ရွှေဘိုဘာမထီခင်အောင်
အပျော်တမ်းလက်ဝှေ့ဗိုလ်လုပွဲတွင် ကမ္ဘာ့အိုလံပစ် လက်ဝှေ့ဗိုလ်လုပွဲသည် အမြင့်ဆုံးဖြစ်ခဲ့သည်။ ထိုထိုသောကမ္ဘာ့အိုလံပစ် လက်ဝှေ့ဗိုလ်လုပွဲသို့ ကျွန်တော်တို့မြန်မာနိုင်ငံမှ တိုင်းရင်းသားလက်ဝှေ့ သူရဲကောင်း(၁၈)ဦးတက်ရောက်ကာ ယှဉ်ပြိုင်အနိုင်လုခဲ့ကြသည်။
၁၉၄၈-ခုနှစ်၊ ဇူလိုင်လတွင် ဗြိတိန်နိုင်ငံ၊ လန်ဒန်မြို့တွင် (14)ကြိမ်မြောက်ကမ္ဘာ့လက်ဝှေ့ ဗိုလ်လုပွဲကြီး ကျင်းပရာ မြန်မာ့ လက်ဝှေ့ကျော်နှစ်ဦး နိုင်ငံကိုယ်စားပြု သွားရောက်ယှဉ်ပြိုင်ခဲ့ ထိုးသတ်ခွင့် ရရှိခဲ့ကြသည်။
မန္တလေးမြို့၊ အမျိုးသား အထက်တန်းကျောင်းသားဟောင်း မျိုးသန့်(ဖလိုင်းဝိတ်တန်း)သည် ပထမ ညတွင် နာမည်ကျော်ဝါရင့် လက်ဝှေ့ချန်ပီယံ ကနေဒါနိုင်ငံမှ ဂျိုအူလက်ဆန်ဒိုလူအား အမှတ်ဖြင့် အပြတ် အသတ်အနိုင်ထိုးလိုက်နိုင်သည်။ ကမ္ဘာ့လက်ဝှေ့ကျော်ပေါင်း (၃၀၀)ကျော်း ထိုးခဲ့ဖူးသူ ကနေဒါနိုင်ငံသားအား ပြည်ပ လက်ဝှေ့ပွဲတစ်ခါမှ မထိုးဖူးသူမျိုးသန့်က အပြတ်အနိုင်ရလိုက်သဖြင့် မြန်မာ့ သတ္တိကို ကမ္ဘာက သိရှိ သွားခဲ့သည်။
ကရင်ပြည်နယ်မှ ဘားအံသားကြီးစောဟာဒီ(ဘင်တန်ဝိတန်း)သည် သီဟိုဠ် ချန်ပီယံပီ ပရဲယားကို ရှုံးနိမ့်ခဲ့ရသည်။
၁၉၅၂-ခုနှစ်က (၁၅)ကြိမ်မြောက် ကမ္ဘာ့အိုလံပစ် လက်ဝှေ့ဗိုလ်လုပွဲကို ဖင်လန်နိုင်ငံ၊ ဟယ်လ်ဆင်ကီ မြို့တွင် ကျင်းပခဲ့ရာ စံလှ(ဘင်တန်ဝိတ်တန်း)၊ ကျားဘညိမ်း(ဖယ်သာဝိတ်တန်း)၊ ဟယ်ဆယ်သော်မဆင် (ဖလိုင်းဝိတ်တန်း)၊ သကြားမဂျစ် (လိုက်ဝဲလ်တာဝိတ်တန်း) တို့သွားရောက် ယှဉ်ပြိုင်ခဲ့သည်။
သကြားမဂျစ်
ရွှေမန်းသား ကျားဘညိမ်းနှင့် သကြားမဂျစ် အညစ်ခံရသဖြင့် (၃မှတ်-၂မှတ်)ဖြင့် ရှုံးခဲ့ရသည်။ ကျားဘညိမ်းနှင့် ယှဉ်ပြိုင်ရသူမှာ ပိုလန်နိုင်ငံမှ နာမည်ကြီး လက်ဝှေ့ကျော် လီဇက်ဒရိုဂို(စ်)ဖြစ်သည်။ မဂျစ်၏ ယှဉ်ပြိုင်ဘက်မှာ အိမ်ရှင်ဖင်လန်နိုင်ငံသား အီးမက်လင်းနစ်ဖြစ်သည်။ ဟယ်ဆယ်သော်မဆင်က ဖိလစ်ပိုင် နိုင်ငံမှ အေ-အဆွန်ကွန်အား ရှုံးနိမ့်ခဲ့သည်။ မန္တလေးမှ ဗဟိုအမျိုးသားအထက်တန်းကျောင်းသား စံလှ ၀ိတ်တန်းတက်သွား၍ တစ်ပွဲမှ မထိုးခဲ့ရပါ။ အညစ်ခံလိုက်ရသူ နာမည်ကျော် ကျားဘညိမ်းသည်လည်း မန္တလေးဗဟို အမျိုးသား အထက်တန်းကျောင်းသားဟောင်းဖြစ်ပါသည်။
ရဲဆွေ
၁၉၅၆-ခုနှစ်က (၁၆)ကြိမ်မြောက် ကမ္ဘာ့လက်ဝှေ့ဗိုလ်လုပွဲကို သြစတေးလျနိုင်ငံ၊ မဲလ်ဘုန်းမြို့၌ ကျင်းပခဲ့သည်။ ရဲဆွေ (ဖလိုင်းဝိတ်တန်း)၊ ရဲချစ်(ဖယ်သာဝိတ်တန်း)၊ သိန်းမြင့်(ဘင်တန်ဝိတ်တန်း)၊ တီအောင်(လိုက်ဝဲလ်တာဝိတ်တန်း) တို့လေးဦးသွားရောက်ယှဉ်ပြိုင်ကြရာဝယ် အားလုံးရှုံးနိမ့်ခဲ့ကြသည်။ မန္တလေးသား ရဲဆွေ၏ ထိုးဖက်က ဗြိတိန်နိုင်ငံချန်ပီယံ (ဂျော်နီကဒ်ဝဲလ်)၊ ၎င်းသည် ၁၉၅၈-ခုနှစ်တွင် ကမ္ဘာ့ ကြေးစားဘင်တန်ဝိတ်တန်းချန်ပီယံဖြစ်သွား၏။
မန္တလေးသား ရဲချစ်က ဂျပန်နိုင်ငံသားကာတာမိုတိုအား ရှုံးနိမ့်၏။ သိန်းမြင့်အား အနိုင်ထိုးသွားခဲ့သူ ဘရာဇီးလ်နိုင်ငံသားဂျော်ဖရီသည် ကမ္ဘာ့ ဖယ်သာ ၀ိတ်တန်းကြေးစား သရဖူ ဆွတ်ခူးသွားနိုင်ခဲ့သည်။ ကဒ်ဝဲလ် နှင့် ဂျော်ဖရီသည် ကမ္ဘာ့အိုလံပစ် ချန်ပီယံဘွဲ့ရယူပြီးမှ ကမ္ဘာ့ကြေးစား လက်ဝှေ့သို့ ကူးပြောင်းကာ ချန်ပီယံ ဖြစ်ခြင်းဖြစ်သည်။
ဝဲလ်တာဝိတ်တန်းမှ တီအောင်သည် ပိုလန်ချန်ပီယံ“ဇင့်”ကို ရှုံးနိမ့်ခဲ့သည်။ “ဇင့်”သည် ကမ္ဘာ့ ချန်ပီယံဖြစ်သွားသည်။ တကယ်တော့ရဲဆွေ၊ သိန်းမြင့်၊ တီအောင်တို့သည် ကမ္ဘာ့အဆင့်မီကြကြောင်းကို သူတို့၏ ထိုးသတ်ဖက်တွေက သက်သေပြသည်။
၁၉၆၀-ပြည့်နှစ်တွင် (၁၇)ကြိမ်မြောက် ကမ္ဘာ့ အိုလံပစ်လက်ဝှေ့ ဗိုလ်လုပွဲကို အီတလီနိုင်ငံ၊ ရောမမြို့ ၌ ကျင်းပခဲ့ရာ မြန်မာ့လက်ရွေးစင်လှညွန့်(ဖလိုင်းဝိတ်တန်း)၊ သိန်းမြင့်(ဘင်တန်ဝိတ်တန်း)နှင့် မန္တလေး အမျိုးသား အထက်တန်း ကျောင်းသားလေး သန်းထွန်း(ဖယ်သာဝိတ်တန်း)တို့သွားရောက်ယှဉ်ပြိုင်ခဲ့ကြသည်။
လှညွန့်သည် ပထမညတွင် နာမည်ကျော်ဝါရင့်လက်ဝှေ့ကျော်ဗီကေရာဂွန်(ပိုလန်)အား အမှတ် အပြတ်အသတ်ဖြင့် အနိုင်ရသည်။ အလွန်ပင်ပညာသားပါပါနှင့်ထိုးသတ်သွား၍ ကမ္ဘာ့လက်ဝှေ့ကြည့် ပရိသတ်များက လှညွန့်အား တစ်ခဲနက်အားပေးခဲ့ကြသည်။ လှညွန့်သည် ဒုတိယည၀ယ် အမေရိကန်ပြည်ထောင်စုမှ ဘာဘဲယားအား (၃မှတ်-၂မှတ်)ဖြင့် ရှုံးခဲ့ရသည်။
သိန်းမြင့်သည်လည်း လှညွန့်ကဲ့သို့ ပညာသားပါပါနှင့် ထိုးသတ်ကာ လူဇင်ဘတ်နိုင်ငံသား စီးရစ်(ဇ်) အား အနိုင်ထိုးသတ်ခဲ့သည်။ တစ်ရုံလုံး ဟိန်းဟည်းစွာ အားပေးခဲ့ကြသည်။ ဒုတိယညမှာ သိန်းမြင့်သည် ပါကစ္စတန်နိုင်ငံသား မိုဟာမက်နာဇီးကို အမှတ်ဖြင့် အပြတ် အနိုင်ယူလိုက်ပြန်သည်။ ရောမညနေခင်းသတင်း စာက “မြန်မာလှညွန့်နှင့် သိန်းမြင့် ကမ္ဘာ့အဆင့်မီခြင်း”ခေါင်းစဉ်ဖြင့် သတင်းပါလာသည်။ သိန်းမြင့်သည် တတိယညပွဲစဉ်၍ ဆိုဗီယက်ရုရှနိုင်ငံသားနှင့် ဥရောပတိုက်ချန်ပီယံ နီကိုလေနှင့် ထိုးရမည်ဖြစ်သော်လည်း ဒူးဒဏ်ရာဟောင်းပြန်ပေါ်လာသဖြင့် ဆရာဝန်က ထိုးခွင့် မပြုတော့ချေ။ ဆေးကျသဖြင့် ရှုံးနိမ့်ရ ချေတော့သည်။
ရွှေမန်းသားသန်းထွန်း(၁၇)နှစ်သည် သူ့သတ်ဖက် နီဂရိုး ကပ္ပလီဒဗလျူမေရာ(တောင်အာဖရိက)ကို နဖူးတွေ့ဒူးတွေ့ရဲရဲဝံ့ဝံ့ ရင်ဆိုင် ယှဉ်ပြိုင်၍ သုံးချီစလုံးနောက် တစ်လက်မ,မဆုတ်တမ်း ယှဉ်သတ်ရာ ပရိသတ် များက ထိုင်ကြည့်၍ အားမရသဖြင့် မတ်တပ်ရပ်၍ လှိုက်လှိုက်လှဲလှဲတစ်ခဲနက ၏် အားပေးခဲ့သည်။ သန်းထွန်း ၏ သတ္တိနှင့် ခံနိုင်ရည်ရှိမှုကို ကမ္ဘာ့ပရိသတ်က အသိအမှတ်ပြုခဲ့ကြသည်။ သို့ရာတွင် သန်းထွန်း(မြန်မာ) သည် (၃မှတ်-၂မှတ်)ဖြင့် ရှုံးခဲ့ရသည်။ (မင်းထိုးတား ကြေးစားဆန်တယ်၊ ကမ္ဘာ့ကြေးစား လက်ဝှေ့ထိုးရင် မင်းကမ္ဘာ့ချန်ပီယံဖြစ်လာနိုင်တယ်၊ ငါ့နိုင်ငံကို လိုက်ခဲ့မလား၊ ငါကမ္ဘာ့ကြေးစား လက်ဝှေ့ချန်ပီယံ ဟိုဂင်းကစ်ဘာဆေးပဲ)ဟု သန်းထွန်းလေးအား ကမ္ဘာ့ကြေးစား ချန်ပီယံကပင် လာရောက် ကမ်းလှမ်းခဲ့သည်။
၁၉၆၄-ခုနှစ်က (၁၈)ကြိမ်မြောက်ကမ္ဘာ့အိုလံပစ်လက်ဝှေ့ဗိုလ်လုပွဲကို ဂျပန်နိုင်ငံ၊ တိုကျိုမြို့တွင် ကျင်းပရာ မြန်မာ့ လက်ရွေးစင် လက်ဝှေ့သမား သုံးဦးဖြစ်သော ဂျိတ်ဘာဝါး(ဖလိုင်းဝိတ်တန်း)၊ သိန်းမြင့် လ(ဘင်တန်ဝိတ်)၊ တင်ထွန်း(ဖယ်သာဝိတ်တန်း) တို့အား စေလွှတ်ခဲ့သည်။ ဂျိတ်ဘာဝါးသည် ဆိုဗီယက်ရုရှား နိုင်ငံက ဥရောပချန်ပီယံ ဆာလိုကင်နှင့် ထိုးသတ်ရာ ဖက်သည်ဟု မတရားအကြောင်းပြ၍ ဂျိတ်ဘာဝါးအား ထုတ်ပယ်ခဲ့သည်။ ပြဿနာတက်၍ ကြိုးဝိုင်းဒိုင်သည် ပြိုင်ပွဲတစ်လျှောက်လုံး ဒိုင်လုပ်ခွင့် မရတော့ချေ။
သိန်းမြင့်သည် ဂါနာနိုင်ငံမှ နီဂရိုးကပ္ပလီစီအာရ်မေကေအား နောက်ကောက်ဖြင့် ရှုံးခဲ့သည်။
တင်ထွန်း၏ စွမ်းဆောင်ချက်ကြောင့် မြန်မာ့လက်စွမ်းကို လက်ဖျားခါယူရတော့သည်။ တင်ထွန်း (မြန်မာ)၏ လက်ရည်သည် ကမ္ဘာ့ချန်ပီယံဖြစ်နိုင်သည်ဟု ဂျပန်သတင်းစာက ရေးသားခဲ့သည်။ တင်ထွန်းက ဥရောပဖယ်သာဝိတ်တန်း ချန်ပီယံနာမည်ကျော်ရော်နယ် စမစ်သ်(ဗြိတိန်)အား ပထမအချီ-တစ်မိနစ် လေးစက္ကန့်အတွင်း နောက်ကောက်ဖြင့် အလဲထိုးအနိုင်ယူလိုက်သည်။ ကမ္ဘာ့လက်ဝှေ့ကြည့်ပရိသတ် အားလုံး အံ့သြ ကုန်နိုင်ဖွယ်ဖြစ်ကုန်တော့သည်။ နောက်ရက် ဂျပန် သတင်းစာကျောဖုံးတွင် “ဗြိတိန် ယူနီယံဂျက်အလံကို မြန်မာတင်ထွန်းက ဆွဲချလိုက်ပြီ”ဟူသောခေါင်းစည်း(၆)လိုင်း စာလုံးမည်းဖြင့် ဖော်ပြ ထားတော့သည်။ မြန်မာ တင်ထွန်း၏ ခြေနှစ်ချောင်း အကြားတွင် အင်္ဂလိပ်မျက်နှာဖြူ ရော်နယ်စမစ်သ် ဒူးထောက်လဲနေသည့်ပုံ၊ သူ့ရင်ဘတ်တွင် ယူနီယံဂျက်အလံကြီးနှင့်။
တင်ထွန်းသည် ဒုတိယညတွင် နိုင်ဂျီးရီးယားနိုင်ငံမှ အန်ထော်နီအင်ဒေ့(ရှ်)နှင့်ထိုးသတ်ရာ တင်ထွန်းက (၄မှတ်-၁မှတ်) အမှတ်ပြတ်ဖြင့် အနိုင်ရပြန်သည်။ တတိယည၀ယ် တင်ထွန်းသည် အနောက် ဂျာမနီမှ အိတ်ဇကုနှင့် ယှဉ်ပြိုင်ထိုးသတ်ရာ (၃မှတ်-၂မှတ်)ဖြင့် ကပ်၍ ရှုံးနိမ့်ခဲ့ရသည်။ အသည်းနာစရာ ကောင်းသည်။ တင်ထွန်းခမျာ ငိုလျက် ကြိုးဝိုင်းပေါ်မှ ဆင်းလာရှာသည်။
၁၉၆၈-ခုနှစ်တွင် (၁၉)ကြိမ်မြောက်ကမ္ဘာ့လက်ဝှေ့ဗိုလ်လုပွဲကို မက္ကဆီကိုနိုင်ငံ၊ မက္ကဆီကိုစီးတီး မြို့၌ ကျင်းပသည်။ သက်လေးဦး (ဖလိုင်းဝိတ်တန်း)နှင့် တင်ထွန်း(ဖလိုင်းဝိတ်တန်း)တို့ သွားရောက်ယှဉ်ပြိုင် ခဲ့သည်။ သက်လေးဦးက ကေဗားနီးယား (သီရိလင်္ကာ)ကို အမှတ်ဖြင့် ရှုံးနိမ့်ပြီး တင်ထွန်းက ကျူးဘားနိုင်ငံမှ လာဇုံစတီးအား နောက်ကောက်ဖြင့် ရှုံးနိမ့်ခဲ့သည်။ တင်ထွန်းနိုင်နေရာမှ အ၀င်မှား၍ ရှုံးနိမ့်ခဲ့ရသည်။
ဝင်းမောင် (ဘယ်) နှင့် Orlando marotinize -ယာ(ကျူးဘား- ချန်ပီယံဖြစ်ကာ ရွှေတံဆိပ် ရသွားသူ) ယှဉ်ပြိုင်ထိုးသတ်နေစဉ်
၁၉၇၂-ခုနှစ်က အကြိမ်(၂၀)မြောက် ကမ္ဘာ့အိုလံပစ်လက်ဝှေ့ဗိုလ်လုပွဲကို ဂျာမနီနိုင်ငံ၊ မြူးနစ်မြို့၌ ကျင်းပခဲ့သည်။ မြန်မာ့ လက်ရွေးစင်ဒေါ်လာ(ဖလိုင်းဝိတ်တန်း)နှင့် ၀င်းမောင်(ဘင်တန်ဝိတ်တန်း)တို့ သွားရောက်ယှဉ်ပြိုင်ခဲ့သည်။
ချင်း တိုင်းရင်းသားဒေါ်လာသည် ဆိုဗီယက်ရုရှားနိုင်ငံမှ ဘင့်စကီးနှင့် ယှဉ်ပြိုင်ခဲ့ရရာ ယှဉ်ပြိုင်ခဲ့ရရာ ပထမအချီနှင့် ဒုတိယအချီမှာ အသာစီးနှင့်ထိုးနိုင်၏။ တတိယအချီ၌ ဘင့်စကီးက ဒေါ်လာအား ဒိုင်ပွဲရပ်ဖြင့် အနိုင်ယူသွားတော့သည်။ ၀င်းမောင်က ကျူးဘားနိုင်ငံ၏ ၀ါရင့် လက်သီးရှင်အိုလင်းဒိုမာတီနက်ဇ်နှင့် ယှဉ်ပြိုင်ရသည်။
ဝင်းမောင်က အိုလင်းဒို မာတီနက်ဇ်အား နှစ်ကြိမ် လဲကျအောင် ထိုးနိုင်ခဲ့သော်လည်း (၃မှတ်-၂မှတ်)ဖြင့် ကပ်၍ ရှုံးနိမ့်ခဲ့ရသည်။ ထိုကျူးဘားလက်ဝှေ့ သမားသည် ကမ္ဘာ့ဘင်တန်ဝိတ်တန်းရွှေ တံဆိပ်ရသွားသည်။ ၀င်းမောင်(မြန်မာ)အား ဂျာမန်လူမျိုးကမ္ဘာ့ ဟဲဗီးဝိတ်ချန်ပီယံဟောင်း(၁၉၃၀-၃၂)မက်ရှမဲလင်းက “ဟေ့ ကလေး၊ မင်းနိုင်တဲ့ပွဲကွ၊ ဒိုင်တွေအကြည့် မှားတာပါ၊ ဆက်ကြိုးစားပါ၊ မင်းလက်ရည်က ကမ္ဘာ့ချန်ပီယံဖြစ်မယ့်လက်ရည်ပါ”ဟု အားပေးစကား ပြောကြားခဲ့သည်။ မက်ရှမဲလင်း(Max.Schmeling) သည် ၁၉၆၃-ခုနှစ်၊ ဇွန်လ(၁၉)ရက်က ကမ္ဘာကျော်အမေရိကန် နီဂရိုး လက်ဝှေ့ကျော် “ဂျိုးလူးဝစ်” ကို (၁၂)ချီတွင် နောက်ကောက်ဖြင့် နိုင်ခဲ့ဖူးသည်။
၁၉၄၈-ခုနှစ်က (၂၃)ကြိမ်မြောက်ကမ္ဘာ့အိုလံပစ် လက်ဝှေ့ဗိုလ်လုပွဲကြီးကို အမေရိကန်ပြည်ထောင် စု၊ ကယ်လီဖိုးနီးယားပြည်နယ်၊ လော့စ်အိန် ဂျလိစ်မြို့၌ ကျင်းပခဲ့ရာ မြန်မာနိုင်ငံမှ ဇော်လတ် (လိုက်ဝိတ်တန်း) တစ်ဦးတည်းကိုသာ စေလွှတ်ခဲ့သည်။ ဇော်လတ်(ကချင်တိုင်းရင်းသား)သည် နိုင်ဂျီးရီးယားနိုင်ငံမှ အသားမည်းကပ္ပလီ“ခရစ်တိုဖာအော့ဆိုင်း”အား အမှတ်ဖြင့် ရှုံးနိမ့်ခဲ့ရသည်။
ကမ္ဘာ့အိုလံပစ်လက်ဝှေ့ဗိုလ်လုပွဲသို့ မြန်မာ့လက်ရွေးစင်(၁၈)ဦးယှဉ်ပြိုင်ရာတွင် သိန်းမြင့်(နှစ်ပွဲ)၊ တင်ထွန်း(နှစ်ပွဲ)၊ မျိုးသန့်(တစ်ပွဲ)၊ လှညွန့်(တစ်ပွဲ)၊ စုစုပေါင်းခြောက်ပွဲအနိုင်ရခဲ့သည်။
ကမ္ဘာ့အိုလံပစ်လက်ဝှေ့ကြိုးဝိုင်းလက်ရွေးစင်အဖြစ် သိန်းမြင့်သုံးကြိမ်၊ တင်ထွန်းနှစ်ကြိမ်တိုင်တိုင် အရွေးခံခဲ့ရသည်။
ယနေ့အချိန်တွင် ဂျိတ်ဘာဝါး၊ သက်ဦးလေး၊ ရဲဆွေ၊ သိန်းမြင့်နှင့် ၀င်းမောင်တို့ငါးဦးသက်ရှိထင်ရှား ရှိနေပါသည်။
ရွှေဘိုဘာမထီခင်အောင်
၂၀၀၉ ခုနှစ်၊ မေလ က ထုတ်ဝေခဲ့သော “မန္တလေး အနှစ် ၁၅၀ ပြည့် မဂ္ဂဇင်း” မှ ကူးယူဖော်ပြပါသည်။
