News @ M-Media

Author: editor

  • ပြည်ထောင်စု ရွေးကောက်ပွဲ ကော်မရှင် အမည်စာရင်း လွှတ်တော်မှာ တင်သွင်း

    ပြည်ထောင်စု ရွေးကောက်ပွဲ ကော်မရှင် အမည်စာရင်း လွှတ်တော်မှာ တင်သွင်း

    မတ် ၂၅ ၊ ၂၀၁၆
    M-Media
    သီဟ
    .List
    နိုင်ငံတော်သမ္မတအဖြစ် ရွေးချယ်ခံထားရသူ ဦးထင်ကျော် တင်သွင်းလာသည့် ပြည်ထောင်စုရွေးကောက်ပွဲကော်မရှင် အဖွဲ့ဝင်ဦးရေ၊  ဥက္ကဋ္ဌနှင့် အဖွဲ့ဝင်များ အမည်စာရင်းကို ပြည်ထောင်စု လွှတ်တော်နာယက မန်းဝင်းခိုင်သန်းက ဒီကနေ့ ပြည်ထောင်စု လွှတ်တော်မှာ ကြေညာခဲ့ပါတယ်။
    .
    ပြည်ထောင်စုရွေးကောက်ပွဲကော်မရှင် ကို အဖွဲ့ဝင် (၅) ဦးဖြင့် ဖွဲ့စည်းပြီး ဥက္ကဋ္ဌအဖြစ် ဦးလှသိန်း၊ အဖွဲ့ဝင်များ အဖြစ် ဦးအောင်မြင့်၊ ဦးစိုးရယ်၊ ဦးထွန်းခင်၊ ဦးလှတင့် တို့ဖြစ်ပါတယ်။
    .
    ကန့်ကွက်လိုသူများ အနေဖြင့် မတ်လ၂၈ရက်တွင် ကျင်းပမည့် ပြည်ထောင်စုလွှတ်တော်တွင် တင်ပြနိုင်ပြီး ကန့်ကွက်သူမရှိပါက  ပြည်ထောင်စု ရွေးကောက်ပွဲ ကော်မရှင် ကို လွှတ်တော်က အတည်ပြုမှာ ဖြစ်ပါတယ်။
    .
    သမ္မတ ဦးသိန်းစိန် လက်ထက် ရွေးကောက်ပွဲ ကော်မရှင်ဥက္ကဌမှာ ဦးတင်အေးဖြစ်ပြီး စုစုပေါင်း အဖွဲ့ဝင် (၈) ဦးပါဝင်ခဲ့ပါတယ်။ ယခု သမ္မတ ဦးထင်ကျော် မှ အဖွဲ့ဝင် (၅) ဦးထိ လျော့ချ ဖွဲ့စည်းခဲ့တာပဲဖြစ်ပါတယ်။

    ပြည်ထောင်စုရွေးကောက်ပွဲကော်မရှင်ကို နိုင်ငံတော် သမ္မတ က ရွေးချယ်ခန့်အပ်နိုင်ပြီး သက်တမ်းမှာ အစိုးရအဖွဲ့ သက်တမ်းအတိုင်း (၅) နှစ်ဖြစ်ကြောင်း ၂၀၀၈ ဖွဲ့စည်းပုံ အခြေခံ ဥပေဒမှာ ပြဌာန်းထားပါတယ်။

  • ရပ်ကွက် အုပ်ချုပ်ရေးမှူး  ရွေးချယ်ပြီးမှ ကွယ်လွန်ပြီးဖြစ်တဲ့ ဖခင်  နိုင်ငံသား (ပန်းရောင်) ကတ် မရှိ၍ ဖယ်ရှားခံရ

    ရပ်ကွက် အုပ်ချုပ်ရေးမှူး ရွေးချယ်ပြီးမှ ကွယ်လွန်ပြီးဖြစ်တဲ့ ဖခင် နိုင်ငံသား (ပန်းရောင်) ကတ် မရှိ၍ ဖယ်ရှားခံရ

    မတ် ၂၄၊ ၂၀၁၆
    M-Media
    သတင်း- မိုးစက်

    ရန်ကုန်။    ။ သင်္ဃန်းကျွန်းမြို့နယ် ခ ရပ်ကွက်တွင် အုပ်ချုပ်ရေးမှူးလောင်း ရွေးချယ်ခဲ့ရာ ယနေ့ကျင်းပသော ရွေးကောက်ပွဲတွင် အုပ်ချုပ်ရေးမှူးလောင်း ကိုမောင်မောင်စိုးအား ကွယ်လွန်သွားဖြစ်တဲ့ ဖခင် ဟာ နိုင်ငံသားစိစစ်ရေးကတ်ပြား (ပန်းရောင်ကတ်) မရှိသည့် အကြောင်းပြ ချက်ဖြင့် မြို့နယ်လူဝင်မှုကြိးကြပ်ရေး ဦးစီးမှုးမှ  နိုင်ငံသား မဟုတ်ဟု မှတ်ချက်ကြောင့် ပလပ်ခြင်း ခံခဲ့ရကြောင်း သိရပါတယ်။

    “ပထမတော့ ကိုမောင်မောင်စိုးက ရွေးထားတယ်။ ဒါပေမယ့် သူက အစ္စလာမ် ဘာသာဝင်ဖြစ်နေတဲ့ အတွက်ကြောင့် သူ့ကို မရ၊ ရတဲ့နည်းနဲ့ ကြံဖန်ပြီးတော့ သေဆုံးသွားပြီဖြစ်တဲ့ သူ့အဖေမှာ နိုင်ငံသားကတ် မရှိလို့ အုပ်ချုပ်ရေးမှူး တစ်ယောက်မှာ ရှိရမဲ့ အချက် (၁၁) ချက်နဲ့ မညီလို့ဆိုပြီး ထားခဲ့တာလို့တော့ ကျွန်တော်တို့ ရပ်ကွက်သားတွေ ထင်ပါတယ်” လို့ သင်္ဃန်းကျွန်းမြို့နယ် ခ ရပ်ကွက်မှ ရပ်ကွက်သားတစ်ဦးက M-Media ကိုပြောပါတယ်။

    ဖေဖော်ဝါရီလ ၁၄ ရက်နေ့တွင် ပြည်သူလူထုများရှေ့တွင် ပွင့်လင်းမြင်သာစွာဖြင့် အုပ်ချုပ်ရေးမှူးလောင်း နှစ်ဦးဖြစ်သည့် ဦးမောင်မောင်စိုးနှင့် ဦးမြင့်စိုးတို့ကို ရွေးချယ်ခဲ့ခြင်းဖြစ်သည်။ ယင်းတို့နှစ်ဦးထဲမှ တစ်ဦးကို ယနေ့မတ်လ ၂၄ ရက်နေ့တွင် အုပ်ချုပ်ရေးမှူးကို ရွေးချယ်ခဲ့ရာ ဦးမောင်မောင်စိုးကို ပလပ်ခဲ့ပြီး ၎င်းနေရာတွင် အခြားသူတစ်ဦးဖြင့် အစားထိုးခဲ့ခြင်း ဖြစ်ပါတယ်။

    ရပ်ကွက်သူ ရပ်ကွက်သားများမှလည်း ထိုဖြစ်ရပ်အား မှန်ကန်မှု ရှိစေရန်အတွက် ဖြစ်စဉ်များကို ရေးသားထားပြီး ရန်ကုန်တိုင်း ဝန်ကြီးချုပ်၊ ရန်ကုန်အရှေ့ပိုင်းခရိုင်တရားရုံး၊ မြို့နယ်အုပ်ချုပ်ရေး ဦးစီးဌာနရုံး၊ ရဲမှူးကြီး အစရှိသည့် သက်ဆိုင်ရာများကို တိုင်ကြားထားကြောင်း သိရပါတယ်။

    ဦးမောင်မောင်စိုး၏ ဖခင်ဦးကျော်သန်းသည် ၁၉၂၆ ခုနှစ် လွတ်လပ်ရေးမရသေးခင်အချိန်ကပင် တနင်္သာရီတိုင်း ထားဝယ်တွင် မွေးဖွားခဲ့သူဖြစ်ပြီး ဦးကျော်သန်းသည် ၁၉၅၈ ခုနှစ် ဖဆပလ ခေတ်တွင် နိုင်ငံတော်မှ နိုင်ငံသားဖြစ်သူတိုင်းအား တရားဝင် ထုတ်ပေးခဲ့သော ၃ ခေါက်ချိုး အစိမ်းရောင် နိုင်ငံသားကဒ်ပြားကိုရရှိထားသူဖြစ်ကြောင်း သိရပါတယ်။

    ၁၉၇၄ ခုနှစ် ဖွဲ့စည်းပုံအခြေခံဥပဒေကို နိုင်ငံသားဖြစ်သူတိုင်းအား မဲပေးခိုင်းသည့်အချိန်တွင်လည်း ဆန္ဒမဲပေးခဲ့သည့် နိုင်ငံသား တစ်ဦးဖြစ်ခဲ့ကြောင်း သိရပါတယ်။

    ၁၉၉၀ နိုင်ငံသားကဒ်လျောက်ထားရာတွင် ပန်းရောင်ကဒ် မရမီပင် ဦးကျော်သန်း ကွယ်လွန်သွားခဲ့သည် ထိုစိစစ်ရေးကဒ်မှာလည်း လဝက ၌ Register စာရင်းဝင်းထားပြီးဖြစ်ပြီး ကာယကံရှင် လာမထုတ်ခဲ့သဖြင့် နှစ်ချို့နေပြီဖြစ်၍ လဝက ရုံး၌ မှင်ပြာ သားထားကြောင်း သိရပါတယ်။

     

  • Malleefowl (သို့မဟုတ်) သာမိုမီတာငှက်

    Malleefowl (သို့မဟုတ်) သာမိုမီတာငှက်

    မတ် ၂၅ ၊ ၂၀၁၆
    M-Media
    အေးထွန်း ရှာဖွေတင်ဆက်သည်။

    09.Malleefowl

    ဩစတေးလျှက Malleefowl ငှက်အဖိုဟာ သူ့ရဲ့အသိုက်တောင်ပို့ကြီးကို အပူချိန်အမြဲတိုင်းတာ စစ်ဆေးနေတယ်။

    ဘာလို့လဲဆိုရင် သူ့ဇနီး ဥမဲ့ ဥတွေဟာ အပူချိန် ၃၃ ဒီဂရီ ဆဲလ်စီးရက်စ် မှာမှ ပေါက်ဖွားဖို့ အကောင်းဆုံးအခြေအနေရှိတယ်လေ။

    ဒီငှက်မဟာ တစ်ခြားငှက်တွေလို ဥတွေပေါ် တက်ထိုင်ဝပ်ပြီး ဖောက်တာမဟုတ်ဘူး။

    အသိုက်အပူချိန်ကိုသာ အသုံးပြုပြီး ဖောက်တာ။

    ဆိုတော့ ငှက်ဖိုဟာ ဥကျင်းအပူချိန် ၃၃ဒီဂရီဆဲလ်စီးရက် တစ်သမတ်တည်း ရှိမရှိ ကိုအမြဲစစ်ဆေးနေတယ်။

    ငှက်ဖိုရဲ့ လျှာနဲ့ နှုတ်သီးဟာ အပူချိန်တိုင်းကိရိယာတွေ (Thermometer) ပေါ့။

    ဥကျင်းမှာ အပူဓာတ်ရရှိအောင် ဘယ်လိုလုပ်ပါသလဲ၊

    ငှက်ဖိုဟာ ဥကျင်းထဲကို သစ်ရွက်တွေ၊ သစ်ခေါက်တွေ နဲ့ သစ်ကိုင်းစတွေကို ထည့်သွင်းလိုက်ပါတယ်။ ပြီးရင် အဲဒီအပေါ်ကနေ သဲမြေတွေနဲ့ အုပ်ထားလိုက်ပါတယ်။

    မိုးရွာတဲ့ အခါမှာ စွတ်စိုလာတဲ့ ဒီသစ်ရွက်၊သစ်ခေါက်၊ သစ်ကိုင်းစတွေဟာ ဘက်တီးရီးယားတွေကြောင့် တစ်ဖြည်းဖြည်း ဆွေးမြေ့ပြိုကွဲ (Decompose) သွားပါတယ်။ ဒီဖြစ်စဉ်ဟာ အပူဓာတ်ကို ထုတ်လွှတ်ပါတယ်။

    အပူချိန်ဟာ ၃၃ဒီဂရီဆဲလ်စီးရက်စ်ကို ရောက်ပြီဆိုမှ ငှက်မဟာ ဥကျင်းထဲ ဥဥချပါတယ်။

    ငှက်ဖိုဟာ တောက်လျှောက်အပူချိန်ကို စစ်ဆေးနေပါတယ်။

    တကယ်လို့များ ဥကျင်းထဲက သစ်ရွက်၊သစ်ခေါက်၊ သစ်ကိုင်းစတွေရဲ့ ပုတ်သိုးပျက်ဆီးမူနှုန်းဟာ အရမ်းမြန်ပြီး အပူချိန်ဟာ ၃၃ဒီဂရီဆဲလ်စီးရက်အထက်ကို ရောက်ခဲ့မယ်ဆိုတာနဲ့ ငှက်ဖိုဟာ ဖုံးအုပ်ထားတဲ့ သဲမြေတွေကို ဖယ်ထုတ်လိုက်ပြီး ပိုလျှံနေတဲ့ အပူဓာတ်တွေ အပြင်ကို လွတ်ထွက်သွားအောင် လုပ်လိုက်ပါတယ် ။

    တကယ်လို့များ အပူဓာတ်လွန်ကဲမူဟာ သစ်ရွက်စတာတွေရဲ့ ပုတ်သိုးပျက်ဆီးမူ အမြန်နှုန်းကြောင့် မဟုတ်ပဲ၊ ပြင်းထန်တဲ့ နေအပူချိန်ကြောင့်ဆိုရင် ငှက်ဖိုဟာ ဒီနေအပူကို ကာကွယ်ဖို့ အသိုက်ကို သဲမြေတစ်ထပ် ထပ်မံအုပ်လိုက်ပါတယ်။

    ပြောင်းပြန်ဖြစ်စဉ်အနေနဲ့ တကယ်လို့များ အပူချိန်ဟာ ၃၃ဒီဂရီဆဲလ်စီးရက်အောက် ကျဆင်းနေပြီဆိုရင်တော့ ငှက်ဖိုဟာ ဥကျွင်းထဲကို နေရဲ့အပူဓာတ်တွေဝင်လာနိုင်အောင် သဲမြေတွေကို ဖယ်ရှားပစ်ပါတယ်။

    (Nest Kept Warm: Mallee fowl , AskNature.org)
    (International Wildlife Encyclopedia: Leopard -marten By Maurice Burton and Robert Burton , Pg . 1528)
    (The Atlas of Endangered Animals: Wildlife Under Threat Around the World By Paula Hammond , Pg. 108-109)

    ဒီငှက်တွေအကြောင်း ဖတ်အပြီးမှာ ကျွန်တော့်ကိုယ် ကျွန်တော် အောက်ပါမေးခွန်းတွေ မေးနေမိပါတယ်။

    ၁) ဒီငှက်တွေဟာ သူတို့ဥတွေပေါက်ဖွားဖို့အတွက် ဥကျင်းမှာ အပူချိန် ၃၃ဒီဂရီဆဲလ်စီးရက်စ်ကို ထိန်းသိမ်းထားရမယ်လို့ ဘယ်လိုများသိနေပါသလဲ၊

    ၂) သစ်ရွက်၊သစ်ခေါက်တွေ ဆွေးမြေ့ပျက်ဆီးမူဟာ ဥကျင်းအတွင်း အပူဓာတ်ကို ဖြစ်တည်စေမယ်ဆိုတာ သူတို့ဘယ်လိုသိနေကြပါသလဲ

    ၃) တကယ်လို့ အပူဓာတ် လွန်ကဲလာပြီဆိုရင် ဒါဟာ သစ်ရွက်၊သစ်ခေါက်တွေ ရဲ့ မြန်ဆန်သော ဆွေးမြေ့မူကြောင့်လား ၊ ဒါမှမဟုတ် နေအပူရှိန်ကြောင့်လား ဆိုတာ ဘယ်လိုခွဲခြားနိုင်ပါသလဲ

    ၄) ပြီးတော့ ငှက်ဖိုရဲ့ လျှာနဲ့နှုတ်သီးမှာ ဘယ်လိုများ အပူချိန်တိုင်း ကိရိယာ သာမိုမီတာ ပါဝင်နေရတာလဲ ?????

  • အခြေခံ ဥပဒေခုံရုံး အဖွဲ့ဝင်  (၉) ဦးက ဘယ်သူတွေလဲ ?

    အခြေခံ ဥပဒေခုံရုံး အဖွဲ့ဝင် (၉) ဦးက ဘယ်သူတွေလဲ ?

    မတ် ၂၄ ၊ ၂၀၁၆
    M-Media
    သီဟ
    .Office
    သမ္မတ အဖြစ် ရွေးချယ်တင်မြှောက်ခံထားရတဲ့ ဦးထင်ကျော် ဒီကနေ့ တင်သွင်းသော နိုင်ငံတော် ဖွဲ့စည်းပုံ အခြေခံဥပဒေဆိုင်ရာ ခုံရုံး ဥက္ကဋ္ဌ နှင့် အဖွဲ့ဝင်(၈)ဦးအမည်စာရင်းကို ပြည်ထောင်စုလွှတ်တော် နာယက မန်းဝင်းခိုင်သန်းက လွှတ်တော်မှာ ကြေညာခဲ့ပါတယ်။
    .
    အဆိုပါ အဖွဲ့ဝင်(၉) ဦးပါ အဖွဲ့ကို ၂၀၀၈ ဖွဲ့စည်းပုံအခြေခံဥပဒေပါ ပြဌာန်းချက်အရ
    .
    သမ္မတ က ရွေးချယ်တဲ့ (၃)ဦး
    .
    ၁။ ဦးညီညီ
    ၂။ ဦးမြင့်ဝင်း
    ၃။ ဦးမျိုးမြင့်
    .
    ပြည်သူ့ လွှတ်တော် ဥက္ကဋ္ဌက  ရွေးချယ်တဲ့ (၃)ဦး
    .
    ၄။ ဦးမျိုးညွှန့်
    ၅။ ဦးခင်မောင်ချို
    ၆။ ဒေါ်ခင်ဌေးကြွယ်
    .
    အမျိုးသား လွှတ်တော် ဥက္ကဋ္ဌ က  ရွေးချယ်တဲ့ (၃) ဦး
    .
    ၇။ ဦးတွာလ်ကျင်ပေါင်
    ၈။ ဒေါ်လှမျိုးနွယ်
    ၉။ ဦးကျော်ဆန်း တို့ ကို
    ရွေးချယ်ပြီး  သမ္မတက အမည်စာရင်းကို ပြည်ထောင်စုလွှတ်တော်ကို တင်သွင်းခဲ့တာပါ။
    .
    အဆိုပါ(၉) ဦးအနက် ပြည်သူလွှတ်တော် ဥက္ကဋ္ဌ ရွေးချယ်ပေးတဲ့ (၃) ဦးအနက်မှ  ဦးမျိုးညွန့် ကို ခုံရုံးအဖွဲ့ဥက္ကဋ္ဌအဖြစ် အမည်စာရင်းမှာ ဖော်ပြထားပါတယ်။
    .
    အဖွဲ့ဝင် (၉) ဦးမှာ အာဏာရ NLD ပါတီ မှ ၂ ဦးသာပါဝင်ပြီး ကျန် (၇) ဦးအနက် ဦးမြင့်ဝင်းနဲ့ ဒေါ်လှမျိုးနွယ်မှာ ယခင် ခုံရုံးအဖွဲ့ဝင်များ ဖြစ်ပြီး ပြန်လည်ရွေးချယ်ခံရကြောင်း သိရပါတယ်။
    .
    ဒီကနေ့ တင်သွင်းလိုက်တဲ့ ခုံရုံးအဖွဲ့ဝင် (၉) ဦးကို အတည်ပြုဖို့  ၂၈.၃.၂၀၁၆ နေ့မှာ ကျင်းပပြုလုပ်မယ့် ပြည်ထောင်စု လွှတ်တော်အစည်းအဝေးတွင် အဆုံးအဖြတ်ခံယူမှာဖြစ်ပါတယ်။
    .
    ဖွဲ့စည်းပုံ ခုံရုံးဟာ  ဖွဲ့စည်းပုံအခြေခံဥပဒေပါပြဋ္ဌာန်းချက်များကို အနက်ဖွင့်ဆိုခြင်း၊ လွှတ်တော်အသီးသီးက ပြဋ္ဌာန်းတဲ့ ဥပဒေများဟာ ဖွဲ့စည်းပုံအခြေခံဥပဒေနဲ့ ညီညွတ်ခြင်း ရှိ မရှိ စိစစ်ခြင်း စတဲ့ တာဝန်များကို လုပ်ဆောင်ဖို့  အဓိကတာဝန်ဖြစ်တယ်လို့ ၂၀၀၈ ဖွဲ့စည်းပုံအခြေခံဥပဒေမှာ ရေးသား ထားပါတယ်။

    U Myo Nyunt U Nyi Nyi U Myint Win U Myo Myint U Khin Maung Cho Daw Khin Htay Kwel U Twal Kyint Paung Daw Hla Myo Nwe U Kyaw San

  • “ပြည်ထဲရေး ဝန်ကြီး အပြောင်းအလဲ၊ တိုင်းပြည် ကောင်းလာမှာလား”

    “ပြည်ထဲရေး ဝန်ကြီး အပြောင်းအလဲ၊ တိုင်းပြည် ကောင်းလာမှာလား”

    စည်သူအောင်မြင့်ရေးသည်။
    .Lieutenant General Ko Ko 2
    ပြည်ထောင်စု လွှတ်တော် အမတ်တွေက ရွေးချယ်တင်မြှောက်လိုက်တဲ့ နိုင်ငံတော်သမ္မတ ဦးထင်ကျော်က သူ့ရဲ့ အစိုးရအဖွဲ့သစ် နာမည်စာရင်း တင်သွင်းတဲ့အခါ တပ်မတော်ကာကွယ်ရေး ဦးစီးချုပ်က အဆိုပြုတဲ့ ကာကွယ်ရေး၊ ပြည်ထဲရေးနဲ့ နယ်စပ်ရေး ဝန်ကြီးနာမည်တွေလည်း ပြောင်းလဲ သွားတာ တွေ့ရပါတယ်။ ဒီအထဲမှာ တိုင်းပြည်အတွက် အရေးပါမယ့် ကိစ္စတစ်ခုကတော့ ပြည်ထဲရေး ဝန်ကြီး ပြောင်းလဲသွားခြင်းပါ။ သမ္မတဦးသိန်းစိန် အစိုးရလက်ထက်က ၅ နှစ်တာ တာဝန်ယူခဲ့တဲ့ ဒုတိယဗိုလ်ချုပ်ကြီး ကိုကိုနေရာမှာ ဒုဗိုလ်ချုပ်ကြီး ကျော်ဆွေ ပြည်ထဲရေးဝန်ကြီး ဖြစ်လာမှာပါ။ ပြောရ ရင် သမ္မတဦးသိန်းစိန် အစိုးရလက်ထက် ပြည်ထဲရေးဝန်ကြီးဌာနဟာ နာမည်ဆိုးနဲ့ ကျော်ကြားတဲ့ ဝန်ကြီးဌာန တစ်ခုဖြစ်ခဲ့ပါတယ်။ အခု ဝန်ကြီး အပြောင်းအလဲအောက်မှာ တိုင်းပြည်တွက် ဘာကောင်း ကျိုးတွေ ဖြစ်စေနိုင်သလဲဆိုတာ ဆွေးနွေး တင်ပြသွားပါ့မယ်။
    .
    ဒီအတွက် ပြီးခဲ့တဲ့ ၅ နှစ်တာကာလအတွင်း ပြည်ထဲရေးဝန်ကြီးဌာနရဲ့ ဆောင်ရွက်ချက်တွေ၊ ပြည်ထဲရေး ဝန်ကြီးဌာနကြောင့် ဖြစ်ခဲ့ တဲ့ ကောင်းကျိုး ဆိုးပစ်တွေကို အရင် ပြောရမှာ ဖြစ်ပါတယ်။ အရေးကြီးဆုံး ဖြစ်ပျက်ခဲ့တဲ့ ပြဿနာကတော့ ရခိုင်ပြည်နယ်က စလိုက်တဲ့ လူမျိုးရေး၊ ဘာသာရေး ဆန်တဲ့ အကြမ်းဖက်မှုတွေ မြန်မာနိုင်ငံရဲ့ အဓိက မြို့ကြီးတွေကို ကူးစက်သွားခဲ့တဲ့ ကိစ္စပါ။ အခုလို ဘာသာ၊ လူမျိုး ကွဲပြားရုံနဲ့ အမုန်းတရားတွေဖြစ်၊ အဲဒီကတဆင့် အကြမ်းဖက်မှုတွေဖြစ်၊ လူတွေသေ ကြေ၊ ဒါဏ်ရာရ၊ နေအိမ်တွေ မီးလောင်၊ ဒုက္ခသည်ဘဝ ရောက်ကြရ စတဲ့ ပြဿနာတွေဟာ သမ္မတ ဦးသိန်းစိန် အစိုးရအတွက် ရုပ်ဆိုး အကျည်းတန်ဆုံး ပြဿနာကြီးတစ်ခုအဖြစ် မှတ်တမ်းဝင် ကျန်ရစ် ပါတယ်။ ဒီ ပြဿနာ ဖြစ်ပွားမှုတွေကို ပြန်ကြည့်ရင် ပထမအဆင့် အမုန်းတရား ဖြန့်ဖြူးမှု၊ ဒုတိယ တဆင့် အကြမ်းဖက်ဖို့ လှုံ့ဆော်မှု၊ တတိယအဆင့် တကယ့်အကြမ်းဖက်မှု စတဲ့ အဆင့်သုံးဆင့် တွေ့မြင်ရမယ် ဖြစ်ပါတယ်။ တကယ်တော့ ဒီအဆင့်သုံးဆင့်စလုံးကို ကာကွယ်ဖို့၊ တားဆီးဖို့၊ အရေး ယူဖို့ အားလုံး ပြည်ထဲရေးဝန်ကြီးဌာနမှာ အဓိက တာဝန်ရှိပါတယ်။ ဒါပေမယ့် ဒီကာလ တလျောက်လုံး ပြည်ထဲရေးဝန်ကြီးဌာန အဲဒီတာဝန် လုံးဝ မကျေပွန်ခဲ့ပါဘူး။ အမုန်းတရား ဖြန့်ဖြူးနေသူတွေကို၊ အကြမ်းဖက်ဖို့ ပြောင်ပြောင်တင်းတင်း လှုံ့ဆော်ခဲ့သူတွေကို ပြည်ထဲရေး ဝန်ကြီးဌာန တာဝန်ရှိသူတွေ လက်ပိုက်ကြည့်နေခဲ့ပါတယ်။ လျစ်လျူရှုခဲ့ပါတယ်။ တကယ့် အကြမ်းဖက်မှုတွေကို အရေးယူတဲ့ အခါမှာလည်း နှောင့်နှေးတာ၊ တကယ် ကျူးလွန်သူတွေကို ဥပဒေအရ ထိထိရောက်ရောက် အရေးယူ နိုင်ခြင်း မရှိတာ၊ အရေးယူတော့လည်း မျှတမှုမရှိတာ စတဲ့ ပြဿနာတွေ အများကြီး ရှိခဲ့ပါတယ်။ ဒီလို နည်းနဲ့ ဘာသာရေး လူမျိုးရေး အမုန်းပွားမှု ပြဿနာကြီး ဒီကနေ့ထက်ထိတိုင် ရှိနေဆဲဖြစ်ပြီး ဒီကိစ္စ အတွက် တာဝန်အရှိဆုံးသူဟာလည်း ပြည်ထဲရေးဝန်ကြီး ဒုဗိုလ်ချုပ်ကြီး ကိုကိုလို့ သတ်မှတ်နိုင်ပါ တယ်။
    .
    နောက်ပြဿနာကြီးတစ်ခုက ကျောင်းသားတွေ၊ ဆန္ဒပြတဲ့ တက်ကြွလှုပ်ရှားသူတွေကို ကိုင်တွယ်မှုပါ။ အားလုံးသိကြပြီဖြစ်တဲ့အတိုင်း ရန်ကုန်မှာ လက်ပတ်နီတွေသုံးပြီး ဆန္ဒပြသူတွေကို အကြမ်းဖက် နှိမ်နင်းစေတဲ့ကိစ္စလည်း ပြည်ထဲရေးမှာပဲ အဓိက တာဝန်ရှိပါတယ်။ လွန်ခဲ့တဲ့ တစ်နှစ်က ဖြစ်ပွားခဲ့ပြီး ဒီကနေ့အချိန်ထိ မပြီးပြတ်နိုင်သေးတဲ့ ဆန္ဒပြ ကျောင်းသားတွေကို လက်ပံတန်းမှာ အကြမ်းဖက်၊ ရိုက်နှက် ဖြိုခွင်းခဲ့တဲ့ ကိစ္စမှာလည်း ပြည်ထဲရေး လက်အောက် ရဲတပ်ဖွဲ့ရဲ့ ကိုင်တွယ် ဆောင်ရွက်ပုံဟာ အရုပ်ဆိုး အကျည်းတန်ခဲ့ပါတယ်။ ခြုံပြီးပြောရရင် သမ္မတဦးသိန်းစိန် လက်ထက် ဒုဗိုလ်ချုပ်ကြီးကိုကို ပြည်ထဲရေးဝန်ကြီးဌာနကို ကိုင်တွယ်ခဲ့သမျှဟာ အရင် စစ်အာဏာရှင်ခေတ်ကနဲ့ မခြား ဖြစ်ခဲ့တာပါ။ အရင် စစ်အာဏာရှင်ခတ်ကနဲ့ ပိုဆိုးတဲ့ လူမျိုးရေး၊ ဘာသာရေးဆန်တဲ့ အကြမ်း ဖက်မှုတွေတောင် ဖြစ်ခဲ့ပါသေးတယ်။
    .
    ဒုဗိုလ်ချုပ်ကြီးကိုကို ပြည်ထဲရေး ဝန်ကြီးဖြစ်ပြီးနောက် အခုလို ကိုင်တွယ်ခဲ့တာတွေနဲ့ ပတ်သက်ပြီး သမ္မတ ဦးသိန်းစိန်အစိုးရ အဖွဲ့ဝင်တွေထဲက ပြုပြင်ပြောင်းလဲရေး သမားတွေကတော့ လုံးဝ မကြိုက်ကြပါဘူး။ သမ္မတရုံးဝန်ကြီး ဦးအောင်မင်းကဆိုရင် တိုင်းပြည် ငြိမ်းချမ်းရေးရအောင် ကြိုးစားရင်း ပြည်သူတွေရဲ့ ထောက်ခံမှု သူတို့ တစ်မှတ်၊ တစ်မှတ်ရအောင် မနည်းကြိုးစားထားခဲ့ရ တာ၊ ဗိုလ်ချုပ်ကိုကိုက တစ်မနက်တည်းနဲ့ ဖြုန်းတီးပစ်တယ် ဆိုသည်အထိ ပြောဆိုဖူးပါတယ်။ သြဇာ ကြီးတဲ့ သမ္မတရုံးဝန်ကြီး ဦးစိုးသိန်းကလည်း ခေတ်သစ်မှာ ဗိုလ်ချုပ်ကိုကိုဟာ ဟိုးလွန်ခဲ့တဲ့ နှစ်ပေါင်း ၅၀-၆၀ လောက်က အတွေးအခေါ်တွေနဲ့ ပြည်ထဲရေးကို ကိုင်တွယ်ခဲ့တယ်ဆိုပြီး ဝေဖန်ပါတယ်။ သမ္မ တဦးသိန်းစိန် လက်ထက် ဖြေလျော့မှုတွေ လုပ်လာချိန်ကစ နိုင်ငံရေးအကျဉ်းသားများ စိစစ်ရေး အဖွဲ့ဆိုတာမှာ ဝန်ကြီးဦးစိုးသိန်း တာဝန်ယူခဲ့ပါတယ်။ သူတာဝန်ယူခဲ့ချိန် နိုင်ငံရေး အကျဉ်းသား အားလုံးနီးပါးလောက် လွတ်ငြိမ်းခွင့်ပေးနိုင်အောင် ဆောင်ရွက်ခဲ့ပါတယ်။ နောက်ပိုင်း အဲဒီ အဖွဲ့ရဲ့ ဥက္ကဋ္ဌအဖြစ် ဗိုလ်ချုပ်ကိုကို ကို တာဝန်ပေးပြီးနောက်ပိုင်း နိုင်ငံရေး အကျဉ်းသား တစ်ယောက်တစ် လေကိုမှ ပြန်လွှတ်မပေးတော့တာ ဒီနေ့ အချိန်ထိပါပဲ။
    .
    တကယ်တော့ ဗိုလ်ချုပ်မှူးကြီးသန်းရွှေရဲ့ ပေးကမ်းမှုကြောင့် ၂၀၁၀ မှာ သမ္မတ ဖြစ်လာတဲ့ ဦးသိန်းစိန်ဟာ သူ့အစိုးရအဖွဲ့ဝင်တွေကိုရော၊ တပ်မတော်က ခန့်တယ်ဆိုတဲ့ စစ်ဗိုလ်ချုပ်ဝန်ကြီးတွေ ကိုပါ ကောင်းကောင်း ထိန်းချုပ်နိုင်တာမျိုးတော့ မဟုတ်ပါဘူး။ အားလုံးကို ဗိုလ်ချုပ်မှူးကြီး သန်းရွှေက နေရချထားပေးသွားတာမို့ ဖြုတ်လို့လဲမရ၊ အနားပေးလို့လည်း မဖြစ်၊ ညှိညှိနှိုင်းနှိုင်း ဆောင်ရွက်ခဲ့ရ တာပါ။ ၂၀၁၁ အကူးအပြောင်းမှာ ဗိုလ်ချုပ်မှူးကြီး သန်းရွှေနဲ့ ဒုချုပ်ဗိုလ်ချုပ်မှူးကြီး မောင်အေးတို့ရဲ့ နေရာချထားမှုကို မကျေနပ်တဲ့ ထိပ်ပိုင်း စစ်ခေါင်းဆောင်တွေ ရှိခဲ့ကြပါတယ်။ အဲဒီအချိန်က နံပတ် ၃ ဖြစ်တဲ့ ဗိုလ်ချုပ်ကြီး သူရရွှေမန်း၊ သူ့အောက်က ဒုဗိုလ်ချုပ်ကြီး မြင့်အောင်နဲ့ ဒုဗိုလ်ချုပ်ကြီး ကိုကိုတို့ပါ။ ဒုဗိုလ်ချုပ်ကြီး မြင့်အောင်ကတော့ သူ့ကို နေရာချထားပေးမှု မကျေနပ်တော့ ပျောက်ခြင်းမလှ ပျောက်သွား ခဲ့ပါတယ်။ ဗိုလ်ချုပ်ကြီး သူရရွှေမန်းကလည်း လွှတ်တော်ဥက္ကဋ္ဌလုပ်ရင်း သမ္မတ ဦးသိန်းစိန်ဆီကနေ ပြည်ခိုင်ဖြိုးပါတီကို စည်းရုံး လုယူပါတယ်။ ဒုဗိုလ်ချုပ်ကြီး ကိုကိုကတော့ ဦးသိန်း စိန် အဖွဲ့ရဲ့ ပြုပြင်ပြောင်းလဲရေးကို နာမည်ပျက်အောင် ဘာသာရေး လူမျိုးရေးဆန်တဲ့ အကြမ်းဖက် မှုတွေကို လျစ်လျူရှုခဲ့လေသလား၊ ကျောင်းသားတွေကို အကြမ်းပတမ်း အကြမ်းဖက်ခဲ့လေသလား သံသယ ပွားစရာ ရှိနေပါတယ်။
    .
    အခု ပြည်ထဲရေးကို တာဝန်ယူမယ့် ဒုဗိုလ်ချုပ်ကြီး ကျော်ဆွေကတော့ သူ့အရင် ဝန်ကြီး ဒုဗိုလ်ချုပ်ကြီးကိုကိုနဲ့ ခြားနားမှာကတော့ အသေအခြာပါပဲ။ ခေတ်သစ်မှာ ပြည်ထဲရေးဝန်ကြီး ဌာနကို ခေတ်နဲ့လျော်ညီစွာ ကိုင်တွယ်နိုင်မယ့်သူ ဖြစ်နိုင်တယ်လို့ ယုံကြည် မျှော်လင့်ရပါတယ်။
    .
    မဇ္ဈိမ သတင်းဌာနတွင်ဖော်ပြထားသည့် ဆောင်းပါးဖြစ်ပါသည်။

    – See more at: http://mizzimaburmese.com/article/12701