Tag: ZawminHtwe

2013 မြန်မာပြည် ခရီးသွား လမ်းညွှန်

ဇူလိုင်-၂၄၊ ၂၀၁၃
ရေးသူ- ဇော်မင်းထွေး

၁. ယမ်းငွေ့ ဝေေ၀ ၊ မနောမြေ.. ဒုက္ခသည် စခန်း စိတ်ပင်ပန်း စရာ နှလုံးကွဲအက် အလည်အပတ် ခရီးစဉ်

၂. သူသေ ကိုယ်သေ သတ်လို့မ၀၊ ရခိုင်ပြည်ရဲ့ သွေးမြေကျ အမုန်းပွါးဒေသသို့ ၀မ်းနည်းပက်လက် အထူးခရီးစဉ်

၃. အလောင်းပြန့်ကျဲ မီးရှို့ပွဲ၊ ခြိမ့်ခြိမ့် သဲသဲ အပြတ်ကျင်းပရာ မိထ္ထီလာ မြေသို့ ရင်ကျိုးဖွယ် တစ်ပတ်ခရီးစဉ်

၎. အမြောက်သံ၊ ဗုန်းဆံ ပေါများလျှံရာ ကရင်ဒေသမှာ အသက်ဖက်ထုပ် တကုပ်ကုပ်ပြေးနိုင်သော သောကပွေခရီးစဉ်

၅. မွဲပြာ ထိပ်ရောက်၊ ဥစ္စာနထ္တိ၊ စားစရာမရှိအောင် ခေတ် အဆက်ဆက် လုပ်ထားရက်တဲ့ ချင်းပြည်ရဲ့ ဒုက္ခတောအား လေ့လာရေး

၆. လက်ပန်းတောင်းတောင် မီးဗုန်းပစ်ပွဲနှင့်၊ လူဖမ်းပွဲအား ရင်မောဖွယ် ကြည့်ရှုလေ့လာခြင်း ခရီးစဉ်

၇. အဓိကရုဏ်းဖန်တီး၊ ရှုမငြီးစရာ၊ မီးလောင်တိုက်သွင်း လားရှိုးမြင်ကွင်းအား မျက်ရည်စက်လက် ရှုစားခြင်း ခရီးစဉ်

၈. သည်းထိတ်ရင်ဖိုစရာ အသက်လုထွက်ပြေး ဥက္ကံမြို့လေးက လူအမဲလိုက်ပွဲ ပါဝင်ဆင်နွှဲစရာ အမောစို့ဖွယ် စွန့်စားမှု ခရီးစဉ်

၉. မရဏလမ်း၊ မြန်းကြွ စရာ၊ နေပြည်တော် အဝေးပြေး အ၀ီစိရောက် အမြန်လမ်းတလျှောက် ကားဖြင့် ရင် တထိတ်ထိတ် လည်ပတ်ခြင်း ခရီးစဉ်

၁၀. မီးရှို့ခံ၊ ဖျက်စီးခံ၊ ဗုန်းကြဲခံ၊ ဗလီ အများအပြား၊ Charch တစ်ချို့နှင့်၊ ဘုန်းတော်ကြီးကျောင်း အနည်းငယ် အား လည်ပတ်ကြည့်ရှု နိုင်သည့် စုတ်တသတ်သတ် ခရီးစဉ်

စသည့်..စသည့် ခရီးစဉ်များကို စိန်စိန်နှင့် ရောင်းရင်းများ ခရီးသွား အေဂျင်စီ မှ စီစဉ်မှုဖြင့် အသက်ရှုရပ်လောက်ဖွယ် အထူးအစီအစဉ်များ (ဥပမာ.. ဒီမိုကရေစီ မျက်လှည့်ပွဲ၊ အကြမ်းဖက် တရားပွဲ၊ အိပ်ချင်စဖွယ် လွတ်တော်ဝယ် လေ့လာရေး..) ပါဝင်သည့်.. Tour Packages များအား အသက်နှင့် အလဲအထပ်ပြု၍ လက်မှတ်များ ရောင်းချပေးနေပါသည်။

July 24, 2013
အမုန်းတရား ကင်းစင်သော လူ့အသိုင်းအ၀ိုင်း တစ်ခု တည်ထောင်ခြင်း

M-Media
ဆောင်းပါးရှင်-ဇော်မင်းထွေး

အမုန်းတရား ကင်းစင်သော လူ့အသိုင်းအ၀ိုင်း တစ်ခု တည်ထောင်ခြင်း (သို့) ဘာသာပေါင်းစုံ ချစ်ကြည် ရင်းနှီးမှု တည်ဆောက်ခြင်း နည်းလမ်းများ

လူမျိုးရေး၊ ဘာသာရေး ပဋိပက္ခများနှင့် ယဉ်ပါးလာခဲ့သော မြန်မာပြည်သည် နိုင်ငံရေး ကစားလိုသူများနှင့် ကိုယ်ကျိုးရှာ အတ္တ၀ါဒီ တို့အတွက် လိုအပ်သလို အမြတ်ထုတ်ရန် လွယ်ကူလှသော်ငြား ပဋိပက္ခ ဖြစ်ပွားသည်နှင့်အမျှ တိုင်းပြည်မှာ လွန်စွာထိခိုက်နစ်နာ ရကြောင်းကို သမိုင်းက အကြိမ်ကြိမ် သင်ခန်းစာများ ပေးခဲ့ပြီ ဖြစ်သည်။ သို့သော် စံနစ်ဆိုးအတွင်း နစ်ပေါင်းများစွာ နွံနစ်ခဲ့ရသော ပညာရေး၊ လူမှုရေး၊ စီးပွါးရေး တို့ကြောင့် ပြည်သူ အများစုသည် နုံနဲ့သော အတွေးအခေါ်များဖြင့် ရှင်သန်နေထိုင်ခဲ့ရကား နိုင်ငံရေး ထွက်ပေါက် ရှာသူများအဖို့ လူမျိုးရေး၊ ဘာသာရေး အဓိကရုဏ်းများသည် လိုအပ်တိုင်း အောင်မြင်စွာ အသုံးချနိုင်သော ၀ှက်ဖဲတစ်ချပ် ကဲ့သို့ ဖန်တီးလိုက်တိုင်း အောင်မြင်လေ့ ရှိနေသည်မှာ လက်ရှိအဖြစ်အပျက်များက သက်သေခံလျက်ရှိသည်။

ကိုလိုနီ သူ့ကျွန်ဘ၀ ကျရောက်ခဲ့စဉ်က တိုင်းတပါး အရင်းရှင်အစိုးရ၏ ဂုတ်သွေးစုပ် အမြတ်ထုတ်မှုအောက် ပြည်သူများ လွန်စွာ နစ်နာပြီး အတိဒုက္ခရောက်ခဲ့ကြသည်။ ထိုစဉ်ကာလများကလည်း ပြည်သူတို့၏ တော်လှန်လိုသော စိတ်ဓာတ်နှင့် လွတ်လပ်ရေး ကြိုးပမ်းမှုများကို သေးသိမ် ပပျောက်စေရေး အတွက် လူမျိုးရေးအဓိကရုဏ်းများ ဖန်တီးပေးခြင်းအားဖြင့် လမ်းလွှဲ၍ ကိုလိုနီ အုပ်ချုပ်ရေးအား သက်ဆိုးရှည်စေခဲ့သည်။ အသက် သွေးချွေးပေါင်း မြောက်များစွာ စတေးခဲ့ရသော ကာလရှည်လွတ်လပ်ရေး ကြိုးပမ်းမှုကြီးကြောင့် သူ့ကျွန်ဘ၀မှ လွတ်မြောက်ခဲ့ပေငြား ၀ိဝါဒ ကွဲပြားမှုများ၊ တိုင်းရင်းသား လူမျိုးနွယ်စု အချင်းချင်း မယုံကြည် မှုများအောက်တွင် ပြည်တွင်းစစ်မီး တောက်လောင်ခဲ့ရပြီး တိုင်းပြည်ကြီးမှာ မိအေး အကြိမ်ကြိမ်နာ အဖြစ်မျိုးဖြင့် အတိဒုက္ခရောက်ခဲ့ ရပြန်သည်။ ပြည်သူ ပြည်သား အချင်းချင်း မညီညွတ်မှုနှင့် စိတ်ဝမ်းကွဲပြားမှုသည် စစ်ဝါဒီများ အကြိုက်ဖြစ်၍ အာဏာရှင် စနစ်ကို စည်ပင် ဖွံ့ဖြိုးစေရန် အဓိကကျသော မောင်းနှင်အားဖြစ်သည်နှင့် အညီ ကျွန်တော်တို့ တိုင်းပြည်ကြီးသည် သူ့ကျွန်ဘ၀ထက် သာပို ဆိုးရွားသော ကိုယ့် ကျွန်ဘ၀၌ ဆယ်ဆုနှစ်ငါးစုတိုတိုင် နွံနစ်ခြင်းဖြင့် ကမ္ဘာ့ဖွံ့ဖြိုးမှု နောက်အကျဆုံးတော ကျောမွဲဖွတ်ပြာ တိုင်းပြည် များစာရင်းတွင် ပါဝင်ခဲ့ရသည်။ ထိုမှတဖန် အတန်ငယ် လွတ်လပ်လာသော ယခုဒီမိုကရေစီ အကူးအပြောင်း ကာလတွင်နောက်ပြန် လှည့်လိုသူများ အမျိုးသားရေး အစွန်းရောက်များ နှင့် ဒီမိုကရေစီ စံနှုန်းကို မလိုလား မရှုစိမ့်သူများ၏ သွေးထိုးလှုံဆော်မှုများကြောင့် ယနေ့ မြန်မာပြည်ကြီးသည် ပဋိပက္ခမီးလျှံများအောက် လောင်မြိုက်ပြာကျ သွားနိုင်ပေရာ ပြည်သူအများစု လိုလားသော ဖွံ့ဖြိုးတိုးတက်ရေးနှင့် လူ့ဂုဏ်သိက္ခာများ တင်းပြည့်ကျပ်ပြည့် ရရှိနိုင်ရေး မျှော်မှန်းချက်များ နှင့် အကောင်အထည်ဖေါ် ဆောင်ရွက်နေမှုများမှာ သဲထဲရေသွန် ဖြစ်လာနိုင်စရာ အကြောင်းများရှိလာသည်။

ငြိမ်းချမ်းရေး (Peace) နှင့် တည်ငြိမ်အေးချမ်းမှု (Stability) ကင်းမဲ့နေသော တိုင်းပြည်တွင် ဖွံ့ဖြိုးတိုးတက်မှု (Development) ဟူသည် ဖြစ်လာနိုင်စရာ အကြောင်းမရှိသည်ကို လတ်တလော လူမျိုးရေးတိုက်ပွဲများနှင့် ပြည်တွင်းစစ်များ ဆင်နွဲနေကြသော အာဖရိကန် တိုင်းပြည် အများစု၏ ဥပမာကို လေ့လာခြင်းအားဖြင့် သိရှိနားလည် သဘောပေါက်နိုင်သည်။ သို့ဖြစ်ပေရာ ဖွံ့ဖြိုး တိုးတက်ရေးနှင့် တိုင်းပြည်အေးချမ်းသာယာရေးကို အမှန်တကယ် လိုလားသည်ဆိုပါလျှင် အမုန်းတရားကင်းစင်သော လူ့ဘောင် အသိုင်းအ၀ိုင်းတစ်ခု ဖြစ်ထွန်းပေါ်ပေါက်လာစေရေး အတွက် ပြည်သူများအားလုံး ၀ိုင်းဝန်းကြိုးပမ်း ကြရမည်ဖြစ်သည်။ အမုန်းတရား ကင်းစင်သော လူ့အသိုင်းအ၀ိုင်းကြီး ပေါ်ထွန်းလာစေရန်တွက်မှု အမုန်းတရားကို ဖြစ်ထွန်းပေါ်ပေါက်စေသော အပြန်အလှန် ယုံကြည်မှု နည်းပါးခြင်းနှင့် မျိုးနွယ်မတူ ဘာသာကွဲများအကြား သံသယဖြင့် နေထိုင်တတ်မှု တို့ကို ပြုပြင်ပြောင်းလဲနိုင်ရန် လွန်စွာအရေးကြီးလှသည်။ ကျွန်တော်တို့ မြန်မာပြည်ကြီးသည် ငြိမ်းချမ်းရေးကို အလွန်အမင်း လိုအပ်လျက်ရှိရာ အထက်ဖေါ်ပြပါ ပြည်သူများအကြား ယုံကြည်မှု တည်ဆောက်ရေးနှင့် အပြန်အလှန် ချစ်ခင်လေးစားမှုများ ဖြစ်ထွန်းပေါ်ပေါက်ရေး ကြိုးပမ်းရာတွင် အစိုးရတစ်ရပ်တည်း၊ လူပုဂ္ဂိုလ် တစ်ဦးတည်း၊ ပါတီတစ်ခုတည်းက အကောင်အထည် ဆောင်ရွက်၍ မရနိုင်သည်မှာ မုချပင်ဖြစ်သည်။ ယင်းကဲ့သို့ တိုင်းပြည်၏ အနာဂတ်အား ထုဆစ်ပုံဖေါ်ရာတွင် ကျွန်တော်တို့ ပြည်သူလူထု၏ အခန်းကဏ္ဍမှာ အလွန်အမင်း အရေးပါလှသည်။

မည်သို့အဖြေရှာကြမလဲ ?

ဘာသာပေါင်းစုံ၊ လူမျိုးပေါင်းစုံ၊ ယဉ်ကျေးမှုပေါင်းစုံ ရောယှက်နေသော ကျွန်တော်တို့ တိုင်းပြည်ကြီးက ဘာလို့ မငြိမ်းချမ်းနိုင်လဲ။ ယထာဘူတကျတဲ့ အဖြေကတော့ ကျွန်တော်တို့ ငြိမ်းချမ်းစွာ အတူယှဉ်တွဲနေထိုင်ရေးတွင် ပြဿနာများ ရှိနေ၍ဖြစ်သည်။ အဆိုပါ ပြဿနာတို့၏ လက်သည်တရားခံများမှာ တရားမျှတခြင်းမရှိမှု၊ ဖိနှိပ်ချုပ်ချယ်မှု၊ ခွဲခြားဆက်ဆံမှု၊ ရန်လိုမုန်းတီးမှု အာဏာ တစ်လွဲအသုံးချမှုများ ကိုယ်ကျိုးရှာ အုပ်ချုပ်မှုများ အပါအ၀င် လူမျိုးရေး ဘာသာရေး အမြင်ကျဉ်းမြောင်းမှု အစရှိသည်တို့ကြောင့် ဖြစ်သည်။ ကျွန်တော်တို့ ပြည်သူများအနေဖြင့် ငြိမ်းချမ်းရေးနှင့် ဖွံ့ဖြိုးတိုးတက်ရေးအား လိုလားသည် ဆိုပါလျှင် အဆိုပါပြသနာများကို ဖြေရှင်းပြီး ငြိမ်းချမ်းစွာ အတူယှဉ်တွဲနေထိုင်ရေးအတွက် ကြိုးပမ်းကြရမည်ဖြစ်သည်။ ဆိုပါစို့။ ကျွန်တော်တို့တွင် ရွေးချယ်စရာ လမ်းနှစ်သွယ် ရှိလာသည်။ Peaceful Coexistence ဆိုသည့် ငြိမ်းချမ်းစွာအတူ ယှဉ်တွဲနေထိုင်ရေးကို ရွေးချယ် မလား။ သို့တည်းမဟုတ် No Existence ဆိုသည့် တိုင်းပြည်ပြိုကွဲခြင်းဟူသည့် လမ်းကြောင်းသို့ သွားမည်လား။ Peaceful Coexistence ကိုသွားမည်ဆိုပါလျှင် ကျွန်တော်တို့ ကိုယ်စီကိုယ်ငှ အလုပ်လုပ်ရပါမည်။ ငြိမ်းချမ်းရေးဆိုင်ရာ သဘောတရားများ ဒီမိုကရေစီ စံနှုန်းများကို ပြည်သူများအတွင်းစိမ့်ဝင် ပြန့်နှံသွားအောင် ကြိုးပမ်းရပါမည်။ ယင်းအတွက် သဘောတရားရေးရာ သင်တန်းများပေးခြင်း၊ Campaign လုပ်ခြင်းများတို့နှင့်သာ မလုံလောက်ပဲ ငြိမ်းချမ်းရေး သဘောတရားများကို ကိုယ်တိုင်ကိုယ်ကျ ကျင့်သုံး၍ မိမိမိသားစု အပါအ၀င် မိမိ၏ အသိုင်းအ၀ိုင်းအတွင်း ဖြန့်ဝေပေးရန်မှာ ကျွန်တော်တို့ တာဝန်ဖြစ်သည်။

ဘာကြောင့် ဘာသာပေါင်းစုံ လူမျိုးပေါင်းစုံ ချစ်ကြည်ရေးတည်ဆောက်ဖို့ လိုအပ်တာလဲ?

သမိုင်းတလျှောက်တွင် လူသားအတော်များများသည် ၎င်းတို့၏ ကိုးကွယ်ရာ ဘာသာတရားများကို အကြောင်းပြုကာ နှိပ်စက် ညဉ်းဆဲပြုမှု၊ နိုင်လို မင်းထက်ပြုခြင်းတို့ကို ခံစားခဲ့ကြရသည်။ ဥပမာ – ဂျူးလူမျိုးခြောက်သန်းကို သတ်ဖြတ်ခဲ့သော နာဇီပါတီ၏ ဟိုလိုကက်စ်ဖြစ်ရပ်၊ အိုင်ယာလန်၏ ဘာသာရေး မျိုးဖြုတ်သတ်ဖြတ်ပွဲ၊ အရှေ့အလယ်ပိုင်း ဒေသရှိ ဘာသာရေးကြောင့် ဖြစ်သော လူမျိုးရေးရာ ပဋိပက္ခများနှင့်စစ်ပွဲများ၊ နယ်မြေလုယက်မှုများ စသည်တို့က သက်သေ အထင်အရှားပင်ဖြစ်သည်။ ထို့ပြင် နိုင်ငံရေးသမားများ၏ နိုင်ငံရေး ကစားကွက် အတွက် ဘာသာတရားတို့အား လှည့်ဖြား အသုံးချကာ အကျိုးအမြတ်အတွက် ရည်ရွယ်သော စစ်ပွဲမျိုး တွေကိုလည်း မျက်မှောက် ကမ္ဘာတွင်တွေ့ရှိ နေရပြန်သည်။ ကျွန်တော်တို့ မြန်မာပြည်တွင်လည်း ရခိုင်အရေးအခင်း၊ မိထ္ထီလာမှ အစပြုသော ပဋိပက္ခတို့သည် ဘာသာရေးအဓိကရုဏ်း အသွင်ဆောင်လာပြီး အပြစ်မဲ့ ပြည်သူတို့၏ အသက်အိုးအိမ် စည်းစိမ်များ ၀မ်းနည်းစဖွယ် ပျက်သုဉ်း ဆုံးရှုံးခဲ့ရသည်။ ဒီနေရာတွင် သတိပြုရန်လိုအပ်သည့်အချက်မှာ၊ ပဋိပက္ခ ဖန်တီးသူများ၊ လှုံ့ဆော်သူများ၊ နိုင်ငံရေး အမြတ်ထုတ်သူများသည် အကယ်စင်စစ် ဘာသာတရားအား ကိုယ်စားပြုသော ပုဂ္ဂိုလ်များ မဟုတ်ဟူသော အချက်နှင့် ဘာသာ တရားများက ပြသနာများ ဖြစ်ပွါးရခြင်းတို့၏ အကြောင်းရင်းခံ မဟုတ်ကြောင်းဖြစ်သည်။ ပြဿနာတို့ ၏ လက်သည်သည် အဆိုပါ ပုဂ္ဂိုလ်များက ဘာသာတရားကို အသုံးချ၍ ၀ါဒမှိုင်းတိုက်ခြင်း ကြောင့်သာဖြစ်သည်။

အကယ်စင်စစ် ဘာသာတရားတို့သည် လူသားတို့၏ အရည်အချင်းနှင့် စွမ်းဆောင်ရည် မြှင့်တင်ပေးနိုင်ခြင်းတို့အတွက် အဓိကကျသော မောင်းနှင်အား တစ်ရပ်ဖြစ်သည်။ ဘာသာရေးဆိုင်ရာ အဆုံးအမများနှင့် မူရင်းလာ တရားတော်များ၌ ငြိမ်းချမ်းမှုဆိုင်ရာ သဘောတရားများနှင့် အေးချမ်း တည်ငြိမ်မှုတို့၏ ရေသောက်မြစ်များကို ရှာဖွေတွေ့ရှိနိုင်ပြီး ၎င်းတရားတော်တို့ကို အစစ်အမှန် လေးစား လိုက်နာခြင်းတွင် ငြိမ်းချမ်းရေး တည်ဆောက်မှုအတွက် လုံလောက်သော အဖြေရှိသည်။ တစ်ခါတစ်ရံ၌ ဘာသာ တရားတို့သည် ပဋိပက္ခများအတွက် လောင်စာဖြစ်သွားတတ်ကြ သော်လည်း ထိုသို့ ဖြစ်ရခြင်းမှာ လူသားဖြစ်သော ဘာသာဝင်တို့၏ လွဲမှားစွာကျင့်သုံးခြင်း တို့ကြောင့်သာလျှင်ဖြစ်သည်။

သို့ဖြစ်ပေရာ ဘာသာဝင်တို့ အနေဖြင့် ဘာသာတရားတို့အပေါ် အပြန်အလှန်နားလည်မှုရှိလျှင်၊ လေးစားသမှု ရှိနေလျင်၊ ပြည်သူများအကြား ပိုမိုတိုးတက် ကောင်းမွန်သော ဆက်ဆံရေးတစ်ရပ် တည်ဆောက်နိုင်ပါလျှင် အဆိုပါ နာလိုခံခက်ကိစ္စရပ်များမှ ရှောင်ရှားနိုင်ပြီးလျှင်၊ ငြိမ်းချမ်းစွာ အတူရှင်တွဲ နေထိုင်မှုတည်းဟူသော တစ်ခုတည်းသော ဖြေရှင်းချက်ကို ဦးတည်နိုင်ရေးအတွက် အခြားဘာသာတရားများအား လေ့လာရေးနှင့် အရှိတရားတို့အပေါ် နားလည်လက်ခံပေးရေးတို့မှာ အလွန် အရေးကြီးသော ကိစ္စရပ်တစ်ခု ဖြစ်လာသည်။ ထို့ထက်ပိုအရေးကြီးသည့်အရာမှာ မိမိယုံကြည်လက်ခံထားသည့် သာသနာအား အကယ်ပင် သိရှိသဘော ပေါက်နားလည်ခြင်းနှင့် အမှန်တကယ် လိုက်နာကျင့်သုံးရေးပင်ဖြစ်သည်။

ဘာသာပေါင်းစုံ ချစ်ကြည်ရင်းနှီးမှု တည်ဆောက်ရေး (Interfaith) နည်းလမ်းများ

Interfaith လမ်းကြောင်းကို ဖေါ်ဆောင်သမှုပြုရာတွင် Dialogue တည်းဟူသော အပြန်အလှန် ဆွေးနွေးဖလှယ်မှုက ပဓာနကျသော အခန်းကဏ္ဍမှ ပါဝင်သည်။ Dialogue များ ဖေါ်ဆောင်ရာတွင် Ideology ဟူသောသဘောတရား၊ အတွေးအခေါ်နှင့် လောကအမြင်တို့အပေါ် အခြေပြုသည့် အခြေခံကျကျ ချဉ်းကပ်ဆွေးနွေးခြင်း (ဥပမာ – ဘာသာတရားတို့၏ အခြေခံ သဘောတရားများ၊ ကျင့်ဝတ်နှင့်နည်းနာများ၊ ယုံကြည်မှုများနှင့် ကျင့်သုံးနေထိုင်မှုပုံစံ၊ အစရှိသဖြင့်) နှင့် Issue များအပေါ် အခြေပြုသည့် ဖြစ်ရပ်များအပေါ်အဖြေရှာခြင်း (ဥပမာ- ကျားမတန်းတူညီမျှရေး၊ ပညာရေးမြှင့်တင်ရေး၊ သဘာဝ ပတ်ဝန်းကျင် ထိန်းသိမ်းစောင့်ရှောက်ရေး၊ ဆင်းရဲမွဲတေမှုလျော့ချရေး) အစရှိသည့် နည်းလမ်းနှစ်မျိုးအား အသုံးပြုနိုင်သည်။

မည်သည့်နည်းလမ်းကို အသုံးပြုသည်ဖြစ်စေ Interfaith ဖော်ဆောင်မည့်သူသည် အောက်ပါအကြောင်းအချက်များ အတွက် ကြိုတင်ပြင်ဆင် ထားမှုရှိရန်လိုအပ်သည်။

Knowledge (ဘာသာတရားများနှင့်ပတ်သက်သော မှန်ကန်သည့် ဗဟုသုတရှိခြင်း)

Interfaith ကို ဖေါ်ဆောင်မည့် တစ်ဦးတစ်ယောက် အနေဖြင့် ဘာသာတရားတို့နှင့် ပတ်သက်သော အခြေခံဗဟုသုတ ရှိထားရန် လိုအပ်ပြီးလျှင်၊ သိမှုအဆင့်၌ သမမျှတသော အတွေးအမြင်ရှိမှုကို ဦးစားပေးရမည်။ ထိုကဲ့သို့ ဘာသာတရားများနှင့် ပတ်သက်၍ လေ့လာမှု ပြုရာတွင်လည်း စစ်မှန်သော သတင်းအချက်အလက်များကို လေ့လာသင်ယူမှုက လွန်စွာအရေးကြီးပြီးလျှင် အမှန်တကယ် ကျင့်သုံးမှုပြုနေသော ပုဂ္ဂိုလ်များ ဘာသာရေးခေါင်းဆောင်များထံမှ လေ့လာစည်းပူး ရမည်ဖြစ်သည်။ ထိုသို့ လေ့လာသင်ယူရာတွင်လည်း Open Minded (ပွင့်လင်းလွတ်လပ်သော အတွေးအခေါ်) အပေါ်အခြေခံသော သင်ယူလေ့လာမှု ဖြစ်ရန်လည်း လွန်စွာမှပင် အရေးကြီးလှသည်။

Reason (ကြောင်းကျိုးဆက်စပ်သော တွေးခေါ်မြှော်မြင်မှုရှိခြင်း)

Interfaith ဖေါ်ဆောင်မည့် ပုဂ္ဂိုလ်သည် မိမိက ဘာအတွက် ဖော်ဆောင်မည်လဲ၊ မည်သည့် ရလဒ်ကို ရရှိလိုသလဲ၊ မည်သည်က အဓိကကျသည့် အကြောင်းအရင်းများ ဖြစ်သလဲ အစရှိသည့် ခိုင်လုံ၍ ကြောင်းကျိုးဆက်စပ်သော တွေးခေါ်မျှော်မြင်မှုရှိရန် လိုအပ်သည်။ ထိုသို့အားဖြင့် ယုတ္တိကျကျ ချဉ်းကပ်မှုပြုမှာသာ မိမိဦးတည်လိုသော ရလာဒ်များကို ရရှိစေနိုင်လိမ့်မည်ဖြစ်သည်။ ထို့ပြင်မက Interfaith ဖေါ်ဆောင်မှုပြုလိုသူများအနေဖြင့် ရိုးသားမှုအပေါ် အခြေခံပြီးလျှင် မိမိဘာသာကသာ သာ၍မြင့်မြတ်သည် ဟူသော အတွေးအခေါ်ကို လက်ကိုင်မထားပဲ Misionary သမား၏ စိတ်ဓာတ်မျိုးဖြင့် တစ်ဖက်သားအား စွဲဆောင် စည်းရုံးခြင်းမျိုးမဖြစ်ရန်လည်း အလွန်စွာမှပင် အရေးကြီးလှသည်။

Wisdom (ဥာဏ်ပညာကို အခြေပြု၍ ရလာဒ်ကောင်းများဖေါ်ဆောင်ခြင်း)

Knowledge ဟူသည် “To Know Something” ဖြစ်၍ Wisdom ဟူသည် “To do Something according to Knowing” ဖြစ်သည်။
သိမှုကို ပြန်လည်အသုံးချခြင်းမှာသာလျှင် ပညာဥာဏ် အမျှော်အမြင် တည်ရှိသည်။ ထို့အတွက်ကြောင့် Interfaith ဖေါ်ဆောင်မည့် ပုဂ္ဂိုလ်များ အနေဖြင့် စားပွဲဝိုင်းထိုင် ဆွေးနွေးနေရုံ မျှ မဟုတ်ပဲ၊ လူ့အသိုင်းအ၀ိုင်းအတွက် အမှန်တစ်ကယ် အကျိုးပြုနိုင်မည့် ရလဒ် ကောင်းများ ရရှိရန် ဖေါ်ဆောင်ပေးနိုင်ရမည်။

ဆိုခဲ့ပါ အချက်များအား လိုက်နာဖြည့်စည်း နိုင်ပြီ ဆိုပါလျှင် အောက်ပါအချက်များ အား ဦးတည်၍ Dialogue ဆွေးနွေးပွဲများ စတင် နိုင်ပါသည်။

Common Ground အားရှာဖွေခြင်း

Dialogue အမှန်တကယ်ဖြစ်ထွန်းလာစေရေး အတွက် ဘုံတူညီချက်များ ရှာဖွေ၍ ဆွေးနွေးမှုလွယ်ကူစေသော အနေအထား တစ်ရပ်ကို ဖန်တီး လမ်းဖွင့်ပေးနိုင်ရမည်။ ထို့အတွက် Similarity ဟူသော ဘာသာတရားအသီးသီးရှိ ဘုံတူညီသော အချက်များကို သိရှိထားရန်နှင့် ရှာဖွေရန်မှာ အရေးကြီးသည်။ Similarity ကိုစုစည်း ထားမှသာလျှင် ဆွေးနွေးရန် လွယ်ကူသော အနေအထား ကိုရောက်ရှိစေနိုင်မည်ဖြစ်သည်။ ထိုနည်းတူစွာပင် ဘာသာအသီးသီးရှိ Differences (ကွဲပြားခြားနားနေသော အချက်များ) ကိုလည်း သိရှိထားရန် အရေးပါလှသည်။ Differences များကိုလေ့လာသိရှိထားခြင်းအားဖြင့် Communication ဟူသော ဆက်သွယ် ပြောဆိုမှု ပိုမိုကောင်းမွန်လာစေပြီးလျှင် တစ်ဖက်သားအား မထိခိုက် မနစ်နာစေသော လမ်းကြောင်းမှန်ဖြင့် ဆွေးနွေးသွားနိုင်မည်ဖြစ်သည်။ ထိုနှစ်ချက်အား ပိုင်နိုင်စွာ သိလာပြီဆိုပါက အဓိက ရည်ရွယ်ရင်းဖြစ်သော Cooperation ဟုခေါ်သည့် အတူတကွ လက်တွဲပူးပေါင်း ဆောင်ရွက်ရေးနှင့်၊ Positive Interaction ဟုခေါ်သည့် အပြုသဘောဆောင်သော အပြန်အလှန် အကျိုးသယ်ပိုးပေးမှုဟူသည့် ပန်းတိုင်များကို ရရှိစေမည်မှာ မသွေမုချပင်ဖြစ်သည်။

နိဂုံးချုပ်ဆိုရလျှင် ကျွန်တော်တို့သည် မတူညီသော အယူဝါဒများကို လက်ခံကျင့်သုံးနေကြသူများ (သို့) မည်သည့်အယူဝါဒ ကိုမှ သက်ဝင်ယုံကြည်ခြင်း မရှိသူများအဖြစ် ကြိုက်သည် ဖြစ်စေ မကြိုက်သည်ဖြစ်စေ အတူတကွ စုစည်းနေထိုင်ကြရသည် ဖြစ်သည်။ လူသားများ ဖြစ်ကြသည့်အလျှောက် ကျွန်တော်တို့အတွင်း ဘုံတူညီမှုများ မြောက်များစွာ ရှိကြပြီးလျှင် ယဉ်ကျေးမှုနှင့် ကိုးကွယ်ယုံကြည်ရာ ခြားနားခြင်းကြောင့် မတူကွဲပြားမှုများ ရှိနေတတ်သည်မှာ ငြင်းပယ်ရှောင်လွှဲ၍ မရသည့် အမှန်တရားပင် ဖြစ်သည်။ မည်သည့်အယူဝါဒကို ယုံကြည်သက်ဝင်သည်ဖြစ်စေ (သို့) မည်သည့်အယူဝါဒကိုမှ သက်ဝင်ခြင်းမရှိပဲ ကောင်းမြတ်သော လူ့စံနှုန်းများကိုသာ ကျင့်သုံး ဆောင်ရွက်သူ ဖြစ်သည်ဖြစ်စေ၊ ကျွန်တော်တို့သည် ဘာသာတရားများ၏ ကောုးမြတ်သော သင်ကြားချက်များနှင့် လူ့စံနှုန်းကျင့်ဝတ်များအား လေးစားလိုက်နာ ကျင့်သုံးခြင်းကြောင့် လူပီသမှုကို ဖြစ်ထွန်းစေသော အခြေခံ ဥပဒေသများကို လိုက်နာကျင့်သုံးရ၌ (ဥပမာ- ငါးပါးသီလစောင့်ထိန်းခြင်း၊ တစ်ပါးသူအား ကူညီသမှုပြုခြင်း၊ လူအချင်းချင်း မေတ္တာထားခြင်း၊ မကောင်းမှုများ ရှောင်ကျဉ်ခြင်းနှင့် ကောင်းမှုများ ကျင့်ဆောင်ခြင်း)တို့၌ ကွဲပြား ခြားနားမှု အလျဉ်းမရှိခြေ။ တစ်ဖက်တွင်လည်း ယဉ်ကျေးမှုနောက်ခံ မတူညီသော၊ အခြေခံအယူအဆများကွဲပြားသော အယူဝါဒများကို လက်ခံ ယုံကြည်သြသူများ ဖြစ်ပေရာ လူ့ကျင့်ဝတ်များကို မဖောက်ဖျက်သော၊ လူသားပီသမှုကို မထိခိုက်သော၊ ကိစ္စရပ်အချို့တွင် ကွဲလွဲမှုများ ရှိနိုင်ပေသည်။ (ဥပမာ- ၀တ်စားဆင်ယင်ခြင်း၊ အစားအသောက်၊ နေထိုင်မှုပုံစံ နှင့် ၀တ်ပြုကိုးကွယ်မှု) သို့ဖြစ်ပေရာ တူညီမှုများအပေါ် တန်ဘိုးထားခြင်းဖြင့် အပြန်အလှန်ပူးပေါင်း ဆောင်ရွက်မှုနှင့် ချစ်ကြည်ရင်းနှီးမှုများ တည်ဆောက်နိုင်ပြီးလျှင် မတူညီမှုများအား လေးစားပေးခြင်းဖြင့် အပြန်အလှန်နားလည်ပေးမှု (Mutual Understanding) နှင့် သဘောထားကြီးမှု (Tolerance) များအား ပြသခြင်းဖြင့် အမုန်းတရားကင်းစင်သော လူ့အသိုင်းအ၀ိုင်း တစ်ရပ် တည်ဆောက်နိုင်မည်မှာ မသွေမုချပင် ဖြစ်ပါတော့သည်။

ဇော်မင်းထွေး

April 28, 2013
မြန်မာ မွတ်စလင်မ် နှင့် နိုင်ငံသား အခွင့်အရေး

ဧပြီ-၁၉-၂၀၁၃
ဆောင်းပါးရှင်- ဇော်မင်းထွေး

ဒီမိုကရေစီအကူးအပြောင်းကာလ မြန်မာပြည်၏ အပြောင်းအလဲများသည် မူလက လွန်စွါမှပင် ငြင်သာသည်ဟုထင်ရငြား လတ်တလော နိုင်ငံရေး ထွက်ပေါက်ရှာမှုများ နှင့် လူမျိုးရေး အဓိကရုဏ်းတို့က မြန်မာပြည်သည် စစ်မှန်သည့် အပြောင်းအလဲကို ဖော်ဆောင်နိုင်ပါ့မလား ဆိုသည်မှာ သံသယဖြစ်ဖွယ်ရှိလာသည်။ အပြောင်းအလဲဆိုသည်မှာ အတိတ်နှင့်လက်ရှိ အချိန်တို့တွင် ဖြစ်ပေါ်နေသောအနေအထားနှင့် စနစ်တို့ကို လက်မခံနိုင်သောကြောင့် ပိုကောင်းသည့် အနေအထား တစ်ရပ်ကို ဖန်တီးခြင်းဖြစ်သည်ဟု ကျွန်တော် ယုံကြည်သည်။ သို့လင့်ကစား လက်ရှိကျွန်တော်တို့ လူ့အသိုင်းအဝိုင်း၏ ပရမ်းပတာမျှော်လင့်ချက်နှင့် တလွဲအသုံးချလိုသည့် ကိုယ်ကျိုးရှာစိတ်ဓာတ်များအကြား ပေါက်ဖွားလာခါစ အပြောင်းအလဲမှာ မည်သို့ ဆိုးရွားစွာ ပုံသွင်းခံရမည်ကို မတွေးဝံစရာပင် ဖြစ်သည်။ မှန်ပါသည်။ စနစ်ဟောင်းအကြား အကျဉ်းချ ခံထားရသည့် ဦးနှောက်များနှင့် ကြီးပြင်းလာကြသော ကျွန်တော်တို့ သဘောထား မကြီးနိုင်ကြသေးသည်မှာ အတိုင်းအတာတစ်ခုအထိ လက်ခံနိုင်စရာသည်။ သို့ပေငြား ယခုလက်ရှိ ဖြစ်ပေါ်နေသော အနေအထားတို့ကို သုံးသပ်ချက်များအရ မြန်မာပြည်သူများသည် စစ်မှန်သည့်အပြောင်းအလဲကို အကယ်စင်စစ်လိုလားရဲ့လား ဟူသည့် အချက်မှာမေးခွန်းထုတ်စရာပင်ဖြစ်သည်။

တိုင်းပြည်တည်ဆောက်ရေးတွင် အမျိုးသားစည်းလုံး ညီညွတ်ရေးနှင့် ရင်ကြားစေ့ရေး၊ ဖွံ့ဖြိုးတိုးတက်ရေးအတွက် အလွန်အရေးပါသော “Social Capital” ဟူသည့် လူမှုအရင်းကို အသုံးချရေးအတွက် လူတိုင်းပူးပေါင်း ဆောင်ရွက်ရေးတို့မှာ နိုင်ငံ စည်ပင်ဖွံ့ဖြိုးရေးအတွက် အသက်သွေးကြောများ သဖွယ်ဖြစ်သည်။ သို့ပေငြား အမျိုးသား စည်းလုံးညီညွတ်ရေးကို မျက်ကွယ်ပြုလိုသော မျိုးချစ်အမည်ခံ အဖျက်သမားများနှင့် အမျိုးသားရေး ခေါင်းစဉ်အောက်တွင် လူမျိုးရေးမုန်းတီးမှုကို အသက်သွင်းနေကြသော နောက်ပြန်ဆွဲ ဝါဒီတို့အကြား မြန်မာပြည်ဖွံ့ဖြိုး တိုးတက်ရေးမှာ ဝိုးတဝါးနှင့် အချိန်မရွေးပျောက်ပျက်သွားနိုင်သော အနေအထားတွင်ရှိနေသည်။

ယခုလတ်တလော အွန်လိုင်းမီဒီယာများနှင့် လူမှုရေးဝက်ဘ်ဆိုဒ်များတွင် တွေ့နေရသော ပို့စ်အများစု၊ ကွန်းမန့်များနှင့် လုပ်ကြံဓာတ်ပုံအချို့တို့သည် လူမျိုးရေးမုန်းတီးမှုကို အရှိန်အဟုန်ပြင်းပြင်းဖြင့် ဖန်တီးနေကြလျက်ရှိပြီး ကနဦးတွင် ရိုဟင်ဂျာဆန့်ကျင်ရေးအသွင်ဖြင့် ပေါ်ပေါက်လာခဲ့ပြီး နောက်ပိုင်းတွင် အစ္စလာမ် ဆန့်ကျင်ရေးကို ပြောင်ပြောင်တင်းတင်း လုပ်ဆောင်လာကြကာ မြန်မာပြည်တွင်းရှိ လူနည်းစုမွတ်စလင်မ်များအား တိုက်ဖျက်ရေး ဟူသည့် ခေါင်းစဉ်သို့ အသွင်ပြောင်းသွားကြသည်။

ထိုအချက်ကထူးပြီး မဆန်းလှ။ အသိဥာဏ်အမှောင်တိုက်ထဲ ပိတ်မိနေသော လူတစ်စု၏ လုပ်ရိုးလုပ်စဉ်မျှသာ ဖြစ်ပြီး၊ ယခင်ကလည်းရှိခဲ့သည်၊ ယခုလည်းလုပ်နေသည်၊နောင်လည်းဆက်လက် ရှိသွားမည်ဖြစ်သည်။ သို့သော် ကျွန်တော့်အတွက် ထူးဆန်းနေသည်ကား နိုင်ငံကိုချစ်လှပါသည် ဆိုသော နိုင်ငံရေးသမား ကြီးများက ရေငုံနှုတ်ပိတ် နေကြသည်။ နောက်ကိုပြန်မလှည့်ပါဆိုသော ပုဂ္ဂိုလ်များက မျက်ကွယ် ပြုထားကြသည်။ ပွင့်လင်းလာပါသည်ဆိုသော မီဒီယာက သတင်းထိန်ချန်ထားကြသည်။ ထို့ထက်ပိုပြီး ဆိုးသည်က တိုင်းပြည်ဖွံ့ဖြိုးတိုးတက်ရေးတွင် ယက်မသဖွယ် ပဲ့ကိုင်ထိန်းသိမ်းပေးရန်တာဝန်ရှိသော လူမှုဖွံ့ဖြိုးရေးအဖွဲ့အစည်း(NGO) များနှင့် အဆိုပါ NGO တို့၏ တာဝန်ရှိသည့်သူများကပါ ဝိုင်းဝန်းမြောက်ထိုးပင့်ကော် လုပ်ကြလေပြန်သည်။ အဆိုးရွားဆုံးအနေဖြင့်မူကား အတိုက်အခံ နိုင်ငံရေးပါတီတို့၏ ခေါင်းဆောင်ပိုင်းတစ်ချို့နှင့် ပါတီဝင် အများစုကပါ မွတ်စလင်မ် ဆန့်ကျင်ရေးကို ပေါ်ပေါ်တင်တင် ထောက်ခံအားပေးပြီး ကိုယ်ထိလက်ရောက် ပါဝင်ပတ်သတ် ကြလေသောအခါ … တိုင်းပြည်၏ အနာဂတ်အတွက် ကျွန်တော်လွန်စွာမှပင် တုန်လှုပ် ခြောက်ခြားမိပါသည်။

ထိုမျှသာမကသေးအတန်ငယ် သဘောထားပျော့ပြောင်းသူများက အကြမ်းဖက်မှု ကို လက်မခံပေငြား ၎င်းတို့၏ နှုတ်ထွက် စကားတို့တွင် မြန်မာ မွတ်စလင်မ်များသည် ဧည့်သည်များ ဖြစ်သောကြောင့် အိမ်ရှင်ဖြစ်သူ ဗုဒ္ဓဘာသာဝင်များနှင့် သင့်မြတ်အောင် နေထိုင်ရမည်ဟူသော သြ၀ါဒများခြွေလာကြသော အခါ လွန်စွာမှပင် ခံပြင်းမိသည်။ ထိုစကားလုံးသည် အပေါ်ယံအားဖြင့် လူတစ်ချို့အတွက် နားထောင်ကောင်းပေငြား လူ့အခွင့်အရေးနှင့်နိုင်ငံသား အခွင့်အရေးကို ပြောင်ပြောင်တင်းတင်း လျစ်လျူရှု ချိုးဖေါက်ခြင်း(တနည်း) အနုနည်းဖြင့် အကြမ်းဖက်ခြင်းသာ ဖြစ်သည်။ ယခု ဆယ်စုနှစ်တွင်း ခိုးဝင်လာပါသည်ဟု စွပ်စွဲခံထားရသော သူများအား ထားရှိသော မြန်မာပြည်သူတို့၏ သဘောထားအပေါ်ကျွန်တော်မှတ်ချက်မပေးလိုပါ။ သို့ပေငြား ယခင့်ယခင်က ဖွဲ့စည်းပုံ အခြေခံဥပဒေများ အရရော ယခုလက်ရှိ 2008 ခုနှစ်ဖွဲ့စည်းပုံ အခြေခံဥပဒေအရပါ၊ နိုင်ငံသား ဖြစ်ပြီးသူ မြန်မာမွတ်စလင်မ်များအပေါ် ဧည့်သည်ဟူ၍ သတ်မှတ်ဆက်ဆံ နေခြင်းအား ပြင်းပြင်းထန်ထန် ဆန့်ကျင်ကန့်ကွက်ပါသည်။ ယခုဆောင်းပါးတွင် ကျွန်တော်သည် နိုင်ငံသားဖြစ်မှုအား သတ်မှတ်ခြင်း၊ နိုင်ငံသားဟူသည့် အနက်အဓိပ္ပါယ် ဖွင့်ဆိုချက်များနှင့် နိုင်ငံသား အခွင့်အရေးနှင့် ဆက်ဆိုင်သော မြန်မာပြည်၏ ဥပဒေပြဌာန်းချက်များအား ဆွေးနွေးမည် ဖြစ်ပါသည်။

ရှေးဦးစွာဆွေးနွေးလိုသည်မှာ ကုလသမဂ္ဂ အပါအ၀င် ကမ္ဘာ့နိုင်ငံအသီးသီးတို့က သဘောတူညီသတ်မှတ်မှုပြုပြီးသော နိုင်ငံသားဖြစ်ခွင့်ဆိုင်ရာ အဓိပ္ပာယ်သတ်မှတ်ချက်များကို တင်ပြဆွေးနွေးလိုပါသည်။ နိုင်ငံသား ဖြစ်ပြီးသော ပြည်သူတို့အပေါ် မည်သည့်အုပ်ချုပ်သူအစိုးရကမျှ ဧည့်သည်ဟူ၍ သတ်မှတ်လို့မရပါ။ ရှေးဦးစွာ အခြေချမှုနှင့် ကာလရှည်ကြာအတည်တကျ နေထိုင်မှုတို့အပေါ် မူတည်၍ သတ်မှတ်ချက်များ ကွဲပြားနိုင်သော်လည်း ဥပဒေ၏ရှေ့မှောက်တွင် မည်သည့် နိုင်ငံသားမဆို ရပိုင်ခွင့်မှာ ထပ်တူကျသည်သာဖြစ်၏။

သို့ဖြစ်ပေရာ အောက်တွင်ဖေါ်ပြမည်ဖြစ်သော နိုင်ငံသားဖြစ်မှုအပေါ်တွင် ကွဲပြားသောသတ်မှတ်ချက်များကို ဆွေးနွေးသွားမည်ဖြစ်သည်။

Ethnicity (လူမျိုးစု ဖြစ်ခြင်း)

လူမျိုးစုဖြစ်ခြင်းသည် အစုအဖွဲ့အပေါ်အခြေခံသည်။ ယေဘုယျအားဖြင့် တူညီသော မျိုးဗီဇနှင့် ၀ိသေသလက္ခဏာများ (ဥပမာ – ဘာသာစကားတူခြင်း၊ သမိုင်းအမွေအနှစ် တူညီခြင်း၊ ယဉ်ကျေးမှုတူညီခြင်း) စသည်တို့ဖြစ်ကြသည်။ အများအားဖြင့်လူမျိုးစု ဖြစ်ခြင်းသည် ပထ၀ီအနေအထားအရ နေရာဒေသ တစ်ခုတည်းတွင် အတူတကွ ယှဉ်တွဲနေထိုင်ခြင်း၊တူညီသော စားသောက်နေထိုင်မှု ပုံစံရှိခြင်း၊ ကိုးကွယ်ရာ အယူအဆတူညီခြင်းတို့သည် လူမျိုးစုဟုခေါ်တွင် သတ်မှတ်ရာ၌ အရေးပါလှသည်။

Race (လူမျိုးနွယ်ဆက်)

လူမျိုးနွယ်ဆက်ဟူသည် Ethnicity (လူမျိုးစု) နှင့် ဆင်တူပေငြား လူပုဂ္ဂိုလ်တစ်ဦးတစ်ယောက်၏ အသွင်သဏ္ဍာန်၊ အသားအရောင်၊စသည်တို့နှင့် ပိုမိုပတ်သက် ဆက်စပ်သည်။ လူမျိုးနွယ်ဆက်ဟူသည် ဇီဝသဘောတရားအရ သတ်မှတ်ထားမှုဖြစ်ပြီး ဆင်းသက်ရာ မျိုးဗီဇတူညီခြင်း (ဥပမာ – ဆံပင်အရောင်၊ မျက်လုံးအရောင်၊ အရိုးအဆစ် တည်ဆောက်မှု၊မေးရိုး အသွင်သဏ္ဍာန်) အစရှိသည့် တူညီမှုများအပေါ်တွင် အခြေခံ၍ သတ်မှတ်ခြင်းဖြစ်သည်။

Nationality (အမျိုးသား/နိုင်ငံသားဖြစ်မှု)

(အမျိုးသား/နိုင်ငံသားဖြစ်မှု) သတ်မှတ်ရာတွင် အဓိကအားဖြင့် လူပုဂ္ဂိုလ်၏ မွေးဖွားရာ နိုင်ငံပေါ် အခြေခံခြင်း (သို့) Citizen နိုင်ငံသား သတ်မှတ်ချက် နှင့် ဘောင်ဝင်မှုတို့အပေါ် မူတည်သည်။ သို့သော် ရံဖန်ရံခါတွင် နိုင်ငံသား ဖြစ်မှုကို ထိုပုဂ္ဂိုလ်၏ လက်ရှိ အခြေတကျ နေထိုင်ရာဒေသ (သို့) အမျိုးသားရေး လက္ခဏာများ ထပ်တူကျခြင်း စသည်အားဖြင့်လည်း သတ်မှတ်လေ့ရှိသည်။ ဥပမာ လူတစ်ဦးသည် နိုင်ငံ A တွင်မွေးဖွားခဲ့ငြား နိုင်ငံ B သို့ ထာဝရ ရွှေ့ပြောင်း နေထိုင်မည်ဆိုပါက ယင်းပုဂ္ဂိုလ်အားနိုင်ငံ B အနေဖြင့် သတ်မှတ်ချက်များနှင့် ကိုက်ညီပါက နိုင်ငံသားဖြစ်မှုကို ခွင့်ပြုပေးရမည်ဖြစ်သည်။ နိုင်ငံသားဖြစ်မှု သတ်မှတ်ရာတွင် အရေးပါသော အခြားအချက်တစ်ချက်မှာ အချို့မျိုးနွယ်စုများသည်ပြည်နယ် အတည်တကျ သတ်မှတ် ထားပေးမှု မရှိငြား (သို့) နိုင်ငံတကာက အသိအမှတ်ပြုမှု နည်းပါးငြား ယင်းမျိုးနွယ်စုများ အနေဖြင့် နိုင်ငံသားဖြစ်မှုတွင် ရပိုင်ခွင့် အပြည့်အ၀ရှိသည် ဟူ၍ သတ်မှတ်ထားသည်။ (ဥပမာ – ပါလက်စတိုင်းများ၊ ကာ့ဒ်လူမျိုးများနှင့် တမီလ်လူမျိုးများ)

Citizen(နိုင်ငံသားဖြစ်ခြင်း)

နိုင်ငံသား ဖြစ်ခြင်းသည် သတ်မှတ် နိုင်ငံတစ်ခုတွင် မွေးဖွားခြင်း (သို့) အခြားနိုင်ငံတစ်ခုသို့ ရောက်ရှိစဉ်မွေးဖွါးမှုပြုခြင်း (သို့) အခြားနိုင်ငံသား/သူ တစ်ဦးနှင့် လက်ထက်မှု ပြုခြင်း (သို့)စရိုက်လက္ခဏာနှင့် ၀ိသေသ တူညီခြင်းတို့ အပေါ်မှုတည်၍ အသိအမှတ်ပြုခြင်း စသည်အားဖြင့် ပုံစံအမျိုးမျိုးနှင့်သတ်မှတ် လက်ခံထားကြသည်။ နိုင်ငံသား ဖြစ်ခြင်း သတ်မှတ်ချက်များနှင့် ကိုက်ညီပါက အဆိုပါပုဂိုလ်သည် တင်းပြည့် နိုင်ငံသား ဖြစ်၍ နိုင်ငံသား အခွင့်အရေး အပြည့်အ၀ရရှိရမည်ဖြစ်သည်။ (ဥပမာ မဲပေးခွင့်၊ ရွေးကောက်ပွဲဝင်ခွင့်)

သို့ဖြစ်ပေရာမည်သည့် လူမျိုးစု၊ မျိုးနွယ်ဆက်၊ တိုင်းရင်းသားတို့မှ ဆင်းသက်လာသည်ဖြစ်စေ၊ သို့တည်းမဟုတ် ကာလရှည်ကြာရွှေ့ပြောင်းနေထိုင်မှု မှနိုင်ငံသားဖြစ်ခွင့်နှင့် ကိုက်ညီမှုရှိသောကြောင့် နိုင်ငံသားဖြစ်လာသည်ဖြစ်စေ မည်သည့်နိုင်ငံသားမဆို အဆိုပါတိုင်းပြည်အပေါ် သစ္စာစောင့်သိမှု ပြုရမည် ဖြစ်ပြီး အပြန်အလှန်အားဖြင့်လည်း နိုင်ငံတော်မှ နိုင်ငံသားအခွင့်အရေးအပြည့်အ၀ ပေးရန်လိုအပ်သည်။

ဆက်လက်၍ မြန်မာပြည်၏ ယခင့်ယခင် ဖွဲ့စည်းပုံ အခြေခံဥပဒေများအရသော်လည်းကောင်း၊ တည်ဆဲဥပဒေများအရသော် လည်းကောင်း၊ နိုင်ငံသားဖြစ်ခွင့်နှင့် နိုင်ငံသားတို့၏ အခွင့်အရေးသတ်မှတ်ချက်များကို ဆက်လက်ဆွေးနွေးသွားပါမည်။ လက်ရှိဖွဲ့စည်းပုံ အခြေခံ ဥပဒေအရ နိုင်ငံသားဖြစ်ခွင့်ဟူသည်ကို –

– Personborn of parents both of whom are nationals of the Republic of the Union of Myanmar
(က) ပြည်ထောင်စုသမ္မတ မြန်မာနိုင်ငံတော်၏ တိုင်းရင်းသား မိဘနှစ်ပါးမှမွေးဖွားသူ

– Personwho is already a citizen according to law on the day this Constitution comesinto operation.(ခ) ဖွဲ့စည်းပုံ အခြေခံဥပဒေ အတည်ပြုပြဌာန်းသည့် နေ့တွင် ဥပဒေအရ နိုင်ငံသားဖြစ်ပြီးသူ

– Sect: 345, 2008 constitution
အဆိုပါအတိုင်းဖွင့်ဆိုထားသည်ကိုတွေ့ရသည်။ သို့ဖြစ်သောကြောင့်၊ လူတစ်ဦးအနေဖြင့် ၄င်းကိုယ်တိုင်ကော၊ ၄င်း၏မိဘနှစ်ပါးကပါ မြန်မာပြည်တွင် မွေးဖွါးသည်ဆိုပါက၊ မြန်မာနိုင်ငံသားဖြစ်ခွင့်ကို အလိုအလျောက်ရရှိပြီး ဖြစ်သည်။ ၄င်းအပြင် အခြေခံဥပဒေကြီးက နိုင်ငံသားတို့၏ အခွင့်အရေးနှင့်ပတ်သက်၍ပြဆိုရာတွင်

– Equalrights before the law and legal protection
နိုင်ငံတော်သည်မည်သူ့ကိုမဆို ဥပဒေအရာတွင်တန်းတူညီမျှ အခွင့်အရေး ရရှိစေရမည်။ ထို့ပြင် ဥပဒေ၏ အကာအကွယ်ကိုလည်း တန်းတူညီမျှစွာရယူပိုင်ခွင့်ပေးရမည်။

– Non-discrimination based on race,birth, religion, official position, status, culture, sex andwealth
နိုင်ငံတော်သည် ပြည်ထောင်စုသမ္မတမြန်မာနိုင်ငံတော်၏ မည်သည့်နိုင်ငံသားကိုမျှ လူမျိုး၊ ဇာတိ၊ ကိုးကွယ်ရာဘာသာ၊ရာထူးဌာနန္တရ၊ အဆင့်အတန်း၊ ယဉ်ကျေးမှု၊ အမျိုးသား၊ အမျိုးသမီး၊ ဆင်းရဲချမ်းသာတို့ကိုအကြောင်းပြု၍ ခွဲခြားမှု မရှိစေရ။ ယင်းအပြင် တန်းတူအခွင့်အရေး အနေဖြင့် –

– Equalopportunity
(a) Publicemployment
(b) Occupation
(c) Trade
(d) Business
(e) Technical know-how and vocation
(f) Exploration of art, science and technology.

sect:347, sect:348, Sect:349
ဖေါ်ပြပါမူရင်းအတိုင်း တရားဥပဒေရှေ့မှောက်တွင် လူတိုင်းအခွင့်အရေး တန်းတူရှိရမည်ဟူ၍ လည်းကောင်း၊ မျိုးနွယ်၊ ကိုးကွယ်ယုံကြည်မှု၊ရာထူးရာခံ၊ ယဉ်ကျေးမှု၊ ဥစ္စာဓန၊ လိင်သဘာဝ စသည်အားတို့ဖြင့် ခွဲခြားဆက်ဆံမှုမပြုရ ဟူ၍လည်းကောင်း ဖေါ်ပြပါရှိပြီးဖြစ်သည်။ ဖွဲ့စည်းပုံ အခြေခံ ဥပဒေ၏ မည်သည့်နေရာတွင်မျှ မည်သည့်နိုင်ငံသားတို့ကအိမ်ရှင်ဖြစ်၍ မည်သို့သော နိုင်ငံသားတို့က ဧည့်သည် ဖြစ်သည်ဟူ၍ ဖွင့်ဆိုထားခြင်းအလျဉ်းမရှိငြား၊ လူပုဂိုလ် အချို့တို့၏ အိမ်ရှင်၊ဧည့်သည်ဟူသည့် အယူအဆကိုတွင်တွင်ပြောဆိုနေခြင်းမှာ လွန်စွာမှပင် ရယ်ဖွယ်ကောင်းလှသည်။

အထက်ဖေါ်ပြပါအချက်များကို ထောက်ရှုခြင်းအားဖြင့် တရားဥပဒေစိုးမိုးရေး၊ ဒီမိုကရေစီနှင့် တိုင်းပြည်တည်ဆောက်ရေးကိုအမှန်တကယ် လိုလားသည် ဆိုပါက လူတစ်ဦးခြင်းစီ၏ ဖြစ်တည်မှု၊ နိုင်ငံသားတို့၏ ရပိုင်ခွင့်နှင့် ၄င်းတို့၏ တန်ဖိုးတို့ကို လက်ခံလေးစားပေးမှု ပြုရမည်ဖြစ်ပြီး ၄င်းတို့၏ အသက်ရှင်သန် ရပ်တည်မှုနှင့် ဂုဏ်သိက္ခာရှိမှု တို့ကိုအသက်နှင့်လဲ၍ ကာကွယ်စောင့်ရှောက်ပေးမှု ပြုရမည်ဖြစ်သည်။

ထို့အပြင် နိုင်ငံသားတို့၏ နောက်ဆက်တွဲအခွင့်အရေးများ အဖြစ်အခြေခံဥပဒေမှ ပြဌာန်းထားသေးသည်တို့မှာ –

– TheRight to life, dignity and personal freedom (sect:44,353, 354, 355)
– Freedomof opinion and expression
– Peacefulassembly
– Freedomof association and organization
– Theright to language, culture , literature, education and health ( sect:22,28,366)
– Forcelabor, enslaving and anti-trafficking in person are prohibited. (sect:358, 359)
– Religiousfreedom ( sect:34)

စသည်ဖြင့်အသက်ရှင်ခွင့်၊ ဂုဏ်သိက္ခာရှိရှိ ရပ်တည်ခွင့်၊ လွပ်လပ်စွာနေထိုင်ခွင့်၊ လွပ်လပ်စွာဖေါ်ပြ ပြောဆိုခွင့်၊ ငြိမ်းချမ်းစွာစုဝေးခွင့်၊ အကျိုးပြု အသင်းအဖွဲ့များ ဖွဲ့စည်းခွင့်၊ ဘာသာစကား၊ ယဉ်ကျေးမှု၊ စာပေ၊ ပညာရေး ကျန်းမာရေးတို့တွင် တန်းတူညီမျှရပိုင်ခွင့်နှင့် စောင့်ထိန်းခွင့်၊ အတင်းအကျပ် အလုပ်စေခိုင်းခြင်း နှိပ်စက်ကလူပြုခြင်းတို့မှ အကာအကွယ်ရရှိခွင့်၊ လွပ်လပ်စွာ ကိုးကွယ်ခွင့် တို့ကိုသတ်မှတ် ပြဌာန်းပေးထားပြီး ဖြစ်ပေရာ၊ မြန်မာပြည်တွင် ပေါက်ဖွါးသော မိဘကမွေးဖွါးသည့်၊မြန်မာပြည်သား ကျွန်တော်တို့ မြန်မာမွတ်စလင်မ် အားလုံး၏ ရပိုင်ခွင့်တို့နှင့် အကျုံးဝင်နေသည်မှာ အထင်အရှားပင်ဖြစ်သည်။

ယင်းအပြင်အရေးအကြီးဆုံး အချက်အနေဖြင့် အပိုဒ် ၃၆၄ တွင် ပြဌာန်းထားသည်မှာ “နိုင်ငံရေးကိစ္စအလုိ့ငှာ ဘာသာသာသနာကို အလွဲသုံးစားမပြုရ။ ထို့ပြင် လူမျိုးရေးကြောင့်သော် လည်းကောင်း၊ ဘာသာရေးကြောင့်သော်လည်းကောင်း တစ်ဖက်နှင့်တစ်ဖက်၊ တစ်ဂိုဏ်းနှင့်တစ်ဂိုဏ်း မုန်းတီးခြင်း၊ ရန်မူခြင်း၊ စိတ်ဝမ်းကွဲခြင်း တစ်မျိုးမျိုးပေါ်ပေါက်လာစေရန် ရည်ရွယ်သော သို့မဟုတ် ပေါ်ပေါက်လာစေရန် အကြောင်းရှိသော အပြုအမူသည် “ဖွဲ့စည်းပုံ အခြေခံဥပဒေနှင့် ဆန့်ကျင်သည်။ ထိုအပြုအမူမျိုး အတွက်ပြစ်ဒဏ်ပေးနိုင်ရန် ဥပဒေ ပြဌာန်းနိုင်သည်။” ဟူ၍ အတိအလင်း ဖေါ်ပြထားသည်။

ထို့အတွက်ကြောင့် လူမျိုးရေးမုန်းတီးမှုကို အသက်သွင်းသူများ၊ ဘာသာရေး အမြင်ကျဉ်းမြောင်းသူများ၊ ဘာသာရေးအကြောင်းပြ အမုန်းတရား သွတ်သွင်းသူများသည်မည်သည့်လူမျိုး၊ မည်သည့်ဘာသာဝင်၊ မည်သို့သော ပုဂ္ဂိုလ်ဖြစ်နေသည် ဖြစ်စေ၊ ဥပဒေကို ချိုးဖေါက်သူများဖြစ်ကြသည်။ လူ့အခွင့်အရေးကို မျက်ကွယ်ပြု ချိုးဖောက်သူများ ဖြစ်ကြသည်။ ယင်းအပြင် ထိုကဲ့သို့ အပြုအမူမျိုးကို မြင်တွေ့ကြားသိရပါလျက် မျက်ကွယ်ပြုနေသူများ၊ နှုတ်ဆိတ်နေကြသူများ၊ အားပေးအားမြောက်ပြုနေကြသူများသည်လည်း တိုင်းပြည်အား အဖျက်အမှောင့်လမ်းကြောင်းသို့ ပို့ဆောင်ပေးနေသောတရားခံများ ဖြစ်မှန်းမသိ ဖြစ်နေကြသည်ကို သတိပြုသင့်သည်။

အချုပ်အားဖြင့် ဆိုရသော် ယနေ့လက်ရှိ မြန်မာနိုင်ငံတွင် လူ့အခွင့်အရေးချိုးဖောက်ခံနေရသူများမှာ မြန်မာမွတ်စလင်မ် တစ်မျိုးတည်းသာမဟုတ်။ ကျန်တိုင်းရင်းသား လူမျိုးစုများ အပါအ၀င် ဗုဒ္ဓဘာသာဝင် ဗမာလူမျိုးများသည်လည်း ဆိုးဆိုးရွားရွားလူ့အခွင့်အရေး ချိုးဖေါက်ခံနေရသည်သာ ဖြစ်သည်။ သို့ပေငြား လူ့အခွင့်အရေးအတွက်၊ ဒီမိုကရေစီရေးအတွက် တိုက်ပွဲဝင်ရာတွင် မိမိလူမျိုးတစ်မျိုးတည်း အခွင့်အရေးရပြီးရော၊ တစ်ခြားလူမျိုးများက ဆက်လက်ပြီး အခွင့်အရေးများ မရပါစေနှင့် ဟူသည့် စိတ်ဓာတ်မျိုးက လူပီသသော စိတ်ထားမျိုးမဟုတ်ချေ။ ထို့ပြင် မြန်မာမွတ်ဆလင်မ် များအနေနှင့်လည်း မိမိတို့အရေးကိုသာလျှင် ကွက်ကွက်လေး မတွေးပဲနိုင်ငံသားပီသသော စိတ်ဓာတ်ဖြင့် တိုင်းပြည်၏ အရေးကိစ္စ အားလုံးတို့တွင် အနစ်နာခံ အပင်ပန်းခံဆောင်ရွက်ခြင်းဖြင့် မြန်မာပြည်သားအားလုံး၏ ကောင်းကျိုးကို ဖေါ်ဆောင်ရာတွင် တာဝန်ယူစိတ်များပြသရန်လိုအပ်သည်။ ကျန်တိုင်းရင်းသား ပြည်သူများအားလုံးအနေဖြင့် လည်း မိမိတို့အရေးကိုသာရှေ့တန်းတင် ဆောင်ရွက်ခြင်းမပြုပဲ တစ်တိုင်းပြည်လုံးအရေးကို ပြည်ထောင်စုသား စစ်စစ်စိတ်ဓာတ်မျိုးဖြင့် ဖန်တီးပုံဖေါ်သွားရမည်ဖြစ်သည်။ ပြိုင်တူတွန်းမှ ရွေ့နိုင်မည့် အပြုသဘောဆောင်သည့်အပြောင်းအလဲ များကိုမြင်တွေ့လိုပါက ကျွန်တော်တို့ သဘောထားကြီးရန်၊ စည်းလုံးညီညွတ်ရန်လိုအပ်သည်။သို့မဟုတ်ပါက မည်သည့် ပြုပြင်ပြောင်းလဲမှုမျိုးကို ဖေါ်ဆောင်သည်ဖြစ်ပါစေ သမင်မွေးရင်းကျားစားရင်း အဖြစ်မျိုးဖြင့် အဟောသိကံ ဖြစ်နေဦးမည်မှာ မုချမလွဲပင်ဖြစ်သည်။

========================

April 24, 2013
ဖြစ်တည်မှုတရားအပေါ် အမုန်းပွါးခြင်း (သို့) ကျွန်တော်နှင့် အမုန်းတရားများ အကြောင်း

အောက်တိုဘာ၊ ၃၀၊ ၂၀၁၂

M-Media

ရေးသူ ၊ ဇော်မင်းထွေး

ပထမနေ့

ထိုသူ။ ။ ဟေ့လူ။ ခင်ဗျားဘင်္ဂါလီမဟုတ်လား။

ကျွန်တော်။ ။ ဟုတ်တယ်လေ ဗျာ၊ ဘာလို့လဲ။

ထိုသူ။ ။ ဟား.. ခင်ဗျား အစကတည်းက ဘာလို့မပြောတာလဲ။ ခင်ဗျား အတော်မုန်းဖို့ကောင်းတဲ့သူပဲ။

ကျွန်တော်။ ။ ဗျာ ကျွန်တော် ဘင်္ဂါလီဆိုတဲ့အကြောင်း က ဘာလို့ပြောဖို့လိုတာလဲ။ ဒါနဲ့ ခင်ဗျား က ဘင်္ဂါလီဆို တာနဲ့ ဘာလို့မုန်းရတာလဲ။

ထိုသူ။ ။ ဟ.. မုန်းရတာပေါ့ဗျ။ ခင်ဗျားတို့က ကျုပ်တို့မြေမှာ လဲနေသေးတယ်၊ ပြီးတော့ မြန်မာတွေလိုလဲ မနေကြဘူး။ ပြီးတော့ ကလေးတွေလဲ အများကြီးမွေးကြသေးတယ်။ ဒီတော့ မုန်းစရာမကောင်း ဘူးလား။ ခင်ဗျားတို့ ဒီမှာနေမယ့် အစား ကိုယ့်တိုင်းပြည်ကိုယ် ပြန်သွားသင့်တယ်။

ကျွန်တော်။ ။ ဒီမယ် အစ်ကို။ ကျွန်တော်တစ်ခုပြောပြမယ်။ ဘင်္ဂါလီ အဖြစ်နဲ့ မွေးလာတာ ဟာ ကျွန်တော့ရဲ့ ရွေးချယ်မှု မဟုတ်ဘူး။ ဒီလိုပဲ လူတိုင်းဟာ ဗမာ ဖြစ်ချင်တယ်။ ကချင် ဖြစ်ချင်တယ်။ အင်္ဂလိပ် ဖြစ်ချင်တယ်။ အာဖရိကန် ဖြစ်ချင်တယ်ဆိုပြီး ရွေးချယ်ခံ မွေးဖွါးခွင့် မရှိဘူး။ အဲဒါကြောင့် ဘင်္ဂါ လီဖြစ်ခြင်းအပေါ်မှာ ကျွန်တော် တစ်ခါမှနောင်တ မရဘူး။ ရစရာလဲ မလိုဘူး။ ဟုတ်တယ်။ ကျွန်တော် ဒီမြေမှာ မွေးတယ်၊ ဒီမှာပဲကြီးပြင်း လာတယ်။ ဒီရေသောက်၊ ဒီဆန်စားပြီး ခင်ဗျားတို့လိုပဲ ကွဲပြားခြားနားမှုမရှိပဲ အရွယ်ရောက်ခဲ့တယ်။ ဒါက ကျွန်တော့်မြေ၊ ကျွန်တော့်ရေ ၊ ကျွန်တော့်နိုင်ငံ။ ကျွန်တော်ဒီလိုပဲခံယူတယ်။ ဒီနိုင်ငံအတွက် လိုအပ်ရင် အသက်ပေးဖို့လဲ အမြဲ အဆင်သင့်ရှိတယ်။ နောက်တစ်ခုက ဒီမှာနေတိုင်း ဗမာလူမျိုးတွေနဲ့ တထေရာထဲ နေရမယ်ဆိုတာကို ကျွန်တော် လက်မခံဘူး။ လူမျိုးတိုင်း၊ မျိုးနွယ်စုတိုင်း မှာ ယဉ်ကျေးမှုဆို တာရှိတယ်။ တစ်ချို့ဓလေ့ တွေမှာတူရင်တူမယ်။ တစ်ချို့ အချက်တွေမှာကွဲပြားမယ်။ ယဉ်ကျေးမှုကွဲပြားလဲ ဘာအရေးလဲ။ ယဉ်ကျေးမှုတွေ ရောယှက်မှ တိုင်းပြည်ရဲ့ အနေအထားနဲ့ ပညာအဆင့်အတန်း တိုးတက်တယ် ဆိုတာ ခင်ဗျားလဲအသိပဲ။ကဲ..ခုပဲကြည့်..ယဉ်ကျေးမှုတွေပေါင်းစပ်လိုက်တော့ ခင်ဗျားတွေ့တဲ့အတိုင်း ပတ်ဝန်းကျင်မှာ အစားအသာက်၊ အ၀တ်အထည်၊ ဂီတ၊ စာပေ၊ အနုပညာ အစရှိတဲ့ လူဖြစ်တည်မှုအတွက် အခြေခံလိုအပ်ချက် တွေကို စုံစုံလင်လင် ဖွယ်ဖွယ်ရာရာ ရွေးချယ်ခွင့်ရှိလာပြီ။ ခင်ဗျားက ဗမာပေမယ့် ရော့ခ်ဂီတ ကြိုက်လို့ရတယ်။ ဒန်ပေါက်ကြိုက်လို့ရတယ်။ ရခိုင်မုန့်တီ နှစ်သက်လို့ရတယ်။ ကချင်ပုဆိုး ၀တ်ဆင်ချင်ရင်လဲရတယ်။ အနောက်တိုင်း ဘောလုံးပွဲ အားပေးလို့လဲ ရတယ်။ အဲဒါ သင့်တင့် လျှောက်ပတ် မွန်မြတ်ခြင်းပဲ မဟုတ်လား။ အဲ..ယေဘုယျအား ဖြင့်တော့ ကျွန်တော်ဟာ မြန်မာတစ်ယောက်လို့ ကိုယ့်ကို ကိုယ် လက်ခံတယ်။ ဒီတော့ မြန်မာလိုပဲ ပြောတယ်။ မြန်မာလို ၀တ်တယ်။ ခု ခင်ဗျားတွေ့တဲ့ အတိုင်းပဲ။ ဒါပေမယ့် အစားအသောက်စားတာတို့ ၊ ၀တ်ပြုကိုး ကွယ် တာတို့ ကို တော့ အစလာမ်ဘာသာ သက်ဝင် ယုံကြည် တဲ့ အတွက် ခင်ဗျား တို့နဲ့ မတူ ကွဲပြားမှုရှိနေမှာပဲ။ ဒီတော့ ခင်ဗျားကျွန်တော့်ကို ဘာအတွက်မုန်းနေသေးတာလဲ။

ထိုသူ။ ။ အင်း ငါလဲ မသိဘူး။ ဘာကြောင့်မုန်းမှန်း။ ဒါပေမယ့် မုန်းတယ်။ အင်း.. ငါပြန်စဉ်းစားရမယ် ထင်တယ်။

ကျွန်တော်။ ။ ခင်ဗျား သဘောပါပဲ။ ခင်ဗျားမှာလွတ်လပ်စွာ ရွေးချယ်ခွင့်ရှိတာပဲ။ တစ်ခုတော့ ထပ်ပြောချင် သေးတယ်။ ကမ္ဘာ မှာ လူမျိုးကြီးဝါဒဆိုတာ ဒုတိယ ကမ္ဘာ စစ်နဲ့ အတူကျဆုံးခဲ့ပြီးပြီ။ မျက်မှောက် ယဉ်ကျေးတဲ့ ကမ္ဘာသစ်မှာ လူမျိုးတစ်မျိုးက အခြား လူမျိုးတစ်မျိုးထက်သာတယ် ဆိုတဲ့ အတွေးအခေါ်ကို ဦးဏှောက်ရှိသူတိုင်း ပညာတတ်သူတိုင်း လက်မခံကြတော့ဘူး။ မတူကွဲပြား မှုကို အလှတရားလို့ သတ်မှတ်ဖေါ်ဆောင် လာကြတဲ့ ပိုမိုယဉ်ကျေးလာတဲ့ လူ့အသိုင်းအ၀ိုင်းမှာ အသားအရောင်၊ ကိုးကွယ်ရာ ဘာသာတရား၊ လိင်ကွဲပြားမှု၊ ယဉ်ကျေးမှု နဲ့ ဓလေ့ထုံးတမ်း တွေအပေါ် မူတည်ပြီး ခွဲခြားဆက်ဆံ မှု ပြုလုပ်ခြင်းဆိုတာ နိဌိတံ ခဲ့ပြီး။
ခင်ဗျားကို ဥပမာ တစ်ခုပေးမယ်။ ခင်ဗျား ပန်းဥယျာဉ် တစ်ခုထဲ ၀င်သွားတယ် ဆိုပါတော့။ အဲဒီမှာ အ၀ါရောင် ပန်းတစ်မျိုးတည်း ဆိုက်ထားတယ် ဆိုပါဆို့။ ခင်ဗျား တစ်ခဏ တော့ လှမယ် ထင်လိမ့်မယ်။ ပြီးရင် ဒီအ၀ါရောင်ပန်းတွေကို ကြည့်ပြီး ခင်ဗျား ညည်းငွေ့သွားလိမ့်မယ်။ ကဲ ခင်ဗျားမျက်စိထဲ မြင်ယောင်ကြည့်စမ်း။ အဲဒီ ပန်းဥယာဉ်မှာ ရောင်စုံ ခြယ်တဲ့ ပန်းကလေးတွေ အတန်းလိုက် စီစီရီရီ စိုက်ပျိုးထားတယ် ဆိုပါစို့။ ဘယ်လောက်တောင် မျက်စိပသာဒ ဖြစ်လိမ့်မလဲ။ ဒီလိုပဲပေါ့ လူမှာလဲ ကွဲပြားခြားနားမှုရှိမယ်။ ဖြူမယ်၊ မဲမယ်၊ ညိုမယ်၊ ၀ါမယ်။ ကိုးကွယ်ရာ ကွဲပြားမယ်။ မတူညီတဲ့ ယဉ်ကျေးမှုတွေ လက်ခံကျင့်သုံးကြမယ်။ နောက်ပြီး ဒီလူတွေက အချင်းချင်းချစ်ကြည် ရင်းနှီးကြမယ်။ ယိုင်းပင်းကူညီ ကြမယ်။ မတူညီမှုတွေကို အလှတရားလို့ ခံယူပြီး တစ်ပါးသူတွေရဲ့ ကွဲပြားခြားနားမှု ကိုနားလည် ပေးဖို့ ကြိုးစားပေးမယ်။ ကဲ..စဉ်းစားကြည့်စမ်း။ ဘယ်လောက် သာယာ ကြည်နှုးစရာ ဖြစ်မယ့် လူ့ဘောင် အသိုင်းအ၀ိုင်း ဖြစ်လာလိမ့်မလဲ။ အဲဒီအခါ ကျွန်တော်တို့ စစ်ပွဲတွေ မလိုတော့ဘူး။ သွေးချောင်းစီး သတ်ဖြတ်မှုတွေ မရှိတော့ဘူး။ လူ့တန်ဘိုးကို လေးစားပေးတဲ့ စိတ် လူတိုင်းမှာရှိလာလိမ့်မယ်။ ခင်ဗျားလဲ လူထဲက လူတစ်ယောက်ပဲ။ လူဆိုတာကို တန်ဘိုးထားတတ် မယ်ဆိုရင် လူဟာ သူ့ဘာသူ ဘာပဲဖြစ်နေ ဖြစ်နေ အခြေခံ လူ့တန်ဘိုးကို နားလည် ခံစားပေးတတ်ဖို့ လိုတယ်။ ကျွန်တော် ကိုယ်တိုင်လဲ လူပီသစွာ နေထိုင်ဖို့ ကြိုးစားနေတယ်။ ခင်ဗျားကိုလဲ အဲလို စိတ်ထားတတ်ဖို့ တိုက်တွန်းချင်တယ်။ ဒီလောက်ပါပဲ။

ဒုတိယနေ့

ထိုမိန်းကလေး။ ။ အီးမေးလ်မှာ အင်ဗိုက်လက်ခံပေးတဲ့အတွက် ကျေးဇူးပဲနော်အစ်ကို။

ကျွန်တော်။ ။ ဟာ..ရပါတယ်ဗျာ။ ကျွန်တော်ကလဲ ကျေးဇူးတင်ရမှာပါ။ မိတ်ဆွေ တိုးတာကိုး။ ဒါနဲ့ ညီမက မွတ်ဆလင်မ်လား။

ထိုမိန်းကလေး။ ။အာာာာာ….ဘာတွေ လာပြောနေတာလဲ။ ကျွန်မက ဘာလို့ မွတ်ဆလင်မ် ဖြစ်ရမှာလဲ။ ဒီကုလား တွေကဒီလောက် မုန်းဖို့ကောင်းတာ။ အစ်ကိုမို့ မွတ်ဆလင်မ်လား မေးရက်တယ်။

ကျွန်တော်။ ။ ဗျာ…ကုလားဆိုရင် မုန်းတယ်။ ဟုတ်လား။ မွတ်ဆလင်မ်ကို ကုလားလို့ ညီမတို့ သတ်မှတ်ထား တယ်ဆို၊ အစ်ကိုလဲ ကုလားပဲ။ အဲတော့ အစ်ကို့ကိုမုန်းရင် ဘလော့ဂ် ပြန်လုပ်သွားလို့ ရတယ်ညီမ။

ထိုမိန်းကလေး။ ။ဟာ..ဟုတ်လားအစ်ကို။ ဆောရီးနော်. အားနာစရာပဲ။ အစ်ကိုက မုန်းဖို့ကောင်းမယ့် ကုလားတော့ ဖြစ်ဟန် မတူပါဘူး။ ခင်လို့ရတယ်မလား။

ကျွန်တော်။ ။ ခင်လို့ရတာပေါ့ဗျာ။ ကျွန်တော်က ညီမဘယ်သူ ဖြစ်ဖြစ် မမုန်းဘူးပဲဟာ။ လူလူချင်း ခိုင်လုံတဲ့ အကြောင်းက်ိစ္စ မရှိပါပဲနဲ့ ဘာအတွက်မှ မုန်းစရာ မလိုဘူးလို့ ခံယူထားတာပဲ။ ဒါနဲ့ ညီမက ဘာလို့ မွတ်ဆလင်မ် ကို မုန်းရတာလဲ။

ထိုမိန်းကလေး။ ။ အင်း..အသေအချာတော့ မသိဘူး။ ငယ်ငယ်ကတည်းက ကုလားတွေအကြောင်း အမေတို့ ပြောပြတာ ကြားဖူးတယ်။ တစ်ချို့ ဘုန်းဘုန်းတွေလဲ ပြောဖူးတယ်။ ပြီးတော့ ကျောင်းမှာ သူငယ်ချင်းတွေ ပြောကြတယ်။ သူတို့ပြောသလောက် မွတ်ဆလင်မ် တွေအကြောင်းက မုန်းဆရာတွေချည်းပဲ။ ဥပမာ.. မွတ်ဆလင်မ်တွေက ကျွန်မတို့ မြန်မာ မိန်းကလေးတွေကို မုဒိန်းကျင့်တဲ့ အကြောင်းတွေ၊ လက်ထပ်ပြီး ကုလားဇတ်သွင်းတဲ့ အကြောင်းတွေ။ မိန်းမတွေ အများကြီးယူတဲ့ အကြောင်းတွေ၊ ပြီးတော့ နွားတွေကို တစ်နှစ်တစ်ခါ ရက်ရက်စက်စက် သတ်တယ် ဆိုတဲ့ အကြောင်းတွေပေါ့။ ညီမ ကိုယ်တိုင်တော့ တစ်ခါမှ မကြုံဘူးပါဘူး။ အဲဒါတွေ ကြားပြီးကတည်းက အလိုလိုမုန်းနေတာပါ။

ကျွန်တော်။ ။ အင်း..ဟုတ်တယ်ဗျ။ အဲဒီလို ကြားဖူးနားဝ သတင်းမှားတွေ ကြောင့် ကျွန်တော်တို့ အချင်းချင်း ကြားမှာ တစ်ခါမှ အချင်းမများဘူးပဲနဲ့ အလိုလို မုန်းတီးနေမိကြတယ်။ အဓိက ပြသနာက ကိုယ်ကြီးပြင်းရာမိသားစု နဲ့ ပတ်ဝန်းကျင်အသိုင်း အ၀ိုင်းရဲ့ အမြင်ကျဉ်းမြောင်းမှုနဲ့ သတင်းမှားတွေကိုယုံလွယ် တတ်မှုပ။ဲ နောက်ထပ်ပိုဆိုးတာက ငယ်ရွယ်တဲ့သူတွေရဲ့ အသိတွေထဲ တစ်ပါးသူတွေအပေါ် အမုန်းတရားတွေ ရိုက်ထည့်ပေးလိုက်တာနဲ့ မတူကွဲပြားခြားနားမှုကို လက်မခံနိုင်တာတွေက ကြာလာတော့ အမြစ်တွယ်ပြီး ကိုယ်က ပါ အကြောင်းပြချက် အခိုင်အလုံ မရှိပဲ အမုန်းဖြန့်ဝေ တတ်တဲ့ သူတွေထဲ အပါအ၀င် ဖြစ်သွားတာပဲ။ ကျွန်တော်လဲ ငယ်စဉ်ကကြုံဖူးပါတယ်။ မိသားစုက တစ်ခြားဘာသာ တစ်ရားနဲ့ပတ်သက်ပြီး လေ့လာခွင့် မပြုတာ။ တစ်ချို့ဘာသာရေးဆရာ တွေက တစ်ခြားဘာသာရဲ့ မကောင်းရာ မကောင်းကြောင်းတွေ ကိုသာ ကျွန်တော်တို့ကို သင်ကြားပေးတာ။ သေချာလေ့လာ စူးစမ်းမှု မပြုပဲ ကိုယ်မကိုးကွယ်ရာ တခြားဘာသာတရား ကို အပုတ်ချတဲ့ စာပေမျိုးတွေနဲ့ ရင်းနှီးနေခဲ့ရတာ။ အဲဒါတွေက ကျွန်တော်တို့ရဲ့ ရင်ထဲကို အမုန်းရဲ့ သစ်ပင် စိုက်ပျိုး ပေးလိုက်တာပဲ။ အဲဒီ အမုန်းသစ်ပင်လေးက တဖြည်းဖြည်းကြာလာတော့ အပြင်သတင်းမှားတွေရဲ့ ပျိုးထောင်ပေးမှု၊ ရည်ရွယ်ချက်ရှိရှိ လူမျိုးရေးမုန်းတီးမှု ဖန်တီးလိုသူတွေရဲ့၊ အမုန်းမြေသြဇာ ကျွေးမွေးမှု၊ နိုင်ငံရေး အမြတ်ထုတ်ဖို့ ဘာသာတရားကို ခုတုံး လုပ်လိုတဲ့ နိုင်ငံရေးသမား မိစ္စာ ၀ါဒီ တွေရဲ့ ၀ါဒမှိုင်းပေးမှု၊ ဘာသာရေးခေါင်းဆောင် လို့ သမုတ်ခံရတဲ့ လူတစ်ချို့ရဲ့ အမြင်ကျဉ်းမြောင်း တဲ့ သွန်သင်ပေးမှု တွေကြောင့် တဖြည်းဖြည်းရင့် မှာလာပြီး အမုန်းတရားက ခင်ဗျားတို့ ကျွန်တော်တို့ ရင်ထဲ ခြေခြေမြစ်မြစ် နဲ့ နှက်နှက်ရှိုင်းရှိုင်း အမြစ်တွယ် သွားတာပဲ။ တကယ်တမ်းတော့ ဘာသာတရားတွေက ပြသနာမဟုတ်ဘူး။ ဘာသာတရားတွေ ဆိုတာ အလွန်ကို သန့်စင်မွန်မြတ်ပြီး ချစ်စရာ ကောင်းတဲ့ ဓမ္မ၊ သီလနဲ့ သမာဓိတွေကို လူတွေရင်ထဲရိုက်သွင်းပေးပြီး ကျွန်တော်တို့ကို လူကောင်းလူမွန်တွေ ဖြစ်လာဖို့ ပြုပြင်ပေးတဲ့ တရားတွေပါ။ တကယ်တမ်းပြသနာ ကဘာသာဝင်ဆိုပြီး ဘာသာတရားကို ကပြောင်းကပြန် လိုက်နာတဲ့ so called ဘာသာဝင်တွေနဲ့ ကိုယ်ကျိုးရှာ ဘာသာရေး နိုင်ငံရေး ခေါင်းဆောင်တွေပဲ။

ထိုမိန်းကလေး။ ။ ကျေးဇူးပါအစ်ကို၊ တွေးစရာတွေ အများကြီးရလာတယ်။ အင်းနော်.. တကယ်ဆို ကျွန်မတို့က ဘာအတွက်မုန်းနေကြရမှာလဲနော်။ ဒီ အမုန်းတရားတွေ နိဌိတံသွားအောင် ဘာလုပ်ကြရမှာလဲ။

ကျွန်တော်။ ။ အင်း ပြောရမယ်ဆို ဒီအဖြေတွေက ဘာသာတရားထဲမှာပဲ ရှိတယ်။ ဘာသာတရား ကလူကို ယဉ်ကျေးအောင်သွန်သင်တယ်။ တစ်ပါးသူရဲ့ အခွင့်အရေးကို လေးစားတတ်ဖို့ ညွန်ကြားတယ်။ သတ္တ၀ါ တွေအပေါ် မေတ္တာ ထားတတ်ဖို့နဲ့ လူလူချင်း ယိုင်းပင်းကူညီကြဖို့ လမ်းညွှန်တယ်။ မေးခွန်းထုတ်ရ မှာက ကျွန်တော် တို့ ကိုယ်ကိုးကွယ်နေတဲ့ ဘာသာတရားကို တစ်ကယ်ရော လေးစားလိုက်နာကြရဲ့လား ဆိုတာပဲ။ ပွင့်လေပြီးသော ဘုရားရှင်တွေ၊ မဟာလူသားတွေ၊ အတွေးအခေါ် က၀ိတွေ အကားလုံးက လူလူချင်း ချစ်တတ်ဖို့နဲ့ စောင့်ရှောက်ကူညီဖို့ ပဲသွန်သင် ညွန်ကြားရင်း သူတို့ဘ၀တွေကို လူတွေ အတွက်စတေး ခဲ့ကြတယ်။ ဥပမာ. ဗုဒ္ဓရှင်ကိုယ်တော်က အန္တတ သတ္တ၀ါတွေကို မေတ္တာထားဖို့ ဆုံးမတယ်။ မိုးဇက် က လူလူချင်း ချစ်ပါ၊ ယိုင်းပင်းပါလို့ သင်ကြားတယ်။ ယေရှု က ရန်သူကိုပင်ချစ်ပါလို့ ဟောကြားသွန်သင်ခဲ့တယ်။ မိုဟာမက် ကိုယ်တော် ကလဲ လူလူချင်းအပေါ်တာဝန် ၀တ္တရားမကျေပွန် သူဟာ ငါ့နောက်လိုက် မဟုတ်ဘူးလို့ ပြောတယ်။ ကဲကြည့်စမ်း သူတို့ နောက်လိုက်ပါဆိုပြီး ကျွန်တော်တို့က တစ်ခြားသူတွေကို အမြဲတမ်း မုန်းတီးဖို့ပဲ ကြံစည်နေကြတယ်။ ကိုယ်နဲ့ ဘာသာမတူတဲ့ သူတွေရဲ့ ပျက်စီးရာ ပျက်စီးကြောင်းကိုပဲ ကြိုးစား အားထုတ် နေကြတယ်။ တစ်ပါးသူတွေရဲ့ အားနည်းချက်နဲ့ လူတစ်ချို့ရဲ့ အမှားတွေကို ခုတုန်းလုပ်ပြီး လူလူချင်း သွေးချောင်းစီး သတ်ဖြတ်ပွဲတွေ ဖြစ်အောင် ကြိုးပမ်း လုပ်ကြံနေကြတယ်။ စဉ်းစားကြည့်စမ်းပါ။ အခုနပြော ခဲ့တဲ့ မဟာလူသား ဘုရားရှင်တွေက သူ့နောက်လိုက်တွေပါ လို့ပြောပြီး ခုလိုဆိုးသွမ်း နေကြတဲ့ ကျွန်တော်တို့ရဲ့ ပစ္စက္ခ အခြေအနေတွေကို တွေ့ရင် ဘယ်လောက်များ ယူကျုံးမရ စို့နင့် ကြေကွဲ လိုက်ကြမလဲ။ ကဲ..တစ်ကယ်လို့ သာ သူတို့နဲ့ ကျွန်တော်တို့ မျက်နှာချင်းဆိုင် တွေ့ခွင့်ရမယ် ဆိုပါတော့။ ကျွန်တော်တို့က သူတို့ရဲ့ နောက်လိုက်တွေပါ။ သူတို့လမ်းစဉ်တွေကို လေးစားလိုက်နာတဲ့ သူတွေပါလို့ ဘယ်မျက်နှာနဲ့ သွားပြောမလဲ။ တစ်ကယ်တမ်းဆို လူလူချင်း မုန်းတီးမှု ထားရှိခြင်းနဲ့ တစ်ပါးသူတွေ ပျက်စီးရာ ပျက်စီးကြောင်း ကြံစည်လုပ်ကိုင် နေခြင်းဟာ ကိုယ်ကိုးကွယ်ရာ ဘာသာတရားကို စော်ကားနေတာနဲ့ ထပ်တူထပ်မျှပါပဲ။ ဒီတော့ အမုန်းလမ်းစကို ရပ်တန့်စေပြီး တစ်ပါးသူအပေါ် မေတ္တာ ထားတတ်တဲ့ စိတ်ထားကို လူတိုင်းသာ မွေးမြူနိုင်မယ် ဆိုရင် ကျွန်တော်တို့လူအချင်းချင်းကြား ပဋိပက္ခ တွေဖြစ်စရာ အကြောင်းကို မရှိတော့ပြီပဲ။ လူတိုင်းတော့ လိုက်နာနိုင်မယ် မဟုတ်ဘူး။ ဒါပေမယ့် ညီမနဲ့ အစ်ကိုကတော့ မလိုက်နာနိုင်စရာ အကြောင်း ရှိမှာမဟုတ်ဘူး။ ဟုတ်တယ်မဟုတ်လား။

ထိုမိန်းကလေး။ ။ အင်း..ဒီလိုဆိုတော့လဲ ဟုတ်ပါတယ် အစ်ကို။ ညီမ အဲလိုစိတ်ဓာတ်မျိုးမွေးမြူ နိုင်အောင် ကြိုးစားကြည့် ပါ့မယ်။

တတိယနေ့

ထိုပုဂ္ဂိုလ်။ ။ သူငယ်ချင်း …တစ်ခုမေးမလို့။ မင်းတို့ မွတ်ဆလင်မ် လူမျိုးတွေ ဘာကြောင့် ဒီလောက်ဆိုးသွမ်း နေရတာလဲ။ ဘယ်နေရာကြည့်ကြည့် အကြမ်းဖက်တာ တွေ့ရင် မင်းတို့ လူမျိုးပဲ။ လူသတ်တာလဲ မင်းတို့ပဲ။ မင်းတို့က အမြဲသွေးဆာ နေတာပဲနော်။ အမြဲတမ်း မွတ်ဆလင်မ် မဟုတ်သူတွေကို သတ်ဖြတ်နေတာပဲ။ ဘာလို့ မင်းတို့ လူမျိုးကဒီလောက် ရက်စက် ရတာလဲ။

ကျွန်တော်။ ။ ဒီမှာ…သူငယ်ချင်း။ သူငယ်ချင်းက ရိုးရိုးသားသား သိချင်လို့ မေးတာဆိုရင် ကျွန်တော် ဖြေပါ့မယ်။ ပထမဆုံး ပြောချင်တာက မွတ်ဆလင်မ်ဆို တာလူမျိုး တစ်မျိုးကို ရည်ရွယ်ပြီးခေါ်တာမဟုတ်ဘူး။ အစ္ဂ္စလာမ်သာသနာ ကိုသက်ဝင်ယုံကြည်တဲ့ သူတွေကို ခေါ်တာ။ အစ္ဂ္စလာမ် ဆိုတာ ငြိမ်းချမ်းခြင်း ဆိုတဲ့ အဓိပါယ် သက်ရောက်တယ်။ မွတ်ဆလင်မ်ဆိုတာက အဲဒီငြိမ်းချမ်းရေးလမ်းစဉ် ကို ဖ၀ါးခြေထပ် လိုက်နာတဲ့ အမိန့်နာခံသူများ လို့ အဓိပါယ်ရတယ်။ အဲဒီတော့ တကယ့်မွတ်ဆလင်မ်ဆိုတာက အခုနခင်ဗျားပြောတာတွေ နဲ့ ဖီလာဆန့်ကျင်တဲ့ ငြိမ်းချမ်းရေးကို ချစ်မြတ်နိုးသူတွေ။ လူလူချင်း လေးစား ချစ်ခင်သူတွေ။ အဲဒီလို သူမျိုးတွေကို ခေါ်တာ။ ဒါပေမယ့် တစ်ချို့သော မွတ်ဆလင်မ်ပါ ဆိုတဲ့ သူတွေရဲ့ လုပ်ရပ်ကြောင့် အစ္ဂ္စလာမ် သာသနာအပေါ် တစ်ပါးသူတွေရဲ့ အမြင်တိမ်းစောင်းမှုခံနေရတာက အလွန်ကို ၀မ်းနည်းစရာကောင်းတဲ့အရာပဲ။ ခုန ခင်ဗျား စွပ်စွဲနေသလိုပေါ့။

ထိုပုဂ္ဂိုလ်။ ။ ကျွန်တော်စွပ်စွဲ နေတာမဟုတ်ဘူးလေ။ အဖြစ်အပျက်တွေ အပေါ်အခြေခံပြီး ပြောတာလေ။ ခင်ဗျားကြည့်လေ။ အသေခံပြီး ဗုန်းခွဲသတ်ဖြတ်နေကြတာလဲ ခင်ဗျားတို့ မွတ်ဆလင်မ် တွေပဲ။ အခြား ဘာသာတရားတွေရဲ့ အမွေအနှစ်တွေကို ဖျက်စီးနေတာလဲ ခင်ဗျားတို့မွတ်ဆလင်မ်ပဲ ။ အခုလဲ နေရာတိုင်းမှာ ပြသနာတွေ ရှာနေကြတာလဲ ခင်ဗျားတို့ မွတ်ဆလင်မ်တွေပဲ မဟုတ်လား။

ကျွန်တော်။ ။ သူငယ်ချင်း..။ ခုလေးတင်.. ကျွန်တော် ရှင်းပြခဲ့ပါပြီး ။ မွတ်ဆလင်မ် ဆိုတဲ့ အဓိပါယ်ကို။ ဒီမှာ ကျွန်တော် ပြောမယ်။ ဘာသာတရားနဲ့ လူမျိုး ကို ခင်ဗျား ခွဲခြားပြီး ရှုမြင်စေချင်တယ်။ လူမျိုးဆိုတာ ပြောင်းလဲ လို့မရတဲ့ မွေးရာပါဗီဇ တရားပဲ။ ဘာသာတရားဆိုတာက ပြောင်းလဲလို့ရတဲ့ လူတွေရဲ့ ရပ်တည်ချက် နဲ့ ယုံကြည်မှုပဲ။ ဒီတော့ နိုင်ငံတစ်ချို့က လူမျိုးတစ်ချို့ ရဲ့ လုပ်ရပ်တွေအပေါ် အခြေခံပြီး မွတ်ဆလင်မ်တွေ ဆိုတဲ့ ဘာသာတရား အပေါ် ယိုးစွပ် အပစ်တင်လို့မရဘူး။ ဥပမာ ဗုဒ္ဂ္ဓဘာသာ ဆိုတာ ဗမာလူမျိုးက ပိုင်တာမဟုတ်ဘူး။ ဗုဒ္ဂ္ဓရှင် ကိုယ်တော်ရဲ့ လမ်းစဉ်ကို ယုံကြည်တဲ့ လူတိုင်းနဲ့ သက်ဆိုင်တယ်။ ပြောရမယ်ဆိုရင် အာရပ် လူမျိုးတစ်ယောက်က ဗုဒ္ဂ္ဓ ဘာသာကို ယုံကြည်ကိုးကွယ်လိုက်လို့ ဗုဒ္ဂ္ဓ ဘာသာ မြန်မာလူမျိုး ဖြစ်မသွားဘူး။ သူက ဗုဒ္ဂ္ဓဘာသာ အာရပ်လူမျိုးပဲ။ ထိုနည်းလည်းကောင်းပဲ အင်္ဂလိပ်ကြီးတစ်ယောက် က ဗုဒ္ဂ္ဓ လမ်းစဉ်ကို သဘောကျလို့ သံဃာ အဖြစ်ခံယူမယ်ဆိုရင်လဲ ဗုဒ္ဂ္ဓဘာသာ မြန်မာ ဘုန်းတော်ကြီး ဖြစ်မသွားပဲ ဗုဒ္ဂ္ဓဘာသာ အင်္ဂလိပ် ဘုန်းတော်ကြီးပဲ ဖြစ်နေမှာပဲ။ ဒီလိုပဲ ဗမာလူမျိုးကလဲ အစ္ဂ္စလာမ် ဖြစ်နိုင်တယ်။ ကရင် လဲ ဖြစ်နိုင်တာပဲ။ အာရပ်လဲ ဖြစ်နိုင်သလို၊ ဂျာမန်လဲ ဖြစ်နေနိုင်တာပဲ။ ဒီတော့ အဲဒါကို အရင်ရှင်းရှင်းလင်းလင်း မြင်စေချင်တယ်။
ပြီးတော့…. ဆက်ပြောချင်တာက ခင်ဗျားအခုနပြောတဲ့ အသေခံဗုန်းခွဲ မှုတွေ အကြမ်းဖက်မှုတွေနဲ့ သတ်ဖြတ်မှုတွေက အာရပ်ကမ္ဘာ နဲ့ မွတ်ဆလင်မ် တိုင်းပြည်တစ်ချို့ မှာဖြစ်နေတယ် ဆိုတာ ကျွန်တော် မငြင်းဆန်ပါဘူး။ ဒါပေမယ့် ခင်ဗျားကို ပြောပြချင်တာက အာရပ်ဆိုတိုင်း မွတ်ဆလင်မ် မဟုတ်ဘူး။ အာရပ်တွေမှာ လဲ မွတ်ဆလင်မ် မဟုတ်သူ ခရစ်ယာန်တွေ၊ ဂျူးလူမျိုး တွေနဲ့ ဗုဒ္ဂ္ဓဘာသာဝင်တွေ ရှိကြသေးတယ်။ နောက်တစ်ခုက ဖြစ်ရပ်တိုင်းမှာ အကြောင်းတရားတွေဆိုတာ ရှိတယ်။ ဘာလို့ အသေခံဗုန်းခွဲ မှုတွေ ဖြစ်နေတာလဲ။ ခင်ဗျား စဉ်းစားကြည့်ဘူးလား။ ခင်ဗျားကိုယ်တိုင်ကော အသေခံ ဗုန်းခွဲ မယ်လို့ စဉ်းစားဘူးလား။ သေချာတယ်။ ခင်ဗျား ဘယ်တုန်းကမှ စဉ်းစား ၀ံ့မှာ မဟုတ်ဘူး။ ဘာလို့လဲ ဆိုတော့ လူဆိုတာ အသားနာရမှာကို အင်မတန်ကြောက်ပြီး ကိုယ့်အသက်ကို အင်မတန်မှ တန်ဘိုး ထားတတ် ကြတာကိုး။ ဒီအတိုင်းပဲ… ဟိုလူတွေကလဲ လူသားတွေပဲ။ ခင်ဗျားတို့ ကျွန်တော်တို့လိုပဲ သေခြင်းတရား ဆိုတာကို ကြောက်ရွံကြတယ်။ ခုလို အသေခံဗုန်းခွဲလိုက်လို့ ဆိုးဆိုးရွားရွား သေသွားမှာကို သူတို့ လဲ ထိတ်လန့် တုန်လှုပ်ကြမှာပဲ။ ဒါပေမယ့် ဘယ်အကြောင်းတရားက သူတို့ကို ခုလို လုပ်ဖို့ တွန်းအားပေးတာလဲ။ ခင်ဗျားသိလား။ ဥပမာ ပြောပြမယ်…။ ပါလက်စတိုင်းတွေ.. သူတို့မြေကို အလုခံရတယ်။ သူတို့ မိသားစုတွေ အသတ်ခံရတယ်။ သူတို့ကို ရက်ရက်စက်စက်ဖိနှိပ်တယ်။ ပါလက်စတိုင်း လူမျိုးမှန်ရင် အလုပ်အကိုင် အခွင့်အလမ်း ရှားပါးတယ်။ ဘယ်အချိန်မဆို အစ္ဂ္စရေးလ် အဆိုးရရဲ့ လုံခြုံရေးအကြောင်းပြချက်နဲ့ အဖမ်းခံ အသတ်ခံရနိုင်တယ်။ သူတို့ မျက်စေ့ရှေ့မှာ သူတို့ အမေတွေ နှမတွေ မုဒိန်းကျင့်ခံရတယ်။ ဆေးဝါး ရိက္ခာ တွေ၊ နိုင်ငံတကာ လူသားချင်း စာနာမှု အထောက်အပံ့တွေ ဖြတ်တောက်ခံရပြီး အငတ်ခံနေရတယ်။ ယုတ်စွအဆုံး သူတို့ အသက်ရှင်သန်ဖို့ သောက်သုံးနေရတဲ့ မြစ်ရေကို ပိတ်ထားပြီး ရေဖြတ်ခံထားရတယ်။ သူတို့မျက်စေ့ရှေ့မှာ သူတို့ ရင်သွေးလေးတွေ ကူကယ်ရာမဲ့ တဖြုတ်ဖြုတ်သေဆုံးနေတယ်။ မိဘတွေနဲ့ ဘိုးဘွားတွေ ရိက္ခာပြတ်လတ်လို့ အားအင်ကုန်ခမ်းပြီးနာမကျန်း ဖြစ်နေတာ ကုသခံခွင့် မရရှာပဲ သေဆုံးနေကြရရှာ တာကို ရင်နာနာနဲ့ မြင်နေရတယ်။ မနက်အလုပ်သွားတဲ့ အဖေက လမ်းမှာ မင်္သကာလို့ အဖမ်းခံရရင် တစ်သက်လုံးပြန်လာခွင့် မရရှာတော့ဘူး။
ကဲ အဲဒီအခြေအနေတွေမှာ အသက်ရှင်နေရင်လဲ သူတို့ ဘာမှမထူးဘူး။ သူတို့မှာနာကျည်းစရာ ဒဏ်ရာတွေနဲ့ ပြည့်နှက်နေတယ်။ ဒီတော့ ရှင်သန်ခြင်းမှာ မျှော်လင့်ချက် မရှိတော့တဲ့ အခါ အာဇာနည် အဖြစ်သေဖို့လမ်းကို သူတို့ရွေးလိုက်ကြတယ်။ ဒါကို အကြမ်းဖက်မှုလို့ ပြောမလား။ ဒီလုပ်ရပ်တွေ ဖြစ်လာအောင် ဖန်တီးပေးနေတဲ့ လမ်းစဉ်တွေကို အကြမ်းဖက်မှုလို့ ခင်ဗျား ဆိုမလား။ ကျွန်တော်ထောက်ခံပါတယ်။ တစ်ချို့ဖြစ်ရပ်တွေက နိုင်ငံရေးသမားတွေရဲ့ အသုံးချခံရတယ် ဆိုတာကို။ သူတို့မှာ ပညာရေးမှ မရရှိရှာပဲ။ သူတို့ မှာ အသက်ရှင်ရပ်တည်ဖို့ လိုအပ်တဲ့ ဂုဏ်သိက္ခာ တွေ လုယက်ခံ လိုက်ရပြီပဲ။ ဒီတော့ သူတို့ အလွယ်တကူပဲ အသုံးချခံ အဖြစ်ခံလိုက်ကြတာ၊ အသက်ကို စတေးလိုက်ကြတာ ခင်ဗျားထူးစမ်းတယ် ၊ ရူးနှမ်းတယ် လို့ပြောမလား။ အမျိုးသားရေးဆိုတဲ့ စကားရပ်ရဲ့ အောက်က အကြမ်းဖက်မှုကြောင့် ခင်ဗျားမိသားစုဝင်တွေ အသက်ပျောက်ကုန်မယ် ဆိုလို့ရှိရင်ကော ခင်ဗျား ဘာလုပ်မိမှာလဲ။

ကဲ..အဲဒါကတစ်ပိုင်း။ နောက်တစ်ခုက အီရတ်မှာ။ မခိုင်လုံတဲ့ ဇီဝလက်နက် ရှိတယ် ဆိုတဲ့ စွပ်စွဲချက်နဲ့ အမေရိကန်က ၀င်ပြီး ဗုန်းကြဲတာ။ ဒါက ရေနံကိုအချောင်ရချင်လို့ တိုက်တဲ့ စစ်ပွဲဆိုတာ ဦးဏှောက်ရှိသူတိုင်း သိတယ်။ ဒီလိုနဲ့ သူတို့ဝင်တိုက်ပြီး တိုင်းပြည်ကို အပိုင်စီးတဲ့ဖြစ်ရပ်မှာ အပစ်မဲ့ပြည်သူ သန်းချီပြီး သေဆုံးခဲ့ရတယ်။ ဒီတော့ ကျန်ရစ်သူမိသားစုတွေက ဆက်ဒမ်ဟူစိန်ကို ဖြုတ်ချပေးတဲ့ ကျေးဇူးရှင်ကြီးတွေဆိုပြီး အမေရိကန်စစ်သားတွေကို ထိုင်ရှိခိုးနေကြရမလား။ ဒါမှမဟုတ်ကိုယ့်မိသားစု ၀င်တွေကို သတ်ဖြတ်တဲ့ သူတွေကို လက်စားပြန်ချေကြမလား။ ခင်ဗျားက သူတို့ သတ်ဖြတ် ညှင်းပန်းခံနေရတာ ကိုမသိဘူး။ ဘယ်သိမလဲ။ ခင်ဗျားတို့ ကျွန်တော်တို့ စားသုံးနေတဲ့ မီဒီယာက သူတို့ပိုင်လေ။ သတင်းကလဲ တစ်ဖက်သတ် သတင်းတွေလေ။ အီရတ် လူမျိုးတွေက ခဲလုံးနဲ့ ပြန်ပေါက်ရင် ရက်စက်တဲ့ အကြမ်းဖက်သမားတဲ့။ အမေရိကန်ကတော့ ဗုန်းကျဲချတာက အမေရိကန် တိုင်းပြည်နဲ့ လူမျိုးလုံခြုံရေးတဲ့။ မီဒီယာက အဲလိုတွေဖေါ်ပြတယ်။ ကိုလိုနီ ခောတ်ကလိုပေါ့၊ တိုင်းပြည်ကို ကာကွယ်ခဲ့တဲ့ ဆရာစံနဲ့ တော်လှန်ရေး နောက်လိုက် တွေက သူပုန် ဆိုတဲ့ ကင်ပွန်းတပ်ခံရပြီး အင်္ဂလိပ်တွေရဲ့ ခေါင်းဖြတ် သတ်ဖြတ်ခြင်း ခံခဲ့ရတယ်။ ဒါပေမယ့် မြန်မာလူမျိုးတွေ အတွက်တော့ သူတို့က ဟီးရိုးပဲ။
နောက်ထပ် ခင်ဗျားပြောတဲ့ စကားထဲမှာပါတယ်။ ပြသနာတွေ ဖြစ်နေတာက အရှေ့အလယ်ပိုင်းလို မွတ်ဆလင်မ်တွေ အနေများပြီး သဘာဝ သယံဇာတတွေတဲ့ နိုင်ငံတွေနဲ့ အာဖဂန်နဲ့ ပါကစ္စတန်လို ပထ၀ီ အနေအထားအရ မဟာဗျူဟာ ကျတဲ့ နေရာမျိုးတွေ။ ခင်ဗျား စဉ်းစားတတ်ရင် သိနိုင်ပါတယ်။ ဘာလို့ အဲဒီနေရာတွေမှာ ပြသနာတွေ ဘာလို့ဖြစ်နေတာလဲ။ အနောက်နိုင်ငံတွေရဲ့ အလွန်အမင်း လိုအပ်နေတဲ့ စွမ်းအင် နဲ့ သယံဇာတ ပြသနာတွေနဲ့ ဘယ်လိုဆက်စပ်နေလဲ။ မွတ်ဆလင်မ် တွေကို အကြမ်းဖက်သမားပါလို့ သမုတ်ခြင်းအားဖြင့် အမေရိကန်နဲ့ အနောက်တိုင်းက ဘယ်လို အကျိုးအမြတ်တွေ ရနေလဲ။ မီဒီယာတွေက ဘာလို့ အကွက်ကျကျနဲ့ မွတ်ဆလင်မ်တွေကို အကြမ်းဖက်သမားတွေ အဖြစ်ပုံဖေါ်နေလဲ။ အဲဒါတွေကို သိချင်ရင် ခင်ဗျား Social Science နဲ့ Concurrent Global Politic ကို လေ့လာရင် အလွယ်တကူသိနိုင်တယ်။
ဥပမာ တစ်ခုပေးမယ်ဗျာ..။ စစ်အေးကာလတုန်းက ဟောလီးဝုဒ် ရုပ်ရှင်တွေကို ခင်ဗျား ကြည့်ရင် အဲမှာ လူဆိုးတွေ ဗီလိန်တွေ အားလုံးက ရုရှားတွေပဲ။ ဘာလို့လဲဆို တော့ အမေရိကန်က ဆိုရှယ်လစ်ဝါဒကို အပြုတ်တိုက်ချင်တော့ ၀ါဒမှိုင်းကို မီဒီယာနဲ့ ဖြန့်တာကိုး။ ဟော အခုကြည့် ဟောလီးဝုဒ်ရုပ်ရှင် တိုင်းမှာ လူဆိုးတွေက အာရပ်တွေပဲ။ ဒါတွေကို ကြည့်ဖန်များတော့ ခင်ဗျားတို့ ခေါင်းထဲမှာ မစဉ်းစားပဲ နဲ့ မွတ်ဆလင်မ်ဆိုရင် လူဆိုးတွေလို့ အလွယ်တကူ လက်ခံလိုက်တယ်။ ဒီတော့ အကျိုးအမြတ်က ဘာရလဲဆိုတော့ နေတိုး အဖွဲ့ဝင်နိုင်ငံတွေက မွတ်ဆလင်မ် တိုင်းပြည်တွေကို ကျူးကျော်ပြီး သယံဇာတတွေအပေါ် အမြတ်ထုတ်လို့ရှိရင် တစ်ခြားသူတွေက လူဆိုးတွေကို နှိမ်နှင်းတာလို့ မြင်ပြီး အမေရိကန်နဲ့ အနောက် ကမ္ဘာက နေရင်းထိုင်ရင်း ကမ္ဘာ ကြီးကို ကယ်တင်တဲ့ ကယ်တင်ရှင်တွေ ဖြစ်သွားပါလေရော။ ဘယ်လောက်ကောင်းလဲ ( Cross-Cutting) တစ်ချက်ခုတ်. အပိုင်းပိုင်း ပြတ်ပဲလေ။

ထိုပုဂ္ဂိုလ်။ ။ ဟုတ်ပါပြီ။ ဒါကိုတော့ ကျွန်တော် လက်ခံလို့ရပါတယ်။ ဒါပေမယ့် ဘာလို့ အခြားဘာသာ ၀င်တွေရဲ့ သာသနိက အစောက်အဦ တွေကို ဖျက်စီးရတာလဲ။ ဘာလို့ မဆိုင်တဲ့ အပစ်မဲ့သူတွေကို သတ်ဖြတ်ရတာလဲ။

ကျွန်တော်။ ။ အိုကေ။ ကျွန်တော် ရှင်းပြ ပါရစေ။ ဗုဒ္ဓ ဘာသာဝင် တွေ အရက်ဆိုင် တစ်ဆိုင်မှာ အရက်ထိုင်သောက် နေတာကို တွေ့တာနဲ့ ဗုဒ္ဓ ဘာသာဝင်တွေ အားလုံးက အရက်သမားတွေ လို့ စွပ်စွဲလို့ ရမလား။ ဗုဒ္ဓဘာသာက အရက်သောက်တာကို ခွင့်ပြု လက်ခံထားတယ်လို့ ခင်ဗျားဆိုလို နိုင်မလား။ ဘယ်လိုမှ ပြောလို့မရဘူး။ ဗုဒ္ဓသာသနာ ဟာအလွန်ကို သန့်စင်မွန်မြတ်သလို သီလ တရား ကိုခါးဝတ်ပုစိုး လိုစောင့်ထိန်းခိုင်းတယ်။ ဒီတော့ကာ ဟိုအရက်သောက်နေတဲ့ သူတွေဟာ ဗုဒ္ဓ ရဲ့လမ်းစဉ်ကို လိုက်နာကျင့်သုံး နေတဲ့ သူတွေမဟုတ်ဘူး ဆိုတာ အလွယ်တကူ သိနိုင်တယ်။ သူတို့ရဲ့ ဘာသာတရားနဲ့ ဖီလာ ဆန့်ကျင်တဲ့ ကျင့်သုံးလုပ်ဆောင်မှု တွေကြောင့် သူတို့ လက်ခံထားပါတယ်ဆိုတဲ့ သာသနာရဲ့ ပုံရိပ်ပါ ထိခိုက်လာတယ်လေ။ ဒီလိုပဲပေါ့ မွတ်ဆလင်မ် ပါဆိုတဲ့ တစ်ချို့သော သူတွေရဲ့ မဆင်မခြင် လုပ်ရပ်တွေကြောင့် လူများစုဖြစ်တဲ့ အေးချမ်းစွာ နေထိုင်လိုတဲ့ ငြိမ်းချမ်းရေးကို မြတ်နိုးတဲ့ ကျွန်တော်တို့ မွတ်ဆလင်မ် အများစုကြီးနဲ့ ဘာသာတရားရဲ့ ပုံရိပ်ပါ ထိခိုက်ရတယ်။
ခင်ဗျား ရည်ညွန်းနေတာက အာဖဂန်နစ္စတန် မှာ အစွန်းရောက်တဲ့ လူတစ်ချို့က ဗုဒ္ဓ ရုပ်ပွါးတော်ကို ဖျက်စီးတဲ့ လုပ်ရပ်ရယ်၊ ဘင်္ဂလားဒေ့ရ်ှမှာ လူအနည်းစုက ဘုန်းကြီးကျောင်းတွေကို ဖျက်စီးတာရယ်၊နဲ့ တစ်ချို့သော ကိစ္ဓ ရပ်တွေကို ရည်ညွန်းချင်တယ်ဆိုတာ ကျွန်တော်သိတယ်။ ခင်ဗျားက သူတို့ ဖျက်စီးတဲ့ သတင်းပဲ နားထောင်တယ်။ သူတို့လုပ်ရပ်ကို ဆန့်ကျင်ရှုန့်ချတဲ့ ကမ္ဘာ အရပ်ရပ်က မွတ်ဆလင်မ် အဖွဲ့ အစည်းတွေရဲ့ ကြေငြာချက်တွေနဲ့၊ ကမ္ဘာ့မွတ်ဆလင်မ် ထုရဲ့ ကန့်ကွက်တဲ့ အသံတွေကို ခင်ဗျားမှ ဂရုပြု နားမထောင်ပဲ။ ဒါကလဲ ခင်ဗျားအလွန် မဟုတ်ပါဘူး။ မီဒီယာတွေရဲ့ အကွက်ကျကျ လှုံဆော်ဖန်တီး မှုတွေရယ်၊ ကမ္ဘာ့ အလယ်မှာ မွတ်ဆလင်မ်ကို ဘုံရန်သူ လူဆိုးကြီးအဖြစ် ပုံဖေါ်ချင်တဲ့ ဘာသာရေး နဲ့ နိုင်ငံရေး အစွန်းရောက် သမားတွေရဲ့ ၀ါဒမှိုင်း တိုက်မှုတွေရယ် ကြောင့်ဆိုတာကို ကျွန်တော်နားလည်ပါတယ်။ အစ္ဓလာမ် ထဲမှာလဲ အစွန်းရောက်တဲ့ သူတစ်ချို့ ရှိတာကို ကျွန်တော်လဲ လက်ခံပါတယ်။ ဒီလိုပဲ ဘာသာတရားတိုင်းမှာ အစွန်းရောက်သူတွေ ရှိတာပဲလေ။ အစ္ဓလာမ့် သာသနိက အစောက်အဦ တွေ လက်ရှိဖျက်စီးခံနေ ရတဲ့ အချိန်မှာ ဖျက်စီးသူတွေကို ဘာလို့ အစွန်းရောက် အကြမ်းဖက်သမားလို့ ဘာလို့ ခင်ဗျားတို့ မပြောလဲ။ ကျွန်တော့် သဘောထားနဲ့ တစ်ကယ့်ကို အစ္ဓလာမ် ကိုလေးစားလိုက်နာ တဲ့သူတွေရဲ့ သဘောထားကတော့ တခြားဘာသာတရား ကို စော်ကားတဲ့ အပြုအမှု လုပ်ရပ်တိုင်းကို ရှုန့်ချတယ်၊ ကန့်ကွက်တယ်။ အဲဒါကို မွတ်ဆလင်မ် ရဲ့ လမ်းစဉ်လို့ မခံယူဘူး။ ထိုနည်းလည်းကောင်းပဲ အခြားဘာသာတရားက အစွန်းရောက်တွေရဲ့ လုပ်ရပ်ကို ရှုံချသလို ဒီလူတွေရဲ့ လုပ်ရပ်ကြောင့် အခြားဘာသာတရား အပေါ် အဆိုးမြင်တဲ့ စိတ်ဓာတ်မျိုးမရှိဘူး။
ခင်ဗျားကို တစ်ခုပြောမယ်။ ကားတစ်စီးကို ဥပမာပေးကြည့်မယ်။ အရက်မူးသမား တစ်ယောက်က အဲဒီကားပေါ် တက်မောင်းပြီး ယာဉ်တိုက်မှုဖြစ်တယ်။ လူတွေသေတယ် ဆိုပါတော့။ ဒီတော့ကာ ခင်ဗျားက ကားဆိုတဲ့ အမျိုးကိုက မကောင်းပါဘူးကွာ။ ကားကြောင့် လူတွေသေရတယ်။ ကားတွေကို ဖျက်စီးသင့်တယ်လို့ ကားကို အပစ်တင်မလား။ အရက်မူးပြီး မဆင်မခြင်မောင်းတဲ့ ကားမောင်းသူကို အပစ်တင်မလား။

ထိုပုဂ္ဂိုလ်။ ။ ဟ..ရှင်းနေတာပဲဗျာ။ ကားမောင်းတဲ့ သူကိုအပစ်တင်ရမှာပေါ့။ ဘာကြောင့် ကားကို မဆီမဆိုင် အပစ်တင်ရမှာလဲ။ ကားက လူကိုအကျိုးပြုတဲ့ အရာပဲဟာ။

ကျွန်တော်။ ။ အင်း ဒါဆို မွတ်ဆလင်မ်ပါ ဆိုတဲ့ လူတစ်ချို့ရဲ့ လုပ်ရပ်ကြောင့် အစ္ဓလာမ် ဘာသာနဲ့ မွတ်ဆလင်မ် အကုန်လုံးကို ဘာကြောင့် သိမ်းကြုံး အပစ်တင်ချင်ရတာလဲ။ အာဖဂန်နိစ် တွေရဲ့ လုပ်ရပ်ကို ခင်ဗျား အပစ်တင်လို့ရတယ်။ အဲဒါ မွတ်ဆလင်မ့် ရဲ့ လမ်းစဉ်မဟုတ်ဘူး။ ထိုနည်း လည်းကောင်းပဲ တစ်ခုခုကို ပစ်တင်ဝေဖန်တော့မယ် ဆိုရင် အကြောင်းရင်းကို ဆန်းစစ်ဖို့ရယ်၊ လူမျိုး၊ ဘာသာဝင်နဲ့ ဘာသာတရားကို ခွဲခြားမြင်တတ်ဖို့ရယ်က အရေးအရမ်းကြီးတယ်။ အကွက်ဆင်ထားတဲ့ သတင်းလိမ်တွေ၊ နိုင်ငံရေး ထောင်ခြောက်တွေ၊ ဘာသာရေးအခြေခံ ပြီး အကျိုးအမြတ်ရှာတဲ့ ၀ါဒတွေ ဒါတွေကို ဆန်းစစ်တတ်ဖို့ လိုတယ်။ နားလည်တတ်ဖို့လိုတယ်။ အကြောင်းအရင်းခံက ဘာလဲဆိုတာ မြင်တတ်ဖို့ နဲ့ အခြေအနေမှန်ကို လေ့လာ ဆန်းစစ်နိုင်ဖို့ ကသတင်းစားသုံးမှုရဲ့ ပဓာန လိုအပ်ချက်ပဲ။ ခင်ဗျားကို ဖြစ်ရပ်တစ်ခု ဥပမာ ပြချင်တယ်။ ၁၉၉၈ တုန်းကလောက်ဖြစ်မယ်။ အမေရိကန်မှာ အိုကလာဟိုးမား က ကုန်တိုက်တစ်ခု ဗုန်းခွဲတိုက်ခိုက် ခံရတယ်။ ချက်ချင်းပဲ ကမ္ဘာ့ မီဒီယာ ထိပ်တန်း သတင်းဌာန တွေက အစ္ဓလာမ်မစ် အကြမ်းဖက်သမားတွေ ရဲ့ လုပ်ရပ်လို့ မဆိုင်းမတွ သတင်းတိုင်းမှာ ဖေါ်ပြတယ်။ အဲဒီ အချိန်တုန်းက မီဒီယာတိုင်းမှာ မွတ်ဆလင်မ် အကြမ်းဖက်သမားတွေရဲ့ အိုကလာဟိုးမား ဗုန်းခွဲမှုကြီး ဆိုတာ ထိပ်တန်း ခေါင်းစည်းသတင်းပဲပေါ့။ တစ်ကယ်တမ်းလဲ ဗုန်းခွဲတဲ့ သူဆိုတာ အမေရိကန် စစ်သားဟောင်း ခရစ်ယာန်ဘာသာဝင် တစ်ယောက်ဆိုတာလဲ သိရရော။ အဲဒီသတင်းကိုကျတော့ အရေးမကြီး တဲ့ သတင်းတိုလေးအဖြစ်နဲ့ နောက်ကျောမှာ တာဝန်ကျေဖေါ်ပြ ယုံလေးလုပ်ကြတယ်။ ဒါပေမယ့် ခင်ဗျား စဉ်းစားကြည့်ပါ။ အဲဒီအချိန်မှာ အစ္ဓလာမ် တွေရဲ့ အကြမ်းဖက်မှုပါလို့ လူတော်တော်များများ က လက်ခံပြီးနေပြီ။ အစ္ဓလာမ် ကို အဆိုးမြင်နေခဲ့ကြပြီ။ ဒီလိုမျိုး ဖြစ်ရပ်တွေက ဒုနဲ့ဒေး ပဲ။ ကဲပါ ထားပါတော့ ကျွန်တော် တော်တော်ကြီးကို ရှည်ရှည်လျားလျား ရှင်းပြခဲ့ပြီး။ ခင်ဗျား အတိုင်းအတာ တစ်ခုအထိ သဘောပေါက်မယ်လို့ ကျွန်တော်ယုံကြည်တယ်။

ထိုပုဂ္ဂိုလ်။ ။ အေးပါ.. ညီလေးရာ။ အခုလို ရှင်းပြပေးတဲ့ အတွက် ကျေးဇူးတင်ပါတယ်။

ယနေ့

ယနေ့မနက် ကျွန်တော် အိပ်ယာထသည်။ မှန်ကိုကြည့်မိတော့..။ အား..လား…လား..။ ကျွန်တော့် မျက်နှာနဲ့ တစ်ကိုယ်လုံး တပါးသူတွေရဲ့ ဆင်ခြေမဲ့ အမုန်းတွေနဲ့ ပေကျံနေသည်ပဲ။ ရေပန်းနှင့် အားရပါးရ အမုန်းများကို ဆေးကျောပြီးတော့ ကျွန်တော် အတော် ပေါ့ပါးသွားသည်။ ဒီနေ့ မနက်ခင်းကို ကျွန်တော် ရင်ဆိုင် ရဦးမည်ပဲ။ ကိစ္ဓ မရှိပါ။ ကျွန်တော့်တွင် ဘာသာမတူသော်ငြား အတွေးအခေါ်ပွင့်လင်းသော သူငယ်ချင်း မိတ်ဆွေပေါင်း မြောက်များစွာ ရှိသည်ပဲ။ အမုန်းတရား ကင်းစင်သော အနာဂတ် တစ်ခု ဖန်တီး တည်ဆောက်နိုင်ရေး ကျွန်တော်ကော သူတို့ပါ ကိုယ်စီ စိတ်ထဲ ရှိနေကြသည်ပဲ။ ကျွန်တော် ယုံကြည်သည်။
အသားအရောင် ခြားနား သော်ငြား၊ ဘာသာ မတူသော်ငြား၊ ယဉ်ကြေးမှု ကွဲပြားသော်ငြား၊ ၀ိဝါဒ ထပ်တူမကျငြား၊ ချစ်ကြည်စွါ အတူရှင်တွဲ နေထိုင်သော လူ့ဘောင်လူ့အသိုင်းအ၀ိုင်း တစ်ခုကို ဘာကြောင့် ကျွန်တော်တို့ မထူထောင်နိုင်ကြမည်နည်း။ သေချာပါသည်။ ထိုလှပသော နေ့ရက်များဆီသို့ မကြာခင် ကျွန်တော်တို့ ရောက်ပေလိမ့်မည်။

(မှတ်ချက်။ ။ အတွေ့အကြုံ နှင့် ဖြစ်ရပ်များအပေါ် အခြေခံပြီး ဇာတ်လမ်းဆင် ရေးဖွဲ့ထားခြင်း ဖြစ်ပါသည်။ မည်သူ့ကိုမှ ထိခိုက်စော်ကား လိုစိတ် အလျင်းမရှိပါ။ ဘာသာပေါင်းစုံချစ်ကြည်ရေး ကိုရည်သန်လျက်)

October 30, 2012
ကျုပ်တိုင်းပြည် အတွက် ငိုရတယ် (ကဗျာ)

အောက်တိုဘာ၊ ၂၅၊ ၂၀၁၂
M-Media
ရေးသူ- ဇော်မင်းထွေး

မြေပေါ် နဲ့ မြေအောက်၊ သယံဇာတ ကွယ်ပျောက်ယုံမက
သဘာဝပါ ငါးပါးမှောက်တော့မယ်၊ ရောင်းလိုက်ပုံများ
မှောင်လိုက်တဲ့အနာဂတ် နောင်လာမယ့် မျိုးဆက်သစ်တွေအတွက်
သန်းခေါင်ထက်ညဉ့်နက် နေခဲ့ပြီ၊ အဆင်ခြင်မဲ့ အပြုအမှု
ရမ်းကားတဲ့ အလွဲသုံးစားမှုကြောင့်၊ ဂေဟနဲ့ သဘာဝ
အရည်ပျက်ကာ စတေးခဲ့ရပေါ့

ဦးဏှောက်ကို ပုံစံရိုက်သွင်းဖို့
တည်ဆောက်ခရဲ့တဲ့ ပညာရေးစံနစ်
စူးစမ်းတဲ့ဥာဏ်ရည် ကို ရိုက်ချိုး
အတွေးခေါ် တွေကို အဆိပ်ခတ်ခဲ့ပြီးမှ
ကျောင်းပြီးခဲ့ ငါတို့ဘ၀တွေ၊ ဦးဏှောက်တွေ ပုံယွင်းနေခဲ့ကြ
ဒါတင်မက၊ မျိုးဆက်တစ်ခုရဲ့ အနာဂတ်ကိုပါ ပုံဖျက်ခံခဲ့ရပြီ
နေရာတကာကြည့်စမ်း…လူငယ်တွေ၊ လူငယ်တွေ ၊ရည်မှန်းချက်မဲ့ လူငယ်တွေ
ဟော..ကြည့် ..တရားရေးမဏ္ဍိုင်တဲ့

ဘယ်သူ့ အတွက် အနိုင် ဆိုတာ ငါတို့ အသိပေပဲ
ငါတို့တွေ ခိုကိုးရာမဲ့ကြတော့၊ မျက်ရည်သာ ခမ်းခြောက်သွားကြတယ်
ဖိနှိပ်ခံလမ်းက လွတ်မြောက်ဖို့၊ အတွေးတွေတောင်
မရဲရင့်ကြတော့ပြီ ၊ ဒါလားကွဲ့ ဒီမိုကရေစီ

ချောက်ထဲရောက်၊ ကျန်းမာရေးစံနစ်ကြောင့်
ရှင်သန်ရေး မျှော်လင့်ချက်၊ ငွေမရှိရင်ကျိုးပျက်ကြရပေါ့
ချိနှဲ့တဲ့၊ စံနစ်အောက်မှာ၊ အသက်တွေက မြက်ခြောက်တွေအလား
မပွင့်လန်းခင်၊ ကြွေနွမ်းကြရပြီ

ငါကြားဖူးခဲ့ဇာတ်လမ်းတွေ
တစ်ချို့များ၊ သေသာသေခဲ့ရ
ကုသမှု၊ မခံယူဘူးကြ ပြီ ဆိုလေရဲ့

ခုဆိုရင်လေ
ဖိနှိပ်မှုတရားအောက် အတွေးအခေါ်တွေလဲ သဂြို င်္လ် ခံခဲ့ရဖူးပြီ
မှိုင်းတိုက်တဲ့ ၀ါဒအောက်၊ ဦးဏှောက်ထဲ ကျပ်ခိုးပြည့် ပျက်သုဉ်းလုခဲ့ပြီ
ခက်ခဲတဲ့ ရှင်သန်ရပ်တည်ရေးအောက်၊ ဘ၀ပေါင်းများစွာ မြေမြုပ်ခံခဲ့ရပြီးပြီ
ရက်စက်တဲ့ ချုပ်ချယ်မှုများအောက်၊ ပါးစပ်ပေါက်ဟဖို့ကို ငါတို့မေ့တတ်ခဲ့ကြဘူးပြီ
မှိုတက်ဆဲ စရိုက် ဆိုးတွေအောက်၊ ကိုယ်ကျင့်တရားတွေလဲ ပျောက်ရှခဲ့ကြဘူးပြီ

ဒါပေမယ့်လဲ
ကတိလာ၊ ဒီမိုကရေစီတရားမှာ၊ ငါတို့ပျော်ကြဖို့ အံခဲကြဘူးတယ်
အပြောင်းအလဲ ဆိုတဲ့မျှော်လင့်ချက်ထဲ၊ စီးမြောလို့ ပျော်ဝင်ယစ်မှုးခဲ့
တန်းတူအခွင့်အရေး ရွှေအိပ်မက်ထဲ၊ အနာဂတ်ကိုနှစ်သိမ့်ဖူးခဲ့တယ်

သို့သော်လဲပေါ့
ပစ္စုပ္ပန်၊ ငါလည်ပြန် ကြည့်မိတော့
အား..သွေးတွေ…သွေး…….တွေ
အမုန်းဓါးချက်တွေအောက်၊ ဘ၀တွေတုန်းနေခဲ့ကြပြီ

အမျိုးသားရေး ၊ အခြောက်အလှန့်မှာ
ကျီးလန့်စာ ငါတို့ စားနေခဲ့ရပြီ
ခြေမြစ်မဲ့၊ မုသာဝါဒီ သတင်းမုန်တိုင်းတွေအဝှေ့မှာ
တို့ အနာဂတ်တွေ၊ လုဝှက် ခံခဲ့ကြရပြီး

အကွက်ဆင် အဓိကရုဏ်း တချို့ကြောင့်
ငါတို့ချင်း ၊ယုံကြည်ချက်တွေ ပျက်သုဉ်းလု ရင်ဆိုင်နေရပြီ

အခုဆို
လက်ညိုးတွေက ပြောနေကြတယ်
ငါက၊ အရင်က ဖြစ်ခဲ့တဲ့ငါ မဟုတ်ဘူးတဲ့။
ငါမွေးတဲ့မြေမှာ၊ ငါနေထိုင်ခွင့်မရှိဘူးတဲ့။
ငါအသက်ပေးချစ်တဲ့ တိုင်းပြည်ဟာ ငါ့နေရာမဟုတ်ဘူးတဲ့
ရင်နာတယ်ကွာ………

အဲဒီလက်ညိုးတွေက ငါ့ရင်ကိုဖေါက်လို့ နှလုံးသားကိုဒဏ်ရာပေးကြတယ်
အဲဒီလက်ညိုးတွေမှာ ငါချစ်တဲ့ လူတစ်ချို့ရဲ့ အရိပ်တွေပေကျံနေတယ်

ခင်ဗျားတို့သိလား
အသုံးချခံရတိုင်း၊ အကွက်ကျကျ ၀င်ကစားပေးကြတဲ့
ငါတို့ပြည်သူတစ်ချို့အတွက်၊ ငါငိုနေရတယ်

နောက်ပြန်လှည့်မှာကို မြင်သာနေရတဲ့
လမ်းကြောင်းတစ်ချို့က၊ လှည့်ပြန်ပြေးနိုင်ဖို့၊ ငါငိုနေရတယ်

ပွင့်လန်းစ၊ ဒီမိုကရေစီပန်း
အဆိပ်ရည်အလောင်းခံနေရတာကို၊ လက်ပိုက်ကာသာ
ကြည့်နေနိုင်တဲ့၊ ငါ့မျက်လုံးတွေအတွက်၊ ငါငိုနေရတယ်

ဘယ်တော့ချိုးဖျက်ခံရမယ်မှန်း
မသိနိုင်တဲ့၊ ငါတို့အနာဂတ်တွေအတွက်
ရင်ဘတ်ပွင့်လုမတတ် ၊နာကျည်းစွာ ငါငိုနေရတယ်
အဆိုးဆုံးက…ဗျာ

မှုန်ဝါးပြီး ပျောက်ကွယ်လုမတတ်ဖြစ်နေတဲ့
ငါချစ်တဲ့ တိုင်းပြည်ရဲ့ အနာဂတ်အတွက်….
နိုင်ငံကြီးတွေရဲ့၊ စားသုံးခံဖြစ်လာရမယ့်လက်ကျန် သယံဇာတတွေအတွက်
နုံနဲဆဲငါတို့ ပြည်သူတွေရဲ့၊ နိုင်ငံရေးနဲ့ လူ့အခွင့်အရေး အသိတွေအတွက်

ငါ..ငို…နေ…ရ…တယ်။

October 25, 2012