Tag: Man U

စက်တင်ဘာ ၂၀၊ ၂၀၁၆
M-Media

– မန်ချက်စတာစီးတီးအသင်း၏ အိုက်ဗရီကို့စ်ကွင်းလယ်လူ ယာယာ တိုးယေးက ၎င်းအနေဖြင့် နိုင်ငံတကာ ကစားသမားဘ၀မှ အနားယူလိုက်ပြီဟု ကြေငြာခဲ့သည်။

အသက် ၃၃ နှစ်အရွယ်ရှိ တိုးယေးမှာ ၂၀၀၄ ခုနှစ်မှစ၍ အိုက်ဗရီကို့စ် လက်ရွေးစင်အသင်းတွင် ပါဝင်ကစားခွင့် ရခဲ့သူဖြစ်ပြီး ၂၀၁၅ ခုနှစ် ဖေဖော်ဝါရီလတွင် အိုက်ဗရီကို့စ်အသင်းက အာဖရိကနိုင်ငံများဖလားကို ဆွတ်ခူးခဲ့ပြီးနောက်ပိုင်း နိုင်ငံအသင်းမှ အနားယူထားသည်။

မတ်လက အသင်းလူစာရင်းတွင် ပါဝင်ခဲ့သော်လည်း ယနေ့တွင်မူ တိုးယေးက အနားယူကြောင်း Twitter စာမျက်နှာမှတစ်ဆင့် ကြေငြာခဲ့သည်။

“ချမှတ်ဖို့ခက်ခဲတဲ့ ဆုံးဖြတ်ချက်တွေ ရှိပါတယ်။ ဒါပေမယ့် ကျွန်တော့်အနေနဲ့ မျိုးဆက်သစ်တွေကို လမ်းဖွင့်ပေးရပါမယ်။ နိုင်ငံအသင်းအတွက် ၁၄ နှစ်ကြာ ကစားပြီးတဲ့နောက်ပိုင်းမှာ အိုက်ဗရီကို့စ်နဲ့အတူ စွန်စားမှုကို ကျွန်တော် အဆုံးသတ်ပါတော့မယ်။ အားပေးသူတွေ၊ ကျွန်တော့ပရိသတ်တွေအားလုံးကို ကျေးဇူးတင်ပါတယ်” ဟု တိုးယေးက ၎င်း၏ ကြေငြာချက်တွင် ဖော်ပြထားသည်။

လက်ရှိတွင် တိုးယေးမှာ မန်စီးတီးအသင်းတွင် ရုန်းကန်နေရပြီး နည်းပြသစ် ဂွာဒီယိုလာအောက်တွင် အရေးပါသည့်ပွဲ တစ်ပွဲသာ ပါဝင်ကစားခွင့် ရထားသည်။

Ref: Goal

စက်တင်ဘာ ၂၀၊ ၂၀၁၆
M-Media

– အိုးထရက်ဖို့ဒ်တွင် အောင်မြင်လိုပါက မော်ရင်ဟိုအနေဖြင့် အသင်းသားများအား မယုံကြည်စိတ် ထည့်ပေး၍ မရဟု မန်ယူနည်းပြဟောင်း ရွန် အတ်ကင်ဆန်က ပြောကြားလိုက်သည်။

မော်ရင်ဟိုကိုင်တွယ်သည့် မန်ယူမှာ ရာသီအစ ၄ ပွဲဆက်တိုက် အနိုင်ရရှိခဲ့သော်လည်း ပြီးခဲ့သည့် ၁၀ ရက်အတွင်း မြို့ခံပြိုင်ဘက် မန်စီးတီး၊ အသင်းငယ် ၀က်ဖို့ဒ်တို့ အပါအ၀င် ၃ ပွဲဆက်တိုက် ရှုံးနိမ့်ခဲ့သည်။ မော်ရင်ဟိုကမူ ၎င်း၏ ယခင်ပေါ်လစီအတိုင်း မန်စီးတီးနှင့် ၀က်ဖို့ဒ်တို့အား ရှုံးနိမ့်မှုအတွက် ဒိုင်လူကြီးများကို အပြစ်တင်ခဲ့သည်။

သို့သော်လည်း ၁၉၈၃ နှင့် ၁၉၈၅ ခုနှစ်များတွင် မန်ယူအသင်းအတွက် FA ဖလားများရရှိအောင် စွမ်းဆောင်ပေးနိုင်ခဲ့သည့် နည်းပြဟောင်း အတ်ကင်ဆန်ကမူ မော်ရင်ဟို၏ အသင်းအား စီမံခန့်ခွဲမှုမှာ အလုပ်ဖြစ်မည်ဟု မယုံကြည်ကြောင်း ပြောကြားခဲ့သည်။

“သူကိုင်တဲ့အသင်းတွေမှာ မယုံကြည်စိတ်ထည့်ပေးထားမျိုးကို ကျွန်တော် သဘောမကျပါဘူး။ အသင်းသားတွေကို ထိထိရောက်ရောက် ကာကွယ်လိုတာက အပြစ်မဟုတ်ပေမယ့် လူတိုင်းကို ရန်သူလို့ သဘောထားရမှာမျိုးတော့ မဟုတ်ပါဘူး။ ဒီလိုချဉ်းကပ်မှုမျိုးဟာ မန်ယူမှာ အလုပ်ဖြစ်မယ်လို့ ကျွန်တော် မထင်ပါဘူး။ ဘာ့ကြောင့်လည်းဆိုတော့ ဒါမျိုးဟာ အသင်းမှာအကြပ်အတည်း ဖြစ်လာနိုင်လို့ပါ”

ထို့ပြင် မန်ယူမှာ အသင်းကြီးတစ်သင်းဖြစ်သောကြောင့် အားလုံးကို ရန်သူကဲ့သို့ သဘောထားနေခြင်းမှာ အသင်းအတွက် မိတ်ဆွေများ ဆုံးရှုံးသွားစေနိုင်ကြောင်း အတ်ကင်ဆန်က ထည့်သွင်းပြောကြားခဲ့သည်။

Ref : Goal

စက်တင်ဘာ ၁၉၊ ၂၀၁၆
M-Media

– ပေါ့ဘာအနေဖြင့် ရီးယဲလ်ကို ရွေးချယ်ပါက ၎င်းအတွက် ပိုမိုလွယ်ကူမည်ဖြစ်သော်လည်း စိန်ခေါ်မှုများကို ရင်ဆိုင်လို၍ မန်ယူသို့ ပြောင်းရွှေ့ခဲ့ခြင်းဖြစ်သည်ဟု ၎င်း၏ အေးဂျင့်ဖြစ်သူ မီနို ရိုင်အိုလာက ပြောကြားလိုက်သည်။

စီးရီးအေထိပ်သီး ဂျူဗင်တပ်စ်အသင်းတွင် ခြေစွမ်းပြသနိုင်ခဲ့သည့် ပေါ့ဘာကို ဥရောပထိပ်သီးအသင်းများက ခေါ်ယူရန် ကြိုးစားခဲ့ပြီး ထိုအထဲတွင် ရီးယဲလ်လည်း ပါဝင်ခဲ့သည်။ သို့သော် နောက်ဆုံးတွင် မန်ယူက ကမ္ဘာ့စံချိန်တင်ပြောင်းရွှေ့ကြေး ပေါင် ၈၉ သန်းဖြင့် ခေါ်ယူနိုင်ခဲ့သည်။

အေးဂျင့်ဖြစ်သူ ရိုင်အိုလာကမူ ပေါ့ဘာမှာ ရီးယဲလ်နှင့် ချန်ပီယံလိဂ်ကစားခွင့်ကို ရွေးချယ်နိုင်သော်လည်း မန်ယူမှာ ၎င်း၏ အသည်းနှလုံးထဲမှ ကလပ်ဖြစ်သောကြောင့် မန်ယူအား ရွေးချယ်ခဲ့ခြင်းဖြစ်သည်ဟု ဆိုသည်။

“ဟုတ်ပါတယ်။ မန်ယူက ချန်ပီယံလိဂ်တော့ မကစားရဘူး၊ ချန်ပီယံလည်း မဟုတ်ပါဘူး။ ဒါပေမယ့် သူတို့ အလိုအပ်ဆုံးက ကျွန်တော်တို့ပါ။ ယူနိုက်တက်ဟာ ပေါ့ဘာနဲ့ပတ်သက်ပြီး ကျွန်တော်တို့ရဲ့ စကားပြောဆိုနေတာ ၂ နှစ် ရှိပါပြီ” ဟု ရိုင်အိုလာက ပြောကြားခဲ့သည်။

ထို့ပြင် ဂျူဗင်တပ်စ်မှ ထွက်ခွာရန် ဆုံးဖြတ်သည့်အခါ မိမိတို့အနေဖြင့် မန်ယူနှင့် ချယ်ဆီးတို့မှ ကမ်းလှမ်းမှုများ ရရှိခဲ့ပြီး အပြင်မှ နှစ်ခုရရှိခဲ့ကြောင်း ပေါ့ဘာကမူ မန်ယူမှာ ၎င်း အရူးအမူးအားပေးရသည့် အသင်းဖြစ်သည်ဟု ပြောကြားခဲ့ကြောင်း ထည့်သွင်း ပြောဆိုခဲ့သည်။

“ကစားသမားအတွက်ဆိုရင်တော့ ရီးယဲလ်မက်ဒရစ်က သူ့အတွက် ပိုလွယ်ကူမှာပါ။ လာလီဂါ၊ ချန်ပီယံလိဂ် ကစားရမှာပေါ့။ ဒါပေမယ့် သူက ပိုကြီးမားတဲ့ စိန်ခေါ်မှုကို လိုချင်တာပါ”

ပေါ့ဘာမှာ မန်ယူတွင် ပုံမှန်ပွဲထွက်ခွင့်ရနေသော်လည်း ခြေစွမ်းမပြနိုင်မှုကြောင့် လက်ရှိတွင် ဝေဖန်မှုများနှင့် ရင်ဆိုင်နေရပြီး နည်းပြမော်ရင်ဟိုကမူ ၎င်းအား ကာကွယ်ပြောဆိုထားသည်။

Ref: Goal

စက်တင်ဘာ ၁၈၊ ၂၀၁၆
M-Media

– ၀က်ဖို့ဒ်အသင်းအား ရှုံးနိမ့်ခဲ့မှုမှာ ဒိုင်လူကြီး၏အမှားနှင့် ကံမကောင်းမှုတို့ကြောင့် ဖြစ်သည်ဟု မန်ယူနည်းပြ ဂျိုဆေး မော်ရင်ဟိုက ပြောကြားလိုက်ပြီး မိမိတို့အသင်းမှာ ကစားပုံ ပိုကောင်းသင့်သည်ဟုလည်း ဆိုသည်။

ယနေ့တွင် ကစားခဲ့သည့် ထိုပွဲတွင် မန်ယူမှာ ဦးဆောင်ဂိုး အရင်ပေးခဲ့ရပြီးနောက် ရက်ရ်ှဖို့ဒ်က ချေပဂိုး ပြန်သွင်းနိုင်ခဲ့သော်လည်း နောက်ဆုံး ၇ မိနစ်တွင် ၂ ဂိုးထပ်ပေးရကာ ၃ ဂိုး ၁ ဂိုးဖြင့် ရှုံးနိမ့်ခဲ့ခြင်းဖြစ်သည်။ ထိုရှုံးပွဲမှာ မန်ယူ၏ ၃ ပွဲဆက်အရှုံး ဖြစ်ပြီး မော်ရင်ဟိုကလည်း ၂၀၀၁-၀၂ ပေါ်တိုတွင် ကိုင်တွယ်ခဲ့သည့်နောက်ပိုင်း ပထမဆုံး ၃ ပွဲဆက်အရှုံးနှင့် ကြုံတွေ့ရခြင်းဖြစ်သည်။

မော်ရင်ဟိုကမူ မိမိတို့မှာ ပထမပိုင်းတွင် ကစားပုံ မကောင်းခဲ့ဟု ဆိုသည်။

“ပထမပိုင်း မိနစ် ၂၀၊ ၃၀ လောက် ကျွန်တော်တို့ ကစားပုံမကောင်းခဲ့ဘူး။ ကျွန်တော်တို့ ထိန်းချုပ်ရမယ့်အချိန်ပါ။ နောက်ပိုင်း ကျွန်တော်တို့ တိုးတက်ခဲ့တယ်။ လုပ်လည်း လုပ်နိုင်ခဲ့ပါတယ်။ ကွင်းလယ်ဒိုင်နဲ့ စည်းကြပ်ဒိုင်တို့ရဲ့ အမှားကတော့ ကျွန်တော် ဘာမှ လုပ်လို့မရပါဘူး။ သူတို့ တိုးတက်ဖို့အတွက် ကျွန်တော် ဘာမှ မလုပ်ပေးနိုင်ပါဘူး” ဟု မော်ရင်ဟိုက ပြောကြားခဲ့သည်။

ဒုတိယပိုင်းတွင် မိမိတို့ ကစားပုံကောင်းခဲ့သော်လည်း ကံမကောင်းခဲ့ကြောင်း၊ ဒိုင်လူကြီးများကလည်း မှားယွင်းခဲ့ကြောင်း ၎င်းက ထည့်သွင်းပြောကြားခဲ့သည်။ ယခုအရှုံးကြောင့် မန်ယူမှာ ထိပ်ဆုံးမှ မန်စီးတီးနှင့် ၆ မှတ် ကွာဟသွားပြီ ဖြစ်သည်။

Ref: Goal