ကိုင်ရို- မွတ်စလင်တွေနဲ့ အစ္စလာမ်ဘာသာတရားကို မီဒီယာတွေရဲ့ အပျက်သဘောဆောင်တဲ့ဖေါ်ပြချက်တွေက ကနေဒါနိုင်ငံသား ပါမောက္ခတစ်ယောက်ကို အစ္စလာမ်နှင့်ကုရ်အာန်ကျမ်းတော်မြတ်ကို လေ့လာရန် စေ့စော်ခဲ့ပြီး အစ္စလာမ်အယူဝါဒကို သက်ဝင်ယုံကြည်သူအဖြစ် ဦးတည်စေခဲ့သည်။
“ဆော်ဒီအာရေးဗီးယားကိုရောက်တော့မှ အနောက်တိုင်းမီဒီယာတွေဟာ အစ္စလာမ်ဘာသာတရားကို ပြင်းထန်ပြီး အကြမ်းဖက် အယူဝါဒအဖြစ် ဘယ်လောက်တောင် မှားယွင်းဖေါ်ပြနေတယ်ဆိုတာကို ကျွန်တော် သိလိုက်ရတယ်။” ဟု အဗ်ဒွလ်အဇစ် တက္ကသိုလ်ရဲ့ အင်္ဂလိပ်ဘာသာစကား ပါမောက္ခဖြစ်တဲ့ ကနေဒါနိုင်ငံသား ဒေးဗစ် ရိုင် ၀ိုးကီး က အာရပ်နယူး သတင်းစာကို မတ်လ ၃၀ ရက်နေ့က ပြောကြားခဲ့သည်။
“တကယ်တော့ အစ္စလာမ်ဘာသာဟာ ငြိမ်းချမ်းရေးနဲ့၊ ကမ္ဘာ့ညီရင်းအစ်ကို ၀ါဒဖြစ်ပါတယ်။”
ဝိုးကီ သည် ကမ္ဘာ့မွတ်စလင်လူငယ်များအစည်းအရုံး ရဲ့ ဌာနချုပ်မှာ ဗုဒ္ဓဟူးနေ့က ရှဟာဒတ်ပေးခဲ့ပြီး သူ၏အမည်ကိုလည်း ဒါဝူးဒ် အဖြစ် ပြောင်းလဲခဲ့သည်။
အစ္စလာမ် နှင့် ခရစ်ယာန် ဘာသာနှစ်ခုကို နိုင်းယှဉ်လေ့လာပြီးတဲ့နောက် အစ္စလာမ်ဘာသာသို့ပြောင်းရန် သူ့ကို ဦးတည်စေခဲ့သည်ဟု ဆိုသည်။
“ကျွန်တော် ဆော်ဒီကိုရောက်တဲ့အခါ အနောက်တိုင်းက မမှန်မကန် ပြောဆိုနေတာတွေနဲ့ စစ်မှန်တဲ့အစ္စလာမ် ဘာသာတရားဟာ အများကြီးကွဲပြားနေတယ်ဆိုတာကို သတိပြုမိခဲ့ပါတယ်။”
“ဒါကြောင့် ဒီအယူဝါဒကို စေ့စေ့ပေါက်ပေါက်လေ့လာဖို့ ကျွန်တော်ဆုံးဖြတ်ခဲ့တယ်။ အစ္စလာမ်နဲ့ ပက်သက်ပြီး အများကြီးလေ့လာပြီးတဲ့နောက်မှာတော့ ကြီးကျယ်မြင့်မြတ်တော်မူသော အလ္လာဟ်အရှင်မြတ်က ကျွန်တော့်ကို ဖြောင့်မတ်မှန်ကန်တဲ့လမ်းဆီ ညွှန်ပြခဲ့ပါတယ်။ ဒါကြောင့်လည်း အစ္စလာမ်ဘာသာကို လက်ခံဖို့ ဆုံးဖြတ်ခဲ့တာပါ။” ဟု သူကဆိုသည်။
အနောက်တိုင်းမီဒီယာများက မွတ်စလင်များကို ကြမ်းတမ်းသူများအဖြစ် မကြာခဏဖေါ်ပြကြလေသည်။
မီဒီယာတွေနဲ့ ရုပ်ရှင်ထုတ်လုပ်သူတွေဟာ မွတ်စလင်တွေကို ခက်ထန်သူ၊ အန္တရာယ်ရှိသူ၊ ခြိမ်းခြောက်က်တတ်သူများအဖြစ် ဖော်ပြကာ အစ္စလာမ်အပေါ် အခြေအမြစ်မရှိစွပ်စွဲမှုတွေ၊ မလိုမုန်းထားမှုတွေနဲ့ အစ္စလာမ်မိုဖိုးဘီးယား (အစ္စလာမ်ကိုကြောက်စိတ်) စတာတွေကို ဆက်လက်ပြန့်ပွားစေသည်ဟု ဗြိတိန် ၏ မကြာသေးခင်က လေ့လာထားချက်တွင် ဖေါ်ပြထားလေသည်။
အလ္လာဟ်အရှင်မြတ်နှင့် လူသား ဆက်သွယ်မှု။
သူ့ရဲ့ နက်နက်ရှိုင်းရှိုင်းလေ့လာမှုက အစ္စလာမ်ဘာသာကို လက်ခံရန် ဦးတည်စေခဲ့သည်ဟု သူက ဆိုသည်။
“ကျွန်တော့ရဲ့ မွတ်စလင်သူငယ်ချင်းတော်တော်များများက အစ္စလာမ်ကို လက်ခံဖို့ တိုက်တွန်းကြပါတယ်။”
“တခါကဆို ပီဇာအရောင်းစာရေးတယောက်က ကျွန်တော့ကို မကြာခင် မွတ်စလင်ဖြစ်လာဖို့ သူဆန္ဒရှိတယ်လို့ ဆိုတယ်ဗျ။” ဟု သူကပြောသည်။
အစ္စလာမ်ဆီ ပြန်လှည့်အပြီးမှာ အလ္လာအရှင်မြတ်နှင့်ဆက်သွယ်မှုကို ပိုပြီး ခိုင်မာချင်သည်ဟု ဆိုသည်။
“ဘာသာတရားဆိုတာ လူတွေဖန်တီးထားတဲ့ အဖွဲ့အစည်းဖြစ်ပြီး ယုံကြည်မှုဆိုတာကတော့ အလ္လာဟ်အရှင်မြတ်နဲ့ လူသားတွေရဲ့ ကြားထဲက ဆက်သွယ်မှုပဲ။”
“ကိုယ်တိုင် အလ္လာဟ်အရှင်မြတ်နဲ့ ဆက်သွယ်ပြီးပဲ ကျွန်တော့်ရဲ့အချိန်တွေကို ကုန်ဆုံးချင်ပါတယ်။ အခြားလူတွေရဲ့ဆက်သွယ်မှုနဲ့ ပက်သက်ပြီး ကျွန်တော် အလုပ်ရှုပ်မခံချင်ပါဘူး။” ဟု အာရပ်နယူး သို့ သူကဖွင့်ဟခဲ့သည်။
ဒါဝူးဒ်၏ အစ္စလာမ်ကို လက်ခံမှုသတင်းက ဆော်ဒီနိုင်ငံသားအမြောက်အများကို ပီတိဖြစ်စေခဲ့သည်။
“ထောင်ပေါင်းများစွာသော လူတွေဟာ အယူဝါဒအမျိုးမျိုးကို ယုံကြည်ကြတယ်ဗျ။ ဒါပေမယ့် ၀ိုးကီး လို ပညာတတ် အမျိုးသားတွေ၊ အမျိုးသမီးတွေကတော့ နှစ်စဉ်နှစ်တိုင်း အစ္စလာမ်ကို သက်ဝင်လာကြတာပဲ။”
“စာအုပ်ဆိုင်တိုင်းမှာ အင်္ဂလိပ်ဘာသာပြန် ကုရ်အာန်တွေ၊ အစ္စလာမ်နဲ့ ပါတ်သက်တဲ့ စာအုပ်စာတမ်းတွေ အများကြီးရှိနေတယ်။ ၀ိုးကီး လို ရိုးသားတဲ့လူတွေကို အစ္စလာမ်က ဘ၀င်ကျစေမှာ အသေအချာပါပဲ။” ဟု ကမ္ဘာ့မွတ်စလင်လူငယ်များအစည်းအရုံး၏ လက်ထောက် အတွင်းရေးမှူး ဒေါက်တာ မိုဟာမက် ဘာဒါဒါ က ပြောသည်။
ဘာသာပြန်-ဝေဇင်
