အောက်တိုဘာ ၂၉ ၊ ၂၀၁၄
M-Media
– အင်တာနက်အသုံးပြုမှုအတွက် ၂၀၁၅ ခုနှစ်မှစတင်ကာ အခွန်ကောက်မည့် အစိုးရ၏ အစီအစဉ်ကို ဆန့်ကျင်သောအားဖြင့် ဘူဒါပတ်စ်မြို့တွင် ဟန်ဂေရီပြည်သူ ထောင်ပေါင်း များစွာတို့က ဆန္ဒပြခဲ့ကြသည်ဟု သိရသည်။
ယမန်နေ့က ကျင်းပခဲ့သော အဆိုပါဆန္ဒပြပွဲမှာ ၃ ရက်အတွင်း ဒုတိယမြောက် ပြုလုပ်ခြင်းဖြစ်ပြီး ၀န်ကြီးချုပ် ဗစ်တာ အော်ဘန်၏ အာဏာချုပ်ကိုင်မှုနှင့် ပုဂ္ဂလိကလုပ်ငန်းများ ထိုခိုက်နစ်နာစေသော အစိုးရ၏ အခန်းကဏ္ဍအား တိုးမြှင့်မှု စသည့်ပေါ်လစီများအား လူငယ်များအတွင်း မကျေနပ်မှုများ ကြီးထွားလာမှုကို ပြသခြင်းလည်းဖြစ်သည်။
ပြီးခဲ့သည့် သီတင်းပတ်က ကြေညာခဲ့သော အင်တာနက် အခွန် အစီအစဉ်တွင် အင်တာနက်ဆာဗစ်ပေးသည့် ကုမ္ပဏီများအနေဖြင့် တစ်ဦးချင်း အင်တာနက်အသုံးပြုသူများ အတွက် တစ်လလျှင် ဟန်ဂေရီငွေ ၇၀၀ နှင့် စီပွားရေး လုပ်ငန်းရှင်များအတွက် တစ်လျှင် ၅၀၀၀ အခွန်တပ်ရန် အစိုးရက စီစဉ်ခဲ့ခြင်းဖြစ်သည်။
ထို့ပြင် 1 GB အသုံးပြုမှုတိုင်းအတွက် အခွန် ၁၅၀ ပေးဆောင်ရန် သတ်မှတ်ခဲ့ပြီး ထိုကဲ့သို့ သတ်မှတ်ခဲ့ခြင်းမှာ တိုင်းပြည်၏ အကြွေးအား လျော့ကျရန် ကြိုးစားခြင်းဖြစ်သည်ဟု ပြောကြားခဲ့သည်။ သို့သော်လည်း ပြည်သူများကမူ ၎င်းတို့၏ လွတ်လပ်မှုအား ကန့်သတ်ခြင်းဟု ယူဆနေသည်။
ဆန္ဒပြခေါင်းဆောင်ကမူ သမ္မတဗစ်တာအော်ဘန် နှုတ်ထွက်ရန်အတွက် စီးပွားရေးဝန်ကြီးဌာနရှေ့တွင် တောင်းဆိုခဲ့သည်။ ထို့ပြင် အခွန်ကောက်ခံမည့် ထိုအစီအစဉ် မရုပ်သိမ်းမချင်း ဟန်ဂေရီရှိ အခြားသောမြို့များနှင့် ဥရောပရှိ ဟန်ဂေရီသံရုံးများရှေ့တွင် ဆက်လက်ဆန္ဒပြသွားရန် ပြည်သူများက စီစဉ်ထားကြသည်။
Source: Agencies