ဇွန် ၁၂၊ ၂၀၁၉
M-Media
-အစ္စလာမ်ဘာသာကို အရွယ်ရောက်လာမှ လေ့လာသက်ဝင်တာဖြစ်ပြီး အစ္စလာမ်သာသနာရဲ့
သွန်သင်ချက်တွေက မိမိကို ပိုမိုကောင်းမွန်တဲ့ လူတစ်ယောက် ဖြစ်စေတယ်လို့ မန်ချက်စတာယူနိုက်အသင်းရဲ့ ကွင်းလယ်လူ ပေါလ် ပေါ့ဘာက ဗြိတိန်သတင်းစာ The Times ရဲ့ podcast အစီအစဉ်မှာ ဖွင့်ဟ ပြောဆိုလိုက်ပါတယ်။
The Times သတင်းစာက မနေ့မှာ ဖော်ပြခဲ့တဲ့ အင်တာဗျူးမှာ ပေါ့ဘာဟာ သူယုံကြည်တဲ့ အယူဝါဒအကြောင်း၊ ဘောလုံးလောက လူမျိုးရေးခွဲခြားမှုတွေအကြောင်း၊ သူ့ရဲ့ ဆံပင်စတိုင်အကြောင်း၊ ဖခင်တစ်ယောက်ဖြစ်ရတဲ့ ပီတိ စတာတွေကို ထည့်သွင်း ဖြေကြားခဲ့ပါတယ်။
နာမ်ပိုင်းဆိုင်ရာ သက်ဝင်ယုံကြည်မှုနဲ့ပတ်သက်လို့ ပြောကြားရာမှာ ပေါ့ဘာက သူ့အမေဟာ အစ္စလာမ်ဘာသာဝင်တစ်ယောက်ဖြစ်ပြီး ဘာသာရေးလေးစားပေမယ့် သူကတော့ အစ္စလာမ်ဘာသာဝင်တစ်ယောက်အဖြစ် ကြီးပြင်းလာခဲ့တာ မဟုတ်ဘူးလို့ ၀န်ခံခဲ့ပါတယ်။
အရွယ်ရောက်လာတဲ့အခါမှာ နာမ်ပိုင်းဆိုင်ရာနဲ့ပတ်သက်လို့ မိမိကိုယ်ကိုယ် မေးခွန်းတွေ ထုတ်ကာ ဘာသာတရားတွေကို လေ့လာဆန်းစစ်မှု လုပ်ဆောင်ခဲ့တယ်လို့လည်း ပေါ့ဘာက ဆိုပါတယ်။
“အစ္စလာမ်မှာ အားလုံးပြည့်စုံပါတယ်။ ဘ၀မှာ နေတတ်ထိုင်တတ်အောင် သွန်သင်ပေးတယ်။ ကျွန်တော့်ကို ပြောင်းလဲပေးတယ်။ ဘ၀ဆိုတာကို ပိုပြီး နားလည်လာစေတယ်။ နာမ်ပိုင်းဆိုင်ရာ ငြိမ်းအေးမှုကိုလည်း အစ္စလာမ်က ပေးပါတယ်။ ကျွန်တော်ဟာ မွတ်စလင်တစ်ယောက်အဖြစ် ကြီးပြင်းခဲ့တာ မဟုတ်ပါဘူး။ အမေကတော့ မွတ်စလင်တစ်ယောက်ပါ”
အစ္စလာမ်ဘာသာကို သင်ဝင်ယုံကြည်ပြီးတဲ့နောက် ပိုမိုကောင်းတဲ့ လူသားတစ်ယောက် ဖြစ်လာတယ်လို့လည်း ပေါ့ဘာက ထည့်သွင်းပြောဆိုခဲ့ပါတယ်။
“ကိစ္စတော်တော်များများနဲ့ပတ်သက်ပြီး ကျွန်တော့်ကိုယ်ကျွန်တော် ပြန်ပြီး မေးခွန်းထုတ်တယ်။ လေ့လာဆန်းစစ်မှုတွေလည်း လုပ်ပါတယ်။ သူငယ်ချင်းတွေနဲ့ ဘုရားတစ်ခါ ၀တ်ပြုပြီးတဲ့နောက် ထူးထူးခြားခြား ခံစားလိုက်ရတယ်။ သိပ်ကို အေးချမ်းတဲ့ ခံစားမှုမျိုးပါ”
အသက် ၂၆ နှစ်အရွယ် ရှိပြီဖြစ်တဲ့ ပြင်သစ်နိုင်ငံသား ပေါ့ဘာဟာ ချယ်ဆီးနောက်ခံလူ ကာ့တ် ဇူမာနဲ့အတူ ပြီးခဲ့တဲ့လက ဆော်ဒီအာရေဗျနိုင်ငံ မက္ကာမြို့ကို အွမ္မရာဟ်ဘုရားဖူး သွားရောက်ကာ သူ့ရဲ့ ဆိုရှယ်မီဒီယာအကောင့်မှာ ဓာတ်ပုံတွေ လွှင့်တင်ခဲ့ပါတယ်။
အစ္စလာမ်ဘာသာကို သက်ဝင်ယုံကြည်ခဲ့တဲ့ ရည်ရွယ်ချက်တွေထဲမှာ မိမိကိုယ်ကို ထိန်းချုပ်လိုတဲ့ ဆန္ဒလည်း ပါဝင်တယ်လို့ ပေါ့ဘာက အင်တာဗျူးမှာ ထည့်သွင်းပြောကြားခဲ့ပါတယ်။
“အစ္စလာမ်က ကျွန်တော့်နှလုံးသားကို ဖွင့်ပေးတယ်။ ပိုကောင်းတဲ့ လူသားတစ်ယောက်ဖြစ်အောင် လုပ်ပေးတယ်လို့တောင် ဆိုနိုင်ပါတယ်။ လူသားတွေမှာ အချင်းချင်း ဆက်ဆံရေးတွေ၊ အပြန်အလှန်လေးစားမှုတွေ၊ အသားအရောင်ဆိုတာတွေ ရှိကြတယ်။ အစ္စလာမ်ဟာ အဲဒီ လူသားဝါဒကို အလေးထားတဲ့ ဘာသာတရား ဖြစ်ပါတယ်”
ပေါ့ဘာကို ရီးယဲလ်မက်ဒရစ်အသင်းက ခေါ်ယူဖို့ စိတ်စားထက်သန်နေပြီး မန်ယူနည်းပြ ဆိုးလ်ရှားက ရောင်းချမှာ မဟုတ်ဘူးလို့ ပြောကြားထားပါတယ်။
Ref : The Times
