီး ဝန်ကြီးချုပ်ဦးဖြိုးမင်းသိန်းက လူထုပရိသတ်ကြီးအား ကျေးဇူးတင်စကား ပြောကြားရာတွင် “ကျွန်တော်တို့အားလုံးရဲ့စိတ်ထဲမှာ နိုင်ငံတော်ကြီး ငြိမ်းချမ်းဖို့၊ အေးချမ်း သာယာဖို့ အတွက် ခိုင်မာတဲ့ယုံကြည်ချက်တွေ ရှိနေရင် ကျွန်တော်တို့ နိုင်ငံတော်ကြီးဟာ အေးချမ်းပြီး ဖွံ့ဖြိုးတိုးတက်တဲ့ ဖယ်ဒရယ် ပြည်ထောင်စုကြီး အဖြစ်သို့ ရောက်ရှိလာမှာ ဖြစ်ပါတယ်။ဒီလိုရောက်ရှိနိုင်ဖို့အတွက် ကျွန်တော်တို့အားလုံး ညီညွတ်ကြဖို့ လိုပါတယ်။ ကျွန်တော်တို့ရဲ့ရင်ထဲမှာ ကောင်းမြတ်တဲ့ မေတ္တာတရားနှင့် နိုင်ငံတော်ဖွံဖြိုးတိုးတက်ရေး ကြိုးပမ်း ကြဖို့ လိုအပ်ပါတယ်။ ဒီအတွက်၊ ဒီနေရာမှာ တူညီတဲ့စိတ်ဓာတ်နဲ့ တူညီဆန္ဒတွေ တူညီတဲ့ မေတ္တာ တရားတွေနဲ့ စုစည်းရောက်ရှိနေကြတာ ဖြစ်ပါတယ်။ ကျွန်တော်တို့ရဲ့ယုံကြည်မှုတွေ၊ မေတ္တာတရားတွေ၊ ခိုင်မြဲတဲ့ လက်တွေနဲ့ နိုင်ငံတော်ကြီး တည်ဆောက်ကြပါစို့။ ကျွန်တော်တို့ရဲ့ ယနေ့ စုစည်းနေတဲ့ စိတ်ဓာတ်ခွန်အားတွေ ရှေ့အနာဂတ်အတွက် မျှော်လင့်ချက်တွေ ကျွန်တော်တို့ မျှော်လင့်နေတဲ့ နိုင်ငံတော်ကြီးကို တည်ဆောက်နေတဲ့ နိုင်ငံတော် အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်ရဲ့ ဦးဆောင်မှုအောက်မှာ ကျွန်တော်တို့အားလုံး ညီညီညွတ်ညွတ်နဲ့ ကြိုးပမ်းရုန်းကန်ကြပါစို့” ပြောကြားခဲ့သောအခါ လူထုပရိသတ်ကြီးက တခဲနက် လက်ခုပ်သြဘာတီး အားပေးခဲ့ပါသည်။

တက်ရောက်လာသော လူထုကြီးက ငြိမ်းချမ်းရေး ဖယောင်းတိုင်များကို ထွန်းညှိကာ အမိ မြန်မာနိုင်ငံတော်ကြီး ငြိမ်းချမ်းရေးအတွက် စုပေါင်း၊ သံပြိုင်၊ မေတ္တာပို့သခဲ့ပေသည်။ ဘာသာပေါင်းစုံ ငြိမ်းချမ်းရေး ဆုတောင်းပွဲများ ပြုလုပ်ခြင်းဖြင့်၊ မတူကွဲပြားသော ဘာသာဝင်များ၏ ခံစားမှု၊ လိုလားတောင့်တမှု၊ ချစ်ကြည်ရင်းနှီးမှုများ၊ ယခင်ကထက် ပိုမိုရရှိစေပါသည်။ ညီညွတ်ခြင်းသည် အင်အား၊ စည်းလုံးခြင်းသည်ခွန်အားဟူသော ဆောင်ပုဒ်ကို လက်တွေ့ အကောင်အထည်ဖော်နိုင်မည်ဖြစ်ပါသည်။

ထို့ကြောင့်လည်း အောက်တိုဘာ ၃၁ ရက်နေ့ ရန်ကုန် မြို့တော်ခန်းမရှေ့၌ ပြုလုပ်မည့် စတုတ္ထအကြိမ် ဘာသာပေါင်းစုံ ငြိမ်းချမ်းရေး ဆုတောင်းပွဲတွင်လည်း နိုင်ငံရေး၊ အရည်အသွေး ပြည့်မီသည့် ရန်ကုန်ပြည်သူလူထုကြီးသည် ဖြားယောင်း သွေးဆောင်ခြင်းမရှိဘဲ ခြိမ်းခြောက်ခြင်း မရှိဘဲ တစ်ခဲနက် အားပေးထောက်ခံကြမည်ကို စာရေးသူ ကြိုတင်တွေးမြင်မိပါသည်။

ဂျက်ဖရီတင်အုန်း (ရန်ကုန်စက်မှု့တက္ကသိုလ်)

October 30, 2017
“ဘာသာပေါင်းစုံ ချစ်ကြည်ရေးက ပေးရမယ့် သတင်းစကားနဲ့ ယူရမယ့် သင်ခန်းစာ”

အောက်တိုဘာ ၂၆ ၊ ၂၀၁၇
ဆောင်းပါးရှင်- မြင်သစ်

Graphic symbols of different religions on white

ဘာသာပေါင်းစုံ ချစ်ကြည်ရေးလှုပ်ရှားမှုတွေ ဆုတောင်းပွဲတွေ ခေတ်စမ်းနေတော့…ဘာသာရေးပွဲတော်တွေကလည်း တောက်လျှောက်…မွတ်စလင်မ်တို့ရဲ့ စွန့်လှူအီးဒ်ပွဲတော်၊ ဗုဒ္ဓဘာသာဝင်တို့ရဲ့ အဘိဓမ္မာအခါတော်နေ့နဲ့ သီတင်းကျွတ်ပွဲတော်၊ ဟိန္ဒိူဘာသာဝင်တို့ရဲ့ ဒေပါဝလီပွဲတော်တွေ လတ်တလော ပြီးထားပြီး မကြာမီ ဒီဇင်ဘာမှာ ခရစ်ယာန်ဘာသာဝင်တို့ရဲ့ ဘာသာရေးပွဲတော်တွေကလည်းလာတော့မှာဆိုတော့…ဘာသာပေါင်းစုံ ချစ်ကြည်ရေးနဲ့ ပတ်သက်ပြီး ကျွန်တော့်အမြင်လေး မျှဝေပါရစေ။

ဘာသာပေါင်းစုံ ချစ်ကြည်ရေး လှုပ်ရှားမှုတွေနဲ့ ဘာသာတရားအသီးသီးတို့ရဲ့ ပွဲတော်တွေဟာ ဘာသာတရားတွေရဲ့ နောက်လိုက်တွေ အချင်းချင်းကြား ချစ်ကြည်ရင်းနီးရေး ပေါင်းကူးတွေပါပဲ။ အလင်းရဲ့ သတင်းစကားတွေ ဖလှယ်ဖို့ အကြောင်းတွေပါပဲ။

ဒါပေမယ့်…အဲ့ဒီ့မှာ ရှုထောင့်နဲ့ ချဉ်းကပ်မှုကတော့ အတော်လေး အရေးကြီးပါတယ်။ ဘာလို့လည်းဆိုတော့…ချဉ်းကပ်မှုမတော်ရင် ချစ်ကြည်ရေး ရင်းနီးရေးအခြားတစ်ဖက် ဝေးကွာခြင်းဆီကို ရောက်သွားစေနိုင်လို့ပါပဲ။ ဒါမှမဟုတ် ကြိုးပမ်းအားထုတ်မှုတွေ အဟောသိ အချည်းအနှီးဖြစ်သွားစေနိုင်လို့ပါပဲ။

ပထမဦးဆုံး…ဘာသာပေါင်းစုံချစ်ကြည်ရေးဆိုရာမှာ အရေးကြီးဆုံးက ဘာသာတရားတွေရဲ့ မတူညီမှု ကွဲပြားမှုကို လက်သင့်ခံနိုင်ဖို့ အရေးကြီးပါတယ်။ ကြီးကြီးကျယ်ကျယ် ပြောရရင်တော့ tolerance ပေါ့…မတူကွဲပြားမှုကို လက်ခံခြင်းပေါ့။

ဘာသာပေါင်းစုံချစ်ကြည်ရေးကို ဦးတည်လိုစောအားကြီးပြီး တခါတရံ ဘာသာတရားတွေဟာ အတူတူပါပဲဆိုတဲ့စကားဟာ တော်တော်လေး သတိထားရမယ့် ဟာပါ။ ဘယ်လို ဘယ်ပုံတူတာလည်း ဆိုတဲ့ ကောက်ချက် အရေးကြီးပါတယ်။

ဘာလို့လည်းဆိုတော့…ဘာသာတရားတွေဟာ လူသားတွေ ကောင်းစေဖို့ ဒါကြောင့် အတူတူပဲဆိုတဲ့ အယူအဆနဲ့ ဟောပြောသွန်သင်ချက်တွေဟာ…တကယ်ရော အောက်ခြေလူထုမှာ ထိရောက်စေရဲ့လားဆိုတာ ပြန်သုံးသပ်သင့်တဲ့ ချဉ်းကပ်မှုပါ။

မတူလို့ဘဲ အမည်တွေတောင်ကွဲနေပြီလေ… ဟိန္ဒိူဘာသာ၊ ဗုဒ္ဓဘာသာ၊ ခရစ်ယာန်ဘာသာနဲ့ အစ္စလာမ်ဘာသာနဲ့ အခြားလူနည်းစုကိုးကွယ်တဲ့ ဘာသာတရားတွေ ရှိသေးတယ်။

အလွယ် ဥပမာပေးပြောရရင်…ထေရဝါဒဗုဒ္ဓဘာသာသင်ကြားမှုအရ သစ္စာလေးပါးတရားတွေကို မသိမမြင်သူဟာ ဒိဌိ အမြင်မှားတဲ့သူပေါ့၊ တချိန်တည်းမှာပဲ အစ္စလာမ့်သင်ကြားမှုအရ မိမိကိုဖန်ဆင်းထားတဲ့ တစ်ပါးတည်းသော ကိုးကွယ်ရာ အလ္လာဟ်ရှင်ကို ယုံကြည်ခြင်းဆိုတဲ့ သောဝ်ဟီဒ်တရားကို မသိမြင်သူဟာ ကုဖရ် ဖုံးကွယ်ထားတဲ့သူပါ။

ဒိဌိနဲ့ ကုဖရ် အပြန်အလှန် ဖြစ်နေတဲ့ ဘာသာတရားနှစ်ခု ဘယ်လိုနည်းနဲ့မှ မတူပါ။ ဘာသာတရားရဲ့ အနှစ်သာရပိုင်း အဆင်မြင့်ဆုံး အပိုင်းကို သွားလေ ကွဲလေပါပဲ။

အဲ့ဒါကို ဘာသာတရားတွေဆိုတာ အတူတူပဲ ကောင်းဖို့ပဲ သစ္စာတရားဆီကို သွားကြတာပဲဆိုတဲ့ ချဉ်းကပ်မှုဟာ တော်တော်လေး သတိထားရပါမယ်။ ဘာလို့လည်းဆိုတော့…လက်တွေ့ grass-root level အောက်ခြေ လူထုမှာ လုံးဝ အလုပ်မဖြစ်ပါ။

အဲ့ဒီ့ချဉ်းကပ်မှုကို တရားသေဆုပ်ကိုင်ထားမယ်ဆိုရင် အကျိုးရလဒ်က ဘာသာရေးခုတုံးလုပ် ညစ်ပတ်တဲ့နိုင်ငံရေးကြောင့် ဘာသာရေးတင်းမာမှုတွေရှိလာနေတဲ့ ကျွန်တော်တို့ နိုင်ငံမှာ Interfaith ဘာသာပေါင်းစုံချစ်ကြည်ရေးပွဲတွေ လုပ်နေတာ အလကားပါကွာ၊ တကယ်လည်း ထိမှမထိရောက်တာဆိုတဲ့ ဟာပါပဲ။

လက်တွေ့ကျပြီး အမှန်တကယ်လိုအပ်နေတဲ့ အရာက tolerance ပါ။ ဘာသာပေါင်းစုံချစ်ကြည်ရေးလှုပ်ရှားမှုတွေက လူထုဆီ ဆောင်ယူလာပေးရမယ့် အရာက မတူကွဲပြားတဲ့ ဘာသာတရားတွေကို ကိုးကွယ်ယုံကြည်သူတွေ အချင်းချင်း လက်သင့်ခံခြင်းပါပဲ။

မတူကွဲပြားမှုဟာ လူသားတွေရဲ့ ဖြစ်တည်မှုနဲ့ တူယှဉ်တွဲရှိနေတဲ့ အရာဆိုတာကို အရင်နှလုံးသွင်းဖို့ လှိုက်လှဲစွာ လက်ခံဖို့ အရေးကြီးပါတယ်။

ဟိုးရှေးယခင်ကတည်းက ကိုးကွယ်ယုံကြည်မှု၊ ယဉ်ကျေးမှု၊ အသားအရောင်၊ ပုံပန်းသဏ္ဍန်၊ ဘာသာစကားစတာတွေ မတူကွဲပြားတဲ့ လူတွေ အချင်းချင်းရောနှောတည်ရှိတဲ့ ကမ္ဘာလောကကြီးမှာ အခုလို ကမ္ဘာ့ရွာဖြစ်လာတဲ့ Globalization Era မှာ ပိုလို့တောင် မတူကွဲပြားမှုတွေ တူယှဉ်တွဲရှိမယ်ဆိုတာကို အရှိကို အရှိအတိုင်း သိမြင်လက်ခံဖို့ အရေးကြီးပါတယ်။

တူတာတွေပဲ စုမယ် တူတာတွေပဲ လုပ်မယ် တူမှ ရမယ် တူမှ လက်သင့်ခံမယ်ဆိုတာ လုံးဝ လက်တွေ့မကျတဲ့ ဘယ်လိုမှ မဖြစ်နိုင်တဲ့ ကျဉ်းမြောင်းတဲ့ တွေးခေါ်မှု စိတ်ကူးယဉ်ဆန်မှုဆိုတာကို သိမြင်ဖို့ လိုပါတယ်။

ဘာသာရေး ရှုထောင့်အရ သီးသန့်ပြောရရင်ကို ဂေါတမမြတ်ဗုဒ္ဓနဲ့ တပည့်သာဝကရဟန္တာကြီးတွေ သက်တော်ထင်ရှားရှိနေတဲ့ အချိန်မှာကို အဲ့ဒီ့ကာလ အဲ့ဒီ့ပတ်ဝန်းကျင်က လူအားလုံး ဗုဒ္ဓဘာသာဝင် မဖြစ်ခဲ့သလို၊ ခရစ်တော် (ငြိမ်းချမ်းပါစေကြောင့် မေတ္တာပို့သအပ်ပါသည်)နဲ့ ရှင်ပေါလုတို့ကာလမှာလည်း ထို့နည်းတူ အဲ့ဒီ့ခေတ် အဲ့ဒီ့ဒေသ လူအားလုံး ခရစ်ယာန်မဖြစ်ခဲ့ပါ။ အလားတူ မုဟမ္မဒ်သခင် (ငြိမ်းချမ်းပါစေကြောင့် မေတ္တာပို့သအပ်ပါသည်)ရဲ့ ၂၃နှစ်တာ ကြိုးပမ်းမှုမှာလည်း အဲ့ဒီ့ခေတ်ကာလာ လူအားလုံး မွတ်စလင်မ်မဖြစ်ခဲ့ပါ။ ဒါဟာ အရှိတရားပါ။ အဲ့ဒီ့ဘာသာရေး ဦးသျှောင်ကြီးတွေ ကိုယ်တော်တိုင် သူတို့ခေတ်ကာလ သူတို့ဒေသမှာ ရှိနေတဲ့ အခြားမတူကွဲပြားတဲ့ ဘာသာတရားယုံကြည်သူတွေနဲ့ တူယှဉ်တွဲနေထိုင်ခဲ့ရတာချည်းပါပဲ။ ဥပမာ- ဗုဒ္ဓကိုယ်တော်နဲ့ ပထမဦးဆုံး ဗုဒ္ဓဘာသာဝင် မျိုးဆက်ဆိုလျှင် ဟိန္ဒိူဘာသာဝင်တွေ ဂျိန်းဘာသာဝင်တွေနဲ့အတူ၊ ခရစ်တော်နဲ့ နောက်လိုက်တွေဆိုလျှင် ဂျူးဘာသာဝင်တွေနဲ့၊ မုဟမ္မဒ်သခင်နဲ့ ရောင်းရင်းသာဝကတွေဆိုလျှင် ကြားခံနတ်ကိုးကွယ်သူတွေ၊ ဂျူးတွေ၊ ခရစ်ယာန်တွေနဲ့ ထိတွေ့ဆက်ဆံတူယှဉ်တွဲနေထိုင်ခဲ့ကြတာပါပဲ။

ဒါပေမယ့် ဘာသာတရားတွေရဲ့ သွန်သင်ချက်တွေက လုံးဝ မတူတာတော့ မဟုတ်ပါဘူး၊ တူညီတဲ့ ကျင့်ဝတ်ပိုင်း သွန်သင်မှုတွေ ရှိပါတယ်။ အဲ့ဒီ့အချက်တွေကတော့ ကွဲပြားတဲ့ ဘာသာတရားတွေအကြား အဲ့ဒီ့ဘာသာဝင်တွေ အကြားမှာ နီးကပ်စေမယ့် ပေါင်းကူးပေးမယ့် အရာတွေ common ground တွေပါပဲ။ ကွဲပြားစွာ တူညီခြင်းလို့ပဲ ပြောရမလား။

အဲ့တော့ ဘာသာတရားတွေဟာ မတူဘူး ကွဲပြားတယ်၊ အဲ့ဒါကြောင့် ဘာသာတရားအသီးသီးကို ယုံကြည်လိုက်နာတဲ့သူတွေမှာလည်း မတူညီမှု ကွဲပြားမှုတွေ ရှိကို ရှိမယ်ဆိုကို လက်သင့်ခံပြီးနောက်မှာမှ…မတူတဲ့ ဘာသာတရားတွေမှာ တူညီတဲ့ ကျင့်ဝတ်ပိုင်း သွန်သင်မှုတွေ ရှိတယ်၊ ယုံကြည်လိုက်နာတဲ့သူတွေမှာလည်း လူဆိုတဲ့ လူသားဖြစ်မှုဆိုတဲ့ တူညီမှုရှိတယ်ဆိုတဲ့ ချဉ်းကပ်မှုမျိုးနဲ့ ချဉ်းကပ်ရပါမယ်။

မတူညီ ကွဲပြားခြင်းကို အသိအမှတ်မပြုနိုင်ဘူး လက်သင့်မခံနိုင်သေးဘူးဆိုလျှင် common groundတွေ ရှာနေလို့လည်း အလုပ်ဖြစ်မှာ မဟုတ်သလို၊ တကယ့်ချစ်ကြည်မှု တူယှဉ်တွဲနေထိုင်မှုကိုလည်း တည်ဆောက်နိုင်မှာ မဟုတ်ပါ။

ဘာလို့လည်းဆိုတော့ မတူတာ ကွဲပြားတာကိုပဲ ပြဿနာလုပ်နေ အပြစ်ရှာနေမှာကိုး။ ဒီနေ့ ကျွန်တော်တို့ ပြဿနာက အဲ့ဒါပါပဲ။ ငါတို့လို မယုံကြည်ဘူး၊ ငါတို့လို စကားမပြောဘူး၊ ငါတို့လို မဝတ်စားဘူး၊ ငါတို့လို မစားဘူး၊ ငါတို့လို ဝတ်မပြုဘူး၊ ငါတို့လို…ငါတို့လို…ငါကောလို့ မဆုံးပါဘူး။ ဒါဟာအမှန်တကယ်တော့ ဘာသာရေးဦးသျှောင်ကြီးတွေရဲ့ သွန်သင်ချက်နဲ့လည်း အရှေ့နဲ့ အနောက် တောင်နဲ့မြောက်လို့ ဆန့်ကျင်တဲ့ အရာတွေ တွေးခေါ်ယုံကြည်မှုတွေပါ။

ဒါပေမယ့်…ဒီနေ့ အမျိုးသားနိုင်ငံရေးနဲ့ ဘာသာနိုင်ငံရေး မျက်နှာဖုံးအောက်မှာ အဲ့ဒီ့အရာတွေကပဲ ဘာသာတရားတွေရဲ့ စံနှုန်းတွေလိုလို စံသွန်သင်ချက်တွေလိုလို ဖြစ်လာနေပါတယ်။ ဘာသာတရားတွေက ယုံကြည်ရာ ညွှန်ကြားသင်ပြတဲ့ သစ္စာတရား အမှန်တရားတွေကတော့ ဘယ်သူမှ မသိတော့လည်း ဘယ်သူမှ မလိုက်နာမကျင့်သုံးတော့လည်း သူ့ဖာသာသူတည်ရှိနေမယ့် တရားတွေဆိုတော့…ဒီဖြစ်ရပ်ကို ဘာသာတရားတွေရဲ့ ကျဆုံးခန်းဆိုတာထက် လူသားရဲ့ ကျုဆုံးခန်း နိဒါန်းလို့ပဲ သမုတ်ရမယ့် အချိန်အခါမျိုးပါ။

မတူညီကွဲပြားမှုကို လက်သင့်ခံခြင်းဟာ ကျွန်တော်တို့ နိုင်ငံ ချီတက်သွားနေတဲ့ ဒီမိုကရေစီနိုင်ငံရေး အခြေခံအုတ်မြတ်တစ်ခုဖြစ်တဲ့ ဗဟုလူမှုအဖွဲ့အစည်း ဗဟုဝါဒရဲ့ အသက်သွေးကြောပါပဲ။ ဒီနေရာမှာ သိစေလိုတာက ကျွန်တော်တို့ တစ်ဦးချင်းရဲ့ ကျွန်တော်တို့ လူအဖွဲ့အစည်းရဲ့ ယုံကြည်ကျင့်ကြံမှုဟာ နိုင်ငံတစ်ခုလုံးရဲ့ အရွေ့အထိ ချိတ်ဆက်နေတယ်ဆိုတာပါပဲ။

ကျွန်တော်တို့ ဘာသာပေါင်းစုံချစ်ကြည်ရေး လှုပ်ရှားမှုတွေ ဆုတောင်းပွဲတွေကနေ ပေးရမယ့် သတင်းစကား၊ သင်ယူရမယ့် သင်ခန်းစာက…ကျွန်တော်တို့တွေ မတူညီမှုတွေ ကွဲပြားမှုတွေနဲ့ ကမ္ဘာလောကကြီးမှာ နေထိုင်တယ်၊ မတူညီကွဲပြားတဲ့ ဘာသာတရားတွေကို ယုံကြည်လိုက်နာကြတယ်၊ အဲ့ဒီနောက်မှာ ကျွန်တော်တို့တွေဟာ လူသားဆိုတဲ့ တူညီမှုကြီး ရှိတယ်၊ ကျွန်တော်တို့ လိုက်နာကျင့်ကြံနေတဲ့ ဘာသာတရားတွေမှာ တူညီတဲ့ ကျင့်ဝတ်ပိုင်းဆိုင်ရာ သွန်သင်မှုတွေလည်း ရှိတယ်ဆိုတာပါပဲ။

ဘာသာပေါင်းစုံချစ်ကြည်ရေးလှုပ်ရှားမှုတွေမှာ ဘာသာတရားတွေကို ချဉ်းကပ်ရာမှာ မတူညီကွဲပြားမှုကို ဦးစွာလက်ခံပြီးမှ common ground တွေကို ရှာဖွေခြင်းက ဘာကြောင့် လက်တွေ့မှာ အရေးကြီးလည်းဆိုတာ အပိုင်း ၂ အနေနဲ့ အချိန်ရရင် ဆက်ရေးပါဦးမယ်။

October 26, 2017