Tag: Myanmar-Bangladesh

ဇန်န၀ါရီ ၂၃၊ ၂၀၁၈
M-Media

– ဘင်္ဂလားဒေ့ရ်ှရောက် ရိုဟင်ဂျာဒုက္ခသည်တွေ နေရပ်ပြန်လာရေး နှောင့်နှေးမှုအတွက် မြန်မာအစိုးရက ဘင်္ဂလားဒေ့ရ်ှကို ပြစ်တင်ပြောဆိုလိုက်ပါတယ်။

သြဂုတ်လနှောင်းပိုင်းက စတင်ခဲ့တဲ့ ရခိုင်ပြည်နယ်မြောက်ပိုင်း မတည်ငြိမ်မှုကြောင့် ဘင်္ဂလားဒေ့ရှ် ဖက်ကို ထွက်ပြေးသွားရတဲ့ ရိုဟင်ဂျာဒုက္ခသည် ၆ သိန်းကျော်ကို ဇန်န၀ါရီ ၂၃ ရက်(ယနေ့)မှာ စတင်ပြီး ပြန်လည်လက်ခံဖို့ မြန်မာနဲ့ ဘင်္ဂလားဒေ့ရ်ှတို့က သဘောတူထားတာပါ။

ဒါပေမယ့် ဘင်္ဂလားဒေ့ရှ် ကယ်ဆယ်ရေးနဲ့ နေရပ်ပြန်ပို့ရေး တာဝန်ရှိသူ မိုဟာမက် အဘ်ဒူလ် ကလမ်က လုပ်စရာတွေ ရှိနေသေးတဲ့အတွက်ကြောင့် ပြန်ပို့မယ့်အစီအစဉ်ကို ရပ်ဆိုင်းလိုက်တယ်လို့ မနေ့မှာ ပြောကြားခဲ့ပါတယ်။

မြန်မာအစိုးရဟာ တစ်ပတ်ကို ရိုဟင်ဂျာ ဒုက္ခသည် ၁၅၀၀ လောက် ပြန်ခေါ်ဖို့ ဘင်္ဂလားဒေ့ရ်ှနဲ့ သဘောတူထားတာ ဖြစ်ပါတယ်။ နှစ်ဖက်နယ်စပ်တွေမှာလည်း ပြန်လာမယ့်သူတွေကို ထားရှိဖို့အတွက် ယာယီ နေရာထိုင်ခင်းတွေ စီစဉ်ထားကြပါတယ်။

မြန်မာအစိုးရ တာဝန်ရှိသူတစ်ဦးကတော့ အင်္ဂါနေ့ နေ့လည်ပိုင်းအထိ ရိုဟင်ဂျာ တစ်ဦးမှ ရခိုင်ပြည်နယ်ဖက်ကို ပြန်မလာသေးဘူးလို့ ဆိုပါတယ်။

“ကျွန်တော်တို့က လက်ခံဖို့ အဆင်သင့်ပါ။ သဘောတူညီချက်အရ သူတို့ကို ကြိုဆိုဖို့ လုံးဝ အဆင်သင့်ပါပဲ။ ဘင်္ဂလားဒေ့ရ်ှဖက်က အဆင်သင့်မဖြစ်သေးဘူးဆိုတဲ့ သတင်းတွေကို ကျွန်တော်တို့ကြားရတယ်။ ဒါပေမယ့် တရားဝင်ရှင်းလင်းချက် ကျွန်တော်တို့ မရသေးပါဘူး” လို့ နိုင်ငံတကာပူးပေါင်းဆောင်ရွက်ရေး ၀န်ကြီးဌာန ၀န်ကြီး ဦးကျော်တင်က ပြောကြားခဲ့ပါတယ်။

အမျိုးသားလုံခြုံရေးအကြံပေး ဦးသောင်းထွန်းကတော့ သဘောတူထားတဲ့အတိုင်း ဒီကနေ့ နေရပ်ပြန်ပို့မှုကို စတင်နိုင်မယ်လို့ မျှော်လင့်ကြောင်း ပြောပါတယ်။

ဘင်္ဂလားဒေ့ရှ် ဒုက္ခသည်စခန်းက ရိုဟင်ဂျာတွေက သူတို့အနေနဲ့ နေရပ်ပြန်မယ်ဆိုရင် ဖိနှိပ်ညှင်းပမ်းမှုတွေ ထပ်မံခံစားရနိုင်တဲ့အတွက် မပြန်လိုကြဘူးလို့ ပြောကြားကြောင်း သတင်းဌာနတွေက ဖော်ပြကြပါတယ်။

အကူအညီပေးရေးအဖွဲ့တွေကလည်း ရိုဟင်ဂျာတွေဟာ မူလနေထိုင်ရာနေရာကို မပြန်ရဘဲ ကယ်ဆယ်ရေးစခန်းတွေမှာ နှစ်ရှည်နေထိုင်ရမယ့် အခြေအနေတွေ ရှိနေတယ်လို့ ပြောကြားထားပါတယ်။

Ref: Dailymail

ဒီဇင်ဘာ ၁၉၊ ၂၀၁၇
M-Media

– ရိုဟင်ဂျာ ဒုက္ခသည်တွေ နေရပ်ပြန်ရေးကိစ္စ စောင့်ကြည့်လုပ်ကိုင်သွားဖို့အတွက် ပူးတွဲအလုပ်အဖွဲ့တစ်ခုကို မြန်မာနဲ့ ဘင်္ဂလားဒေ့ရ်ှတို့က ဒီနေ့မှာ ဖွဲ့စည်းလိုက်ပါတယ်။

ဒါကာမှာ လက်မှတ်ရေးထိုးခဲ့တဲ့ ဒီအဖွဲ့မှာ အဖွဲ့ဝင် ၃၀ ပါဝင်ပြီး ဒုက္ခသည်တွေ ကိုယ့်သဘောဆန္ဒအတိုင်း နေရပ်ပြန်ဖို့၊ ပြန်လည်နေရာချထားဖို့၊ လူ့အဖွဲ့အစည်းအတွင်း ပြန်လည်ပါဝင်နိုင်ဖို့ လုပ်ငန်းစဉ်တွေကို ချမှတ်သွားမှာပါ။

သြဂုတ်လနှောင်းပိုင်းကစပြီး ရခိုင်ပြည်နယ်မှာ တစ်ကျော့ပြန်ဖြစ်ပွားခဲ့တဲ့ မတည်ငြိမ်မှုကြောင့် ရိုဟင်ဂျာ ၆ သိန်း ၃ သောင်းကျော်လောက်ဟာ ဘင်္ဂလားဒေ့ရ်ှဖက်ကို ထွက်ပြေးခဲ့ရပါတယ်။

ဒီလူတွေ နေရပ်ပြန်ရေးအတွက် သဘောတူညီချက်တစ်ခုကို ဇန်န၀ါရီ ၂၁ ရက်နေ့မှာ စတင်နိုင်ဖို့ ဘင်္ဂလားဒေ့ရ်ှနဲ့ မြန်မာနိုင်ငံတို့အကြား ပြီးခဲ့တဲ့လမှာ သဘောတူခဲ့ကြပေမယ့် အမှန်တကယ် လုပ်ငန်းစတင်ဖို့ကတော့ အချိန်အတိုင်းအတာတစ်ခုအထိ ကြာမြင့်ဖွယ်ရှိနေတယ်လို့ ဒီနေ့ အစည်းအဝေးကို တက်ရောက်ခဲ့တဲ့ ဘင်္ဂလားဒေ့ရှ် နိုင်ငံခြားရေးဌာနရဲ့ တာဝန်ရှိသူတစ်ယောက်က ပြောကြားခဲ့ပါတယ်။

နေရပ်ပြန်လာတဲ့ ရိုဟင်ဂျာတွေဟာ အကြမ်းဖက်မှုတွေကို ဆက်လက်ရင်ဆိုင်ရနိုင်တယ်ဆိုပြီး လူ့အခွင့်အရေးအဖွဲ့တွေက သတိပေးထားပါတယ်။

အရင်ကလည်း မြန်မာစစ်တပ်ရဲ့ ညှင်းပမ်းနှိပ်စက်မှုတွေကြောင့် ရိုဟင်ဂျာတွေ ဘင်္ဂလားဒေ့ရ်ှဖက် ထွက်ပြေးရတဲ့ အခြေအနေတွေ ရှိခဲ့ပြီး ၁၉၉၂ ခုနှစ်မှာ အဲဒီလူတွေ နေရပ်ပြန်ရေး သဘောတူညီချက်ကို နှစ်နိုင်ငံက လက်မှတ်ရေးထိုးခဲ့ပါတယ်။ ဒါပေမယ့် အောင်မြင်အောင် ဆောင်ရွက်နိုင်ခြင်း မရှိပါဘူး။

အခုသဘောတူညီချက်ကလည်း ၁၉၉၂ ခုနှစ်က စည်းကမ်းတွေကို အခြေခံတာ ဖြစ်ပါတယ်။

Ref: Washington Post

ဒီဇင်ဘာ ၆၊ ၂၀၁၇
M-Media

– မြန်မာနိုင်ငံက အိုးအိမ်စွန့်ခွာ ထွက်ပြေးလာရတဲ့ ရိုဟင်ဂျာဒုက္ခသည်တွေကို ဘင်္ဂလားပင်လယ်အော်က ကျွန်းတစ်ကျွန်းမှာ သွားထားမယ့် အငြင်းပွားဖွယ် အစီအစဉ်ကို ဆက်လက်ဆောင်ရွက်တဲ့အနေနဲ့ အဲဒီကျွန်းမှာ မကြာခင် အဆောက်အဦးတွေ သွားရောက်ဆောက်လုပ်တော့မယ်လို့ ဘင်္ဂလားဒေ့ရ်ှက ကြေငြာလိုက်ပါတယ်။

ကန်ဒေါ်လာ ၂၇၈ သန်း ကုန်ကျမယ့် ဒီအစီအစဉ်နဲ့ပတ်သက်ပြီး ဘင်္ဂလားဒေ့ရှ် စီမံကိန်းဝန်ကြီး မွတ်စ်တာဖာကမားလ်က ထုတ်ပြန်ရာမှာ ဘင်္ဂလားဒေ့ရ်ှရောက်နေတဲ့ တစ်သန်းလောက်ရှိတဲ့ ရိုဟင်ဂျာတွေထဲက တစ်သိန်းခန့်ကို ၂၀၁၉ ခုနှစ် နိုဝင်ဘာမှာ သန်ဂါချာဆိုတဲ့ အဲဒီကျွန်းမှာ ပထမဆုံး နေရာချပေးသွားမယ်လို့ ဆိုပါတယ်။

မြန်မာနိုင်ငံမှာ ညှင်းပမ်းနှိပ်စက်မှုတွေကြောင့် အရင်က ဘင်္ဂလားဒေ့ရ်ှဖက်ကို ရိုဟင်ဂျာ ဒုက္ခသည ၃ သိန်းလောက် ရောက်ရှိနေပြီး သြဂုတ်လနှောင်းပိုင်းက စတင်ခဲ့တဲ့ ရခိုင်ပြည်နယ်မြောက်ပိုင်းက မတည်ငြိမ်မှုတွေကြောင့် နောက်ထပ် ၆ သိန်းကျော်လောက် ထပ်မံထွက်ပြေးခဲ့ရတာပါ။

ရိုဟင်ဂျာအရပ်သားတွေအပေါ် ညှင်းပမ်း၊ နှိပ်စက်၊ သတ်ဖြတ်မှုတွေ ရှိတယ်ဆိုတဲ့ နိုင်ငံတကာရဲ့ စွဲချက်တွေကို မြန်မာအစိုးရနဲ့ စစ်တပ်တို့က ငြင်းဆိုထားပါတယ်။

ဘင်္ဂလားဒေ့ရ်ှက ရိုဟင်ဂျာဒုက္ခသည်တွေကို လက်ခံထားတဲ့အတွက် နိုင်ငံတကာက ချီးကျူးမှုတွေ ရှိနေပေမယ့် အမြဲတမ်း ရေမြုပ်လေ့ရှိတဲ့ ကျွန်းတစ်ကျွန်းမှာ သွားထားဖို့ အစီအစဉ်ကိုတော့ ကန့်ကွက်မှုတွေ ရှိနေပါတယ်။

ဒီအစီအစဉ်ကို နိုဝင်ဘာ ၂၈ ရက်နေ့မှာ ဘင်္ဂလားဒေ့ရ်ှဝန်ကြီးချုပ် ရှိခ်ဟာဆီနာက အတည်ပြုခဲ့တာဖြစ်ပြီး လူ့အခွင့်အရေးအဖွဲ့ Amnesty International က တော်တော်လေး မှားယွင်းတဲ့ ဆုံးဖြတ်ချက်လို့ ပြောကြားခဲ့ပါတယ်။

သန်ဂါချာကျွန်းဟာ ဧက ၇၄၀၀၀ လောက် ကျယ်ဝန်းပြီး ကျွန်းမကြီးနဲ့ ၃၇ မိုင်ဝေးပါတယ်။ လက်ရှိမှာ လူသူနေထိုင်ခြင်းမရှိဘဲ အမြဲတမ်းလိုလို ရေကြီးရေလျှံလေ့ရှိတဲ့ နေရာပါ။

ဝေဖန်မှုတွေရှိတာကြောင့် ဘင်္ဂလာဒေ့ရ်ှရေတပ်က လေ့လာမှုတစ်ခု ပြုလုပ်ခဲ့ပြီး ဒီကျွန်းကို ပြန်လည် ပြုပြင်တာမျိုးလုပ်ရင် လူနေထိုင်လို့ရမယ်လို့ ပြောကြားခဲ့ပါတယ်။

လက်ရှိမှာတော့ ဘင်္ဂလားဒေ့ရ်ှအစိုးရဟာ ဒီနေရာမှာ တန်းလျား ၁၅၀၀ နီးပါးနဲ့၊ ကယ်ဆယ်ရေးစခန်း ၁၂၀ လောက် ဆောက်လုပ်ဖို့ စီစဉ်ထားပါတယ်။

ဘင်္ဂလားဒေ့ရ်ှဟာ မြန်မာနဲ့ကပ်နေတဲ့ နယ်စပ်က ကူတူပါလောင် ဒုက္ခသည်စခန်းမှာ ဧက ၃၀၀၀ လောက်ကျယ်တဲ့ ဒုက္ခသည်စခန်းသစ်တစ်ခုကိုလညး ဆောက်လုပ်နေပါတယ်။

Ref: CNN

နိုဝင်ဘာ ၂၃၊ ၂၀၁၇
M-Media

– ဘင်္ဂလားဒေ့ရ်ှက ရိုဟင်ဂျာဒုက္ခသည်တွေကို သူတို့နေထိုင်ခဲ့တဲ့ ရခိုင်ပြည်နယ်ကို ပြန်ပို့ရေး သဘောတူညီချက်တစ်ခုကို မြန်မာနဲ့ ဘင်္ဂလားဒေ့ရ်ှတို့က လက်မှတ်ရေးထိုးခဲ့ကြတယ်လို့ သိရပါတယ်။

“ဖြည့်သွင်းရမယ့် ပုံစံတွေကို ဘင်္ဂလားဒေ့ရ်ှဖက်က ကျွန်တော်တို့ကို ပြန်ပို့ပြီးတာနဲ့ သူတို့ကို အမြန်ဆုံး ပြန်ခေါ်သွားမှာပါ” လို့ အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနက အမြဲတမ်းအတွင်းဝန် ဦးမြင့်ကြိုင်က မြန်မာနိုင်ငံကို ပြန်လာဖို့အတွက် ရိုဟင်ဂျာတွေ ဖြည့်သွင်းရမယ့် ပုံစံတွေကို ရည်ညွှန်းပြီး ဒီကနေ့မှာ ပြောကြားခဲ့ပါတယ်။

သြဂုတ်လနှောင်းပိုင်းမှာ ရိုဟင်ဂျာလက်နက်ကိုင်တွေက ရခိုင်ပြည်နယ်မြောက်ပိုင်းမှာရှိတဲ့ ရဲကင်းစခန်းတွေကို စီးနင်းတိုက်ခိုက်ပြီးနောက်ပိုင်း စစ်တပ်ကပြုလုပ်တဲ့ စစ်ဆင်ရေးအတွင်းမှာ ရိုဟင်ဂျာ ၆ သိန်းကျော်လောက် ဘင်္ဂလားဒေ့ရ်ှဖက်ကို ထွက်ပြေးခဲ့ရတယ်လို့ ကုက ပြောကြားထားပါတယ်။

ယခင်ကလည်း စစ်တပ်ရဲ့ ညှင်းပမ်းနှိပ်စက်မှုကြောင့် ဘင်္ဂလားဒေ့ရ်ှဖက်ကို ထွက်ပြေးခဲ့ရတဲ့ ရိုဟင်ဂျာတွေ သိန်းနဲ့ချီရှိခဲ့ပြီး နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က စစ်အာဏာရှင်လက်ထက် ၁၉၉၀ ပြည့်နှစ်တွေမှာ မြန်မာနဲ့ ဘင်္ဂလားဒေ့ရ်ှတို့ သဘောတူထားတဲ့ စည်းကမ်းချက်တွေအတိုင်း ရိုဟင်ဂျာတွေကို ပြ
န်ခေါ်သွားမယ်လို့ ပြောကြားခဲ့ပါတယ်။

အဲဒီလိုပြန်ခေါ်မှုဟာ သူတို့ရဲ့ သဘောဆန္ဒအလျောက်နဲ့ လုံလုံခြုံခြုံ ဖြစ်စေရမယ်လို့ ဒေါ်အောင်ဆန်းစုကြည်က ပြောကြားခဲ့ပေမယ့် စစ်ခေါင်းဆောင်တွေက ဒီလုပ်ငန်းစဉ်ကို နှောက်ယှက်မလားဆိုတဲ့ စိုးရိမ်မှုတွေလည်း ရှိနေပါတယ်။

သြဂုတ်လနှောင်းပိုင်းကစပြီး ပြုလုပ်တဲ့ စစ်တပ်ရဲ့ စစ်ဆင်ရေးအတွင်းမှာ ရိုဟင်ဂျာအရပ်သားတွေကို အစုလိုက်အပြုံလိုက် သတ်ဖြတ်ပစ်တာ၊ အမျိုးသမီးတွေကို အဓမ္မကျင့်တာ၊ နေအိမ်မီးရှို့တာတွေ လုပ်ခဲ့တယ်လို့ နိုင်ငံတကာ လူ့အခွင့်အရေးအဖွဲ့တွေက ပြောကြားခဲ့ပေမယ့် မြန်မာအစိုးရနဲ့ စစ်တပ်တို့က ဒီစွပ်စွဲချက်တွေကို ငြင်းဆိုထားပါတယ်။

အမေရိကန်နိုင်ငံခြားရေးဝန်ကြီး ရက်စ် တီလာဆန်က ရိုဟင်ဂျာတွေအပေါ် စစ်တပ်က ဆယ်စုနှစ်နဲ့ချီပြုလုပ်တဲ့ ညှင်းပမ်းနှိပ်စက်မှုဟာ ‘လူမျိုးစုလိုက် သုတ်သင်မှု မြောက်နေတယ်’ လို့ မနေ့မှာ တရားဝင် ကြေငြာခဲ့ပါတယ်။

ရန်ကုန် အမေရိကန်သံရုံးဟာ တာဝန်ရှိသူတွေ ရခိုင်ကိုသွားမယ့်ကိစ္စကို ရပ်ဆိုင်းထားလိုက်ပြီး တီလာဆန်ရဲ့ မှတ်ချက်ကြောင့် တုန့်ပြန်မှုတွေ ဖြစ်လာနိုင်တဲ့အတွက် အမေရိကန်နိုင်ငံသားတွေ ရခိုင်ပြည်နယ်ကို မသွားဖို့အတွက်လည်း သတိပေးချက် ထုတ်ပြန်ထားပါတယ်။

Ref: Independent