သြဂုတ် ၁၉ ၊၂၀၁၄
M-Media
သတင်း/ဓါတ်ပုံ – ကိုမျိုး(CJ)
မန္တလေးမြို့မှ သင့်မြတ်လိုသူများ ဘာသာပေါင်းစုံ လူငယ်များ ပရဟိတအဖွဲ့က ကျင်းပပြုလုပ်တဲ့ အီးဒ်နေ့အထိမ်းအမှတ် မိတ်စုံစားပွဲနှင့် ဘာသာပေါင်းစုံ တွေ့ဆုံပွဲကို သြဂုတ်လ ၁၉ ရက်နေ့ အင်္ဂါနေ့တွင် မန္တလေးမြို့ ရွှေနလုံးတော် ကသိဒြယ်ခရစ်ယာန် ဘုရားကျောင်း၌ ညနေ ၅း၃၀ မှာ စတင် ကျင်းပခဲ့ပါတယ်။
ဘာသာကြီးများမှ ငြိမ်းချမ်းရေး ဆောင်ရွက်နေကြသော ဆရာတော်ကြီးများနှင့် ခေါင်းဆောင်များ တက်ရောက် ဟောပြောကြကြောင်း သိရပါတယ်။
Photo- Ko Myo (MDY)
သြဂုတ် ၁၂၊ ၂၀၁၄
M-Media
သတင်း/ဓါတ်ပုံ- ချို
၂၀၁၄ ခုနှစ် သြဂုတ်လ ၈ ရက်နေ့တွင် မြန်မာနိုင်ငံ ဒီမိုကရေစီနေ့၊ လူထုဒီမိုကရေစီ အရေးတော်ပုံ (၂၆) နှစ်မြောက် အခမ်းအနားကို မန္တလေးမြို့၊ ဒက္ခိဏာရာမ ဘုရားကြီးတိုက် အလယ်တိုက်ကြီးတွင် ယခင်နှစ်များနည်းတူ ကျင်းပခဲ့ပါသည်။
အဆိုပါအခမ်းအနားတွင် ခေတ်အဆက်ဆက် ဒီမိုကရေစီ တိုက်ပွဲအတွင်း ကျဆုံးခဲ့ရသော ရဟန်းရှင်လူ ကျောင်းသားပြည်သူ အာဇာနည် သူရဲကောင်းတို့အား အလေးပြုခြင်း၊ ခေတ်အဆက်ဆက် ဒီမိုကရေစီတိုက်ပွဲ အတွင်း ကျဆုံးခဲ့ရသော ရဟန်းရှင်လူ ကျောင်းသားပြည်သူ အာဇာနည်သူရဲကောင်းတို့အား ၀မ်းနည်းခြင်းအထိမ်းအမှတ်အဖြစ် တစ်မိနစ်ငြိမ်သက်ခြင်းများ ပြုလုပ်ခဲ့သည်။
ဆက်လက်ပြီး မန္တလေးမြို့ ဒက္ခိနာရာမဘုရားကြီးတိုက် ဆရာတော် ဦးခေမာက ရှစ်လေးလုံး လူထု ဒီမိုကရေစီအရေးတော်ပုံ (၂၆)နှစ်မြောက် အထိမ်းအမှတ် သြ၀ါဒစကား မိန့်ကြားခြင်း၊ ဆရာကြီးကိုလေး (အင်းဝဂုဏ်ရည်)က မြန်မာနိုင်ငံ ဒီမိုကရေစီနေ့ (သြဂုတ်လ ၈ရက်)နှင့် ပတ်သက်ပြီး ပြောကြားခြင်း၊ နိုင်ငံရေး အကျဉ်းသားဟောင်း ဦးရွှေထူးက ရှစ်လေးလုံးငွေရတုလွန် ကာလ မြန်မာ့နိုင်ငံရေးမြင်ကွင်းကို တင်ပြခြင်း၊ ရှစ်လေးလုံးငွေရတု ဆုံးဖြတ်ချက်များ ဖော်ဆောင်ရေးကော်မတီ (အထက်ဗမာပြည်)၏ အစီရင်ခံစာကို ကော်မတီဝင် တစ်ဦးဖြစ်သူ ဦးနေလင်းက ဖတ်ကြားတင်ပြခြင်း နှင့် သံဃာတော်များအား နေ့ဆွမ်းဆက်ကပ်ပြီး သင်္ကန်းစသော လှူဘွယ်ဝတ္ထုတို့အား ဆက်ကပ်လှူဒါန်းခဲ့ပါသည်။
ဒုတိယပိုင်း အစီအစဉ်တွင် ၂၀၁၅ နိုင်ငံရေး အခင်းအကျင်းကို လေ့လာ သုံးသပ်ခြင်းခေါင်းစဉ်ဖြင့် ဆွေးနွေးခဲ့ကြသည်။ ဆက်လက်ပြီး ရှစ်လေးလုံး လူထုဒီမိုကရေစီ အရေးတော်ပုံ (၂၆)နှစ်မြောက် အထိမ်းအမှတ် အခမ်းအနားမှ ရရှိလာသော သဘောထားများ ထုတ်ပြန်ကြေငြာခဲ့ပါသည်။
လွန်ခဲ့သော ၂၆နှစ် ရှစ်လေးလုံး လူထုဒီမိုကရေစီ အရေးတော်ပုံကြီးတွင် မန္တလေးမြို့နည်းတူ စစ်ကိုင်းမြို့၌လည်း ရဟန်းရှင်လူ ကျောင်းသူပြည်သူ ၃၀၀ကျော် သွေးမြေကျ သတ်ဖြတ်ခြင်းခံခဲ့ရသော အောက်မေ့ဘွယ် အခမ်းအနားအား သြဂုတ်လ ၉ ရက်နေ့တွင် စစ်ကိုင်းမြို့၌ ကျင်းပခဲ့ပါသည်။ လူအင်အား ၁၀၀နီးပါးခန့်က လွမ်းသူ့ပန်းခြင်းများကိုင်ဆောင်ကာ စစ်ကိုင်းမြို့၊ မြို့မဈေးကြီးအနီးမှ စတင်လမ်းလျှောက်ထွက်ခွာခဲ့ပြီး သွေးမြေကျခဲ့သည့် လမ်းတစ်လျှောက် ပန်းများကျဲခြင်း၊ ရဲစခန်းရှေ့တွင် ကမ္ဘာမကြေဘူးသီချင်းများ သီဆိုခြင်းများ ပြုလုပ်ခဲ့ကြပြီး မြစ်ဆိပ်အထိ လမ်းလျှောက်ခဲ့ကြပြီး စစ်ကိုင်းတံတားအနီး ဧရာဝတီမြစ်အတွင်းသို့ သတ်ဖြတ်ခံရသော ရဟန်းရှင်လူ ကျောင်းသား ပြည်သူအပေါင်းအား မျှောချခဲ့သည့်အတိုင်း ပန်းခြင်းများ၊ ပန်းခွေများအား မျှောခဲ့ကြကြောင်း သိရသည်။
သြဂုတ် ၁၁ ၊ ၂၀၁၄
M-Media
.သီဟ
ညမထွက်ရအမိန့် ပုဒ်မ ၁၄၄ ထုတ်ပြန်ခဲ့သည့် မန္တလေးမြို့တွင် ယင်းအမိန့်ကို ယနေ့တွင်ပြန်လည် ရုပ်သိမ်းလိုက်ကြောင်းသိရှိရပါတယ်။
လုပ်ကြံလီဆယ်ထားသည့် မုဒိမ်းမှု သတင်းကို အင်တာနက် စာမျက်နှာတွင် စတင်လှုံ့ဆော်ဖြန့်ချိရာမှ ဘာသာရေး အသွင်ဆောင်သည့် အကြမ်းဖက်မှုများဖြစ်ပွားခဲ့သည့် မန္တလေးမြို့ ၇ မြို့နယ်တွင် ဇူလိုင်လ ၃ ရက်နေ့မှ စတင်ပြီး ညမထွက်ရ အမိန့်ပုဒ်မ ၁၄၄ ထုတ်ပြန်ခဲ့ခြင်းဖြစ်ပါတယ်။
သြဂုတ် ၁၁ ၊ ၂၀၁၄
M-Media
.သီဟ
စာရေးဆရာ ဦးဘုန်း(ဓာတု)၊ စာရေးဆရာမ မသီတာ(စမ်းချောင်း) နှင့် ဘလောဂ်ဂါ နေဘုန်းလတ် တို ဦးဆောင်ပါဝင်သည့် ဆွေးနွေးပွဲ တရပ်ကို မန္တလေးမြို့ ရတနာပုံ စူပါစင်တာမှာ ပြုလုပ်မှာဖြစ်ကြောင်းသိရပါတယ်။
ဆွေးနွေးကြမယ့် ခေါင်းစဉ်ကတော့ ခွဲခြားမှုကင်းသော အနာဂတ်မျိူးဆက်ဆီသို့ဖြစ်ပြီး အပြည်ပြည်ဆိုင်ရာလူငယ်များနေ့ အထိမ်းအမှတ် အဖြစ် ကျင်းပ ပြုလုပ်တာဖြစ်ပြီး သြဂုတ်လ ၁၂ ရက် (အင်္ဂါနေ့) နံနက် ၁၀ နာရီမှ ၁၂း၃၀ နာရီ အထိကျင်းပပြလုပ်မှာ ဖြစ်ပါတယ်။
ကျင်းပ ပြုလုပ်မယ့် နေရာက MRCCI Ballroom၊ လေးလွှာ၊ ရတနာပုံစူပါစင်တာ။ ၃၅လမ်းနှင့် ၇၈လမ်းထောင့် ဖြစ်ကြောင်းသိရှိရပါတယ်။
Photo Via- Harry Mdy
ဇူလိုင် ၂ ရက်၊ ၂၀၁၄
M-Media
သုတ
ဇွန်လိုင် ၁-ရက်ညပိုင်းနှင့် ၂-ရက်နေ့ မနက်ပိုင်းတို့တွင် မန္တလေးမြို့၌ ဘာသာရေး အကြမ်းဖက်မှု အသွင် ပြုလုပ်ခဲ့သည့်ဖြစ်ရပ်နှင့် စပ်လျဉ်း၍ဖြစ်ပွားခဲ့သည့် မန္တလေးတိုင်း ရဲတပ်ဖွဲ့က သတင်းစာ ရှင်းလင်းပွဲတစ်ရပ်ကို မန္တလေးတိုင်း ရဲတပ်ဖွဲ့တွင် ယနေ့နံနက် ၉-နာရီက ပြုလုပ်ခဲ့ပါတယ်။
ယမန်နေ့ညက စတင်ဖြစ်ပွားခဲ့သော ဖြစ်စဉ်အပေါ် ကွဲပြားမှုမရှိပဲ သတင်းအမှန်သိရှိစေရန်အတွက် ယခုကဲ့သို့ သတင်းစာရှင်းလင်းပွဲ ပြုလုပ်ရခြင်းဖြစ်ကြောင်း မန္တလေးတိုင်း ဒေသကြီး ရဲတပ်ဖွဲ့မှူးရုံး ဗိုလ်မှူးကြီးအရာရှိ ပထမတန်း ဒုတိယရဲမှူးကြီး ဇော်မင်းဦးက အဆိုပါ သတင်းစာရှင်းလင်းပွဲတွင် ပြောကြားခဲ့ပါတယ်။
ယခုရက်ပိုင်းအတွင်း အင်တာနက်သတင်း၌ ပျံ့နှံ့ခဲ့သော မန္တလေးမြို့ ၂၈-လမ်း ဆန်းလ္ဘက်ရည်ဆိုင်အား နေပြည်တော်တွင် ဆိုင်ခွဲဖွင့်လှစ်မည်ဟုဆိုတာ ဆိုင်ရှင်မှ ဆိုင်ဝန်ထမ်းအမျိုးသမီးအား နေပြည်တော်သို့ ခေါ်ဆောင်သွားပြီး အဓမ္မပြုကျင့် ခဲ့သည်ဆိုသည့် သတင်းများ ပေါ်ထွက်လာသောကြောင့် ပျဉ်းမနားမြို့မ ရဲစခန်းမှူး ဒုရဲမှူး မျိုးသန်းဦးနှင့် အဖွဲ့က လာရောက်မေးမြန်းသွားခဲ့ပြီး အမှုတည်ဆောက်ရသည့် အတွက် အမှုဖွင့်ပြီဆိုပါက ရဲတပ်ဖွဲ့က အမှု မှန်ကန်မှု ရှိမရှိ၊ ပြစ်မှု ကျူးလွန်မှုရှိမရှိကို ရဲ လုပ်ငန်းပိုင်းဆိုင်ရာနဲ့ပတ်သက်၍ စစ်ဆေးရသည်များ ရှိပြီး စစ်ဆေးခံရသည့် ကာယကံရှင်များ အနေနှင့် မိမိတို့ မကျူးလွန်ဘဲ အပြောခံနေရသည်ဟူသော သူတို့၏ စိတ်ခံစားမှုများ ရှိကြောင်းကို ဒုတိယရဲမှူးကြီး ဇော်မင်းဦးက ဆက်လက် ရှင်းလင်း ပြောကြားခဲ့ပါတယ်။
“ဘာပဲဖြစ်ဖြစ် မနေ့က အဲ့ဒီလို လာရောက်မေးမြန်းတာတွေ ဖြစ်တဲ့အတွက် ညပိုင်းမှာ အဲ့ဒီဝန်းကျင်ကို ညပိုင်းမှာ လူအုပ်စုနဲ့ လာရောက်ဆန္ဒပြမယ်။ မသင်္ကာ တရားခံများကို အပ်ပေးဖို့ ဆန္ဒပြမယ်၊ ရောက်လာမယ်လို့ သတင်းရတဲ့အတွက် မလိုလားအပ်တဲ့ ပြဿနာတွေ မဖြစ်အောင် ကျွန်တော်တို့က အဲ့ဒီဆိုင် အနီးဝန်းကျင် လမ်းဆုံထောင့်တွေမှာ လုံခြုံရေးချထားပြီး ဆောင်ရွက်ခဲ့တဲ့အနေအထားရှိပါတယ်။
ည ၇-နာရီလောက်မှာ ခုနကပြောသလို သံဃာတော်တွေနဲ့ လူအုပ်စုတွေ ရောက်လာပြီး ပြောမယ်ဆိုမယ်ဆိုတဲ့ သတင်းတွေရတဲ့အတွက် လုံခြုံရေး ရထား ဆောင်ရွက်တယ်။ အဲဒီအချိန်မှာပဲ ရပ်ကွက်က အုပ်ချုပ်ရေး တာဝန်ရှိသူတစ်ယောက်က ရုတ်ရုတ်မဖြစ်ရအောင် ဆိုင်ပိတ်လိုက်ရင် ကောင်းမယ်ဆိုပြီး ပြောလိုက်တယ်။ လက်ရှိက သူတို့ ဥပုသ်လဖြစ်နေတဲ့ သူတို့ ဥပုသ်ထွက်ရင် စားနေတဲ့ဆိုင် ဘာလို့ ပိတ်ရမှာလဲဆိုတဲ့ တစ်ဖွဲ့ကလည်း ရှိတယ်။ တချို့ကလည်း ဆိုင်ဖွင့်ပါ၊ တချို့ကလည်း စကားနည်းရန်စဲ ဆိုင်မဖွင့်နဲ့ဆိုတာလည်း ရှိလာတယ်။ အဲ့ဒီအချိန် ဗလီဆင်းလာတဲ့ အချိန်လည်းဖြစ်တော့ လူများပြီး ရုတ်ရုတ်ဖြစ်သွားတယ်။ ဗလီဆင်းလာတာရယ်၊ ၀ိုင်းကြည့်တာရယ်၊ ဆိုင်ပိတ်မယ် ဖွင့်မယ်ပြောနေကြတာရယ်နဲ့ အဲ့ဒီနားမှာ လူအင်အား ၁၀၀-လောက်ဖြစ်သွားတယ်။
အဲ့လိုဖြစ်တော့ အစ္စလာမ်ဘာသာဝင်လူကြီးတွေရော၊ ရပ်မိရပ်ဖတွေရော၊ ကျွန်တော်တို့ တာဝန်ရှိသူတွေရော ၀ိုင်းဖျန်ဖြေလိုက်တော့ ၈နာရီခွဲလောက် မှာတော့ အေးအေးဆေးဆေး ပြီးသွားတယ်။ အဲ့ဒါပြီးသွားပေမယ့် ကျွန်တော်တို့က လုံခြုံရေးတော့ ဆက်ချထားပါတယ်။
လုံခြုံရေးဆက်ချထားတဲ့ အချိန် ည ၁၀ နာရီခွဲလောက်မှာ ၂၆-လမ်း ၈၂-လမ်းထောင့်ကနေ ၂၆-လမ်းအတိုင်း အနောက်နေ အရှေ့ကို ဆိုင်ကယ် ၃-စီးနဲ့ လူငယ် ၆-ဦးက ကမ္ဘာမကြေသီချင်းဆိုပြီး ဆိုင်ကယ်စီးသွားတယ်။ ချမ်းအေးသာစံ မြို့နယ်ရဲတပ်ဖွဲ့မှူးနဲ့ တာဝန်ရှိသူတွေက မလိုလားအပ်တာတွေ ဖြစ်မှာစိုးလို့ လိုက်ထိန်းသိမ်းနေတဲ့ အခါမှာပဲ လူ ၂၀-လောက်က ကမ္ဘာမကြေသီချင်းဆိုရင်း ခြေကျင်လျှောက်လာတဲ့ အတွက် ရပ်ကြည့်သူတွေရော လူများလာတဲ့အတွက် လမ်းဆုံလမ်းဂွတွေကို ကျွန်တော်တို့ ထပ်မံပိတ်ခဲ့တယ်။
ည ၁၁-နာရီလောက် အချိန်မှာတော့ ၂၆နဲ့ ၈၆ ထောင့်မှာ သံဃာ အပါး ၂၀-၃၀ ၀န်းကျင်၊ လူအင်အား ၃၀၀ လောက်ရှိမယ်။ နောက် နိုင်လွန် လျှပ်စစ်ပစ္စည်းဆိုင်ကို ခဲနဲ့ပေါက်တယ်။ နောက် အဲ့ဒီအနီးက ကွမ်းယာဆိုင်လေးတွေကို ဖျက်ဆီးတယ်။ ကျွန်တော်တို့တွေက ထိန်းထားရတယ်။ ဒီဘက်ကလည်း အဖွဲ့တွေ ထွက်မလာအောင် ၀ိုင်းဝန်း ထိန်းသိမ်းတယ်။ ဆူပူနေတဲ့ လူအုပ်စုကို ထိန်းသိမ်းပြီး ဆောင်ရွက်ခဲ့တယ်။
အဲ့ဒီမှာ အုတ်ခဲကျိုးတွေနဲ့ ဆိုင်တွေကိုပေါက်သလို ကျွန်တော်တို့ တပ်ဖွဲ့ဝင်တွေကို ပေါက်တာလည်း တွေ့နေရတယ်။ ရှေ့မှာလာပြီး မဖွယ်မရာတောင် လုပ်ပြသွားသေးပါတယ်။
ဒါပေမယ့် ကျွန်တော်တို့က ကိုယ့်ပြည်သူတွေဖြစ်တဲ့အတွက် ဘာမှမလုပ်ပဲ သည်းခံပြီးနေလိုက်ပါတယ်။ နောက် ၁၁-နာရီခွဲလောက်မှာ ၂၆-လမ်းနဲ့ ၈၃-လမ်းထောင့်မှာ လူအင်အား ၂၀၀-ကျော်လောက်က မွတ်စလင်အိမ်တွေကို ခဲတွေနဲ့ပေါက်တယ်။ အနားမှာ ရပ်ထားတဲ့ မော်တော်ယာဉ် ၃-စီးကိုလည်း ရှေ့မှန်၊ နောက်မှန်တွေ ရိုက်ခွဲတဲ့ အနေအထားတွေ တွေ့ရတဲ့အတွက် သွားရောက်ဖျန်ဖြေတယ်။ ဂဠုန်နီဆရာတော်လည်း ပါဝင် ထိန်းသိမ်းခဲ့ရပါတယ်။
ဒီဘက်မှာ ရှင်းလိုက်ပေမယ့် နောက် တစ်ခြားနေရာက အဆောက်အဦးတွေကို ပစ်ပေါက်နေတဲ့အတွက် မြို့နယ်ရဲတပ်ဖွဲ့မှူးက လူစုခွဲခိုင်းတာ မရတဲ့အတွက် ရာဘာကျည်နဲ့ မိုးပေါ်ကို ၃-ချက်လောက် ထောင်ပစ်လိုက်တာဖြစ်ပါတယ်။ မြို့နယ် ရဲတပ်ဖွဲ့မှူးရဲ့ စဉ်းစားဆင်ခြင်မှုနဲ့ လူစုကွဲစေလိုလို့ လုပ်လိုက်တဲ့သဘောပါ။
ည ၂-နာရီလောက်မှာ ၂၃-၂၄ လမ်းနဲ့ ၈၃-၈၄ လမ်းကြားမှာ သံဃာ အပါး ၄၀၊ လူအင်အား ၄၅၀-လောက်က တုတ်၊ ဓါးတွေကိုင်ပြီး ထပ်မံ အော်ဟစ်ဆူပူနေတဲ့ အတွက် ပုလင်းကွဲတွေ၊ အုတ်ခဲကျိုးတွေနဲ့ တာဝန်ရှိသူတွေကို နှောက်ယှက်နေတဲ့ အတွက် မန္တလေးတိုင်းရဲတပ်ဖွဲ့မှူး ဦးစီးပြီးတော့ အဖွဲ့တွေနဲ့ နားလည်အောင်ပြောပြီး လူစုခွဲခိုင်း လိုက်ပါတယ်။ ၂ နာရီ ၅၅ မိနစ်မှာတော့ ၂၆-လမ်း၊ ၈၇-၈၈ ကြားမှာ ရပ်ထားတဲ့ ဟိုင်းလတ်ယာဉ်ရှေ့ခန်းကိုလည်း မီးရှို့တဲ့အတွက် မီးသတ်ကားနဲ့ အမြန်ငြိမ်းသတ်လိုက်ရတဲ့အတွက် ကားရှေ့ခန်းနဲ့ ထိုင်ခုံလေးတွေတော့လောင်သွားတာ ရှိပါတယ်။
မနက် ၃-နာရီဝန်းကျင်မှာလည်း ၇၁-လမ်း၊ ၃၄x၃၅ လမ်းကြားက မင်းမင်း လ္ဘက်ရည်ဆိုင်ကို အမည်မသိလူတစ်စု ဆိုင်ကယ်များ ၁၅-ယောက်ခန့်နဲ့ ရောက်လာပြီး ခဲများနဲ့ ပစ်ပေါက်မှုတွေ ပြုလုပ်ခဲ့တာ ရှိပါတယ်။
နောက် လူအုပ်စု ထပ်မံစုစည်းမှုမရှိစေရေးအတွက် တိုင်းရဲတပ်ဖွဲ့အင်အား ၄၀၀ ကျော်၊ ရဲလုံခြုံရေးတပ်ဖွဲ့ခွဲ မန္တလေးက အင်အား ၃၀၀ နီးပါးက ၂၆လမ်း-လမ်း၃၀နဲ့ ၈၀-၈၄ လမ်းအထိ နယ်မြေစိုးမိုးလုံခြုံရေးအတွက် ချထားပြီး တစ်ညလုံးတစ်မနက်လုံး ဆောင်ရွက်ခဲ့ရပါတယ်။ မနက် ၃-နာရီလောက်မှာ ဂဠုန်နီဆရာတော်နဲ့အဖွဲ့လည်း ပြန်လည် ထွက်သွားခဲ့ပါတယ်။ အခြေအနေက ပြန်လည်အေးဆေးတည်ငြိမ်တဲ့အခြေအနေပါ။”ဟု ၎င်း ဒုတိယရဲမှူးကြီး ဇော်မင်းဦးကပင် ဖြစ်ပွားပုံကို ရှင်းလင်းပြောကြားခဲ့ပါတယ်။
မနေ့ညက ဖြစ်ပွားခဲ့မှုတွင် ဆုံးရှုံးမှုများအနေဖြင့် မီးလောင်သည့် ကား၁-စီးအပါအ၀င် ကားအမျိုးအစားစုံ ၁၁-စီး၊ ကားရှေ့-နောက်မှန်၊ တံခါး များကို အကြောင်းမဲ့ ဖျက်ဆီးခံရပြီး၊ မင်းမင်း လ္ဘက်ရည်ဆိုင်က ၁၅၀၀၀ ခန့်တန်ဖိုး ပျက်စီးသွားခဲ့ပြီး၊ ပုလင်းကွဲများ အုတ်ခဲများဖြင့် ပစ်ပေါက်သည့်အတွက် ရဲတပ်သား ၁-ဦးအပါအ၀င် အရပ်သား ၄-ဦး စုစုပေါင်း ပေါက်ပြဲ ပွန်းပဲ့ ဒဏ်ရာရသူ ၅-ဦး ရှိခဲ့ကြောင်း၊ ကျူးလွန်သူများကို မှတ်တမ်းမှတ်ရာများဖြင့် လိုက်လံစုံစမ်း အရေးယူ ဆောင်ရွက်မည်ဖြစ်ပြီး ဆက်လက်၍ အကျယ်အကျယ် မဖြစ်စေရန် ဆောင်ရွက်နေသည့် အတွက် မီဒီယာများအနေဖြင့် တူညီစွာ သိရှိစေရန်၊ မနေ့ညက ဖြစ်ပွားခဲ့တဲ့ ဖြစ်စဉ်အပေါ်မှာ တစ်ယောက်နဲ့တစ်ယောက် ကွဲပြားမှုမရှိပဲနဲ့ သတင်းအမှန် သိရှိစေရန် ခေါ်ယူတွေ့ဆုံခြင်းဖြစ်ပါတယ်လို့ ပြောကြားခဲ့ပါတယ်။
မန္တလေး ဒေသခံများ လုံခြုံရေးကို ရှေ့ဆက်ဘယ်လို လုပ်ဆောင်မလဲ၊ စိုးရိမ်သောကဖြစ်နေတဲ့ ပြည်သူတွေကို ဘယ်လို သတင်းအချက်အလက်များ ပေးမည်လဲဟု တက်ရောက်လာသည့် သတင်းထောက်၏ မေးမြန်းအား “အဓိကကတော့ လုံခြုံရေးနဲ့ တရားဥပဒေစိုးမိုးရေးအတွက် သက်ဆိုင်ရာနယ်မြေအလိုက် ဆောင်ရွက်နေတာရှိပါတယ်။ ပြည်သူတွေဘက်ကလည်း မဖြစ်သင့်တာ မဖြစ်ရအောင်၊ ဒီလို အဖျက်အမှောင့်လုပ်တဲ့သူတွေရှိရင် ၀ိုင်းဝန်းသတင်းပေး ကူညီဆောင်၇ွက်ပေးဖို့ တိုက်တွန်း အကူအညီတောင်းခံလိုပါတယ်၊ လုံခြုံရေးနဲ့ တရားဥပဒေကြောင်းအရ မန္တလေးမြို့ တည်ငြိမ်အေးချမ်းစေရန် လုပ်ဆောင်သွားမည်”ဟု ဖြေကြားခဲ့ပါတယ်။
ရှင်းလင်းပြောကြားမှုအပြီး တက်ရောက်လာသူများ၏ မေးခွန်းများကို ပြန်လည်ဖြေကြားရာတွင် “ပျဉ်းမနားမှာ အမှုဖွင့်ထားတာက တာဝန်အရ စစ်ဆေးတာက ၃၀-ရက်နေ့ညပိုင်းက လာရောက် စစ်ဆေးသွားပါတယ်။ မသင်္ကာတရားခံတွေရှိ/မရှိ လာရောက် စုံစမ်းမေးမြန်းမှု လုပ်သွားပါတယ်။ ကျွန်တော်တို့က ဒီတရားခံ ၂-ဦးကို တရားရုံးမှာ ရင်ဆိုင် အပ်နှံမှုတောင်းဆိုမယ်လို့ သတင်းရခဲ့တာ ရှိပါတယ်။ တဘက်နဲ့တဘက် မဖြစ်သင့်တာ မဖြစ်ရအောင် ထိန်းသိမ်းမှုအတွက် ကြိုတင်ပြုလုပ်ခဲ့တာပါ။ ဒီဖြစ်စဉ်ဖြစ်ဖို့အတွက် နောက်က လှုံ့ဆော်သူ ရှိနိုင်မယ်လို့ ယူဆပါတယ်။ အဲ့ဒီဟာကိုလည်း ဖော်ထုတ်သွားမှာပါ။ လက်ရှိလုံခြုံရေးချထားပေမယ့် ညပိုင်းအတွက်တော့ အစိုးရအဖွဲ့ရဲ့ ညွှန်ကြားချက်နဲ့အညီ ဆောင်ရွက်သွားမှာပါ။
လုံခြုံရေးချထားမှုကိုလည်း အေးဆေးတည်ငြိမ်သည်အထိ ချထားမှာပါ။ ကမ္ဘာမကြေသီချင်းသီဆိုခဲ့သူများကလည်း ဆိုင်ကယ် မောင်းပြေးတဲ့အတွက် မှတ်တမ်းမှတ်ရာများကိုလည်း ပြန်ကြည့်နေပါတယ်။ မနေ့ညက ဖြစ်စဉ်အပေါ် ရဲတပ်ဖွဲ့ဝင်တွေအပေါ် စီမံခန့်ခွဲမှု အားနည်းတယ်လို့ ဝေဖန်ကြတာတွေက သူတို့တွေက ဒီအုပ်စုကို ဖြိုခွဲလိုက်စေချင်တာ။ ဖြိုခွဲရင် ကျွန်တော်တို့က ပစ်ရခတ်ရတော့မယ်ဆိုရင် မဆိုင်သူတွေ ထိခိုက်နစ်နာမှု မရှိစေချင်ဘူး။ ကိုယ့်ပြည်သူတွေ အတတ်နိုင်ဆုံး သွေးထွက်သံယိုမဖြစ်အောင် ဒီသဘောကို ရှေ့တန်းတင်တဲ့အတွက် ဖြစ်တာပါ။ အတတ်နိုင်ဆုံး အေးချမ်းအောင် ဖြေလျော့ဆောင်ရွက်တာပါ။” ဟု ဖြေကြားခဲ့ပါတယ်။
ယခုလက်ရှိဖြစ်စဉ်တွင် ပါဝင်သူများအား ဖမ်းဆီးအရေးယူမှုရှိသလား၊ ရဲတပ်ဖွဲ့ဝင်များ၏ နောက်မှပင် ခဲများဖြင့် ပစ်ပေါက်နေသည်များရှိပြီး မိတ္ထီလာအရေး ကိစ္စတွင်လည်း ရဲတပ်ဖွဲ့ဝင်များ၏ ရှေ့တွင်ပင် ဖြစ်ပွားခဲ့ပြီး မနေ့က မန္တလေးဖြစ်စဉ်သည် မိတ္ထီလာကိစ္စနီးပါးဖြစ်သည်အထိ တာဆူနေသည့် အတွက် ရဲတပ်ဖွဲ့ဝင်များ အနေဖြင့် အကြမ်းဖက်ရန် လာနေသူများကို တားဆီးရန် တာဝန် မရှိသည်လားဟူသည့် မေးခွန်းအား “အကြမ်းဖက်မှုကို တားဆီးရမယ့်တာဝန်က ကျွန်တော်တို့ရှိတာ မှန်ပါတယ်။ ဒါပေမယ့် အဲ့ဒါတွေက အကုန်ရောနေတယ်။ လူအုပ်စုက မောင်ဖြူ မောင်မဲ ဘယ်သူမှ မသိဘူး။ ဒါကြောင့် လူအုပ်စု ဖမ်းဆီးဖို့ အများကြီး ကန့်သတ်ဖို့ရှိပါတယ်။ အကုန်လုံးက အကြမ်းဖက်မယ့်သူတွေဆို ကျွန်တော်တို့ဖမ်းလို့ရတယ်။ မနေ့ကဖြစ်စဉ်မှာ သံဃာတော်တွေပါတယ်၊ လာရပ်ကြည့်နေသူတွေ ပါတယ်၊ တခြားသူတွေပါတယ် ဒါကြောင့် ထိန်းထိန်းသိမ်းသိမ်း ပြုလုပ်ရတဲ့ အနေအထားဖြစ်ပါတယ်။ မွတ်စလင်တစ်ယောက် ရာဘာကျည်ဆံ ထိမှန်သွားတယ်ဆိုတာကလည်း ကျွန်တော်တို့ဘက်က လူစု ကွဲသွားစေလိုတဲ့သဘောနဲ့ လုပ်ရတာ။ ဘယ်သူ့ကို ထိစေလို့ ပစ်တာမဟုတ်ဘူး။ ဘယ်လို ထိသွားလဲတော့ စိစစ်မှုတွေတော့ လုပ်ရမှာပါ။ တားမြစ်ထားတဲ့ နေရာတွေကို ၀င်မလာအောင် တားမြစ်တဲ့အနေနဲ့ ပစ်လိုက်တာပါ။ ဘယ်သူ့ကို ထိစေလို့ မဟုတ်ပါဘူး။ ဆန်း လ္ဘက်ရည်ဆိုင်အား ခြိမ်းခြောက်သည်ဟု ပိုင်ရှင်ရဲ့ ခယ်မဖြစ်သူမှ ပြောကြားမှုများမှာ ခြိမ်းခြောက်မှုကို လက်ခံရရှိသူက အထောက်အထားနဲ့ လာရောက်တိုင်တန်းရင်တော့ ကျွန်တော်တို့ အရေးယူ ဆောင်ရွက်သွားမှာပါ။”ဟု ဒုတိယရဲမှူးကြီး ဇော်မင်းဦးက ဆက်လက်ရှင်းလင်း ဖြေကြားခဲ့ပါတယ်။
သတင်းစာရှင်းလင်းပွဲတွင် ဖျက်စီးခံရမှုများကို ပြောကြားခဲ့သော်လည်း ၂၆-လမ်းပေါ်နှင့် အခြားနေရာများတွင် ဖျက်ဆီးခံခဲ့ရသည့် ဆိုင်များ၏ ပျက်စီးဆုံးရှုံးမှုများကို ထည့်သွင်း ပြောကြားသွားခြင်း မရှိဘဲ ထိန်ချန်မှုများ ရှိနေသည့်အတွက် မန္တလေးဖြစ်စဉ်တွင်လည်း သတင်းထိန်ချန်မှုများ ရှိနေနိုင်ကြောင်း သုံးသပ်လိုက်ရပါတယ်။