Tag: anti_Muslim_in_Myanmar

စက်တင်ဘာ၊ ၃၀
M-Media
ထွန်းထောက်

သံတွဲ ။ ။ ဒီနေ့ နေ့လည်ပိုင်းကတည်းက ညဘက်ရောက်ရင် သံတွဲမှာ မီးရှို့မှုတွေ ထပ်မံပြုလုပ်မယ်လို့ သတင်းသိရတာကြောင့် သောကဖြစ်နေတဲ့ သံတွဲမြို့က မွတ်စလင်မ်တွေ အခုအချိန်မှာတော့ သောကတွေ ထပ်ပွားနေကြရပြန်ပါတယ်။

ဒီနေ့ညပိုင်းမှာ သံတွဲက မွတ်စလင်မ်အိမ်တွေကို မီးရှို့မယ်လို့ သိရှိရပြီး နေ့လည်ဘက်ကတည်းက သံတွဲမြို့ဈေးထဲက ဗုဒ္ဓဘာသာဆိုင်တွေကတော့ ပစ္စည်းတွေကို မြို့ပြင်ဘက် ထုတ်ယူသွားကြတယ်လို့ သံတွဲ မြို့ခံများက ဆိုပါတယ်။

ဗုဒ္ဓဘာသာဝင်လူငယ်တစ်ယောက်နဲ့ သာမန်စကားများရာကနေ မနေ့က ရဲစခန်းမှ ဖမ်းဆီးခြင်းခံခဲ့ရတဲ့ ဦးကျော်ဇံလှဟာ အာမခံနဲ့ လွတ်မြောက်ခဲ့ပေမယ့် ဒီနေ့တစ်ခါ ရုံးချိန်းပြုလုပ်ပြီး မနေ့က တရားစွဲဆိုထားတဲ့ ပုဒ်မ ၂၉၄/၅၀၆ ကနေ ၂၉၅(က)သို့ ပြောင်းလဲကာ တရားရုံးမှ အမိန့်ချမှတ်ပြီး သံတွဲထောင်သို့ ဒီနေ့ နေ့လည်က ပို့လိုက်တယ်လို့လည်း သံတွဲမြို့ခံများက ပြောပါတယ်။

ယခုကဲ့သို့ ဦးကျော်ဇံလှအား ထောင်ချလိုက်ခြင်းမှာ ဦးကျော်ဇံလှအား မဖမ်းဆီးပါက အကြမ်းဖက်သမားများမှ အကြမ်းဖက်မှုများ ပြုလုပ်လာမည်ကို စိုးရိမ်၍ ထောင်ချလိုက်ခြင်းဖြစ်တယ်လို့လည်း ပြောပါတယ်။

မနေ့က အကြမ်းဖက်သမားများရဲ့ ၀ိုင်းဝန်းရိုက်နှက်မှုကို ခံလိုက်ရတဲ့ မွတ်စလင်မ်လူငယ်တစ်ယောက်အားလည်း ရိုက်ခံရမှုအား အမှုဖွင့်ပါက ပြဿနာများ ပိုမိုကြီးထွားသွားမည်စိုး၍ အမှုမဖွင့်ရန် စခန်းမှူးပြောဆိုခဲ့တာကြောင့် အမှုမဖွင့်ဘဲ နေခဲ့ရတယ်လို့လည်း အဆိုပါ ရိုက်နှက်ခံရသူ၏ မိသားစုဝင်တစ်ဦးမှ ပြောပါတယ်။

စစ်တပ်ချထားသော်လည်း စစ်တပ်က မည်သို့မှ တားဆီးထိန်းသိမ်းနိုင်ခြင်း မရှိဘဲ နေ့လည်က သတင်းထွက်ပေါ်လာမှုအတိုင်း အခုညမှာတော့ မွတ်စလင်မ်အိမ်တချို့ မီးရှို့ခံနေရပြီဖြစ်တယ်လို့ သံတွဲမြို့ခံများက ပြောပါတယ်။

သံတွဲမြို့ ဗောဓိကုန်းရပ်ကွက် ဦးမောင်မောင်ရဲ့ ရာဘာခြံမှာရှိတဲ့ တဲကို ည ၈-နာရီလောက်က အကြမ်းဖက်သမားတွေက လာရောက်မီးရှို့လိုက်ပြီး နောက်တစ်ခါ မနေ့က မီးရှို့တာက မကုန်သွားတဲ့ ကိုကြီးမြင့်ရဲ့ ဆီဆိုင်ကိုလည်း ည ၈း၃၀-လောက်မှာ မီးထပ်မံရှို့ခဲ့ပြန်ပါတယ်။

ည ၁၀း၂၀-နာရီလောက်မှာတော့ ငကျော်တောင်ဘက်မှာ မီးရှို့ခံနေရတယ်ဆိုတာ သိရပြီး တိုက်ခေါင်မိုးပေါ် တက်ကြည့်ရာ မီးတောက်များ၊ မီးခိုးများ ဖုံးလွှမ်းနေတာကို မြင်တွေ့နေရတယ်လို့ သံတွဲမြို့ခံက M-Media ကို ပြောပြလာပါတယ်။

စက်တင်ဘာ ၃၀၊ ၂၀၁၃
M-Media
ထွန်းတောက်

သံတွဲ ။ ။ မနေ့ညနေပိုင်းမှစတင်၍ အကြမ်းဖက်မီးရှို့ခံရသော သံတွဲမြို့တွင် ထပ်မံ၍ အကြမ်းဖက်မှုများ ဖြစ်ပွားလာနိုင်သည့် အခြေအနေများ ဖန်တီးနေပြီး အကြမ်းဖက်မှုများအား ညနေပိုင်းတွင် ပြန်လည် စတင်လာနိုင်မည်ဟု သံတွဲ မြို့ခံများမှ စိုးရိမ်နေကြောင်း သိရပါတယ်။

“ဒီနေ့ မနက်ပိုင်း ၁၀-နာရီလောက်ကတည်းက သံတွဲ မြို့ပြင်ဘက်မှာ လူစုနေကြတယ်။ သံတွဲမြို့ပြင်က ဗောဓိကုန်း ဘုန်းကြီးကျောင်းမှာ လူစုနေကြတာ။ သံတွဲမြို့ ဈေးထဲက ဘာသာခြား ဆိုင်ပိုင်ရှင်တချို့လည်း သူတို့ပစ္စည်းတွေကို မြို့ပြင်ကို သယ်ထုတ်နေကြတယ်။ ကျွန်တော်တို့နဲ့ ရင်းနှီးတဲ့ ဗုဒ္ဓဘာသာ မိတ်ဆွေတချို့ကပြောတယ် ကျွန်တော်တို့ ခဏလောက် ရှောင်နေကြပါတဲ့။ ဘယ်လိုလုပ်ပြီး ဘယ်သွားရှောင်နေရမှာလဲဗျာ။

အခု ညနေ နေ၀င်ချိန်မှာမှာ အကြမ်းဖက်မှုတွေ ပြန်လုပ်မယ်လို့ ပြောနေကြတယ်။ အခုလို ထပ်ဖြစ်လာတာက စစ်တပ်က မထိန်းလို့ဗျ။ မနေ့ကတည်းက သူတို စစ်တပ်ချထားတဲ့ ကင်းရှေ့မှာ ဖြစ်နေကြတာ သူတို့မထိန်းဘူး။ ကျွန်တော်တို့ သံတွဲမြို့ကလူတွေ စိုးရိမ်နေကြသလို အဝေးရောက်မိသားစုတွေလည်း ပူပင်သောကရောက်နေတယ်။ ဒီကြားထဲ ဖုန်းလိုင်းတွေက ဖြတ်လို့ အဆက်သွယ်ပြတ်တာတွေကလည်း ရှိသေးတယ်။ အခုလည်း ဒီနေ့ညနေ နေ၀င်ချိန်ကို လုပ်မယ်တဲ့။ ဘယ်သူတွေက ဘယ်လို ထိန်းပေးကြမှာလဲ။

အခုလို ဖြစ်နေတာတွေကို ကျွန်တော်တို့ပြောပြစရာလူလည်း မရှိဘူး။ ဒီတော့ မီဒီယာတွေကပဲ အချိန်နဲ့ တပြေးညီတင်ပြပေးပါ။”လို့ M-Media ကို ဆက်သွယ်ပြောကြားလာပါတယ်။

ဓါတ်ပုံအညွှန်း -၂၀၁၃ ခုနှစ် စက်တင်ဘာ ၂၉ ရက်နေ့တွင် သာမန် စကားများအငြင်းပွားမှုကို ရခိုင်လူမျိုး အကြမ်းဖက်လုပ်ဆောင်လိုသူ အချို့မှ ကြိုတင်ကြံစည် လှုံ့ဆော်မှုများပြုလုပ်ပြီး အကြမ်းဖက်မီးရှို့မှုများ ပြုလုပ်မှုကြောင့် ပျက်စီးသွားသော သံတွဲမြို့ အမှတ်(၃)ရပ်ကွက် မဟာဗန္ဓုလမ်းရှိ အစ္စလာမ်ဘာသာဝင် ဦးလှမြင့် နေထိုင်သည့်အိမ် (ဦးခင်မောင်ပိုင်သောကြောင့် ဦးခင်မောင်အိမ်ဟုလည်း လူသိများပါသည်) ဖြစ်ပါသည်။

စက်တင်ဘာ၊ ၃၀
M-Media
ထွန်းတောက်

သံတွဲ ။ ။ သံတွဲမြို့တွင် မနေ့ညနေ (စက်တင်ဘာ-၂၉) ၆း၃၀ ခန့်စ၍ အကြမ်းဖက်မှုဖြစ်ပွားပြီး အိမ်နှင့် ဆီဆိုင်(၁)ခု မီးရှို့ခံရကာ၊ ဗလီနဲ့ အိမ်တချို့ကတော့ ခဲများဖြင့် ပစ်ပေါက်ခံခဲ့ရပါတယ်။

စတင်ဖြစ်ပွားလာရခြင်းမှာ စက်တင်ဘာ ၂၈-ရက်နေ့ မနက်ပိုင်းက သံတွဲမြို့ရှိ ငပလီရောင်းဝယ်ရေး ပိုင်ရှင်ဖြစ်သူ ကမန်တိုးတက်ရေးပါတီ ဥက္ကဌ ဦးကျော်ဇံလှ သူ၏ဆိုင်ရှေ့တွင် ပိတ်ရပ်နေသော သုံးဘီးဆိုင်ကယ်အား ဖယ်ရှားပေးရန် ပြောဆိုမှုကို မကျေနပ်ပြီး လူစုလူဝေးပြုလုပ်လာသောကြောင့် ရဲစခန်းမှ ဦးကျော်ဇံလှအား လာခေါ်ရောက်ဆောင်ပြီး ထိန်းသိမ်းထားခဲ့ပါတယ်။

ထိန်းသိမ်းထားစဉ်တွင်လည်း အဆိုပါလူအုပ်ကြီးမှ ရဲစခန်းအား ၀ိုင်းလာပြီး ဦးကျော်ဇံလှကို ထုတ်ပေးဖို့ တောင်းဆိုခဲ့ပါသည်။ ထို့နောက် လူအုပ်ကြီး လူစုကွဲသွားပြီးနောက် ဦးကျော်ဇံလှကို ပြန်လည်လွှတ်ပေးခဲ့ပါတယ်။ အဆိုပါကိစ္စကို မကျေမနပ်ဖြစ်ကြပြီး လူစုလူဝေးဖြင့် ထပ်မံပြုလုပ်လာပြီး ထိုနေ့ နေ့လည်ပိုင်းမှာပဲ ဦးကျော်ဇံလှ၏အိမ်အား မီးရှို့မည်ဟု ဆိုသဖြင့် ရဲနှင့်စစ်တပ်မှ ၀ိုင်းဝန်းထိန်းသိမ်းပြီး ဦးကျော်ဇံလှ အိမ်အနီးတွင် စစ်တပ်ချထားခဲ့ပါတယ်။

သို့သော် စက်တင်ဘာ ၂၉-ရက် ညနေပိုင်းမှာ အကြမ်းဖက်မှုလုပ်ဆောင်ရန် လူစုလူဝေး ပြုလုပ်လာကြပြီး ညနေ ၆း၄၅-နာရီခန့်မှာတော့ (၃)ရပ်ကွက် မဟာဗန္ဓုလမ်းရှိ ဦးလှမြင့် နေထိုင်သည့်အိမ် (ဦးခင်မောင်ပိုင်သောကြောင့် ဦးခင်မောင်အိမ်ဟုလည်း လူသိများပါသည်) အား မီးစတင်ရှို့ခဲ့ကြပါတယ်။ ထိုသို့ လုပ်ဆောင်သည့် ထောင်နဲ့ချီသော အကြမ်းဖက် လူအုပ်ကြီးအား စစ်တပ်မှ အစောပိုင်းတွင် မထိန်းနိုင်ပဲရှိနေရာ ၇း၁၅-နာရီခန့်တွင် မိုးပေါ်သို့ သေနတ်ပစ်ဖောက်သော်လည်း လူစု ကွဲမသွားပဲ အကြမ်းဖက်မှုကို ဆက်လက်လုပ်ဆောင်နေတယ်လို့ သံတွဲမြို့ခံက ပြောပါတယ်။

၎င်းနောက် (၃)ရပ်ကွက် ဂန္ဓာလမ်းရှိ ဘာသာခြား ၂-အိမ်ကြားတွင် ရှိနေသည့် ဦးယာစင်း၏ ၀င်းမျက်မှန်ဆိုင်အားလည်း ဖျက်ဆီးရန်ပြုလုပ်ကြပြီး ခဲများဖြင့် ပစ်ပေါက်ခဲ့ကြပါတယ်။ တချိန်တည်းမှာပဲ တောင်ပေါ်ဗလီကိုလည်း ဖြိုဖျက်ရန် ကြံစည်လုပ်ဆောင်ခဲ့ကြပြန်ပါတယ်။ ထို့နောက် တောင်ကုတ်ဘက်ထွက်သည့် အံတော်ဘက်ခြမ်းမှ ကိုကြီးမောင်ဆိုသူ၏ ဆီဆိုင်အားလည်း မီးရှို့ခဲ့ကြပြန်ပါတယ်။

ည ၁၀း၃၀-နာရီခန့်တွင်တော့ အမှတ်(၆)ရပ်ကွက် ဗောဓိကုန်းရှိ မွတ်စလင်မ်အိမ်များဖြင့် ခဲများဖြင့် ပစ်ပေါက်ကာ ဖျက်ဆီးရန် လုပ်ဆောင်နေတာကြောင့် မွတ်စလင်မ်များအနေဖြင့် စိုးရိမ်ခဲ့ကြရပါတယ်လို့ ဒေသခံတစ်ဦးက ဆိုပါတယ်။

ယခုဖြစ်ပွားခဲ့မှုမှာ ဦးကျော်ဇံလှမှ သုံးဘီးဆိုင်ကယ်မောင်းသူအား မချေမငံပြောဆိုသည် ဟူ၍လည်းကောင်း၊ သာသနာ့အလံအား မွတ်စလင်မ်များမှ ဆုတ်ဖြဲခဲ့သည်ကို မကျေနပ်ဟူ၍လည်းကောင်း မဟုတ်မမှန်လုပ်ကြံသတင်းများလွှင့်ပြီး အကြမ်းဖက်မှုကို စတင်ခဲ့ခြင်းဖြစ်တယ်လို့ သံတွဲမြို့ခံများက ပြောပါတယ်။

ယခုကဲ့သို့ ဖြစ်ပွားခဲ့သော ကိစ္စရပ်တွင် ရခိုင်တိုးတက်ရေးပါတီမှ လူစုဝေးဖြင့် လုပ်ဆောင်မှုများ၊ မနေ့က အကြမ်းဖက်မှုတွင်လည်း လွန်ခဲ့သော လပိုင်းများအတွင်းကတည်းက သံတွဲမြို့ အံတော်ရပ်ကွက် အကြမ်းဖက်မီးရှို့မှုများလှုံ့ဆော်သူ သံတွဲမြို့မှ ကျော်ကျော် ခေါ် သန်းထွန်းကျော် ဖြစ်သည်မှာ အများစု သိရှိနေသော်လည်း ထိုသူများအား အရေးယူမှု တစ်စုံတစ်ရာ မရှိကြောင်း သံတွဲမြို့ခံများက ဆိုပါတယ်။

ယခုကဲ့သို့ အကြမ်းဖက်လုပ်ရပ်များ ဖြစ်ပွားသည်မှာ ၂၀၁၂-ခု ဇွန်လ ရခိုင်အရေးကိစ္စမှစပြီး ယခုအချိန် ၂၀၁၃-ခု စက်တင်ဘာလအထိ ဆက်တိုက်ဆိုသလို ဖြစ်လာပြီး မြန်မာနိုင်ငံအနှံ့အပြားမှ အစ္စလာမ် ဘာသာဝင်တို့၏ ဗလီဝတ်ကျောင်း အများအပြားမီးရှို့ ဖျက်ဆီးခံရပြီး၊ နိုင်ငံသား မွတ်စလင်မ် အရွယ်စုံ သေကြေခဲ့ကြရသလို၊ အိုးအိမ် စည်းစိမ်များလည်း အများအပြား ပျက်စီးဆုံးရှုံးခဲ့ရပြီး စိတ်ပိုင်းဆိုင်ရာ ဝေဒနာများလည်း များစွာ ခံစားခဲ့ရပါတယ်။

ဖြစ်စဉ်တိုင်းတွင် အကြမ်းဖက်ခံရသူများဘက်သို့သာ ပုဒ်မမျိုးစုံတပ်ကာ ဖမ်းဆီး ထောင်ချမှုများ ပြုလုပ်သော်လည်း တကယ့် အကြမ်းဖက်တရားခံ အစစ်အမှန်များကို သိရှိနေရသော်လည်း ယခုထက်တိုင် ရှာဖွေ ဖော်ထုတ်မှု မပြုသည်ကို ထောက်ရှုခြင်းအားဖြင့် ဘာသာရေး၊ လူမျိုးရေးကို အခြေခံပြီး အကြမ်းဖက်မှုများကို စနစ်အကျ စီမံကိန်းချ လုပ်ဆောင်နေသည်မှာ ထင်ရှားပေါ်လွင်နေပြီး ယခုကိစ္စရပ်များကို အချိန်မီ ထိန်းသိမ်းနိုင်ခြင်း မရှိပါက မြန်မာနိုင်ငံ၏ ဒီမိုကရေစီဖော်ဆောင်ရေး လမ်းစဉ်သည် ရှေ့မတိုးနိုင်ပဲ နောက်ပြန်လှည့်သွားပြီး နိုင်ငံလည်း ချွတ်ခြုံကျ အခြေအနေသို့ မလွဲဧကန်ရောက် ရှိတော့မည်ဖြစ်ကြောင်း သုံးသပ်လိုက်ရပါတယ်။

ဓါတ်ပုံအညွှန်း -မီးရှို့ခံရသည့် (၃)ရပ်ကွက် မဟာဗန္ဓုလမ်းရှိ ဦးလှမြင့် နေထိုင်သည့်အိမ် (ဦးခင်မောင်ပိုင်သောကြောင့် ဦးခင်မောင်အိမ်ဟုလည်း လူသိများပါသည်)

ဘီဘီစီ (မြန်မာပိုင်း)
30.9.2013

ရခိုင်ပြည်နယ် သံတွဲမြို့မှာ စနေနေ့က ကမန် အမျိုးသား ပါတီက ဦးကျော်စံလှရဲ့ အိမ်ရှေ့ အဝင်အထွက်မှာ ဆိုင်ကယ်မလွတ်လို့ အချင်းများရာကနေ လူအုပ်နဲ့ ရဲစခန်းကို သွားဝိုင်းတဲ့အထိ ဖြစ်ခဲ့ပါတယ်။

ဆိုင်ကယ်သမား လူငယ်လေးကလည်း လူရည်မွန်လေး တဦး ဖြစ်သလို ဦးကျော်စံလှကလည်း မြို့မိမြို့ဖ တဦး ဖြစ်ကြောင်း၊ ဒါပေမယ့် အချင်းချင်း နားလည်မှု လွဲရာကနေ အချင်းများခဲ့တာ ဖြစ်ကြောင်း၊ ဒီသာမန် အငြင်းပွားမှုကို အခွင့်ကောင်း ယူပြီး လှုံ့ဆော်သူတွေ ရှိခဲ့တာကြောင့် အခုလို လူစုလူဝေးနဲ့ ရုတ်ရုတ်သဲသဲ အဆင့်ထိ ရောက်သွားတာလို့ သံတွဲခရိုင် NLD ဥက္ကဌ ဦးဝင်းနိုင်က ဘီဘီစီကို ပြောပြပါတယ်။

ဦးကျော်စံလှကို ဆဲရေး တိုင်းထွာမှု အပါအဝင် ပုဒ်မနှစ်ခုနဲ့ ရဲက ဖမ်းဆီးခဲ့ရာမှာ လူ၅၀လောက်က ရဲစခန်းကို ဝိုင်းထားပြီး ဦးကျော်စံလှကို လွှဲပေးဖို့ တောင်းဆိုခဲ့ ကြပါတယ်။ညနေပိုင်းလောက်မှာ သံဃာတော်တွေရဲ့ ဖျောင်းဖျမှုနဲ့ လူစု ကွဲသွား ခဲ့ပြီး ဦးကျော်စံလှ ကိုလည်း ရဲက အာမခံနဲ့ ပြန်လွှတ်ပေးခဲ့ပါတယ်။

ဒါကို မကျေနပ်တဲ့ လူ၂၀လောက် က တနင်္ဂနွေနေ့မှာ ရဲစခန်းကို တခါ ထပ် ဝိုင်းခဲ့ကြတယ်လို့ သိရပါတယ်။အဲဒီလူတွေဟာ မျက်နှာဖုံးတွေ စွပ်ထားကြပေမယ့် မြို့ခံတွေဖြစ်တယ်လို့ ဆိုပါတယ်။အဲဒီလူတွေ ဘယ်သူ ဘယ်ဝါ ဖြစ်တယ် ဆိုတာကို သက်ဆိုင်ရာ အာဏာပိုင်တွေက သိနေပေမယ့် အဖမ်းအဆီး ခုချိန်ထိ မရှိသေးဘူးလို့ ဦးဝင်းနိုင်က ပြောပါတယ်။

သံတွဲမြို့မှာ အခုလို ရုတ်ရုတ်သဲသဲ ဆူပူမှုတွေ ဖြစ်အောင် လှုံ့ဆော်မှုတွေ ရှိနေတယ်လို့ သူက ပြောပါတယ်။ဘာသာခြား ဆိုင်တွေမှာ ဈေးမဝယ်ကြဖို့၊ ဝယ်သူတွေကို ဓါတ်ပုံ ရိုက်ထားပြီး လူ့လောကကြီးကနေ ဝိုင်းပယ်ထားကြဖို့ လှုံ့ဆော်မှုမျိုးတွေ တွေ့ရတယ်လို့လည်း ဆိုပါတယ်။

ည ၈နာရီလောက်မှာ သံတွဲမြို့ ၃ရပ်ကွက် တာဝင်္တီသာ လမ်းမှာ အိမ်တလုံး မီးရှို့ ခံခဲ့ရပါတယ်။

စနေနဲ့ တနင်္ဂနွေနေ့က ဖြစ်ခဲ့တဲ့ ကိစ္စတွေနဲ့ ဒီမီးလောင်မှု ဆက်စပ်နေသလား ဆိုတာကိုတော့ အသေအချာ မသိရသေးပါဘူး။

ပြီးခဲ့တဲ့ ဇွန်လတုန်းကလည်း သံတွဲမြို့မှာ ရှိတဲ့ တောင်ကုတ်မြို့သူ တဦး ဆွဲလား ရမ်းလား အလုပ်ခံရတယ် ဆိုတဲ့ သတင်းတွေကြောင့် ပဋိပက္ခတွေ ဖြစ်ပွားခဲ့ပြီး ညမထွက်ရ အမိန့် ထုတ်ပြန်ခဲ့ရပါတယ်။

ဓါတ်ပုံအညွှန်း- သံတွဲမြို့တွင် ဖြန့်ဝေလျှက်ရှိသော မွတ်စလင်မ် ဆန့်ကျင်ရေးလှုံ့ဆော် စာရွက်များ (Photo-FB)

Link >>http://www.bbc.co.uk/burmese/burma/2013/09/130929_thandwe_riot.shtml