News @ M-Media

Category: EDITORIAL

  • M-Media မူပိုင်ဆောင်းပါး အား ခွင့်ပြုချက် တစုံတရာ တောင်းခံခြင်း မရှိဘဲ စာပေ ကျင့်ဝတ်ဖောက်ဖျက်ကာ ပြည့်သူဆန္ဒ ဂျာနယ် အသုံးပြု

    ဒီဇင်ဘာ ၂၈ ၊ ၂၀၁၃
    M-Media

    1476630_3858639240691_1661101844_n

    (ပြည်သူ့ဆန္ဒဂျာနယ်၊ အတွဲ ၁၊ အမှတ် ၃၉၊ ၁၂.၁၂.၂ဝ၁၃) တွင် မင်းအဂ္ဂ ၏ “၂ဝ၁၄ သန်းခေါင်စာရင်းအကြောင်း သိကောင်းစရာ” ဆောင်းပါး အားဖော်ပြခဲ့သည်။

    အဆိုပါ ဆောင်းပါးမှာ M-Media တွင် ဆောင်းပါးရှင် သီတာလတ် ရေးသား ဖော်ပြခဲ့သော ဆောင်းပါးအား ကူးယူဖော်ပြထားခြင်းဖြစ်ကြောင်းတွေ့သည်။

    M-Media မှ မူပိုင်သတင်း၊ ဆောင်းပါး၊ ဘာသာပြန်များကို စီးပွားဖြစ် ထုတ်လုပ်သော မီဒီယာများတွင် ဖော်ပြလိုလျင် ခွင့်ပြုချက်တောင်းခံရန် ကြေညာထားပြိးဖြစ်သည်။

    ယခုကဲ့သို့ M-Media မူပိုင် ဆောင်းပါးကို အသိပေး အကြောင်းကြားခြင်း မရှိ၊ ခွင့်တောင်းခြင်းမပြုသည့်အပြင် ကလောင် အမည်ကိုပင် ပြောင်းလဲကာ ဖော်ပြခြင်းသည် စာပေနှင့် စာနယ်ဇင်း ကျင့်ဝတ်ကို ချိုးဖောက်ရာ လည်းရောက်ပြီး ကလောင်ရှင်များအား လေးစားမှု မရှိ မထေမဲ့မြင်ပြုသည့် အပြုအမူဖြစ်သည့် အတွက် အဆိုပါ လုပ်ရပ် ပြုလုပ်သူများအား ပြင်းပြင်း ထန်ထန် ကန့်ကွက် ရှုံ့ချပါသည်။

    ယခုကဲ့သို့ စာပေကျင့်ဝတ်ဖောက်ဖျက်ပြီး လုပ်ဆောင်သော ပြည်သူဆန္ဒ ဂျာနယ်မှ သက်ဆိုင်ရာအယ်ဒီတာအဖွဲ့သို့ ဖြေရှင်းပေးရန် M-Media မှ တရားဝင်အီးမေးလ်ပို့ အကြောင်းကြားထားပြီးဖြစ်ပါသည်။

    M-Media Link => http://www.m-mediagroup.com/news/20198
    (သရုပ်ဖော်ဓါတ်ပုံကို M-Media မှ ပြုလုပ်ထားသည့် ဒီဇိုင်းပုံကို ဖြတ်ညှပ်ကပ်ပြုလုပ်ထားသည်။ )

    ဓါတ်ပုံ Link => http://www.m-mediagroup.com/wp-content/uploads/2013/01/myanmar-census-2012.jpg

    ပြည်သူဆန္ဒဂျာနယ် ဆောင်းပါး ဓါတ်ပုံလင့် =>https://fbcdn-sphotos-c-a.akamaihd.net/hphotos-ak-prn2/1471358_1478016869091454_840551301_n.jpg

  • M-Media – FB Fan 40,000 ပြည့် အမှတ်တရ M-Media ပရိသတ်သို့ ကျေးဇူးတင်စကား

    အောက်တိုဘာ-၂၃

    M-Media - 40000

    M-Media လို့ဖြစ်တည်လာမယ့် မီဒီယာကို ၂၀၁၀-ခုနှစ် သြဂုတ်(၁၂) ရက်နေ့မှာ သတင်းအချက်အလက် ဝါသနာရှင် လူငယ်တစုက တည်ထောင်ခဲ့တာဖြစ်ပြီး ယခုဆို ၃-နှစ် ကျော်ကာလတည်ခဲ့ပါပြီ။

    ယခု M-Media အသုံးပြုနေတဲ့ FB Fan Page ရဲ့ သက်တမ်းကတော့ လွန်ခဲ့တဲ့ ၂၀၁၂-ခုနှစ် အောက်တိုဘာလ အတွင်းမှာ ပြုလုပ်ခဲ့တာဖြစ်ပြီး ယခုဆို ၁-နှစ် စွန်းစွန်း သက်တမ်း ရှိခဲ့ပါပြီ။

    အခုလို အချိန်တိုကာလအတွင်း M-Media ကို တခဲနက် အားပေးခဲ့ကြတဲ့ ပရိသတ်ကြီးကို M-Media ဝိုင်းတော်သားများမှ အထူးပဲ ကျေးဇူးဥပကာရ တင်ရှိပါတယ်။

    M-Media အနေဖြင့် မိမိတို့ တတ်စွမ်းသလောက်အင်အားနဲ့ M-Media စာဖတ်ပရိသတ်ထံ သတင်းအမှန်များနှင့် အခြားသော ဗဟုသုတ ကဏ္ဍ အစုံအလင်ကို ကြိုးစားတင်ဆက်ခဲ့ပါတယ်။

    ယခုရက်သတ္တပတ်အတွင်း အချို့သောသူများ M-Media နှင့်ပတ်သက်ပြီး စွပ်စွဲ အပုတ်ချ တိုက်ခိုက်မှုတွေ အဆက်မပြတ် ပြုလုပ်လာတာကို တွေ့ရပါတယ်။

    M-Media အနေဖြင့် မိမိတို့ရဲ့ ရပ်တည်ချက် မူဝါဒကို ရှင်းလင်းပြတ်သားစွာ ကြေညာထားပြီး ဖြစ်သည့် အားလျော်စွာ အဆိုပါ မူဝါဒပေါ်တွင် ခိုင်မြဲစွဲ ရပ်တည်သွားမှာဖြစ်ပြီး သတင်းခိုင်မာ တိကျမှန်ကန်မှုကို အသားပေးဆောင်ရွက်ရင်း အမှန်တရားကို သစ္စာစောင့်သိသော မီဒီယာတစ်ခုအဖြစ် ကြိုးစားရပ်တည် သွားမှာဖြစ်ပါတယ်။

    ပြည်ထောင်စုမြန်မာနိုင်ငံအတွင်း မှီတင်းနေထိုင်ကြသော လူမျိုးတိုင်း ဘာသာတိုင်း လူ့ ဂုဏ်သိက္ခာ အပြည့်အ၀နဲ့  နေထိုင်နိုင်ရန်၊ လူ့ အခွင့်အရေး အပြည့်အ၀ရရှိရန်၊ ခွဲခြားဆက်ဆံမှုပပျောက်ရန်၊ မတရားမှုဖိနှိပ်မှုနဲ့  အကြမ်းဖက် စော်ကားမှုတွေ ပပျောက်ရန် အတွက် ရှေ့ရှုတဲ့ မီဒီယာအဖြစ် ကြိုးစား ရပ်တည် ဆောင်ရွက်သွားမည်ဖြစ်ကြောင်း M-Media စာဖတ် ပရိတ်သတ်ကြီးအား အလေးအနက် ကတိပြုပြောကြားပါတယ်။

    ပရိတ်သတ်ကို အစဉ်လေးစားလျက်

    M-Media ဝိုင်းတော်သားများ

  • ပယ်ဖျက်သင့်သည့် မြန်မာနိုင်ငံ၏ ကလေးမယူရ စည်းမျဉ်း (ဘန်ကောက်ပို့စ် အယ်ဒီတာ့ အာဘော်)

    ဇွန်-၂၊၂၀၁၃
    M-Media
    ဘန်ကောက်ပို့စ်သတင်းစာမှ အယ်ဒီတာ့အာဘော်

    Myanmar-s-2-child-policy-for-Rohingyas-
    credit-ဧရာဝတီ

    မြန်မာနိုင်ငံသည် နိုင်ငံတကာအသိုင်းအ၀ိုင်းနှင့်ပတ်သက်ဆက်ဆံနေသည့်ကြားမှ နှစ်ပေါင်း ၅၀ ကြာ အာဏာရှင်စံနစ် တစ်ခုကို ထပ်မံထုတ်ပြလိုက်ပြန်သည်။ လွန်ခဲ့သော ရက်သတ္တပတ်က လက်မခံနိုင်စရာ ရုပ်ပျက်ဆင်းပျက် ကိစ္စ တစ်ရပ်ကို အစိုးရမှ ပြုလုပ်ခဲ့သည်။ ရိုဟင်ဂျာ အမျိုးသမီးတို့၏ ဘ၀တာ၌ ကလေး ၂ ဦးထက် ပိုမယူရ ဟူ၍ အမိန့်ထုတ်ပြန်လိုက်ခြင်းဖြစ်သည်။ ယင်းသို့သော မူဝါဒမျိုးကို မည်သည့်တိုင်းနိုင်ငံမှ ပြဋ္ဌာန်းဖူးခြင်း မရှိခဲ့သဖြင့် ၄င်းကို မြန်မာနိုင်ငံမှ အလျင်အမြန် ပယ်ဖျက်လိုက်ရန် လိုအပ်နေသည်။

    ရှုတ်ချဖွယ်ကောင်းသည့်မူဝါဒကို မြန်မာအာဏာပိုင်များမှ လူသိရှင်ကြား အသိဥာဏ်ကင်းမဲ့စွာ ကာကွယ်ခဲ့ကြသည်။

    ရခိုင်ပြည်နယ် အနောက်ပိုင်းအစိုးရ၏ ပြောရေးဆိုခွင့်ရှိသူ ဦးဝင်းမြိုင်က ပြည်နယ်တွင်း ရာဂဏန်း လူအသေအပျောက်ဖြစ်ရသော လူမျိုးရေးအကြမ်းဖက်မှုများ၊ ဗုဒ္ဓဘာသာဝင်တို့မှ တိုက်ခိုက်နေမှုများ၏ အဓိက အကြောင်းရင်းမှာ  “ ရိုဟင်ဂျာတို့၏ လူဦးရေ လျင်မြန်စွာ တိုးပွားလာမှု ” ကြောင့်ဖြစ်သည်ဟု ပြောဆိုလိုက်သည်။ ရိုဟင်ဂျာတို့၏မွေးဖွားမှုက ဗုဒ္ဓဘာသာဝင်များအား လူသတ်သမားဖြစ်စေခြင်း ဟူသည်မှာ မှန်ကန်ပါ၏လော။ ၄င်းဦးဝင်းမြိုင်က မွေးဖွားမှုကန့်သတ်သည့် မူဝါဒမှာ ဗုဒ္ဓဘာသာဝင်များနှင့် မသက်ဆိုင် ဟူ၍လည်း ပြောခဲ့သည်။

    ရိုဟင်ဂျာတို့ရှိရာဒေသများမှကျော်လွန်ပြီး မွတ်စလင် ဆန့်ကျင်ရေးကျယ်ပြန့်လာခြင်းနှင့်အတူ အစိုးရပိုင်းကလည်း ယင်းပေါ်လစီအား မတားမြစ်နိုင်ခဲ့ချေ။ ဘာသာရေးကို အခြေပြုပြီး မွေးဖွားနှုန်းကန့်သတ်သည့် ဥပဒေမျိုးသည် ကမ္ဘာပေါ်၌ မည်သည့် တိုင်းနိုင်ငံမှာမှ မရှိပါ။ တရုတ်ပြည်၏ “ကလေး တစ်ဦးတည်းသာယူရမည်” ဆိုသည့် တင်းကြပ်သော မူဝါဒသည်ပင်လျှင် လူနည်းစုများ အတွက် ခြွင်းချက်ပေး ထားခဲ့သည်။ မြန်မာနိုင်ငံသည်ကား အန္တရာယ် အပေးခံရဆုံးသော လူနည်းစုဝင်တို့အပေါ် အပြင်းစား ဒုက္ခတစ်ရပ် ထပ်မံပစ် သွင်းလိုက်လေပြီ။

    ဘာသာတရားကြောင့် မွေးဖွားမှုပိတ်ပင်ခြင်းကိစ္စသည် အဆုံးသတ်တွင် ဒေါ်အောင်ဆန်းစုကြည်အား လှုပ်နိုးခဲ့၏။ ငြိမ်းချမ်းရေးနိုဗယ် ဆုရှင်သည် လူ့အခွင့်အရေးအဖွဲ့များ၊ မြန်မာ မွတ်စလင်ခေါင်းဆောင်များနှင့် အတူ ဤအရေးကို ရှုတ်ချခဲ့ကြသည်။ ယင်းအမိန့်သည် ခွဲခြားနှိမ့်ချဆက်ဆံမှုဖြစ်ပြီး လူ့အခွင့်အရေးကိုရိုက်ချိုးသည် သာမက နိုင်ငံတော်ဖွဲ့စည်းပုံစည်းမျဉ်းအရ တရားမ၀င်ပါ ဟု ဒေါ်စုကြည်မှ ပြောဆိုလိုက်သည်။ လက်ကမ်းကြိုဆိုအပ်သော စကား ဖြစ်သည်။ ပါလီမန်အမတ်ဖြစ်ပြီး ၁၄ လတာအတွင်း သူမသည် လူ့အခွင့်အရေးကိစ္စ အားလုံးနီးပါးမှ လက်ရှောင်နေခဲ့သည်။ ယခုသော် အစွန်းရောက် ဗုဒ္ဓဘာသာဝင်များနှင့်အစိုးရတို့မှ လက်မခံကြသည့် လူ့အခွင့်အရေး အကြောင်းအား ပြန်လည်၍ ရဲရဲဝံ့ဝံ့ ပြောထုတ်လာပြီဖြစ်သည်။ မြန်မာနိုင်ငံသည် သူမ မပါဘဲနှင့် အရေးပါအရာရောက်သည့်နိုင်ငံ တစ်ခုဖြစ်မလာနိုင်၊ ပြန်လည်ပြုပြင်ရေး လုပ်ငန်းစဉ်၌လည်း အောင်မြင်ခြင်းအသံ ထွက်နိုင်မည် မဟုတ်ပါ။

    အကယ်၍ အမေရိကန်သမ္မတ ဘားရက်အိုဘားမားသည်  လူ့အခွင့်အရေးနှင့် မူးယစ်ဆေးဝါး တိုက်ဖျက်မှု၌ မြန်မာခေါင်းဆောင် ဦးသိန်းစိန်၏ ဥပေက္ခာပြုမှုကို လက်ခံလိုက်ပါလျှင်   ဖြစ်ပေါ်လာမည့် အန္တရာယ်အား သတိထားရပေတော့မည်။

    ရိုဟင်ဂျာတို့ အပေါ်ဦးတည်သော အကြမ်းဖက်မှုကို ရပ်တန့်ရန်လိုအပ်ကြောင်း မစ္စတာအိုဘားမား မှ ထုတ်ဖော်ပြောဆိုလိုက်သော်လည်း အိမ်ဖြူတော်သို့အလည်အပတ်ရောက်ရှိလာသော ဦးသိန်းစိန်အား ဒီမိုကရက်တစ် ပြုပြင်ရေးသမား တစ်ဦးအဖြစ် ချီးမွှမ်းခန်း ဖွင့်နေခဲ့သည်။ ရိုဟင်ဂျာများအပေါ် အလေးထားစေချင်သော အသိပေးချက်သည် အကျိုးသက်ရောက်မှု မရှိခဲ့သည်မှာ ထင်ရှားနေ၏။

    ယင်းသို့သော ဆိုးဝါးပြင်းထန်သည့်ပြဿနာများအပေါ် မစ္စတာအိုဘားမားမှ မှားယွင်းစွာ သုံးသပ်မိလင့်ကစား မြန်မာနှင့် အိမ်နီးချင်းနိုင်ငံများမှာ ဦးစွာ ဖြေရှင်းဆောင်ရွက်ရန် အရေးကြီးသည်။

    ဦးသိန်းစိန်နှင့်သူ၏အစိုးရအပေါ် ထိုင်း၊ အိန္ဒိယ နှင့် တရုတ်တို့မှ အတော်အတန် သြဇာလွှမ်းမိုးနေ၏။ အာဆီယံနိုင်ငံများလည်း အလားတူပင်ဖြစ်၏။ အာဆီယံနိုင်ငံများ အတွင်း မြန်မာသည် ဤနှစ်တွင် ကဏ္ဍအချို့၌ ဦးဆောင်ရန် လျာထားခံရသည်။ ကလေး ၂ ဦးသာမွေးဖွားရမည်ဟူသော ပေါ်လစီအား ထိထိရောက်ရောက် ပြန်လည် မရုပ်သိမ်းပါက မြန်မာနိုင်ငံသည် ထိုနေရာများနှင့် ထိုက်တန်တော့မည် မဟုတ်ပါ။

    သို့သော် ချက်ခြင်းစတင်ဆောင်ရွက်ပါမှ အလျင်မီပေမည်။

    မြန်မာနိုင်ငံသည် နိုင်ငံအ၀ှန်း မွတ်စလင်ဆန့်ကျင်ရေးအကြမ်းဖက်မှု၊ နိုင်ငံတွင်းကြိုးကိုင်သူတို့၏ ပွင့်လင်းစွာ မူးယစ်ဆေးဝါး ရောင်းဝယ်နေခြင်းအား အဆုံးသတ်ရေး တာဝန် – နှစ်မျိုးစလုံးကို လျစ်လျူရှုလျက်ရှိသည်။ ဦးသိန်းစိန်၏ ဤပျက်ကွက်မှုများက နိုင်ငံတော်အား အမည်းစက်စွန်းထင်းသွားစေသည်။ အိမ်နီးချင်းနိုင်ငံများမှလည်း ၀ိုင်းဝန်းတည့်မတ်ပေးခြင်း မပြုပါက ပို၍ဆိုးဝါးဖွယ်ရှိ၏။ မြန်မာ၏သဟာယနိုင်ငံများအနေဖြင့် မြန်မာနိုင်ငံအစိုးရအား ပြုပြင်ရမလွယ်တော့လောက်အောင် မိမ်ိနိုင်ငံ၊ နိုင်ငံသား လူနည်းစုဝင် နှင့် ဒီမိုကရက်တစ်နိုင်ငံဖြစ်ရေး အခွင့်အလမ်း တို့အား မိမိဖာသာပြန်ဖျက်နေမှုကို တားမြစ်ရမည် ဖြစ်ပေသည်။

    ဘန်ကောက်ပို့စ်သတင်းစာ၏ မေလ-၂၉ ရက်နေ့  ခေါင်းကြီးပိုင်း အယ်ဒီတာ့အာဘော် ကို သာကီထက်ကောင်းမှ ဆီလျောင်အောင် ဘာသာပြန်ဆိုပါသည်။

  • လတ်တလော ဖြစ်ပွားခဲ့သည့် အကြမ်းဖက် အဓိကရုဏ်းများ နှင့် M-Media အယ်ဒီတာအဖွဲ့ သဘောထား

    လတ်တလော ဖြစ်ပွားခဲ့သည့် အကြမ်းဖက် အဓိကရုဏ်းများ နှင့် M-Media အယ်ဒီတာအဖွဲ့ သဘောထား

    M-Media
    မတ်လ ၃၀ ရက်၊ ၂၀၁၃
    [Editorial]

    လွန်ခဲ့သည့် ရက်သတ္တပတ်အတွင်း ဖြစ်ပျက်ခဲ့တဲ့ မွတ်စလင်မ်ဆန့်ကျင်ရေး အဓိကရုဏ်းကြောင့် နိုင်ငံတကာ မီဒီယာတွေ မှာတော့ မြန်မာ သတင်းတွေ ခေါင်းကြီးပိုင်းက ဦးဆောင်ခဲ့ပါတယ်။ တချို့ကလည်း တုန်လှုပ်ဖွယ်ကောင်း တဲ့ ခေါင်းစဉ်မျိုးတွေနဲ့ အဖြစ်မှန်ကို ဒဲ့ရေးကြသလို တချို့ကလည်း သွယ်ဝိုက်စွာနဲ့ အကြံပြုကြတာမျိုး ရှိပါတယ်။

    သို့သော် မြန်မာပြည်တွင်း အခြေဆိုက် မီဒီယာကြီးတွေကတော့ ဒီလိုမျိုး ကြောက်မက်ဖွယ်ရာ အဓိကရုဏ်းကြီးကို ဖြစ်ရပ်မှန် အတိုင်း ခေါင်းစဉ်တပ်ဖို့ ရာ တော်တော်လေး ရွံ့နေပုံရပါတယ်။ ထိုနည်းတူ ပြန်ကြားရေး ဒုဝန်ကြီး  ဦးရဲထွဋ်ကလည်း အမေရိကန် သံအမတ်ကြီး  ဒီရက်မစ်ချဲလ်ရဲ့ “violence against Muslim communities” ၊ “မွတ်စလင်မ် ဆန့်ကျင်ရေး အဓိကရုဏ်း” ဆိုတဲ့ အသုံးအနှုံးကို နားလည်မှု လွဲမှားခြင်း သာဖြစ်တယ်လို့ ဆိုပါတယ်။

    အိမ်ရှင်/ဧည့်သည်ဆိုတဲ့ မှတ်ချက်အချို့ကြောင့်လည်း ပြည်တွင်းက native မြန်မာမွတ်စလင်မ်တွေ သာမက ချင်း၊ ကရင်၊ လီဆူး၊ ကချင်နဲ့ လားဟူ စတဲ့ တိုင်းရင်းသားတွေအတွက်ပါ အနည်းနဲ့ အများစိတ်ပိုင်း ဆိုင်ရာ ထိခိုက်မှုတွေ ဖြစ်ခဲ့ရသလို အချို့သော ရဟန်းသံဃာတော်တွေရဲ့ အပြု သဘောဆောင် မှတ်ချက်တွေ၊ လူသားချင်းစာနာစွာ ကူညီပံ့ပိုးမှုတွေကြောင့်လည်း ကျေနပ်ပီတိဖြစ်စရာတွေ ရှိခဲ့ပါတယ်။

    ပြည်ပ မီဒီယာ ပယောဂ

    ပြည်ပမီဒီယာတွေအနေနဲ့ လက်တံခြေတံရှည်တဲ့ အဖွဲ့ကြီးတွေဆီကနေ ရတဲ့ အချက်အလက် တွေအပေါ်အခြေခံပြီး၊ အဖြစ်အပျက် အပေါ်မှာ ဂဃနဏနားမလည်ဘဲ ရေးသားတာတွေ၊ သတင်းထုတ်ပြန်တာတွေ ရှိနေတယ်လို့ မှတ်ချက်ပေးမှုမျိုး ရှိခဲ့ပါတယ်။ ဒီမှတ်ချက်ကတော့ အဓိကရုဏ်းဆီ ကိုယ်တိုင်ကိုယ်ကျ သွားရောက်ခဲ့တဲ့ ကိုမင်းကိုနိုင်ရဲ့ မှတ်ချက်နဲ့ ကွဲပြားနေပါတယ်။ အဓိကရုဏ်းတားဆီးရေးနဲ့ ဓားစာခံပြစ်မှတ်တွေကို ဘယ်သို့ဘယ်ပုံ ကာကွယ်မလဲ၊ ကူညီမလဲဆိုတာတွေက သာပြီး အဓိကကျနေတဲ့ အချိန်မှာ ဒါမျိုးမှတ်ချက်က စိတ်ပျက်ဖွယ်ပါပဲ။

    ဘာကြောင့် လဲဆိုတော့ အဲဒီလို ပြည်ပအခြေဆိုက်မီဒီယာတွေထဲမှာ မြန်မာပြည် ဒီမိုကရေစီကြိုးပမ်းမှု တလျောက် ကူညီပံ့ပိုးခဲ့ကြတဲ့ မီဒီယာတွေ ပါနေသလို လက်ရှိမှာလည်း မြန်မာပြည်အရေး ကျွမ်းကျင်တဲ့ expert တွေကို ဖိတ်ခေါ်ဆွေးနွေး တင်ပြနေကြတဲ့ မီဒီယာတွေလည်း ပါဝင်နေလို့ပါပဲ။

    မြန်မာ့အရေး ကျွမ်းကျင်သူတွေနဲ့ မျက်မြင်သက်သေ နိုင်ငံခြားသားများ

    နိုင်ငံတကာက မြန်မာ့အရေးကျွမ်းကျင်သူတွေနဲ့ မြန်မာပြည်ရောက်ဖူးတဲ့ နိုင်ငံခြားသားတွေရဲ့ မှတ်ချက်က သေချာပြီး စိတ်ခံစားချက် မပါတဲ့ မှတ်ချက်တွေ ဖြစ်ပါတယ်။ မွတ်စလင်မ်တွေနဲ့ပတ်သတ်ရင် ခက်ထန်တင်းမာတဲ့ ရဟန်းအချို့ရဲ့ ဟောပြောချက်တွေကို ဗုဒ္ဓဘာသာဝင်အချို့က မျက်စိမှိတ်ယုံလေ့ရှိတယ်၊ အဲဒီသူတွေထဲမှာ ထူးဆန်းစွာနဲ့ပဲ ပညာတတ် အသိုင်းအ၀န်းကလူတွေပါ ပါဝင်နေတယ်ဆိုတာကို သူတို့တွေရဲ့ မှတ်ချက်တွေမှာ တွေ့ရှိရပါတယ်။

    က) ဗုဒ္ဓဘာသာဘုန်းကြီးတွေရဲ့ အမုန်းတရားများစေမယ့် Hate Speech တွေကို နားရည်ဝနေတာကြောင့်၊ မိတ္ထီလာမြို့ဖြစ်စဉ်မှာ မွတ်စလင်မ် လူတန်းကြီးကို ခေါ်ထုတ်လာတုန်း ဘေးကနေ ရိုက်ရိုက်၊ သတ်ပြစ်လို့ အော်နေကြတဲ့ ဗွီဒီယိုဖိုင် ဆိုရှယ်မီဒီယာပေါ်မှာ ပျံ့နှံ့ခဲ့ပါတယ်။

    ခ) အစ္စလာမ်ဘာသာဝင် ကိုတင်ဝင်း အကြောင်းနဲ့ အဆုံးသတ်ပြီး အတွေးများစွာ မွေးထုတ်ပေးတဲ့ ဆောင်းပါးတစ်ပုဒ် ကို မြန်မာ့အရေး ကျွမ်းကျင်သူ ANU ပရော ဖက်ဆာနှစ်ဦးဖြစ်တဲ့ Dr Andrew Walker နဲ့ Dr Nicholas Farrelly တို့ ဦးစီးတဲ့ New Mandala မှာ ဖတ်ရှုရပြန်ပါတယ်။

    ဂ) ဧရာဝတီမှာ မိတ္ထီလာက ကိုယ်တွေ့ဖြစ်ရပ်ကလေးကို တင်ပြပေးခဲ့တဲ့ Geoffrey-hiller ရဲ့ ဆောင်းပါး ကလည်း ငြိမ်းချမ်းနေတဲ့ မြို့ကလေးကို သာမာန်စကားအခြေအတင်များရာကနေ ပြာကျသွားတဲ့ ဖြစ်ရပ်က ဘာကြောင့်များပါလဲ ဆိုတာ လှလှပပ ပုံဖော်ပြထားပြန်ပါတယ်။

    နိုင်ငံခြားသား မြန်မာ့အရေး ကျွမ်းကျင်သူတွေ ကိုယ်တိုင် ဖော်ပြပါဆောင်းပါးတွေမှာ ဗုဒ္ဓဘာသာ ရဟန်းအချို့ရဲ့ မုန်းတီးရေးအခြေခံ အစ္စလာမ်ဆန့်ကျင်ရေး တရားတွေကို မီးမောင်းထိုး ထောက်ပြနေကြပါတယ်။

    အရင်းအမြစ်ကို မထိုးဆွရဲတာ ဘာကြောင့်လဲ

    နိုင်ငံတကာက မြန်မာ့အရေးကျွမ်းကျင်သူများရဲ့ မှတ်ချက်တွေပေါ်အခြေခံတဲ့ နိုင်ငံခြားမီဒီယာတွေကို မဝေဖန်ခင်၊ မြန်မာပြည်မှာ သူတို့ထောက်ပြတဲ့ ရဟန်းဟော hate speech တွေ ရှိနေသလားဆိုတာကို တိုက်ရိုက် ထောက်ပြ ပြောဆိုကြရပါမယ်။

    ဒါကို ယနေ့ထိ မြန်မာပြည်က တာဝန်ရှိသူတွေရော၊ တခြားအဖွဲ့အစည်းတွေပါ မပြုလုပ်ကြသေးပါ။ ဒီလိုမျိုး လမ်းဘေး က အမုန်းတရားဖြန့်ချိရေး တရားပွဲတွေ၊ စာတမ်းဖြန့်ဝေမှု၊ စီဒီဖြန့်ဝေမှုတွေ၊ စာအုပ်စာတမ်းဖြန့်ဝေမှုတွေ ဟာ မိတ္ထီလာအဓိကရုဏ်းကြီးမစတင်မီ အမှန်တကယ်ရှိခဲ့လို့လည်း ၈၈ ခေါင်းဆောင် ကိုမင်းကိုနိုင်က သူ့အနေနဲ့ ဒီလိုမျိုး အဓိ ကရုဏ်းကြီးဖြစ်လာမယ်ဆိုတာ ကြိုတင် ခံစားမိနေတဲ့အကြောင်း ပြောပြခဲ့တာဖြစ်ပါတယ်။

    ဒါ့ပြင် နိုင်ငံတကာ မီဒီယာကို အရှိန်မြင့်ပေးလိုက်တဲ့ အဖြစ်အပျက်က သတင်းထောက်တွေကို အကြမ်းဖက်သမားတွေက ရန်မူကြခြင်း ဖြစ်ပါတယ်။ ဒါနဲ့ ပတ်သတ်ပြီး အလဲဗင်း မီဒီယာကလည်း ဘာသာရေး အဆောက်အဦကို ဖျက်ဆီးနေချိန် မှာ ဓာတ်ပုံရိုက်ခွင့်မပေးဘူးလို့ သတင်းဖော်ပြခဲ့ပါတယ်။

    အဲဒီလိုမျိုး အမုန်းတရားပြန့်ပွားဖို့ လုပ်ဆောင်နေတဲ့ လူတစ်စုကို တားဆီးဖို့၊ တိုက်ရိုက်ပြစ်တင်ပြောဆိုဖို့ ဘာကြောင့် ပျက်ကွက်နေကြတာပါလဲ။

    ကုလ ကိုယ်စားလှယ် မစ္စတာကင်တားနားကတော့ မွတ်စလင်မ်ဆန့်ကျင်ရေး အကြမ်းဖက်မှုတွေမှာ ရဲ၊ စစ်တပ်နဲ့ တခြားသော အစိုးရတာဝန်ရှိသူတွေ ကိုယ်တိုင် ရပ်ကြည့်နေတာကြောင့် အကြမ်းဖက်မှုနောက်ကွယ်မှာ အစိုးရ အဖွဲ့အစည်း အချို့ပါဝင်ပတ်သတ်နေတယ်ဆိုတဲ့ သတင်းတွေ ရရှိတဲ့အကြောင်း ပြောဆိုခဲ့ပါတယ်။

    ဒီအချက်ကို မြန်မာအစိုးရက ငြင်းဆိုပေမယ့် ကျိုးကြောင်းပြရာမှာတော့ အားနည်းချက်တွေ၊ သံသယ ပွားစရာတွေ ရှိနေသလို နိုင်ငံတကာကလည်း ဒီအဓိကရုဏ်းကြီးက ဘာကြောင့်ဖြစ်လာသလဲဆိုတဲ့အပေါ်မှာ အာရုံခံနေကြတဲ့ အချိန် အရင်းအမြစ်ကို ချပြထားတာမျိုး မရှိသေးပါ။ မြေပြင်အခြေ အနေကို တိုက်ရိုက်မြင်တွေ့ခဲ့တဲ့ ကိုမင်းကိုနိုင်နဲ့ NLD အမတ် ဦးဝင်းထိန်တို့ရဲ့ မှတ်ချက်ကလည်း ကင်းတားနားအဆိုကို ထောက်ခံနေတယ်ဆိုတာ သတိချပ်ရမှာပါ။

    မြန်မာပြည်ရဲ့အလားအလာ

    တစ်နှစ်အတွင်းမှာတင် အဓိကရုဏ်းတွေ စဉ်ဆက်မပြတ်ဖြစ်နေတဲ့ မြန်မာပြည်ထဲ ဘယ်သူတွေက ရင်းနှီးမြှပ်နှံဖို့ စွန့်စားရဲပါ့မလဲ။ နိုင်ငံတကာ ရင်းနှီးမြှပ်နှံမှုတွေနဲ့အတူ ဘာသာပေါင်းစုံ လူမျိုးပေါင်းစုံ ၀င်လာမယ့်အပေါ်မှာ ၉၆၉ ဆိုတဲ့ အဟန့်အတားကို ဘယ်သူက တာဝန်ယူပေးမလဲ။ စတဲ့မေးခွန်းတွေ စီရရီထွက်ပေါ်လာပါပြီ။ အလားအလာမကောင်းတဲ့ လက္ခဏာလို့ သုံးသပ်ကြမှာဖြစ်သလို နိုင်ငံခြားရောက် မြန်မာပြည်သား အသိပညာရှင် အတတ်ပညာရှင်တွေအနေနဲ့လည်း နိုင်ငံတွင်း ပြန်လာဖို့ စဉ်းစားစရာ ဖြစ်နေပါပြီ။

    နောက်ဆုံးအဖြေ

    အမ်-မီဒီယာအနေနဲ့ မြန်မာပြည်တွင်းက ဗုဒ္ဓဘာသာဘုန်းတော်ကြီးများသာမက အချို့သော ဗုဒ္ဓဘာသာဝင်များရဲ့ လူသားချင်း စာနာမှု၊ မေတ္တာ ကရုဏာရှေ့ထားပြီး ဆောင်ရွက်ကြတဲ့ စေတနာ့ဝန်ထမ်း အမှုများကို ၀မ်းမြောက်ဂုဏ် ယူစွာဖြင့် အသိအမှတ်ပြု မှတ်တမ်းတင်ပါတယ်။

    ထို့အတူ ဒီလိုအရေးအခင်းကြီးမျိုး နောက်ထပ် မဖြစ်စေဖို့ အမ်-မီဒီယာက ရှုထောင့်ကဏ္ဍ တစ်ခုကနေ တင်ပြချင်တဲ့ အဖြေများ သို့မဟုတ် တောင်းဆိုမှုများကတော့ –

    ၁) အကြမ်းဖက်မှုမှာ ဘာသာသာသနာမရှိပါ။ အစ္စလာမ်ဘာသာရေးအဖွဲ့ကြီးတွေ သဘောထားထုတ်ပြန်ခဲ့ သလိုပါပဲ၊ အရေခြုံသံဃာ အချို့ကြောင့် ဖြစ်ပေါ်လာတဲ့ အကြမ်းဖက်မှုကို အခြေတည်ပြီး ဘာသာသာသနာတစ်ခုကို ယိုးမယ်ဖွဲ့ဖို့ မဖြစ်နိုင်ပါ။ သို့သော် လူမျိုးဘာ သာပေါင်းစုံ ပါဝင်နေတဲ့ မြန်မာပြည်သူလူထုကြီးထဲက အုပ်စုတစ်စုကိုတော့ဖြင့် ငါးပိတုန်းကျီးချီသလို တတိတတိနဲ့ မျိုးမတုန်းသွားဖို့ရာ သဘောထား တင်းမာသူတွေ၊ သင်္ကန်းခြုံပြီး မူတစ်မျိုးထွင် နေကြတဲ့အုပ်စုတွေ၊ စတာတွေသာမက အချိန်ကိုက် ၀ါဒဖြန့်မှိုင်းတိုက် သူတွေကိုပါ ဖော်ထုတ် အရေးယူရပါမယ်။

    ၂) ဘာသာသာသနာအချင်းအချင်း သဘောပေါက်နားလည်မှုမြင့် တက်စေဖို့ ၉၆၉ တရားပွဲတွေနေရာမှာ အမေရိကန် သံအမတ်ကြီး အဆိုပြုတဲ့ interfaith dialogue တွေ၊ ဖိုရမ်တွေ၊ ဒါ့အပြင် အခြေခံပညာကျောင်းများမှာပါ ကလေးများ အကြား အမြင်မကြည်လင်မှုတွေကိုကုစားပေးမယ့် အစီအစဉ်တွေနဲ့ အစားထိုးရပါမယ်။

    ၃) ပြည်သူလူထုရဲ့ အသက်အိုးအိမ်စည်းစိမ်ကို ကာကွယ်ဖို့၊ လုံခြုံမှုပေးဖို့ဆိုတာ မိန့်ခွန်းပြောကြားယုံနဲ့ မဖြစ်နိုင်ပါ။ ဒါကြောင့် လက်တွေ့အကောင် အထည်ဖော်မှုတွေသာမက နောက်ကွယ်ကြိုးကိုင်လှုပ်ရှားသူတွေကိုပါ ပြည်သူ့ရှေ့ ချပြဖို့ လိုအပ်ပါတယ်။

    ၄) ဒါ့ကြောင့် မိတ္ထီလာ အဓိကရုဏ်းစုံစမ်းစစ်ဆေးရေးကော်မတီရဲ့ အစီရင်ခံစာက အဓိကအချက်အလက်များကို တိုက်ရိုက်ပြောဆို တင်ပြတာမျိုး ဖြစ်နေပြီး နိုင်ငံတကာရဲ့ သို့လောသို့လောအခြေအနေများသာမက ပြည်သူလူထုရဲ့ ကျီးလန့်စာ စားနေရတဲ့အဖြစ်များကိုပါ ပပျောက်သွားစေမယ်လို့ မျှော်လင့်ပါတယ်။

    ၅) အခြေခံဥပဒေမှာ အတိအလင်းပါရှိတဲ့ နိုင်ငံသားအခွင့်အရေးနဲ့ လွတ်လပ်စွာ ကိုးကွယ်ပိုင်ခွင့်ကို ချိုးဖောက်တဲ့ ဘယ်လို လုပ်ဆောင်ပြောဆိုချက်ကို မဆို ကျောသားရင်သား မခွဲခြားဘဲ တရားဥပဒေနှင့် အညီ အရေးယူဆောင် ရွက်နိုင်မယ့် တရားရေးမဏ္ဍိုင် အားကောင်းမှန်ကန်ဖို့ ဆောင် ရွက်ပေးစေ လိုပါတယ်။

    ၆) ယခင် အာဏာရှင် လက်ထက်မှာ “အမျိုးပျောက်မှာ စိုးကြောက်စရာ” လိုမျိုး အပုတ်ချအမြတ်ထုတ် ၀ါဒဖြန့်တဲ့ စာအုပ်စာတမ်းတွေ လက်သိပ် ထိုးဖြန့်ချိခဲ့ပါတယ်။ ယနေ့မှာတော့ အဲဒီစာအုပ်ပါ အကြောင်းအရာမျိုးတွေကို ပေါ်ပေါ်ထင်ထင် ဟောပြော တင်ပြနေတာတွေ၊ အခွေများ၊ စာအုပ် များဖြန့်ချိနေတာတွေ ပြုလုပ်နေကြပါတယ်။ ဒါကြောင့် အုပ်စုနှစ်ခုအကြား အမုန်းတရား ပွားများခြင်းမျိုးမရှိဖို့အတွက် ပြစ်မှုဆိုင်ရာဥပဒေ (ယခင် ရာဇသတ်ကြီး) အခန်း ၁၅ ဘာသာသာသနာ ဆိုင်ရာပြစ်မှုများ ပုဒ်မ ၂၉၅(က) အား လက်တွေ့ အသက်ဝင်လာစေ ဖို့ ဆောင်ရွက်ပေးစေ လိုပါတယ်။

    အေးချမ်းသာယာသော လူမျိုးသာသနာပေါင်းစုံ စုစည်းရာ ဒီမိုကရေစီပြည်ထောင်စုကြီးကို လိုလားလျက် –