Author: M-Media

ရိုဟင်ဂျာအရေး သမ္မတဦးသိန်းစိန် အဆိုပြုချက် UNHCR အကြီးအကဲလက်မခံ

ဇူလိုင် ၁၂ ရက်၊ ၂၀၁၂
source: http://www.kansascity.com/2012/07/12/3702082/un-refugee-chief-rejects-call.html

ကုလသမဂ္ဂ၏ ဒုက္ခသည်များဆိုင်ရာမဟာမင်းကြီးက မြန်မာသမ္မတ ဦးသိန်းစိန် အကြံပြုတင်ပြသော အရှေ့တောင်အာရှနိုင်ငံများတွင် အခြေစိုက်သည့် ရိုဟင်ဂျာများကို တတိယနိုင်ငံများတွင် နေရာချထားရေး နှင့် အခြားစောင့်ရှောက်ကူညီမှုများ ပြုလုပ်ရန်ဆိုသည့်အချက်ကို ငြင်းဆန်ပယ်ချလိုက်ကြောင်း အေပီသတင်းက ဖော်ပြသည်။

၂၀၁၂ ခုနှစ် ဇူလိုင်လ ၁၂ ရက်က သမ္မတ ဦးသိန်းစိန် ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး အကြီးအကဲ Antonio Guterres နှင့် တွေ့ဆုံဆွေးနွေးနေစဉ်။
Photo: Myanmar President Office website

ကုလသမဂ္ဂ၏ ဒုက္ခသည်များဆိုင်ရာ မဟာမင်းကြီးက ရိုဟင်ဂျာများ ပြန်လည်နေရာချထားရေး အစီအစဉ်မှာ မိမိတို့အေဂျင်စီ၏ ကိစ္စမဟုတ်ကြောင်း သတင်းထောက်များကို ပြောကြားသည်။ ရိုဟင်ဂျာများသည် မြန်မာနိုင်ငံ အနောက်ပိုင်းတွင် နေထိုင်သူများဖြစ်ကြပြီး မြန်မာနိုင်ငံသားဖြစ်ခွင့် ငြင်းပယ်ခံရသူများဖြစ်ကြသည်။

သမ္မတဦးသိန်းစိန်က ရိုဟင်ဂျာပြဿနာအတွက် အဖြေမှာ ၄င်းတို့ကို အခြားနိုင်ငံတစ်နိုင်ငံသို့ ပို့ဆောင်ပစ်လိုက်ရန် သို့မဟုတ် UNHCR မှ ကူညီစောက်ရှောင့်ရန်ဖြစ်ကြောင်း ၄င်း၏ကိုယ်ပိုင် ၀က်ဘ်ဆိုဒ်တွင် ဗုဒ္ဓဟူးနေ့က မစ္စတာ အန်တိုနီယို ဂူတာရက်စ်နှင့်တွေ့ဆုံစဉ်ပြောကြားခဲ့ကြောင်း ဖော်ပြထားသည်။

ပြီးခဲ့သည့်လအတွင်း ဖြစ်ပွားခဲ့သည့် ဗုဒ္ဓဘာသာဝင်ရခိုင်များနှင့် မွတ်စလင်မ်ရိုဟင်ဂျာတို့အကြား ပဋိပက္ခကြောင့် လူပေါင်းအနည်းဆုံး ၇၈ ဦးသေဆုံးရပြီး လူထောင်ပေါင်းများစွာ အိုးမဲ့အိမ်မဲ့ ဖြစ်ခဲ့ရသည်။ ရခိုင်များက ရိုဟင်ဂျာများကို နယ်စပ်ဘင်္ဂလားဒေ့ရ်ှမှ တရားမ၀င်ကျူးကျော်လာသူများဟု သတ်မှတ်ကြသည်။

သမ္မတဦးသိန်းစိန်ကမူ ထိုသည့်ပဋိပက္ခများအား ရည်ညွှန်း၍ မိမိတို့အစိုးရ၏ ဆယ်စုနှစ်ပေါင်းများစွာသော စစ်အုပ်ချူပ်ရေးအပြီး လုပ်ဆောင်နေသည့် ဒီမိုကရေစီနှင့် စီးပွားရေးအသွင်ပြောင်းမှုများ ကို ခြိမ်းခြောက်မှုများပင်ဖြစ်ကြောင်း ဖော်ပြခဲ့သည်။

“UNHCR က လုပ်ပေးတဲ့ ပြန်လည်အခြေချနေထိုင်နိုင်ရေး အစီအစဉ်ဆိုတာမျိုးက တနိုင်ငံကနေ အခြားတနိုင်ငံကို ထွက်ပြေးတိမ်းရှောင်နေရတဲ့ ဒုက္ခသည်တွေအတွက်ဖြစ်ပါတယ်။ အဲဒီလို အခြေအနေမျိုးအတွက်ပဲ ကျွန်တော်တို့ ဆောင်ရွက်ပေးတာပါ။ (ဒီမြန်မာပြည်က ရိုဟင်ဂျာကိစ္စကတော့) ဒါမျိုးအခြေနဲ့ ဆက်နွယ်နေတာမဟုတ်ဘူးဆိုတာ ထင်ရှားနေတာပဲ။” ဟု အန်တိုနီယို ဂူတာရက်စ် က ပြောကြားသည်။

ဦးသိန်းစိန်၏ အန်တိုနီယို ဂူတာရက်စ်ကို အကြံပြုရာ၌ သူ့အနေဖြင့် ရိုဟင်ဂျာဒုက္ခသည် မည်မျှရှိကြောင်း စိတ်ထဲ (မမှတ်မိ၍) ရှင်းရှင်းလင်းလင်းမသိကြောင်း ပြောဆိုခဲ့သည်။ ကုလသမဂ္ဂကမူ မြန်မာပြည်တွင် ရိုဟင်ဂျာဒုက္ခသည်ပေါင်း ၈ သိန်းခန့်ရှိကြောင်း ခန့်မှန်းသည်။ ထိုသည့်တွက်ချက်မှုတွင် လွန်ခဲ့သည် ရာစုနှစ်များအလျင်ကတည်းက အခြေချနေထိုင်နေသည့် ဘင်္ဂါလီအနွယ်များပါ ပါဝင်သည်။ ထို့အတူ လွန်ခဲ့သည့် ဆယ်စုနှစ်များအတွင်း မြန်မာပြည်သို့ ၀င်ရောက်လာခဲ့သူများကိုလည်း ထည့်သွင်းတွက်ချက်ထားသည်။

၁၉ ရာစုအတွင်းက အခြေချနေထိုင်လာခဲ့ကြသည့် ဘင်္ဂါလီများကိုပင် မြန်မာလူထုအများစုကြီးက တရားဝင်အခြေချနေထိုင်သူများအဖြစ် အသိအမှတ်မပြုကြချေ။ ထို ၁၉ ရာစုအတွင်း က မြန်မာပြည်မှာ ဗြိတိသျှတို့၏လက်အောက် ရောက်ရှိနေစဉ်ကာလဖြစ်သည်။

ဦးသိန်းစိန်က မြန်မာဥပဒေအရ၊ ၁၉၄၈ မြန်မာပြည်လွတ်လပ်ရေးမတိုင်မီ အခြေချနေထိုင်လာခဲ့သည့် ဘင်္ဂါလီများနှင့် ၄င်းတို့၏သားသမီးများကို နိုင်ငံသားအဖြစ် အသိအမှတ်ပြုကြောင်း အန်တိုနီယို ဂူတာရက်စ်အား ပြောကြားခဲ့သည်။ သို့သော် လွတ်လပ်ရအပြီးမှ ၀င်ရောက်လာခဲ့သူများကိုမူ တရားမ၀င်အခြေချနေထိုင်သူများအဖြစ် ဥပဒေက သတ်မှတ်ကြောင်းနှင့် နိုင်ငံတော်၏ တည်ငြိမ်မှုကိုပါး ပျက်ပြားစေဖို့ ခြိမ်းခြောက်နေသူများအဖြစ် စဉ်းစားကြောင်း ဦးသိန်းစိန်က ပြောကြားခဲ့သည်။

လက်တွေ့တွင်မူ ဘင်္ဂါလီ အဆက်အနွယ်ဖြစ်သူများအနေဖြင့် မြန်မာပြည်၌ နိုင်ငံသားဖြစ်ဖို့ ခဲယဉ်းသည်။ သူတို့အား ဥပဒေပြဌာန်း၍ လှုပ်ရှားမှုများအား ထိန်းချုပ်ခြင်း၊ လက်ထပ်ခွင့်နှင့် သားသမီးယူခွင့်များကို ထိန်းချုပ်ခြင်းများ ပြုလုပ်ထားသည်။

“မိမိတိုင်းရင်းသား များကို တာဝန်ယူမည် ဖြစ်ကြောင်း၊ တိုင်းရင်းသားမဟုတ်ဘဲ ခိုးဝင်လာသည့် ရိုဟင်ဂျာများကို လက်ခံရန် မည်သို့မျှ မဖြစ်နိုင်ကြောင်း၊ နောက်ဆုံးဖြေရှင်းသည့် နည်းလမ်းမှာ ခိုးဝင်လာသည့် ရိုဟင်ဂျာများကို UNHCR သို့ အပ်နှံပြီး ဒုက္ခသည် စခန်းအဖြစ် ထားရှိရန်ဖြစ်ကြောင်း၊ UNHCR က ကျွေးမွေးစောင့်ရှောက်ပေးရန် ဖြစ်ကြောင်း၊ တတိယနိုင်ငံက လက်ခံမည်ဆိုလျှင် ပို့ပေးမည်ဖြစ်ကြောင်း၊” ဟု ဦးသိန်းစိန်က အန်တိုနီယို ဂူတာရက်စ်ကို ပြောကြားခဲ့ကြောင်း ဦးသိန်းစိန်၏ ၀က်ဘ်ဆိုဒ်တွင် ဖော်ပြထားသည်။

July 13, 2012
ဂျာမနီနိုင်ငံ ကိုလုန်းမြို့တွင် “အရေပြားလှီး မင်္ဂလာပြုခြင်း” တားမြစ်ခြင်းကို မွတ်စလင်နှင့် ဂျူး အတူကန့်ကွက်

ဇူလိုင် ၁၂ ရက်၊ ၂၀၁၂
BBC News

ဥရောပ၌ မွတ်စလင်များနှင့် ဂျူးများ အတူလက်တွဲ၍ ဂျာမနီနိုင်ငံ ကိုလုန်းမြို့တရားရုံးက ” အရေပြားလှီး မင်္ဂလာပြုခြင်း”အား ပိတ်ပင်တားမြစ်မှုအပေါ် ခုခံကာကွယ်သွားမည်ဟု သတင်းရရှိသည်။

” အရေပြားလှီး မင်္ဂလာပြုခြင်း”သည် သာသနာသက်ဝင်ယုံကြည်မှု၏ အခြေခံအုတ်မြစ်ဖြစ်သောကြောင့် တရားဥပဒေဖြင့်ကာကွယ်ပေးရမည်ကြောင်း ပူးတွဲကြေညာချက်၌ပါရှိသည်။

ဂျာမန်ဆေးပညာအဖွဲ့က ဆရာဝန်များအား ” အရေပြားလှီး မင်္ဂလာပြုခြင်း ” ပြုလုပ်မပေးရန် မှာကြားထားပြီး ကိုလုန်းမြို့တရားရုံးက ပိတ်ပင်ရန်ဆုံးဖြတ်ခဲ့သော်လည်း ဂျာမနီနိုင်ငံတဝှမ်းလုံးသို့ မသက်ရောက်ကြောင်းသိရသည်။

ထိုပူးတွဲကြေညာချက်အား ဥရောပ ဂျူးဘုန်းကြီးများစင်တာ (Rabbinical Centre of Europe)၊ ဥရောပ ဂျူးပါလီမန် (European Jewish Parliament)၊ ဥရောပ ဂျူးများအဖွဲ့ (European Jewish Association)၊ ဂျာမနီရှိ တူရကီအစ္စလာမ် သာသနာရေးရာ ယူနီယံ (Germany’s Turkish-Islamic Union for Religious Affairs)၊ ဘရပ်ဆလ်မြို့ (ဘလ်ဂျီယမ်နိုင်ငံ) အစ္စလာမ်စင်တာ (the Islamic Centre Brussels)တို့အပါအဝင် အခြားအဖွဲ့အစည်းခေါင်းဆောင်များက လက်မှတ်ရေးထိုးထားသည်။

(မှတ်ချက်။ ။ အရေပြားလှီး မင်္ဂလာပြုခြင်း အား Circumcision ဟုခေါ်၍ အစ္စလာမ်ဘာသာဝင်များသာမက ဂျူးများကလည်း လေးစားလိုက်နာကြသည်။)

မောင်လှငွေ

ကိုးကား – http://www.bbc.co.uk/news/world-europe-18807040

July 12, 2012
ဂျပန်ပြည်နဲ့ အစ္စလာမ်သာသနာ

M-Media
စုစည်းတင်ပြသူ-လင်းယုန်နက် (ခြင်္သေ့မြို့တော်)

ရှေးသရောအခါကတည်းက မွတ်စလင်အချို့ ခရီးရောက်ရှိခဲ့သော်လည်း ၁၈၉၅-ခုနှစ် တံခါးဖွင့် စနစ်မကျင့်သုံးမီ ကာလ ဂျပန်ပြည်ဟာ အစ္စလာမ်သာသနာနဲ့ အထိအတွေ့ မရှိသလောက်ပါဘဲ။ ၁၉-ရာစုနှောင်းပိုင်း ဗြိတိသျှ၊ ဒတ်ခ်ျ ရေကြောင်းခရီးများနဲ့အတူ မလေးမွတ်စလင်တို့ စတင်ရောက်ရှိခဲ့ပြီး ၁၈၇၀-ခုနှစ်တဝိုက်မှာ ‘မြတ်တမန်တော် သခင်မိုဟမ္မဒ်’ ရဲ့ အထုပ္ပတ္တိကို ဂျပန်ဘာသာပြန်ဆိုခဲ့ခြင်းဖြင့် ဂျပန်ပြည်သူပြည်သားများဆီသို့ အစ္စလာမ်သာသနာ စတင်ရောက်ရှိ ပြန့်နှံ့စေခဲ့ပါတယ်။ သို့သော်လည်း သမိုင်းရာဇဝင်၊ ယဉ်ကျေးမှု့ တစ်ရပ်အနေဖြင့်သာ လူသိများခဲ့ပြီး သက်ဝင်ယုံကြည်မှုအားဖြင့် အလွန်နည်းပါးခဲ့ပုံပါပဲ။

တိုကျိုမြို့မှ ဗလီဝတ်ကျောင်းတော်

တူရကီနိုင်ငံ အစ္စတန်ဘူမြို့သို့ ဂျပန်အိမ်ရှေ့မင်းသား ‘ကိုမတ်စု အခီဟီတို’ သံတမန် ဆက်သွယ်လာရောက်မှုကို ပြန်လှန်ဂုဏ်ပေးအလေးပြုခြင်းငှါ ၁၈၉၀-ခုနှစ်မှာ ‘တူရကီအော်တိုမန်အင်ပါယာ’က ဂျပန်ပြည်သို့ ‘အာတုဂရုလ’ အမည်ရှိ စစ်ရေယာဉ်တစ်စီးစေလွှတ်ခဲ့သော်လည်း ၁၈၉၀-ခုနှစ် စက်တင်ဘာလ ၁၆-ရက် ညနေပိုင်း ‘ဝါကာယာမဒေသ’ ကမ်းရိုးတမ်းမှာ မုန်းတိုင်းမိပျက်စီးခဲ့ပါတယ်။

ပထမဆုံး ‘ဟဂ်ျ’ပြုခဲ့တဲ့ ဂျပန်မွတ်စလင်လာမယ့်’ကိုတာရို ယာမာအိုက’ ဟာ ၁၉၀၉-ခုနှစ်မှာ အိန္ဓိယနိုင်ငံ ဘုံဘေမြို့မှာ ရုရှားနိုင်ငံဖွားဂျပန်အမျိုးသား စာရေးဆရာ ‘အဗဒူ

တိုကျိုမြို့မှ ဗလီဝတ်ကျောင်းတော်

ရာရှီးဒ် အေဗရာဟင်’ ဆိုသူနဲ့တွေ့ရှိခဲ့ပြီး အစ္စလာမ်သာသနာ့ဘောင် အတွင်းဝင်ရောက်ကာ ‘အိုမာရ် ယာမာအိုက’ အမည်ခံယူခဲ့ပါတယ်။ တကယ်တော့ သူဟာ ရုရှာ-ဂျပန်စစ်ပွဲ (၁၉၀၄-၁၉၀၅) စတင်ကတည်းက ‘မန်ချူးရီးယား’သို့ ထောက်လှမ်းရေး အဖြစ်ရောက်ရှိနေခဲ့သူပါ။

အလားတူ အချိန်ကာလတဝိုက်မှာပဲ ‘ဘွန်ပါချိရို အာရိဂါ’ဆိုသူ ဂျပန်လူမျိုးတစ်ဦးဟာလည်း ကုန်သည်အဖြစ် အိန္ဓိယနိုင်ငံသို့ရောက်ရှိစဉ် ဒေသခံမွတ်စလင်များထံမှ အစ္စလာမ်ဘာသာအား လေ့လာသိရှိခဲ့ပြီး အစ္စလာမ် သာသနာ့ဘောင်အတွင်း ဝင်ရောက်ကာ ‘အာမက် အာရိဂါ’ အမည်ခံယူခဲ့ပါတယ်။

၁၈၉၂-ခုနှစ်မှစ နှစ်ပေါင်း ၂၀-ခန့် တူရကီနိုင်ငံ အစ္စတန်ဘူမြို့၌ ကုန်သည်အဖြစ်အခြေချနေထိုင်ခဲ့သူ ‘ယာမာဒါ တိုအာဂျိရို’ဆိုသူကလည်း အစ္စလာမ်သာသနာ့ဘောင် အတွင်:ဝင်ရောက်ခဲ့ပြီး ‘အဗဒူ ခါလေ’ အမည်ခံကာ ဂျပန်ပြည်မပြန်မီ မက္ကာမြို့သွား ‘ဟဂ်ျ’ပြုခဲ့ပါတယ်။

ဂျပန်နိုင်ငံဟာ ၁၉၁၇-ခုနှစ် အောက်တိုဘာ တော်လှန်ရေးဖြစ်ပွါးပြီးနောက် ရုရှားနဲ့ အာရှအလယ်ပိုင်းဒေသမှ ရာပေါင်းများစွာ ‘တူရကီ-တာတာမွတ်စလင်’ ဒုက္ခသည်များနဲ့ စစ်ပြေးများကို ခိုလှုံခွင့်ပြုခဲ့ပါတယ်။ စစ်တမ်းများအရ ၁၉၃၈-ခုနှစ်မှာ ဂျပန်ပြည်အနှံ့ ခိုလှုံခွင့်ရရှိခဲ့သူ မွတ်စလင် ၆၀၀-ဦးခန့်နဲ့ အခြား ဂျပန်ပိုင် ကိုလိုနီဒေသများမှာတော့ ထောင်ပေါင်း များစွာရှိခဲ့ပြီး ဂျပန်လူမျိုးအချို့ ၄င်းတို့ထံမှ အစ္စလာမ်ဘာသာအား လေ့လာသိရှိခဲ့ပြီး အစ္စလာမ် သာသနာ့ဘောင်အတွင်း ဝင်ရောက်ခဲ့ကြတယ်လို့ သိရှိရပါတယ်။

၁၉၃၅-ခုနှစ်မှာ ‘ကိုဘေး ဗလီဝတ်ကျောင်းတော်’ကို တည်ဆောက်ခဲ့ပါတယ်။ ‘တိုကျို ဗလီဝတ်ကျောင်းတော်’ကို ၁၉၀၈-ခုနှစ်မှာ စတင်စီမံချက်ချခဲ့ပြီး ၁၉၃၈-ခုနှစ်မှာ တည်ဆောက်ပြီးစီးခဲ့ပါတယ်။ ရှေ့ဆောင်ဗလီ ဆရာတော်များကတော့ ‘အဗ်ဒူ ရာရှီးဒ် အေဗရာဟင် (၁၈၅၇-၁၉၄၄)’ နဲ့ ‘အဗ်ဒူဟေး ကော်ဘန်ဂလီ (၁၈၈၉-၁၉၇၂)’ တို့ဖြစ်ပါတယ်။

ကိုဘေးမြို့မှ ဗလီဝတ်ကျောင်းတော်

တိုကျိုမြို့၌ ‘အဟာလူဘိုက်သ် အစ္စလာမ်ဌာန’ (Ahlulbayt Islamic Centre) တည်ရှိပြီး ရှေ့ဆောင်ဗလီဆရာတော်ကတော့ ‘ရှိုက် အေဗရာဟင် စာဝါဒါ’ ဖြစ်ပါတယ်။ ၁၉၃၀-ခုနှစ်မှာ ပထမဦးဆုံး မွတ်စလင်အဖွဲ့အစည်း ‘ဂျပန်ပြည်လုံးဆိုင်ရာ မွတ်စလင်အဖွဲ့’ (Greater Japan Muslim League) ကို ဖွဲ့စည်းတည်ထောင်ခဲ့ပါတယ်။

ဒီကာလတလျှောက် ဂျပန်အာဏာပိုင်များက ပညာရှင်များ၊ မွတ်စလင်ဘာသာရေး ခေါင်းဆောင်များကို ဖိတ်ခေါ်ပြီး အစ္စလာမ်ဘာသာရေးရာ စာအုပ်များ၊ ဂျာနယ်များ ၁၀၀-ကျော်ထုတ်ဝေခဲ့ပါတယ်။ ဒုတိယကမ္ဘာ စစ်ပွဲကာလဖြစ်ပြီး သာသနာပြုခြင်းထက် အနောက်တိုင်းဝါဒများကို တန်ပြန်တိုက်ခိုက်လိုတဲ့ သဘောထားပါ။ ဂျပန်အစိုးရထိပ်တန်းအရာရှိတစ်ဦးဖြစ်သူ ‘ရှူမေ အိုကာဝါ’ ဆိုသူဟာ အစ္စလာမ်သာသနာ့ ပညာရှင်တစ်ဦးဖြစ်ပြီး သူ့တပည့်တစ်ဦးဖြစ်တဲ့ ‘တိုရှိဟီကို အိဆူဇူး’ အနဲ့အတူ ‘ကျမ်းတော်မြတ် ကုရ်အာန်’ ဂျပန်ဘာသာပြန်အပြင် အခြားသော မွတ်စလင်စာပေအမြောက်အများ ရေးသားပြုစုခဲ့ပါတယ်။ ဒုတိယကမ္ဘာစစ်အပြီး ဂျပန်ပြည်ရှုံးနိမ့်သွားရာမှာ စစ်နိုင်မဟာမိတ်တို့က ‘ရှူမေ အိုကာဝါ’ အား စစ်ရာဇဝတ်သားအဖြစ် ဖမ်းဆီးအကျဉ်းချတာခံခဲ့ရပြီး ‘ကျမ်းတော်မြတ် ကုရ်အာန်’ ဂျပန်ဘာသာပြန်ကို ထောင်တွင်းမှာပဲ ပြီးစီးနိုင်ခဲ့တာ အံ့မခမ်းပါပဲ။ နောက်ပိုင်း ထောင်မှလွတ်မြောက်ပြီး ၁၉၅၇-ခုနှစ်မှာ မွတ်စလင်အဖြစ် ကွယ်လွန်ခဲ့ပါတယ်။

မှတ်သားစရာတစ်ခုက ဒုတိယကမ္ဘာ စစ်ကာလအတွင်း အရှေ့တောင်အာရှနိုင်ငံများသို့စေလွှတ်ခြင်းခံရတဲ့ ဂျပန်စစ်သားများကို ဖမ်းမိတဲ့အခါ အသတ်မခံရအောင် “La ilaha illa Allah” ဆိုနည်းသင်ပေးပါတယ်။ မှတ်တမ်းများအရ ဒေသခံများကလည်း သူတို့ကိုဖမ်းမိတဲ့အခါ မသတ်တဲ့အပြင် ကောင်းမွန်စွာဆက်ဆံကြတယ်လို့ သူတို့လွန်စွာအံ့ဩရတယ်လို့ စစ်ပြန်များကပြန်ပြောကြပါတယ်။

ဒုတိယကမ္ဘာ စစ်ကာလ ဂျပန်တို့ တရုတ်ပြည်နဲ့ အရှေ့တောင်အာရှနိုင်ငံများကို သိမ်းပိုက်ရောက်ရှိခဲ့ခြင်းဟာ အစ္စလာမ်သာသနာနဲ့ ပိုမိုထိတွေ့စေခဲ့ပါတယ်။ အချို့စစ်သားများ အစ္စလာမ်သာသနာ့ဘောင်အတွင်း ဝင်ရောက်ခဲ့ပြီးနောက် ဂျပန်ပြည်ပြန်ရောက်တဲ့အခါ ၁၉၅၃-ခုနှစ်မှာ ‘ဆွာဒစ် အီမာအိဇူမိ’ ဆိုသူရဲ့ ဦးဆောင်မှုနဲ့ ‘ဂျပန်မွတ်စလင်အဖွဲ့’ (Japan Muslim Association) ကိုတည်ထောင်ခဲ့ပါတယ်။ စတင်တဲ့အခါ အဖွဲ့ဝင် ၆၅-ဦးရှိပြီး ၆-နှစ်အကြာ ‘ဆွာဒစ် အီမာအိဇူမိ’ ကွယ်လွန်တဲ့အချိန်မှာ အဖွဲ့ဝင် နှစ်ဆတိုးရှိလာပါပြီ။ ၎င်းနောက် အဖွဲ့အား ‘အိုမာရ် မိတ’ ဆိုသူက ဦးဆောင်ခဲ့ပါတယ်။ သူဟာ တရုတ်ပြည်၌ ဂျပန်ပိုင် မန်ချူး မီးရထားကုမ္ပဏီမှာ တာဝန်ထမ်းဆောင်ရင်း တရုတ်မွတ်စလင်များထံမှ အစ္စလာမ်ဘာသာအား လေ့လာသိရှိခဲ့ပြီး ‘ပီကင်းမြို့’ မှာ သာသနာ့ဘောင်အတွင်း ဝင်ရောက်ခဲ့သူပါ။ စစ်အပြီး ဂျပန်ပြည်ပြန်ခဲ့ပြီး ဒုတိယကမ္ဘာ စစ်ကာလနောက်ပိုင်း ပထမဦးဆုံး ‘ဟဂ်ျ’ပြုနိုင်ခဲ့ကာ မွတ်စလင်တစ်ဦးအနေဖြင့် ပထမဦးဆုံး ‘ကျမ်းတော်မြတ် ကုရ်အာန်’ အကျယ်အဖွင့်ကျမ်းကို ဂျပန်ဘာသာပြန်ဆိုနိုင်ခဲ့သူလည်းဖြစ်ခဲ့ပါတယ်။ (အလ်ဂျဇီရာ ရုပ်သံမှ “Road to Hajj – Japan” အမည်ဖြင့် ဂျပန်ပြည်အစ္စလာမ်သာသနာအကြောင်း တင်ဆက်ထားရှိပါတယ်။)

၁၉၈၂-ခုနှစ်မှာ မွတ်စလင်ဦးရေ ၃၀၀၀၀ ကျော်ရှိပြီး တဝက်ခန့်ဟာ ဂျပန်လူမျိုး မွတ်စလင်တွေဖြစ်ပါတယ်။ ၂၀၀၀-ခုနှစ်မှာ ဂျပန်လူမျိုးမွတ်စလင် ၆၃၅၅၂-ဦး ရှိပြီး အခြားအာရှသား မွတ်စလင်ဦးရေ ၇၀၀၀၀-၁၀၀၀၀၀ ကျော်ရှိပါတယ်။ ဂျပန်အစိုးရက ကိုးကွယ်ယုံကြည်မှုနဲ့ပတ်သတ်ပြီး စာရင်းဇယား မထားရှိတဲ့အတွက် အတိအကျ ပြောဆိုရန်ခက်ခဲပြီး ဂျပန်နိုင်ငံရဲ့ သန်းရာချီတဲ့ လူဦးရေနဲ့စာရင် အလွန်အင်အားနည်းတာတော့ အမှန်ပါပဲ။ နိုင်ငံအနှံ့ သီးသန့်ဗလီဝတ်ကျောင်းတော် ၃၀-ကျော်ခန့်ရှိပြီး အခြားဝတ်ပြုရန်ကျောင်း ၁၀၀-ကျော်ရှိပါတယ်။

လင်းယုန်နက် (ခြင်္သေ့မြို့တော်)

References:http://en.wikipedia.org/wiki/Islam_in_Japan

July 12, 2012
OIC မှ မြန်မာနိုင်ငံသို့ သံအဖွဲ့ စေလွှတ်ရန် စီစဉ်

ဇူလိုင် ၁၂ ရက် ၂၀၁၂

ကွာလာလမ်ပူ၊ (Bernama)

OIC အဖွဲ့၏ အထွေထွေအတွင်းရေးမှူးချုပ် Mr. Ekmeleddin Ihsanoglu

ကမ္ဘာ့အစ္စလာမ်နိုင်ငံများ အဖွဲ့ကြီးတစ်ခုဖြစ်သော Organisation of Islamic Cooperation (OIC) က မြန်မာနိုင်ငံ၌ ရိုဟင်ဂျာ မွတ်စလင်လူနည်းစုအပေါ် အကြမ်းဖက်ဆောင်ရွက်နေခြင်းများအား အလွန်စိုးရိမ်ပူပန်လျက်ရှိသောကြောင့် သံတမန်တစ်ဖွဲ့ စေလွှတ်ရန် အကောင်အထည်ဖော်နေကြောင်း သတင်းရရှိသည်။

အစ္စလာမ်နိုင်ငံပေါင်း ၅၇-ခုဖြင့် ဖွဲ့စည်းထားသော ထို OIC အဖွဲ့ကြီးက ဆွစ်ဇာလန်နိုင်ငံ ဂျီနီဗာမြို့ရှိ ကမ္ဘာ့ကုလသမဂ္ဂ လူ့အခွင့်အရေးကောင်စီ UN Human Rights Council (UNHRC) ၏ မြန်မာကိုယ်စားလှယ်နှင့် တွေ့ဆုံအပြီး ဆုံးဖြတ်ချက်ချခဲ့ခြင်းဖြစ်သည်ဟု သိရှိရသည်။

OIC အဖွဲ့ကြီး၏ အထွေထွေအတွင်းရေးမှူးချုပ် Mr. Ekmeleddin Ihsanoglu က ဂျီနီဗာမြို့၊ နယူးယောက်မြို့ (အမေရိကန်နိုင်ငံ)နှင့် ဥရောပသမဂ္ဂ အခြေစိုက်ရာ ဘရပ်ဆလ်မြို့ (ဘလ်ဂျီယမ်နိုင်ငံ) တို့ရှိ OIC ရုံးခွဲများသို့ ” မြန်မာနိုင်ငံ၌ မွတ်စလင်လူနည်းစုအား နိုင်ငံတကာမီဒီယာများနောက်ကွယ် နည်းစနစ်တကျ သတ်ဖြတ်သုတ်သင်ခြင်း၊ အဓမ္မရွှေ့ပြောင်းမောင်းထုတ်ရှင်းလင်းခြင်းများကို ပြုလုပ်လျက်ရှိကြောင်း အရေးပေါ်သတင်း ထုတ်ပြန်ရန်လည်း ညွှန်ကြားလိုက်သည်။

အစီရင်ခံစာ၌ မြန်မာနိုင်ငံရှိ မွတ်စလင်လူနည်းစုအား အကာအကွယ်ပေးနိုင်ရန် အရင်းအမြစ်များ၊ စွမ်းအားများသုံးစွဲရန် ကြိုးပမ်းနေကြောင်းနှင့် နိုင်ငံတကာ အဆင့်များအပြင် ဒေသန္တရ အဆင့်များ၌ပါ ဆောင်ရွက်နေကြောင်း ဖော်ပြထားသည်။

ဆော်ဒီအာရေဗျနိုင်ငံ ဂျစ်ဒါမြို့အခြေစိုက် ဤအဖွဲ့ကြီးက မြန်မာနိုင်ငံ၌ ဆက်လက်ဖြစ်ပွါးနေသော သွေးထွက်သံယိုအဖြစ်အပျက်အား ရပ်တန့်ပေးနိုင်ရန်အတွက် ကမ္ဘာ့ကုလသမဂ္ဂ (United Nations)၊ လူ့အခွင့်အရေးကောင်စီ (UNHRC)၊ ဥရောပသမဂ္ဂ (European Union)တို့သာမက အခြားနိုင်ငံတကာ အဖွဲ့အစည်းများနှင့် တစ်ပြိုင်နက်တည်း ပူးတွဲဆောင်ရွက်ရန် အားထုတ်လျက်ရှိကြောင်း သတင်းရရှိပါသည်။

လင်းယုန်နက် (ခြင်္သေ့မြို့တော်)

ကိုးကား-http://www.bernama.com/bernama/v6/newsindex.php?id=680018

July 12, 2012
တာဝန်မဲ့ မြန်မာ့ မီဒီယာသစ် (ဘာသာပြန်)

(မီဒီယာ၊ စစ်တပ်နှင့် ရခိုင်အရေး)

Source :http://www.asiasentinel.com

မောင်စီမံ (မဟာသိပ္ပံ)

နှစ်ပေါင်း၆၀နီးပါး အဖိအနှိပ်ခံ အပိတ်အပင်ခံမှုမှ မကြာသေးမီက လွတ်မြောက်ခွင့် လွတ်လပ်ခွင့် ရရှိလာသော မြန်မာ့မီဒီယာက ပြည်သူအများ တောင့်တ မျှော်လင့်သလို ဖြစ်လာသလား၊ အဆိပ်အတောက် အန္တရယ် ဆိုးလားဆိုတာ စဉ်းစားစရာပါ။

တည်ဆဲမီဒီယာများ အပါအဝင် အသစ် အသစ်သော ဂျာနယ်၊ မဂ္ဂဇင်း၊ စာစောင်နှင့် အွန်လိုင်းမီဒီယာများကို လေ့လာကြည့်ပါက ပါတီစွဲဖြင့် ဘက်လိုက်ရေး၊ အစွန်းရောက် အမျိုးသားရေးဝါဒဖြန့်နေခြင်းများသာမက မကြာသေးမီက မြန်မာနိုင်ငံ အနောက်ဘက် ရခိုင်ပြည်နယ်၌ ဖြစ်ပွါးခဲ့သော အဓိကရုန်း တလျောက် အစွန်းရောက် ရခိုင်လူမျိုးများ၊ လူများစု ဗမာဗုဒ္ဓဘာသာများနှင့် စစ်တပ်နောက်ခံ အစိုးရသစ် အလိုကျ လူနည်းစု မွတ်စလင်များအပေါ် ရှုံ့ချ နှိပ်ကွပ် ငယ်သောအမှုကြီးစေ မီးလောင်ရာလေပင့် သွေးထိုးလှုံ့ဆော် ဝါဒဖြန့်တိုက်ပွဲ ဆင်နွှဲခဲ့ကြသည်ကို ထင်ထင်ရှားရှား တွေ့ရပေလိမ့်မည်။

ကြာသပတေးနေ့တွင် ထိုင်းနိုင်ငံ ချင်းမယ်တက္ကသိုလ် (Chiang Mai University) ၌ တိုးတက်ပေါ်ထွန်း ပြောင်းလဲလာသော မြန်မာ့မီဒီယာနှင့် ပတ်သတ်၍ ဆွေးနွေးပွဲဖိုရမ်တစ်ခု ကျင်းပမည်ဖြစ်ပြီး ဧရာဝတီ (Irrawaddy) အယ်ဒီတာချုပ် အောင်ဇော်နှင့် ရန်ကုန်ပရပ်စ် အင်တာနေရှင်နယ် (Yangon Press International) ပူးပေါင်းတည်ထောင်ခဲ့သူ မွန်မွန်မြတ်တို့ကလည်း ပါဝင်ဆွေးနွေးကြမည်ဖြစ်သည်။ တာဝန်မဲ့ မြန်မာ့မီဒီယာသစ်၏ စိတ်ပျက်ဖွယ် လမ်းစဉ်အား မေးခွန်းထုတ်ရန် အံဝင်ခွင်ချ အချိန်ဆိုက လွန်ရာကျမည်မထင်။
မြန်မာ့မီဒီယာသစ်က ရခိုင်အဓိကရုန်းကို အသုံးချ၍ ” နိုင်ငံအား တိုင်းတပါးသားတို့ရန်မှ ကာကွယ်ရန်” ဆို၍တစ်မျိုး၊ “အမျိုး၊ ဘာသာ၊ သာသနာကို ကာကွယ်စောင့်ရှောက်ရန်” တစ်ဖုံ ခေါင်းစီးအမျိုးမျိုးတပ်ပြီး နှစ်ပေါင်း ၆၀ ကျော် တစ်စိုးတစ်စက် မျက်နှာမရခဲ့တဲ့ ပြည်သူကို ရန်သူလို သဘောထား ဖိနှိပ်ခဲ့တဲ့ ဘီးလူးစစ်တပ်ကို မင်းသားခေါင်းဆောင်းပေးဖို့ စွမ်းစွမ်းတမံ ကြိုးပမ်းပေးနေပုံပါပဲ။

အဓိကရုန်း စဖြစ်ကတည်းက မနားတမ်း သတင်းမှားတွေ၊ အထောက်အထားမဲ့ သတင်းတွေ၊ ဘက်လိုက်သတင်းတွေ အဆက်မပြက် ဝါဒဖြန့်ခဲ့ကြသူများထဲ နိုင်ငံတွင်း အတော်အတန် ထင်ရှားမှုရှိတဲ့ The Weekly Eleven, The Voice Weekly, The Yangon Media Group, 7Days News နဲ့ Popular Myanmar News တို့ဖြစ်ပြီး The Weekly Eleven ထုတ်ဝေတဲ့ Eleven Media Group (EMG) ကတော့ အဆိုးရွားဆုံးပါပဲ။ ဘင်္ဂလားဒေ့ရ်ှနိုင်ငံ ဒါကာမြို့အခြေစိုက် Narinjara သတင်းဌာနကတော့ အထူးရှင်းပြစရာလိုမယ် မထင်ပါ။
ဤသို့ တဖက်သက်ဘက်လိုက် သလင်းတင်ပြမှုဟာ နိုင်ငံတကာ စံချိန်စံညွှန်းနဲ့ ကိုက်ညီမှုမရှိတဲ့အပြင် ” နိုင်ငံတကာ ဂျာနယ်လစ်ဇင် ဖယ်ဒရေးရှင်း” (The International Federation of Journalism)ရဲ့ မည်သည့်လူမျိုးစု၊ မည်သည့်ဘာသာတရားကိုမျှ ခွဲခြားနှိမ့်ချ ဆန့်ကျင်ရေးသားခြင်း မပြုရဆိုတဲ့ မူဝါဒကိုလည်း ချိုးဖောက်ရာကျ၏။ မီဒီယာအား အဓိကရုန်းများ၊ အရေးအခင်းများဖြစ်စေရန် သို့မဟုတ် ကြီးထွားစေရန်အလို့ငှါ ဝါဒဖြန့် မှိုင်းတိုက်အသုံးချခြင်းကိုလည်း အသင်းကြီးက ရှုံ့ချထားပါ၏။ သို့သော် မြန်မာ့မီဒီယာသစ်၏လုပ်ရပ်ကား ကျင့်ဝတ်အပေါင်းဖောက်ဖျက် ဆန့်ကျင်ဘက်ပင်ဖြစ်၏။

အင်တာနက်၊ ဖေ့ဘွတ်စာမျက်နှာများပေါ်၌ ခိုင်မာမှုမရှိသော၊ စစ်ဆေး အတည်ပြုထားခြင်း အလျင်းမရှိသော သတင်းအချက် အလက်များကို ဖြန့်ဝေကြသည်။ ဥပမာအားဖြင့် ပညာရှင်များဖြင့်ဖွဲ့စည်းထားသော ထင်ရှားသည့် Myanmar E-gress မှ ထုတ်ဝေသော The Voice Weekly ဂျာနယ်က “ရခိုင်ပြည်နယ်ရှိ မွတ်စလင်များက ရေကန်တစ်ခုအား အဆိပ်ခပ်လိုက်သည်”ဟု မရေမရာသတင်း ပိုစ့်ရေးခဲ့ရာ စာဖတ်သူတစ်ဦးက “ဒီကုလားတွေ အကုန်သတ်ပစ်”ဟု ကွန်မန့်ပြန်ရေးခြင်းမျိုးဖြစ်သည်။

The Voice Weekly ဂျာနယ်အပါအဝင် The Weekly Eleven အစရှိသည်များကလည်း ရခိုင်ပြည်နယ်ရှိ မွတ်စလင်များအား “ဘင်္ဂါလီ အကြမ်းဖက်သမားများ”ဟု တောက်လျောက် သမုတ်ခဲ့ကြသည်။ “ရခိုင်ရွာများ မည်မျှမီးလောင်ပျက်စီးသွားသည်၊ ကျူးကျော်ဝင်ရောက်လာသော ဘင်္ဂါလီ အကြမ်းဖက်သမားများက လူဘယ်လောက်ကို ရိုက်နှက်သည်၊ သတ်ဖြတ်လိုက်ပြီ” စသည့် ယုတ္တိမဲ့၊ ဘက်လိုက်သတင်းများကိုလည်း ၅ မိနစ်မခြား၊ ၁၀ မိနစ်မခြား ဖြန့်ဖြူးခဲ့ကြသည်။

သတင်းတိုင်းလိုလိုက ရခိုင်ဗုဒ္ဓဘာသာတို့ အထိနာသလိုပုံဖော်ပေးပြီး မွတ်စလင်များ၏ ထိခိုက်နစ်နာမှုများ၊ ပျက်စီးဆုံးရှုံးမှုများ၊ မွတ်စလင်အမျိုးသားအမျိုးသမီး၊ ကလေးသူငယ်အမြောက်အများ သေဆုံးခြင်း၊ ရိုက်နှက်နှိပ်စက်ခံရခြင်း၊ အိုးအိမ်များ ဗလီဝတ်ကျောင်းတော်များ မီးရှို့ဖျက်စီးခံရခြင်းတို့အကြောင်း တစိုးတစိ အလျင်းဖော်ပြခဲ့ခြင်း မရှိချေ။

အစွန်းအရောက်ဆုံးဖြစ်သော The Weekly Eleven က သူ့တို့၏ အမျိုးသားရေးအစွန်းရောက်ဝါဒဖြန့် သတင်းများအား အင်္ဂလိပ်ဘာသာပြန်၍လည်း နိုင်ငံတကာ သတင်းဌာနများသို့ ပေးပို့ခဲ့သည်။ Asian News Network မှ သူတို့ပေးပို့သော သတင်းအချို့တင်ပြပေးသောအခါ မဟာအောင်ပွဲသဖွယ် ဆင်နွှဲခဲ့ကြသေးသည်။

The Weekly Eleven က နိုင်ငံတကာသတင်း ဌာနများအားလည်း “ဘက်လိုက် မဟုတ်မမှန် သတင်းများ လုပ်ကြံတင်ပြပြီး မြန်မာနိုင်ငံနှင့် မြန်မာပြည်သူတို့၏ ပုံရိပ်အား အမြင်ဆိုးအောင်လုပ်သည်” ဟု စွပ်စွဲ၏။ ရခိုင်အဓိကရုန်းက British Broadcasting Corporation (BBC), Voice of America (VOA), Radio Free Asia (RFA) စသည့် နိုင်ငံတကာသတင်းဌာနများ၏ မြန်မာပိုင်းတင်ဆက်မှုအား အခက်ကြုံစေသည်သာမက ဧရာဝတီ (Irrawaddy)နှင့် ဒီမိုကရက်တစ် ဗမာ့အသံ (Democratic Voice of Burma)တို့အားလည်း အကျပ်ရိုက်စေခဲ့သည်။

ဤဌာနများ၏ ဝန်ထမ်းများ၊ သတင်းထောက်များမှာ နိုင်ငံတကာစံနှုံးများနှင့်အညီ စည်းစောင့်ကြသောအခါ ပြည်တွင်းမီဒီယာမှိုင်းမိနေသူတို့က ဤသတင်းဌာနများအား “အကျင့်ပျက် ချစားသည်၊ နိုင်ငံအား တိုင်းတပါးသို့ရောင်းစားသည်” အစသဖြင့် ပုတ်ခတ် ဆဲဆိုကြတော့သည်။

ရခိုင်အဓိကရုန်းမှ မည်သူအမြတ်ထွက်သွားသနည်း?

သမ္မတရုံးမှ ထိပ်တန်းအရာရှိ ယခင် စစ်ဗိုလ်ဟောင်း မှူးဇော်နှင့်တကွ အခြားမီဒီယာများ၏ မှိုင်းမိသွားသော လူပေါင်းမြောက်များစွာကြောင့် အစိုးရသစ်နှင့် သူ့နောက်ခံ စစ်တပ် အမြတ်ထွက်သွားသည်။ အဓိကရုန်း စဖြစ်သည်က ဂျာနယ်လစ်အတော်များများ မရောက်မပေါက်နိုင်သည့် နေရာဖြစ်ပြီး အဓိကတရားခံ သတင်းမှားများ ဖြန့်ဝေခဲ့သူက “မှုးဇော်”။ ပြည်တွင်းမီဒီယာများက မှုးဇော်၏ ဖေ့ဘွတ်စာမျက်နှာပေါ်မှ သတင်းတု၊ သတင်းလိမ်များကို ကူးယူဖြန့်ဝေခဲ့ကြခြင်းဖြစ်သည်။

ထိုအချိန် မှုးဇော်၏ ဖေ့ဘွတ်စာမျက်နှာ၌ မိတ်ဆွေ ၅၀၀၄ ယောက်၊ သတင်းမှီးသူ ၉၉၀၉ ယောက်ရှိပြီး အစိုးရသစ်၏ သတင်းများ၊ စီမံကိန်းများ၊ လုပ်ဆောင်ချက်များကို ရေးသားဖြန့်ဝေနေခြင်းဖြင့် အရှိန်တက် နာမည်ရနေပြီး ဤအခွင့်အရေးကို တလွဲအသုံးချ ” နိုင်ငံတော်လုံခြုံရေး”ဟု အမည်တပ်ကာ အဆိပ်ပင်ရေလောင်းခဲ့၏။

၂၀၁၂ ခု ဇူလိုင် ၄ ရက် တွင် သူက ဖေ့ဘွတ်စာမျက်နှာ၌ “ယနေ့ ကမ္ဘာ့လူ့အခွင့်အရေး စောင့်ကြည့်လေ့လာရေးအဖွဲ့နှင့် တွေ့ဆုံရာတွင် အမေရိကန်ကဲ့သို့သော နိုင်ငံများက ဤနိုင်ငံမဲ့ ဒုက္ခသည်များအား လက်ခံမည်ဆိုက အရောက်ပို့ဆောင်ပေးမှာဖြစ်ကြောင်း၊ လူ့အခွင့်အရေးကို နားလည်လေးစားသော်လည်း နိုင်ငံတော်လုံခြုံရေးကို အလေးထားအရေးပေးကြောင်း” အစသဖြင့် ပို့စ်ရေးသားခဲ့ပါသည်။

သူ့ဤရေးသားချက်အား ဇူလိုင် ၁၀ ရက်အထိ “Like” လုပ်သူပေါင်း ၉၂၁ ယောက်ရှိပြီး ကွန်မန့်ရေးသား၊ ထောက်ခံအားပေးသူပေါင်း မြောက်များစွာရှိခဲ့ပါသည်။

“ကုမုဒြာ”ဂျာနယ်မှ ထူးချွန်ဆုရဖူးသူ သတင်းထောက် “နှင်းရတနာဇော်” ကလည်း “မှုးဇော်ကို လုံးဝ ထောက်ခံကြောင်း၊ နှစ်သက်ကြောင်း၊ အားပေးကြောင်း” သူမ ဖေ့ဘွတ်စာမျက်နှာ ပို့စ်ရေးသားခဲ့ပါသည်။

အတိုချုံးရလျင်တော့ ယခုဖြစ်သွားခဲ့သည့် ရခိုင်အဓိကရုန်းကား မြန်မာ့ဆိုရိုးစကားကဲ့သို့ “တစ်ချက်ခုတ် နှစ်ချက်ပြတ်”မက “ဘင်္ဂါလီ အကြမ်းဖက်သမားများဟု သမုတ်ခံရသော မွတ်စလင်လူမျိုးစုလည်း မျိုးပြုတ်လုနီး”၊ “စစ်တပ်လည်း နာမည်ကောင်းရ”၊ ” နိုင်ငံတကာသတင်း ဌာနများပေါ်လည်း အယုံအကြည်ကင်းမဲ့” အစသဖြင့် “တစ်ချက်ခုတ် သုံးချက်ပြတ်” အမြတ်ထွက်အောင် လုပ်ကြံနိုင်ခဲ့ပါတော့သည်။

July 12, 2012