စက်တင်ဘာ ၂၆၊ ၂၀၁၆
M-Media
– တရုတ်နိုင်ငံ အနောက်တောင်ပိုင်းက ကမ္ဘာ့အကြီးဆုံး တယ်လီကုပ်ကြီးဟာ စတင်လည်ပတ်နေပြီဖြစ်ပြီး တရုတ်နိုင်ငံကတော့ ဒီကိရိယာကြီးဟာ တစ်ခြားကမ္ဘာက သက်ရှိတွေကို ရှာဖွေရာမှာ လူသားတွေအတွက် အထောက်အကူ ဖြစ်စေလိမ့်မယ်လို့ ပြောကြားထားပါတယ်။
ယန်း ၁.၂ ဘီလီယံ (ကန်ဒေါ်လာ သန်း ၁၈၀) ကုန်ကျခဲ့တဲ့ ဒီတယ်လီစကုပ်ကို သူ့ရဲ့ အကျယ်နဲ့ လုပ်ဆောင်နိုင်စွမ်းကိုလိုက်ပြီး FAST (the Five-hundred-metre Aperture Spherical Telescope) လို့ အမည်ပေးထားပါတယ်။ ယမန်နေ့က စတင်လည်ပတ်တာဖြစ်ပြီး အာကာသရဲ့ နက်ရှိုင်းတဲ့ အပိုင်းနဲ့ သက်ရှိဘ၀တွေရဲ့လက္ခဏာတွေကို ရှာဖွေဖော်ထုတ်သွားမယ်လို့ ဆိုပါတယ်။
ဒီ တယ်လီစကုပ်ကို ဝေလံခေါင်ဖျားပြီး၊ တောင်တန်းဒေသဖြစ်တဲ့ နိုင်ငံ အနောက်တောင်ပိုင်း ဂွီဇူပြည်နယ်က သဘာဝအတိုင်း ဖြစ်နေတဲ့ ဒယ်အိုးပုံစံတောင်ပေါ်မှာ တည်ဆောက်ထားပြီး သူ့ရဲ့ အကျယ်အ၀န်းက ဘောလုံးကွင်းပေါင်း ၃၀ နဲ့ ညီမျှကာ သတ္တုချပ်ပေါင်း ၄၀၀၀ တပ်ဆင်ထားပါတယ်။
တည်ဆောက်ဖို့ ကနဦးလေ့လာမှုတွေကို ၁၄ နှစ်ကြာ ဆောင်ရွက်ခဲ့ရပြီး၊ ဆောက်လုပ်ရေးလုပ်ငန်းတွေကတော့ ၅ နှစ်ကျော် ကြာမြင့်ခဲ့ပါတယ်။
ပေါ်တိုရီကိုနိုင်ငံ Arecibo စူးစမ်းလေ့လာရေးစခန်းက အချင်း ၃၀၅ မီတာရှိတဲ့ တယ်လီစကုပ်ဟာ ၁၉၆၀ ပြည့်နှစ်တွေကစလို့ ယခုနှစ်ဇူလိုင်လ တရုတ်ရဲ့ FAST မပေါ်ခင်အထိ ကမ္ဘာ့အကြီးဆုံး တယ်လီစကုပ်အဖြစ် ရပ်တည်နေတာဖြစ်ပါတယ်။ တရုတ် နိုင်ငံပိုင်သတင်းဌာနကတော့ သူတို့ရဲ့ FAST တယ်လီစကုပ်ဟာ ပေါ်တိုရီကိုက တယ်လီစကုပ်ထက် မီတာ ၂၀၀ ပိုကျယ်တယ်လို့ ဂုဏ်ယူ ဖော်ပြခဲ့ပါတယ်။
တရုတ်သိပ္ပံဆိုင်ရာ အကယ်ဒမီရဲ့ အမျိုးသား နက္ခတဗေဆိုင်ရာ စောင့်ကြည့်လေ့လာရေးအဖွဲ့ (NAO) က သုတေသန ပညာရှင်တွေကတော့ FAST ဟာ အာကာသထဲက အချက်အပြမှုတွေကို ဖမ်းယူနိုင်စွမ်း အလွန်မြင့်မားပြီး သိပ္ပံပညာရှင်တွေအတွက် အခြားသော ဂြိုဟ်တွေ၊ ဂလက်ဆီတွေက သက်ရှိတွေရဲ့ အမှတ်အသားတွေကို ဖမ်းယူနိုင်မှု အလားအလာဟာလည်း အရင်ကထက် အဆမတန် ကောင်းမွန်တယ်လို့ ဆိုပါတယ်။
“FAST က ဂြိုဟ်သားလူ့အဖွဲ့အစည်းကို ရှာဖွေနိုင်တဲ့ အလားအလာဟာ လက်ရှိ ကိရိယာတွေထက် ၅ ဆ ဒါမှမဟုတ် ၁၀ ဆ လောက်ကို မြင့်မားပါတယ်။ ဘာ့ကြောင့်လည်းဆိုတော့ အာကာသရဲ့ ပိုနက်ရှိုင်းပြီး ပိုမှောင်မိုက်တဲ့ နေရာတွေအထိ ကြည့်နိုင်လို့ပါ” လို့ NAO က သုတေသနပညာရှင် ပန်ဘိုက ပြောကြားခဲ့ပါတယ်။
ဒီတယ်လီစကုပ်ကြီးကြောင့် အာကာသရဲ့ နက်ရှိုင်းတဲ့အပိုင်းကို ရေဒီယို တယ်လီစကုပ်နဲ့ သုတေသနပြုမှုနယ်ပယ်မှာ လာမယ့် ၁၀ နှစ်ကနေ နှစ် ၂၀ အတွင်း တရုတ်နိုင်ငံကို ကမ္ဘာ့ထိပ်တန်းနိုင်ငံအဖြစ် ပို့ဆောင်ပေးနိုင်မှာ ဖြစ်ပါတယ်။
လက်ရှိသမ္မတ ဇီဂျင်ပင်းရဲ့ လက်ထက်မှာ တရုတ်နိုင်ငံရဲ့ အာကာသ စီမံကိန်းဟာ ထိပ်တန်းဦးစားပေးကဏ္ဍ ဖြစ်နေပြီး ဇီကတော့ တိုင်းပြည်ကို အာကာသအင်အားကြီးနိုင်ငံ ဖြစ်အောင်လုပ်ဖို့ ဆန္ဒရှိနေပါတယ်။ တရုတ်နိုင်ငံရဲ့ အာကာသ စီမံကိန်းတွေထဲမှာ ၂၀၃၆ ခုနှစ်ကျရင် လကမ္ဘာပေါ် လူလွှတ်နိုင်ဖို့နဲ့ ၂၀၂၂ ခုနှစ်မှာ ကိုယ်ပိုင် အာကာသစခန်း တည်ဆောက်ဖို့အထိ ပါဝင်ပြီး လက်ရှိမှာ အာကာသစခန်းတည်ဆောက်ဖို့လုပ်ငန်းကို စတင်ဆောင်ရွက်နေပြီ ဖြစ်ပါတယ်။
တရုတ်နိုင်ငံက လူမဲ့ Jade Rabbit အာကာသယာဉ်ဟာ ၂၀၁၃ ခုနှစ်မှာ လပေါ်ကို ဆင်းသက်နိုင်ခဲ့ပြီး ၁၉၇၆ ခုနှစ်နောက်ပိုင်း လပေါ်ကို ပထမဆုံး ဆင်းသက်နိုင်ခဲ့တာ ဖြစ်ပါတယ်။
သူတို့ရဲ့ ဒီအာကာသ စီမံကိန်းတွေဟာ ငြိမ်းချမ်းတဲ့ ရည်ရွယ်ချက်အတွက်ဖြစ်တယ်လို့ တရုတ်က အခိုင်အမာ ပြောကြားထားပါတယ်။ အမေရိကန် ကာကွယ်ရေးဌာနကတော့ တရုတ်ရဲ့ အာကာသပါဝါ တိုးမြှင့်မှုဟာ အရပ်ဖက်ရည်ရွယ်ချက်ထက်ကိုပိုပြီး ဒုံးခွင်းဂြိုဟ်တု ထားရှိနိုင်ရေး စမ်းသပ်နေတယ်လို့ စွပ်စွဲ ပြောဆိုထားပါတယ်။
Ref: Aljazeera
