ဇွန် ၈၊ ၂၀၁၄
M-Media
လမင်း
ရန်ကုန်။ ။ ဇူလိုင်လ ၇ ရက်နေ့တွင် ကျရောက်ခဲ့သော ကျောင်းသားသမဂ္ဂဖြိုခွင်းခံရသည့် အထိမ်းအမှတ်အဖြစ် တက္ကသိုလ်မှ ကျောင်းသား ကျောင်းသူ ၂၀၀ ကျော်က အင်ယား ကန်ဘောင်မှ စတင်ချီတက်ခဲ့ကြပြီး ရန်ကုန်တက္ကသိုလ်ရှိ ဖြိုခွင်းခံခဲ့ရသော တကသ အဆောက်အအုံရှေ့တွင် အောက်မေ့ဖွယ် အခမ်းအနားတစ်ရပ် ကျင်းပခဲ့သည်။
“ကျွန်တော်တို့ တကသ တွေဒီနေ့ ဒီလိုပွဲပြုလုပ်ရခြင်းဟာ ၁၉၆၂ ကသမိုင်းကို အခု ကျောင်းသား ကျောင်းသူတွေကို သိရှိစေချင်လို့ပါ။ ဒီနေ့ခေတ်မှာ ပြုပြင်ပြောင်းလဲရေးတွေကို လုပ်နေတယ်လို့ပြောဆိုနေပေမဲ့ ဒီ တကသ အဆောက်အအုံ ပြန်လည်ဆောက်ဖို့ကို အကောင်အထည်မဖော်သေးပါဘူး” ဟု ယင်းအောက်မေ့ဖွယ် အခမ်းအနားတွင် ပါဝင်ခဲ့သူတစ်ဦးဖြစ်သူ စီးပွားရေးတက္ကသိုလ် ကျောင်းသားသမဂ္ဂမှ ကျောင်းသားတစ်ဦးဖြစ်သူ ကိုစည်သူမောင် ကဆိုသည်။
သမိုင်းတန်ဖိုးကြီးခဲ့ပြီး လွတ်လပ်ရေးကြိုးပမ်းမှုသမိုင်းမှာ ထင်ရှားခဲ့တဲ့ ဒီအဆောက်အအုံကြီးကို ပြန်လည်ပေါ်ထွန်းလိုတဲ့ စိတ်အပြည့်အ၀ရှိတယ် ဆိုတာကို ပြသနိုင်ရန်အတွက် ယနေ့ပါဝင်ခဲ့ခြင်းဖြစ်ကြောင်း၊ မြန်မာနိုင်ငံ၏ အပြောင်းအလဲများတွင် ကျောင်းသားတွေ ဆိုတာ ခေတ်အဆက်ဆက်မှာ ပါဝင်ခဲ့ပြီး ကျောင်းသားများသည် နိုင်ငံရေးသမိုင်းကြောင်းနဲ့ ဆက်စပ်နေသောကြောင့် ကျောင်းသားများ နိုင်ငံရေးမှာ ပါဝင်လာမှုကို အစိုးရ အနေနဲ့အားပေးသင့်ကြောင်း ၎င်းကသုံးသပ်ပြောကြားခဲ့သည်။
ဖြိုခွင်းခဲ့ရသော တကသအဆောက်အအုံရှေ့တွင် ကဗျာများရွတ်ဆိုခြင်း၊ အမှတ်တရ သီချင်းများသီဆိုခြင်း၊ အမှတ်တရ စကားများပြောကြားခြင်း၊ ကျဆုံးသွားသော ကျောင်းသားခေါင်းဆောင်များအား အလေးပြုခြင်း များကို ပြုလုပ်ခဲ့ကြသည်။
ထို့ပြင် မြန်မာနိုင်ငံ လုံးဆိုင်ရာ ကျောင်းသား သမဂ္ဂများအဖွဲ့ချုပ်နှင့် လူ့ဘောင်သစ် လူငယ်အဖွဲ့တို့မှ ဦးဆောင်ပြီး ကျဆုံးသွားသော ကျောင်းသားများ အတွက် အလေးပြုခြင်း ပန်းခွေများချခြင်း တို့ကိုပြုလုပ်ခဲ့ကြသည်။
ရန်ကုန်တက္ကသိုလ်ကျောင်းသား အဆောက်အအုံအား ၁၉၆၂ ခုနှစ်တွင် ဦးနေ၀င်းအစိုးရမှ ဖြိုခွင်းခဲ့ခြင်းဖြစ်သည်။
ဓါတ်ပုံ – လမင်း