ဇွန် ၈၊ ၂၀၁၉
M-Media
− အစိုးရရဲ့ ပံ့ပိုးမှုနဲ့ ဆောက်လုပ်ထားတဲ့ အေသင်မြို့က ပထမဆုံး ဗလီဝတ်ကျောင်းတော်ကို လာမယ့် စက်တင်ဘာလမှာ ဖွင့်လှစ်နိုင်တော့မယ်လို့ ဂရိ ပညာရေးနဲ့ သာသနာရေးဝန်ကြီး Kostas Gavroglou က မနေ့မှာ ပြောကြားခဲ့ပါတယ်။
အေသင်မြို့လယ်ကောင်မှာရှိတဲ့ အဲဒီဗလီဝတ်ကျောင်းတော်ဟာ လွန်ခဲ့တဲ့ ၃ နှစ် လွှတ်တော်က အတည်ပြုပြီးတဲ့နောက်ပိုင်း ဆောက်လုပ်ခဲ့တာ ဖြစ်ပါတယ်။ ၀န်ကြီး Kostas Gavroglou ဟာ သောကြာနေ့က တာဝန်ရှိသူတွေနဲ့အတူ ဆောက်လုပ်ဆဲ ဗလီဝတ်ကျောင်းတော်ကို လာရောက် ကြည့်ရှုခဲ့ပါတယ်။
“အေသင်ဗလီ ရှေ့ဆောင်အီမာမ်ရဲ့ ပထမဆုံးဝတ်ပြုမှုကို တွေ့ရတော့မယ်ဆိုတော့ သိပ်ကောင်းပါတယ်။ စက်တင်ဘာလောက်မှာ စတင် ၀တ်ပြုနိုင်မယ်လို့ မျှော်လင့်ထားပါတယ်” လို့ ၀န်ကြီးက ပြောကြားခဲ့ပါတယ်။
ကန်ဒေါ်လာ ၁ သန်းနီးပါး ကုန်ကျခဲ့တဲ့ အေသင်က ဒီဗလီဟာ ကမ္ဘ္ဘာပေါ်က တစ်ခြားဗလီဝတ်ကျောင်းတော်တွေလို အမိုးခုံးတွေ၊ ၀တ်ပြုဖို့နှိုးဆော်တဲ့ မျှော်စင်တွေ မပါဝင်ပါဘူး။ ဗလီဝတ်ကျောင်းတော် ဆောက်လုပ်မှုကို ကန့်ကွက်တဲ့အုပ်စုတွေ ရှိခဲ့ပေမယ့် အစိုးရက ပြေလည်အောင် ညှိနှိုင်းပေးနိုင်ခဲ့ပါတယ်။ ဒီဗလီဟာ နှစ်ပေါင်း ၁၈၀ အတွင်း အေသင်မြို့ရဲ့ ပထမဆုံး ဗလီဝတ်ကျောင်းတော်လည်း ဖြစ်လာမှာ ဖြစ်ပါတယ်။ ဗလီဝတ်ကျောင်းတော်ဟာ တစ်ချိန်တည်းမှာ လူပေါင်း ၃၅၀ လောက် ၀တ်ပြုနိုင်မှာပါ။
ဂရိ သာသနာရေးဝန်ကြီး Kostas Gavroglou က ဗလီဟာ တစ်ဦးပိုင်မဟုတ်ဘဲ အများပိုင်နေရာဖြစ်တယ်လို့ ပြောကြားခဲ့ပါတယ်။
“ဒီနေရာက တစ်ဦးပိုင်နေရာမဟုတ်ဘူး။ ပြည်သူအားလုံး ပိုင်တဲ့နေရာပါ။ လူတစ်ဦး၊ လူတစ်စု ဒါမှမဟုတ် နိုင်ငံခြား တိုင်းပြည်တစ်ခုက ပိုင်ဆိုင်တာမျိုး မဟုတ်ပါဘူး”
ဂရိတ်အားအေသင် ဒေသမှာ အစ္စလာမ်ဘာသာဝင်ပေါင်း ၃ သိန်းလောက်ရှိပြီး ၂၀၀၇ ခုနှစ်ကတည်းက ဗလီဝတ်ကျောင်းတော်တစ်လုံး တည်ဆောက်ဖို့ အစိုးရထံ ခွင့်တောင်းခဲ့ပေမယ့် ဂရိအော်သိုဒေါ့စ် ခရစ်ယာန်အသင်းတော်၊ အမျိုးသားရေးအုပ်စုတွေက ကန့်ကွက်တာကြောင့် ကြန့်ကြာခဲ့တာ ဖြစ်ပါတယ်။
Ref : Aljazeera
