Category: ကျန်းမာရေးနှင့်ဆေးပညာ

ဒီဇင်ဘာ ၂၈၊ ၂၀၁၅
M-Media

– ဖုန်းတာဝါတိုင်များကို သိပ်သည်းနီးကပ်စွာနှင့် စနစ်မကျစွာ စိုက်ထူခြင်းမှ ထုတ်လွှင့်သော ရေဒီယိုလှိုင်းများသည် ကျန်းမာရေးဆိုင်ရာ အန္တရာယ်ဖြစ်နိုင်သည်ဟု ဆော်ဒီရှိ လေ့လာမှုတစ်ရပ်က ဆိုသည်။

မကြာသေးမီက ပြုလုပ်ခဲ့သော အဆိုပါလေ့လာမှုတွင် ပါမောက္ခ ဆူလ်တန်အယူဘ် မီယိုက ဖုန်းတာဝါတိုင်များမှ ရေဒီယိုထုတ်လွှင့်မှုများကြောင့် ဆီးချိုရောဂါဖြစ်ပေါ်နိုင်ကြောင်း ပထမဆုံး သက်သေပြနိုင်ခဲ့ပြီး ၎င်း၏ တွေ့ရှိမှုကို ဆွစ်ဇာလန် နိုင်ငံမှ ထုတ်ဝေသော နိုင်ငံတကာ သဘာဝပတ်ဝန်းကျင် သုတေသနနှင့် ပြည်သူ့ကျန်းမာရေးဆိုင်ရာ ဂျာနယ်တွင် ဖော်ပြခဲ့သည်။

“ရေဒီယိုလှိုင်းနဲ့ ဆီးချိုအမျိုးအစား (၂) ရောဂါကြား ဆက်စပ်မှုရှိတာနဲ့ပက်သက်လို့ ကမ္ဘာလုံးဆိုင်ရာ သိပ္ပံသင်ရိုးညွှန်းတမ်းတွေမှာ ထည့်သွင်းသင်ကြားရတော့မှာ ဖြစ်ပါတယ်’ ဟု ဆူလ်တန်က ၎င်း၏ ဖော်ပြမှုတွင် ရေးသားထားသည်။

ဤလေ့လာမှုသည် ရေဒီယိုကြိမ်နှုန်း လျှပ်စစ်သံလိုက်လှိုင်း၏ သွေးနီဥအပေါ် အကျိုးသက်ရောက်မှုကို အခြေခံလေ့လာခဲ့ခြင်း ဖြစ်သည်။ ဆူလ်တန်၏ လေ့လာမှုအသစ်သည် ဆော်ဒီနှင့် အရှေ့အလယ်ပိုင်းနိုင်ငံများရှိ ဆဲလ်ဖုန်းတာဝါတိုင်များကို မေးခွန်းထုတ်စရာများ ဖြစ်လာခဲ့သည်။

ဆူလ်တန်ကမူ ကမ္ဘာပေါ်တွင် မိုဘိုင်းဖုန်းသုံးစွဲမှုမှာ ယခုနောက်ပိုင်းတွင် ပိုမိုများပြားလာပြီး ကမ္ဘာတစ်ဝှမ်း ကိုင်ဆောင်သုံးစွဲသည့် မိုဘိုင်းဖုန်းအလုံးရေမှာ ၇.၃ ဘီလီယံရှိနေကာ ကမ္ဘာ့လူဦးရေထက်ပင် ပိုမိုများပြားနေသည်ဟု ထည့်သွင်းပြောကြားခဲ့သည်။

“မိုဘိုင်းဖုန်းတွေနဲ့ တာဝါတိုင်တွေကထုတ်တဲ့ ရေဒီယိုလှိုင်းတွေဟာ 400 MHz နဲ့ 3 GHz အကြား ရှိပါတယ်”

၎င်းက ထပ်မံ၍ တာဝါတိုင်များမှထုတ်လွှတ်သော ရေဒီယိုလှိုင်းများမှာ ခေါင်းကိုက်ရောဂါ၊ စိတ်ကျရောဂါ၊ သွေးတိုးရောဂါနှင့် အိပ်စက်မှုကစဥ့်ကလျားဖြစ်မှုများ အပါအ၀င် အာရုံကြောရောဂါ၊ နှလုံးသွေးကြောရာဂါ၊ မျိုးပွားစနစ်ရောဂါများ ဖြစ်ပေါ်နိုင်သည်ဟု ဆိုသည်။

ကမ္ဘာတစ်ဝန်းတွင် ဆီးချိုဝေဒနာခံစားနေရသူ ၃၈၂ သန်းခန့်ရှိပြီး ဤကိန်းဂဏန်းသည် ၂၀၃၅ ခုနှစ်တွင် ၅၉၂ သန်းအထိ ရောက်ရှိသွားနိုင်သည်ဟု ခန့်မှန်းထားကြောင်း နိုင်ငံတကာ ဆီးချိုကာကွယ်ရေးအသင်းချုပ်၏ အချက်အလက်များအရ သိရသည်။

သုတေသနအသစ်တစ်ရပ်တွင် ရေဒီယိုတာဝါတိုင်များနှင့် ဆီးချိုရောဂါအကြားဆက်နွယ်မှုကို ရှာဖွေရန် ဆူလ်တန်နှင့် လုပ်ဖော်ကိုင်ဖက်များမှာ ရီယဒ်ရှိ အခြေခံကျောင်း ၂ ကျောင်းကို ရွေးချယ်ခဲ့သည်။ ကျောင်း ၂ ကျောင်းပေါင်းမှ ကျောင်းသား ၁၅၉ ယောက်ကို ရွေးချယ်ခဲ့ပြီး သွေးနမူနာများ တောင်းကာ HbA1c ကို ဓာတ်ခွဲစမ်းသပ်ခဲ့ရာတွင် ရေဒီယိုလှိုင်းအများဆုံးထိတွေ့ခံရသည့် ကျောင်းသားများသည် ရေဒီယိုလှိုင်းထိတွေ့မှုနည်းသည့် ကျောင်းသားများထက် HbA1c ပမာဏပိုများနေကြောင်း တွေ့ရှိခဲ့ရခြင်းဖြစ်သည်။

Ref: Arabnews

ဒီဇင်ဘာ ၂၃၊ ၂၀၁၅
M-Media

– ညဆိုင်းအလုပ်လုပ်ခြင်းမှာ ကျန်းမာရေး ထိခိုက်ရုံသာမကဘဲ အလုပ်အပြီး ကားမောင်း၍ အိမ်ပြန်သည့်အခါတွင်လည်း ကားမတော်တဆဖြစ်နိုင်သည့်အန္တရာယ်မှာ သိသာစွာ မြင့်မားလာနေသည်ဟု အမေရိကန်မှ လေ့လလာမှုတစ်ရပ်အရ သိရသည်။

အဆိုပါလေ့လာမှုတွင် ညဆိုင်းအလုပ်သမား ၁၆ ဦးကို ကားမောင်းကွင်းတွင် နှစ်နာရီကြာကားမောင်းခြင်းကို နှစ်ကြိမ်ပြုလုပ်စေသည်။ ပထမတစ်ကြိမ်မပြုလုပ်မီတွင် အရင်တစ်ညကို အလုပ်မဆင်းစေဘဲ ၇ နာရီခွဲကြာ အိပ်စက်စေသည်။ နောက်တစ်ကြိမ် မပြုလုပ်ခင်တွင် ထိုသူများကိုပင် ညဆိုင်းအလုပ်ဆင်းစေ၍ စမ်းသပ်ခဲ့သည်။

စမ်းသပ်မှုရလဒ်တွင် ပါဝင်သူ ၁၆ ယောက်အနက် ညဘက်အလုပ်လုပ်ခဲ့သည့် ၆ ယောက်သည် တစ်ကြိမ်ထက်ပိုသည့် ကားတိုက်မှုများ ဖြစ်ပွားခဲ့ပြီး ညဘက်မလုပ်ဘဲ အိပ်စက်ခဲ့သည့် ၇ ယောက်ကမူ လုံခြုံဘေးကင်းစွာ ကားမောင်းပြနိုင်ခဲ့သည်။

“အင်မတန်ကျွမ်းကျင်တဲ့ ညဆိုင်းအလုပ်သမား ယာဉ်မောင်းတွေတောင် အိပ်ရေးမ၀ရင် ဖြစ်တတ်တဲ့အားနည်းချက် ရှိပါတယ်၊ ပြီးတော့ ဒါက သွေးထဲ အလ်ကိုဟောပမာဏများလာတဲ့အခါ ဖြစ်တတ်တာမျိုးနဲ့လည်းတူပါတယ်” ဟု စမ်းသပ်မှုရလဒ်အား ရေးသားဖော်ပြခဲ့သူ မိုက်ကယ်လီက ပြောကြားခဲ့သည်။

အမေရိကန်နိုင်ငံသား ၉ သန်းခွဲ သို့မဟုတ် အလုပ်လုပ်သူ ၁၅ ရာခိုင်နှုန်းခန့်သည် ညဘက် လုပ်ကိုင်ရလေ့ရှိပြီး အိပ်ရေးပျက်ကာ ကားမောင်းခြင်းကြောင့် ကားတိုက်မှုများဖြစ်ပွားပြီး ဆေးရုံးရောက်ခြင်း၊ သေဆုံးခြင်းများ ဖြစ်ပေါ်နေသည်ဟု မှတ်တမ်းများက ဆိုသည်။

Ref: Xinhua-