Author: M-Media

မတ်လ ၂၃၊ ၂၀၁၃
M-Media
ထွန်းတောက်

အေလာမြို့ ။ ။ နေပြည်တော်အနီး၊ အေလာမြို့၊ ရုံးပေရွာတွင် ဗလီနှင့် မွတ်စလင်မ်လူနေအိမ်များအား ၂၃-ရက် မနက်(၁)နာရီခန့်မှစ၍ မီးရှို့ဖျက်ဆီးနေကြောင်း သတင်းရရှိသည်။

နေပြည်တော်အနီး အေလာမြို့နှင့် ၂-မိုင်ခန့် ကွာဝေးသည့် ရုံးပေရွာတွင် ဗလီနှင့် လူနေအိမ်များအား ၂၃-ရက် မနက်(၁)နာရီမှစ၍ မီးရှို့နေသည့်အတွက် ရုံးပေရွာရှိ မွတ်စလင်မ်များ ထွက်ပြေးနေရကြောင်းသိရသည်။

“မနေ့ည (၁၀)နာရီလောက်ကစပြီး ရုတ်ရုတ်သဲသဲဖြစ်တယ်။ နေပြည်တော်က လာကြည့်ပြီးပြန်သွားတယ်။ အခုမနက် (၁)နာရီမှာ မီးစရှို့တာ။ ကာကွယ်ရေးက ဗိုလ်မှူးမြင့်အောင် လာကြည့်တယ်။ ဒီလောက် ဆူပူအော်ဟစ်နေကြတာကို ဘာမှ မလုပ်ပေးပဲ ပြန်သွားတယ်။ ရုံးပေမှာ ဗလီ(၁)လုံးပဲရှိတယ်။ မွတ်စလင်မ်အိမ်ခြေ (၄၀)၀န်းကျင်နဲ့ မွတ်စလင်မ် (၁၅၀)ကျော်ပဲရှိတာ။ ကျွန်တော်တို့တွေ ဟိုးလွန်ခဲ့တဲ့ နှစ်ပေါင်း (၁၅၀)ကတည်းက နေလာခဲ့ကြတာ။ ဘာမှ မဖြစ်ခဲ့ကြဘူး။ အခုမှ ချက်ချင်းထဖြစ်တာ။ ကျွန်တော်တို့ မွတ်စလင်မ်တွေအားလုံးပြေးနေကြရတာ။ ရွာရဲ့ အနောက်ဘက် လယ်ပြင်ထဲမှာ အခုပြေးနေတာပါ။ ကျွန်တော့်ဖုန်းလည်း အားမရှိတော့ဘူး။ တုံးတစ်တုံးပဲကျန်တော့တယ်။ တစ်ခြားလည်း ဖုန်းမရှိကြဘူး။ ကျွန်တော်လည်း တအားမောနေတယ်။ ဖုန်းရပ်လိုက်တော့မယ်”လို့ ပြေးလွှားနေရင်းကပဲ မောဟိုက်နွမ်းလျစွာ M-Media ကို ပြောရင်း ဖုန်းလိုင်း ပြတ်တောက်သွားပါတယ်။

မတ်လ ၂၂ရက်၊၂၀၁၃
M-Media
သတင်း- ၀ါးပင်လေး

ဧရာဝတီတိုင်း မြောင်းမြခရိုင် ၀ါးခယ်မမြို့နယ် ရွှေလောင်းကျေးရွာနေ ဒေသခံပြည်သူတစ်ဦးအား M-Media မှ ၉၆၉လှုပ်ရှားမူ စတင် ဖြစ်ပေါ် နေသည့်အပေါ် ယနေ့ နေ့ခင်း ၂နာရီ ၌ဆက်သွယ်မေးမြန်းရာ အောက်ပါအတိုင်း ပြန်လည် ဖြေကြားခဲ့ပါသည်။

“ကျွန်တော်တို့ ရွှေလောင်းမှာလည်း လွန်ခဲ့တဲ့၁၅ရက်လောက်တုန်းက အခြားနေရာက ဘုန်းကြီးတွေရောက်လာပြီး ရွာမှာရှိတဲ့ လူတစ်ချို့ကို စည်းရုံးသိမ်းသွင်းပြီး ၉၆၉အဖွဲ့ကို တည်ထောင်လိုက်ပါတယ်။ အစ္စလာမ်ဆန့်ကျင်ရေး စာတွေကို အဲ့ဒီ၉၆၉ အမည်ခံအဖွဲ့က လိုက်လံဝေငှ ပါတယ်။ပေါ်ပေါ်ထင်ထင် ဝေတာတော့ မဟုတ်ပါဘူး။ ယခုလ ၁၈ရက်နေ့က ၉၆၉အမည်ခံ လှိုင်ထွန်းဆိုတဲ့သူက ရွာထဲပတ်ပြီး မွတ်စလင်အိမ်ရှိတဲ့နားမှာ ရပ်ရပ်ပြီး“ မင်းတို့ကုလားတွေကို—–ီးပဲထင်တယ်” လို့ မိုက်မိုက်ရိုင်းရိုင်း ဆဲဆိုပါတယ်။

ဆည်မြောင်းနားမှာ နေတဲ့ လူတစ်ယောက်က ၉၆၉ နာမည်ကိုင်ဆောင်ပြီး အိမ်နီးချင်းမွတ်စလင်တွေကို ရန်စ ဆဲဆို ပါတယ်။ ဟိုတစ်နေ့ကလည်း ရွှေလောင်းတံတားနားမှာ မူးပြီး အစ္စလာမ်ဘာသာဝင်တွေကို ဆဲဆိုနေလို့ ရဲအုပ် ဦးမြင့်ဆွေ ရောက်လာပြီး ပြောလိုက်လို့  ဆဲနေတာကိုရပ်ပြီးတော့ ပြန်သွားတယ်။ ၉၆၉ကိုလက်ခံတဲ့ ရွှေလောင်းကျေးရွာထဲက ဘုန်းတော်ကြီး ကျောင်းက ပညာတံခွန်ကျောင်း လို့သိရပါတယ်။ဒီနေ့ သောကြာနေ့မို့ ကျွန်တော်တို့ ဘုရားဝတ်ပြုဖို့ သွားတဲ့အချိန်မှာ တရားဟောဆရာတွေက ကျွန်တော်တို့ အားလုံးကိုပြသနာမဖြစ်အောင် နေကြဖို့သည်းခံခွင့်လွှတ်ကြဖို့ တရားရေအေး တိုက်ကျွေးခဲ့ပါတယ်”ဟု M-Media သို့ပြောကြားခဲ့ပါသည်။

အဆိုပါ မြောင်းမြခရိုင် ၀ါးခယ်မမြို့နယ်၊ ရွှေလောင်းကျေးရွာ တွင် ဘာသာပေါင်းစုံ မှီတင်းနေထိုင်ရာမြို့ဖြစ်ပြီး ၎င်းကျေးရွာတွင် စုစုပေါင်း လူဦးရေ ၁၂၀၀ ကျော် ခန့် မှီတင်းနေထိုင်ကြကာ  အစ္စလာမ်ဘာသာဝင် ဦးရေ ၁၀၀ကျော် တို့ချစ်ခင်ရင်းနှီးစွာ နေထိုင်ကြကြောင်း စုံစမ်းသိရှိရသည်။