Category: ဆောင်းပါး

၂၀၁၄ သန်းခေါင် စာရင်းအရ ပေါ်ထွက်လာတဲ့ ‘ဗုဒ္ဓလူမျိုးစု’နှင့် အံ့ဖွယ် နိုင်ငံသား လက်မှတ်

ဇန်နဝါရီ ၂ ၊ ၂၀၁၇
ဆောင်းပါးရှင်- ဂျက်ဖရီတင်အုန်း (R.I.T ရန်ကုန်စက်မှုတက္ကသိုလ်)

၁၉၈၂ ခု မြန်မာနိုင်ငံသား ဥပဒေသည် ရှုပ်ထွေးပွေလီလှသည်။ ထိုဥပဒေကို မြန်မာနိုင်ငံရှိ တိုင်းရင်းသားများ အပါအဝင် နိုင်ငံသားများ လူမျိုးစုများပင်လျှင် လူဝင်မှု ကြီးကြပ်ရေး (လဝက)မှ တောင်းဆိုသော လဝက အခေါ် “ငယ်စာရင်း” နှင့် မိဘ၊ ဘိုးဘွားများ အထောက်အထားများဖြစ်သည့် (ပုံစံ ၁၊ နိုင် -၂ ၊ နိုင် – ၄) စသည်တို့ကို မပြနိုင်သဖြင့် အဆင့်တစ်ဆင့်အောက် နိမ့်ချခံရသည့် နိုင်ငံသားများ ဖြစ်သွားခဲ့ရသည်။ အချို့ မြန်မာနိုင်ငံသားများ ၁၉၈၂ ခု မြန်မာနိုင်ငံသားများ ဥပဒေအရ လုံးဝရာနှုန်းပြည့် နိုင်ငံသားအဆင့်ကို ရရှိပါလျက်နှင့် မိမိတို့၏ မှတ်ပုံတင်များ၊ မိဘ ဘိုးဘွားစာရွက်စာတမ်းများကို စနစ်တကျ သိမ်းဆည်းထားမှု မရှိခဲ့ခြင်းကြောင့် လည်းကောင်း၊ မီး၊ ရေ၊ လေ စသည့် ရန်သူ (၅) ပါး၊ အန္တရယ် အသွယ်သွယ်ကြောင့်သော် လည်းကောင်း၊ ရေဘေး၊ မီးဘေး၊ လေဘေး၊ ခြ ဘေးသင့် လဝကရုံးများကြောင့် သော်လည်းကောင်း သက်သေခံ၊ မှတ်ပုံတင်၊ သန်ခေါင်းစာရင်း၊ စာရွက်စာတမ်းများ ပျောက်ဆုံး ပျက်စီး ဆုံးရူံးခဲ့ရသည်။

အမှန်တကယ် နစ်နာခဲ့သူများမှာ သံသယနိုင်ငံသားများစာရင်းအဖြစ် သတ်မှတ်ခံရသည့်အပြင် (NVC) National Verification Cards များကို “မချစ်သော်လည်း အောင့်ကာနမ်း” ပုံစံ၊ မွေးစာရင်း၊ သေစာရင်း၊ ခရီးသွားရင်း လိုအပ်လျှင် မြန်မာနိုင်ငံအတွင်း နေထိုင်သည်မှာ မှန်ကန်ကြောင်း သက်သေပြနိုင်ရန် ယူနေရသူများလည်းရှိကြောင်း မီဒီယာများတွင် တွေ့နေရပါသည်။

ဥပမာပြရလျှင် စာရေးသူ၏မိတ်ဆွေတစ်ဦးသည် ရန်ကုန်တိုင်းဒေသကြီး သင်္ဃန်းကျွန်းမြို့နယ်တွင်နေထိုင်ပြီး လဝက ရုံး၌ ပန်းရောင်နိုင်ငံသား စီစစ်ရေးကတ်ကို လျှေက်ထားခဲ့စဉ်က ၃ ခေါက်ချိုး မူရင်းမှတ်ပုံတင် ပျော်ဆုံးနေ၍ မိတ္တူဖြင့် လျှောက်ခဲ့ပါသည်။ ဖခင်သာ် ယူစီစီ (UCC) မြန်မာဆိုရှယ်လစ်လမ်းစဉ် ပါတီခေတ်က နိုင်ငံခြားသားများအား တရားဝင်ကျမ်းကျိန်ဆိုပြီး နိုင်ငံသားအဖြစ်ကို ဝန်ကြီးများစုံရာဖြင့် အသိအမှတ်ပြုထုတ်ပေးခဲ့သော ဥပဒေအရ မြန်မာနိုင်ငံသားများ အဖြစ် အသိအမှတ်ပြုခြင်း ခံရသည့်ကတ်ပြား တစ်ခု ဖြစ်ပါသည်။ ထိုယူစီစီ UCC မူရင်းကတ်ပြားကို ကာယကံရှင်သေဆုံးစဉ်က ဥပဒေအရ “လဝက” ရုံးသို့ ပေးပို့ခဲ့ပြီး ဖြစ်ပါသည်။ UCC မှတ်ပုံတင် နံပါတ်ကို ဖော်ပြနိုင်ခဲ့သော်လည်း နောက်ဆုံး သင်္ဃကျွန်း လဝကမှ ထုတ်ပေးခဲ့သည့် အစိမ်းရောင် နိုင်ငံသားပြု စာအုပ်နှင့် အစိမ်းရောင်ကတ်ပြားဖြင့် နှစ်ပါးသွားခဲ့ရသည်။ တစ်ဆင့်နိမ့် နိုင်ငံသား ဖြစ်သွားခဲ့ရသည်။

၁၉၈၂ ခု မြန်မာနိုင်ငံသား ဥပဒေအရ လက်ရှိတရားဝင်အနေဖြင့် “နိုင်ငံသား” အနေဖြင့် ထုတ်ပေးနေသော မှတ်ပုံတင်အမျိုးအစား (၃) မျိုး ရှိပါသည်။
(၁) ပန်းရောင် နိုင်ငံသား စီစစ်ရေးကတ်
(၂) အစိမ်းရောင် နိုင်ငံသားပြုကတ်နှင့် အစိမ်းရောင်နိုင်ငံသားပြုစာအုပ်
(၃) အပြာရောင် ဧည့်နိုင်ငံသားကတ်နှင့် ဧည့်နိုင်ငံသား စာအုပ်ဖြစ်ပါသည်။

၂၀၁၄ ခုမတ်လတွင် မြန်မာအစိုးရသည် ကမ္ဘာ့ကုလသမဂ္ဂ လက်အောက်ခံ အဖွဲ့အစည်းတစ်ခုဖြစ်သည့် UNFPA နှင့် အနောက်နိုင်ငံများ၏ အကူအညီဖြင့် ပြုလုပ်ခဲ့သည့် သန်းခေါင်းစာရင်း မှတ်တမ်းအရ မြန်မာနိုင်ငံတွင် နိုင်ငံသား စီစစ်ရေးကတ် (ပန်းရောင်) ကိုင်ဆောင်သူပေါင်း – ၂၈၃၉၇၅၁၉ ဦး၊ နိုင်ငံသားပြုခွင့်ရသူပေါင်း – ၃၇,၄၂၉ ဦး၊ ၃ခေါက်ချိူး ၊ အစိမ်းရောင်၊ အမျိုးသားမှတ်ပုံတင်ကတ် ကိုင်ဆောင်ထားသူပေါင်း – ၆၈၂၂၈ ဦး၊ ၃၁-၃-၂၀၁၅ ရက်နေ့တွင် သက်တမ်းကုန်ဆုံးခဲ့ပြီးဖြစ်သော ယာယီ White card ကိုင်ဆောင်ထားခြင်းမရှိအပါဝင် မည်သည့်လက်မှတ်မျှ ကိုင်ဆောင်ထားခြင်း မရှိသူပေါင်း – ၁၁,၂၀၇,၇၆၉ ဦး ။ အထက်ပါစာရင်းဇယားများကို လေ့လာကြည့်လျှင် လူဝင်မှုကြီးကြပ်ရေး (လဝက) ဌာန၏ လုပ်ဆောင်ချက်များသည် အချိန်နှင့်တစ်ပြေးညီ လုပ်ဆောင်ရမည့် ကိစ္စများကို နှစ်ပေါင်းများစွာ မပြုလုပ်ခဲ့သည့်အတွက် ပြည်သူလူထု ၁၁ သန်း ကျော် မည်သည့်မှတ်ပုံတင်ကတ်ပြားမျှ မရရှိခဲ့ခြင်း ဖြစ်ပါသည်။ သမ္မတ ဦးသိန်းစိန်၏ အမိန့်အရ ၃၁-၃-၂၀၁၅ ခုနှစ်တွင် ဖျက်သိမ်းခဲ့သော White card များကို ကိုင်ဆောင်ခဲ့သူများ အား အခြား သက်သေခံကတ်ပြားတစ်ခုအား အချိန်နှင့်တစ်ပြေးညီ “လဝက” ဌာနပြည်သူ့ဝန်ထမ်းများ ဆိုသူများ၊ တာဝန်ရှိ ပုဂ္ဂိုလ်များဆိူသူများက တာဝန်မဲ့မှု၊ စေတနာမမှန်မှုတို့ကြောင့် မြေစာပင်ဖြစ်ရသူများ ထောင်နန်းစံနေသူများ၊ ခိုးဝင်စွပ်စွဲပြီး မတရားစီရင်ခံနေသူများမှ ပြည်သူလူထုပင် ဖြစ်သည်။

၂၀၁၄ ခုနှစ် သန်းခေါင်းစာရင်းအရ တိုင်းရင်းသား ၁၃၅ မျိုးထဲမှလည်းကောင်း၊ အခြားလူမျိုးနွယ်စုများထဲမှလည်း၊ အသစ် အသစ်သော လူမျိုးစုများ ပေါ်ထွက်လာရာ အတည်ပြုချက်မရသေးသော နေပြည်တော်သတင်းတရပ်အရ လူမျိုးစုပေါင်း ၈၃၀ ကျော်ဖြစ်နေခဲ့ပြီး လူမျိုးအမည် စာရင်းတစ်ခုတွင် “ဗုဒ္ဓလူမျိုးစု” ဟူ၍ ပေါ်ထွက်လာခြင်းသည် အံ့သြဖွယ်ရာ ဖြစ်ခဲ့သည်။ ထူးဆန်းဖွယ်ရာ ဖြစ်သည်။

ပို၍ အံ့သြဖွယ်ကောင်းသည်မှာ ၁၉၈၂ ခု မြန်မာနိုင်ငံသား ဥပဒေကို “နဝတ” စစ်အစိုးရက ၁၉၈၉ ခု မတ်လလောက်က စတင် အကောင်အထည်ဖော်ခဲ့ပြီး ၃ ခေါက်ချိုးမှတ်ပုံတင်များကို ပြန်လည် အပ်နှံစေခဲ့ပြီး နိုင်ငံသား စီစစ်ရေးကိစ္စများကို ဆောင်ရွက်လာရာ ၂၀၁၆ ခုနှစ် ယခုအချိန်ထိ ပြည်နယ်တိုင်း လဝက ရုံးများတွင် အဆင့်ဆင့် စီစစ်နေတုန်းပင် ဖြစ်သည်။ နိုင်ငံသားစီစစ်ရေး ပန်းရောင်ကတ် ကိုင်ဆောင်ထားသူများအား စီစစ်သည့် ကိစ္စပြီးဆုံးလျှင် “နိုင်ငံသားလတ်မှတ်” စာအုပ်ကို ထုတ်ပေးမည်ဟု သိရသည်။

သို့သော် ကိစ္စပြီးဆုံးလျှင် “နိုင်ငံသားလတ်မှတ်” စာအုပ်၊ အနီရောင် (နိုင်ငံကူးလတ်မှတ်ပုံစံ အရောင်) ကို ၁၉၈၉ ခု မတ်လ ကတည်းက ထုတ်ပေးခဲ့ကြောင်း စာရေးသူ မကြာသေးခင်က မျက်မြင်ကိုယ်တွေ့ မိတ်ဆွေတစ်ဦးအား မေးမြန်းခဲ့ပြီး မှတ်တမ်းဓာတ်ပုံများကို ရယူခဲ့ပါသည်။

နိုင်ငံသားစီစစ်ရေးကတ်အကြောင်းသည် မြန်မာနိုင်ငံသား အများစု ရင်ဆိုင်ကြုံတွေ့နေရသည့် အခက်အခဲ ပြသာနာ တစ်ခုဖြစ်နေသည့် အတွက် ၂၉-၁၂-၂၀၁၆ တွင် ထိုအကြောင်းအရာနှင့် ပတ်သတ်၍ ရန်ကုန်မြို့လယ်တွင် စာရေးသူ ဟောပြောပွဲတစ်ခုကို “ပညာရေး၊ လေ့ကျင့်ရေးနှင့် လူမှုဖွံ့ဖြိုးတိုးတက်ရေးစင်တာ” တွင် တရားလွှတ်တော်ရှေ့နေတစ်ဦးနှင့် အတူ ဟောပြောဖြစ်ခဲ့သည်။

ဟောပြောပွဲအပြီး နောက်နေ့တွင် မိတ်ဆွေတစ်ဦးက သူ့ဇနီး၏ ၁၉၈၉ ခု မတ်လတွင် လူဝင်မှုကြီးကြပ်ရေး (လဝက) ညွှန်ကြားရေးမှူးချုပ် ဦးမောင်အောင် (ဗိုလ်မှူးကြီး မောင်အောင်(ငြိမ်း)) ကိုယ်တိုင် လက်မှတ်ရေးထိုးပြီး ထုတ်ပေးခဲ့သော “နိုင်ငံသားလက်မှတ်” စာအုပ်ကို စာရေးသူ မြင်တွေ့ခဲ့သောအခါ အလွန် အံ့သြမိခဲ့ပါသည်။ ကိုယ့်မျက်လုံး ကိုယ်မယုံနိုင်အောင် ဖြစ်သွားခဲ့ရပါသည်။ စာရေးသူ သိသလောက်ပြောရလျှင် မြန်မာနိုင်ငံတွင် မြန်မာနိုင်ငံသား နိုင်ငံသား လက်မှတ်စာအုပ်ကို မည်သူမျှ ကိုင်ဆောင်ထားခြင်း မရှိသေးကြောင်း ကြားဖူးပါသည်။ ထို့ကြောင့်လည်း ဟောပြောပွဲတွင် နိုင်ငံသား သမ္မတ ကြီးနှင့် ဝန်ကြီးများ၊ ညွှန်ကြားရေးမှူးချုပ်များ၊ ဗိုလ်ချုပ်ကြီးများသည်ပင်လျှင် နိုင်ငံသားလက်မှတ် စာအုပ်ကို မရရှိသေးကြောင်း ဟောပြောခဲ့ပါသည်။

ထို့သို့ရဲရဲတင်းတင်းပြောနိုင်ခြင်းသည်မှာလည်း နိုင်ငံတော်၏အတိုင်အပင်ခံ ပုဂ္ဂိုလ် ဒေါ်အောင်ဆန်းစုကြည်သည်ပင် နိုင်ငံသား စီစစ်ရေးကတ် ပန်းရောင်ကို ၂၃-၄-၂၀၁၅ တွင်ရခဲ့ကြောင်း အတိအကျသိ၍ ပရိတ်သတ် ၁၅၀ ကျော်ရှေ့တွင် ပြောကြား ခဲ့ခြင်း ဖြစ်ပါသည်။

ထိုနိုင်ငံသားလက်မှတ်စာအုပ်ကို နိုင်ငံသားစီစစ်ရေးပန်းရောင်ကတ်နှင့်အတူ ၁၉၈၉ခုနှစ် မတ်လက ပေးခဲ့ကြောင်း ကာယကံရှင်က ပြောပါတယ်။ ထိုနိုင်ငံသားလက်မှတ် စာအုပ်တွင် အမှတ်စဉ်က ၄၀၀၀ ကျော်နေပြီဖြစ်ကြောင်း သတိထားမိပါသည်။ ထိုစာအုပ်ထဲတွင် မိမိ၏မိသားစု အမည်များ ဖြည့်စွက်ရန် နေရာများ၊ ကာယကံရှင် နိုင်ငံသားလက်မှတ် စာအုပ်ပိုင်ရှင်အား ညွှန်ကြားချက်များ ပါဝင်သည်။ စာရေးသူကိုယ်တိုင် ကိုယ်ကျ လေ့လာကြည့်ခဲ့သည်။ ထူးခြားသည်မှာ “ပြည်ထောင်စု ဆိုရှယ်လစ် သမ္မတ မြန်မာနိုင်ငံတော်” ဟူသောစာသားအောက်တွင် “နိုင်ငံသားလက်မှတ်” ဟူသော စာသားကို ရေးသားထားခြင်း ဖြစ်ပါသည်။

ဤအချက်ကိုလေ့လာကြည့်လျှင် စစ်အစိုးရတို့မည်သည် ပြည်သူလူထုကို ဂရုမစိုက်ပဲ ထင်ရာဆိုင်းသည့်မူကို “ရေဗူးပေါက်တာမလို၊ ရေပါတာပဲလိုချင်” ဆိုသည့် ငါတကော ကောသည့် လုပ်ရပ်မျိုးကို လုပ်လေ့ရှိခဲ့ကြောင်း သက်သေတစ်ရပ်ဖြစ်ခဲ့ပေသည်။ ပွင့်လင်းမြင်သာမှု မရှိသော လုပ်ရပ်များကိုလည်း လုပ်လေ့ရှိခဲ့ကြောင်း စာရေးသူ သတိပြုမိပါသည်။

မည်သို့ပင်ဆိုစေ ၂၀၁၄ ခုသန်းခေါင် စာရင်းအရ လူမျိုးစု ၈၃၀ ကျော်နေခြင်း “ဗုဒ္ဓလူမျိုးစု” ဟူ၍ ပေါ်ထွက်လာခဲ့ခြင်း၊ မိမိတို့နှင့် ပုလဲနံ့သင့်သည့်သူများကို နိုင်ငံသားလတ်မှတ်စာအုပ်ကို လက်သိပ်ထိုးပေးထားခဲ့ခြင်း ဖြစ်ပါသည်။ ပြည်ထောင်စုစိတ်ဓာတ်၊ ပင်လုံစိတ်ဓာတ်ကို အခြေခံ၍ ပြည်သူ့ဆန္ဒနှင့် တစ်သားတည်း ပြည်သူမျက်နှာကိုသာကြည့်မည့် အစိုးရတစ်ရပ် အနေဖြင့် နောင်အနာဂတ် တွင် ထုတ်ပေးမည့် နိုင်ငံသား SMART CARD တွင် ပြည်ထောင်စု စိတ်ဓာတ်ကို မွေးဖွားမည့် နိုင်ငံသား ကတ်မျိုးကိုသာ ထုတ်ပေးသင့်ပါကြောင်း အကြံပြုလိုက်ပါသည်။

ဂျက်ဖရီတင်အုန်း (R.I.T ရန်ကုန်စက်မှုတက္ကသိုလ်)

January 2, 2017
တရုတ်ပြည်၏ ပိုးလမ်းမကြီးပေါ်က မြန်မာ၏အခန်းကဏ္ဍ

ဒီဇင်ဘာ ၃၁၊ ၂၀၁၆
M-Media

ယခုနှစ် စက်တင်ဘာလအတွင်း ကျွန်ုပ် ဆောင်းပါးတစ်ပုဒ်ရေးခဲ့၏။ ၎င်း၌ တရုတ်ပြည်၏ One Belt One Road မဟာဗျူဟာတွင် မြန်မာနိုင်ငံသည် မဟာဗျူဟာမြောက် အချက်အခြာကျသော ကဏ္ဍတစ်ရပ်အဖြစ် ပါဝင်နေကြောင်း တင်ပြထားသည်။ သို့သော် မြန်မာသည် လက်ရှိ လှုပ်ရှားဆောင်ရွက်မှုများ အရ ဤအနေအထား၌ ရှိမနေနိုင်ပါဟု လူအများအပြားက မှတ်ချက်ပြုလာကြသည်။ သို့ရှိရာ ထိုလှုပ်ရှားဆောင်ရွက်မှုအချို့ကို ပထမဆုံး စူးစမ်းကြည့်ပြီးနောက် ဤအခန်းကဏ္ဍထဲ ပါဝင်မှုရှိ မရှိဟူသည်ကို အကဲဖြတ်ကြည့်ကြပါစို့။ သတိချပ်ရန်မှာ ယခင်ဆောင်းပါးသည် ပင်လယ်ရေကြောင်းလမ်းများ အပေါ်၌ လည်းကောင်း၊ အောက်ဖော်ပြပါ တရုတ်ပြည်၏ စွမ်းအင်လုံခြုံရေးအစီအမံအပေါ်၌လည်းကောင်း ဗဟိုပြုတင်ပြချက်ဖြစ်ကြောင်း သိစေချင်ပါသည်။ ဤဆောင်းပါးတွင်တော့ ကုန်းတွင်းလမ်းကြောင်းများအပေါ် သုံးသပ်မည်ဖြစ်ပြီး၊ ပင်လယ်ရေကြောင်း ဆိုင်ရာတွေးဆချက် မှ အပြောင်းအလဲများအပေါ် အထောက်အကူပြုနေသည့် ကျောထောက်နောက်ခံ အဆောက်အဦတို့ကို ပြန်လည် တင်ပြပါမည်။

ပထ၀ီနိုင်ငံရေးအခင်းအကျင်း
——————————
အမေရိကန်ပြည်ထောင်စု၏ ပိတ်ဆို့မှုဖယ်ရှားလိုက်ခြင်းနှင့်အတူ မြန်မာသည် အမေရိကန်နိုင်ငံနှင့် စီးပွားရေးအဆက်အဆံနှင့် ကုန်သွယ်ရေး၌ နွေးထွေးမှုဖြစ်လာခဲ့သည်။ ၎င်းက တရုတ်ပြည်အတွက် ၎င်း၏ အခြေခံအဆောက်အဦဆိုင်ရာ ရင်းနှီးမြှုပ်နှံမှု ပရိယာယ်ကို ပြန်လည်သုံးသပ်စေရာ ရောက်သောကြောင့် မြန်မာ-တရုတ်ဆက်ဆံရေး အေးစက်သွားနိုင်သည်ဟု အတွေးရောက်စေသည်။ သို့ရာတွင် အောက်ခြေမြေပြင်အဆင့်တွင် ယင်းသို့ဖြစ်ပေါ်မလာကြောင်း တွေ့ရသည်။ ဤသည်ကပင် တရုတ်ပြည်သည် မြန်မာပြည်အား အာရှတိုက်၏ အရေးပါသော အစိပ်အပိုင်းတစ်ရပ်အဖြစ် ရှုမြင်ထားပြီးဖြစ်သော သိမ်မွေ့သည့် သံတမန်ဆက်ဆံရေးအား ညွှန်းဆိုပြနေပေသည်။ အထောက်အထားပြုနိုင်သည့် ဥပမာအချက်များလည်း ရှိနေသည်။

– နှစ်နိုင်ငံအကြား သံတမန်ဆက်ဆံရေး မြှင့်တင်တိုးတက်စေခြင်း (ဒေါ်အောင်ဆန်းစုကြည်သည် အမေရိကန်နှင့် ဥရောပ ခရီးစဉ်မတိုင်မီအလျင် တရုတ်ပြည်သို့ သွားရောက်ခဲ့သည်)
– မြစ်ဆုံဆည်စီမံကိန်းအရေး ပြန်လည်အဖြေရှာရန် အတွက် အခရာကျသည့် ရင်ကြားစေ့မှု အစီအမံများ
– မြန်မာနိုင်ငံမြောက်ပိုင်း ပြည်နယ်များမှ ပဋိပက္ခဇုံများ၌ ရှိနေသော တရုတ်ပြည်၏ ဖျန်ဖြေသူအခန်းကဏ္ဍ

ရခိုင်ပြည်နယ်အတွင်းဖြစ်စဉ်များအပေါ် အနောက်တိုင်း၏တုန့်ပြန်မှုမှာလည်း တရုတ်ပြည်၏ ဗျူဟာလမ်းကြောင်းထဲ ရောက်နေသည်ဟု ကျွန်ုပ်မှ ယူဆပါသည်။ နိုင်ငံအရေးအသာစီးရမှုထက် တရုတ်ပြည်သည် ပြည်ပနိုင်ငံများ၏ နိုင်ငံရေးကိစ္စများထဲ လက်ဝင်မလျှိုသည့် နည်းလမ်းကို စွဲကိုင်လိုက်သည်။ ရခိုင်ပြည်နယ်အရေးအပေါ် NLD အစိုးရ၏ ကိုင်တွယ်မှုနှင့်စပ်လျဉ်း၍ အနောက်တိုင်းမှ အသံကျယ်လောင်လာသဖြင့် ဤပြဿနာကို ပူးပေါင်းကူညီဖြေရှင်းရန် ဒေါ်အောင်ဆန်းစုကြည်က တရုတ်ပြည်အား ဆွဲမသွင်းဘဲ လူသိရှင်ကြား အနောက်တိုင်းသို့ ကမ်းလှမ်းလာတော့သည်။ တရုတ်ပြည်သည် ယဉ်ကျေးမှုစစ်ပွဲ အနိုင်ရရေးအလို့ငှာ ပြဿနာ၏ အစိတ်အပိုင်းထက် အဖြေရှာမှု၏အစိပ်အပိုင်းတစ်ရပ်အဖြစ် ပုံဖော်ပါဝင်လိုက်ဟန် ရှိပေသည်။

ထောက်ပံ့ရေးကွင်းဆက်နှင့် စီးပွားရေးအတွေးအဆများ
——————————————————
မြန်မာနိုင်ငံသည် လာမည့်နှစ်တွင် စီးပွားရေးတိုးတက်မှုနှုန်း ၈ ရာခိုင်နှုန်းဝန်းကျင် ရှိလာလိမ့်မည်ဟု ခန့်မှန်းကြသည်။ ADB နှင့်အခြားခန့်မှန်းချက်များအရ တရုတ်ပြည်မှာ ကုန်သွယ်ရေး၌ ၄၀ ရာခိုင်နှုန်းအထိ ပါဝင်နေပေမည်။ ဤကုန်သွယ်ရေး အထမြောက်ချောမောစေရန်အတွက် ဘဏ္ဍာရေးနှင့် အခြေခံအဆောက်အဦလုပ်ငန်းများ၌ အထူးနှုန်းထားသဘောတူညီချက်တို့ဖြင့် စီမံထားရှိပြီးဖြစ်သည်။ အဆိုပါချေးငွေများကို တရုတ်စီးပွားရေးအုပ်စုများမှ ကိုင်တွယ်ဆောင်ရွက်သွားမည့် ခွင့်ပြုချက်ရ စီမံကိန်းများအပေါ် အခြေခံထားပေသည်။ ထိုစီမံကိန်းများက မြန်မာလူထုအား မခံမရပ်နိုင်အောင် ထိုးဆွလျက်ရှိသည်။ ဤခြေလှမ်းမှာ မြစ်ဆုံဆည်စီမံကိန်းစေ့စပ်မှုများမှ အစိပ်အပိုင်းဖြစ်ပြီး ယူနန်-ကျောက်ဖြူ စင်္ကြန် လမ်းကြောင်းအား လုံခြုံစိတ်ချသွားစေရေးအတွက် တရုတ်ပြည်၏ အပျော့စား ငုတ်တိုင်စိုက်မှုဖြစ်မည်ဟု ခန့်မှန်းရသည်။

BCIM (ဘင်္ဂလားဒေ့ရှ်၊ တရုတ်၊ အိန္ဒိယ၊ မြန်မာ) စီးပွားရေးပူးပေါင်းဆောင်ရွက်မှုပဋိညာဉ်အား လက်မှတ်ရေးထိုးခြင်းတွင်လည်း ထပ်မံတိုးတက်မှုများကို တွေ့မြင်ရသည်။ ဤသဘောတူညီချက်မှ ရလဒ်မှာ ကလကတ္တား – ဒါကာ – မန္တလေး – ခွန်းမင်(ကူမင်း) တို့အကြား သယ်ယူပို့ဆောင်ရေး၊ စွမ်းအင်နှင့် ဆက်သွယ်ရေး စင်္ကြံန်အချိတ်အဆက်တစ်ရပ်ကို ဖန်တီးရန်ဖြစ်သည်။ ဖော်ပြထားသည့် မြေပုံအပေါ် ထပ်ဆင့် လေ့လာကြည့်ပါက မန္တလေးမြို့အား ဗဟိုဋ္ဌာနအဖြစ် သတ်မှတ်ထားသည့် အနေအထားကို တမဟုတ်ချင်း နားလည်သိမြင်လာပါလိမ့်မည်။ သို့တစေ ရထားလမ်းကြောင်းများ၊ ရေကြောင်းကုန်စည်အတင်အချ အဆင်ပြေစေမည့် အထူးစီးပွားရေးဇုံများ ဖန်တီးရေး အပါအ၀င် လက်တွေ့ကျကျ ဖြေရှင်းစရာ ပြဿနာအချို့တော့ ရှိနေ၏။ ရှေ့ဆက်ဆိုရပါလျှင် အနောက်တိုင်းနှင့် အရှေ့တိုင်းကို ဆက်သွယ်ထားသည့် သယ်ယူပို့ဆောင်ရေးစကြံ င်္န်အသီးသီးကို ကျွန်ုပ်တို့ တွေ့မြင်နိုင်ပါမည်။ ၎င်းက တရုတ်ပြည်အဖို့ (လမ်းကြောင်းရှည်လျား စားရိတ်များသည့်) မလက္ကာရေလက်ကြားကို အသုံးမပြုတော့ဘဲ ကုန်သွယ်ရေးနှင့် စွမ်းအင်လမ်းကြောင်းများအတွက် အာမခံချက်ရှိသွားသောကြောင့် စင်္ကာပူ၏ အချက်အခြာအနေအထားမှာ အကြီးအကျယ် ထိခိုက်လာမည်ကို မီးမောင်းထိုးပြနေပေသည်။

ဥရောပဒေသတခွင် ဖြစ်ပျက်နေမှုများနှင့် အတူ မြန်မာသည် လွန်ခဲ့သော နှစ်ပေါင်း ၄၀ ကတည်းက အရှေ့-အနောက် ကုန်သွယ်ရေးအပေါ် စိုးမိုးထားသည့် ထောက်ပံ့ပို့ဆောင်ရေးချိန်ခွင်လျှာကို လုံးဝ ပြောင်းလဲတော့မည့် အနေအထားသို့ ရောက်ရှိနေသည်။ ၎င်းက စက်မှုလက်မှုလုပ်ငန်းရှင်များအတွက် စားရိတ်ကျဉ်း သီးသန့် ကုန်ထုတ်ဒေသများအဖြစ် လမ်းခင်းပေးတော့မည်ဖြစ်သည်။ သင်္ဘောထက် ရထားလမ်းက သယ်ယူစားရိတ် အတော်အတန် သက်သာစေကြောင်း ADB ၏ လေ့လာမှုတစ်ရပ်က ဆိုသည်။ သို့သော်လည်း ယင်းလေ့လာမှု၌ ရထားလမ်း အဆင့်ဆင့်သယ်ယူပို့ဆောင်မှု၏ အချိန်ကြန့်ကြာမှု၊ လမ်းပန်းအချိတ်အဆက်ပြဿနာ၊ နယ်စပ်ဖြတ်ကျော်ရေးကြိုးနီစနစ် အပြင် BCIM ပူးပေါင်းဆောင်ရွက်မှု သဘောတူညီချက်၏ အတိုင်းအတာများကိုမူ ထည့်သွင်းတွက်ချက်ထားခြင်း မရှိချေ။

ထို့အပြင် ရထားလမ်းသယ်ယူပို့ဆောင်မှုက ကုန်စည်သင်္ဘော ပို့ဆောင်မှုထက် ခရီးတာ သုံးဆ မြန်ဆန်သည်၊ ဤပေါင်းစည်းပို့ဆောင်မှု ပုံဟန်သည် ဘဏ္ဍာရေးအရ သက်သာမှုရှိသည် ဆိုသော်လည်း စဉ်းစားသုံးသပ်ရမည့် အချက်များလည်း ရှိနေပါသည်။ L/Cs ရှိ အချိန်ကာလနှင့် ငွေကြေး အတိုင်းအတာ၊ ရှည်လျားလှသော ရေကြောင်းခရီးရှိ ကုန်ပစ္စည်းတန်ဖိုးတို့ ဖြစ်သည်။ သင်္ဘောလုပ်ငန်းရှင်များအနေနှင့် အကူးအပြောင်းအချိန်ကာလ တိုးတက်အောင် ဆိပ်ကမ်းကြီးများနှင့် ကုန်စည်ခွဲခြမ်းမှုအား ဖွံ့ဖြိုးစေခြင်း/တွန်းအားပေးခြင်း၊ ၎င်းပြင် ကွန်တိန်နာအရေအတွက်-ခရီးမိုင်အကွာအဝေး-ကုန်ကျစားရိတ် ဆက်နွှယ်ချက်အား လျှော့ချခြင်းတို့ဖြင့် ပြန်လည်တုန့်ပြန်နိုင်ကောင်းပေမည်။ သို့သော် ဤစိုးရိမ်မှုများသည် အဓိကကျသည့် ဆိပ်ကမ်းများနှင့် တူးမြောင်းများဆိုင်ရာ ဗျူဟာခင်းကျင်းမှုအပေါ် မူတည်နေပါသည်။ ဤအကြောင်းအချက်များအားလုံးက LC exposure ကာလကို လျှော့ကျစေရေးသာမက ရေကြောင်းသယ်ယူရေးကြာမြင့်ချိန် တိုးတက်လာရေးကို အထောက်အကူပြုလိမ့်မည်ဖြစ်ပါသည်။

နိဂုံး
—-
ကုန်းကြောင်းရေကြောင်း အပြန်အလှန် ပြည့်စုံစေမှုက မြန်မာနိုင်ငံသည် One Belt One Road မဟာဗျူဟာ၌ အဓိကအခန်းကဏ္ဍအဖြစ် တည်ရှိနေသေးကြောင်း သိသာစေပါသည်။ ဒူဘိုင်းသည်လည်း ဤပုံဟန်ပေါ် အခြေပြု၍ ထောက်ပံ့ပို့ဆောင်ရေးကို တည်ဆောက်ထားခြင်း ဖြစ်သည်။ အကယ်၍ မြန်မာနိုင်ငံသည် ဒူဘိုင်း၏ သင်ခန်းစာကို ရယူတတ်မည်ဆိုပါက တရုတ်၏ဗျူဟာအတွင်းမှပင် နိုင်ငံတကာကုန်သွယ်မှုကြားစခန်းအဖြစ်သို့ တိုးမြှင့်ဖော်ဆောင်သွားနိုင်ပါလိမ့်မည်။

××××××××××××

Andre Wheeler ၏ Myanmar’s role along China’s new Silk Road သုံးသပ်ချက်အမြင်ဆောင်းပါးကို မြင့်မိုရ်မောင်မောင်မှ ဆီလျော်အောင် ပြန်ဆိုသည်။

(ဆောင်းပါးရှင် Andre Wheeler သည် Wheeler Management အတိုင်ပင်ခံလုပ်ငန်းစုကို ၁၉၉၇ ခုနှစ်က တည်ထောင်ပြီး၊ ၎င်းသည် ၂၀၁၄ ခုနှစ်တွင် Asia Pacific Connex ဟူ၍ဖြစ်လာသည်။ အဓိကလုပ်ငန်းမှာ ရေနံ၊ သဘာဝဓာတ်ငွေ့၊ EPCM၊ ရေကြောင်းဝန်ဆောင်မှုနှင့် သတ္ထုတူးဖော်ရေးတို့ဖြစ်သည်။ ဘဏ္ဍာရေး၊ လုပ်ငန်းရှင်တို့၏ပြဿနာအဖြေရှာရေး၊ စွန့်ဦးတီထွင်မှုဆိုင်ရာ စီးပွားရေးဖွံ့ဖြိုးမှုနှင့် စီမံကိန်းကိုင်တွယ်မှုတို့၌လည်း အတွေ့အကြုံရင့်ကျက်သည်။ ရံပုံငွေအဖွဲ့အစည်းကြီးငါးခု၏ အထူးအကြံပေးပုဂ္ဂိုလ်လည်းဖြစ်သည်။)

December 31, 2016
“အခက်တွေ အချက်တွေ”

ဒီဇင်ဘာ ၁၇ ၊ ၂၀၁၆
ဆောင်းပါးရှင်- ကောင်းလွန်း

၂၀၁၆ ရဲ့ 4th quarter မှာ မြန်မာ လုပ်ငန်းရှင်တွေ အခက်ကြုံကြရတယ်..။ ထိပ်တန်းချမ်းသာတဲ့ လက်တစ်ဆုပ်စာ လူချမ်းသာတစ်စုကလွဲရင် အားလုံးလိုလိုပါပဲ..။ တချိန်တုန်းကတော့ “စီးပွားရေးပိတ်ဆို့တာ ဒို့မမှုပါ” ဆိုပြီး သီချင်းတောင် နေ့တိုင်းကြားရသေး..။ အဲဒီတုန်းကတော့ မြန်မာနိုင်ငံနဲ့ ကူးသန်းရောင်းဝယ်တာ မလုပ်ကြနဲ့.. ဆိုတဲ့ ပိတ်ဆို့ အရေးယူမှု ရှိခဲ့တာကိုး.. အခုတော့ ဘယ်သူကမှလဲ စီးပွားရေးမပိတ်ဆို့တော့ပါပဲနဲ့ ကြပ် သွားကြတယ်လေ..။ အကြောင်းရင်းတော့ ရှိရမှာပေါ့..။ ရှိပါတယ်..။ နေ့စဉ်နဲ့ အမျှ ဆိုရှယ်မီဒီယာမှာ ကြပ် သွားရခြင်း အကြောင်းရင်း အမျိုးမျိုး ဖတ်ရပါတယ်..။ Issue တွေပေါ့..။ တစ်နေ့ထက် တစ်နေ့ Issue တွေသာ များလာတယ်.. Solution မတွေ့ဘူး..။ မတွေ့လေ ဈေးတက်လေနဲ့ တက်ရင်းတက်ရင်း တော်တော်တောင် ရောက်လာပြီ..။
ဒီ “အကြပ်” ကို “အခွင့်အလမ်း” တစ်ခုဖြစ်အောင် ဦးမလှည့်နိုင် မဖန်တီးနိုင်သရွေ့ တက်နေဦးမှာပါပဲ..။ ပြည်တွင်းမှာ ဒေါ်လာ ဝယ်လိုအား မြင့်တက်ရခြင်း အကြောင်းရင်းတွေကို မှန်မှန်ကန်ကန် သုံးသပ်ဖို့ လိုပါတယ်..။

တကယ်တော့ အလုအယက်ဝယ်နေကြတဲ့ ဒေါ်လာတွေဟာ ပြည်တွင်းသုံးဖို့ တစ်ဒေါ်လာမှ မပါပါဘူး..။ ပြည်ပ ကနေ ပစ္စည်း တင်သွင်းဖို့ ဝယ်နေကြတာပါ..။ ပြည်ပကနေ တင်သွင်းထားတဲ့ ကုန်စည်ဖိုးတွေ ပေးချေဖို့ ဝယ်နေကြတာပါ..။

ပြည်တွင်းမှာ လာပြီး ရင်းနှီးမြှုပ်နှံထားကြတဲ့ ကုမ္ပဏီကြီး ငယ် တွေကလဲ သူတို့ အကျိုးအမြတ်အတွက် လာတယ် ဆိုတာ စွဲစွဲမြဲမြဲ သိထားရမှာဖြစ်ပါတယ်..။ ဘယ်သူကမှ အလှူလာပေးတာ မဟုတ်သလို သူတို့ ရဲ့ ပစ္စည်းတွေ ဝန်ဆောင်မှုတွေကို အခမဲ့ မပေးကြပါဘူး..။ သူတို့က ပြည်တွင်းမှာ သူတို့ရဲ့ ထုတ်ကုန်တွေကို ကျပ်ငွေနဲ့ ရောင်းပေမယ့် အဲဒီ ကျပ်ငွေတွေဟာ မြန်မာပြည် အပြင်ဖက် ခြေတစ်လှမ်း ထွက်လိုက်တာနဲ့ တန်ဖိုးမဲ့ သွားပြီ ဆိုတာ အားလုံးသိကြပါတယ်…။ ဒီတော့ သူတို့ နိုင်ငံကို သူတို့ ပြန်သယ် သွားကြမယ့် အကျိုးအမြတ်တွေဟာ ဒေါ်လာပဲ ဖြစ်ရမှာလေ..။ ဒါကြောင့် ဒေါ်လာ ဝယ်လိုအား မြင့်လာတာပါ..။

ဆက်သွယ်ရေးကွန်ယက်တွေ သိပ်ကောင်းလာပြီ.. လူတကိုယ် ဖုံး နှစ်လုံး သုံးလုံး ကိုင်နိုင်လာပြီ..။ Package တွေ အမျိုးမျိုးဖန်တီးပြီး နဂိုကမှ စကားများများ ပြောတတ်ကြတဲ့ လူမျိုး တွေကို ပြောသထက်ပြောအောင် ဖန်တီးပေးပြီး ဈေးရောင်းကြတယ်..။ ဝယ်သူတွေက
ကျပ်ငွေနဲ့ ပေးချေကြတယ်..။ သူတို့က အဲဒီ ကျပ်ငွေတွေကို ပြည်ပကို ပြန်သယ်တဲ့ အခါ ဒေါ်လာနဲ့ လဲလှယ်ပြီးမှ သယ်သွားကြတယ်..။ ဒါဟာ Issue ပါပဲ..။

ပြည်ပ ရင်းနှီးမြှုပ်နှံသူတွေ များလာလေလေ..။ ဒီကိစ္စဟာ မလွဲမသွေ ကြုံရလေလေ ဖြစ်မှာပါပဲ..။

ဒါဆိုရင် Solution က ဘာဖြစ်မလဲ..။

လုပ်ရမှာကတော့ “ကြပ် နေတဲ့ ငွေ” ချောင်သွားအောင် “ကျပ်ငွေ” ကို ခိုင်မာအောင် လုပ်ဖို့ပါပဲ..။ ငွေကြေးတစ်ရပ် ရဲ့ ဂုဏ်သိက္ခာဟာ သက်ဆိုင်ရာ နိုင်ငံရဲ့ နိုင်ငံရေး တည်ငြိမ်မှုအပေါ်မှာ အများကြီး တည်မှီပါတယ်..။ နိုင်ငံရေး ဂုဏ်သိက္ခာ ခိုင်မာလာရင် ဒေသတွင်းနိုင်ငံတွေက ကြည်ညို လာပါလိမ့်မယ်..။ သူတို့ နဲ့ တန်းတူ ဆက်ဆံလာပါလိမ့်မယ်..။ အခုအချိန်ထိကတော့ ရှေ့တစ်မျိုး ကွယ်ရာတစ်မျိုး ဆက်ဆံနေတုန်းပါပဲ..။ တစုံတယောက် ရဲ့ အရှိန်အဝါကို လေးစားတာ မှန်ပေမယ့်.. အဲဒါဟာ ပုဂ္ဂိုလ်ကြည်ညိုမှု သာ ဖြစ်နေပါသေးတယ်..။ နိုင်ငံကြည်ညိုမှု အဆင့်ကို မရောက်သေးပါဘူး..။

နိုင်ငံကြည်ညိုမှု အဆင့်ကိုရောက်ချင်ရင် တစ်နိုင်ငံလုံး အမှန်တကယ် အလုပ်လုပ်မှ ဖြစ်ပါလိမ့်မယ်..။ အခုအချိန်ထိ ကတော့ လှော်နေတဲ့ တက်တွေလဲ ကြီးတာကြီး သေးတာသေး နဲ့ အရွယ်မညီသေးသလို လှော်နေတဲ့ လက်တွေလဲ အားကြိုးမာန်တက် လှော်သူလှော်သလို ရေသာခို အချောင်လိုက်နေတဲ့ လှော်သား တွေလဲ များနေသေးတဲ့ အတွက် “တက်ညီလက်ညီ” ဆိုတာ ဖြစ်မလာသေးတာပါ..။

တိုင်းပြည်ကို တာဝန်ယူထားပြီး “သြဇာ” ဆိုတဲ့ Influence တစ်ခု ထဲနဲ့ မောင်းနှင်နေတာကို အားလုံး သိကြပါတယ်..။ “ သြဇာ” ရဲ့ တွဲဖက်စကားလုံး ဖြစ်တဲ့ “အာဏာ” ဆိုတဲ့ Power ကတော့ လုံလုံလောက်လောက် မရှိသေးပါဘူး..။ တနည်းပြောရရင် Power Balance မဖြစ်တာပါ..။ အဲဒီအတွက် နေ့စဉ်နဲ့ အမျှ ညှိနှိုင်းမှုတွေ အပေးအယူတွေ လုပ်နေရတယ် ဆိုတာသေချာပါတယ်..။

စနစ်တစ်ခုထဲကို နှစ်ပေါင်းကြာရှည်ကျင်လည် ကျင့်သုံး ခဲ့တဲ့ နိုင်ငံတစ်ခုဟာ ပွင့်ပွင့်လင်းလင်း ဖြစ်ပြီ ဆိုတာနဲ့ “မျက်စိသူငယ် နားသူငယ်” ဖြစ်တတ်ပါတယ်..။ အမိဝမ်းထဲမှာ ၉လလောက်နေထိုင်ခဲ့ရတဲ့ မွေးကင်းစကလေးငယ်ဟာ အလင်းရောင်ကို ကောင်းကောင်း မကြည့်နိုင်.. ပြင်ပလောက က အသံတွေကို ကောင်းကောင်းမယဉ်ပါးသေးတော့ ကြောက်လန့်.. အဲဒါကို “မျက်စိသူငယ် ..နားသူငယ်” လို့ ပြောတာပါ..။ ကလေးငယ်တွေဟာ အိပ်နေတုန်း ထိတ်ကနဲ လန့်တတ်တာဟာ လဲ “မျက်စိသူငယ် နားသူငယ်” ရဲ့ အကြောင်းခံကြောင့်ပါပဲ..။

နိုင်ငံရဲ့စနစ်သစ်တစ်ခု ကူးပြောင်းရာမှာလဲ (ပြောင်းတော့မယ်ဆိုတာသိပေမယ့်) သေသေချာချာ ကြိုတင် ပြင်ဆင်ထားခြင်းမရှိပဲ အစိုးရအဖွဲ့ကို နေ့ချင်းညချင်း ဖွဲ့.. တိုင်းပြည်တာဝန်ကို ချက်ချင်း လွှဲပြောင်းထမ်းဆောင် ဆိုတဲ့ အခါမျိုးမှာ ချွတ်ချော်တိမ်းစောင်းမှုတွေ အများကြီး ကြုံရတော့တာပါပဲ..။ ပြောင်း…. ပြောင်း… ဆိုလို့သာ ပြောင်းလိုက်ရတယ်..။ ပြောင်းလဲ တာဝန်ယူသူအများစုက နိုင်ငံတကာ နဲ့ ဘယ်လိုဆက်ဆံ ရမယ် ဆိုတာထက် လက်ရှိအစိုးရကို ဘယ်လိုတော်လှန်ရမယ် ဆိုတာ ကို တစိုက်မတ်မတ် အာရုံစိုက်လာသူတွေ ဖြစ်နေကြတာကို တွေ့ရပါတယ်..။ ကဲ.. အခုတော့ ကိုယ်အစိုးရဖြစ်ပြီလေ..။ နိုင်ငံတကာ နဲ့ ဆက်ဆံရပြီ..။ မူဝါဒတွေ ပြောင်းလဲ ကြရပြီ..။ သံခင်းတမန်ခင်းတွေ သုံးကြရပြီ..။ အကူအညီတွေ လိုလာကြပြီ..။

ရောက်လာပါတယ်.. ကူညီမယ့်သူတွေ ..။ ဒါပေမယ့် ကူညီသူတချို့ရဲ့ လက်ထဲမှာ ထိုးဝါးတွေနဲ့..။ တချို့ကတော့ တကယ် ကူညီကြမှာ..။ ဒါပေမယ့် ကိုယ့်ဖက်က ခံယူချက်တွေက မပြောင်းနိုင် မပြင်နိုင်သေးဘူး..။ သူများပြောတာ နားထောင်ဖို့ သင်ယူဖို့ လက်ခံဖို့ အသင့်မဖြစ်သေးဘူး..။ ခေါင်းမာတဲ့ အကျင့်ကစွဲနေတာ ကြာပြီလေ..။ ဒါကလဲ အပြစ်တော့ မဆိုသာပေဘူး.. အာဆီယံ အဖွဲ့ဝင်ဖြစ်တာပဲ နှစ်ပေါင်း နှစ်ဆယ်ပြည့်တော့မယ်.. One vision, One identity, One community အစား “ပြည်ပအားကိုး ပုဆိန်ရိုး” က စွဲနေတုန်း.. ။

အကူအညီတော့ တောင်းတတ်ခဲ့ပါတယ်..။ တောင်းတာမှ တော်တော်ကို တောင်းတတ်တာ..။ “ဘာရမလဲ”.. ဆိုတာပဲ တောင်းတတ်ခဲ့ပြီး “ဘာပြန်ပေးရမလဲ” ဆိုတာကို မေးဖို့ မေ့ထားခဲ့ကြတယ်.. အဲဒီလိုနဲ့ပဲ အချိန်တွေ ကြာလာခဲ့ပြီး ဖွံ့ဖြိုးတဲ့ ဆီ တိုးတက်တဲ့ ဆီ မရောက်တော့ပဲ.. တစ်ကိုယ်ချင်းသာ ချမ်းသာလာခဲ့ကြတာ အများအမြင်ပါပဲ..။

ကောင်းပါပြီ Solution ကို စဉ်းစားကြည့်ရအောင်..။ ဒီနေ့ “ကြပ်” နေပါတယ်လို့ အသံမြည်နေသူတွေ ဟာ “ချမ်းသာ” သူတွေ ချည်းပဲဖြစ်တယ် ဆိုတာ တွေ့ရပါမယ်..။ ဒါကလဲ အမှန်ပါပဲ..။ သူတို့ရဲ့ ချမ်းသာကြွယ်ဝခြင်းတွေကို ထပ်တိုးမလာချင်နေ မလျော့စေချင်တာက လူ့သဘာဝပါ..။ အခုအချိန်မှာ ကိုယ့်လက်ထဲ ရှိပြီးသားကို ကျစ်ကျစ်ပါအောင် ဆုပ်ထားဖို့ပဲ စဉ်းစားမိကြမှာပါ..။ “ဆုပ်မိ..မလွှတ်နဲ့” လို့ ဆုံးမစကားက ရှိထားနှင့်သကိုး..။ ဒီထက်ပိုကြာလာရင် လှောင်ကန်ထဲက ရေလို မစီးဆင်းနိုင်တော့ပဲ အခက်တွေ့နိုင်ပါတယ်..။ ရေဆိုတာ စီးနေမှ သန့်တာပါ..။ လှောင်ကန်ထဲက ရေကို ရေသန့်စက်နဲ့ သန့်အောင် လုပ်လို့ရနိုင်ပါတယ်..။ ဒါပေမယ့် လွတ်လွတ်လပ်လပ် စီးမျောရတဲ့ အထိ အသိ ကို မရနိုင်ပါဘူး..။

အာဖရိက က ဇင်ဘာဘွေ နိုင်ငံဟာ စိန်အကောင်းစားတွေ အများကြီးထွက် တဲ့ နိုင်ငံပါ.. ဒါပေမယ့် သူ့မှာ ငွေကြေး အမြဲတန်း “ကြပ်” နေပါတယ်..။ “ကြပ်” လေလေ ငွေစက္ကူတွေ ရိုက်ထုတ်လေလေ လုပ်ရင်းနဲ့ သူ့ငွေ တန်ဖိုးက နိမ့်သထက်နိမ့်လာပြီး နောက်ဆုံးမှာ ထရီလီယံဒေါ်လာ (သန်းပေါင်းသောင်းချီ) ပိုက်ဆံတွေအထိ ရိုက်ထုတ် လာရပါတယ်..။ အခြေခံစားကုန်တွေကို မီလီယံဒေါ်လာကနေ ဘီလီယံဒေါ်လာအထိ ပေးပြီး ဝယ်ရပါတယ်..။ သူ့ရဲ့ ဒေါ်လာတစ်သန်းဟာ အမေရိကန် တစ်ဒေါ်လာနဲ့ ညီပါတော့တယ်..။

ဒါဟာ နိုင်ငံတကာနဲ့ မဆက်ဆံ.. ကိုယ်ကကျူး ကိုယ့်ဒူးတောင် မယုံတဲ့ Stereotype ဖြစ်စဉ်ကြောင့်ပါ..။ ကိုယ်ကလွဲပြီး သူများကို မယုံတာ အထိအောင်က ကိစ္စမရှိသေးပါဘူး..။ ကိုယ်သာအသိဆုံး ကိုယ်သာ အတတ်ဆုံး ဆိုပြီး တလွဲဆံပင် ကောင်းနေတာကျတော့ ကိစ္စ ရှိလာပါပြီ..။ နောက်ဆုံးတော့ ကိုယ်ပဲ ထီးထီးကျန်ခဲ့တာပါ…။

ဒါကြောင့် ဒီနေ့ နိုင်ငံတကာနဲ့ ဆက်ဆံရေးကို မြန်မြန်ထက်ထက် တိုးမြှင့်ဖို့ လိုပါတယ်..။ တကမ္ဘာလုံးရဲ့ စီးပွားရေး အခြေအနေဟာ အနုတ်လက္ခဏာ အသွင်ဆောင်နေပါတယ်..။ ဘယ်သူကမှ ကိုယ့်တစ်ယောက်ထဲကို ကူညီနိုင်မှာ မဟုတ်ပါဘူး..။ ဒါကြောင့် ကိုယ့်ကို ကူညီနိုင်မယ့် လူ..ပညာ..ပစ္စည်း .. အရင်းအနှီး.. နည်းပညာ.. စိတ်ဓါတ် စတာတွေ အားလုံးကို ရှာဖွေချဉ်းကပ် လက်ခံရမှာပါ..။ ကမ္ဘာပေါ်မှာ ကိုယ့်တစ်နိုင်ငံတည်း.. ကိုယ့်လူမျိုးတစ်မျိုးတည်း ရှိနေတာမဟုတ်ပါဘူး..။ အိမ်နီးချင်း ဘယ်သူမှ မရှိတဲ့ လွင်တီးခေါင် ကန္တာရမှာ နေသူများလဲ မဟုတ်ကြပါဘူး..။ အာဆီယံ ဆိုတဲ့ အသိုင်းအဝိုင်း ကြီး တစ်ခုထဲမှာ အများနဲ့ အတူနေထိုင်ကြတာပါ..။ အာဆီယံနဲ့ တနည်းတဖုံဆက်စပ်နေတဲ့ နိုင်ငံပေါင်း သုံးဆယ်ကျော် ရှိပါသေးတယ်..။ အဲဒါတွေကလဲ မိတ်ဆွေတွေပါပဲ..။ အဲဒီ မိတ်ဆွေ တွေကို ပိုပြီးရင်းနှီးလာအောင် ဆက်ဆံ ရမှာပါ..။ သူတို့နဲ့ ရင်းနှီးတဲ့ အတွက် ကိုယ့်အတွက် ခွန်အားဖြစ်စေမှာပါ..။

“ဘယ်သူ့အခက်.. ဘယ်သူ့အချက်” ဆိုပြီး လက်သီးလက်မောင်းတန်းပြီး ကြွေးကြော်နေရမယ့် အချိန်မဟုတ်တော့ပါဘူး..။ တစ်ဦးချင်း တစ်ယောက်ချင်းလဲ လုပ်လို့ ရနိုင်တာမျိုး မဟုတ်ပါဘူး.။ အစိုးရနဲ့ လူချမ်းသာတွေ ပူးပေါင်းရမယ်.. အားလုံးနဲ့ ရင်းရင်းနှီးနှီး ဖေါ်ဖေါ်ရွေရွေ ဆက်ဆံပြီး ကိုယ့်အခက်အခဲကို ရိုးရိုးသားသား ပွင့်ပွင့်လင်းလင်း ပြောပြ အကူအညီတောင်းတာဟာ solution ဖြစ်လိမ့်မယ်လို့ ယုံကြည်ပါတယ်..။

ချစ်ခင်စွာဖြင့်
ကောင်းလွန်း (၁၇.၁၂.၂၀၁၆)

** စာရေးသူ၏ ခွင့်ပြုချက်ဖြင့် ဖော်ပြပါသည်။

December 17, 2016
NO NVC ! (သူ့အမြင်)

ဒီဇင်ဘာ ၁၂ ၊ ၂၀၁၆
M-Media
ဦးခင်မောင်ချို(တရားလွှတ်တော်ရှေ့နေ) ရေးသည်။

NVC ကိစ္စနှင့်ပတ်သက်၍ သိသင့်သိထိုက်သော အချက်အလက်များကို ဖော်ပြလိုက်ပါတယ်။

… ယခင်သမ္မတဟောင်း ဦးသိန်းစိန်က White Card ကိုင်ဆောင်သူများကိုသာ NVC (အစိမ်းရောင် Card) ထုတ်ပေးဖို့ ညွှန်ကြားခဲ့ပါတယ်။

(၁၉၅၁ခုနှစ်၊ ပြည်ထောင်စု မြန်မာနိုင်ငံအတွင်း နေထိုင်သူများ မှတ်ပုံတင်ရေး နည်းဥပဒေ အပိုဒ်-၁၃(၁)အရ ထုတ်ပေးထားသော ယာယီသက်သေခံ လက်မှတ်များသည် (၃၁-၃-၂၀၁၅) ရက်နေ့အထိသာ သတ်မှတ်ခဲ့ပြီး၊ ထိုရက်နေ့ နောက်ဆုံးထား၍ အပ်နှံရန် နိုင်ငံတော် သမ္မတရုံး၏ (၁၁-၂-၂၀၁၅)ရက်စွဲပါ အမိန့်ကြေညာစာအမှတ်- ၁၉/၂၀၁၅ဖြင့် ထုတ်ပြန်ကြေညာခဲ့ ပါသည်။ နိုင်ငံတော် သမ္မတရုံး၏ (၃-၄-၂၀၁၅)ရက်စွဲပါ အမိန့် ကြော်ငြာစာအမှတ်-၃၁/၂၀၁၅ ဖြင့် ဖွဲ့စည်းတာဝန်ပေးခဲ့သော ယာယီသက်သေခံ လက်မှတ်နှင့် စပ်လျှဉ်းသည့် ကိစ္စရပ်များ လေ့လာသုံးသပ် အကြံပြုရေး ကော်မရှင်၏ အကြံပြုချက်အရ ထိုယာယီသက်သေခံလက်မှတ် အပ်နှံသူများကို “နိုင်ငံသားစိစစ်ခံရမည့်သူ၏ သက်သေခံကတ်ပြား” (Identity Card for National Verification)ထုတ်ပေးရန် ကော်မရှင်၏ အကြံပြုချက်ကို နိုင်ငံတော်အစိုးရက သဘောတူညီပြီး ဖြစ်သဖြင့် တာဝန်ပေးချက်အရ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၊ လူဝင်မှုကြီးကြပ်ရေးနှင့် အမျိုးသားမှတ်ပုံတင်ရေး ဦးစီးဌာနသည် (၅-၆-၂၀၁၅)ရက်နေ့မှစ၍ ထိုယာယီ သက်သေခံကတ်ပြား ထုတ်ပေးရေးကိုဆောင်ရွက်ခဲ့ပါသည်။ White Card အပ်နှံသူများအား NVC ထုတ်ပေးရန် နိုင်ငံတော်အစိုးရက သဘောတူထားခြင်းဖြစ် ပါသည်။၁၉၅၁ခုနှစ်၊ ပြည်ထောင်စု မြန်မာနိုင်ငံ အတွင်း နေထိုင်သူများ မှတ်ပုံတင်ရေးနည်းဥပဒေအပိုဒ်-၁၃(၁)အရ ယာယီသက်သေခံလက်မှတ်(White Card) ကိုင်ဆောင်ထားသူများကိုသာ အပိုဒ်-၁၃(၄)အရ ယာယီသက်သေခံ လက်မှတ်သစ်တစ်ခု (NVC)ထုတ်ပေးခြင်းဖြစ်ပါ သည်။ စတင်ထုတ်ပေးချိန်မှစ၍ သက်တမ်း (၂)နှစ် ရှိပါသည်။ ယာယီ သက်သေခံကတ်ပြား၍ White Card ကို ရုပ်သိမ်းသကဲ့သို့ NVC ကို ရုပ်သိမ်းနိုင်ပါသည်။ ၄င်း နည်းဥပဒေ ၁၃(၄) အရ ယာယီသက်သေခံလက်မှတ် သက်တမ်းစေ့လျှင် နောက်ထပ်သက်သေခံ လက်မှတ် ထပ်မံ ထုတ်ပေးနိုင်သည်။)

…နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကနိုင်ငံသား မိဖနှစ်ဦးမှ မွေးဖွားသည့် သားသမီးသည် နိုင်ငံသားဖြစ်ခွင့်ရှိသည် ဟုပြောကြားခဲ့ပါတယ်။
(ရခိုင်ကော်မရှင် တံခါးပိတ်အစည်အဝေးသို့ တက်ရောက်ခွင့် ရရှိသူ ဦးအေးလွင်တို့နှင့် တွေ့ဆုံစဉ် နိုင်ငံသားမိဖနှစ်ဦးမှ မွေးဖွားသည့် သားသမီးသည် နိုင်ငံသားဖြစ်ခွင့် ရှိသည်ဟု ပြောဆိုခဲ့ကြောင်း ဦးအေးလွင်က ပြောကြားခဲ့ပါသည်။)

…အလုပ်သမား၊ လူဝင်မူကြီးကြပ်ရေးနှင့် ပြည်သူ့အင်အား ၀န်ကြီးဌာန ပြည်ထောင်စု ၀န်ကြီး ဦးသိန်းဆွေက အမျိုးသားမှတ်ပုံတင် ကတ်ပြား (သုံးခေါက်ချိုး) ကိုင်ဆောင်သူများကို NVC Card လဲလှယ်ရန်မလိုကြောင်းပြောကြားခဲ့ပါတယ်။
(NVC နှင့်စပ်လျဉ်း၍ တင်ပြရလျှင်၊ (၁၅-၇-၂၀၁၆) ရက်စွဲပါ မြန်မာ့အလင်းသတင်းစာ စာမျက်နှာ(၆) တွေ့ဆုံမေးမြန်းခန်းတွင် “အမျိုးသားမှတ်ပုံတင် ကတ်ပြား (သုံးခေါက်ချိုး) ကိုင်ဆောင်သူများကို NVC Card လဲလှယ်ရန်မလိုဘဲ လုပ်ထုံးလုပ်နည်းနှင့် အညီ နိုင်ငံသားစိစစ်ရေးကတ်ပြားများ စိစစ်ထုတ်ပေးသွားမည် ဖြစ်ကြောင်း” ပြည်ထောင်စုဝန်ကြီး၊အလုပ်သမား၊ လူဝင်မှု ကြီးကြပ်ရေးနှင့် ပြည်သူ့အင်အားဝန်ကြီးဌာန ၏ ပြောကြားချက်အရ အမျိုးသားမှတ်ပုံတင်ကတ်ပြား (သုံးခေါက်ချိုး) ကိုင်ဆောင်သူများသည် NVC Card လဲလှယ်ရန် မလိုအပ်ပါ။)

…နိုင်ငံသားအရည်အချင်း စိစစ်ရာတွင် အထောက်အထားတင်ပြမှု အားနည်းလျှင် ၁၉၈၂ခုနှစ်၊ မြန်မာနိုင်ငံသားဥပဒေ ပုဒ်မ-၆၅နှင့် အညီ ဆောင်ရွက်နိုင်ပါတယ်။
(အထောက်အထားတင်ပြမှု အားနည်းလျှင်(သို့) မည်သည့်နိုင်ငံသား အမျိုးအစားတွင် အကျုံးဝင်ကြောင်း အတည်ပြုရန် ဒွိဟဖြစ်လျှင်(သို့) နိုင်ငံသား သို့မဟုတ် ဧည့်နိုင်ငံသား သို့မဟုတ် နိုင်ငံသားပြုခွင့်ရသူဆိုင်ရာ ပြဌာန်းချက်များနှင့် အကျုံးမဝင်လျှင် (သို့) NVC ကိုင်ဆောင်ထားသူများမှ လျှောက်ထားလာလျှင် လျှောက်ထားသူ (အလွှာရှင်) ၏ဆန္ဒအလျှောက် ၁၉၈၂ခုနှစ်၊ မြန်မာနိုင်ငံသား ဥပဒေ ပုဒ်မ-၆၅ အရ လျှောက်ထားရန် ညွှန်ပြပါလိမ့်မည်။)

ပုဒ်မ-၆၅။ ။ ပုဂ္ဂိုလ်တစ်ဦးသည် နိုင်ငံသား သို့မဟုတ် ဧည့်နိုင်ငံသား သို့မဟုတ် နိုင်ငံသားပြုခွင့်ရသူ ဟုတ်မဟုတ် အဆုံးအဖြတ်ခံယူရန် အကြောင်းကိစ္စ ပေါ်ပေါက်ပါက ဗဟိုအဖွဲ့သို့ လျှောက်ထားနိုင်သည်။

ဆောင်ရွက်ပုံအဆင့်ဆင့်မှာ မြို့နယ်ဦးစီးဌာနမှူးရုံးမှအမှုတွဲတည်ဆောက်၍ပဏာမစီစစ်ပါလိမ့်မည်။ မြို့နယ် အဆင့် ၊ ပြည်နယ်/ တိုင်းဒေသကြီးအဆင့် နိုင်ငံသားစိစစ်ရေးကော်မတီများ က စုံစမ်းစစ်ဆေးပြီး လူဝင်မှု ကြီးကြပ်ရေးနှင့် အမျိုးသားမှတ်ပုံတင်ရေး ဦးစီးဌာန (ရုံးချုပ်) က ထပ်ဆင့်စိစစ်ပြီး ဗဟိုအဖွဲ့သို့ တင်ပြရပါသည်။ ၄င်းဗဟိုအဖွဲ့မှ မည်သည့်နိုင်ငံသားအမျိုးအစားတွင် ပါဝင်ကြောင်း အပြီးသတ်ဆုံးဖြတ် ပါလိမ့်မည်။ ၁၉၈၂ခုနှစ်၊ မြန်မာနိုင်ငံသားဥပဒေနှင့်အညီ နိုင်ငံသားစိစစ်ပေးရန် လိုအပ်၍ နိုငံသားစိစစ်ရေး ကတ်ပြား နိုင်ငံသား အမျိုးအစားအလိုက် ထုတ်ပေးရန်မှာလည်း အချိန်ယူ ဆောင်ရွက်ရမည့် ကိစ္စဖြစ်သဖြင့် အလွှာရှင်သည် အချိန်ကာလကြာမြင့်နိုင်သည်ကို သတိပြုရန် လိုအပ်ပါသည်။ NVC နှင့် ပုဒ်မ-၆၅ ဆက်စပ်လာလျှင် နိုင်ငံသား ဖြစ်ရန် အခွင့်အလမ်း နည်းပါးသွားနိုင်ပါသည်။)

…မြန်မာနိုင်ငံတွင် အစ္စလာမ်ဘာသာဝင်အများအပြားသည် အခြေခံဥပဒေ (၃) ခုက အသိအမှတ်ပြုထားသော ဥပဒေအရ နိုင်ငံသားဖြစ်ပြီးသူများဖြစ်ကြပါတယ်။
(မြန်မာနိုင်ငံတွင် အစ္စလာမ်ဘာသာဝင် အများအပြားသည် ဥပဒေအရ နိုင်ငံသားဖြစ်ပြီး သူများ ဖြစ်ကြပါသည်။ ၁၉၄၇ခုနှစ်၊ ပြည်ထောင်စု မြန်မာနိုင်ငံ ဖွဲ့စည်းအုပ်ချုပ်ပုံ အခြေခံဥပဒေ ပုဒ်မ-၁ဝ၊ ၁၉၇၄ခုနှစ်၊ ပြည်ထောင်စု ဆိုရှယ်လစ် သမ္မတ မြန်မာနိုင်ငံတော် ဖွဲ့စည်းပုံ အခြေခံဥပဒေ ပုဒ်မ-၁၄၅(ခ)နှင့်၂၀၀၈ခုနှစ် ၊ပြည်ထောင်စု သမ္မတ မြန်မာနိုင်ငံတော် ဖွဲ့စည်းပုံ အခြေခံဥပဒေ ပုဒ်မ-၃၄၅(ခ)ဖွဲ့စည်းပုံအခြေခံ ဥပဒေ (၃)ရပ်က ဥပဒေအရ နိုင်ငံသားဖြစ်ပြီးသူများကို အသိအမှတ်ပြု အတည်ပြု ထားပြီး၊ ၁၉၈၂ခုနှစ်၊ မြန်မာ နိုင်ငံသားဥပဒေပုဒ်မ-၆ ကလည်း ထပ်မံ အတည်ပြုထားပါသည်။)

…မြန်မာနိုင်ငံတွင် ၁၈၂၃ခုနှစ် မတိုင်မီက မိမိ၏ပင်ရင်းနိုင်ငံအဖြစ် အခြေစိုက် နေထိုင်ခဲ့သော အစ္စလာမ်ဘာသာဝင်များ၏ အဆက်အနွယ်များသည် ၁၉၈၂ မြန်မာနိုင်ငံသားဥပဒေပုဒ်မ-၃ အရ နိုင်ငံသားဖြစ်ကြပါတယ်။
(၁၉၄၈ခုနှစ်၊ ပြည်ထောင်စု မြန်မာနိုင်ငံသားဖြစ်မှု အက်ဥပဒေ ပုဒ်မ-၃(၁)တွင် ၁၈၂၃ ခုနှစ်(မြန်မာသက္ကရာဇ် ၁၁၈၅ခုနှစ်) မတိုင်မီ ကာလကစ၍ မိမိတို့၏ ပင်ရင်းတိုင်းပြည် အဖြစ်ဖြင့် အခြေစိုက် နေထိုင်ခဲ့သော မျိုးနွယ်စုများသည် ၁၉၈၂ခုနှစ် ၊မြန်မာနိုင်ငံသားဥပဒေ ပုဒ်မ-၃ တွင် အကျုံးဝင်သော မြန်မာနိုင်ငံ သားများ ဖြစ်ကြပါသည်။ အစ္စလာမ်ဘာသာဝင်များသည် မြန်မာနိုင်ငံသို့ လွန်ခဲ့သော နှစ်ပေါင်း ၁၀၀၀ကျော် ၁၂၀၀ခန့်က ရောက်ရှိခဲ့ရာ၊ ၁၈၂၃ခုနှစ် မတိုင်မီက မိမိတို့၏ ပင်ရင်းတိုင်းပြည်အဖြစ်ဖြင့် အခြေစိုက် နေထိုင်ခဲ့သူများ၏ အဆက်အနွယ်များသည် မြန်မာနိုင်ငံသားများဖြစ်ကြပြီး၊ မြန်မာနိုင်ငံအရပ်ရပ်တွင် ပျံ့နှံ့နေထိုင်လျှက်ရှိပါသည်။)

…လ၀က ဥပဒေများအရ နိုင်ငံသားဖြစ်ပြီးသူများမှ မွေးဖွားသူများသည်လည်းမြန်မာနိုင်ငံသားများဖြစ်ကြပါတယ်။
(၁၉၄၈ခုနှစ်၊ ပြည်ထောင်စု မြန်မာနိုင်ငံသားဖြစ်မှု အက်ဥပဒေ၊ ၁၉၄၈ခုနှစ်၊ ပြည်ထောင်စု မြန်မာ နိုင်ငံသားအဖြစ် ရွေးချယ်ရေး အက်ဥပဒေ နှင့် ၁၉၄၇ခုနှစ်၊ ပြည်ထောင်စု မြန်မာနိုင်ငံ ဖွဲ့စည်းအုပ်ချုပ်ပုံ အခြေခံဥပဒေ ပုဒ်မ-၁၁ တို့နှင့်အညီ နိုင်ငံသားဖြစ်ပြီး သူများသည်လည်း ၁၉၈၂ခုနှစ် ၊မြန်မာနိုင်ငံသားဥပဒေ ပုဒ်မ-၆တွင် အကျုံးဝင်သော မြန်မာနိုင်ငံသားများ ဖြစ်ကြပါသည်။ ၁၉၇၃ခုနှစ်၊ စကားရပ်များ အနက်အဓိပ္ပါယ် ဖွင့်ဆိုရေး ဥပဒေ ပုဒ်မ-၁၄ တွင် “ဥပဒေ ပြဌာန်းချက် တစ်ရပ်ရပ်ကို အခြားဥပဒေ တစ်ရပ်ရပ်ဖြင့်၊ ရုပ်သိမ်းလျှင် (က)ရုပ်သိမ်းခြင်း ခံရသော ပြဌာန်းချက် ၏ အာဏာသက်ရောက်ခြင်းကို မထိခိုက်စေရ။ ထို့ပြင် ယင်းဥပဒေ ပြဌာန်းချက် အရ နည်းလမ်းတကျ ပြုလုပ် ဆောင်ရွက်ခဲ့သည်တို့ကို မထိခိုက်စေရ။(ခ)ရုပ်သိမ်းခြင်းခံရသော ပြဌာန်းချက်အရ ရရှိခဲ့သည့်ရပိုင်ခွင့် သို့မဟုတ် အခွင့်အရေးကို မထိခိုက်စေရ။”ဟု ပြဌာန်းထားရာ၊ ယင်းအခွင့်အရေးများသည် ယနေ့တိုင် တည်မြဲလျှက်ရှိရာ၊ အဆိုပါ ဥပဒေများအရလည်း အစ္စလာမ်ဘာသာဝင်များ အများအပြားသည် ဥပဒေအရ နိုင်ငံသားဖြစ်ပြီးသူများ ဖြစ်ကြပါသည်။)

၁၉၈၂နိုင်ငံသားဥပဒေတွင် သွေးနှောများကိုပြန်လည် စိစစ်ရန် မပါဝင်ကြောင်း ဒဂုံမြို့နယ် (မြောက်ပိုင်း) ပြည်သူ့လွှတ်တော် မဲဆန္ဒနယ်မြေကိုယ်စားလှယ် ဒေါက်တာခင်မောမောင်က ဒုတိယအကြိမ်ပြည်သူ့လွှတ်တော် ဒုတိယပုံမှန် အစည်းအဝေးတွင် ပြောကြားခဲ့ပါတယ်။
(သွေးနှော”အသုံးအနှုန်းနှင့် ပတ်သက်၍လည်း တင်ပြလိုပါသည်။၎င်းအသုံးအနှုန်းသည် ၁၉၈၂ နိုင်ငံသား ဥပဒေ၊ နည်းဥပဒေများတွင် မပါဝင်သော ဥပဒေနှင့် မညီညွှတ်သည့် အသုံးအနှုန်း ဖြစ်ပါသည်။ ဥပဒေ ပြဌာန်းချက်တစ်စုံတစ်ရာ မရှိ၍ “သွေးနှော”ဟု ခေါ်ဝေါ် သုံးနှုန်းခြင်းမှာ တည်ဆဲ ဥပဒေများနှင့်ညီညွှတ်ခြင်းမရှိပါ။ ဥပဒေတစ်ရပ် ပြဌာန်းလျှင်၊ ဥပဒေ၊ နည်းဥပဒေ၊လုပ်ထုံးလုပ်နည်း၊ ညွှန်ကြားချက်၊ အမိန့် အသီးသီး ရှိပါသည်။ညွှန်ကြားချက်၊ အမိန့်များသည် ဥပဒေ၊ နည်းဥပဒေ၊များကို မကျော်လွန်နိုင်ပါ။ အစ္စလာမ်ဘာသာဝင်များအား သွေးနှောများ ဟု သုံးနှုန်းနေခြင်းမှာ ဥပဒေနှင့် မညီညွှတ်ပါ။)

…နိုင်ငံသားစိစစ်ရာတွင် စိစစ်သည့်ဗဟိုအဖွဲ့အစည်း လ၀က၀န်ကြီးဌာန၊ နှင့် နိုင်ငံတော်အစိုးရတို့ကသာ ဆုံးဖြတ်နိုင်ပါတယ်။
(၁၉၈၂ခုနှစ်၊မြန်မာနိုင်ငံသားဥပဒေ ပုဒ်မ-၇၄အရ မြန်မာနိုင်ငံသား စိစစ်ရေး လုပ်ငန်းရပ်များနှင့် စပ်လျှဉ်း၍ နိုင်ငံတော်အစိုးရ၊ သက်ဆိုင်ရာ ဝန်ကြီးဌာန နှင့် ဗဟိုအဖွဲ့တို့ကသာ တည်ဆဲဥပဒေများနှင့်အညီ အဆုံးအဖြတ် ပေးနိုင်ပါသည်။ သက်ဆိုင်ရာ ဝန်ကြီးဌာန နှင့် ဗဟိုအဖွဲ့တို့သည် နိုင်ငံတော်အစိုးရကို တာဝန်ခံ၍ မြန်မာနိုင်ငံသား လုပ်ငန်းရပ်များကို အကောင်အထည် ဖေါ်ရပါသည်။ ပုဒ်မ-၇၀(ခ)အရ နိုင်ငံတော် အစိုးရအဖွဲ့၏ ဆုံးဖြတ်ချက်သည် အပြီးအပြတ်ဖြစ်ပါသည်။)

…NVC ကတ်ပြားများကို အစ္စလာမ် ဘာသာဝင်များကိုသာ သီးခြားကိုင်ဆောင်စေခြင်းမဟုတ်ပဲ နယ်စပ်ဒေသများ၏ နယ်နမိတ်ထိစပ်မှုသဘော သဘာဝအရ နှစ်နိုင်ငံလူမျိုးများရောထွေးနေခြင်း အပေါ် ဥပဒေအရ စိစစ်ခွဲခြားပေးနိုင်ရန်အတွက် အခိုင်အတန့် ကိုင်ဆောင်စေခြင်းဖြစ်ကြောင်းပြောကြားခဲ့ရာ ရန်ကုန်တိုင်းဒေသကြီးကဲ့သို့ မြို့ကြီးပြကြီးများတွင် နေထိုင်ကြသော အစ္စလာမ်ဘာသာဝင်များအား သီးသန့်ခေါ်ယူတွေ့ဆုံ ရှင်းပြရန်လိုအပ်မည် မဟုတ်ပါ။ မြန်မာနိုင်ငံတွင်နေထိုင်ကြသော နိုင်ငံသား အရည်အချင်းပြည့်မှီသည့် အစ္စလာမ်ဘာသာဝင်တို့အား ၁၉၈၂ခုနှစ်မြန်မာနိုင်ငံသား ဥပဒေအရ စိစစ်ရန်ဖြစ်ပါတယ်။

(နိုင်ငံသား/ဧည့်နိုင်ငံသား/နိုင်ငံသားပြုခွင့်ရသူများ အတွက်၁၉၈၂ခုနှစ်၊မြန်မာနိုင်ငံသားဥပဒေနည်း ဥပဒေလုပ်ထုံး လုပ်နည်းများ ပြဌာန်းထားပြီးဖြစ်ပြီး၊ အဆိုပါပြဌာန်းချက်များအရ နိုင်ငံသား/ဧည့်နိုင်ငံသား /နိုင်ငံသားပြုခွင့်ရသူများအတွက် အရည်အချင်း သတ်မှတ်ချက်များကို စိစစ်ရာတွင် အထောက်အထားများ ခိုင်မာမှန်ကန်မှုရှိကြောင်း စိစစ်အတည်ပြုသူများကို ရသင့်သော နိုင်ငံသား အမျိုးအစား အလိုက် အသိအမှတ်ပြုလက်မှတ်/ စိစစ်ရေးကတ်ပြားများကို မြို့နယ်/ခရိုင် နှင့် ပြည်နယ်/တိုင်းဒေသကြီး ဦးစီးဌာနမှူးများက လက်မှတ်ရေးထိုး ထုတ်ပေးရပါမည်။ အဆိုပါ ပြဌာန်းချက်များကို ဘောင်ကျော်၍ မဆောင်ရွက်နိုင်ပါ။ အဆိုပါ ပြဌာန်းချက်များ အကျုံးဝင်လျှင် ရသင့်သောနိုင်ငံသား ကတ်ပြားများ ထုတ်ပေးရမည် ဖြစ်ပါသည်။ နိုင်ငံသားဖြစ်ရန် အရည်အချင်းရှိသူများအား အစုလိုက်အပြုံလိုက် NVCများ ထုတ်ပေးလိုက်လျှင်၊ နိုင်ငံသားဖြစ်ရန် အခွင့်အရေးများ ဆုံးရှုံးကြမည်ဖြစ်ပါသည်။)

အချုပ်အားဖြင့် တင်ပြရလျှင် ၁၉၈၂ခုနှစ်၊ မြန်မာနိုင်ငံသားဥပဒေသည်၂၀၀ဂ ဖွဲ့စည်းပုံ အခြေခံဥပဒေနှင့် ညီညွှတ်မှု မရှိသော်လည်း ၎င်းဥပဒေမှာ တည်ဆဲဖြစ်နေ၍ ၎င်းဥပဒေ အရသာ ဆုံးဖြတ်ရပါမည်။ နိုင်ငံသား စိစစ်ရေး လုပ်ငန်းစဉ်တွင် အစ္စလာမ်ဘာသာဝင်များအား တည်ဆဲဖြစ်သော ၁၉၈၂ခုနှစ်၊မြန်မာနိုင်ငံသားဥပဒေ ၊ နည်းဥပဒေ၊ လုပ်ထုံးလုပ်နည်းများနှင့်အညီ စိစစ်ဆောင်ရွက်ပေးပါရန် အနူးအညွှတ် မေတ္တာရပ်ခံ ပန်ကြားအပ်ပါသည်။

ဦးခင်မောင်ချို(တရားလွှတ်တော်ရှေ့နေ)

December 12, 2016
ဧည့်စာရင်း ပယ်ဖျက်ပြီးနောက်.. ခရီးသွားတိုင်း လ.ဝ.က ကို အကြောင်းကြားပြီးမှ သွားရတော့မှာလား?

ဒီဇင်ဘာ ၃ ၊ ၂၀၁၆
M-Media
ဦးခင်မောင်ချို (တရားလွှတ်တော်ရှေ့နေ) ရေးသည်။

အမှန်တကယ်တော့ ဧည့်စာရင်းပြဌာန်းချက်ကို ရုပ်သိမ်းတော့မည့်အခြေအနေပေါ်လာတဲ့ အခါကတည်းက ဧည့်စာရင်းမတိုင်ကြားလျှင် အရေးယူသကဲ့သို့ အရေးယူနိုင်တဲ့ ဥပဒေများကို ကျင့်သုံးလာတာကိုတွေ့ရှိရပါတယ်။ ယခင်က ခရီးသွားလာတဲ့အခါ နိုင်ငံသား စိစစ်ရေးကတ်ပြား မလျှောက်ထားရသေးသူများ၊ လျှောက်ထားဆဲများ၊ ပျောက်ဆုံးများ၊ ယာယီသက်သေခံကတ်ပြား အသစ် မထုတ်ရသေးသူများ၊ ယာယီသက်သေခံ ကတ်ပြားတစ်ခုခု မရှိသူများအား ရပ်/ကျေး ထောက်ခံချက်များဖြင့် ခရီးသွားလာကြပါတယ်။ ရပ်/ကျေးထောက်ခံချက်များကို ပြသသော်လည်း အဆိုပါပုဂ္ဂိုလ်များကို ယခုတလော အရေးယူလာတာ တွေ့ရှိရပါတယ်။ နိုင်ကတ် ကိုင်ဆောင် ထားသူများကိုလည်း အရေးယူကြောင်းသိရှိရပါတယ်။

ဥပဒေအသစ်ဖြင့် အစားထိုးခြင်းတော့ မဟုတ်ပါ။ ၁၉၄၉ ခုနှစ်မှာ ပြဌာန်းခဲ့တဲ့ မြန်မာနိုင်ငံတွင်း နေထိုင်သူများမှတ်ပုံတင်ရေး ဥပဒေနဲ့ အရေးယူနေတာ ဖြစ်ပါတယ်။ ၁၉၅၁ ခုနှစ် မြန်မာနိုင်ငံအ တွင်းနေထိုင်သူများ မှတ်ပုံတင်ရေး နည်းဥပဒေ ပုဒ်မ- ၂၅၊ ၂၆၊၂၈ တို့ကို ဖောက်ဖျက်ရင် ၁၉၄၉ ခုနှစ် မြန်မာနိုင်ငံအတွင်းနေထိုင်သူများ မှတ်ပုံတင်ရေး ဥပဒေ ပုဒ်မ – ၆ (၂) ၆ (၃) အရ အရေးယူပြီး ပြစ်ဒဏ် ၂ နှစ် အထိ/ ငွေဒဏ်ချမှတ်နိုင်ပါတယ်။

အမှန်တကယ်တော့ အဲ့ဒီဥပဒေ၊ နည်းဥပဒေတွေဟာ ၁၉၄၉ ခုနှစ်၊ ၁၉၅၁ ခုနှစ်မှာ ပြဌာန်းခဲ့တာဖြစ်လို့ အမျိုးသားမှတ်ပုံတင်ကတ်ပြား ကိစ္စနဲ့ ပတ်သက်တာထင်ရှားပါတယ်။ အဲ့ဒီဥပဒေ၊ နည်းဥပဒေများကို လေ့လာကြည့်ရင်ပေါ်လွင်ပါတယ်။ နည်းဥပဒေ ၂၅ ရဲ့ ဆိုလိုရင်းက မိမိမှတ်ပုံတင်ထားတဲ့လိပ်စာက ထွက်ခွာရင်သက်ဆိုင်ရာ လ.ဝ.က ကိုအကြောင်းကြားရမယ်။

နည်းဥပဒေ ၂၆ ရဲ့ဆိုလိုရင်းက မိမိ မှတ်ပုံတင်ထားတဲ့လိပ်စာ ပြောင်းရင်းလည်း သက်ဆိုင်ရာ လဝက ကိုအကြောင်းကြားရမယ်။ နည်းဥပဒေ ၂၈ အရ သက်သေခံကတ်ပြားတစ်ခုခု မရှိရင် လည်း သက်ဆိုင်ရာ လဝက ကို အကြောင်းကြားရမယ်လို့ ဖော်ပြထားပါတယ်။

အဲဒီဥပဒေ၊ နည်းဥပဒေတွေကို ၁၉၄၉ခုနှစ်၊ ၁၉၅၁ ခုနှစ်များမှာ ပြဌာန်းခဲ့သော်လည်း ကျွန်တော်တို့ ငယ်စဉ်ကတည်းက ခရီးသွားရင် မှတ်ပုံတင်ကတ်ပြားများနဲ့ သွားလာခဲ့ကြတာ ပဲ။ လဝက ကိုအကြောင်းကြားခဲ့ရတာမျိုးမရှိခဲ့ပါဘူး။

အချုပ်အားဖြင့်တင်ပြရရင်တော့ ခရီးသွားရင် မှတ်ပုံတင် ကတ်ပြား တစ်ခုခုပြသနိုင်ရုံနဲ့ မရတော့ပါဘူး။ သက်ဆိုင်ရာ လဝက များကို အကြောင်းကြားပြီးမှ ခရီးသွားလို့ ရမယ်လို့ ဖြစ်လာပါပြီ။ ကုန်ကုန်ပြောရရင် နိုင်ငံသားစိစစ်ရေးကတ်ပြားကိုင်ဆောင်သူများ ခရီးသွားရင်တောင် သက်ဆိုင်ရာ လဝက ကို အကြောင်းကြား ခွင့်ပြုချက်ယူပြီးမှ ခရီးသွားလို့ရမယ် လို့ အဲဒီဥပဒေ၊ နည်းဥပဒေတွေကို ကိုးကားပြီး လ.ဝ.က မှ တာဝန်ရှိသူတွေ ပြောနေပါပြီ။

အဲဒီတော့ ဧည့်စာရင်းတိုင်ကြားခြင်း ကိစ္စကို ပယ်ဖျက်လိုက်တော့ ၁၉၄၉ခုနှစ် မြန်မာနိုင်ငံအတွင်းနေထိုင်သူများ ဥပဒေနဲ့ အရေးယူနေပြီပေါ့။ ဧည့်စာရင်း တိုင်ကြားခြင်း ဥပဒေ တစ်မျိုးဖြစ်နေပြီလား။ သတိပြုကြပါကုန်။

December 3, 2016