Tag: google

အစ္စလာမ်ဆန့်ကျင်ရေး ဖြန့်ချီရန် ပြုလုပ်ထားသော ဒတ်ခ်ျ နိုင်ငံရေးသမား Wilders ၏ Gmail ကို Google မှ ဖြုတ်ချ

ဇန်နဝါရီ ၁၊ ၂၀၁၄
M-Media

အစ္စလာမ် ဆန့်ကျင်ရေး စတစ်ကာများကို ဖြန့်ချိရန် ပြုလုပ်ထားသော Geert Wilders ၏ အကောင့်ကို ဂူးဂဲလ်၏ အီးမေးလ် စံနစ်မှ အသုံပြုခွင့်မရအောင် ဖြုတ်ချလိုက်ကြောင်း သောကြာနေ့တွင် ၄င်းဒတ်ခ်ျနိုင်ငံရေးသမားက ပြောဆိုသည်။

“ မယုံနိုင်စရာကောင်းပေမယ့်လို့ ဂူးဂဲလ်က [email protected] အကောင့်ကို ဟန့်တားပိတ်ပင်လိုက်ပါတယ်။ Mohammed Rabbae ရဲ့ စောဒကတက်မှု အောင်မြင်ခဲ့တယ်လို့ ဆိုရမှာပါ ” ဟု Wilders က Twitter blog ကို အသုံးပြု၍ ပြောကြားသည်။

GroenLinks အမတ်ဟောင်း Rabbae ဦးဆောင်သည့် Landelijk Beraad Marokkanen မှ ယင်းစတစ်ကာများအား ကန့်ကွက်မှုကို ၄င်းမှရည်ညွှန်းပြောကြားခြင်းဖြစ်သည်။ သို့သော် Techzine အမည်ရှိ ၀က်ဘ်ဆိုဒ်နည်းပညာအုပ်စု၏အဆိုအရ ဂူးဂဲလ်တွင် အလိုအလျောက်ထိန်းချုပ်သည့်စံနစ်ကို တွင်ကျယ်စွာ အသုံးပြုထားကြောင်း၊ ရှုထောင့်ပေါင်းစုံမှ စောဒကများ တက်လာလျှင် ယင်းလိပ်စာကို အလိုအလျောက်ပိတ်သွားစေအောင် စီစဉ်ထားကြောင်း သိရသည်။

ထိုစတစ်ကာ၌ ဆော်ဒီအလံပေါ်တွင် အရဗီဘာသာစကားဖြင့် “အစ္စလာမ်သည် လိမ်လည်ခြင်းတရား၊ မုဟမ္မဒ်သည် ဒုစရိုက်သား၊ ကုရ်အာန်သည် အဆိပ်အတောက်”ဟု ပုံဖော်ရေးသားထားသည်။

ဤဘာသာတရားရှိလူအများစုမှာ အကြမ်းဖက်သမားများမဟုတ်သလို မွတ်စ်လင်မ်တို့အားဆန့်ကျင်သည့် လုပ်ရပ်အဖြစ် မရည်ရွယ်ကြောင်း ယင်းနိုင်ငံရေးသမားက ဆိုသည်။

(ဓာတ်ပုံအညွှန်း) မိမိ၏ အစ္စလာမ်ဆန့်ကျင်ရေးစတစ်ကာကို ပြသနေသော Wilders

Ref : Dutchnews.nl

—————————————-
** M-Media ၏ မူပိုင် သတင်း/ဆောင်းပါးများ၊ ဘာသာပြန် များကို အွန်လိုင်းမီဒီယာများတွင် မည်သူမဆို လွတ်လပ်စွာကူးယူဖော်ပြနိုင်ပါသည်။ ကူးယူဖော်ပြသူများအနေဖြင့် M-Media မူရင်းလင့်ခ်ကို ထည့်ပေးဖို့ မေတ္တာရပ်ခံအပ်ပါသည်။

M-Media ၏ ခွင့်ပြုချက်မရှိဘဲ စီးပွားဖြစ် ထုတ်ဝေသော Print Media များတွင် ထည့်သွင်းဖော်ပြခြင်းများ လုံးဝ ခွင့်မပြုပါ။
ဆက်သွယ်ရန် [email protected]

January 1, 2014
Facebook, Gmail နှင့် Twitter အကောင့်ပေါင်း (၂)သန်း ဟက်ကာများ လက်တွင်းသို့ ရောက်ရှိခဲ့

ဒီဇင်ဘာ ၅၊ ၂၀၁၃
M-Media

Facebook, Google, Twitter, Yahoo နှင့် အခြားဆိုရှယ်နက်ဝေါ့က်အကောင့်ပေါင်း နှစ်မီလီယံမှ username နှင့် password များကို ဟက်ကာများခိုးယူးခဲ့ကြောင်း စီအင်အင်က ယခုတပတ်ထွက်ပေါ်လာသည့် အစီရင်ခံစာများကို အခြေခံကာ သတင်းတင်ပြထားသည်။

ကမ္ဘာပေါ်ရှိ အရေအတွက်မဖော်ပြနိုင်သော ကွန်ပျူတာများ၌ keylogging ဟုခေါ်သော software တစ်မျိုးအား ထည့်သွင်းမိရာမှ ထို software မှတဆင့် အင်တာနက်အသုံးပြု သူများ၏ ဒေတာများကို လွယ်ကူစွာ ခိုးယူခြင်းဖြစ်နိုင်ကြောင်း ဆိုက်ဘာလုံခြုံရေးကုမ္ပဏီတစ်ခုဖြစ်သည့် Trustwave က ဆိုသည်။ ထို keylogging ဗိုင်းရပ်စ်သည် ကျော်ကြားသည့် ၀က်ဘ်ဆိုက်ဒ်များကို အသုံးပြုသူများ၏ ဒေတာများကို လွန်ခဲ့သည့် လများအတွင်း ထိန်းသိမ်းထားပြီး ဟက်ကာများ၏ ဆာဗာများသို့ ပုံမှန်ပို့ပေးနေကြောင်း သိရသည်။

Trustwave မှ သုတေသီများက နယ်သာလန်နိုင်ငံတွင် အခြေဆိုက်သော ဟက်ကာဆာဗာများကို နိုဝင်ဘာ ၂၄ က လေ့လာမိရာမှ အင်တာနက်အသုံးပြုများ၏ အချက်အလက်များကို သိုမှီးထားကြောင်း တွေ့ရှိခဲ့သည်။ ၄င်းတို့တွေ့ရှိခဲ့သည့် ၀က်ဘ်ဆိုက် များမှာ ၉၃၀၀၀ ကျော်ဖြစ်ကြောင်းလည်း သိရသည်။ အချိုးအစားကိုမူ အောက်ပါအတိုင်း ဖော်ပြထားသည်။

Facebook – account စုစုပေါင်း ၃၁၈၀၀၀
Google – account စုစုပေါင်း ၇၀၀၀၀
Yahoo – account စုစုပေါင်း ၆၀၀၀၀
Twitter – account စုစုပေါင်း ၂၂၀၀၀
Odnoklassniki (Russian social network) – account စုစုပေါင်း ၉၀၀၀
ADP – account စုစုပေါင်း ၈၀၀၀
Linkedin – account စုစုပေါင်း ၈၀၀၀

ADP ၊ Facebook ၊ Linkedin နှင့် Twitter တို့က ၄င်းတို့အား အသုံးပြုနေသူများထဲမှ ဓါးစာခံအဖြစ် သံသယဖြစ်ဖွယ် account များ၏ password များကို reset ချကာ အသုံးပြုသူများကိုလည်း အသိပေးခဲ့ကြောင်း စီအင်အင်သို့ ပြောပြသည်။ Google ကမူ တစ်စုံတစ်ရာ မှတ်ချက်ပြုပြောကြားဖို့ ငြင်းဆိုခဲ့သည်။

ဓါးစာခံ account များထဲမှ စုစုပေါင်း ၄၁၀၀၀ မှာ FTP ခေါ် လေးလံသည့် ဖိုင်များအား တစ်နေရာမှ တစ်နေရာသို့ ပေးပို့သည့် အခါ အသုံးပြုသည့် protocol ကို သုံးခဲ့ကြကြောင်း စစ်တမ်းများက ဆိုသည်။

ဟက်ကာများက မိမိတို့၏ လုပ်ငန်းစဉ်ကို အောက်တိုဘာ ၂၁ ကတည်းက စတင်ခဲ့ကြောင်း သိရသည်။

December 5, 2013
Google မှ အီရန် သတင်းဌာန Press TV ၏ Youtube account ကို အသုံးပြုခွင့်ပိတ်

ဇူလိုင်-၂၉၊၂၀၁၃
M-Media

ကြာသာပတေးနေ့က စတင်ကာ Google သည် အီရန်အခြေစိုက် နိုင်ငံတကာသတင်းဌာန တစ်ခုဖြစ်သော Press TV ၏ Youtube အသုံးပြုခွင့် ပိတ်ပင်လိုက်ကြောင်း နေ့စဉ် ပုံမှန်ကြည့်ရှုနေသူများ မှာ Press TV သို့ ဆက်သွယ် မေးမြန်းကြကြောင်း သိရှိရသည်။

“ပြီးခဲ့တဲ့ ကြာသာပတေးနေ့ အစောပိုင်းထဲက ကျွန်တော်တို့ မည်သည့် ရုပ်သံ သတင်း အသစ်ကိုမှ အွန်လိုင်းတွင် တင်လို့မရခဲ့ဘူး” ဟု Press TV ၏ သတင်းဌာန ဒါရိုက်တာ ဟာမဒ်ရေဇာအမ်မာဒီ (Hamid Reza Emadi) မှ ပြောကြားခဲ့သည်။ သူက ဆက်လက်ပြောကြားခဲ့သည်မှာ Google သည်း မည်သို့သော် အကြောင်းပြချက်မှ ပေးအပ်ခြင်းမရှိဘဲ အကောင့်အား အသုံးပြုခွင့် ပိတ်ပင်လိုက်ကြောင်း ကြည့်ရှုသူများသည် Press TV သို့ ယခုတိုင် အီးမေးလ်များ ပေးပို့ကာ အဘယ်ကြောင့် ဗီဒီယို အသစ်များ မတင်ရသလဲ ဟု မေးမြန်းလျက်ရှိသည်” ဟု သူက ဆိုသည်။

အမ်မာဒီ က Press TV ကို ယခုကဲ့သို့ ပိတ်ပင်လိုက်ခြင်းမှာ သူ၏ Youtube အကောင့်အတွင်း နိုင်ငံရေး နှင့် ပတ်သက်သော အရာများ တင်ထားသည်ကြောင့်လား၊ သို့မဟုတ် နည်းပညာ ချို့ယွင်း ချက်များ ဖြစ်ပေါ်ခဲ့လို့လား၊ ထိုအရာကို အရင်ဖြေရှင်းမည်ဖြစ်ကြောင်း နှင့် မကြာမှီ အချိန်အတွင်း Youtube တွင် ပြန်လည်ပြသနိုင်ရန် ကြိုးစားသွားမည်ဖြစ်ကြောင်း ပြောကြားခဲ့သည်။

SL/SL

July 31, 2013
Google မှ အသုံးပြုသူတို့၏ အချက်အလက်များကို FBI အားပေးအပ်ရန် အမေရိကန် တရားရုံးမှ အမိန့်ချ

ဇွန်-၁၊၂၀၁၃
M-Media

Federal Bureau of Investigation (FBI) ၏ တရားဝင် ၀ရမ်းထုတ်ပြန်ထားမှု မရှိသော စစ်ဆေးမှုများအတွက် ထောက်လှမ်းရေးလုပ်ငန်းစဉ် အကူအညီအလို့ငှာ အင်တာနက်တွင် လူသုံးအများဆုံး Google သည် အသုံးပြုသူများ၏ အချက်အလက်များအား ပေးရမည်ဟု အမေရိကန်တရားရုံး မှ အမိန်ချမှတ်လိုက်ကြောင်း သိရသည်။

အစိုးရမှ ဆက်သွယ်ရေးကုမ္ပဏီများ၊ အင်တာနက်လုပ်ငန်း ၀န်ဆောင်သူများ နှင့် ဘဏ်များ စသည်တို့ထံ ထုတ်ပြန်ပေးထားသည့် အမျိုးသားလုံခြုံရေးစာများမှာ ဥပဒေအရအကျုံးမ၀င်၊ မလိုအပ်ကြောင်း Google ၏လျှောက်လဲချက်ကို တရားသူကြီး ဆူဆန် အိလ်စတွန်(Susan Illston) မှ ပယ်ချခဲ့သည်ဟု Associated Press မှ စနေနေ့သတင်းတွင်ဖော်ပြခဲ့သည်။

USA Partiot Act အပြီးတွင် တရားသူကြီးထံမှ ခွင့်ပြုမိန့်ရယူရန် မလိုအပ်သော အမိန့်စာများအား စတင်ထုတ်ပြန်မှုကို FBI မှ စတင်ဆောင်ရွက်ခဲ့သည်။

ငွေကြေးစာရင်းများ နှင့် တယ်လီဖုန်းမှတ်တမ်းများအပါအ၀င် ပုဂ္ဂိုလ်ရေးအချက်အလက်များအားရယူသိမ်းဆည်းရန် ထုတ်ပြန်သော ၄င်းအမိန့်စာများမှာ အမျိုးသားလုံခြုံမှုထိန်းသိမ်းရေးအသွင်ဖြင့် ကိုယ်ရေးကိုယ်တာထိခိုက်ခြင်းကို ဖြစ်ပွားလာစေသည်။

အိလ်စတွန်သည် Google အား FBI မှတောင်းဆိုချက်ကိုလိုက်နာရန် မေလ ၂၀ ရက်နေ့တွင် အမိန့်ချမှတ်လိုက်သည်။
သို့သော်လည်း 9th US Circuit Court of Appeals အမေရိကန် အယူခံဌာနမှ ဆုံးဖြတ်ချက်မပေးခင်အထိ သူမ၏အမိန့်အား ဆိုင်းငံထားမည် ဖြစ်ကြောင်းသိရသည်။

ကယ်လီဖိုးနီးယားပြည်နယ်အခြေစိုက် Google ကုမ္ပဏီသည် မိမိမှတင်ပြခဲ့သော အယူခံစာ ၁၉ စောင်တွင် FBI၏ သီးသန့်အချက်အလက်များတောင်းဆိုချက်မှာ လုပ်ထုံးလုပ်နည်းနှင့် မလျော်ညီသည့်တိုင် ပေးအပ်သင့်သည်ဟု သူမကပြောကြားခဲ့သည်။ ရှိသောအချက်အလက်များအရ FBI သည်လိုအပ်သော ကိုယ်ပိုင်အချက်အလက်များအား ၄င်းစာများတွင်ပါရှိသော အချက်အလက်များ အတိုင်းတောင်းခံခြင်းမရှိခဲ့သော၊ ၄င်း တောင်းခံမှုကို ပိတ်ပင်မည်ဖြစ်သည် ဟုသူမကထည့်သွင်းပြောကြားခဲ့သည်။

ဆန်ဖရန်စစ္စကိုပြည်နယ်မှ တရားသူကြီးက FBI ၏အထက်တန်းအရာရှိ ၂ ဦးကို ကျမ်းသစ္စာကျိန်ဆိုမှုလက်ခံပြီးမှ စာ ၁၉ စောင်၌ ၁၇ စောင်အား ထုတ်ပြန်ခြင်းဖြစ်သည်။ ကျန်စာနှစ်စောင်တွင် အချက်အလက်များ ထပ်မံလိုအပ်နေသေးသည်ဟု သူမက ထပ်မံပြောဆိုသည်။

၂၀၀၇ ခုနှစ်တွင် အမေရိကန်နိုင်ငံတရားရေးဌာန(US Justice Department) ၏ စုံစမ်းစစ်ဆေးရေး အရာရှိချုပ်မှ FBI သည် အမိန့်စာပါ အချက်အလက်များအားဖောက်ဖျက်ခဲ့သည်ကိုတွေ့ရှိခဲ့ရကြောင်း၊ ၄င်းဖောက်ဖျက်မှုတွင် အရေးပေါ်အခြေအနေမဟုတ်၊ ဆီလျော် လျောက်ပတ်သည့် ခွင့်ပြုချက်ဘောင်လည်းမ၀င်ဘဲ အချက်အလက်များကို တောင်းခံခြင်းများ ပါဝင်ကြောင်းသိရသည်။

၂၀၁၁ ခုနှစ်အတွင်း FBI သည် လူပေါင်း ၇၂၀၁ ယောက်၏ ကိုယ်ပိုင် အချက်အလက်များအား အမျိုးသား လုံခြုံရေးအကြောင်းဖြင့် တောင်းခံစာ ၁၆၀၀၀ ကျော်ပြုလုပ်ခဲ့ကြောင်း သိရသည်။
MR/NN
Ref: Press TV

June 2, 2013
အစ္စရေးနိုင်ငံသား အာရပ်များ အစ္စလာမ်ဆန့်ကျင်ရေး ဗီဒီယို ဖယ်ရှားရန် Google အားတရားစွဲ

စက်တင်ဘာ၊ ၂၀၊ ၂၀၁၂

M-Media

ဂျေရုဆလင်(ဆင်ဟွာ)။ အစ္စရေးပါလီမန်အမတ်တစ်ယောက် ဦးဆောင်ပြီး အစ္စရေးနိုင်ငံသား အာရပ် အရာရှိများနှင့် ဘာသာရေးဆိုင်ရာ ပုဂ္ဂိုလ်တွေပါဝင်တဲ့အဖွဲ့တစ်ခုဟာ ဗုဒ္ဓဟူးနေ့မှာ ဂူဂဲလ်(Google) ကပိုင်ဆိုင်သည့် ယူကျူ့(YouTube)ဆိုဒ်တင်ထားတဲ့ ပြဿနာဖြစ်စေတဲ့ ဗီဒီယိုကို ဖယ်ရှားပေးဖို့တရားစွဲဆိုခဲ့ပါတယ်။ အဆိုပါဗီဒီယိုကို အမေရိကန်နိုင်ငံသား တယောက်ဖန်တီးခဲ့ပြီး တမန်တော် မုဟမ္မဒ်ကို လှောင်ပြောင်ထားသည့် ဗီဒီယိုဖြစ်ပါတယ်။

အဲဒီလိုတရားစွဲဖို့တင်သွင်းသူတွေထဲမှာ အပါအ၀င်ဖြစ်တဲ့ ပါလီမန်အမတ် Taleb a-Sanaa ကလည်း Innocence of Muslims လို့ အမည်ရတဲ့ ဗီဒီယိုကို အစ္စရေးနိုင်ငံမှာ ကြည့်ရှုခြင်းနှင့် Download လုပ်ခြင်းစတာတွေကို ပိတ်ပင်တားမြစ်ဖို့တောင်းဆိုခဲ့တာပါ။ စွဲချက် တင်တာကတော့.. အဲဒီဗီဒီယိုဟာ လူမျိုးရေးခွဲခြားမှုနှင့် အသေရေပျက်ပျားစေရန် လှုံဆော်ပြီး ဘာသာရေး အဖွဲ့အစည်းတစ်ခုကိုစိတ်ပိုင်းဆိုင်ရာ ထိခိုက်မှုပြုလုပ်ခြင်းစတဲ့ အစ္စရေးနိုင်ငံရဲ့ ဥပဒေတွေကို ချိုးဖောက်မှုတွေနဲ့ စွဲချက် တင်ခဲ့တာဖြစ်တယ်လို့ ဂျေရုဆလင်ပိုစ် (Jerusalem Post) သတင်းမှာဖော်ပြထားပါတယ်။

အဲဒီဗီဒီယိုအပေါ်မှာ နိုင်ငံပေါင်း ၃၀ လောက်က မွတ်စလင်မ်တွေကြားမှာ အမေရိကန်ဆန့်ကျင်ရေး လှုပ်ရှားမှုတွေ ဖြစ်ပေါ်ခဲ့ပြီး ဒါဇင်နဲ့ပေါင်းများစွာအသေအပျောက်ရှိခဲ့တယ်။ အီဂျစ်၊အိန္ဒိယ၊အင်ဒိုနီးရှားနဲ့ လစ်ဗျားနိုင်ငံတွေမှာတော့ ဂူဂဲလ်(Google) ဗီဒီယိုကိုပိတ်ပင်ထားဆဲပါ။ မည်သို့ပင်ဆိုစေကာမူ ဂူဂဲလ်(Google) ကတော့ အိမ်ဖြူတော်ရဲ့ ဗီဒီယိုကိုဖယ်ရှားပေးဖို့ မေတ္တာရပ်ခံချက်ကိုငြင်းပယ်ခဲ့တာဖြစ်ပါတယ်။

လွန်ခဲ့တဲ့အပတ်က တီအဲဗစ်မြို့ရဲ့ အမေရိကန်သံရုံးရှေ့မှာ အစ္စရေးနိုင်ငံသား အာရပ်တွေ လှုပ်လှုပ်ရှားရှားဖြစ်ခဲ့ပေမယ့် အေးအေးချမ်းချမ်းနဲ့ပဲ ဆန္ဒပြပွဲတစ်ခုကိုလုပ်ခဲ့ပါသေးတယ်။ ပါလက်စတိုင်း အာရပ်တွေကလည်း အဲဒီဗီဒီယိုကိုဆန့်ကျင်ခဲ့ကြပါတယ်။

electric

Source: http://news.xinhuanet.com/english/world/2012-09/20/c_131861230.htmကို ဆီလျော်အောင်ဘာသာပြန်ဆိုသည်။

September 21, 2012