Category: ဆောင်းပါး

ဧည့်စာရင်း တိုင်ကြားခြင်း နှင့် လဝကကို အကြောင်းကြားရန်

မြို့နယ်တစ်မြို့နယ်အတွင်းလာရောက် တည်းခိုတော့မယ်ဆိုရင် ရပ်ကွက် သို့မဟုတ် ကျေးရွာအုပ်စု အုပ်ချုပ်ရေး ဥပဒေအရ တည်းခိုသူအား အရေးယူခြင်းကို ပယ်ဖျက်ထားတာ မှန်သော်လည်း၊ အခြားပုဒ်မများနဲ့ အရေးယူနိုင်စရာ အကြောင်းများ ရှိနေပါတယ်။

ရပ်/ကျေးဥပဒေ ပုဒ်မ-၁၃(ဎ)အရ

“တရားဥပဒေ စိုးမိုးရေး၊ မှုခင်းကျဆင်းရေးနှင့် လုံခြုံရေးတို့အတွက် စစ်ဆေးရန် လိုအပ်သော နေအိမ် ဥပစာနှင့်နေရာများကို လုံလောက်သော အကြောင်းပြချက်နှင့် အဖွဲ့ဖြင့် စနစ်တကျ ဝင်ရောက် စစ်ဆေးခြင်း”

ရပ်/ကျေးဥပဒေ ပုဒ်မ-၁၃(တ)အရ

“နိုင်ငံခြားသား ဝင်ထွက်သွားလာမှုကို သက်ဆိုင်ရာသို့ သတင်းပေးခြင်း”

ရပ်/ကျေးဥပဒေ ပုဒ်မ-၁၃(ဇ)အရ

“ရပ်ကွက် သို့မဟုတ် ကျေးရွာအတွင်း နေထိုင်သူမဟုတ်သော မသင်္ကာဖွယ် သူစိမ်းတွေ့ရှိပါက သက်ဆိုင်ရာသို့ သတင်းပို့ခြင်းနှင့် ထူးခြားဖြစ်စဉ်များကို အချိန်နှု့် တစ်ပြေးညီ အစီရင်ခံခြင်း”

ဥပဒေပြဌာန်းချက်များအရ လာရောက်တည်းခိုသူကို အရေးယူနိုင်ပါတယ်။

ရပ်/ကျေးဥပဒေ ပုဒ်မ-၁၇ အရ ရပ်ကွက် သို့မဟုတ် ကျေးရွာအတွင်း နေထိုင်သူသည် ညဉ့်အိပ် ညဉ့်နေ ဧည်သည်အဖြစ် လာရောက်တည်းခိုလျှင် သို့မဟုတ် ဧည့်သည် ပြန်လည်ထွက်ခွာသွားလျှင် အုပ်ချုပ်ရေးမှူးထံ သတ်မှတ်ချက်များနှင့်အညီ မတိုင်ကြားလျှင် အိမ်ရှင်ကိုလည်း အရေးယူပါလိမ့်မယ်။

မှတ်ပုံတင်မရှိ၊ နိုင်ကတ်မရှိ၊ ယာယီကတ်ပြားတစ်မျိုးမျိုး မရှိသူများ အနေနဲ့ ၁၉၄၉ ခုနှစ်မှာ ပြဌာန်းခဲ့တဲ့ မြန်မာနိုင်ငံတွင်း နေထိုင်သူများမှတ်ပုံတင်ရေး ဥပဒေ ပုဒ်မ – ၆ (၂) ၆ (၃) အရ အရေးယူ ခံရပါလိမ့်မယ်။

အဲဒီတော့……..
မြို့နယ်တစ်မြို့နယ်အတွင်း လာရောက် တည်းခိုတော့မယ်ဆိုရင် အိမ်ရှင်က ဧည့်စာရင်းလည်း တိုင်ကြပါ။ လာရောက်တည်းခိုသူက ရပ်ကျေး/ရဲထောက်ခံချက်လည်း ယူခဲ့ကြပါ။ သက်ဆိုင်ရာ လဝကကိုလည်း အကြောင်းကြားကြပါ။ လဝကကို အကြောင်းမကြားရင် ၁၉၄၉ ခုနှစ်မှာ ပြဌာန်းခဲ့တဲ့ မြန်မာနိုင်ငံတွင်း နေထိုင်သူများမှတ်ပုံတင်ရေး ဥပဒေ ပုဒ်မ – ၆ (၂) ၆ (၃) အရ အရေးယူ ခံရပါလိမ့်မယ်။ ထောင်ဒဏ် ၂ နှစ် အထိနဲ့ ငွေဒဏ်ချမှတ်နိုင်ပါတယ်။၁၉၅၁ ခုနှစ် မြန်မာနိုင်ငံအတွင်းနေထိုင်သူများ မှတ်ပုံတင်ရေး နည်းဥပဒေ ပုဒ်မ- ၂၅၊ ၂၆၊၂၈ တို့အရ အရေးယူခြင်း ဖြစ်ပါတယ်။

နည်းဥပဒေ ၂၅ ရဲ့ ဆိုလိုရင်းက မိမိမှတ်ပုံတင်ထားတဲ့ လိပ်စာက ထွက်ခွာရင်သက်ဆိုင်ရာ လ.ဝ.က ကိုအကြောင်းကြားရမယ်။

နည်းဥပဒေ ၂၆ ရဲ့ဆိုလိုရင်းက မိမိ မှတ်ပုံတင်ထားတဲ့လိပ်စာ ပြောင်းရင်းလည်း သက်ဆိုင်ရာ လဝက ကိုအကြောင်းကြားရမယ်။

နည်းဥပဒေ ၂၈ အရ သက်သေခံကတ်ပြားတစ်ခုခု မရှိရင်လည်း သက်ဆိုင်ရာ လဝက ကို အကြောင်းကြားရမယ်လို့ ဖော်ပြထားပါတယ်။

ခရီးသွားလာရင်သာမက နိုင်ငံသား စိစစ်ရေးကတ်ပြား မလျှောက်ထားရသေးသူများ၊ လျှောက်ထားဆဲများ၊ ပျောက်ဆုံးများ၊ ယာယီသက်သေခံကတ်ပြားအသစ် မထုတ်ရသေးသူများ၊ ယာယီသက်သေခံ ကတ်ပြားတစ်ခုခု မရှိသူများ၊ အဖြူရောင်ကတ်၊ အစိမ်းရောင်ကတ် မရှိသူများ၊ ရှိသူများ အားလုံးကိုလည်း သက်ဆိုင်ရာ လဝကကို အကြောင်းမကြားရင် အရေးယူခံရမှာ ဖြစ်ပါတယ်။ အားလုံး အကျုံးဝင်တယ်လို့ ဆိုပါတယ်။

နိုင်ငံသား စိစစ်ရေးကတ်ပြား ကိုင်ဆောင်ထားသူများလည်း ခရီးသွားရင် သက်ဆိုင်ရာ လဝကကို အကြောင်းကြားပြီးမှ သွားရမယ် လို့တောင် ပြောနေပါပြီ၊ အချိန်မကျသေးလို့ ကျွန်တော် အသေးစိတ် မပြောသေးတာပါ။

ကြိုတင် ကာကွယ်နည်း ကတော့…

မိမိမှတ်ပုံတင်ထားတဲ့လိပ်စာက ထွက်ခွာရင်၊ သက်ဆိုင်ရာ လ.ဝ.က ကိုအကြောင်းကြားပါ။

မိမိ မှတ်ပုံတင်ထားတဲ့လိပ်စာ ပြောင်းရင်လည်း၊ သက်ဆိုင်ရာ လဝက ကိုအကြောင်းကြားပါ။

သက်သေခံကတ်ပြားတစ်ခုခု မရှိရင် လည်း သက်ဆိုင်ရာ လဝက ကို အကြောင်းကြားပါ။

သက်ဆိုင်ရာ လဝကဆိုရာမှာ မိမိနေထိုင်တဲ့ မြို့နယ် လဝက နဲ့ လာရောက် တည်းခိုတဲ့ မြို့နယ် လဝက တို့ကို အကြောင်းကြားတာ အကောင်းဆုံးပါပဲ။ နည်းဥပဒေ ပုဒ်မ-၂၅၊ နည်းဥပဒေ ပုဒ်မ-၂၆ နဲ့ နည်းပဒေ ပုဒ်မ-၂၈တို့ကို မိအောင် ရေးဖို့ လိုပါတယ်။ မိမိမှတ်ပုံတင်ထားတဲ့ လိပ်စာက ထွက်ခွာရင်၊ လိပ်စာပြောင်းရင်၊ ယာယီ သက်သေခံကတ်ပြား တစ်မျိုးမျိုး မရှိရင် သက်ဆိုင်ရာ လဝကများကို ကြိုတင် အကြောင်းကြားထားကြပါ။

မကြာခင် ၁၉၄၉ ခုနှစ်မှာ ပြဌာန်းခဲ့တဲ့ မြန်မာနိုင်ငံတွင်း နေထိုင်သူများမှတ်ပုံတင်ရေး ဥပဒေ ပုဒ်မ – ၆ (၂) ၆ (၃) အရ အရေးယူတဲ့ အမှုတွေ အများကြီး တက်စရာ အကြောင်းတွေ ရှိနေပါတယ်။ ၁၉၄၀ပြည့်နှစ်၊ နိုင်ငံခြားသားများ မှတ်ပုံ့တင်ရေး အက်ဥပဒေ ပုဒ်မ-၅(၁)(၂)(၃) တို့အရလည်း အရေးယူနိုင်ပါတယ်။ ၃နှစ်အထိ ထောင်ဒဏ်/ငွေဒဏ်၊ ပြည်နှင်ဒဏ်နဲ့ အမိန့်မချမီ ဖမ်းချုပ်ထားနိုင်ပါတယ်။

အဲဒီအထဲမှာ မြန်မာနိုင်ငံသား အစ္စလာမ်ဘာသာဝင်များ ရောယောင်ပြီး၊ ပါသွားနိုင်ပါတယ်။

အရေးယူချင်တဲ့အခါ အရေးယူမယ်။ အရေးယူချင်တဲ့ နေရာမှာ အရေးယူမယ့် သဘော ဖြစ်ပါတယ်။

ပေါ့ပေါ့ဆဆ မနေကြပါနဲ့။ တကယ်လုပ်နေပါတယ်။

ဦးခင်မောင်ချို (တရားလွှတ်တော်ရှေ့နေ)
၂-၉-၂၀၁၇

September 3, 2017
“ဖုန်း Bill ဖြတ်ခံနေရသည့် ကိစ္စ တာဝန်ရှိသူများဖြေရှင်းပေးကြပါ”

ယနေ့သည် သတင်းအချက်အလက်နည်းပညာခေတ် (Information Technology) ဖြစ်သည်။ လူဦးရေသန်းပေါင်း ၇၀၀၀ကျော် နေထိုင်နေကြသော ကမ္ဘာကြီးသည် အင်တာနက် သတင်း အချက်အလက်နည်းပညာများကြောင့်ပင် “ရွာပုံစံ” ဖြစ်သွားခဲ့ရသည်။ ရွာ၏ သဘောကား ဟုတ်တာလုပ်ရင်လည်း ကျော်စောသည်။ မဟုတ်တာလုပ်ရင်ပေါ်သည့် သဘောဖြစ်သည်။ မြန်မာနိုင်ငံတွင် မိုဘိုင်းဖုန်းများကို စတင်သုံးစွဲခွင့်ပြုစဉ်တွင် ပြည်သူလူထုအားအင်တာနက် ဝန်ဆောင်မှုကို လုံးဝ မပေးခဲ့ပေ။ ၂၀၁၁ခု၊စက်တင်ဘာလမှစ၍ အများပြည်သူလူထုအား အင်တာနက် ဝန်ဆောင်မှု့ကို ရယူလိုလျှင် မြန်မာ့ဆက်သွယ်ရေးသို့ ငွေ ၁၀၀၀၀ကျပ် ပေးသွင်းမှ သာ ထိုဝန်ဆောင်မှု့ကို သုံးစွဲခွင့်ရပါသည်။

သမ္မတဟောင်း ဦးသိန်းစိန်အစိုးရလက်ထက် ၂၀၁၃ ခုနှစ်တွင် နော်ဝေနိုင်ငံ အခြေစိုက် Telenor Myanmar ဆက်သွယ်ရေးကုပ္မဏီနှင့် ကာတာနိုင်ငံအခြေစိုက် Ooreedoo Myanmar ဆက်သွယ်ရေးကုပ္မဏီတို့ကို ၁၅နှစ်တာ မြန်မာနိုင်ငံတွင် လုပ်ပိုင်ခွင့် လိုင်စင်တရားဝင်ချပေးခဲ့ပါ သည်။ ထိုပြည်ပအခြေစိုက်ဆက်သွယ်ရေး ကုမ္ပဏီများအနေဖြင့် မြန်မာနိုင်ငံတွင် ဆက်လက်ရင်းနှီး မြှုပ်နှံလိုပါက နောက်ထပ် (၁၀ နှစ်) အတွက် သက်တမ်းတိုး လျောက်ထားနိုင်ပါသည်။

လက်ရှိမြန်မာနိုင်ငံ၏ လူဦးရေ ၅၁.၄၉ သန်းကျော်အား ဝန်ဆောင်မှုပြုနေသော ဆက်သွယ် ရေးကုပ္မဏီကြီး (၃)ခု ရှိနေပါသည်။ ယင်းတို့မှာ (၁) MPT (Myanmar Posts And Telecommunication) (၂) Telenor Myanmar ( Norwegian Telenor Group) (၃) Ooredoo Myanmar တို့ဖြစ်ပါသည်။ မြန်မာ့စီးပွားရေးကော်ပိုရေးရှင်းပိုင် (ယခင်ဦးပိုင်စီးပွားရေး) (Myanmar Economic Coporation (MEC)) ကလည်း MECTel အနေနဲ့ CDMA Network ဝန်ဆောင်မှု့ကို ပေးနေပါသည်။ Viet tel ကလည်း တတိယမြောက်၊ ပြည်ပဆက်သွယ်ရေး၊ ကုပ္မဏီအနေဖြင့် ဝန်ဆောင်မှု့ပေးရန် အသင့်ဖြစ်နေပြီဟု သိရသည်။

လက်ရှိမြန်မာနိုင်ငံတွင် MPT သုံးစွဲသည့် မှတ်ပုံတင်ထားသူဦးရေမှာ ၂၃.၁၈သန်း ကျော်ရှိသည်။ Telenor သုံးစွဲသူ မှတ်ပုံတင်ထားသူပေါင်း ၁၈. ၈သန်းကျော်ရှိသည်။ အော်ရီဒူး (Ooredoo) မှတ်ပုံတင်၍ သုံးစွဲနေသူပေါင်းမှာ ၈.၁၁ သန်းကျော်ရှိလေသည်။ အထက်ပါ ဆက်သွယ်ရေး ဝန်ဆောင်မှု့များအတွက် ဖုန်းဘစ်လ်ဖြည့်ရာတွင် E-load ပုံစံဖြင့်လည်းကောင်း၊ OK software ဝန်ဆောင်မှု့ဖြင့်လည်းကောင်း၊ True money ပုံစံဖြင့်လည်းကောင်း၊ wave money ပုံစံဖြင့်လည်းကောင်း၊ Top-up ငွေဖြည့်ကတ် ၁၀၀၀ကျပ်တန်၊ ၃၀၀၀ကျပ်တန်၊ ၅၀၀၀ကျပ်တန်၊ ၁၀၀၀၀ကျပ်တန်များ ဝယ်၍လည်းကောင်း ဖုန်းBill များကို ငွေဖြည့်နိုင်ပေသည်။

လူသိအများဆုံး ဆက်သွယ်ရေးကုပ္မဏီကြီး (၃)ခုသည် E- load ဖြင့် ဖုန်းဘေစ်လ်မည်မျှ ထည့်လျှင် အပိုဆုကြေး Bonus အနေဖြင့် Facebook, Viber,Youtube,Line စသည့် လူမှု့ရေး ကွန်ရက်များသုံးစွဲခွင့်ကို ရက်အပိုင်းအခြား အကန့်အသတ် တစ်ခုပေး၍လည်းကောင်း ကွန်ရက်တူ ဆက်သွယ်ရေးကုပ္မဏီအချင်းချင်း စာတိုပို့ခြင်း၊ Phone Bill အပိုသုံးစွဲခွင့်များပေးခြင်း၊ အင်တာနက် ဒေတာ အပို 50MB ၊100 MB များပေးကာ ဖုန်းသုံးစွဲသူများကို မက်လုံးများပေး၍ အပြိုင်အဆိုင် ဖုန်းသုံးစွဲသူများထံ Message များပို့ကာ ကြော်ငြာလျက်ရှိပါသည်။

အကျိုးရလာဒ်များအနေနဲ့ On-line ဖြင့် အသက်မွေးဝမ်းကြောင်းပြုနေသူများ၊ ပညာရှာနေ သူများ၊ လူမှုရေးလုပ်ဆောင်နေသူများ၊ ဗဟုသုတ ရှာမှီးနေသူများ၊ ရုပ်ရှင်ဂီတဖြင့် အပမ်းဖြေနေ သူများအတွက် အခြေအနေ အတိုင်းအတာ တစ်ခုထိ ခရီးရောက်လျက်ရှိနေပါသည်။

ဆိုးကျိုးရလာဒ်များကို လက်လှမ်းမှီသလောက် တင်ပြရလျှင် စာရေးသူနေထိုင်သည့် မဟာရန်ကုန်မြို့တွင် မိမိတို့၏မှတ်ပုံတင် (သို့) ယာဉ်မောင်းလိုင်စင် (သို့) နိုင်ငံကူးလက်မှတ် စသည့် အထောက်အထားများ တစ်ခုမျှမပြပဲ၊ မပေးပဲ၊ MPT၊ Ooredoo၊ Telenor နှင့် MEC sim card အမြောက်အများကို ယနေ့အချိန်ထိ ဆင်းကတ်တစ်ကတ်လျှင် ၁၀၀၀ကျပ်မှ စ၍ ငွေ ၅၀၀၀၀ ကျပ်အထိ နံပါတ်လှလျှင် လှသလောက် ဈေးကြီးပေး၍ Online မှ လည်းကောင်း ရန်ကုန်မြို့လယ်ခေါင် လူစည်ကားရာနေရာများတွင် လည်းကောင်း၊ လမ်းဘေးဈေးသည်များထံမှ ဝယ်ယူရရှိနိုင်ပါသည်။ ထိုရောင်းချသည့် ဆင်းကတ်များကို မှတ်ပုံတင်ပြီးကြောင်း အာမခံ၍ ရောင်း နေရာ စာရေးသူသည်လည်း MPT ဆင်းကတ်တစ်ကတ်နှင့် Telenor ဆင်းကတ် တစ်ကတ်ကို ဝယ်၍ မှတ်ပုံတင်ထားခြင်း ရှိ၊မရှိ MPT code *601# call ကိုခေါ်၍လည်းကောင်း၊ Telenor code *979*3*3# call ကိုခေါ်၍ စစ်ဆေးကြည့်ရာ ထိုဆင်းကတ်နှစ်ခုလုံးမှာ မှတ်ပုံတင်ထားပြီးဖြစ် ကြောင်း Message တွင်ဖော်ပြထားသည်ကို တွေ့ရသောအခါ စိုးရိမ်ထိတ်လန့်ခဲ့ရပါသည်။ အကြောင်းမှာ ရာဇဝတ်မှု၊ ဒုစရိုက်မှုတစ်ခုခုကို ကျူးလွန်ခဲ့သူများရှိလျှင် ထိုဆင်းကတ်မှတ်ပုံ တင်ထားသူများကို ခြေရာခံ၍ အမှုမှန်ကို ဖော်ထုတ်ခဲ့သည့် အထောက်အထားများကို အနောက်နိုင် ငံအတော်များများတွင် တွေ့ရသောကြောင့်ဖြစ်ပါသည်။ စာရေးသူတို့နိုင်ငံတွင် မိုဘိုင်းဆင်းကတ် များကို ထိုကဲ့သို့ လက်လွတ်စပယ် အထောက်အထားမဲ့ ဝယ်၍ရနေခြင်းသည် လုံခြုံရေး စည်းတစ်ခု ပေါက်နေသည်ဟု စာရေးသူခံစားမိပါသည်။ ဒီမိုကရေစီနှင့်ဖယ်ဒရယ်ပြည်ထောင်စု စနစ်သို့ သွား နေသည့် အမိ မြန်မာနိုင်ငံတော်ကြီး၏ တည်ငြိမ်အေးချမ်းရေးနှင့် ဖွံ့ဖြိုးတိုးတက်ရေးကို ထိခိုက်အောင် ထိုလမ်းဘေးဆင်းကတ်များ သုံးကာ လူမှု့ရေးကါန်ရက် Facebook ပေါ်တွင် ကောလဟာလများ ထုတ်လွင့်ခြင်း၊ လူမျိုးရေး၊ဘာသာရေး၊ အဓိကရုဏ်းများ ဖြစ်အောင် အမုန်းတရားများ ဖြန့်ရာတွင်လည်းကောင်း အသုံးချလာဖွယ်ရှိသည်ကို မျှော်တွေးမိ၍ စိတ်လေးခဲ့ ရပါသည်။

နောက်ထပ် ကိုယ်တွေ့ဆိုးကျိုး ရလာဒ်တစ်ခုကိုလည်း တင်ပြချင်ပါသည်။ လူမှု့ရေးကွန်ရက် နှင့် အရပ်ထဲတွင် လူပြောများနေသည့် Telenor ဖုန်းဘေလ် ဖြတ်တောက်နေသည့် ကိစ္စဖြစ်ပါသည်။ စာရေးသူသည် ရန်ကုန်စက်မှု့တက္ကသိုလ်မှ အင်ဂျင်နီယာဘွဲ့တစ်ခု ရရှိထားသည့် အပြင် ယနေ့ ရေပန်းစားနေသည့် အင်တာနက် နည်းပညာကိုလည်း အတိုင်းအတာတစ်ခုထိ လေ့လာထားပါသည်။ ၂၀၁၇ခု သြဂုတ်လ ၁၀ရက်နေ့က Handset အလွတ်တစ်ခုထဲရှိ တယ်လီနောဆင်းကတ် ဖုန်းဘေလ်လျော့နည်းနေသဖြင့် Top-Up ငွေဖြည့်ကတ် ၁၀၀၀ ကျပ်တန် ဝယ်ယူခဲ့ပြီး ငွေဖြည့်ခဲ့ပါသည်။ Facebook ကို ၅ မိနစ်ခန့်သုံးခဲ့ပါသည်။ Download မလုပ်ခဲ့ပါ။ Auto download များလည်း မလုပ်ထားခဲ့ပါ။ ကုတ်နံပါတ် *124#call ဖြင့် လက်ကျန်ငွေကို စစ်ဆေးကြည့်ခဲ့သောအခါ ၁၂၇ကျပ်သာ ကျန်တော့သည်ကို တွေ့ရပါသည်။ မကျေနပ်သဖြင့် နောက်ထပ် တယ်လီနော ဆင်းကတ်တစ်ခုကိုယူ၍ လက်ကျန်ငွေကို ပထမစစ်ဆေးပြီး Top-Up ငွေ ၁၀၀၀ကျပ်ကို ထပ်ထည့်ပါသည်။ ကံဆိုးနေလို့လားတော့ မသိပါ။ ဒုတိယ sim card ဖြင့် စက္ကန့် ၃၀ စာ ဖုန်းခေါ်ခဲ့ပြီး ငွေစစ်ကြည့်ခဲ့သောအခါ ငွေ ၈၅၀ကျပ် ပါသွားပြန်သည်။ ထို့ကြောင့်စာရေးသူ သည် ဒေါသအတော်အတန် ထွက်သွားမိခဲ့သည်။ ဖုန်းကွန်ရက်စနစ်ကို ထိမ်းချုပ်နေသည့် ကွန်ပြူတာ စက်များ၏ ဖုန်းဆော့ဝဲများကြောင့် အခုလို ပြဿနာများ ဖြစ်ရကြောင်း ပြင်ပတွင် ကြား နေရသော်လည်း တကယ့်လက်တွေ့တွင် တစ်နေ့လုပ်၊တစ်နေ့စား အခြေခံလူတန်းစားများ၏ ငွေများ အလဟသ ဖုန်းဘစ်လ် ဖြတ်တောက်မှု့ထဲ ပါနေခြင်းသည် “တစ်ရက်၊တစ်ပါတ်၊တစ်လ” မဟုတ်တော့ဘဲ လပေါင်းအတော်ကြာနေပြီ ဖြစ်သဖြင့် လက်ရှိအစိုးရ တာဝန်ရှိသူများအနေဖြင့် ထိုပြဿနာကို အမြန်ဆုံးဖြေရှင်းနိုင်ရန် “call centre” တစ်ခု အမြန်ဆုံးပြုလုပ်ပြီး စာရေးသူ အပါအဝင် ဖုန်းဘေလ် ဖြတ်တောက်ခံရသည့် ပြည်သူလူထု၏အသံ (People’s voice) များကို စစ်တမ်းကောက်နားထောင်ပြီး ထိထိရောက်ရောက် ဖြေရှင်းသင့်သည်ဟု စာရေးသူထင် မြင်မိပါသည်။ စာရေးသူအနေဖြင့်လည်း ကိုယ်သုံးစွဲသည့် မိုဘိုင်းဖုန်း တယ်လီနောဆင်းကတ်နှင့် တယ်လီနော ၁၀၀၀ကျပ်တန် Top- Up ငွေဖြည့်ကတ်ကို ယခုတိုင် အထောက်အထားတစ်ရပ် အနေဖြင့် သိမ်းဆည်းထားပါသည်။ လိုအပ်လျှင် သက်သေပြနိုင်ရန် ဖြစ်ပါသည်။ အချို့ကလည်း စာရေးသူအား “ဆရာတယ်လီနောမှ ငွေချေးထားလျှင် အခုလိုဖြတ်သည်” ဟု ပြောပါသည်။ စာရေး သူအနေဖြင့် မည်သည့် operator ဆီကမျှ ဖုန်းဘစ်လ်ငွေချေးခြင်းမရှိခဲ့ဖူးပါ။ “ဆွမ်း ဆန်ထဲ ကြွက် ချေး ရောသလို” ဆင်းကတ်တစ်ခုကို ကြိုက်သလိုသုံးပြီး ထိုဆင်းကတ်ကို အကြောင်းအမျိုးမျိုး ကြောင့် မစွန့်ပစ်မှီ ဖုန်းအော်ပရေတာ တစ်ခုဆီမှ ငွေချေးကာ ငွေကုန်အောင်သုံးစွဲပြီး ဖုန်းဆင်းကတ် အစဖျောက်ပစ်သူ မရိုးသားသည့် လူတစ်စုကြောင့်သော်လည်း၊ promotion တွေ၊ bonus တွေ၊ အပြိုင်အဆိုင်ပေးခဲ့ပြီး တွက်ချေကိုက်ရန် ရည်ရွယ်ချက်ဖြင့်သော်လည်းကောင်း ‘ငါးကြင်းဆီနှင့် ငါးကြင်းကြော်၊ ခေါင်းပုံဖြတ်၊ အမြတ်ထုတ်သည့်၊ ရိုးသားပွင့်လင်းမှုမရှိသည့် လုပ်ရပ်မျိုး’ ကို Telenor အပါအ၀င် လက်ရှိ ဆက်သွယ်ရေးဝန်ဆောင်မှုများ ပြုနေသည့် အော်ပရေတာများကို လွှတ်တော်မှ ဥပေဒတစ်ခု အမြန်ဆုံးရေးဆွဲပြီး ပြည်သူလူထု၏ ဆုံးရှုံးနစ်နာနေမှုများကို ထိထိရောက်ရောက် အကောင်အထည်ဖော်သင့်ပါကြောင်း လေးလေးနက်နက် တိုက်တွန်း အကြံပြုလိုက်ပါတယ်။

လေးစားလျက်
ဂျက်ဖရီတင်အုန်း (ရန်ကုန် စက်မှု့တက္ကသိုလ် R.I.T)

August 20, 2017
“ယာဉ်ကြောပိတ်ဆို့၊ လိပ်လိုသွားနေရခြင်းမှ ကင်းဝေးရအောင်”

လှည်းတန်း မှ ယာဉ်ကြောပိတ်ဆို့မှု Photo: Aung Myin Ye Zaw / The Myanmar Times

မဟာရန်ကုန်မြို့ရဲ့လူဦးရေမှာ ၇သန်းကျော်လောက်ရှိကြောင်းစာရေးသူဖတ်ဖူးပါသည်။ ရန်ကုန်တိုင်းဒေသကြီးရှိ ၄၅ မြို့နယ်မှ ပြည်သူလူထုအများစုသည် ရုံးဆင်း၊ရုံးတက်၊ ကျောင်းကြို၊ ကျောင်းပို့၊ ဈေးရောင်း၊ ဈေးဝယ် အသက်မွေးဝမ်းကြောင်းမှု့ပြုရန် နေ့တဓူဝ ကိုယ်ပိုင်ကားများဖြင့် လည်းကောင်း၊ အငှားယာဉ်များဖြင့်လည်းကောင်း၊ လိုင်းကားများ(ယခု YBS ယာဉ်လိုင်းများ) ဖြင့် လည်းကောင်း၊ မီးရထားများဖြင့်လည်းကောင်း၊ ဟိုဖက်ကမ်း၊ ဒီဖက်ကမ်း မြစ်ကူးရန်အတွက် လှေ၊ သင်္ဘောများဖြင့်လည်းကောင်း မဖြစ်မနေ သွားလာလှုပ်ရှားနေရပါသည်။

တစ်နေ့ ရုံးဆင်းချိန် မိုးသည်းထန်စွာရွာသဖြင့် YBS အမှတ် ၇ ယာဉ်လိုင်းမှာလည်း အလွန် ကြပ်သဖြင့် အိမ်အပြန်စောရောက်ချင်တဲ့ အတွက် အငှားယာဉ် Taxi တစ်စီးကို ပန်းဆိုးတန်းထိပ်မှ သင်္ဃန်းကျွန်းသို့ ၃၅၀၀ကျပ်ပေးကာစီးခဲ့ရပါသည်။ အငှားယာဉ်မောင်းသည် အပြောကောင်း၊ သဘောကောင်း၊ စာပေဗဟုသုတ နှံ့စပ်သူတစ်ဦးဖြစ်သည့်အပြင် ရန်ကုန်မြို့မှာမွေး၊ ရန်ကုန်မြို့လယ်မှာ ကြီးပြင်းခဲ့သူ အသက်၁၆နှစ်သားမှ ယခုအသက် ၆၈နှစ်အထိ ယာဉ်မောင်း အတွေ့အကြုံရှိသူတစ်ဦးဖြစ်ပါသည်။ မဟာရန်ကုန်မြို့၏ ယာဉ်သွားယာဉ်လာထူထပ်၍ ခရီးသွားပြည်သူလူထုများ ကားပေါ်အချိန်ကုန်ကာ စိတ်ပမ်း၊လူပမ်းဖြစ်ရပုံတို့ကို စကားစမြည် ပြော ဆိုဆွေးနွေးဖြစ်ခဲ့ပါသည်။ ဒါကြောင့် ဗဟုသုတအကြံဥာဏ်များ သူ့ထံမှ အမြောက်အမြားရရှိခဲ့ပါ သည်။ ထို့ကြောင့်လည်း စာဖတ်ပရိသတ်ကြီးနှင့်တကွ ရန်ကုန်တိုင်းဒေသကြီး တာဝန်ရှိသူတွေကို စာရေးသူတစ်ယောက်အနေနဲ့ ခရီးသွားပြည်သူလူထု နေ့စဉ်ရင်ဆိုင်ကြုံတွေ့နေရသောပြဿနာ အချို့ကို မိမိတတ်စွမ်းသလောက် ကူညီဖြေရှင်းပေးလိုစိတ်များ ဖြစ်ပေါ်မိ၍ ဤဆောင်းပါးကို ရေးသားရခြင်းဖြစ်ပါသည်။

မြန်မာနိုင်ငံတွင် ယာဉ်များကို ညာဖက်(လက်ယာရစ်ဘက်) မောင်းစနစ်ဖြင့် မောင်နှင်ခွင့် ပြုထားပါသည်။ ဘယ်ဖက်(လက်ဝဲရစ်ဘက်) မောင်းနှင်ခဲ့ပါက ယာဉ်စည်းကမ်း ဖောက်ဖျက်ကျူး လွန်ရာရောက်သဖြင့် ယာဉ်ထိန်းရဲက အရေးယူလိမ့်မည် ဖြစ်ပါသည်။ လမ်းပြောင်းပြန်မောင်းသည့် သဘောဖြစ်သွား၍ ဖြစ်ပါသည်။

အရှေ့တောင်အာရှနိုင်ငံများ၊ အာရှနိုင်ငံများနှင့် ဥရောပနိုင်ငံအများစုတွင် လက်ဝဲရစ်မောင်း စနစ်ကို ယနေ့တိုင်ကျင့်သုံးနေဆဲဖြစ်ပါသည်။ မြန်မာနိုင်ငံတွင် ယခင်က ထိုလက်ဝဲဖက်ယာဉ်ကြောမှ မောင်းနှင်သည့်စနစ်ရှိခဲ့ဖူးပါသည်။ ၁၉၇၀ခု ဝန်းကျင် မြန်မာ့ဆိုရှယ်လစ်လမ်းစဉ် ပါတီခေတ်တွင် Left side ယာဉ်ကြောမှ မောင်းနှင်နေသည့်စနစ်မှ Right side ညာဖက်ယာဉ်ကြောမှ မောင်းနှင် သည့်စနစ်ကို ပြောင်းလဲကျင့်သုံးခဲ့ကြောင်း ယာဉ်မောင်းအဖိုးအိုတစ်ဥိးက စာရေးသူအား ရှင်းပြခဲ့ ဖူးပါသည်။

အမေရိကန်နိုင်ငံပြီးလျှင် ဂျပန်နိုင်ငံသည် ကားထုတ်လုပ်ရာတွင် စံချိန်တင်သော နိုင်ငံဖြစ်ပါ သည်။ မြန်မာနိုင်ငံသည် ဂျပန်နိုင်ငံထုတ်ကားများကို ယနေ့တိုင်မှာယူ တင်သွင်း အသုံးပြုနေရသော နိုင်ငံဖြစ်ပါသည်။ ဂျပန်နိုင်ငံသည် ကမ္ဘာ့နိုင်ငံအများစုသို့ ကားတင်ပို့ရာတွင် steering (စတီရာတိုင်)အား ကား၏ညာဖက်တွင်ထားကာ တတ်ဆင်ထုတ်လုပ်ပြီး လက်ဝဲရစ်ယာဉ်ကြော မောင်းစနစ်နှင့် အံ့ဝင်ခွင်ကျ ဖြစ်အောင် ထုတ်လုပ်လျက်ရှိပါသည်။ လက်ဝဲရစ်ယာဉ်ကြောမှ မောင်း နှင်နေစဉ်တွင် steering မောင်တံသည် ယာဉ်မောင်း၏ ညာဖက်အခြမ်းတွင် ရှိသဖြင့် ရှေ့ကားကို မြင်နေရသောကြောင့် ကျော်တက်သင့်၊ မသင့် ချင့်ချိန်နိုင်ပါသည်။ သို့သော် ယခင်က တင်သွင်းခဲ့ သော ယာဉ်များသည် လက်ဝဲရစ်မောင်းယာဉ်ကြောစနစ်အတွက် အဆင်ပြေစေရန် ရည်ရွယ်ထုတ် လုပ်ထားသဖြင့် လက်ယာဘက်မောင်း၊ ယာဉ်ကြောများတွင် မောင်းနှင်ရသောအခါ ၂လမ်းမောင်း သွားလမ်းများတွင် ယာဉ်တစ်စီးနှင့်တစ်စီး ကျော်တက်သောအခါ မျက်နှာချင်းဆိုင်မှ မောင်းလာ သောယာဉ်အား တိုက်မိပြီး မတော်တဆ Car Accident များနေ့စဉ်နှင့်အမျှ ကြုံတွေ့နေရပါသည်။ ယာဉ်မောင်းနေရသည့်ဘက်နှင့် စတီရာတိုင်ရှိသည့်ဘက် အံ့မဝင်သောကြောင့်ဖြစ်သည်။

ထိုပြဿနာကိုဖြေရှင်းနိုင်ရန် နောက်တင်သွင်းမည့်ယာဉ်များကို လက်ယာဖက်အခြမ်း မောင်းစနစ်နှင့် အံ့ဝင်ခွင်ကျဖြစ်စေမည့် စတီရာတိုင်(Steering) ဘယ်အခြမ်းတတ် ယာဉ်များကိုသာ နိုင်ငံအတွင်းတင်သွင်းသင့်ပါသည်။ လက်ဝဲဘက်၊ လက်ယာဘက်မောင်းသည့် စနစ်အား ရုတ်တရက်ပြောင်းလဲဖို့ရန်ကား စိန်ခေါ်မှု့များ၊ အဆင်မပြေမှု့များစွာ ရှိနိုင်ပါသည်။

မဟာရန်ကုန်မြို့ရှိ လူစည်ကားရာ နေရာများရှိ လူကူးမျဉ်းကျားများတွင်ပင် ခရီးသည်များ သည် လမ်းဖြတ်ကူးရန်၊ ကားများကိုယာဉ်ကြောပြတ်သည်အထိ စောင့်ဆိုင်းနေရပါသည်။ ယာဉ် အသွားအလာကျဲသွားမှ လမ်းဖြတ်ကူးရသည့် ဒုက္ခကို နေ့စဉ်နှင့် အမျှရင်ဆိုင်ရပါသည်။ အင်္ဂလန်နိုင်ငံလို နေရာမျိုးကို စာရေးသူရောက်ခဲ့စဉ် အရှိန်နှင့်လာသောကားများသည် ခရီးသည် များ လမ်းဖြတ်ကူးမည်ကို မြင်သောအခါ ရပ်တန့်ပေးကြပါသည်။ ကျောင်းသားလေးတစ်ဦး လူကူးမျဉ်းကျားအနီးရှိ Bell ခလုတ်တစ်ခုကို နှိပ်လိုက်ရုံဖြင့် ကားများ အရှိန်လျော့ကာ လမ်းဖြတ် ကူးသူများကို ဦးစားပေးသည့် ယဉ်ကျေးမှု့မှာ မှတ်သား ဂုဏ်ယူဖွယ်ရာကောင်းလှပါသည်။

ယနေ့ ရန်ကုန်မြို့ရှိ ယာဉ်ကြောပိတ်ဆို့မှု ယာဉ်တန်းရှည်ကြီးများ ဖြစ်ပေါ်ကာ ကားများက “လိပ်သွား သွားနေမှု့” လမ်းခရီးများတွင်ပင် တန်ဖိုးရှိအချိန်များဆုံးရှုံးကာ ရုံးဆင်း၊ရုံးတက် အလုပ်သွား၊ အလုပ်ပြန်၊ကျောင်းတက်၊ကျောင်းဆင်း စသည်တို့ နောက်ကျမှု့တို့ကြောင့် စိတ်ဖိစီး မှု့များကို နေ့စဉ်နှင့်အမျှ ခံစားနေရပါသည်။ ရန်ကုန်မြို့နေ ပြည်သူလူထုကြီး ထိုရင်ဆိုင်ကြုံတွေ့ နေရသော စိန်ခေါ်မှု့များကို လျော့နည်း၊လျော့ပေါ့သွားစေရန် ပြည်သူလူထုနှင့် အစိုးရတာဝန်ရှိ ပုဂ္ဂိုလ်များ၊ နှစ်ဦးနှစ်ဘက် ပူးပေါင်းဆောင်ရွက်ဖို့လိုပါသည်။ ဥပမာ- ယာဉ်မောင်းများအနေဖြင့် လူကူးမျဉ်းကြားအနီး၊ မီးပွိုင့်များအနီး၊ သင်္ဘောဆိပ်များ၊ မီးရထားဘူတာရုံများအနီး လူစည်ကားသည့် ဈေးများ၊ ကျောင်းများအနီးတွင် ခရီးသည် အတင်အချကို အချိန်ကြာမြင့်စွာ လုပ်နေခြင်း၊ အငှားယာဉ်များ အနေဖြင့် ထိုနေရာများတွင် ခရီးသည်ရရန်၊ အချိန်ကြာမြင့်စွာ စောင့်ဆိုင်းနေခြင်း စသည်တို့ ကင်းဝေးပပျောက်သွားစေရန် CCTV- ကင်မရာများကို လုံလုံ လောက်လောက် အသုံးပြုကာ မှတ်တမ်းတင်စေပြီး ကျူးလွန်သူများကို ပညာပေးကာလများ ကန့် သတ်၍ အရေးယူ အပြစ်ပေးခြင်းများကို ပြုလုပ်ရပေမည်။

ပုံမှန်ညာဘက် ယာဉ်ကြောမှ မောင်းနှင်နေသောကားများကို ကွေ့ကြောပေးလိုပါက ညာ ဖက်လမ်းများရှိရာဖက်သို့သာ ကွေ့ကြောပေးသင့်ပါသည်။ အကယ်၍ ညာဘက်ယာဉ်ကြော အတိုင်း မောင်းလာနေသော ကားတစ်စီးသည် အကြောင်းကြီး၊ငယ်၊ကိစ္စတစ်စုံတစ်ခုကြောင့် ဘယ် ဘက်အခြမ်းရှိ လမ်းချိုးများကို ချိုးကွေ့လိုက်လျှင် နောက်မှကပ်ပါလာသော ကားနဲ့ဖြစ်စေ၊ မျက်နှာ ချင်းဆိုင်ယာဉ်ကြောမှ မောင်းလာသော ကားနဲ့ ဖြစ်စေ ရှောင်တိမ်း ကျော်ဖြတ်ရင်း ယာဉ်ကြော ပိတ် ဆို့မှု့ ပြဿနာကို ကြိမ်ဖန်များစွာ ဖြစ်စေနေပါသည်။ ထို့ကြောင့် ၂ လမ်းမောင်းစနစ်ခွင့်ပြုထားသည့် ယာဉ်ကြော၌ ကွေ့ကြောကို ညာဖက်အခြမ်းရှိ လမ်းတို၊ လမ်းရှည်များအတွက်သာ ရည်ရွယ်၍၊ ညာဖက်ကွေ့ကြောမောင်းနှင်သည့်စနစ်ကို ကျင့်သုံးသင့်ပါသည်။

ထို့အပြင် ခရီးသွားလူထုများ၊ အသွားအလာကျဲသည့်၊ အသွားအလာနည်းသည့်၊ ယာဉ်ကြောများရှိရာဖက်တွင် တစ်လမ်းမောင်းစနစ်ယာဉ်ကြောကို သတ်မှတ်သင့်ပါသည်။ အဝိုင်း ပတ်လမ်းများရှိရာနေရာမျိုးတွင် မီးပွိုင့်များထားခြင်းသည် ယာဉ်အသွားအလာကိုပို၍ ထူထပ်များ ပြားစေပြီး ယာဉ်ကြောပိတ်ဆို့မှု့ကို ဖန်တီးပေးသလို ဖြစ်စေပါသည်။

ရုံးချိန်၊ ကျောင်းဆင်း၊ ကျောင်းတက်ချိန်များတွင် ပင်မလမ်းမကြီး (Main Road)များပေါ် တွင် ရပ်တန့်နေသော ကားမှန်သမျှကို အချိန်တို အကန့်အသတ်တစ်ခုပေးကာ ခွင့်ပြုပေးပြီး သတ်မှတ်ချိန်ကျော်လွန်သွားပါက Video Camera များဖြင့်ပါ မှတ်တမ်းတင်စေပြီး ကျူးလွန်သူများ ကိုအရေးယူ အပြစ်ပေးသင့်ပါသည်။

မည်သို့ပင်ဆိုစေ ရန်ကုန်မြို့နေ ပြည်သူအများစုကြီးသည် YBS ယာဉ်များကိုသာ အားကိုးပြီး စီးနေရသူများဖြစ်၍ စာရေးသူ အကြံပြုသည့်အတိုင်း တိတိကျကျ လုပ်ဆောင်နိုင်ပါက ယာဉ်ကြော ပိတ်ဆို့မှု့များသည် အတိုင်းအတာတစ်ခုထိ လွယ်ကူပြေလည်သွားမည်ကို ထင်မြင်မိပါကြောင်း အကြံပြုလိုပေသည်။

ရန်ကုန်တိုင်းဒေသကြီး သယ်ယူပို့ဆောင်ရေး ကြီးကြပ်ကွပ်ကဲမှု့ အာဏာပိုင်အဖွဲ့ (YRTA) က YBS ယာဉ်လုပ်သားများ၊ ယာဉ်စည်းကမ်း၊လမ်းစည်းကမ်း ဖောက်ဖျက်မှု့နှင့် သတ်မှတ်ထား သည့် စည်းကမ်းများ၊ မလိုက်နာခြင်းများကို YBS Complain Center ဖုန်း ၀၉-၄၄၉၂၁၆၅၇၈ ကို ဆက်သွယ်တိုင်ကြားနိုင်ခြင်းသည်လည်း ယာဉ်ကြောပိတ်ဆို့မှု့ကို ကူညီဖြေရှင်းရာတွင် အပေါင်း လက္ခဏာဆောင်သော လုပ်ဆောင်ချက် တစ်မျိုးပင် ဖြစ်ပါသည်။ နှစ်ပေါင်းများစွာ ပျက်စီးနေသော စ်ိတ်ဓာတ်များ၊ အကျင့်စရိုက်များကို အများပြည်သူလူထု အကျိုးကို မျှော်ကိုး၍ မိမိတို့ ကိုယ်တိုင်က စတင်ပြီး နည်းမှန်၊ လမ်းမှန် ပြုပြင်ကြပြီး အခက်အခဲဟူသရွေ့ကို ဝိုင်းဝန်းဖြေရှင်းကြပါစို့ဟု တိုက်တွန်းအပ်ပါသည်။

ဂျက်ဖရီတင်အုန်း(ရန်ကုန်စက်မှု့တက္ကသိုလ် R.I.T )

August 12, 2017
“ရှစ်လေးလုံး အရေးတော်ပုံကြီးက လူထုကို ဘာသင်ခန်းစာတွေပေးခဲ့လဲ”

သြဂုတ် ၈ ၊ ၂၀၁၇

မြန်မာပြည်အဝန်း ရဟန်းရှင်လူ၊ကျောင်းသားပြည်သူလူထုအပေါင်း၊ မြန်မာ့ဆိုရှယ်လစ် လမ်းစဉ် ပါတီ (မဆလ) တစ်ပါတီ အာဏာရှင်စနစ်ကို ဆန့်ကျင်သောအားဖြင့်် အံတုဆန္ဒပြခဲ့သည့် ရှစ်လေးလုံး (၈-၈-၁၉၈၈) နှစ်ပတ်လည် အခမ်းအနားကြီးသည်လည်း ၂၀၁၇ခု သြဂုတ်လ ၈ ရက် အင်္ဂါနေ့တွင် ၂၉နှစ်ပြည့်ပြီဖြစ်သည်။ ထိုရှစ်လေးလုံး အရေးတော်ပုံကြီးတွင် လူသတ်၊ခေါင်းဖြတ်၊ မင်းမဲ့စရိုက်များရှိခဲ့ကြောင်း၊ ဇောင်းပေးဖော်ပြပြီးပြောဆိုနေသူများ၊ လူမှု့ရေးကွန်ရက်များပေါ်တွင် ထိုအရေးတော်ပုံကြီးအား သေးသိမ်အောင်၊ အကျည်းတန်အောင်၊ လူနည်းစုအခွင့်ထူးခံ အာဏာ စနစ်ကို ခုံမင်စွဲမက်နှစ်သက်သူများအလိုကျ ရေးသားနေသူများကိုတွေ့ရသောအခါ “ဆင်သေကို ဆိတ်သားရေဖြင့် ဖုံး၍မရ ”ဟူသော ဆိုရိုးစကားလေးက အမှန်တရားဖော်ထုတ်သူများဘက်က သက်သေခံနေပေသည်။

ရှစ်လေးလုံးဒီမိုကရေစီအရေးတော်ပုံကြီး ဖြစ်ပေါ်ခဲ့ရခြင်းသည် မဆလတစ်ပါတီ အာဏာ ရှင် ဦးနေဝင်းအစိုးရ၏ နောက်ခံသမိုင်းဆိုးများကြောင့် ဖြစ်ပေသည်။ အတိုချုပ်တင်ပြရလျှင် ၁၉၆၂ ခု မတ် ၂ရက်နေ့တွင် ဗိုလ်ချုပ်ကြီးနေဝင်းဦးဆောင်သော စစ်အစိုးရသည် ပြည်သူလူထုကြီးရွေး ကောက်တင်မြှောက်ထားခဲ့သော ပါလီမန်ဒီမိုကရေစီ အစိုးရအား အာဏာသိမ်းခဲ့သည်။ ၁၉၆၂ခု ဇူလိုင်လ ၇ရက်နေ့တွင် သမိုင်းဝင် ရန်ကုန်တက္ကသိုလ်ဝင်းအတွင်းရှိ တက္ကသိုလ်ကျောင်းသားသမဂ္ဂ အဆောက်အအုံကြီးကို ဒိုင်းနမိုက်ဖြင့်ဖြိုခွင်းခဲ့သည်။ တက္ကသိုလ်ကျောင်းဝင်းအတွင်းရှိ ဆန္ဒပြ ကျောင်းသား၊ကျောင်းသူများအား လက်နက်အားကိုးကာ အကြမ်းဖက် ဖြိုခွင်းခဲ့မှု့ကြောင့် ကျောင်း သားတစ်ရာနီးပါး အသက်ဆုံးပါးခဲ့ရသည်။ ၁၉၇၄ခု နိုဝင်ဘာ ၂၅ ရက်နေ့တွင် အမေရိကန်ပြည် ထောင်စုတွင် အဆုတ်ကင်ဆာဖြင့် ကွယ်လွန်သွားခဲ့သော ကမ္ဘာ့ကုလသမဂ္ဂ အထွေထွေအတွင်း ရေးမှူးချုပ်ဟောင်း ဦးသန့်၏ဈာပဏကို ရန်ကုန်မြို့ရှိ ကျိုက္ကဆံကွင်းရှေ့ သင်္ချိုင်းတွင်ထားရာမှ ကျောင်းသားများ မကျေနပ်ဆန္ဒပြကာ ရန်ကုန်တက္ကသိုလ်ဝင်းအတွင်း သမဂ္ဂအဆောက်အဦးရှေ့ တွင် ရုပ်ကလပ်ကို ဂူသွင်းရာမှ အာဏာသိမ်းခေါင်းဆောင် ဗိုလ်ချုပ်ကြီးဦးနေဝင်း၏ အမိန့်ပေးလမ်း ညွှန်မှု့ကြောင့် စစ်အင်အားသုံးအကြမ်းဖက်ဖြိုခွင်းရာမှ ကျောင်းသားအများအပြား သေဆုံးဒဏ်ရာ ရကာ ကျောင်းသားများ၏ သမိုင်းသွေးများကား မှတ်တမ်းဝင်သွားခဲ့ပေသည်။ ထို့အပြင် မဆလအစိုး ရသည် ၁၉၇၆ခု မတ်လ ၂၃ရက်နေ့တွင် မှိုင်းရာပြည့် အရေးအခင်းကိုလည်းကောင်း၊ ဆန်ရှားပါးမှု့ ပြဿနာကိုအာရုံလွဲလိုသောကြောင့် ၁၉၆၇ခုနှစ် ဇွန်လ ၂၂ရက်နေ့တွင် တရုတ်၊ဗမာအရေးအခင်း ကိုလည်းကောင်း၊ ၁၉၈၇ ခုနှစ်တွင် ပြည်၊တောင်ကြီး စသည့်မြို့များ၌ ကုလား-ဗမာ လူမျိုးရေး၊ ဘာသာရေး အဓိကရုဏ်းများကိုလည်းကောင်း ဖန်တီးကာ နိုင်ငံရေးပြဿနာများကို အာရုံလွဲကာ တိုင်းပြည်ကို ၂၆ နှစ်ကြာအုပ်ချုပ်ခဲ့ပေသည်။

ထို့ကြောင့်လည်း မြန်မာ့ဆိုရှယ်လမ်းစဉ်ပါတီ (မဆလ)ပါတီကြီးတွင် လက်ညှိုးထောင် ခေါင်းညိတ်လူပုတ်သင်ညိုများ အပေါ်ဖား အောက်ဖိ အရည်အချင်းမရှိ အချောင်သမား လူတန်းစား များ မဆလအစိုးရထဲတွင် ဒုနဲ့ဒေးဖြစ်လာခဲ့တော့သည်။ တစ်ချိန်က ပါလီမန်ဒီမိုကရေစီခေတ်က စင်္ကာပူထက်သာလွန်ခဲ့သော မြန်မာနိုင်ငံတော်ကြီးသည် ကမ္ဘာ့ဖွံ့ဖြိုးတိုးတက်မှု့ အနှေးကွေးဆုံး (Least Developed Country- LDC ) စာရင်းဝင်နိုင်ငံတစ်ခုဖြစ်သွားခဲ့ရပေသည်။

ထို့အပြင် ပြည်သူလူထု၏ ချွေးနည်းစာငွေများဖြစ်သည့် ၁၀၀ကျပ်တန်၊ ၉၀ကျပ်တန်၊ ၄၅ကျပ်တန်၊ ၃၅ကျပ်တန် ငွေစက္ကူများ သုံးစွဲနေခြင်းကို တရားမဝင်ငွေများဖြစ်ကြောင်း အမိန့်အာဏာဖြင့် ထုတ်ပြန်ခဲ့ခြင်း၊ ရန်ကုန်စက်မှုတက္ကသိုလ် (R.I.T) ကျောင်းဝင်းအတွင်း ဆန္ဒပြ ကျောင်းသား ၂ ဦးဖြစ်သည့် ကိုဖုန်းမော်နှင့် ကိုစိုးနိုင်တို့ကို လုံထိန်းရဲများ၏ ပစ်ခတ်မှု့ကြောင့် သေဆုံးခဲ့ရသည်ကို နောက်နေ့နိုင်ငံပိုင်သတင်းစာများတွင် အချွန်ဖြင့်ထိုးမိ၍ သေဆုံးခဲ့ကြောင်း မုသားသုံးလိမ်ညာကာ မဆလအစိုးရ တာဝန်ရှိသူများက ထုတ်ပြန်ခဲ့ခြင်းသည် ကျောင်းသားထု၏ လောင်မြိုက်နေသော ဒေါသမီးကို လောင်စာဆီပက်ဖြန်းသလိုဖြစ်ခဲ့ပြီး အခြားဝိဇ္ဇာ၊သိပ္ပံ တက္ကသိုလ် များကိုပါ ပြန့်နှံ့ရောက်ရှိခဲ့ပြီး ကျောင်းသားများက ထိုအကြမ်းဖက်လုပ်ရက်ကို ပြစ်တင်ရှုတ်ချခဲ့ပြီး ကျူးလွန်သူများကို အမြန်ဆုံးစုံစမ်းဖော်ထုတ် အရေးယူပေးရန်အစိုးရထံ တောင်းဆိုခဲ့သော်လည်း ထူးမခြားနားသာဖြစ်ခဲ့ပါသည်။ ထုိ့အပြင် မဆလတစ်ပါတီ အာဏာရှင်ကြီး ဦးနေဝင်းသည် ရန်ကုန် မြို့၊ ကျိုက္ကဆံ အားကစားကွင်းအတွင်း ပြည်နယ်တိုင်း ၁၄ခု ကိုယ်စားပြု အရေးပေါ်ညီလာခံကြီး တွင် ကျောင်းသား၊ ကျောင်းသူများအပါဝင်၊လူထုတစ်ရပ်လုံးကို ရည်ညွှန်းကာ “စစ်တပ်ဆိုတာ ပစ်ရင်၊ တည့်တည့်ပစ်တယ်။ မိုးပေါ်ထောင်မပစ်ဖူး” ဟု လူမိုက်ဆန်ဆန် တာဝန်ယူမှု၊တာဝန်ခံမှု ကင်းမဲ့စွာ ပြောဆိုခဲ့မှု့ကြောင့် ၈-၈-၈၈ ခုနှစ်တွင် ရန်ကုန်မြို့၌ ကျောင်းသား၊ကျောင်းသူများ ဦးဆောင်ကာ ဒီမိုကရေစီအရေးတောင်းဆို ဆန္ဒပြပွဲများ ဖြစ်ပေါ်ခဲ့ရပါသည်။ နောက်ဆက်တွဲရလာဒ် အနေဖြင့် ပါတီဥက္ကဋ္ဌ ဦးနေဝင်းသည် တရားဝင်နှုတ်ထွက်ခဲ့ပြီး၊ ဦးစိန်လွင် သမ္မတဖြစ်လာခဲ့သည်။

အာဏာရ သမ္မတဦးစိန်လွင်သည် တပ်မ ၂၂ စစ်တပ်အင်အားကိုသုံးကာ လက်နက်ဆိုလို့ အပ်တို တစ်ချောင်းမျှမရှိသော ဆန္ဒပြကျောင်းသား၊ကျောင်းသူများကို “ဗကပ”ယူဂျီ (ဗမာပြည်၊ ကွန်မြူနစ်ပါတီဝင် မြေအောက်အဖွဲ့အစည်းဝင်များ)ဟု တံဆိပ်မည်းတပ်ကာ သူ့စစ်တပ်အား အဆိပ်မှိုင်းများ သွတ်သွင်းကာ မတရားဝါဒဖြန့်ခဲ့ပါသည်။ ထို့ကြောင့်လည်း အလယ်တန်း၊ အထက် တန်း အဖြူအစိမ်းဝတ် ကျောင်းသား၊ကျောင်းသူလေးများ ရင်ဘတ်များ၊ကျောများ ပွင့်ထွက်ကာ၊ မြင်မကောင်း၊ ရှု့မကောင်း ကြေကွဲဖွယ် သေပွဲဝင်ခဲ့ရသည်ကို စာရေးသူမျက်မြင်ကိုယ်တွေ့ဖြစ်ပါ သည်။ ထိုကဲ့သို့သွေးစွန်းခဲ့သော အဓမ္မလုပ်ရပ်များကို မခံနိုင်လွန်းသော ရဟန်းရှင်လူ၊ ပြည်သူလူ ထုကြီးသည် ပြည်နယ်နှင့်တိုင်း မြို့ကြီးပြကြီးများတွင် အာဏာရှင်စနစ်ဆန့်ကျင်ရေး၊ဆန္ဒပြပွဲများကို ပြုလုပ်ခဲ့ကြသည့် “လူပင်လယ်လှိုင်းလုံးကြီးများ”သည် မြန်မာ့သမိုင်းတွင် မော်ကွန်းတင်ခဲ့ပေသည်။

ရှစ်လေးလုံး ဒီမိုကရေစီအရေးတောင်းဆိုဆန္ဒပြပွဲကြီးတွင် မဆလအစိုးရ၏ အကြမ်းဖက် ဖြိုခွင်းမှု့ဒဏ်ကို အခံရဆုံးမှာ ရန်ကုန်တိုင်းရှိ ဒီမိုကရေစီအင်အားစုများပင်ဖြစ်ပါသည်။ တစ်တိုင်းပြည်လုံးရှိ ဒီမိုကရေစီအင်အားစုများ၏ ဆက်တိုက်ဆန္ဒပြ တောင်းဆိုမှု့ကြောင့် ဦးစိန်လွင် သည် (၁၇)ရက်သာ သမ္မတလုပ်နိုင်ခဲ့ပြီး ဥပဒေပညာရှင် ဒေါက်တာ မောင်မောင်သည် တစ်လသာ သမ္မတလုပ်နိုင်ခဲ့ပေသည်။

ဒေါက်တာမောင်မောင် သမ္မတဖြစ်လာသောအခါ စစ်အုပ်ချုပ်ရေးကိုရုတ်သိမ်းပေးခဲ့သည်။ ထို့ကြောင့်လည်း စာပေ၊ဂီတ၊ရုပ်ရှင်လောက၊ရှေ့နေလောက၊တက္ကသိုလ်၊ကောလိပ်များအပြင် ပြည်ထဲရေးဝန်ကြီးလက်အောက် ရဲတပ်ဖွဲ့အချို့၊စ.စ.စ (အထူးစုံစမ်းစစ်ဆေးရေးအဖွဲ့)၊ မီးသတ် တပ်ဖွဲ့စသည်တို့ပါ ဒီမိုကရေစီအရေးတောင်းဆို ဆန္ဒပြပွဲများတွင် ပါဝင်လာကြတော့သည်။

တစ်ပြိုင်နက်တည်းမှာပင် မဆလအစိုးရသည် တိုင်းနှင့်ပြည်နယ်အသီးသီးရှိ အကျဉ်း ထောင်များကို ရည်ရွယ်ချက်ရှိရှိ “ခါ”နေပေသည်။ ထိုကဲ့သို့ မသိမသာထောင်ခါခဲ့ရခြင်း၏ ရည်ရွယ် ချက် (၁) လတ်တလောဆန္ဒပြနေသူ ဒီမိုအင်အားစုများ ထောင်ထဲထည့်ရန် (၂) ရာဇဝင်လူဆိုး သူခိုး ဒုစရိုက်သမားများအား ပြင်ပတွင်ရောက်စေပြီး၊ပြည်သူလူထုကြီး ကျီးလန့်စာ စားသလို၊ နေရင်း ခိုး၊ဆိုး၊လု၊ယက်၊ တိုင်းပြည်မငြိမ်မသက်ဖြစ်သောအခါ စစ်တပ်မှ အာဏာသိမ်းစေရန် အကွက်ချပေးခြင်း။ ဖြစ်သည်ကို ဝါရင့်နိုင်ငံရေးသမားများက သတိပေးခဲ့ပါသေးသည်။ သို့သော် အရာမထင်ပါ။

အမေကမွေး၊ ထောင်ကကျွေးနေသူ ရာဇဝတ်ကောင်ဟောင်းများသည် ဒိမိုကရေစီအရေး တောင်းဆိုဆန္ဒပြနေကြသည့် အုပ်စုများအတွင်း ပြန့်နှံ့ရောက်ရှိသွားခဲ့ပြီး၊ ဇာတိရုပ်များကို ပြကာ တရားဥပဒေစိုးမိုးမှု့ကင်းမဲ့နေသော၊အားနည်းနေသော နေရာများတွင် ဘီလူးဆိုင်းတီးကာ ထွက်လာကြတော့သည်။ မင်းမဲ့စရိုက်ဆန်ဆန် အမှု့အခင်းများကို ရှစ်လေးလုံးဒီမိုကရေစီအရေး တော်ပုံကာလ အတွင်း ကျူးလွန်ခဲ့ကြသောကြောင့် ၈.၈.၈၈ အရေးတော်ပုံကြီးသည် “ဆွမ်းဆန်ထဲ ကြွက်ချေးရောသွားသည့်အလား”၊ “ငခုံးမတစ်ကောင်ကြောင့် တစ်လှေလုံး ပုပ်သွားသည့်အလား” အရုပ်ဆိုးအကျည်းတန်အောင် ဖြစ်ခဲ့ရသည်များလည်းရှိခဲ့ပါသည်။

သမ္မတဒေါက်တာမောင်မောင်၏ မာရှယ်လောစစ်မိန့်များ ရုတ်သိမ်းပြီးသောအခါ စစ်တပ်မှ TE ကားများဖြင့် အစိုးရပိုင်ကုန်လှောင်ရုံများမှ ပစ္စည်းများကို အကြိမ်ကြိမ်သယ်ခဲ့ကြသည်။ မသယ် ဆောင်ပဲ အကြောင်းအမျိုးမျိုးကြောင့်ထားခဲ့သော ပစ္စည်းများကို ထိုရပ်ကွက်အနီးအနားရှိ သေမထူး နေမထူး ဆင်းရဲသားများနှင့် ထောင်နန်းစံခဲ့ကြသူများက သွားယူခဲ့ကြသည်။ ပစ္စည်းများကိုယူနေစဉ် မဆလ စစ်တပ်နှင့် ရှောင်တခင်ပက်ပင်းတိုးမိခဲ့ပြီး ပစ်ခတ်ဖြိုခွင်းခံခဲ့ ရသူများလည်းရှိသည်။ ထိုအချိန် မဆလအစိုးရ၏ စစ်ထောက်လှမ်းရေးများကလည်း ဒီမိုအင်အားစုများအကြား ထိုးဖောက် ဝင်ရောက် ပူကပ်၊သွေးခွဲ၊သပ်လျှိုကာ တစ်ဖွဲ့နှင့် တစ်ဖွဲ့အထင်မှား၊အမြင်မှား သံသယများ ဖြစ်ပေါ် ပြီး စည်းလုံးညီညွတ်မှု့ ပြိုကွဲအောင် ပြုလုပ်ခဲ့ပါသည်။ ဥပမာပြောရလျှင် ဒေါ်အောင်ဆန်းစုကြည် ရွှေတိဂုံဘုရားဝင်းအတွင်း လူထုဟောပြောပွဲကျင်းပမည့်နေ့ ရန်ကုန်မြို့လယ်ခေါင်အတွင်း ထိုစဉ်က စစ်ထောက်လှမ်းရေး ဗိုလ်ကြီးအဆင့်ရှိသူနှင့် အပေါင်းပါတစ်စုအား ဒီမိုခေါင်းဆောင်နှင့်ပတ်သက်၍ မဟုတ်မဟ လုပ်ကြံဝါဒဖြန့်စာရွက်များအား လက်ပူး၊လက်ကြပ်ဖမ်းဆီးမိခဲ့ခြင်းသည် ထင်ရှားသော သက်သေသာဓက တစ်ခုပင်ဖြစ်သည်။

မည်သို့ပင်ဆိုစေကာမူ ရှစ်လေးလုံး အရေးတော်ပုံကြီးသည် ယူတတ်လျှင် သင်ခန်းစာများကို ပေးစွမ်းပါသည်။ (၁) စစ်အာဏာရှင်များ၏လက်သုံးစကားတစ်ခုဖြစ်သည့် “အာဏာသည် သေနတ်ပြောင်းဝမှာရှိသည်။”ဟူသောစကားကို ချေဖျက်ခဲ့သည်။ (၂) ပြည်သူတင်း လျှင် ဘယ်အစိုးရမင်းမှ မခံနိုင်ကြကြောင်းကို သက်သေထူခဲ့သည်။ (၃) ပြည်သူလူထုကြီးသည် အာဏာရှင်စနစ်ကို မလိုလားကြောင်း၊မနှစ်သက်တော့ကြောင်းကို ဆန္ဒပြပွဲများကသက်သေပြခဲ့ သည်။ (၄) ပြည်သူလူထု၏ ထောက်ခံမှု့မရှိသော အစိုးရတစ်ရပ်သည် ရေရှည် မရပ်တည်နိုင် ကြောင်း၊အမှန်တရားကိုလိုလားသော၊ ပြည်သူလူထုကြီးသည် မုချဧကန် တစ်နေ့ အောင်ပွဲခံရမည် သေချာကြောင်း စတဲ့အဖိုးတန် သင်ခန်းစာများကို ပေးခဲ့သောကြောင့်လည်း ဒီမိုကရေစီ ခေါင်းဆောင် ယခု နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ဦးဆောင်သော အရပ်သားအစိုးရ တစ်ရပ် လက်ရှိ တိုင်းပြည်ကို ဦးဆောင်နေပါကြောင်း ထင်ရှားသော သာဓကတစ်ရပ်ကို တင်ပြလိုက်ပါသည်။

ဂျက်ဖရီတင်အုန်း (ရန်ကုန်စက်မှုတက္ကသိုလ် R.I.T)

August 7, 2017
လေဆိပ်လုပ်ကြံမှုအပေါ် စိတ်ဝင်စားမှုများက အရှိန်ကျလာသည် ဦးကိုနီလုပ်ကြံခံရမှု စစ်ဆေးသည့် တရားခွင်

သြဂုတ် ၄ ရက်နေ့ တရားခွင်သို့ ရောက်လာကြသော ရန်ကုန်လေဆိပ်လုပ်ကြံမှုနှင့် ဆက်စပ်ပြီး ဖမ်းဆီးခံထားရသူများ၊ လုံခြုံရေးတပ်ဖွဲ့ဝင်များ (ဓာတ်ပုံများ – ပြည့်ပြည့်/Myanmar Now)

ဖြိုးသီဟချို/Myanmar Now

ရန်ကုန် (Myanmar Now) – တရားခွင်အတွင်း လျှပ်စစ်မီးပြတ်တောက်သွားပြီး မကြာမီ ကျွန်တော်က ပျင်းရိငြီးငွေ့မှုကြောင့် အတွေးထဲ ရောက်လာသည့် သီချင်းတစ်ပုဒ်ကို ကျွန်တော် ခြေထောက်များက အသိစိတ်မဲ့စွာဖြင့် စည်းချက်လိုက်နေမိသည်။

လုပ်ကြံ သတ်ဖြတ်ရာတွင် ပူးပေါင်းပါဝင်ခဲ့သည်ဆိုသည့် စွပ်စွဲချက် ပုဒ်မ ၃၄ ဖြင့် ဖမ်းဆီး ထိမ်းသိမ်းခြင်းခံထားရသူ တစ်ဦး၏ အိမ်ထောင်ဖက်ဖြစ်သူက မျက်မှောင်ကြုတ်၍ ကြည့်လိုက်သောအခါတွင်မှ ကျွန်တော် သတိဝင်လာပြီး စည်းချက်လိုက်နေမှုကို ရပ်တန့်လိုက်မိသည်။

တရားခွင်ပြင်ပတွင် သြဂုတ်လဆန်း၏ မိုးဖွဲဖွဲများက စည်းချက်ကျကျ ရွာသွန်းနေသည်။ သို့သော်လည်း တရားခွင်ရှိရာ အခန်းကား အလွန်ပူ၏။

ရန်ကုန်လေဆိပ်တွင် အမျိုးသားဒီမိုကရေစီအဖွဲ့ချုပ် ဥပဒေအကြံပေး ရှေ့နေကြီးဦးကိုနီကို လုပ်ကြံမှုနှင့် ပတ်သက်ပြီး ဖမ်းဆီး တရားစွဲခံထားရသူများ၊ ၎င်းတို့ မိသားစုဝင်များ၏ ရင်ထဲတွင်လည်း ပူလောင်နေဖွယ်ရှိသည်။ ရှေ့နေကြီးဦးကိုနီ၊ လေဆိပ်တွင် ပစ်ခတ်ခံရသူ အငှားယာဉ်အမောင်း ကိုနေဝင်းတို့၏ မိသားစုဝင်များလည်း မည်သို့ ခံစားရမည်နည်း။

သေနတ်သမားကြည်လင်း ကားတားခြင်း
——————————–

“ကိုကြည်လင်းက သေနတ်လက်ထဲမှာပါလို့ ချိန်လိုက်တာပဲ” ဆိုသည့် တရားခံရှေ့နေ၏ အသံက တရားခွင်အတွင်း ကျယ်လောင်စွာ ထွက်ပေါ်လာသည့် အခါတွင် ကျွန်တော့် အတွေးစများက ရပ်တန့်သွားသည်။ မီးလည်း ပြန်လာနေပြီ ဖြစ်သည်။

လုပ်ကြံမှုအပြီး ထွက်ပြေးသည့် သေနတ်သမားကြည်လင်း လိုရာခရီးသိုို့ လိုက်ပို့ရန် ခိုင်းစေခြင်းခံရသူ သက်သေ အငှားယာဉ်မောင်း ဦးကျော်ဦးကို စစ်ဆေးမေးမြန်းစဉ် တရားခံရှေ့နေက မှတ်ချက်ပြုခြင်း ဖြစ်သည်။

“သေနတ်သမားကြည်လင်းက မော်တော် ယာဉ်ကို မောင်းထွက်ရန်ခိုင်းစေရာတွင် မောင်းနှင်ခြင်းမပြုပါက ရန်ပြုမည့်ပုံ၊ အန္တရယ်ပြုမည့်ပုံ ရှိပါသလား” ဟူသော မေးခွန်းကို ယာဉ်မောင်းက “အန္တရာယ်ပြုမည့်ပုံ မရှိပါ” ဟု ပြန်လည် ဖြေကြားခဲ့သည်။

အမှန်တကယ် အန္တရာယ်ပြုလိုပါက သေနတ်သမားသည် သေစေလောက်သည့် ခန္တာကိုယ် အစိတ်အပိုင်းကို အနီးကပ် ချိန်ရွယ်မည်ဟု ယူဆခြင်းကြောင်း ထိုသို့ထွက်ဆိုခြင်းဖြစ်သည်ဟု တရားခွင်အပြီးတွင် သူက ကျွန်တော့်ကို ရှင်းပြသည်။

လေဆိပ်လုပ်ကြံမှု မျက်မြင်သက်သေများထဲမှ ယာဉ်မောင်း ၃ ဦးကို တရားခွင်တွင် ၂ နာရီကြာ စစ်ဆေးခဲ့သည်ကို တွေ့ရသည်။

သေနတ်သမား၏ ရှေ့နေကလည်း ၎င်း၏အမှုသည် အမှုပေါ့စေရန် အလို့ငှာ အစွမ်းကုန် ခုခံချေပသည်ကို တရားခွင်တွင် တွေ့ရသည်။

သြဂုတ် ၄ ရက်နေ့ တရားခွင်တွင် တရားလိုများဘက်မှ နာမည်ကျော် ရှေ့နေများဖြစ်သည့် ဦးနေလ၊ ဦးရောဘက်စန်းအောင်တို့ကို မတွေ့ရပေ။

တရားလိုရှေ့နေ ဦးခင်မောင်ဋ္ဌေးက သက်သေ ၁၄ ဦးကို စစ်ဆေးပြီးဖြစ်ကြောင်း တရားခွင်မှ အပြန်တွင် ပြောသည်။

သြဂုတ် ၁၁ တရားခွင်တွင် မျက်မြင်သက်သေ ၆ ဦး ကို စစ်ဆေးကြဦးမည် ဟု သိရသည်။ နောက်ရုံးချိန်းများတွင် လုပ်ကြံသတ်ဖြတ်မှုအတွင်း ပူးပေါင်း ပါဝင်ခဲ့သည်ဆိုသော စွပ်စွဲချက် ပုဒ်မ ၃၄ ကို ရင်ဆိုင်နေရသည့် အောင်ဝင်းဇော်၊ ဇေယျာဖြိုး၊ ထွက်ပြေးလွတ်မြောက်နေသူ အောင်ဝင်းခိုင်၊ အောင်ဝင်းထွန်း တို့နှင့် ပတ်သက်ပြီး စစ်ဆေးပါက ပိုမို စိတ်ဝင်စားစရာကောင်းမည် ဖြစ်သည်။ ထိုရုံးချိန်းများတွင် နာမည်ကျော်ရှေ့နေတို့၏ လျှောက်လဲ မေးမြန်းစဉ် လုပ်ကြံမှုနောက်ကွယ်မှ အဆက်အစပ်တို့ကို ဖော်ထုတ်ချက်များ ပါဝင်လာဖွယ် ရှိသည်။

အထူးခုံရုံး
———
လုပ်ကြံမှုနှင့် ပတ်သက်ပြီး ပြည်ထောင်စုတရားစီရင်ရေး ဥပဒေ ပုဒ်မ၂၃(ခ)အရ ပြည်ထောင်စု တရားသူကြီးချုပ်အမိန့်အရ ဖွဲ့စည်းထားသည့် အထူးခုံရုံးဖြင့် စစ်ဆေးနေခြင်းဖြစ်သည်ဟု ရန်ကုန်မြောက်ပိုင်းခရိုင်တရားရုံး ဒုတိယ ခရိုင်တရားသူကြီး ဦးရဲထွန်းက ပြောသည်။ အမိန့်ကို မတ်လ ၁၄ ရက်နေ့တွင် ထုတ်ပြန်ခဲ့သည်ဟု ဆိုသည်။

အထူးခုံရုံးကို ခရိုင်တရားသူကြီးဦးတင်ထွေး၊ တွဲဖက် ခရိုင်တရားသူကြီး ဦးဇော်ထူး၊ ဒုတိယခရိုင်တရားသူကြီး ဦးအုံးခိုင်တို့ သုံးဦးဖြင့် ဖွဲ့စည်းထားသည်ဟု သူကပြောသည်။

ဇန်နဝါရီလက အင်ဒိုနီးရှားနိုင်ငံမှ ပြန်လာသော မြန်မာအစိုးရကိုယ်စားလှယ်အဖွဲ့တွင် ပါဝင်သည့် ဦးကိုနီ ရန်ကုန်လေဆိပ်တွင် လုပ်ကြံခံရမှု နောက်ဆက်တွဲ သတင်းကို စာနယ်ဇင်းများတွင် ဖော်ပြမှု အရှိန်လျော့ကျလာသည်။

နေရာအနှံ့အပြားတွင် သူ့နည်းသူ့ဟန်ဖြင့် အရေးကြီးသော ဖြစ်ရပ်များ အဆက်မပြတ် ပေါ်ပေါက်လျက်ရှိရာ ကမ္ဘာ့သတင်းဖြစ်ခဲ့သော လေဆိပ်လုပ်ကြံမှုကို အာရုံစိုက်မှု နည်းပါးလာသည်။

ယခင်ခေတ်များထက် ပိုမို လွတ်လပ်မှု ရလာသဖြင့် သတင်းဌာန အရေအတွက် များပြားနေချိန်တွင် လုပ်ကြံမှုကြီး၏ တရားစီရင်မှုသတင်းက စာနယ်ဇင်းများတွင် အထိုက်အလျောက် ပါဝင်နေမည် ဖြစ်သည်။

လုပ်ကြံမှုကြီး၏နောက်ကွယ်တွင် မည်သူတို့ ရှိသည်ကို ဖော်ပြနိုင်သည့် အခြေအနေနှင့် စာနယ်ဇင်းတို့ ကြုံတွေ့ကောင်း ကြုံတွေ့နိုင်သည်ဟုလည်း တရားခွင်အတွင်း ထိုင်ရင်း စဉ်းစားမိလေသည်။

Myanmar Now မှ ကူးယူဖော်ပြပါသည်။

August 7, 2017