စက်တင်ဘာ ၁၃၊ ၂၀၁၅
M-Media
– မန်ယူအတွက် ပထမဆုံးပွဲတွင် ခြေစွမ်းပြ ဂိုးသွင်းယူပေးနိုင်ခဲ့သော်လည်း လူငယ်တိုက်စစ်မှူး အန်သိုနီ မာရှယ်အပေါ် ပရိတ်သတ်များအနေဖြင့် မျှော်လင့်ချက် အလွန်အကျွံ မထားရန် နည်းပြဗန်ဂါးလ်က သတိပေး ပြောကြားလိုက်သည်။
ယမန်နေ့က လီဗာပူးလ်အသင်းအား ၃ ဂိုး ၁ ဂိုးဖြင့် အနိုင်ရခဲ့သောပွဲတွင် အသက် ၁၉ နှစ်အရွယ် မာရှယ်မှာ လူစားဝင်ကစားခဲ့ပြီး အသင်းအတွက် တတိယမြောက်အနိုင်ဂိုးကို သွင်းယူပေးခဲ့သည်။
သို့သော်လည်း ဗန်ဂါးလ်ကမူ စံချိန်တင်ပြောင်းရွှေ့ကြေး ပေါင် ၃၆ သန်းတန် တိုက်စစ်မှူးအပေါ် အလွန်အကျွံ မျှော်လင့်မနေရန် သတိပေးခဲ့ပြီး ၎င်းအသက်အရွယ်နှင့် ပွဲတိုင်းတွင် ကောင်းနေမည်ဟု မျှော်လင့်၍ မရကြောင်း ပြောကြားခဲ့သည်။
“အရမ်းကောင်းတဲ့ ဂိုးပါပဲ။ ဒါကိုတော့ ကျွန်တော် မငြင်းနိုင်ပါဘူး။ ဒါပေမယ့် သူက ၁၉ နှစ်ပဲ ရှိပါသေးတယ်။ သူဟာ ဓလေ့ထုံးတမ်းအသစ်နဲ့ နေသားကျရမှာဖြစ်ပြီး ပရီးမီးယားလိဂ်နဲ့လည်း အံဝင်ခွင်ကျ ဖြစ်ရပါမယ်။ လီဗာပူးလ်က ဂိုးလိုနေတဲ့အချိန်မှာ သူ့ကို ပွဲထုတ်ဖို့ နည်းပြတစ်ယောက်အတွက် ကောင်းမွန်တဲ့ အချိန်ပါပဲ။ ဒါမှသာ သူက ကစားဖို့ နေရာရမှာပါ။ သူ့ရဲ့ အဆုံးသတ်မှုကတော့ လက်ဖျားခါလောက်ပါတယ်” ဟု ဗန်ဂါးလ်က ပွဲအပြီးတွင် ပြောကြားခဲ့သည်။
ထိုကဲ့သို့ စွမ်းဆောင်နိုင်ခြင်းက မာရှယ်အတွက် တွန်းအားဖြစ်သော်လည်း ၎င်း၏ အသက်အရွယ်နှင့် ခြေစွမ်းကောင်းကို ထိန်းထားမည်ဟု မျှော်လင့်၍မရကြောင်း၊ အသက် ၁၉၊ ၂၀၊ ၂၁ အရွယ်ရှိ ကစားသမားများမှာ အတက်အကျ ရှိမည်ဖြစ်ကြောင်း ဗန်ဂါးလ်က ထပ်လောင်းပြောကြားခဲ့သည်။
ယခုပွဲအနိုင်ကြောင့် မန်ယူမှာ ရာနှုန်းပြည့် နိုင်ပွဲရထားသည့် မန်စီးတီးအသင်း၏အောက် ဒုတိယနေရာတွင် ရှိနေပြီး ဗန်ဂါးလ်ကလည်း အသင်း၏ စွမ်းဆောင်ရည်ကို ကျေနပ်နေသည်။
Ref: Goal
