ဧပြီ ၂၇၊ ၂၀၁၅
M-Media
ညီသွေးရေးသည်။
“ပျော်ရွှင်ခြင်းနှင့် ဝမ်းနည်းကြေကွဲခြင်းတွေဟာ ဝိဥာဉ်ရဲ့ တစ်ထည်တည်းသော အကျီင်္သာဖြစ်တယ်”။ ကဗျာဆရာတစ်ယောက်ရဲ့ ဒသာနပါ။ ကျွန်တော်တို့ ထံမှ လောကကြီးက ဘာတစ်ခုမှ အပိုမတောင်းပါဘူး။ အားလုံးဟာ ကိုယ်စိုက်ပျိုးထားသမျှ ကိုယ်ပြန်ရိတ်သိမ်းနေရတာပါ။ ကျွန်တော်တို့ထံရောက်လာတဲ့ အကောင်းအဆိုးတွေဟာ ကျွန်တော်တို့လက်တွေနဲ့ စီချယ်ထားတဲ့ ကိုယ်ပိုင်ပန်းချီကားတွေပါပဲ။ ရပိုင်ခွင့်ဆိုတာ ဘယ်လောက်ပေးဆပ်ထားသလဲဆိုတာနဲ့ တိုက်ရိုက်အချိုးကျပါတယ်။ လူအများက Human Right ဆိုတဲ့ အခွင့်အရေးဆိုတာလောက်ကို ဂရုစိုက်ပြီး ရပိုင်ခွင့်တောင်းနေကြတာကို ကျွန်တော်ကဒီလိုဖြည့်စွက်ပေးချင်ပါတယ်။ Responsibilities ဆိုတဲ့ တာဝန် သိတတ်မှု၊ ပေးဆပ်တတ်မှု၊ အလိုက်သိတတ်မှု၊ သူ့နေရာမှာ ကိုယ်သာဆိုတဲ့ စဉ်းစားပေးမှုအပြင် သူ့နေရာမှာ သူသာဆိုလျှင်ကောဆိုတဲ့ အဆင့်ထိစဉ်းစားပေးနိုင်တဲ့ စိတ်ထားတွေထားရှိနိုင်မှု၊ ယူစရာအခွင့်အရေးကို အနည်းဆုံးယူပြီး အများဆုံးပြန်ပေးနိုင်အောင် ကြိုးစားမယ်ဆိုတဲ့ စိတ်မျိုးထားရမှုတွေ၊ အားလုံး အကျုံးဝင်နေသော စာသားကိုနားလည်ပြီးမှ လူ့အခွင့်အရေး ဆိုင်းဘုတ်တွေ ထောင်စေချင်တာပါ။
အပေးအယူဆိုတဲ့ စာသားမှာ အပေးက အရင်လာတာပါ။ အရင်ပေးဆပ်ပါလို့ ဆိုတဲ့ သဘောပါတယ်။ အခုတော့ အပေးအယူ ကိစ္စခဏထားပါဦး။ အယူအပေးကိုတောင် တာဝန် မကျေနိုင်လို့ မအောင်မြင်တဲ့တိုက်ပွဲတွေ၊ ပဋိပက္ခတွေ၊ ငြိမ်းချမ်းရေးဆွေးနွေးပွဲတွေ ဖြစ်ခဲ့ ရတာပါ။ ဘာမှမပေးဆပ်ဘဲနဲ့ ဘာမှပြန်ရဖို့ မစဉ်းစားကြပါနဲ့။ ပေးဆပ်ခဲ့တဲ့သူတွေပဲ အခွင့်အရေးကိုကြည်ကြည်သာသာ ပြန်ရတတ်ပါတယ်။ ဘာမှမပေးဆပ်ရသေးဘူး။ ဘတ်ဂျက် အရင်တောင်းနေတဲ့ ဝန်ကြီးဌာနတွေ၊ အဖွဲ့အစည်းတွေဟာ Responsibilities သဘောတရားကို မကျေညက်တဲ့ အပြင် မရှိတဲ့ အရာရှိလာအောင်မလုပ်၊ ရှိနေတဲ့ အရင်းအနှီး အကုန်ဖြုတ်အောင် လုပ်နိုင်တဲ့ အာဂ ဝန်ကြီးများအဖြစ် ပြည်သူက မှတ်တမ်းတင်ထားကြမှာပါ။
အမေရိကန် သမ္မတဂျွန်အက်(ဖ) ကနေဒီက ဒီလိုမိန့်ဆိုခဲ့ဖူးပါတယ်။ တိုးတက်မှုရှိဖို့ အကောင်းဆုံး နည်းလမ်းကတော့ အခြားလူတွေနဲ့ ပလဲနံပသင့်ဖို့ပဲ တဲ့။ ဒီကမ္ဘာကြီးမှာ အနုမြူဗုံးထက် AK 47 ရိုင်ဖယ်ထက် အသက်ဇီဝကို မြန်မြန်မျိုးတုံးစေတာ၊ တစပြင်တွေကိုစည်စေတာ လူ့ပယောဂနဲ့ရေးတဲ့ သဘာဝကပ်ဘေးတွေပါ။ ကိုယ်နဲ့ မတူကိုယ့်ရန်သူဆိုပြီး ခေါင်းဆောင်ဆိုးတွေက တရားမဲ့တဲ့ စိတ်ထားနဲ့ရင်ထဲက မီးတောက်တွေကို မငြိမ်းသတ်နိုင်ခဲ့လို့ လူ့အသက်ပေါင်းများစွာ သေကြေပျက်ဆီးခဲ့ရတဲ့ စစ်ပွဲကြီးတွေ၊ လူမျိုးတုန်း သတ်ဖြတ်ပွဲကြီးတွေဟာ ရွံရှာဆုပ်ဖွယ်ရာ ဒီကမ္ဘာကြီးမှာဖြစ်ပွားခဲ့၊ ဖြစ်ပွားဆဲ၊ ဖြစ်ပွားလာ လတ္တံ့ပါပဲ။ အမုန်းတရား မီးတောက်ကလေးတွေဟာ နေရာအနှံ့ပြန့်ကျဲနေဆဲ တောက်လောက်နေဆဲမို့ အချိန်မီမီးတောက်ကြီးတွေ ဖြစ်မသွားအောင် တာဆီးဖို့အရေးဟာ နိုင်ငံသားတိုင်းရဲ့တာဝန်ပါ။
တိုင်းပြည်ရဲ့လက်ရှိ ဆန္ဒပြပွဲတွေ၊ ဆန္ဒပြပွဲကို ဖြိုခွင်းပုံတွေ၊ ပဋိပက္ခကို ဖြိုခွင်းပုံတွေ၊ ငြိမ်းချမ်းရေးဆွေးနွေးပွဲတွေ အားလုံးဟာ တစ်နေရာထဲက စီးဆင်းလာတဲ့ ဒုက္ခမြစ်မကြီးရဲ့ ဒုက္ခမြစ် လက်တက်ခွဲလေးတွေပေါ့။ ဒီကိစ္စအားလုံးကို ဖြေရှင်းဖို့ နှစ် (၆၀) စာလောက် စွဲကပ်လာခဲ့တဲ့ ဒီအနာအိုင်းကြီးတွေ ပျောက်ကင်းသွားဖို့ဆိုတာ တစ်ယောက်ကို တစ်ယောက်လက်ညှိုးထိုးပုံချနေရုံနဲ့ ပြီးသွားမှာ မဟုတ်ပါဘူး။ ပြည်သူတွေ အနှစ်မရှိလွန်းတော့ ကြက်ဆူပင် မင်းဆိုးမင်းညစ်တွေ မင်းမူနေတာဟာ သဘာဝပါပဲ။ တိုင်းသူပြည်သားအားလုံးရဲ့ အမှန်မြင်မှုတွေ၊ တာဝန် ခံတတ်မှုတွေ၊ ပေါင်းစည်း ညီညွတ်မှုတွေနဲ့သာ ဒီအနာတရားတွေကို ကုစားနိုင်မှာပါ။
“ရင်ဝမှာ မြှားတစ်စင်းလာစိုက်ရင် လားရာကိုမျှော်နေမယ့် အစား မြှားသွားကိုအရင်နှုတ်လိုက်ပါ” တဲ့။ ဗုဒ္ဓရဲ့ဆုံးမစကားပါ။ နိုင်ငံတစ်နိုင်ငံကို အုပ်ချုပ်ရေးမှူး ဘုရင်ခံအဖြစ် စေလွှတ်လိုက်ခါနီးမှာ တပည့်ဘုရင်ခံလောင်းကို တမန်တော် မုဟမ္မဒ်က ဒီလိုမှာပါတယ်။ “အို သင်သည် မိမိကိုယ်မိမိ ကြည့်နေရသောကြောင့် သူတစ်ပါးအားကြည့်အားသည် မရှိစေရ” တဲ့။ ဆိုလိုရင်းကတော့ တစ်ကိုယ်ရည် စိတ်ငြိမ်းရေးကို အရင်ရှေးရှုခိုင်းနေတဲ့ စကားတွေပါပဲ။ တစ်ကိုယ်ရည်ငြိမ်းချမ်းရေးတောင်မှ မရှိဘဲနဲ့ အသင်းအဖွဲ့ကို ငြိမ်းချမ်းအောင် ဦးဆောင်လို့မရပါဘူး။ အခုတော့ ကျွန်တော်တို့ ရင်ထဲကို ရောက်လာတဲ့ အမုန်းမြှားသွားတွေကို မသိနားမလည်မှုဒေါသ မောဟတွေနဲ့ ပေါင်းစပ်လိုက်တဲ့ အခါ မဆုံးနိုင်တဲ့ မီးတောက် သံသရာကြီးတွေ ပေါ်ပေါက်လာခဲ့ပါတော့တယ်။
မီးတကာမီးထက် ကိုယ့်ရင်ထဲက လောင်နေတဲ့မီးကို ပြန်မြင်နိုင်ပြီး အရင်ငြိမ်းသတ်နိုင်ဖို့က ပိုခက်ပါတယ်။ တောတောင်နံရံတွေမှာတောင် အပြန်အလှန်ပဲ့တင်သံရှိတယ်ဆိုရင် ကျွန်တော်တို့က အားလုံး အပေါ် မေတ္တာထားနိုင်ရင် ဘာပြန်ရမလဲ ရှင်းပါတယ်။ မေတ္တာပဲပြန်ရမှာပေါ့။ တစ်ယောက်ကိုတစ်ယောက် စေတနာ၊ မေတ္တာ၊ မုဒိတာ၊ ဂရုဏတွေနဲ့ အပြန်အလှန်စောင့်ရှောက်ကြရင် အလွန်လှတဲ့ လောက လူ့ဘောင်ကြီး ဖြစ်လာမှာပါ။ “မင်္ဂလာ” ဆိုတာ မကောင်းမှုကို ရှောင်ကျဉ်တက်သော သတ္တိနှင့် ကောင်းမှုကို လုပ်ဆောင်နိုင်သော သတ္တိဆိုပြီး အလွန်လှတဲ့ အနက်အဓိပ္ပာယ်ကိုဆောင်ပါတယ်။ ကျွန်တော်တို့နေ့စဉ် မင်္ဂလာပါ လို့ နှုတ်ဆက်ပြီး ဒီစကားရဲ့ အဓိပ္ပာယ်ကို အကောင်အထည်ဖော်ကြဖို့ မေ့နေကြတယ်။
ကဗျာဆရာ သမ္မတကြီး အာချီဘော့ မက္ကလေ့ရှ် ပြောခဲ့တာရှိပါတယ်။ အတွေ့အကြုံက တစ်ဆင့် သင်ယူရတာထက်ပိုပြီး အဆင်းရဲခံရတာတစ်ခုရှိတယ်။ အဲဒါက အတွေ့အကြုံကတစ်ဆင့် မသင်ယူတာပဲ၊ နှစ်ပေါင်းများစွာ ဒုက္ခပေါင်းများစွာ အသက်သွေးချွေးပေါင်း များစွာရင်းလို့ ကျွန်တော်တို့ပြည်သူတွေ သင်ခန်းစာတွေကို ဝယ်ခဲ့ရပြီးပြီ။ နောက်ထပ် ထပ်ပြီးမဝယ်ရဖို့ နောက်ထပ် အလိမ်မခံရဖို့၊ နောက်ထပ် အမုန်းမီးပွားတွေ မပြန့်ပွားဖို့ တာဝန်သိသိ၊ သတိတရားရှိရှိ နေထိုင်သွားကြဖို့ အရေးကြီးပါတယ်။ လောကမှာ ရှင်သန်ခြင်း (၂) မျိုးရှိပါတယ်။ တချို့ရဲ့ရှင်သန်ခြင်းက ကောင်းမှုတွေကြိုးစားလုပ်ပြီး မကောင်းမှုတွေကို ဖြည်းဖြည်းရှောင်ကြဉ်တဲ့ မင်္ဂလာရှိတဲ့ လှေခါးထက် ရှင်သန်ခြင်းပါ။ ရှိတာလေးကို သမ္မာအာဇီဝနဲ့ ကြိုးစားသွားရင် အတက်ပဲရှိမှာပါ။ မူးယစ်ဆေးဝါး၊ လူကုန်ကူး၊ လောင်းကစားစတဲ့ မသမာအာဇီဝတွေနဲ့ ရောင်းဝယ်ဖောက်ကားပြီး ကြွယ်ဝရှင်သန်ခြင်းတွေ၊ လူ့အသက်ပေါင်းများစွာ စတေးနေရတဲ့တိုင်အောင် တန်ခိုးကြီးထွားနေဆဲ အာဏာရှင် အစိုးရတွေ၊ ဘာသာရေးအစွန်းရောက်တွေရဲ့ ရှင်သန်ခြင်းဟာ အဆိုးကို သွားဖို့ အဆင်းကို ဘီးတပ်နေတဲ့ရှင်သန်ခြင်းပါ။ ကျွန်တော်တို့ မသိတဲ့ အခြားတစ်ဖက်မှာ အဲဒီလိုရှင်သန်နေတဲ့သူတို့ ဘာတွေပေးဆပ်နေရတယ်ဆိုတာ သူတို့သာအသိဆုံးဖြစ်မှာပါ။ ငွေ၊ အာဏာ၊ ရာထူး၊ ဂုဏ်သိမ်စတဲ့ မမြဲတဲ့အရာတွေနဲ့ မာနကြီးနေတာ အားလုံးထက်ပိုသာနေတယ်လို့ ထင်နေတာပြန်စဉ်းစားကြည့်ရင် အဲဒီအရာတွေနဲ့ ကျားကန်ရပ်တည်နေရလို့ သနားစရာတောင် ကောင်းနေပါတယ်။
လောလောဆယ်တော့ ဒီမိုးကြီးက မလင်းသေးပါဘူး။ ဒါပေမယ့် မိုးမလင်းတဲ့ညဆိုတာ မရှိသလို နေမထွက်တဲ့နေ့ဆိုတာလည်း မရှိပါဘူး။ မိုးမလင်းခင်အမှောင်မှာ ကျင့်သား ရအောင်ကြိုးစား၊ တစ်ယောက်တစ်ယောက်ဖေးမပြီး လမ်းမှန်ကိုလက်တွဲခေါ်ဆောင်နိုင်အောင် ကြိုးစားနေရမှာက ပြည်သူပြည်သားအပေါင်းရဲ့ သမိုင်းပေးတာဝန်ဖြစ်နေရမှာပါ။ လောကကြီးထဲ ဘာယူရမလဲ ဘာ အမြတ်ထုတ်မလဲလို့ အမြဲစဉ်းစားနေတဲ့ အယူသမား သက်သက်တွေအမြဲရှိနေသလို ဘဝကိုတံတားတစ်စင်းလို ဖျာတစ်ချပ်လိုခင်းကျင်းပြီး အားလုံးကောင်းဖို့ အကျိုးရှိဖို့ အနင်းခံပေးဆပ်ထားတဲ့ အပေးသမားတွေလဲရှိနေပါသေးတယ်။ မတရားမှုနဲ့တရားမှု၊ အဓမ္မနဲ့ ဓမ္မ ဒီအားပြိုင်မှုတွေဟာ ကမ္ဘာဆုံးတိုင်ရှိနေမယ့် နိယာမအရှိတရားပါ။ နောက်ထပ် ဟစ်တလာတွေ၊ နောက်ထပ် မူဆိုလီနီတွေ၊ နောက်ထပ် ပိုပေါ့တွေ၊ နောက်ထပ် နီရိုးဘုရင်တွေ၊ နောက်ထပ် ကင်ကျုံးအမ်တွေရှိသလို၊ နောက်ထပ် မာသာထရီဇာတွေ၊ နောက်ထပ် မာတင်လူသားတွေ၊ နောက်ထပ်အေဗရာဟင် လင်းကွန်တွေ၊ နောက်ထပ်ဂန္ဓီကြီးတွေ၊ နောက်ထပ် ဗိုလ်ချုပ်အောင်ဆန်းတွေ ရှိနေပါသေးတယ်။
အမှန်တရားသည် အကောင်အထည် မရှိ၍ ကိုယ်ထင်မပြ။ ထို့ကြောင့်လည်း သမ္မတကြီး ဦးသိန်းစိန်သည် အမှန်ကိုသိသည်၊ သို့သော် သူစောင့်နေသည်။ လွှတ်တော် ဥက္ကဌ ကြီး ဦးရွှေမန်းသည် အမှန်ကိုသိသည်၊ သို့သော် သူကလည်းစောင့်နေသည်။ တစ်နပ်စားကြံတဲ့ ဝန်ကြီးကလည်း အမှန်ကိုသိသည်။ သို့သော် သူကလည်းစောင့်နေပါသည်။ နယ်လှည့်ပါးရိုက်မည့် ဝန်ကြီး၊ သမ္မတ အကြံပေးအုပ်စု သူတုိ့လည်း အမှန်ကိုသိပါသည်။ သို့သော် အလှည့်မကျ၍ သူတို့စောင့်ရဆဲ။ ပြည်သူတွေကကော ဘာတွေ ကိုစောင့်ရဦးမလဲ။ မျှော်ရလွန်းလို့ လည်တိုင်တွေလည်း ကျီပေါင်းထခဲ့ပြီ။ အိမ်မက်တွေလည်း မက်ရလွန်းလို့ ပက်ကြားအပ်ခဲ့ပြီ။ ခုတော့ ၂၀၁၅ဟာ ပြည်သူတွေ လက်ထဲရောက် လာပါပြီ။ ပြည်သူတွေရဲ့ အသင်းလိုက် စုစည်းမှု၊ ညီညွတ်မှု၊ အပေးအယူကောင်းမှုတွေနဲ့ ပြိုင်ပွဲရလာဒ်ဟာ ခဏလေးနဲ့လည်း ပြောင်းသွားနိုင်သလို နှစ် (၁၀၀) လည်း ထပ်ကြာသွားနိုင်ပါတယ်။ အပြောင်းအလဲဖြစ်တိုင်း နာကျင်မှုဆိုတာရှိပါတယ်။ ဒါမဆန်းပါဘူး။ ပြောင်းလဲချင်ချင်၊ မပြောင်းလဲချင်ချင် အပြောင်းအလဲဆိုတာ အမြဲရှိပါတယ်။ ခေတ်နဲ့ဘဝကြီးဆိုတာ စီးဆင်းနေတဲ့ရေပါ။ တိုးတက်ချင် အထက်ကို ရောက်ချင်ရင်တော့ ဆန်တက်ဖို့ကြိုးစားရပါမယ်။ ဒီအတိုင်းလေးပဲ ကြိုက်တယ်ဆိုရင်တောင် အနည်းဆုံး ရပ်နေနိုင်အောင် ကြိုးစားရဦးမယ်။ အားမထုပ် ရေစုန်မျှော လိုက်သွားမယ်ဆိုရင်တော့ ရေစီးနဲ့အတူ အနိမ့်ကိုမျှောပါသွားမှာ အသေအချာပါပဲ။ “စပါတာကတ် (စ်) တွေကလည်း အမှန်ကို သိပါတယ်။ ဒါပေမယ့် သူတို့ပေါ်ကျလာမယ့် ဓါးချက်တွေကိုတော့ ဒီအတိုင်း မစောင့်၊ ဓါးလွတ်ကိုင်ပြီး စောင့်ကြသည်” တဲ့။
