Tag: China

ဒီဇင်ဘာ ၃၊ ၂၀၁၆
M-Media

– အမေရိကန်၏ ရွေးကောက်ခံသမ္မတ ဒေါ်နယ်ထရမ့်က ထိုင်ဝမ်သမ္မတအား ဖုန်းခေါ်ဆို စကားပြောမှုကို တရုတ်နိုင်ငံက ကန့်ကွက်လိုက်ပြီး ကမ္ဘာပေါ်တွင် တရုတ်တစ်နိုင်ငံတည်းသာ ရှိသည်ဟု ပြောကြားခဲ့သည်။

တရုတ်မှာ ထိုဝမ်အား ၁၉၇၉ ခုနှစ်ကတည်းမှစ၍ ပြည်မကြီး၏ ပြည်နယ်တစ်ခုအဖြစ် သတ်မှတ်ထားပြီး အမေရိကန်ကလည်း အဆိုပါ သဘောထားကို အသိအမှတ်ပြုကာ ‘တရုတ်တစ်နိုင်ငံတည်း’ ပေါ်လစီကို အခြေခံ၍ နှစ်နိုင်ငံ အပြန်အလှန် သံတမန်ရေးရာအရ ဆက်သွယ်နေခြင်းဖြစ်သည်။ ထို့ကြောင့် အမေရိကန်နှင့် ထိုင်ဝမ်တို့မှာ သီးသန့် သံအဆက်အသွယ် မရှိပေ။

ထရမ့်၏ အသွင်ကူးပြောင်းရေးအသင်းက ထရမ့်မှာ ထိုင်ဝမ်သမ္မတ တိုင်ယင်ဝမ်နှင့် သောကြာနေ့က ဖုန်စကားပြောဆိုခဲ့ပြီး နှစ်နိုင်ငံအကြား ရှိပြီးသား စီးပွားရေး၊ နိုင်ငံရေး၊ လုံခြုံရေးဆိုင်ရာ ကူးလူးဆက်ဆံမှုများအကြောင်း ဆွေးနွေးခဲ့ကာ ထရမ့်ကလည်း ထိုင်ဝမ်သမ္မ၏ ယခုနှစ်အစောပိုင်း ရွေကောက်ပွဲတွင် အနိုင်ရရှိမှုအတွက် ဂုဏ်ပြုခဲ့ကြောင်း သတင်းထုတ်ပြန်ခဲ့သည်။

အဆိုပါဖုန်းခေါ်ဆိုမှုမှာ ၁၉၇၉ ခုနှစ် တရုတ်နှင့် အမေရိကန်တို့အကြား သံတမန်အဆက်အသွယ် စတင်ပြီးကတည်းက ထိုင်ဝမ်ခေါင်းဆောင်နှင့် အမေရိကန်ခေါင်းဆောင်တို့အကြား ပထမဆုံး စကားပြောဆိုမှုလည်း ဖြစ်သည်။

တရုတ်နိုင်ငံခြားရေးဝန်ကြီးဌာနက ယနေ့တွင် ကြေငြာချက်တစ်စောင် ထုတ်ပြန်ခဲ့ပြီး ထိုလုပ်ရပ်ကို ကန့်ကွက်ကြောင်း အမေရိကန်ဖက်သို့ ပြောကြားခဲ့သည်ဟု ဆိုသည်။

“ကမ္ဘာမှာ တရုတ်နိုင်ငံ တစ်နိုင်ငံတည်းရှိတယ်လို့ ကျွန်တော် ပြောလိုပါတယ်။ ထိုင်ဝမ်ဟာ တရုတ်ပိုင်နက်နဲ့ ခွဲလို့မရတဲ့ အစိတ်အပိုင်းတစ်ခုပါ။ တရုတ်တစ်နိုင်ငံတည်း ပေါ်လစီကလည်း တရုတ်-အမေရိကန် ဆက်ဆံရေးရဲ့ နိုင်ငံရေး အုတ်မြစ်ပါပဲ” ဟု နိုင်ငံခြားရေးဝန်ကြီးဌာနမှ ပြောရေးဆိုခွင့်ရှိသူ ဂျန်ရွှမ်းက ပြာကြားခဲ့သည်။

ထို့ပြင် တရုတ်-အမေရိကန် အမိန့်ပြန်တမ်း ၃ ခုတွင် ဖော်ပြထားသည့် ကတိကဝတ်များနှင့်အညီ တရုတ်တစ်နိုင်ငံတည်းပေါ်လစီအား မစွန့်လွှတ်ရန်၊ မိမိတို့နှစ်နိုင်ငံ ဆက်ဆံရေးတွင် မလိုလားအပ်သော အနှောက်အယှက်များ မဖြစ်စေရေးအတွက် ထိုင်ဝမ်နှင့်သက်ဆိုင်သည့် ကိစ္စများကို ဂရုတစိုက် ကိုင်တွယ်ဆောင်ရွက်ရန်လည်း ဂျန်ရွှမ်းက တိုက်တွန်းပြောကြားခဲ့သည်။

Ref: CNN

ဒီဇင်ဘာ ၂၊ ၂၀၁၆
M-Media

– အများပြည်သူများ အပန်းဖြေနားနေရာတစ်ခုတွင် အလှထားရှိရန်အတွက် တရုတ်နိုင်ငံမှာ ကမ္ဘာကျော် တိုက်တန်းနစ်သင်္ဘော၏ အရွယ်အစားအတိုင်း ပုံတူသင်္ဘောတစ်စီးကို တည်ဆောက်နေသည်ဟု သိရသည်။

၂၆၉ မီတာ ရှည်လျားမည့် အဆိုပါ တိုက်တန်းနစ်သင်္ဘော ပုံတူကို ကြာသာပတေးနေ့က စတင်ဆောက်လုပ်ခဲ့ခြင်းဖြစ်ပြီး ဆီချွမ်ပြည်နယ် ကျေးလက်ဒေသမှ အပန်းဖြေအနားယူရာ နေရာတစ်ခုရှိ ရေကန်ထဲတွင် ထားရှိသွားမည်ဖြစ်သည်။

အဆိုပါ ပုံတူသင်္ဘောတွင် ကပွဲခန်းမ၊ ပြဇာတ်ရုံ၊ ရေကူးကန်၊ ပထမတန်း အိပ်ဆောင်များ အပါအ၀င် တိုက်တန်းနစ် သင်္ဘောအစစ်တွင် ပါဝင်ခဲ့သည့် အတွင်းပိုင်း ပုံစံအားလုံးကိုလည်း ထည့်သွင်း တည်ဆောက်မည်ဖြစ်သည်။ ထို့ပြင် သင်္ဘောပေါ်တွင် ၀ိုင်ဖိုင်လည်း အသုံးပြု၍ ရမည်ဖြစ်ကာ အပန်းဖြေနေရာ၏ အဓိက ပြယုဂ် ဖြစ်လာမည်ဖြစ်သည်။

ယွမ် ၁ ဘီလီယံ (ကန်ဒေါ်လာ ၁၁၅ သန်း) အကုန်အကျခံတည်ဆောက်မည့် အဆိုပါ အစီအစဉ်ကို ၂၀၁၄ ခုနှစ်ကတည်းက စတင်ကြေငြာခဲ့ခြင်းဖြစ်သည်။

သူခေတ်သူ့အခါက ကမ္ဘာ့အကြီးဆုံးနှင့် အန္တရာယ်အကင်းဆုံးအဖြစ် မှတ်တမ်းဝင်ခဲ့သည့် တိုက်တန်းနစ်သင်္ဘောအစစ်ကို အင်္ဂလန်နိုင်ငံ ဘဲလ်ဖက်စ်မြို့တွင် Harland and Wolff ကုမ္ပဏီက တည်ဆောက်ခဲ့ခြင်းဖြစ်ပြီး ၁၉၁၂ ခု ဆောက်သက်တမ်မှ နယူးယောက်သို့ ပထမဆုံး ခရီးစဉ်မှာပင် အတ္တလန်တိတ်သမုဒ္ဒရာ၌ ရေခဲတောင်ဖြင့်တိုက်မိ၍ နစ်မြုပ်ခဲ့ကာ လူ ၁၅၀၀ ကျော် သေဆုံးခဲ့သည်။

၁၉၉၇ ခုနှစ်က ထိုအဖြစ်အပျက်ကို ဟောလီးဝုဒ်က မင်းသား လီယိုနာဒို ဒီကာပရီယို၊ မင်းသမီး ကိတ်ဝင်းစလက်တို့ဖြင့် ရိုက်ကူးခဲ့ပြီး တရုတ်နိုင်ငံအပါအ၀င် ကမ္ဘာတစ်ဝှမ်း၌ အောင်မြင်ခဲ့သည်။ အဆိုပါ ဇာတ်ကား ရိုက်ကူးခဲ့စဉ်က ဒါရိုက်တာ ဂျိမ်းစ် ကင်မရွန်းမှာ မူလသင်္ဘောနှင့် ၉၀ ရာခိုင်နှုန်းတူညီသည့် သင်္ဘောပုံတူကို တည်ဆောက်ကာ ရိုက်ကွင်းအတွက် အသုံးချခဲ့သည်။

၂၀၁၂ ခုနှစ်က သြစတေးလျဘီလျံနာ ကလိုက်ဗ် ပါလ်မာက ရာနှုန်းပြည့်ပုံတူတစ်စီး ဆောက်လုပ်ရန် စီစဉ်ခဲ့သော်လည်း အထ မေမြောက်ခဲ့ပေ။

တရုတ်နိုင်ငံတွင် ပြည်တွင်း ခရီးသွားလုပ်ငန်းမှာ ဖွံ့ဖြိုးလာခဲ့ပြီး အစိုးရကိုယ်တိုင်က အဆိုပါလုပ်ငန်းကို မြှင့်တင်ပေးနေခြင်းဖြစ်သည်။

Ref: BBC

နိုဝင်ဘာ ၂၄၊ ၂၀၁၆
M-Media

– စက်မှုလုပ်ငန်းဆိုင်ရာ မတော်တဆမှုများ အဖြစ်များသော တရုတ်နိုင်ငံတွင် ဆောက်လုပ်ဆဲ ဓာတ်အားပေးစက်ရုံ၏ အစိတ်အပိုင်းတစ်ခု ပြိုကျမှုကြောင့် အနည်းဆုံး လူ ၆၇ ဦးသေဆုံးခဲ့သည်ဟု သိရသည်။

နိုင်ငံအလယ်ပိုင်း ကျန်ရှီပြည်နယ် ဖုန်ချန်းမြို့တွင် ယနေ့မနက်ပိုင်းက ဓာတ်အားပေးစက်ရုံ၏ အအေးခံမျှော်စင် ပြိုကျခဲ့ခြင်းဖြစ်ပြီး အပျက်အဆီးများအောက်တွင် ပိတ်မိနေသူများလည်း ရှိနေသည်။

လက်ရှိတွယ် ကယ်ဆယ်ရေးလုပ်ငန်းများကို ဆောင်ရွက်နေပြီး မီးသတ်ကားများ၊ စစ်သားများကိုလည်း တပ်ဖြန့်ချထားသည်ဟု ပြည်နယ် မီးသတ်ဌာနက ပြောကြားခဲ့သည်။

စောစောပိုင်းတွင် သေဆုံးသူ ၄၀ ရှိသည်ဟု ရှင်ဟွာသတင်းဌာနက သတင်းထုတ်ပြန်ခဲ့ပြီး ဒဏ်ရာရရှိသူ ၅ ဦးမှာလည်း ဆေးရုံ၌ ဆေးကုသမှု ခံယူနေသည်ဟု ဆိုသည်။ ပြိုကျမှုဖြစ်ပွားချိန်တွင် လုပ်ငန်းခွင်၌ အလုပ်သမား စုစုပေါင်း ၆၈ ဦး ရှိနေသည်။

အဆိုပါ ကျောက်မီးသွေး ဓာတ်အားပေးစက်ရုံကို ပြီးခဲ့သည့်ဇူလိုင်လက စတင် ဆောက်လုပ်ခဲ့ခြင်းဖြစ်ပြီး ၂၀၁၈ ခုနှစ် အစောပိုင်းတွင် ပြီးမည်ဟု ခန့်မှန်းထားသည်။

ဘေးအန္တရာယ်ကင်းရှင်းရေး စံနှုန်းများကို လိုက်နာမှု အားနည်းသောကြောင့် တရုတ်နိုင်ငံတွင် စက်မှုလုပ်ငန်းဆိုင်ရာ မတော်တဆမှုများမှာ ပုံမှန်လိုလို ဖြစ်ပွားနေသည်။

Ref: Aljazeera