Tag: Canada

ဇွန် ၃၊ ၂၀၂၁
M-Media

-ကနေဒါက ဌာနေလူမျိုးစုတွေအပေါ် ခရစ်ယာန်ကက်သလစ်အာဏာပိုင်တွေက သမိုင်းနဲ့ချီ ကျူးလွန်သတ်ဖြတ်မှုတွေအတွက် ပုပ်ရဟန်းမင်းကြီးက မတောင်းပန်တာဟာ ရှက်စရာကိစ္စဖြစ်တယ်လို့ ကနေဒါ ဌာနေလူမျိုးစုဆိုင်ရာဝန်ကြီးက ပြောကြားလိုက်ပါတယ်။

ကနေဒါနိုင်ငံ အနောက်တောင်ပိုင်း ကမ်လွပ်မြို့မှာ လွန်ခဲ့တဲ့ နှစ် ၁၀၀ ကျော်အရင်က ခရစ်ယာန်ကက်သလစ် သာသနာပြုအဖွဲ့တွေ တည်ထောင်ခဲ့တဲ့ ဘော်ဒါကျောင်းတစ်ခုမှာ ဌာန​လူမျိုးစုက ကလေးငယ်ပေါင်း ၂၁၅ ဦး အစုလိုက်အပြုံလိုက် မြှုပ်နှံထားတဲ့နေရာကို ပြီးခဲ့တဲ့တစ်ပတ်မှာ တွေ့ရှိခဲ့ပါတယ်။

အဲဒီဘော်ဒါကျောင်းဟာ ဌာနေလူမျိုးစုတွေကို ခရစ်ယာန်ဘာသာသွတ်သွင်းရေး ကက်သလစ်အဖွဲ့အစည်းတွေက ကနေဒါနိုင်ငံတစ်ဝှမ်း ၁၈၇၀ ပြည့်နှစ်တွေကနေ ၁၉၉၀ ပြည့်နှစ်တွေအထိ ဖွင့်လှစ်ခဲ့တဲ့ ဘော်ဒါကျောင်း ၁၃၉ ခုထဲက တစ်ခုလည်း ဖြစ်ပါတယ်။

ကနေဒါက ဌာနေမျိုးနွယ်စုတွေဖြစ်တဲ့ အင်ဒီယန်၊ အင်ဂျုနဲ့ မီတစ် မျိုးနွယ်တွေက ကလေးငယ်ပေါင်း ၁ သိန်း ခွဲလောက် အဲဒီကျောင်းတွေမှာ မတက်မနေရ တက်ခဲ့ရပြီး ကျောင်းအုပ်တွေနဲ့ ဆရာ၊ ဆရာမတွေဟာ လူမျိုးစုတွေရဲ့ ယဉ်ကျေးမှုနဲ့ ဘာသာစကားကို ပျောက်ပျက်သွားအောင် လုပ်ဆောင်တာအပြင် လိင်ပိုင်းဆိုင်ရာ စော်ကားမှုတွေ၊ ညှမ်းပမ်းနှိပ်စက်မှုတွေလည်း ပြုလုပ်ခဲ့ပါတယ်။

ကနေဒါ အမှန်တရားနှင့် ပြန်လည်ရင်ကြားစေ့ရေး ကော်မရှင် (TRC) က ဒီလုပ်ရပ်တွေဟာ နိုင်ငံအတွင်းက ဌာနေလူမျိုးစုတွေကို ‘ယဉ်ကျေးမှု ဂျီနိုဆိုက်’ လုပ်ဆောင်တာဖြစ်တယ်လို့ နှစ်ပေါင်း များစွာ စုံစမ်းစစ်ဆေးပြီးတဲ့နောက် ၂၀၁၅ ခုနှစ်မှာ ဆုံးဖြတ်ခဲ့ပါတယ်။

ဒီကိစ္စတွေအတွက် ပုပ်ရဟန်းမင်းကြီးက တောင်းပန်ပေးဖို့ ​ဌာနေလူမျိုးစုတွေ ပိုမိုတောင်းဆိုလာတာမျိုးကို ထောက်ခံတယ်လို့ ကနေဒါ လူမျိုးစုရေးရာဝန်ကြီး မာ့ခ် မီလာက မနေ့က သတင်းစာရှင်းလင်းပွဲမှာ ပြောကြားခဲ့ပါတယ်။

“ဒီလိုမတောင်းပန်သေးတာက ရှက်စရာပါ။ အခုအချိန်အထိ တောင်းပန်တာမျိုး မလုပ်သေးပါဘူး။ ဒါဟာ လုပ်သင့်တဲ့ကိစ္စပါ။ ကနေဒါ ဘုန်းတော်ကြီးများကောင်စီကလည်း တောင်းပန်ဖို့ တာဝန်ရှိပါတယ်”

ဌာနေလူမျိုးစုများဆိုင်ရာ ဆက်ဆံရေး ဝန်ကြီးဌာန ကာရိုလိုင်း ဘန်နက်က လူမျိုးစုလူ့အဖွဲ့အစည်းတွေရဲ့ စိတ်ဒဏ်ရာ ကျက်စေဖို့ ပုပ်ရဟန်းမင်းကြီးရဲ့ တောင်းပန်မှု လိုအပ်တယ်လို့ ပြောကြားခဲ့ပါတယ်။

“သူတို့တွေက ပုပ်ရဟန်းမင်းကြီးရဲ့ တောင်းပန်မှုကို ကြားချင်ကြတာပါ။ ကက်သလစ်အသင်းတော်အနေနဲ့ ပိုမိုကောင်းမွန်စွာ တုန့်ပြန်နိုင်ရေး တောင်းဆိုပေးဖို့ ကနေဒါနိုင်ငံတစ်ဝှမ်းက ကက်သလစ်ဘုရားကျောင်းအားလုံးကို တိုက်တွန်းပါတယ်”

မာ့ခ်မီလာရဲ့ မှတ်ချက်ထွက်လာအပြီး နာရီပိုင်းအကြာမှာပဲ ဗန်ကူးဗားမြို့ သာသနာပိုင်ဘုန်းတော်ကြီး ဘစ်ရှော့ ဂျေ မိုက်ကယ် မီလာက အသင်းတော်ရဲ့ လုပ်ရပ်တွေအတွက် ဌာနေလူမျိုးစုတွေကို တောင်းပန်ကြောင်း ဆိုရှယ်မီဒီယာမှာ ကြေငြာချက်တစ်စောင် ထုတ်ပြန်ခဲ့ပါတယ် ။

Ref: AFP

ဇန်နဝါရီ ၂၂၊ ၂၀၂၀
M-Media

-ချမ်းသာကြွယ်၀တဲ့နိုင်ငံတစ်ခုလို့ သတ်မှတ်ခံထားရတဲ့ ကနေဒါနိုင်ငံမှာ ငတ်မွတ်ခေါင်းပါးသူအရေအတွက်ဟာ သန်းနဲ့ချီရှိနေပြီး နောက်ဆက်တွဲဆိုးကျိုးတွေကို ခံစားနေရတယ်လို့ မကြာသေးခင်က ပြုလုပ်ခဲ့တဲ့ လေ့လာမှုတစ်ရပ်မှာ တွေ့ရှိခဲ့ပါတယ်။

ကနေဒါနိုင်ငံက အရွယ်ရောက်ပြီးသူ ၅ သိန်းကျော်ကို အခြေခံတဲ့ အဲဒီ လေ့လာဆန်းစစ်မှုအရ ကင်ဆာကလွဲရင် အခြားသေဆုံးမှုတွေမှာ စားနပ်ရိက္ခာ မလုံလောက်မှုနဲ့ တစ်နည်းမဟုတ်တစ်နည်း ဆက်စပ်နေတယ်ဆိုတာကို တွေ့ခဲ့ရပါတယ်။ စားနပ်ရိက္ခာ လုံလုံလောက်လောက် ရသူတွေထက်၊ မရသူတွေမှာ ကူးစက်ရောဂါ၊ နာတာရှည်ရောဂါဖြစ်ပွားတာ၊ မိမိကိုယ်ကို သတ်‌သေတာတွေကလည်း ၂ ဆလောက် မြင့်တက်လာတာကို တွေ့ရတယ်လို့လည်း Canadian Medical Association ဂျာနယ်မှာ ဖော်ပြထားတဲ့ လေ့လာမှုရလဒ်က ဆိုပါတယ်။

လေ့လာဆန်းစစ်မှုမှာ ပါဝင်သူ ဖီမန်က တတိယကမ္ဘာမှာ ဖြစ်ပျက်နေတာတွေကို ပထမကမ္ဘာမှာ တွေ့ရှိခဲ့တာဖြစ်ကြောင်း၊ ကနေဒါက စားနပ်ရိက္ခာ မလုံလောက်သူတွေမှာ ကူးစက်ရောဂါ၊ ဆေးအဆိပ်အတောက်ဖြစ်တာတွေလို ပြဿနာတွေကို တွေ့ရပြီး အခြား ဖွံ့ဖြိုးပြီးနိုင်ငံတွေမှာလည်း ဒီအခြေအနေတွေကို တွေ့ရနိုင်ကြောင်း ပြောကြားခဲ့ပါတယ်။

“လေ့လာဆန်းစစ်မှုရလဒ်က ကျွန်တော်တို့ကို တော်တော်လေး တုန်လှုပ်စေပါတယ်။ ကနေဒါလို ဖွံ့ဖြိုးပြီးနိုင်ငံမှာတောင် စားနပ်ရိက္ခာမလုံလောက်မှုဟာ လူတွေသေစေတဲ့ အကြောင်းအရင်း ဖြစ်နေပါတယ်”

တရားဝင်ကိန်းဂဏန်းတွေအရ ကနေဒါနိုင်ငံမှာ လူပေါင်း ၄ သန်းလောက် စားနပ်ရိက္ခာ မလုံလောက်တာကို တွေ့ရပါတယ်။ နောက်ဆက်တွဲအဖြစ် ရုပ်ပိုင်းဆိုင်ရာနဲ့ စိတ်ပိုင်းဆိုင်ရာ ဆုတ်ယုတ်မှုကို ဖြစ်ပေါ်စေတယ်လို့လည်း မန်က ထည့်သွင်း ပြောကြားခဲ့ပါတယ်။

‌ကမ္ဘာတစ်ဝှမ်းမှာ လူပေါင်း ၂ ဘီလီယံလောက်ဟာ ကျန်းမာရေးနဲ့ညီညွတ်တဲ့ အစားအသောက်တွေ လုံလုံလောက်လောက်မရဘဲ ကျန်းမာရေးဆိုင်ရာ ပြဿနာတွေကို ရင်ဆိုင်နေရပါတယ်။ ဒီအရေအတွက်ရဲ့ ၈ ရာခိုင်နှုန်းက မြောက်အမေရိကနဲ့ ဥရောပနိုင်ငံတွေက ဖြစ်ပါတယ်။

ရောဂါတွေ၊ ထိခိုက်ဒဏ်ရာရမှုတွေကို တားဆီးကာကွယ်ရာမှာ ‌လူတွေ စားနပ်ရိက္ခာ လုံလုံလောက်လောက် မရတဲ့အချက်ကို အဓိကထားပြီး ဖြေရှင်းသင့်တယ်လို့လည်း ကနေဒါက‌ လေ့လာဆန်းစစ်သူတွေက အာဏာပိုင်တွေကို အကြံပြုခဲ့ပါတယ်။

Ref: Reuters

ဇြန္ ၁၃၊ ၂၀၁၉
M-Media

-မတူညီတဲ့ ေသြးအမ်ိဳးအစားေတြကို လူအားလံုးနဲ႔ ကိုက္ညီတဲ့ ေသြးအျဖစ္ ေျပာင္းလဲေပးႏိုင္မယ့္ နည္းလမ္းတစ္ခုကို ကေနဒါ သိပၸံပညာရွင္ေတြက ရွာေဖြ ေဖာ္ထုတ္ႏိုင္ခဲ့ၿပီး ဒါဟာ ကမ႓ၻာေပၚက လူေပါင္းမ်ားစြာရဲ႕အသက္ ကယ္တင္ႏိုင္မယ့္ နည္းသစ္တစ္ခု ျဖစ္လာမွာ ျဖစ္ပါတယ္။

British Columbia တကၠသိုလ္က သိပၸံပညာရွင္ေတြဟာ လူ႕အူထဲမွာ ေပါက္ဖြားတဲ့ မိုက္ခ႐ုဘ္ပိုးမႊားတစ္ခုကို အသံုးျပဳကာ A ေသြး၊ B ေသြးနဲ႔ AB ေသြးေတြကို လူအားလံုးနဲ႔ အဆင္ေျပေစမယ့္ O ေသြးအျဖစ္ ေျပာင္းႏိုင္မယ့္ နည္းလမ္းကို ေတြ႕ရွိခဲ့တာ ျဖစ္ပါတယ္။

ေသြးနီဥေတြမွာ ပါ၀င္တဲ့ သၾကားဓာတ္ ပမာဏနဲ႔ ေသြးအမ်ိဳးအစားကို ခြဲထုတ္တာျဖစ္ၿပီး O ေသြးမွာေတာ့ သၾကားဓာတ္ လံုး၀ မပါ၀င္ပါဘူး။ သၾကားဓာတ္ပါ၀င္တဲ့ ေသြးအမ်ိဳးအစားေတြကို အင္ဇိုင္းတစ္မ်ိဳး အသံုးျပဳကာ သၾကားဓာတ္ ဖယ္ရွားႏိုင္ပါတယ္။ အဲဒီနည္းလမ္းအတြက္
အႏၲရာယ္ကင္းကင္းနဲ႔ အေျမာက္အမ်ား ထုတ္ယူသံုးစြဲႏိုင္မယ့္ အင္ဇိုင္းကို သိပၸံပညာရွင္ေတြက လူ႕သားအူထဲမွာ ေတြ႕ခဲ့ရပါတယ္။

ဒီနည္းလမ္းကို ကေနဒါ သိပၸံပညာရွင္ေတြက ၿပီးခဲ့တဲ့ႏွစ္ ၾသဂုတ္လကတည္းက ရွာေဖြေဖာ္ထုတ္ႏိုင္ခဲ့တာ ျဖစ္ေပမယ့္ ရလဒ္ကိုေတာ့ ဇြန္လ ၁၀ ရက္ေန႔ကမွ Nature Microbiology ဂ်ာနယ္မွာ ေဖာ္ျပခဲ့ပါတယ္။

ေသြးထဲက သၾကားဓာတ္ကို ထုတ္ေပးႏိုင္မယ့္ အင္ဇိုင္းကို ဓာတ္ခြဲခန္းထဲမွာ ေဘးထြက္ဆိုးက်ိဳးမရွိဘဲ ထုတ္လုပ္ႏိုင္မယ့္ နည္းလမ္းကို လက္ရွိမွာ သိပၸံပညာရွင္ေတြက ဆက္လက္စမ္းသပ္ေနၿပီး ေအာင္ျမင္မယ္ဆိုရင္ ေသြးလွဴဒါန္းမႈနဲ႔ ေသြးသြင္းမႈ နည္းလမ္းေတြကို တစ္ဆစ္ခ်ိဳး ေျပာင္းလဲလာႏိုင္မွာ ျဖစ္ပါတယ္။

Ref: RT