Category: ဆောင်းပါး

မြန်မာပြည်က ဖေ့စ်ဘွတ်နှင့် အမုန်းစကားလောင်စာ

ဇွန်လ ၂၅ ရက်၊ ၂၀၁၄
M-Media
.မြင့်မိုရ်မောင်မောင် ဘာသာပြန်ဆိုသည်။

လက်ရှိနှစ်များအတွင်း မြန်မာနိုင်ငံတွင် ဖေ့စ်ဘွတ်သည် အတိုင်းထက်အလွန် တွန်းအားသဖွယ်ဖြစ်နေသည်။ Photo – Hereward Hollandး Al Jazeera

ရန်ကုန်၊ မြန်မာ။ ။ မြို့လယ်တိုက်ခန်းခပ်နုပ်နုပ်တစ်ခုအတွင်း လက်ပ်တော့အုပ်စုလေးတစ်ရပ်မှာ အမုန်းစကားများကို ဆန့်ကျင်တော်လှန်မည့် မြန်မာ ဌာနချုပ်သဖွယ် ပကာသနကင်းရှင်းစွာ လှုပ်ရှားနေကြ၏။ သို့သော် ခံစားချက်အပြည့်နှင့် ဖြစ်သည်။

တင်ပျဉ်ခွေထိုင်လျက် မိမိတို့၏ ကွန်ပျူတာ ဖန်သားပြင်အလင်းထင်ဟပ်နေကြသော ၀န်းရံထားသည့် စားပွဲတစ်ခုပေါ်ရှိ ပန်းအိုးထဲ၌ အဖြူရောင်ပန်းများ စိုက်ထူထားသည်။

အွန်လိုင်းပေါ်ရှိ ရုန့်ရင်းကြမ်းတမ်းချက်မျိုးစုံသုံး အာဃာတလှိုင်းတံပိုးအား “ပန်းစကား”အားဖြင့် ပြန်လည်ရင်ဆိုင်ရန် ရည်စူးသော အရပ်ဖက်လူ့အဖွဲ့အစည်းသစ် ပန်းစကားအတွက် လူငယ်လေးတစ်စုမှ လှုပ်ရှားဆောင်ရွက်နေပါသည်။

“ စစ်အုပ်ချုပ်ရေးကာလနဲ့နှိုင်းစာရင် လွတ်လပ်မှု အတန်အသင့် ရနေပါတယ်။ ဆင်ဆာစနစ် မရှိတော့ဘူး။ အင်တာနက်အသုံးပြုနိုင်ပြီ။ ဒါ့အပြင် မိမိဆန္ဒရှိရာကို ဖေ့စ်ဘွတ်ပေါ်မှာ ရေးသားနိုင်ပြီဖြစ်ပါတယ်။ ဒါပေမယ့် တစ်ချိန်တည်းမှာပဲ လွတ်လပ်စွာထုတ်ဖော်နိုင်ခွင့်ကို တလွဲ အသုံးချသူများစွာလည်း ရှိလာကြပါတယ် ” ဟု ပန်းစကားအဖွဲ့မှ နေဘုန်းလတ်က ဆိုသည်။

လွန်ခဲ့သည့် ၂ နှစ်တာအတွင်း အရှေ့တောင်အာရှ၏မြန်မာနိုင်ငံတစ်ဝှမ်း ဆိုးဆိုးဝါးဝါးပဋိပက္ခများ ထွက်ပေါ်အောင် ပျံ့နှံ့လျက်ရှိနေသော မွတ်စ်လင်မ် ဆန့်ကျင်ရေးလောင်မီးတို့ အပေါ် စကားကောင်းများဖြင့်တုန့်ပြန်ရန်အလို့ငှာ သူသည် ပန်းစကားအဖွဲ့ကို ၂၀၁၃ ခုနှစ်၌ ထူထောင်သည်။
အမုန်းစကား အခြေခံ၍ ဖြစ်ပွားခဲ့သော အကြမ်းဖက်မှုများတွင် လူပေါင်း ၂၅၀ ဦး သတ်ဖြတ်ခံရပြီး တစ်သိန်းလေးသောင်းကျော်မှာ ယာယီဒုက္ခသည်စခန်းများ၌ အသက်ဆက်နေကြရသည်။ လက်စားချေတိုက်ခိုက်မှုများ၌ ဗုဒ္ဓဘာသာဝင်တို့၏ ဘုန်းတော်ကြီးကျောင်းများ၊ နေအိမ်များ၊ လုပ်ငန်းများ မီးသင့်မြေခခြင်း တချို့တလေရှိနေပါသော်လည်း ဓားစာခံများကို ခြုံငုံကြည့် လိုက်လျှင်မူ အများစုမှာ လူနည်းစုဝင် ရိုဟင်ဂျာမွတ်စ်လင်မ်များ ဖြစ်နေပါသည်။

“ ရခိုင်ပြည်နယ်ထဲ အကြမ်းဖက်မှု စတင်ချိန်ကတည်းက အွန်လိုင်းမှာ အမုန်းစကားတွေ ပျံ့နှံ့နေပြီ၊ တစ်စထက်တစ်စ ဝေဖန်မှုပြင်းထန်ပြီး အန္တရာယ်ကြီးနေပြီဆိုတာကို ကျွန်မတို့ မြင်နိုင်ပါတယ်။ ဖေ့စ်ဘွတ်က အမုန်းစကားဖြန့်ချိရေး အတွက် သြဇာအကြီးဆုံး လမ်းကြောင်း တစ်ခုဖြစ်နေတယ်လို့ ကျွန်မ ယူဆပါတယ်။ ကျယ်ပြန့်စွာ ပျံ့နှံ့ပြီးဖြစ်သလို လူတွေရဲ့စိတ်ထဲ ကူးစက် လွယ်စေပါတယ် ” ဟူ၍ လူမှုလှုပ်ရှားသူ မိန်းမငယ်တစ်ဦးမှ ဆိုပါသည်။

လူ့အဖွဲ့အစည်းအတွင်း အမုန်းစကားဖြန့်ချိမှုကို အားမပေးရန် ပါးစပ်၌ပန်းများကိုက်ထားသည့်ပုံဆောင်ချက်အားဖြင့် ပန်းစကားအဖွဲ့သည် အွန်လိုင်းပေါ် စည်းရုံးခြင်း၊ လမ်းများတွင် ပိုစတာ၊ စတစ်ကာနှင့် လက်ကမ်းစာစောင်များဖြန့်ဝေခြင်းတို့ကို ပြုလုပ်နေပါ၏။

“ မိမိရဲ့လွတ်လပ်မှုက သူတစ်ပါးကို ထိခိုက် နစ်နာစေတယ်ဆိုရင် အဲ့ဒီလွတ်လပ်မှုကို ကန့်သတ်ဘောင်ခတ်ဖို့ လိုအပ်ပါတယ် ” ဟု နေဘုန်းလတ်က အမည်တုများဖြင့် ဖန်တီးထားသော မျက်ကန်းမျိုးချစ် ဗုဒ္ဓဘာသာဝင်တို့၏ ဖေ့စ်ဘွတ် အကောင့်များကို လေ့လာကြည့်ရှုရင်း ပြောကြားသည်။

မွတ်စ်လင်မ်တို့အား ခွေးနှင့်နှိုင်းယှဉ်သုံးနှုန်းမှုများ
—————————————————
ခိုင်သူရိန်မျိုး ဆိုသူရေးသားသည့်မှတ်ချက်၌ “ မွတ်စ်လင်မ် မှန်သမျှကို သတ်ပစ်ရမယ်။ မြန်မာပြည်မှာ မွတ်စ်လင်မ်တစ်ယောက်မှ မရှိစေရဘူး ” ဟုလည်းကောင်း၊ ၎င်းအပေါ် ဇော်ဇော်မင်းဆိုသူက “ ခွေးမွတ်စ်လင်မ်တွေကို ငါတို့ ဘာလို့ မောင်းမထုတ်နိုင်ရမှာလဲ ” ဟူသောမေးခွန်းဖြင့် တုန့်ပြန်ထားသည်ကို လည်းကောင်း တွေ့ရပေသည်။ မြန်မာပြည်ဖွား မွတ်စ်လင်မ်တို့အား ဖယ်ရှားလိုသည့် အစွန်းရောက်များက ထိုသို့သော အသုံးအနှုန်းမျိုးကို အစဉ်အမြဲ သုံးစွဲတတ်ကြသည်။

အမေရိကန် အခြေစိုက် လူ့အခွင့်အရေးအဖွဲ့ Poison ၏ ပြောကြားချက်များအရ ဓားစာခံတို့အား အဖက်မတန်နိမ့်ကျသူများ၊ ပိုးမွှားများ၊ အိမ်မွေးနှင့်အခြား တိရစ္ဆာန်များကဲ့သို့ ဖော်ညွှန်းသည့် စကားများသည် အကြမ်းဖက် လှုံ့ဆော်မှု၏ ၀ါဒဖြန့်လက္ခဏာ တစ်ရပ်ဖြစ်ပြီး၊ ဓားစာခံတို့အပေါ် လူရာ မသွင်းချိုးနှိမ်သဖြင့် မျိုးသုဉ်းရှင်းလင်းခြင်း အဆင့်သို့ပင် ရောက်ရှိနိုင်သည် ဟူ၏။

ရာစုနှစ်ဝက်မျှ ခပ်ကြမ်းကြမ်း ဆင်ဆာစနစ်နှင့်အတူ နိုင်ငံတကာအပယ်ခံ ဘ၀လမ်းကြောင်းမှ ခွဲဖြာလာသော နိုင်ငံတစ်ခု၌ လွတ်လပ်စွာဖော် ထုတ်ပြောဆိုခွင့်သည် အလွန် တန်ဖိုးထားအပ်ဖွယ်ရာ ဖြစ်သည်။

စစ်အစိုးရဟောင်းမှ ချုပ်ကိုင်တင်းကြပ်မှု ဖြေလျော့လိုက်ချိန် လွန်ခဲ့သည့် ၃ နှစ်ကပင် ဗုဒ္ဓဘာသာလွှမ်းမိုးရေး နှင့် သဟဇာတဖြစ်မှုအပေါ်အမြတ်ထုတ်ရေးကို ပိုမိုဖွံ့ထွားလာအောင် ခွင့်ပြုထားခဲ့သည်။ အကြမ်းဖက်မှု အများဆုံးဖြစ်ပွားရာဒေသများသို့သာ အင်တာနက်အကန့်အသတ်ရှိစဉ်က အမုန်းစကားများ ရောက်ရှိခဲ့သော်လည်း နောက်နှစ် အနည်းငယ်တွင် တိုင်းပြည်တွင်း အင်တာနက် ပိုမိုအသုံးပြုနိုင်သည်နှင့်အမျှ လုံးလုံးလျားလျား အသွင်ပြောင်းသွားသည်ဟု ယူဆရပေသည်။

အင်တာနက်သည် သတင်း အချက်အလက်တော်လှန်ရေး၏ နယ်ခြား မုခ်ဝသို့ ရောက်နေသော်လည်း မြန်မာနိုင်ငံမှာ ဒီဂျစ်တယ်ကမ္ဘာနှင့် လွန်ဆွဲနေဆဲပင်။ နိုင်ငံတစ်ဝှမ်းသို့ အကြောင်းကြားချက်များပေးပို့ရန်အတွက် ဘဏ်စာရေးများသည် ရန်ကုန်ကြေးနန်းရုံးကို အသုံးပြုနေကြဆဲဖြစ်၏။ အစိုးရဖက်မှ ဒေါ်လာ ကုဋေချီတန်သည့် ဆက်သွယ်ရေးလုပ်ငန်းများ၊ ရေနံတူးဖော်ရေး လိုင်စင်များကို ဖေ့စ်ဘွတ် အသုံးပြု ကြေငြာလင့်ကစား၊ ဘာသာကူးပြောင်းမှု ဥပဒေမူကြမ်းအပေါ် ဖက်စ်ဖြင့် ပေးပို့တုန့်ပြန်စေပြန်၏။

ဆိုရှယ်မီဒီယာဝက်ဘ်ဆိုဒ်ကို တသွင်သွင် အသုံးပြုတတ်သော မြန်မာ အစိုးရ၏ပြောဆိုခွင့်ရ ပုဂ္ဂိုလ်တစ်ဦးဖြစ်သူ ဦးရဲထွဋ်အား ဧရာဝတီမဂ္ဂဇင်းမှ “ဖေ့စ်ဘွတ်ဝန်ကြီး” ဟု ကင်ပွန်းတပ်ထားသည်။

မကြာသေးသော နှစ်အနည်းငယ်က ဆင်းမ်ကဒ်များမှာ ဒေါ်လာထောင်ချီပေးဝယ်ခဲ့ရသည်။ သို့သော် လက်ရှိတွင်လည်း နိုင်ငံ့လူဦးရေ သန်း ၆၀ ၏ ၁၀ ရာခိုင်နှုန်းအောက်ကိုသာ ပေးနိုင်သေးသည်။ ကာတာအခြေစိုက် အူရီဒူး နှင့် နော်ဝေမှ တယ်လီနာတို့က ကျန် ၉၀ ရာခိုင်နှုန်းကျော် ပြည်သူများအား ဆဲလ်ဖုန်း လက်ဝယ်ရရှိရေးအတွက် မျှော်လင့်ထားကြသည်။

“ ဖေ့စ်ဘွတ် အသုံးပြုတဲ့နေရာမှာ ကျင့်ဝတ်တွေ ရှိကြတယ်။ မိမိရဲ့ကိုယ်ပိုင်နေရာမှာ ရေးသားချက်များက အမုန်းစကား ပြန့်ပွားဖို့သော်လည်းကောင်း၊ ပုဂ္ဂိုလ်ရေးတိုက်ခိုက်မှုသော်လည်းကောင်း မဖြစ်ရပါဘူး ” ဟု ဦးရဲထွဋ်က သူ၏စာမျက်နှာအပေါ် ယခုလအတွင်း ရေးသားခဲ့သေးသည်။

ဗုဒ္ဓဘာသာဝင်များ ကြီးစိုးရေး
——————————-

မြန်မာနိုင်ငံလူဦးရေ ၉၀ ရာခိုင်နှုန်းနီးပါးမှာ ထေရ၀ါဒဗုဒ္ဓဘာသာဝင်များ ဖြစ်ကြသည်။ ရဟန်းသံဃာများကို နက်ရှိုင်းစွာ လေးစားကြည်ညိုကြပြီး ဝေဖန်ခြင်း မရှိတတ်ကြ။ မတရားခံရခြင်း၊ ကြီးစိုးခံရခြင်း ဟူသော စိတ်ဓာတ်စစ်ဆင်ရေးတစ်ခုကို ဖန်တီးထားလေရာ မြန်မာနိုင်ငံ၏ ဗုဒ္ဓဘာသာအနေအထားမှာ အန္တရာယ်ရှိနေပြီဟု သံဃာများစွာမှ ခံယူထားကြလျက် သူတို့၏ဟောပြောချက်များကိုလည်း အကျယ်တ၀င့် လက်ခံနေကြပေ၏။

ထေရ်ကြီးဝါကြီး သံဃာ အရှင် ကုမာရသည် နိုင်ငံတစ်ဝှမ်းရှိ ဗုဒ္ဓအမျိုးသားရေး ၀ါဒီခေါင်းဆောင်များစွာတို့၏ သဘောထားကို သံယောင်လိုက်ကာ မိမိ၏တိုင်းပြည်သည် အစ္စလာမ့်ရန်စွယ် ကျရောက်နေကြောင်း ပြောဆိုထား၏။ အထောက်အထား တစ်စုံတစ်ရာ မပြနိုင်လင့်ကစား နိုင်ငံအနောက်ပိုင်းရှိ လူနည်းစုရိုဟင်ဂျာ မွတ်စ်လင်မ်တို့သည် ကိုယ်ပိုင်ပြည်နယ် ခွဲထွက်ရန် ကြံစည်နေကြောင်း၊ ဗုဒ္ဓဘာသာဝင်များထက် မွတ်စ်လင်မ်လူဦးရေမှာ ကြီးထွားမြှင့်တက်နေကြောင်း ယုံကြည်ထား၏။

“ ဗုဒ္ဓဘာသာ ရခိုင်တွေကို သတ်ကြ၊ ဒီမြေက ငါတို့မြေ၊ ရခိုင်နယ်တွေကို သိမ်းပိုက်မယ်၊ ဘင်္ဂလားဒေ့ရှ် လက်အောက်ခံအဖြစ် သွတ်သွင်းမယ် ဆိုတဲ့ ကြွေးကြော်သံနဲ့အတူ ရိုဟင်ဂျာတွေဟာ ဗလီထဲကနေ ထွက်လာကြတယ် ” ဟူ၍ ရန်ကုန်မြို့ရှိ သူ၏ကျောင်းတိုက်တွင် အလ်ဂျဇီးရားသို့ ပြောပြခဲ့သည်။

ရိုဟင်ဂျာနိုင်ငံရေးပါတီဖြစ်သော ဒီမိုကရေစီနှင့်လူ့အခွင့်အရေးပါတီ၏ ဥက္ကဌ ဦးကျော်မင်းမှ ထိုစွပ်စွဲမှုများကို ပြတ်သားစွာ ပယ်ချထား၏။

အွန်လိုင်း၊ အော့ဖ်လိုင်း နှစ်ရပ်လုံး၌ ဘာသာရေး အငြိုးတရား သွတ်သွင်းရေးသားနေသော – ဒီမိုကရေစီနည်းကျပြုပြင်ပြောင်းလဲရေး နည်းစဉ်အပေါ် အယုံအကြည် ကင်းမဲ့အောင် အကြမ်းဖက်မှုဖြစ်ရေး တွန်းအားပေးနေကြသော နိုင်ငံရေးနောက်မြီးဆွဲများအား ပြစ်တင်ရှုတ်ချလိုက်သည်။

“ (သူတို့ပြောနေတဲ့) အဲ့ဒီအရာကို ရိုဟင်ဂျာတွေက တောင်းဆိုနေတာ မဟုတ်ဘူး။ ရိုဟင်ဂျာတွေကို ဖိနှိပ်ရေးအတွက် ဆင်ခြေပေးနိုင်အောင် အမြင်လွဲမှားစေခြင်း တစ်ရပ်သာ ဖြစ်ပါတယ်။ ဒီအတွေးအမြင်ဟာ နိုင်ငံရေးအရ အမြတ်ထုတ်လိုသူတစ်စုရဲ့ ဖန်တီးချက်ပါ ” ဟု ဦးကျော်မင်းက အလ်ဂျဇီးရားသို့ တယ်လီဖုန်းဖြင့် ပြောကြားခဲ့၏။

လူ့အဖွဲ့အစည်းအတွင်း အမုန်းစကားဖြန့်ချိမှုကို အားမပေးရန် ပါးစပ်၌ ပန်းများကိုက်ထားသည့် ပုံဆောင်ချက်အားဖြင့် ပန်းစကားလှုပ်ရှားသူများမှ ကြိုးပမ်းကြသည်

အမုန်းတရား ပဲ့တင်သံခန်းမ ဖြစ်လာမည်လော ?
———————————————–

အရှင်ဝီရသူ၏ ဖေ့စ်ဘွတ်စာမျက်နှာမှ ရေးတင်ချက်တစ်ခု၌ “ အကြမ်းဖက်သမားအားလုံးက မွတ်စ်လင်မ်တွေ ဖြစ်တယ်။ သူတို့ဟာ အပြစ်မဲ့အမျိုးသား အမျိုးသမီးတွေကို သတ်ဖြတ်ကြတယ်။ ဒါကြောင့် ငြိမ်းချမ်းရေးနဲ့ အစ္စလာမ်ဘာသာက ဆက်စပ်မှု ရှိမနေဘူး ” ဟူ၍ တွေ့ရပြီး ပြန်လည်မျှဝေချက် ၁၃၆ ကြိမ်ထိရှိခဲ့သည်။

ဖေ့စ်ဘွတ်သည် မြန်မာနိုင်ငံ၌ အဘယ်ကြောင့် အတိုင်းထက်အလွန် တွန်းအားဖြစ်လာရသည့် အပေါ် လူမှုရေးနှင့် နည်းပညာဆိုင်ရာ အကြောင်းရင်းနှစ်မျိုးစလုံး ရှိနေပါသည်။ ဤ၀က်ဘ်ဆိုဒ်သို့ ၀င်ရောက်အသုံးပြုရန် bandwidth သိပ်မြင့်မားရန် မလိုခြင်း၊ အင်္ဂလိပ်စကား မပြောဆိုသူများအတွက် အလွယ်တကူ အသုံးပြုနိုင်ခြင်း၊ တွစ်တာ ကဲ့သို့ အခြား ဆိုရှယ်မီဒီယာများနှင့် နှိုင်းယှဉ်ပါက မြန်မာဖောင့်စာလုံးများ အတွက် ကောင်းစွာစီစဉ်ပေးထားခြင်းတို့ကြောင့် ဖြစ်ပေသည်။

ဆယ်စုနှစ်များစွာ မိမိဖာသာသွေးရူးသွေးတန်းဖြစ်နေသော အာဏာရှင်စနစ်ဆိုးအောက်မှ ပေါ်ထွက်လာသည့်နိုင်ငံတစ်ခု အတွက် ဖေ့စ်ဘွတ်သည် သတင်းများ၊ အတွေးအမြင်များနှင့် အချက်အလက်များ မျှဝေရန် အလွန် လူကြိုက်များသော ကြားခံနယ်တစ်ခု အသွင်ဆောင်လာကြောင်း အရပ်ဖက် လူ့အဖွဲ့အစည်း တစ်ခုဖြစ်သည့် ပေါင်းကူးမှ Matthew Schissler မက်သျူး စစ္စလာက ဆိုခဲ့သည်။

ဖေ့စ်ဘွတ်အား လူတို့အသုံးပြုသည့်လမ်းကြောင်းမှာ အာဏာရှင်ခေတ်ကာလ အတွင်း ပြန်လည် ရှင်သန်ရေးလုပ်ရပ်များဖက်သို့ ကာလကြာမြင့်စွာ နီးကပ် တိမ်းညွှတ်နေခဲ့သည်ဟု စစ္စလာက ရှင်းပြသည်။

“ ဆင်ဆာစနစ်နဲ့ မှိုင်းတိုက်မှုတွေကို ပြဋ္ဌာန်းချက်လို ကာလရှည်ကျင့်သုံးလာတဲ့ ဒေသတစ်ခုမှာ ကောလဟလနဲ့ လျှာပေါ်လာသတင်းများက အစိုးရဖက် ထုတ်ပြန်ချက်နဲ့ သတင်းတွေထက် ပိုမို ခိုင်မာနေတတ်ပါတယ်။ အဲ့ဒီအပေါ် ဆိုရှယ်မီဒီယာက အသံချဲ့စက်တစ်ခု ထပ်ပေါင်းပေးလိုက်တာပါပဲ ” ဟူ၍ အလ်ဂျဇီးရားထံ အီးမေးလ် ပေးပို့ ဖြေကြားခဲ့သည်။

သို့စေကာမူ ဖေ့စ်ဘွတ်သည် ကျိုးကြောင်း ညီညွတ်သည့် သတင်းအရင်းအမြစ်များကို လူတို့မှ ကိုယ်တိုင်ရွေးချယ်နိုင်စေသော ၀န်းကျင် (နှင့်) စုဖွဲ့ အကြမ်းဖက်ခြင်းပေါ်ပေါက်စေသည့် အတွေးအမြင်များ အားကောင်းလာစေသော ပဲ့တင်ထပ်ရာ နေရာ ဌာနဖြစ်လာမည်ကို သူက စိုးရိမ်မကင်း ဖြစ်လျက်ရှိသည်။

“ ဖေ့စ်ဘွတ်ဟာ အမုန်းစကားကို မီးလောင်ရာလေပင့်ပေးနေတယ်ဆိုတဲ့ အထောက်အထားကို တိတိကျကျ ရှာဖွေဖော်ထုတ်နိုင်ဖို့က အလွန် ခဲယဉ်းပါတယ်။ ဒါပေမယ့် ဒီဝက်ဘ်ဆိုဒ်ဟာ တလွဲတချော်သတင်းတွေအတွက် ပိုမိုလွယ်ကူချောမွေ့စေပြီး၊ ပျက်ရာပျက်ကြောင်းအကြောင်းတရားတွေကို အလွန်လျင်မြန်တဲ့နှုန်းနဲ့ နယ်ကျော်ပြန့်ပွားစေတာကတော့ အသေအချာပါပဲ ” ဟု အလ်ဂျဇီးရားသတင်းဌာနအတွက် လုပ်ကိုင်ဆောင်ရွက်ပေးနေသော စတင်းဖို့ဒ်တက္ကသိုလ်မှ စာနယ်ဇင်းသမား Aela Callan က ပြောကြားသည်။

ရှေ့ဆက်ဆိုရပါလျှင် ကမ္ဘာတစ်ဝှမ်း အသုံးပြုသူ ၁.၂ သန်းရှိသော ဖေ့စ်ဘွတ်သည် သမမျှတရေးအတွက် ထိထိရောက်ရောက် ဆောင်ရွက်မှုမရှိဘဲ ထိုအလုပ်ကို ဖေ့စ်ဘွတ် အသုံးပြုသူများ အတွက်သာ ချန်ရစ်ထားသည်။

၎င်းထက် ဖေ့စ်ဘွတ်က ကိစ္စနှစ်မျိုးကို ဦးစားပေးထားသည်။ တင်ပြချက်များထွက်ရှိလာအောင် အကြောင်းအရာရေးသားသူထံ အသုံးချကိရိယာများ ပေးထားခြင်း နှင့် မိမိတို့၏စံနှုန်းခကိုချိုးဖောက်သည့် အကြောင်းအရာအစီခံမှုအပေါ် တုန့်ပြန်ခြင်းတို့ ဖြစ်သည်ဟု ဖေ့စ်ဘွတ်ပြောခွင့်ရသူ မက် စတိန်းဖဲလ်ဒ်မှ ပြောပြသည်။

လူတို့သည် စော်ကားကျူးလွန်ချက်များကို မြန်မာဘာသာ စကားဖြင့် တင်ပြနိုင်ပြီဟု သူက ဆိုသည်။

“ ဖေ့စ်ဘွတ်ပေါ်ကလူတွေရဲ့ သက်ဆိုင်ရာညွှန်းထောက်ပြချက်တွေအပေါ် အကူအညီပေးဖို့ ကျွန်တော်တို့ ထာဝစဉ် နည်းလမ်းတွေ ရှာဖွေလျက်ရှိပါတယ် ” ဟူ၍ စတိန်းဖဲလ်ဒ်က အလ်ဂျဇီးရားသို့ အီးမေးလ်တစ်စောင် ရေးသားပေးပို့ခဲ့သည်။

ဆိုရှယ်မီဒီယာကို အစိုးရအား ကိုင်တွယ်ပြဋ္ဌာန်းခွင့်ပေးခြင်းမှာ နောက်သို့ခြေ တစ်လှမ်းပြန်ဆုတ်ခြင်းဖြစ်ကြောင်း၊ မြန်မာနိုင်ငံသည် ဒီမိုကရေစီ၏ ၀တ္တရားနှင့် လွတ်လပ်ခွင့်ကို လက်ခံရန် အသင့်မဖြစ်သေး ဟူသည့် စစ်တပ်၏ အတွေးအခေါ်ကို လက်ခံရာရောက်ကြောင်း ဘက်ပေါင်းစုံက လက်ခံထားကြသည်။

အာဏာပိုင်အစိုးရ၏ လုပ်ထုံးလုပ်နည်းအန္တရာယ်များကို နေဘုန်းလတ်ထက် ပိုနားလည်သူများ မဆိုစလောက်သာ ရှိကြ၏။ စစ်အစိုးရလက်ထက်ဥပဒေများအောက်မှ သူသည် အွန်လိုင်းလှုပ်ရှားမှုကြောင့် ၄ နှစ်အထိ အကျဉ်းစံခဲ့ရသည်။ ထိုဥပဒေများမှာ ယနေ့တိုင် သက်ဝင်နေဆဲ။

“ တကယ်လို့ ကျွန်တော်တို့က မိမိဖာသာ စည်းမျဉ်း မပြဋ္ဌာန်းဘူးဆိုရင် ……. အာဏာကို သူတို့ ပြန်ရယူသွားပါလိမ့်မယ် ” ဟု သူက ဆိုလိုက်ပါသည်။

xxxxxxxxxxxxxxxxxxxxxxx

အလ်ဂျဇီးရား၏ Facebook in Myanmar: Amplifying hate speech? ဆောင်းပါးကို မြင့်မိုရ်မောင်မောင်မှ ဆီလျော်အောင် ပြန်ဆိုရေးသားသည်။

June 25, 2014
“ရင့်” ကြဖို့ လိုပြီ (သူအမြင်)

ဇွန်လ ၁၈ ရက်၊ ၂၀၁၄
M-Media
ဆောင်းပါးရှင်- ဦးဦးမှော်ဆရာ

အချုပ်အခြာအာဏာ (Sovereignty) သဘော

လူမှာ `အသက်´ရှိတယ်လို့ပြောရင် အချက်အလက်တစ်ခုအနေနဲ့ လူတိုင်းလက်ခံကြတယ်။ ဒါပေမဲ့ .. `အသက်´ဆိုတာ `ဒါကြီးကိုခေါ်တာကွ´..`ခန္ဓာကိုယ်ရဲ့ ဒီနေရာမှာရှိတယ်´လို့ ရုပ်သဏ္ဍာန်အားဖြင့် ပြလို့တော့မရဘူး။ နောက်ပြီး – ဒီလူကတော့ လူကောင်ထွားထွားကြီးဖြစ်လို့ `အသက်´က အကြီးကြီးရှိပြီး၊ ဒီလူကတော့ လူကောင်ပိစိလေးမို့လို့ သူ့ရဲ့ အသက်ကလည်း သေးသေးလေးပဲ ရှိတယ်လို့ ပြောလို့မရဘူး။ လူမှာ အသက်ရှိခြင်း ဆိုတာဟာ ၀ိဝါဒကွဲပြားစရာမလိုတဲ့ Fact ဖြစ်တယ်..။

နိုင်ငံတစ်နိုင်ငံလို့ပြောဖို့ရာမှာ အကြမ်းဖျင်းအားဖြင့် (အများစု လက်ခံထားကြတဲ့) အချက်(၅)ချက်ရှိတယ်။ Territory (နယ်နိမိတ်)၊ People (ပြည်သူ)၊ Government (အစိုးရ)၊ Sovereignty (အချုပ်အခြာအာဏာ) နဲ့ အခြားနိုင်ငံတွေနဲ့ နိုင်ငံတကာ ဆက်ဆံရေး ထူထောင်နိုင်သောစွမ်းရည် တို့ဖြစ်တယ်။ အဲဒီအချက်(၅)ချက်နဲ့ပြည့်စုံရင် နိုင်ငံတော်လို့ ယေဘုယျသတ်မှတ်လို့ရတယ်။ အဲဒီမှာ ပထမ(၃)ချက်က ရုပ်ဝတ္ထု သွင်ပြင်အားဖြင့် လက်တွေ့ပြလို့ရပေမဲ့၊ `အချုပ်အခြာအာဏာ´ ဆိုတာကတော့ ကျနော် အပေါ်မှာပြောခဲ့သလိုပဲ လူ့အသက်နဲ့တူတယ်။ `အချုပ်အခြာအာဏာ´ ဆိုတာ အဲဒါပဲကွယ့်..လို့ လက်ဆုပ်လက်ကိုင်ပြလို့မရဘူး။ အချုပ်အခြာအာဏာ ရှိခြင်းရဲ့ သရုပ်သကန်တွေကိုပဲ ပြောပြလို့ရတယ်။ အချုပ်အခြာအာဏာနဲ့ပက်သက်တဲ့ အယူအဆတွေက ခုချိန်ထိလည်း မေးခွန်း ထုတ်စရာတွေ၊ ၀ိဝါဒကွဲပြားမှုတွေ အများကြီးပဲ။ ဒါပေမဲ့ theoretically ပြောရရင် နိုင်ငံတစ်နိုင်ငံမှာ Sovereignty (အချုပ်အခြာအာဏာ) ဆိုတာ အကြွင်းမဲ့အာဏာ (Supreme Power / Supreme Authority) ပဲ။ နိုင်ငံတွင်းမှာ သူ့ထက်မြင့်တဲ့ အာဏာဆိုတာ မရှိဘူး။ နောက်ပြီး အစပိုင်းမှာ လူ့အသက်နဲ့ ဥပမာပေးခဲ့သလိုပဲ နိုင်ငံကြီးကြီး၊သေးသေး အချုပ်အခြာ အာဏာရှိခြင်းရဲ့ သဘောသဘာဝက အတူတူပဲဖြစ်တယ်။ အမေရိကန်နိုင်ငံမှာရှိတဲ့ အချုပ်အခြာအာဏာနဲ့ ဘူတန်ရဲ့အချုပ်အခြာ အာဏာ အတူတူပဲ။ နိုင်ငံကြီးလို့ အချုပ်အခြာအာဏာ အကြီးကြီးရှိပြီး၊ နိုင်ငံသေးရင် အချုပ်အခြာ အာဏာ သေးသေးလေးပဲ ရှိတယ်လို့ မှတ်ယူလို့မရဘူး။

အချုပ်အခြာအာဏာကိုပဲ ပြည်တွင်းနဲ့ပြည်ပ အချုပ်အခြာ အာဏာဆိုပြီး နှစ်ပိုင်းခွဲခြားရှုမြင်ကြတယ်။ မြင်သာအောင် ဥပမာအနေနဲ့ပြောရရင် မြန်မာနိုင်ငံမှာ ဒီနှစ်မိုးတွင်းက စပြီး စပါးတစ်ပင်မှ မစိုက်တော့ဘူးလို့ ဆုံးဖြတ်လိုက်ရင် ဒီဆုံးဖြတ်ချက်ကို ဘယ်နိုင်ငံကမှ “ဟ .. ဒါတော့ ဘယ်ဖြစ်မလဲကွ” လို့ ၀င်ဟန့်လို့မရပါဘူး။ အမေရိကန်နိုင်ငံက `ဟေ့ကောင်တွေ.. ပြန်စိုက်ကွာ..´ လို့ အမိန့်ပေးလို့မရဘူး။ ဒါက မြန်မာပြည်သူတွေနဲ့ မြန်မာ အစိုးရသာ ရွေးချယ် ဆုံးဖြတ်ရမဲ့ ကိစ္စ..။ အဲဒါ `ပြည်တွင်း အချုပ်အခြာ အာဏာ´(internal Sovereignty) ရဲ့ သဘောကို ဖေါ်ပြတယ်။ `ပြည်ပအချုပ်အခြာအာဏာ´(external Sovereignty) ရဲ့ ယေဘုယျ သဘောကတော့ ကိုယ့်နိုင်ငံရဲ့ နိုင်ငံခြားရေး မူဝါဒတွေကို ကိုယ့်သဘော ဆန္ဒအလျောက် စီမံခန့်ခွဲနိုင်ခြင်းကို ဆိုလိုတယ်။ တနည်းအားဖြင့် ကိုယ့်ရဲ့ အချုပ်အခြာ အာဏာပိုင်စိုးမှုကို တခြားသောနိုင်ငံတွေက အသိအမှတ်ပြုတဲ့ သဘောပေါ့။ ဒါကြောင့် ကိုယ့်နိုင်ငံကို ဘယ်သူ့ကိုမှ ၀င်ရောက် ခွင့်မပေးဘူးဆိုရင် (ဥပမာ-မြောက်ကိုရီးယား) ဘယ်နိုင်ငံ၊ ဘယ်အဖွဲ့အစည်းကမှ ၀င်လာခွင့်မရှိဘူး။ ကိုလိုနီ လက်အောက်ခံနိုင်ငံတွေကို ပြန်ကြည့်ရင် ပြည်တွင်း ပြည်ပ အချုပ်အခြာ အာဏာနှစ်ရပ်လုံး ဆုံးရှုံးသွားတာကို ရှင်းရှင်းလင်းလင်း တွေ့ရလိမ့်မယ်။

နိုင်ငံတကာအခင်းအကျင်းကို သရုပ်မှန်ဝါဒက မင်းမဲ့သဘောတရား(Concept of Anarchy)အနေနဲ့ ရှုမြင်ကြတယ်။ ဒီသဘောတရားအရ အချုပ်အခြာအာဏာပိုင် နိုင်ငံတွေအကြား တန်းတူညီမျှမှု ရှိတဲ့အတွက် နိုင်ငံတစ်နိုင်ငံက နောက်တစ်နိုင်ငံကို အမိန့်ပေးစေခိုင်းလို့မရသလို၊ အမိန့်ပေးတာကိုလည်း နာခံစရာ မလိုအပ်ဘူး။ ခုပြောခဲ့တာတွေက အချုပ်အခြာ အာဏာအကြောင်း သဘောတရား ရှုထောင့်က အကျဉ်းမျှပြောခဲ့တာပါ။ ဒါပေမဲ့ တကယ့်လက်တွေ့ အနေအထားတွေကိုကြည့်ရင် နိုင်ငံတွေ၊ အစိုးရတွေ နဲ့ နိုင်ငံစုံကော်ပိုရေးရှင်းကြီးတွေ အကြား ကိုယ်ကျိုးစီးပွားနဲ့ ယှဉ်တဲ့ ဆက်ဆံရေးကို အခြေခံပြီး တစ်နိုင်ငံကို နောက် တစ်နိုင်ငံက လွမ်းမိုးခြယ်လှယ်တာမျိုး၊ လက်ဝင်လျှိုတာမျိုး တွေရှိတယ်။ `အချုပ်အခြာအာဏာ´အကြောင်း ပြည့်ပြည့်စုံစုံရေးမယ်ဆိုရင် အခန်းဆက်ဆောင်းပါးရှည်ကြီး ရေးမှ ပြည့်စုံနိုင်မယ်။ ကျနော် အခုရေးမှာက သာမာန်ဆောင်းပါး တစ်စောင်သာဖြစ်လို့ ဆောင်းပါးပါအကြောင်းအရာနဲ့ ဆက်စပ်လို့ ရလောက်အောင်ပဲ သဘောတရား အကျဉ်းချုပ်မျှ ဖေါ်ပြခဲ့တာဖြစ်ပါတယ်။

စက္ကူကျား

နိုင်ငံတကာပဋိပက္ခတွေကို ကြည့်လိုက်ရင် ကုလသမဂ္ဂ၊ အီးယူတို့က သူတို့ဝန်ထမ်းတွေကို ပြဿနာဖြစ်ပွားနေတဲ့ နေရာကို သွားရောက် တာဝန်ထမ်းဆောင် ခိုင်းတာတွေ လုပ်လို့ရတဲ့အတွက် တခြားနိုင်ငံတွေရဲ့ အချုပ်အခြာအာဏာကို ကျော်လွန်ပြီး လုပ်နိုင်တယ်၊ အားကောင်းတယ်လို့ မြင်ရတယ်။ အမှန်တကယ်ကတော့ နိုင်ငံတကာ စည်းမျဉ်းစည်းကမ်း တွေကို အခြေခံပြီး လက်ခံမယ့် အိမ်ရှင်နိုင်ငံက သဘောတူသလောက်ပဲ သူတို့ပရောဂျက်တွေကို လုပ်လို့ရတာပါ။ ဒါကိုတော့ ကျနော်တို့ လက်တွေ့ကျကျ နားလည်လက်ခံကြဖို့ လိုပါတယ်။ နိုင်ငံတကာဆက်ဆံရေးမှာ နိုင်ငံတစ်နိုင်ငံရဲ့ `အချုပ်အခြာအာဏာ´ဆိုတာကပဲ အရေးအကြီးဆုံးဖြစ်သလို၊ အိမ်ရှင်နိုင်ငံရဲ့ အဆုံးအဖြတ်ကပဲ ပိုပြီးအဓိကကျတယ်။ ပြင်ပကလာတဲ့ ဧည့်သည်တွေ၊ ကူညီကယ်ဆယ်ရေးတွေ၊ ပညာရှင်တွေ .. ဘယ်သူ့ကိုမှ လက်မခံဘူး၊ မနေနဲ့ဆိုရင် ချက်ချင်းထွက်ခွာပေးရတယ်၊ မသွားနဲ့ဆိုတဲ့နေရာကို သွားခွင့်မရှိဘူး။ မလာနဲ့ဆို လာလို့မရဘူး။ ပြန်ပါဆိုရင် ပြန်ရတယ်။ Sovereignty State ဖြစ်တဲ့ အချုပ်အခြာအာဏာပိုင်နိုင်ငံရဲ့ ဆုံးဖြတ်ချက်ကပဲ အတည်ဖြစ်တဲ့အတွက် နိုင်ငံတကာ အသိုင်းအ၀ိုင်းဆိုတာက နှစ်ဖက် သဘောတူညီမှသာ လာကူညီနိုင်တဲ့ အနေအထားလို့ပြောရမယ်။ အိမ်ရှင်က သဘောမတူရင် ဘာမှလုပ်လို့မရဘူး။ ဒီနေရာမှာ အချုပ်အခြာ အာဏာရဲ့ သဘောကို နားမလည်ရင် ကျနော်ပြောတာကို လက်ခံနိုင်မှာ မဟုတ်ဘူး။ (ဒါကြောင့် အစပိုင်းမှာ အချုပ်အခြာ သဘောကို အကြမ်းဖျင်းမျှ ကြို ရှင်းပြခဲ့တာဖြစ်တယ်။)

ကမ္ဘာအရပ်ရပ် ပဋိပက္ခဖြစ်ပွားရာဒေသတွေက ဖိနှိပ်ညှင်းဆဲခံနေရသူတွေကိုကြည့်ရင် ကုလသမဂ္ဂ၊ အီးယူ၊ အိုအိုင်စီ၊ အမေရိကန် စသဖြင့် နိုင်ငံတကာ အသိုင်းအ၀ိုင်းနဲ့ ပက်သက်ပြီး သူတို့ အပြည့်အ၀ နားမလည်ကြတာ တွေ့ရတယ်။ သူတို့ရဲ့အမြင်မှာ နိုင်ငံတကာ အသိုင်းအ၀ိုင်းက သူတို့အစိုးရကို ၀င်ဟန့်တားလိုက်ရင် အစိုးရ လက်တွန့်သွားလိမ့်မယ်၊ မလုပ်ရဲကြတော့ဘူးလို့ ထင်မှတ်နေခဲ့ကြတယ်။ နောက်ဆုံး ပြောမရတဲ့အစိုးရတွေကို အင်အားကြီးနိုင်ငံတွေက ၀ိုင်းလှော်ကြလိမ့်မယ်လို့ ခပ်လွယ်လွယ် မျှော်လင့်ခဲ့ကြတယ်။ အမှန်တကယ်မှာလည်း စစ်အင်အားသုံးဝင်ရောက်စွက်ဖက် ခဲ့တဲ့ သမိုင်းတွေကရှိနေတော့ ဒီအယူအဆကို ပိုမိုခိုင်မာစေတယ်။ ဒါပေမဲ့ အဲဒီလူတွေ မသိကြတာက ဘာကြောင့် ဒီလို စစ်အင်အား သုံးခဲ့တာလဲဆိုတဲ့ အချက်ကိုပါ .. တကယ်တမ်း သူတို့မျှော်လင့်သလို ဖြစ်မလာဘဲ၊ အကြမ်းဖက်သတ်ဖြတ်မှု တွေ အများကြီးဖြစ်ပွားပြီးတဲ့အခါမှပဲ နိုင်ငံတကာ အသိုင်းအ၀ိုင်းဆိုတာ ဘာမှ အစွယ်မရှိဘူးဆိုတာ ဒီလူတွေ နားလည်သွားကြတယ်။ အမှန်တကယ်က အစွယ် မရှိဘူးဆိုတာထက်၊ ကိုယ်ကျိုးစီးပွားကို ဦးစားပေးတဲ့ ပေါ်လစီကြောင့်ပါ။ နိုင်ငံ တစ်နိုင်ငံချင်းစီရဲ့ ပေါ်လစီက သူတို့ရဲ့ (Value) နဲ့ (Interest) ပေါ်မူ အဓိကမူတည်ပါတယ်။ ဥပမာ- သမ္မတအိုဘားမား လက်ထက် အမေရိကန်ပေါ်လစီမှာ (Smart Power Diplomacy) ဖြစ်သည်။ ကိစ္စ တစ်ခုချင်းစီကို တွက်ချက်ကာ လိုအပ်သည်ဟု ယူဆရသော နည်းလမ်းများဖြင့် အမေရိကန်တို့၏ အကျိုးစီးပွားအောင်မြင်အောင် အကောင်ထည်ဖေါ်မည့် နည်းလမ်းဖြစ်ပါသည်။

ကျနော်တို့ အသေအချာ နားလည်ထားရမှာက နိုင်ငံတကာအသိုင်းအ၀ိုင်းဆိုတာ စုစည်းညီညွှတ်တဲ့ အဖွဲ့အစည်း မဟုတ်သလို၊ ခေါင်းဆောင် တစ်ဦးတည်းက ဦးဆောင်ဖွဲ့စည်းထားတဲ့ အဖွဲ့အစည်း တစ်ရပ်မဟုတ်ပါဘူး။ နိုင်ငံတွေ အချင်းချင်း စုပေါင်း လုပ်ဆောင်နေကြတာ ဖြစ်သလို၊ အဲဒီနိုင်ငံအသီးသီးရဲ့ ခေါင်းဆောင်တွေ၊ အစိုးရတွေက ကိုယ့်အကျိုးစီးပွားတွေ အလျောက် သူတို့ သန်ရာ သန်ရာဘက်ကိုလိုက်ပြီး လုပ်ဆောင်နေကြတဲ့ နိုင်ငံ အချင်းချင်းကြားက ဆက်ဆံရေးပုံစံ တစ်ခုပဲ ဖြစ်တယ်။ အဲဒီလို အကျိုးစီးပွားတွေကို အရင်းခံထားတဲ့ ဆက်ဆံရေး တစ်ရပ် ဖြစ်တဲ့အတွက် တစ်ဦးတစ်ယောက်က သဘောမတူရင် နောက်လူတွေက ဘာမှလိုက်လုပ်ပေးလို့ မရဘူး။ အားလုံး သဘောတူတဲ့ ကိစ္စဆိုတာလဲ ပေါ်လာဖို့သိပ်ခက်တယ်။ ဘာကြောင့်လဲဆိုတော့ ကမ္ဘာပေါ်မှာ အင်အားအကြီးဆုံးဆိုတဲ့ (၅)နိုင်ငံကို ကြည့်လိုက်ရင် တဘက်မှာ အမေရိကန်၊ ဗြိတိန်၊ ပြင်သစ်တို့ရှိနေပြီး၊ ကျန်တဘက်မှာ သူတို့နဲ့ ရပ်တည်ချက်မတူတဲ့ ရုရှား နဲ့ တရုတ်တို့ ရှိနေကြတယ်။ ဒါကြောင့် သူတို့ကြားက အချင်းချင်း အားပြိုင်မှု(Power Balance)တွေကြောင့် တဘက်က လုပ်ချင်ပေမယ့်လည်း နောက်တဘက်က သဘောမတူတဲ့အတွက် အကောင်အထည်ပေါ် မလာတာတွေ ရှိပါတယ်။ ဒါကြောင့်လည်း ဒီနေ့ခေတ် အခြေအနေမှာ နိုင်ငံတကာ အသိုင်းအ၀ိုင်းဆိုတာ တကယ်တမ်း အကြပ်အတည်း တွေ့လာပြီဆိုရင် ဘာမှ မလုပ်နိုင်တော့ဘဲ စက္ကူကျား သာသာပဲ ဖြစ်နေတယ်။

လူအစုလိုက်အပြုံလိုက် သတ်ဖြတ်မှုတွေ၊ စစ်ရာဇ၀တ်မှုတွေ ဖြစ်ခဲ့တဲ့နေရာတွေကို ပြန်ကြည့်ရင် အဲဒီမှာအသတ်ခံနေရတဲ့ လူတွေထက်စာရင် ကုလသမဂ္ဂ၀န်ထမ်း လူဖြူတွေရဲ့ အသက်က ပိုပြီးတန်ဖိုးကြီးနေတဲ့ ပုံစံမျိုးတွေ့ရတယ်။ လူဖြူတစ်ယောက် အသက်အသေခံမလား၊ ဒီကလူတွေ ထောင်သောင်းချီသေတာကို လက်ခံမလားဆိုရင်တောင် သူတို့လူတစ်ယောက် အသေမခံဘဲ ကယ်ထုတ်သွားရမဲ့ အနေအထားကိုတွေ့ရတယ်။ အဲဒါ သူတို့ရဲ့ ပထမ ဦးစားပေးပေါ့.. ဒုက္ခသည်တွေရဲ့ အသက်က ဒုတိယနေရာမှာပဲရှိတယ်။ ဒီလိုအဖြစ်အပျက်တွေက ဘော့စနီးယား၊ ကိုဆိုဗို၊ ရ၀န်ဒါ၊ သီရိလင်္ကာ စတဲ့နေရာစုံမှာ ဒီလိုပဲတွေ့ရတယ်။ ကုလသမဂ္ဂလို အဖွဲ့အစည်းတွေက ဒေသခံတွေရဲ့အသက်ကို ဘယ်လိုပဲ ကယ်တင်လိုစိတ် ရှိနေပါစေ .. သူတို့လူဖြူတွေရဲ့ အသက်ကို အာမခံချက်ရှိမှပဲ လုပ်ကြတာ။ အာမခံချက် မရှိတဲ့အခါ ဒေသခံတွေ ဘာချည်းပဲဖြစ်နေပါစေ .. သူတို့လူတွေကိုပဲ အရင်ဆုံး ကယ်ထုတ် သွားကြတာပါပဲ။

ကျနော်ပြောချင်တာကတော့ နိုင်ငံတကာ အသိုင်းအ၀ိုင်းဆိုတိုင်း၊ ကုလသမဂ္ဂဆိုတိုင်း ကျနော်တို့အနေနဲ့ လက်တွေ့ မကျဘဲ သဘောထားနုနယ်တဲ့ အတွေးတွေ မရှိသင့်တော့ဘူး။ နိုင်ငံတကာ အသိုင်းအ၀ိုင်းဆိုတိုင်း ပြည်တွင်းရေးမှာ ၀င်ရောက် စွက်ဖက်နိုင်တာပဲ .. အာဏာရှင်တွေကို တားဆီးနိုင်တာပဲ .. သူတို့ ဒါမျိုးတွေ မလုပ်ရဲအောင် ၀င်ပြောနိုင်တာပဲ .. နိုင်ငံတကာက ၀င်ပြောလိုက်ရင် ဒီအစိုးရ လုပ်ရဲတော့မှာမဟုတ်ဘူး .. စသဖြင့် ကျနော်တို့ ဒါမျိုး နုနယ်တဲ့ သဘောထားတွေ၊ မရင့်ကျက်တဲ့ အမြင်တွေ မရှိသင့်တော့ဘူး။ လက်တွေ့ကျကျ စဉ်းစားကြဖို့ လိုပါပြီ။

`ရင့်´ဖို့လိုပြီ

ကျနော့်ဆောင်းပါးက ပြည်ပအကူအညီတွေ အပေါ် မျှော်လင့်ချက်ထားနေသူတွေ စိတ်ပျက် အားလျော့သွားအောင် ရေးထားတာ မဟုတ်ဘူး။ ဒီဆောင်းပါးကို ဖတ်နေတဲ့ ခင်ဗျားတို့မှာ အသိဥာဏ်ကိုယ်စီရှိပါတယ်။ ကျနော်ပြောနေတာ ဖြစ်နိုင်၊မဖြစ်နိုင် ဆိုတာလောက်တော့ ခင်ဗျားတို့ စဉ်းစားနိုင်ကြလိမ့်မယ်။ လက်တွေ့ဖြစ်နေတာတွေကို ထောက်ပြပြီး သတိပေးနေတာပါ။ ကျနော်ရေးတာ ကျိုးကြောင်းဆီလျော်မှု ရှိ၊မရှိဆိုတာ ရိုဟင်ဂျာ ကိစ္စကိုကြည့်ရင်ပဲ သိသာပါတယ်။ ရိုဟင်ဂျာပြဿနာက ခုချိန်မှ ဒါမျိုးကြုံရတာ မဟုတ်ပါဘူး။ စစ်အစိုးရ အဆက်ဆက် ရိုဟင်ဂျာတွေကို ခုတိုင်းပဲ နှိပ်စက်ခဲ့ကြတာပါ။ ဒီဘက်ခေတ်မှာဆို သန်းရွှေလက်ထက် ၁၉၉၆ ၀န်းကျင်ခန့်ကလည်း ရိုဟင်ဂျာတွေကို ခုထက်ပိုပြီး အစုလိုက် အပြုံလိုက် သတ်ဖြတ်ခဲ့ဖူးပါတယ်။ ဒီအကြောင်း နိုင်ငံတကာအဖွဲ့အစည်းတွေ မသိတာမဟုတ်ပါဘူး။ မသိယောင်ဆောင် နေကြတာပါ။ ကချင်တွေကိုလည်း စစ်ရာဇ၀တ်မှု ကျူးလွန်နေတာ ကမ္ဘာသိပါ။ နေရာတိုင်းမှာ မုဒိန်းကျင့်ခြင်းကို လက်နက်သဖွယ် လုပ်ဆောင်နေတယ်ဆိုတဲ့ သက်သေ အထောက်အထားတွေလည်း အများအပြား ရှိပါတယ်။ ဒါတွေနဲ့ ပတ်သက်ပြီး “စိုးရိမ်မိပါတယ်..” “အနီးကပ်စောင့်ကြည့်နေပါတယ်..” “၀မ်းနည်းပါတယ်..” ဆိုတဲ့ ကြေငြာချက်တွေကလွဲရင် ဘယ်နိုင်ငံတွေက ဘယ် အတိုင်းအတာထိ ပြေလည်အောင် ဖြေရှင်းပေးနိုင်ခဲ့ပါသလဲ..။ ခုချိန်မှာ ကုလသမဂ္ဂကိုဖြစ်စေ၊ အမေရိကန်ကိုဖြစ်စေ ငိုပြရင်လည်း ခင်ဗျားတို့ချင်း စားပွဲပေါ်မှာ ပြေလည်အောင်ညှိကြလို့ပဲ ပြောမှာပါ။ ဒီကိစ္စတွေအတွက် ဘယ်သူကမှ စွန့်စွန့်စားစား မလုပ်လိုဘူးဆိုတဲ့ ဆန္ဒကိုဖေါ်ပြနေပါတယ်။ မြင်အောင် ကြည့်ကြပါ။

ကျနော် ဆောင်းပါးနဲ့ပတ်သက်ပြီး သဘောပေါက်လွဲမှာစိုးလို့ အသေအချာ ထပ်ပြောချင်တာ တစ်ခုက- ဘယ်နိုင်ငံမှာ ဘာဖြစ်ဖြစ် နိုင်ငံတကာ အသိုင်းအ၀ိုင်းက လက်ပိုက်ကြည့်နေရမယ်လို့ မဆိုလိုပါဘူး။ ဘာမှဝင်စွက်ဖက်လို့ မရတာမျိုးလည်း မဟုတ်ပါဘူး။ လွန်ခဲ့တဲ့လပိုင်းက Responsibility to Protect(R2P) Link ဆိုတဲ့အကြောင်း ကျနော် အကျဉ်းချုပ်ရေးဖြစ်ခဲ့တယ်။ အဲဒီလိုမျိုး ၀င်ရောက်စွက်ဖက်နိုင်တဲ့ ဥပဒေတွေရှိပါတယ်။ ဒါပေမဲ့ အဲဒီဥပဒေတွေ အသက်ဝင်လာအောင်၊ အရေးယူမှုတွေ ရှိလာအောင် ကိုယ့်ဘက်က လမ်းကြောင်းပေးနိုင်မှာပဲ ရမှာပါ။

ကျနော်တို့အမြင်မှာ သိန်းစိန်က အရည်အချင်း မရှိတဲ့ လူတစ်ယောက် ဖြစ်ကောင်းဖြစ်နိုင်ပေမဲ့၊ သူ့နားမှာရှိတဲ့ master mind တွေကတော့ အချဉ်တွေမဟုတ်ပါဘူး။ အစိုးရတစ်ရပ်ကို လျော့ မတွက်ကြပါနဲ့။ ဒီလို စဉ်းလဲယုတ်ညံ့တဲ့အစိုးရမျိုးကို ကလေးကွက်တွေနဲ့ ရင်ဆိုင်ဖို့ ကြိုးစားနေမဲ့အစား လိမ္မာပါးနပ်စွာ ဆက်ဆံကြဖို့လိုအပ်နေပါပြီ။

Comparative Politics ကို လေ့လာဖူးသလောက် ပြောရရင် ပြည်ပအင်အားသုံး စွက်ဖက်မှုတွေကို လမ်းခင်းပေးနိုင်တဲ့ အကြောင်းရင်းတွေက ယေဘုယျ အားဖြင့် နှစ်ချက် ရှိတာတွေ့ရတယ်။ တချက်က ပြည်တွင်း အင်အားစုတွေရဲ့ ပြင်းထန်တဲ့ တုန့်ပြန်မှု၊ နောက် တချက်ကတော့ သယံဇာတမက်လုံး..။ အထူးသဖြင့် လက်ရှိ သိန်းစိန် အစိုးရလိုမျိုး ဒိုင်ယာလော့ခ်ကို မဟာဗျူဟာမြောက် ကျင့်သုံးနေတဲ့ နိုင်ငံတွေကို ပြင်ပမှ အင်အားသုံး စွက်ဖက်တာမျိုး လုပ်လေ့မရှိဘူး။ နောက်ပြီး Rome Statue ကိုလည်း လက်မှတ် ထိုးထားခြင်း မရှိတဲ့အတွက် လူအစုလိုက် အပြုံလိုက် သတ်ဖြတ်မှုနဲ့ ပတ်သက်လို့ တရားစွဲဖို့ ပိုမို ခက်ခဲပါတယ်။ အထူးသဖြင့် High Intensity Violence အဖြစ် သတ်မှတ်လို့ရတဲ့ စစ် အာဏာရှင်နိုင်ငံများကိုသာ ပြည်ပမှ စစ်အင်အားသုံး ၀င်စွက်လေ့ရှိတာတွေ့ ရတယ်။ မြန်မာပြည်ရဲ့အနေအထားကို ပြန်ကြည့်ရင် high intensity လို့ ပြောရမှာထက် တရိရိ တိုက်စားနေတာမျိုးပဲ ဖြစ်တယ်။ ဒါ့အပြင် တဘက်ကိုပြန်ကြည့်ရင် ဖိနှိပ်ညှင်းပမ်းနေသူတွေကို ပြန်လှန် တွန်းလှန်တာမျိုး ပြည်တွင်းမှာ လုံးဝမရှိဘူး။ ပြောရရင် သိန်းစိန်အစိုးရက ဒိုင်ယာလော့ခ်ပေါ်လစီကို အောင်အောင်မြင်မြင် ဗန်းပြ အသုံးချနိုင်နေသလို၊ တဘက် အင်အားစုတွေကလည်း ငြိမ်းချမ်းစွာ အဖြေရှာရေးကို ဦးတည်နေတဲ့ အနေအထားမျိုးမှာ ဘယ်ပြည်ပနိုင်ငံကမှ အင်အားသုံး ၀င်စွက်ဖက်မှာ မဟုတ်ဘူး။ ဒီလို ပြည်တွင်း အင်အားစုတွေရဲ့ တိုက်ပွဲပုံစံမရှိဘဲ ပါးစပ်က ထိုင်အော်နေယုံနဲ့တော့ ဘယ်နိုင်ငံခြား စစ်တပ်ကမှ ၀င်တိုက်ပေးမှာလည်း မဟုတ်ပါဘူး။

နိုင်ငံရေးဆိုတာ `နု´ရာကနေ `ရင့်´လာကြရတာပါ။ ကိုယ့်ရဲ့ တကယ့်အခြေအနေမှန်ကို လက်ခံနိုင်စွမ်း မရှိရင် ရှေ့ဆက်လုပ်ဆောင်ရမဲ့ အစီစဉ်တွေမှာ တလွှဲတချော်တွေပဲ ဆက်တွေးနေလိမ့်မယ်။ ဒီလိုအတွေးမှားတွေက ခင်ဗျားတို့ရဲ့ လက်တွေ့ အခြေအနေ(reality)ကိုေ၀၀ါးသွားစေပါတယ်။ ခုကြုံတွေ့နေရတာတွေက ရက်ပိုင်း၊ လပိုင်းအတွင်း ဖြစ်လာတဲ့ ကိစ္စမဟုတ်ပါဘူး။ နှစ်ပေါင်းများစွာ အစီစဉ်ချပြီး လုပ်ဆောင်ခဲ့တာပါ။ ကျနော်တို့အမြင်မှာ သိန်းစိန်က အရည်အချင်း မရှိတဲ့ လူတစ်ယောက် ဖြစ်ကောင်းဖြစ်နိုင်ပေမဲ့၊ သူ့နားမှာရှိတဲ့ master mind တွေကတော့ အချဉ်တွေမဟုတ်ပါဘူး။ အစိုးရတစ်ရပ်ကို လျော့ မတွက်ကြပါနဲ့။ ဒီလို စဉ်းလဲယုတ်ညံ့တဲ့အစိုးရမျိုးကို ကလေးကွက်တွေနဲ့ ရင်ဆိုင်ဖို့ ကြိုးစားနေမဲ့အစား လိမ္မာပါးနပ်စွာ ဆက်ဆံကြဖို့လိုအပ်နေပါပြီ။ စိတ်ကူးယဉ်(Utopia) အိပ်မက်တွေထဲက ထွက်လာပြီး ပြတ်သားတဲ့၊ လက်တွေ့ကျတဲ့၊ စနစ်ကျတဲ့၊ ရည်မှန်းချက်ရှိတဲ့ နိုင်ငံရေး (deliberated politics)ကို ထိထိရောက်ရောက် လုပ်ဆောင်ကြဖို့ လိုအပ်နေပါပြီ။ Strategy ကောင်းကောင်းတစ်ခု ရှိရပါမယ်။ မှန်ကန်တဲ့ Vision (မျှော်မှန်းချက်) ရှိရပါမယ်။ ဒါပေမဲ့ ကိုယ့် Vision ကိုချည်း အော်နေလို့မရပါဘူး။ ဒီ Vision ကိုရောက်အောင် သွားနိုင်ဖို့ လက်တွေ့အကျဆုံးက ခင်ဗျားတို့ကိုယ်တိုင် ရွေးချယ်ရမယ့် Mission ပါ။ လုပ်သင့်တယ်ထင်တဲ့ လမ်းကြောင်းတွေ အားလုံးကို ထည့်စဉ်းစားကြဖို့ သင့်ပါတယ်။

စိတ်ဓါတ် မြှင့်တင်တာလား .. စိတ်ဓါတ်ဖျက်ဆီးတာလား

ကျနော် မှတ်မှိပါသေးတယ်။ မူကြိုကလေးဘ၀တုန်းက ရွယ်တူကလေးတွေ ကျနော့်ကို ကြောက်အောင် `င့ါအဖေက ဟောဒီ အိမ်ကြီးလောက် ကြီးတာ.. မင်းတို့ကို ဘယ်လို ကိုင်ပေါက် ပစ်လိုက်လိမ့်မယ်..´ဆိုပြီး ဖြဲခြောက်လေ့ရှိတယ်။ ကိုယ့်လိုပဲ ဘာမှ မသိနားမလည်သေးတဲ့ ကလေးချင်းကတော့ ကျနော့်လေလုံးတွေကို အဟုတ်မှတ်ပြီး ကြောက်တာပေါ့။ ဒီတော့ ကျနော့်ကိုလည်း လာဖားကြတယ်.. မုန့်တ၀က် ခွဲကျွေးတာတွေ လုပ်ကြတယ်။ ဒီအကြောင်း လူကြီးတွေသိသွားတဲ့ အခါကျတော့ ၀ိုင်းရယ်ကြတာပေါ့ဗျာ..။

အခုလည်း ဒီအသက်အရွယ်ရောက်မှ ငယ်ငယ်က အကြောင်းတွေကို ပြန်သတိရဖို့ အကြောင်းဖန်လာတယ်။ တခါတလေ အွန်လိုင်းပေါ်ကမိတ်ဆွေတချို့ share လုပ်ထားကြတဲ့ တချို့သော စာတွေဟာ မူကြိုအရွယ် ကလေးငယ်တစ်ယောက်ကပဲ စိတ်ကူးယဉ်ပြီး ချရေးထားသလားလို့ ထင်မိတယ်။ အဲဒီလောက် အနှစ်သာရကင်းမဲ့ပြီး ပေါချာချာနိုင်တဲ့စာတွေကို တွေ့ရတော့ ပထမ ကျနော် အံသြမိပါတယ်။ နောက်တော့ စဉ်းစားစရာဖြစ်လာတယ်။ ဘာရည်ရွယ်ချက်နဲ့ ဒီလောက် ပေါချာချာစကားတွေ လျောက်ပြောနေတာလဲလို့..။

မြန်မာပြည်က မွတ်ဆလင်တွေကို အကြောင်းခံပြီး ဘယ်နိုင်ငံ၊ ဘယ် အဖွဲ့အစည်းကမှ သိန်းစိန်အစိုးရကို လာဖြုတ်ချမှာ မဟုတ်သလို၊ သိန်းစိန်ကို ကြိုးစင်ပို့မယ်ဆိုတာလည်း လက်ရှိအချိန်ထိ လုံးဝမဖြစ်နိုင်ပါဘူး။ ၁၉၈၂ ခုနှစ် နိုင်ငံသားဥပဒေကို ဖျက်လိုက်ပါလို့ ကုလသမဂ္ဂကလည်း အမိန့်ပေးလို့မရသလို၊ ရိုဟင်ဂျာတွေကို နိုင်ငံသားပေးလိုက်ပါလို့ ဘယ်သူကမှ အမိန့်ပေးစေခိုင်းလို့လည်း မရပါဘူး။ ဒါဟာ မကြိုက်ရင်လည်း လက်ခံရမဲ့ အရှိတရားပါ။

ကျနော်(ဦးဦး မှော်ဆရာ) ဘာတစ်ခုမှ မသိဘူးလို့ပဲ ထားပါတော့။ ဒီလို ရေးသားနေသူတွေနဲ့ပက်သက်လို့ ပုဂ္ဂိုလ်ရေးတွေ၊ အတွင်းရေးကိစ္စတွေ လုံးဝ မပါစေဘဲ အပေါ်ယံရှပ်တွေးကြည့်ရင်တောင် အဲဒီလို လုပ်ရပ်တွေမှာ အဓိကဆိုးကျိုး(၃)ခု တွေ့ရတယ်။

(၁) ပြင်ပဗဟုသုတလည်းချို့တဲ့ပြီး တကယ့်လက်တွေ့ခံစားနေရတဲ့ ပြည်တွင်းကလူတချို့စိတ်ထဲမှာ ဒီလို လေလုံးတွေ နားယောင်သွားတဲ့အခါ မိမိတို့ရဲ့အခြေအနေ ဘယ်လောက်တောင် ဆိုးရွားနေတယ်ဆိုတာကို လက်တွေ့ကျကျ သုံးသပ်နိုင်တော့မှာ မဟုတ်ဘူး။ မနက်ဖန်ပဲ နိုင်ငံသား ဖြစ်တော့မလိုလို၊ နောက်တစ်လကြာရင်ပဲ တိုင်းရင်းသား ဖြစ်လာတော့ မလိုလို …၊ ဟိုလူတွေ လာလုပ်နိုးနိုး၊ ဒီလူတွေ ၀င်လာကူနိုးနိုး စိတ်ကူး ယဉ်မှုတွေကြောင့် ကိုယ်ကိုယ်တိုင် နည်းလမ်းတကျကြိုးစားမှပဲ ရလိမ့်မယ်ဆိုတဲ့ အသိ စိတ်ဓါတ်ကိုေ၀၀ါးပျောက်ဆုံးသွားစေတယ်။ တနည်းအားဖြင့် apolitical trend ကို ဦးတည်တယ်။

(၂) ပြဿနာအပေါ် သူတို့ရဲ့ရှုမြင်ပုံက လမ်းလွှဲသွားတဲ့ အတွက် ဖြေရှင်းမှုနဲ့ပက်သက်လို့လည်း မှန်ကန်တဲ့၊ ဖြစ်သင့် ဖြစ်ထိုက်တဲ့ လမ်းကြောင်းကို ရွေးချယ်နိုင်တော့မှာ မဟုတ်ဘူး။ ကိုယ့်ရဲ့ (capacity building) အရည်အသွေးကို မြှင့်တင်ရကောင်းမှန်း မသိကြတော့ဘူး။ စိတ်ဓါတ်ပိုင်းဆိုင်ရာကို ဖျက်ဆီးရာရောက်ပါတယ်။

(၃) အဲဒီလိုအခြေအမြစ်မရှိတဲ့ ကပေါက်တိ ကပေါက်ချာလေလုံးတွေကို ယုံကြည်မိတဲ့လူတွေ စိတ်ထဲမှာ တကယ့် လက်တွေ့ကျကျ ဖြေရှင်းနိုင်ဖို့ ကြိုးစားနေတဲ့ ပုဂ္ဂိုလ်တွေ အပေါ် ရေရှည်မှာ အမြင်ကောင်းနိုင်တော့မှာ မဟုတ်တော့ဘူး။ ဥပမာ- ပြည်ပက ဘယ်သူတွေက ဘယ်လိုကျိန်းဝါးထားတာ။ ဘယ်နှစ်လ အတွင်း ဘာတွေ လုပ်ပေးစေရမယ်လို့ စိတ်ချလက်ချ ယုံမှတ်နေသူတွေရဲ့ စိတ်ထဲမယ် အဲဒီလုပ်ရပ်တွေကပဲ ဒီပြဿနာရဲ့ ဖြေရှင်းနည်းလို့ တထစ်ချ သတ်မှတ်ပြီးသား ဖြစ်နေ လိမ့်မယ်။ ဒါကြောင့် ပြည်တွင်းမှာ အခက်အခဲတွေကြားက လက်တွေ့ ရင်ဆိုင်ဖြေရှင်းနေသူတွေရဲ့ လုပ်ဆောင်နေမှု အပေါ် နားလည်လက်ခံပေးနိုင်ဖို့ သိပ်မလွယ်တော့ဘူး။ အဲဒီလူတွေ “သေမှာကြောက်လို့၊ စည်းစိမ်ဥစ္စာ ထိခိုက်မှာကြောက်လို့ အစိုးရ နောက်မြီးဆွဲနေတယ်..” ဆိုတဲ့ အမြင်ထက် ထူးပြီး အကောင်းမြင်နိုင်တော့မှာ မဟုတ်ဘူး။ (သေမှာကြောက်တာ အပြစ်မဟုတ်ဘူး) အမှန်တကယ် အစိုးရအလိုတော်ရိတွေ၊ ကိုယ်ကျိုးရှာသူတွေ၊ နောက်မြီးဆွဲ သစ္စာဖေါက်သူတွေ မရှိမဟုတ်… ရှိပါတယ်။ ဒါပေမဲ့ ကျနော် ရည်ညွှန်းချင်တာက လုပ်ဆောင်ချက်ကိုပါ။ လုပ်ရပ်တစ်ခုကိုပဲ အဖြေလို့ တထစ်ချမှတ်ယူလိုက်တဲ့အခါ ကျန်တာတွေအားလုံးကို အကောင်း မမြင်နိုင်တော့တဲ့ သဘောပါ။

စာလည်း သိပ်ရှည်သွားပြီ။ နိဂုံးချုပ်ပါမယ်။ မိတ်ဆွေတို့ကို အထူး သိစေချင်တာက မြန်မာပြည်က မွတ်ဆလင်တွေကို အကြောင်းခံပြီး ဘယ်နိုင်ငံ၊ ဘယ် အဖွဲ့အစည်းကမှ သိန်းစိန်အစိုးရကို လာဖြုတ်ချမှာ မဟုတ်သလို၊ သိန်းစိန်ကို ကြိုးစင်ပို့မယ်ဆိုတာလည်း လက်ရှိအချိန်ထိ လုံးဝမဖြစ်နိုင်ပါဘူး။ ၁၉၈၂ ခုနှစ် နိုင်ငံသားဥပဒေကို ဖျက်လိုက်ပါလို့ ကုလသမဂ္ဂကလည်း အမိန့်ပေးလို့မရသလို၊ ရိုဟင်ဂျာတွေကို နိုင်ငံသားပေးလိုက်ပါလို့ ဘယ်သူကမှ အမိန့်ပေးစေခိုင်းလို့လည်း မရပါဘူး။ ဒါဟာ မကြိုက်ရင်လည်း လက်ခံရမဲ့ အရှိတရားပါ။ ခုချိန်ထိ လက်တွေ့ ကြုံနေရတာတွေကို တချက်ပြန် စဉ်းစားကြည့်ပါ။ နောက်ပြီး ဘယ်နှစ်လအတွင်း ဘာဖြစ်စေရမယ် ဆိုတာမျိုးကလည်း ကျနော့်အတွေ့အကြုံအရ လုံးဝမဖြစ်နိုင်သေးပါ။ ခင်ဗျားတို့ကိုယ်တိုင် လေ့လာဆန်းစစ်ပြီး ချင့်ချိန်ယုံကြပါ။ မြန်မာမွတ်ဆလင်တွေရဲ့ အခွင့်အရေး နစ်နာဆုံးရှုံးနေတဲ့ ကိစ္စက လွယ်လွယ်လေးနဲ့ အဖြေမရပါနိုင်ဘူး။ ခင်ဗျားတို့ကိစ္စကို ခင်ဗျားတို့ ကိုယ်တိုင် လုပ်မှရလိမ့်မယ်။ ခင်ဗျားတို့ ဘယ်နည်းလမ်းသုံးပြီး အရွေ့တစ်ခုကို ဖန်တီးမလဲဆိုတာကိုတော့ ခံစားချက်ရှိတဲ့လူတွေကိုယ်တိုင် လက်တွေ့ကျကျ စဉ်းစားချိန်တန်ပါပြီ။ Strategy ကောင်းကောင်းနဲ့ ပါးပါးနပ်နပ် လုပ်ဆောင်မယ်ဆိုရင် ပြည်ပ ဖိအားတွေ၊ နိုင်ငံတကာအရေးယူမှုတွေ ရှိလာမှာဖြစ်သလို၊ ထိုက်သင့်တဲ့အောင်မြင်မှုလည်း ရလာမယ်ဆိုတာ သေချာပါတယ်။ ဒါကြောင့် ..

စိတ်ကူးယဉ်မနေကြပါနဲ့။
အင်မတန်ခက်ခဲတဲ့ အခြေအနေဆိုတာ သတိပြုကြပါ။
လမ်းစပျောက်ပြီး လုံးပါး ပါးသွားပါလိမ့်မယ်..။

ဦးဦး မှော်ဆရာ
(၁၇ – ၆ – ၂၀၁၄)

** ဆောင်းပါးရှင်၏ အမြင်နှင့် အာဘော်သာဖြစ်ပါသည်။

June 18, 2014
စည်သူအောင်မြင့် -“ အမျိုးဘာသာ စောင့်ရှောက်တာလား၊ အမုန်းတရား ဖြန့်ဖြူးတာလား ”

စည်သူအောင်မြင့်
မဇ္ဈိမ သတင်းစာ၊ ၉-၆-၁၄။

ပြီးခဲ့တဲ့ ဇွန်လ ၇ ရက်နေ့က ရန်ကုန်တိုင်း ဒဂုံအရှေ့မြို့နယ် အနော်ရထာလမ်းက “မကွေးပရိယတ္တိ စာသင်တိုက်” မှာ ooredoo Sim card & Handset (အော်ရီဒူး ဖုန်းနဲ့ ပါတ်သက်သည့် ပစ္စည်းများ) မသုံးစွဲရေး ရှင်းလင်း အသိပညာပေး ဟောပြောပွဲ တစ်ခု ကျင်းပပါတယ်။ ပွဲမှာ ဟောပြောသူတွေကတော့ မကွေးကျောင်းတိုက်က ဆရာတော် ဦးပါမောက္ခ၊ မဘသ အဖွဲ့ရဲ့ မျိုးစောင့်ဥပဒေ ပေါ်ပေါက်ရေးအတွက် လိုက်လံ ဟောပြောနေတဲ့ ဓမ္မစက္က ဦးမောင်မောင်နဲ့ ရှေ့နေကြီး ဦးအေးပိုင် တို့ပဲ ဖြစ်ပါတယ်။ သူတို့ ဘာတွေ ဟောပြောခဲ့ကြသလဲ၊ အဲဒီ ပြောကြားချက်တွေဟာ ဘာအဓိပ္ပါယ်လဲ၊ ပြည်သူနဲ့ တိုင်းပြည်အတွက် ဘယ်လို ရိုက်ခတ်မှု ရှိလာနိုင်မလဲ ဆိုတာ ဆွေးနွေးတင်ပြသွားပါ့မယ်။

ဟောပြောပွဲ ခေါင်းစဉ်မှာ ဆိုထားတဲ့အတိုင်းပါပဲ။ မြန်မာ့ဆက်သွယ်ရေး လုပ်ငန်းမှာ ရင်းနှီးမြှုပ်နှံခွင့်ရထားပြီး လုပ်ငန်းတွေ အရှိန်အဟုန်နဲ့ စတင်နေတဲ့ ကာတာ အခြေစိုက် အော်ရီဒူး ကုမ္ပဏီ ဆန့်ကျင်ရေး ဖြစ်ပါတယ်။ အဲဒီ ကုမ္ပဏီက ထုတ်တဲ့ ဆင်းကဒ်ကို မသုံးစွဲဖို့၊ အခြား ပစ္စည်းတွေကို မသုံးစွဲဖို့၊ ကုန်ကုန်ပြောမယ်ဆိုရင် အော်ရီဒူး နံပါတ်နဲ့ ကိုယ့်ဆီ ၀င်လာတဲ့ ဖုန်းကောလ်တွေကိုတောင် မကိုင်ဖို့ ဟောပြော လှုံ့ဆော်တာပဲ ဖြစ်ပါတယ်။ ဒီလို အလားတူ ကြေငြာချက် ထုတ်ခဲ့တာ လားရှိုးအခြေစိုက် ရှမ်းမြောက် မဘသ ပါ။ နောက်တော့ မန္တလေး ဘက်ကလည်း အလားတူ လှုံ့ဆော်မှု လုပ်မယ်လို့ ကြေငြာပါတယ်။ အခုတော့ ရန်ကုန်က ဗုဒ္ဓဘာသာ ဘုန်းတော်ကြီး ကျောင်းတစ်ကျောင်းမှာ လုပ်တာပါ။

ဘာတွေ ဟောပြောကြသလဲ၊ လေ့လာကြည့်ကြပါဦး။ မကွေးကျောင်းတိုက် ဆရာတော် ဦးပါမောက္ခက အော်ရီဒူး ကုမ္ပဏီဟာ မူဆလင်ဖြစ်တယ်၊ အစ္စလာမ် ဘာသာဝင်ဖြစ်တယ်၊ မြန်မာနိုင်ငံဟာ လွန်ခဲ့တဲ့ နှစ်ပေါင်း ၇၀ ကျော်လောက်ကတည်းက ဘာသာရေး လူမျိုးရေး ၀ါးမြိုမှုကြုံခဲ့ရတယ်၊ ဒီတိုင်းပြည်မှာ ဘာသာရေး အဓမ္မ သိမ်းသွင်းမှုကြောင့် သေနတ်တစ်ချက်မှ မဖေါက်ရပဲ အစ္စလာမ်မစ် နိုင်ငံ ဖြစ်သွားမယ် လို့ မိန့်ပါတယ်။ “သူတို့စီးပွားရေးကောင်း၊ အင်အားကောင်း လာရင် နိုင်ငံကြီးဟာ အစ္စလာမ်မစ်နိုင်ငံ ဖြစ်သွားမှာ။ အဲဒီပုဂ္ဂိုလ်တွေ ရောင်းတဲ့ အိုရီဒူးဆင်းမ်ကတ်ဝယ်တဲ့ လူတွေဟာ မျိုးချစ်စိတ်မရှိတဲ့ ကိုယ့်လူမျိုးကိုပြန်ဖျက်တဲ့ သူတွေဖြစ်တယ်။ အဲဒီဖုန်းကဒ် ဝယ်ယူသုံးစွဲခြင်း အဲဒီဖုန်းလာရင်လည်း မကိုင်ကြဖို့၊ အဲဒီမှာလည်း လစာယူပြီး အလုပ်သမားဝန်ထမ်း အဖြစ်နဲ့ ဝင်ရောက်ပြီး မလုပ်ဖို့တိုက်တွန်းပါတယ်။” လို့ မိန့်ပါတယ်။ ထပ်ပြီး ရှင်းပြဖို့တောင် မလိုတဲ့ မမှန်မကန် အချက်အလက်တွေနဲ့ အကြောင်းပြထားတဲ့ အမုန်းတရား ဖြန့်ဖြူးမှုပါ။

အလားတူ အမျိုးဘာသာ သာသနာ စောင့်ရှောက်ပါမယ်လို့ ဆိုတဲ့ မဘသ အဖွဲ့ကြီးရဲ့ မျိုးစောင့်ဥပဒေတွေအကြောင်း လိုက်လံဟောပြောနေတဲ့ ရှေ့နေ ကြီး ဦးအေးပိုင်ကလည်း စစချင်းမှာကိုပဲ မြန်မာနိုင်ငံမှာ ဗုဒ္ဓဘာသာကို ထိမ်းသိမ်းကာကွယ်တာ မလုပ်ရင် မင်္ဂလာပါ ဆိုပြီးတောင် နှုတ်ဆက်နိုင်တော့မှာ မဟုတ်ပဲ “ ဆလမ်မာလေးကွန်း” လို့ နှုတ်ဆက်ရတဲ့ အခြေအနေ ရောက်သွားလိမ့်မယ် ဆိုပြီး အမုန်းတရားကို ပြောင်ပြောင်ပဲ ပြောပါတယ်။ သူ့ရဲ့ ကိုယ်ပိုင်သုံးသပ်ချက်အရ အခု မိုဘိုင်း ဆင်းကဒ် ရောင်းချမယ့် Ooredoo ဖုန်းကုမ္ပဏီဟာ သူနဲ့ ဘာသာမတူဘူး၊ ဒါကြောင့် သူတို့ရဲ့ ပစ္စည်းကို မသုံးသင့်ဘူးလို့ ဆိုပါတယ်။ တကယ်တော့ ပွဲမှာ အဲဒီ ဆရာတော်နဲ့ လူပုဂ္ဂိုလ်တွေ ပြောခဲ့ဆိုခဲ့တာ ဒီလောက် မကပါဘူး။ အမုန်းတရားကို ပြောင်ပြောင်တင်းတင်းပဲ ပြောဆိုခဲ့ကြတာ ဖြစ်ပါတယ်။

ဇတ်လမ်းကို ပြန်ကောက်ရရင် မြန်မာနိုင်ငံဟာ တိုင်းရင်းသားပေါင်းစုံ စုပေါင်းနေထိုင်၊ စုပေါင်းပိုင်ဆိုင်ကြတဲ့ ပြည်ထောင်စု တစ်ခု ဖြစ်ပါတယ်။ ဗမာအပါအ၀င် တိုင်းရင်းသားတွေဟာ ဗုဒ္ဓဘာသာတင်မက ဘာသာအမျိုးမျိုး ကိုးကွယ်ကြပါတယ်။ ပြဌာန်းခဲ့တဲ့ ဖွဲ့စည်းပုံ အခြေခံဥပဒေ တိုင်းမှာလည်း မြန်မာနိုင်ငံမှာ မည်သည့်ဘာသာကိုမဆို လွတ်လပ်စွာ ကိုးကွယ်ပိုင်ခွင့် ရှိသည် ဆိုပြီး ပြဌာန်းထားတာဖြစ်ပါတယ်။ အခုလက်ရှိ မကွေးကျောင်းတိုက်မှာ ဟောပြောခဲ့ သူတွေဟာ မြန်မာပြည်ထဲမှာ တိုင်းရင်းသားပေါင်းစုံ စုပေါင်းနေထိုင်၊ စုပေါင်းပိုင်ဆိုင် ကြတာကိုရော၊ ဘာသာပေါင်းစုံကို လွတ်လပ်စွာ ယုံကြည် ကိုးကွယ်နေတဲ့ တည်ရှိမှုကိုပါ ထိပါးစော်ကားရာ ရောက်စေပါတယ်။ ဒါက တစ်ချက်ပါ။

နောက်တစ်ချက်က မိုဘိုင်းဖုန်း ဇာတ်လမ်းပါ။ အရင် စစ်အစိုးရဟာ တိုင်းပြည်ထဲမှာ ပြည်သူတွေကို မိုဘိုင်းဖုန်း မသုံးနိုင်လောက်အောင် နှစ်ပေါင်းများစွာ ဒုက္ခပေးခဲ့တယ် ဆိုတာ လူတိုင်းသိကြပါတယ်။ အိမ်နီးချင်းနိုင်ငံတွေမှာ မိုဘိုင်းဖုန်း ဆင်းကဒ် တစ်ခု ကျပ် ၅၀၀၀ လောက်ပေးပြီး ၀ယ်သုံးလို့ရနိုင်ချိန် မြန်မာနိုင်ငံထဲမှာ ဆင်းကဒ်တစ်ခု ကျပ်ငွေ သိန်း ၄၀၊ ၅၀ အထိ ဈေးပေါက်ခဲ့ပါဘူးတယ်။ ဒီလို ခက်ခဲအောင်လုပ်၊ ပြည်သူတွေ ဒုက္ခရောက်အောင် လုပ်ပြီးမှ အာဏာပိုင်တွေဟာ အဲဒီ အပေါ်ကနေ ကိုယ်ကျိုးရှာကြပါတယ်။ မိုဘိုင်းဖုန်း ဆင်းကဒ်တွေကို နိုင်ငံရေးမှာ လာဘ်ထိုးဖို့ အသုံးပြုကြပါတယ်။ ပြည်သူတွေ အဲလို ဒုက္ခရောက်နေတုန်းက မကွေးကျောင်းတိုက် ဆရာတော်၊ ဓမ္မစက္ကဦးမောင်မောင်နဲ့ ရှေ့နေကြီး ဦးအေးပိုင်တို့ ပြည်သူတွေအတွက် ဘာတွေများ တောင်းဆိုခဲ့ဖူးသလဲ မေးစရာ ဖြစ်လာပါတယ်။

ဘယ်လိုပဲဖြစ်ဖြစ် သမ္မတ ဦးသိန်းစိန် အစိုးရဟာ ပြည်သူတွေအတွက် ဆက်သွယ်ရေးဆိုင်ရာ အဲဒီလောက် အောက်ကျနောက်ကျ ဖြစ်နေမှုကို ဖြေရှင်းမယ့် အစီအစဉ် လုပ်ခဲ့ပါတယ်။ နှစ်ပေါင်းများစွာ ဖုန်းမသုံးနိုင်တဲ့ အခြေအနေကနေ ပြည်သူတိုင်း ဖုန်းကိုင်နိုင်အောင် လုပ်ရမယ်၊ အဲဒီကတဆင့် ပြည်သူ တစ်ဦးချင်းစီနဲ့ တိုင်းပြည် စီးပွားရေး၊ ပညာရေး ဖွံ့ဖြိုးတိုးတက်အောင် လုပ်ရမယ် ဆိုပြီး စနစ်တကျ အကောင်အထည် ဖော်ခဲ့ပါတယ်။ နိုင်ငံတကာ ဆက်သွယ်ရေး ကုမ္ပဏီတွေ ၀င်ရောက်ရင်းနှီးမြှုပ်နှံနိုင်အောင် လမ်းဖွင့်ပေးခဲ့ပါတယ်။ ကမ္ဘာ့ တိုက်ကြီး ၆ တိုက်လုံးက ဒိတ်ဒိတ်ကြဲ ဆက်သွယ်ရေး ကုမ္ပဏီ ၉၀ ကျော် တင်ဒါဝင်ပြိုင်တဲ့ပွဲမှာ နော်ဝေ အခြေစိုက် တယ်လီနော်နဲ့ ကာတာ အခြေစိုက် အော်ရီဒူး တို့ တင်ဒါအောင်ပြီး စာချုပ်ချုပ် လုပ်ငန်း စတင်နေကြတာ ဖြစ်ပါတယ်။ အခု မဘသ အဖွဲ့ တစ်ချို့၊ သံဃာနဲ့ လူပုဂ္ဂိုလ်တစ်ချို့ဟာ ပြည်သူတွေရဲ့ အကျိုးစီးပွား၊ တိုင်းပြည် အကျိုးစီးပွား တစ်စက်ကလေးမှ လှည့်မကြည့်ပဲ အမုန်းတရားတွေ ဟောပြောနေကြတာ ဖြစ်ပါတယ်။

ဒီထက် ပိုအရေးကြီးတာ မြန်မာနိုင်ငံထဲ ဖြစ်ပွားခဲ့တဲ့ ဘာသာရေးဆန်တဲ့ အကြမ်းဖက်မှုတွေနဲ့ ပါတ်သက်လို့ပါ။ ပြသနာ အားလုံးရဲ့ အဓိက လက်သည် တရားခံဟာ အမုန်းတရားဖြစ်ပါတယ်။ အမုန်းတရား ဖြန့်ဖြူးသူတွေ ဖြစ်ပါတယ်။ ကိုယ်ထိလက်ရောက် ကျူးလွန်ကြသူတွေဟာ ဒုတိယ တရားခံတွေ ဖြစ်ကြပါတယ်။ ဒါကြောင့် တိုင်းပြည်မှာ နောက်ထပ် မတည်မငြိမ်တွေဖြစ်လာရင်၊ ပြည်သူ့အကျိုးစီးပွား၊ တိုင်းပြည်အကျိုးစီးပွား ထိခိုက်နစ်နာမှုတွေ ဖြစ်လာရင် အမုန်းတရားဖြန့်ဖြူးနေကြသူတွေမှာသာ လုံးဝ တာဝန်ရှိမှာ ဖြစ်ပါကြောင်း သုံးသပ်တင်ပြလိုက်ရပါတယ်။

စည်သူအောင်မြင့်။

Link =>https://www.facebook.com/sithu.aungmyint/posts/290218511160956

June 9, 2014
ပေါက္ခရ၀သမိုး မရွာပါနဲ့ ကိုမိုးဟိန်း ( သူရိယနေ၀န်းဂျာနယ် CEO သို့ အိတ်ဖွင့်ပေးစာ )

ဇွန် ၇ ၊ ၂၀၁၄
M-Media
ဆောင်းပါးရှင်- ကျော်နေမင်း (မြို့ပြ)

ကိုမိုးဟိန်း….ရေ

သူရိယအလင်းကနေ သူရိယနေ၀န်း ဖြစ်လာတာက ဆွဲဆောင်မှု ရှိစေခဲ့တာပါ။ ပြဿနာက “မိုးစက်ဝိုင်” ကစတယ် ဆိုပေမဲ့လည်း ဖိုးလပြည့်ကိုပါ ဆွဲထည့်လိုက်တော့ မီဒီယာမျက်နှာစာမှာ အ၀ါရောင် ဆိုတာကြီး ကင်ပွန်းတပ်ခံလိုက်ရပြီး Yellow Journal, Yellow Journalism ဆိုတာတွေ ခေတ်စား လာပြန်တယ်။ နောက်ပိုင်း ခရိုနီတွေကို နာမည်တွေတပ်၊ ရှားရှားပါးပါး ဓာတ်ပုံတွေ ဖော်ပြခဲ့၊ တိုက်ခိုက် တိုက်ပွဲဝင် ရေးသားနည်းတွေနဲ့ လူထုပရိသတ်ကြီးကို ဖမ်းစားနိုင်ခဲ့တာဟာ အထင်အရှားပါ။ အခုကျပြန်တော့ တရုတ်ကို နာနာနှက်၊ ဘင်္ဂါလီကို သာသာဆော်၊ မသတီစရာ အထိအမိတွေနဲ့ လူမျိုးရေး ခွဲခြားမှု ဇာတ်နာကြီးကို ကပြအသုံးတော်ခံနေပြန်တော့ ကြည့်ရရင် လက်ရှိအခြေအနေအပေါ် လိုက်ပြီး ဈေးကွက်အကြိုက် ရေးသားနည်းတွေကို ပိုင်ပိုင်နိုင်နိုင် စွဲကိုင်နေပြန်တော့ မပြောမပြီး မတီးမမြည် ဆိုသလို ရေးစရာအကြောင်းရယ် ဖြစ်လာပြန်သပေါ့ဗျာ။

အစ်ကို့ရာထူးက အမှုဆောင် အရာရှိချုပ် (CEO) လည်းဖြစ်ပြန်၊ ပင်တိုင်ဆောင်းပါးရှင်လည်း ဖြစ်ပြန်ဆိုတော့ ဂျာနယ်အပေါ် သြဇာရောက်မှုကတော့ အထွေအထူး ပြောစရာမလိုပါဘူး။ ဂျာနယ်ရဲ့ အခြေခံမူ (၅)ချက်တို့၊ (၁၀) နှစ် အိုးအိမ်စီမံကိန်းတို့ဆိုတဲ့ ရည်မှန်းချက်တွေက ကောင်းမွန်ပါတယ်။ ဂျာနယ်ရဲ့ပင်တိုင်ဆောင်းပါးရှင်တွေဟာ အာဏာရှင်ကိုဆန့်ကျင်ခဲ့ကြတဲ့ ကျွန်တော်တို့ရဲ့ညီအစ်ကို ကျောင်းသားကြီးတွေဖြစ်တော့ ရဲရဲတောက် အတွေးအရေးတွေဟာ အံ့မခန်းဖွယ်ရာပါ။ ရေးရင်းရေးရင်းနဲ့ ဆန္ဒတွေစော၊ အစွဲတွေတွယ်ငြိ၊ ဘောင်တွေကျော်ဖြတ်၊ ဈေးကွက် အလိုက် နေ့တွက်အကိုက် ဆိုတာမျိုးတွေ ဖြစ်လာပြန်တော့ ပြန်လည်သုံးသပ်စေချင်ပါတယ်။ အမှုဆောင်အရာရှိချုပ်ဆိုတဲ့ ရာထူးဟာ မီဒီယာလောကမှာဆိုရင် မိမိအဖွဲ့အစည်းရဲ့ ဂုဏ်သိက္ခာ၊ ကျင့်ဝတ်တို့ကို ထိန်းကျောင်းဖို့ တာဝန်အရှိဆုံးပုဂ္ဂိုလ်ပါ။ မိမိဦးဆောင်နေတဲ့အဖွဲ့အစည်းမှာ အများပြည်သူအကျိုးအတွက် ကျင့်ဝတ်ညီညွတ်မှု၊ လုပ်ထုံးလုပ်နည်း မှန်ကန်မှု၊ ငြိမ်းချမ်းရေး ဦးတည်မှု၊ လူသားချင်း စာနာထောက်ထားမှု သာယာငြိမ်းချမ်းသော လူမှုပတ်ဝန်းကျင် ဖြစ်ထွန်းမှုတို့ကို ရှေ့ရှုပြီး မိမိနဲ့ မိမိမီဒီယာအဖွဲ့အစည်း ဂုဏ်သိက္ခာကို မြှင့်တင်ရပါတယ်။

ပင်တိုင်ဆောင်းပါးရှင်တွေဖြစ်တဲ့ ထောင်သူရဲဘအုပ်၊ စစ်သူရဲဗလမင်းထင်၊ တောင်သမန်အင်း ငကင်းတို့ရဲ့ အရေးအသားတွေက ပြောင်မြောက်လှပါတယ်။ သည်းခြေကြိုက်သတင်းတွေဖြစ်အောင် ရေးနိုင်တယ်ဆိုပေမယ့် ဆန္ဒဇော၊ အစွဲအလန်းတွေကြောင့် နယ်ပယ်ကျော်လွန်အရေးအသားတွေကို တွေ့နေရပါတယ်။ စာတွေများများဖတ်ဖို့၊ သမိုင်းတွေကို အမှန်အတိုင်းသိအောင် ကြိုးစားထားသင့်ပါတယ်။ သတင်းရေးသားတဲ့နေရာမှာ လိုက်နာအပ်တဲ့ ကျင့်ဝတ်တွေအနက် ‘‘ စကားလုံးများသုံးစွဲရာတွင် ဓမ္မဓိဋ္ဌာန် ကျကျရေးသားရန်၊ လှုံ့ဆော်ရာရောက်သည့်အရေးအသားကို ရှောင်ရှားရန်၊ သတင်း၏ တိကျမှန်ကန်မှုကိုသာ အလေးထားပြီး အထင်အမြင်ဖြင့်စွပ်စွဲမှုကို ရှောင်ရှားရန် ” ဖြစ်ပါတယ်။ အထူးသဖြင့် လူမျိုးရေး၊ ဘာသာရေး အငြင်းပွားစရာပြဿနာရပ်များ (Communal Dispute) နှင့် ပတ်သက်၍ ရေးသားရာတွင် “ အထူးသဖြင့် အဆိုးမြင်စေအပ်သော မကောင်းသတင်းများကို ရေးသားခြင်း မပြုအပ်ရ” ဆိုပြီး လာရှိပါတယ်။ အလွန်သြဇာကြီးမားတဲ့ အပြည်ပြည်ဆိုင်ရာ စာနယ်ဇင်းအတတ်ပညာရှင်အသင်းကြီး (SPJ) ရဲ့ စံပြုအပ်သောလမ်းညွှန်ချက်ပါ။ ဆောင်းပါးရှင်တို့ ကိုယ်တိုင်ကပဲ လူမျိုးခြား၊ ဘာသာခြားမုန်းတီးမှု စရိုက်လက္ခဏာ (Xenophobic Attitude) ရှိနေရင်တော့ ကျင့်ဝတ်ဆိုတာလည်း အလကားဖြစ်သွားမှာပါ။

ရွေးတွယ်ခံ ခရိုနီများ

ထောင်သူရဲဘအုပ်ကတော့ ခရိုနီတွေကို တွယ်တဲ့နေရာမှာ ပယ်ပယ်နယ်နယ် လက်သံပြောင်နေတော့ သတင်းရတဲ့ အရင်းအမြစ် (Source)ဟာ အံ့သြစရာပဲဗျို့။ ၂၀၁၃ သီတင်းကျွတ်တုန်းက သမ္မတကြီးအိမ်ကိုသွားတဲ့ ကန်တော့ပွဲခရီးစဉ်မှာ လူဘယ်နှစ်ယောက်တစ်တွဲ သွားရတာ၊ ဂိတ်ဘယ်နှစ်ဂိတ်ဖြတ်ရတာ၊ သမ္မတကြီးက ဘယ်သူ့ကို ဘယ်လိုပြောလိုက်တာတွေကအစ သိနေတော့ CIA အဖွဲ့က အမေရိကန်စပိုင်တွေတောင် အဖေခေါ်ရလောက်တယ်။ ကိုယ်တိုင်ကိုယ်ကျ ခရိုနီ ဟန်ဆောင်ပြီး လိုက်သွားသလားတောင်ထင်ရတယ်။ အကြားအမြင်ရ စာရေးဆရာများဖြစ်နေမလား မသိပါ။ နောက်တစ်ချက်ကတော့ ခရိုနီထဲမှာတောင် လူရွေးပြီး ရွှေသံလွင် ဦးကျော်ဝင်း၊ CB ဘဏ် ဦးခင်မောင်အေး၊ Asia World ဦးထွန်းမြင့်နိ်ုင်၊ ရွှေတောင် ဦးအိုက်ထွန်း၊ ဇေကမ္ဘာ ဦးခင်ရွှေ – ဒီလူတွေချည်းပဲဗျို့။ ရွေးတွယ်ခံ ခရိုနီတွေ ဖြစ်နေရပြန်တယ်။

ခင်ဗျားတို့သိတဲ့ ခရိုနီတွေ ဒီလူတွေချည့်ပဲ ရှိသလားဗျာ။ အမေရိကန်နဲ့ EU ပိတ်ဆို့စာရင်းတွေကို ကြည့်လိုက်ပါ။ ခင်ဗျားတို့ မမြင်ချင်ယောင်ဆောင်နေယင်တော့ မတတ်နိုင်ဘူးလေ။ ပြောရယင် ဒီလူတွေကတောင် ကြိုးစားအားထုတ်မှု၊ ဥာဏ်နီဥာဏ်နက်အသုံးချမှုကြောင့် ခရိုနီဘွဲ့ရလာတာလို့ ပြောလို့ရပါသေးတယ်။ မကြိုးစားရဘဲ ရေသာခိုအချောင်လိုက်ပြီး ရလာခဲ့တဲ့ အခွင့်ထူးခံလူတန်းစား ခရိုနီတွေအကြောင်းလည်း ရေးသင့်ပါတယ်။ လက်ရှိ ထိပ်တန်းခေါင်းဆောင်တစ်ချို့ရဲ့ သားသမီးတွေ၊ ပြီးခဲ့တဲ့ စစ်အစိုးရဗိုလ်ချုပ်ကြီးတွေရဲ့ အဆက်အနွယ်တွေထဲမှာ သူတို့ထက်တောင် ချမ်းသာတဲ့ခရိုနီတွေ အများကြီး ရှိနေပါတယ်။

အခု ခင်ဗျားတို့ရေးနေတဲ့ ခရိုနီတွေကမှ လူမှုရေး၊ ပညာရေး၊ ကျန်းမာရေးတွေ လုပ်ပြနေကြပါသေးတယ်။ ဟိုလူတွေကတော့ sorry ပဲဗျို့။ အားလုံးကို Don’t Care (ကရုမစိုက်ပါ) တဲ့ဗျို့။ လွှတ်တော်မှာ ပိုင်ဆိုင်မှုကို တင်ပြဖော်ထုတ်တဲ့အဆို ရှုံးနိမ့်ခဲ့တာကိုကြည့်ရင် သဘောပေါက်သင့်ပါတယ်။ အာဏာအတွင်းစည်းထဲက ခရိုနီတွေ ပိုများပါတယ်။ ဒါကြောင့် သတင်းတွေကို အကြောင်းအရာနဲ့ ထင်ဟပ်ပြီး ရေးသားတဲ့နေရာမှာ သူ – ငါ ခွဲခြားခြင်း မပြုရဘဲ၊ ဖြစ်နိုင်ချေ မဟုတ်ဘဲ တိကျမျှတစွာ ရေးသင့်ပါတယ်။ ကိုယ်မကြောက်ရတဲ့သူ၊ ကိုယ်ပြောလို့ရတဲ့သူတွေချည်းကိုသာ တစ်ဖက်သတ်ဖိထောင်း ရေးနေရင်တော့ ဒါဟာ ကွက်ကျားမိုး (သို့) ပေါက္ခရ၀သ မိုး ရွာနေခြင်းသာဖြစ်တယ်လို့ ဆိုချင်ပါတယ်။

ရွှေမြန်မာတို့ရဲ့ ထွက်ပေါက်

တောင်သမန်အင်း ငကင်းရဲ့ ဆောင်းပါးတစ်ခုမှာ မြန်မာပြည်နှင့် ပတ်ဝန်းကျင်နိုင်ငံများမှ ခိုးဝင်နေကြသူများ ဆိုတဲ့ခေါင်းစဉ်အောက်ကနေ ယခုလို ရေးသားခဲ့တာကို တွေ့ရပါတယ်။ ‘‘ ကျုပ်တို့ မြန်မာပြည်ကကောဗျာ၊ ကျုပ်တို့မြန်မာပြည်ထဲကို အနောက်မြောက် ဘင်္ဂလားဒေ့ရ်ှနိုင်ငံက ဘင်္ဂါလီတွေ တစ်စက္ကန့်မှာ ဘယ်နှစ်ယောက်လောက်ခိုးဝင်နေပါသလဲ။ အိန္ဒိယပြည်ထဲက ဘယ်နှစ်ယောက်လောက် ခိုးဝင်နေပါသလဲ။ တရုတ်ပြည်ထဲက ဘယ်နှစ်ယောက်လောက် ခိုးဝင်နေပါသလဲ။ ကျုပ်အထင်တော့ တစ်နေ့နေ့ကို နည်းလမ်းပေါင်းစုံနဲ့ လူတစ်ထောင်လောက် ခိုးဝင်နေတယ်လို့ ယူဆတယ်

။ ဒါတွေကို ကျုပ်တို့ တိတိကျကျ သုတေသနလုပ်ဖို့ လိုပြီ ” ဆိုပြီး ထင်မြင်ယူဆချက်တွေကို သတင်းဖြစ်လေဟန် ရေးသားထားတာကို တွေ့ရပါတယ်။ မသေချာမရေရာတဲ့ ကိန်းဂဏန်းတွေကို ဖော်ပြခြင်းဟာ ယုတ္တိမရှိတဲ့ ယူဆချက်ပါ။ တစ်နေ့ကို လူပေါင်း ၁၀၀၀ ခိုးဝင်နေတယ်ဆိုရင် တစ်နှစ်ကို လူပေါင်း ၃ သိန်း ၆ သောင်း ၀င်တယ်။ နှစ်ပေါင်း ဘယ်လောက်လဲ။ ကိုလိုနီခေတ်ကတည်းကလား၊ လွတ်လပ်ရေးနောက်ပိုင်းလား၊ မဆလ စစ်အစိုးရလက်ထက်လား။ နှစ်ပေါင်း ၅၀ နဲ့တွက်ရင် ၁၈ သန်း၊ နောက်နှစ်ပေါင်း ၁၀၀ နဲ့တွက်ရင် ၃၆ သန်းဆိုတော့ မြန်မာနိုင်ငံရဲ့ လူဦးရေထက်ဝက်ကျော်ကျော် ရှိနေပြီ။ ကဲ့ ဒါဆိုရင် မှန်ပါ့မလား။ ကျွန်တော်တို့ ရွှေမြန်မာတွေကလည်း အိမ်နီးချင်းနိုင်ငံတွေမှာ အလုံးအရင်းနဲ့ရှိပါတယ်။

အိန္ဒိယနိုင်ငံ၊ မဒရပ်စ်ပြည်နယ်မှာ ဘားမားမတ်ကက် ဆိုပြီး မြန်မာဈေး ရှိပါတယ်။ တရုတ်နိုင်ငံ ရွှေလီနဲ့ ကြယ်ခေါင်ရဲ့ လမ်းဘေးမှာ ဆေးရောင်းတဲ့ဆိုင်တွေ ဒုနဲ့ဒေးဘဲ။ အားလုံးနီးပါး မြန်မာတွေဗျို့။ ထိုင်းနဲ့ မလေးရှားကတော့ဗျာ မွန်ပြည်နယ်ကလူတွေအတွက်ဆို ဒုတိယအိမ်တဲ့လေ။ တချို့ မွန်ရွာတွေကို သွားကြည့်လိုက်ပါ။ အိမ်တွေမှာ လူတွေမရှိတော့ဘူး။ ဒုတိယအိမ် မှာ အလုံးအရင်းနဲ့ နေထိုင်နေကြတယ်။ ရွှေ့ပြောင်းအခြေစိုက်နေထိုင်မှုတွေ ဖြစ်ကုန်ကြပြီ။ ဒီတော့ မွန်ပြည်နယ်ရဲ့လုပ်သားလိုအပ်ချက်ကို ပဲခူးတိုင်းဖက်ကလူတွေ အလုံးအရင်းနဲ့ ဖြည့်ဆည်းနေလိုက်ကြတာ မွန်ပြည်နယ်မှာ ကျူးကျော်နေထိုင်သူတွေက အများအားဖြင့် ပဲခူးဖက်ကလူတွေ များပါတယ်။ ဒါကြောင့် ရေကြည်ရာမြက်နုရာဆိုသလို ရှင်သန်ရပ်တည်ရေးအတွက်သာ အပြန်အလှန် သွားလာနေကြရတာပါ။ ဘယ်သူမဆို ကိုယ့်နိုင်ငံ၊ ကိုယ့်မွေးရပ်ဇာတိမြေကို ချစ်မြတ်နိုးကြစမြဲပါ။

ဒါကြောင့် တောင်သမန်အင်း ငကင်းရေ ……… သုတေသနလုပ်ချင်ရင် အကြောင်းအရာနှစ်ခုလုံးကို လုပ်ရပါမယ်။ သူတို့တစ်တွေဆီက ခိုးဝင်တဲ့သူတွေရဲ့အရေအတွက်၊ ကိုယ်တို့ဆီက ခိုးထွက်သွားတဲ့ အရေအတွက် ကိန်းဂဏန်းတွေကို သိသင့်ပ့ါတယ်။ သေချာတာတစ်ခုက ထိုင်းနိုင်ငံရဲ့သဘောထားကြီးမှုကြောင့်သာ ကျွန်တော်တို့ ရွှေမြန်မာတွေ နိုင်ငံတကာကို ထွက်ပေါက်ရခဲ့တာပါ။ ခင်ဗျားတို့ ကျွန်တော်တို့တစ်တွေ အနောက်နိုင်ငံတွေနဲ့ ထိတွေ့ခွင့် ရခဲ့ကြတာပါ။ သူများအကြောင်းပြောချင်ရင် ကိုယ့်မျက်ချေးအရင်ကြည့် ဆိုတဲ့ စကားပုံလေး အသုံးတည့်ပါလိမ့်မယ်။

ဘင်္ဂါလီမုန်းတီးရေးဝါဒ

တောင်သမန်အင်း ငကင်းက ဒီလိုဆက်ရေးတယ်ခင်ဗျ။ ‘‘ ဒီ ဘင်္ဂါလီတွေ မြန်မာပြည်ထဲ ၀င်ရောက်တဲ့ လမ်းကြောင်းမှာ မြန်မာပြည်ရဲ့ ဆောက်လုပ်ရေး လုပ်ငန်းအကြီးဆုံး ဘင်္ဂါလီခရိုနီ ကုမ္ပဏီကြီးတွေ ပါဝင်ပတ်သက်နေတယ်လို့ သိထားရတယ်။ သူတို့ဘင်္ဂါလီ ဆောက်လုပ်ရေး ကုမ္ပဏီကြီးတွေရဲ့ ဆောက်လုပ်ရေး လုပ်ငန်းခွင် ကိစ္စတွေ၊ လုပ်ငန်းခွင်သယ်ယူပို့ဆောင်ရေး ကားကြီးတွေနဲ့ ရန်ကုန်အထိကို နယ်စပ်က အဆင့်ဆင့်သွင်းလာတယ်လို့ဆိုတယ်။ တချို့ ဘင်္ဂါလီတွေကလည်း မလေးရှားဖက်ကို ဆက်ထွက်သွားတယ်။ တချို့ကျတော့ မြန်မာပြည်မှာရှိတဲ့ ရောက်ပြီးသား ဘင်္ဂါလီတွေထဲမှာ ရောနှောပစ်လိုက်ကြတယ်။ ဒါကြောင့် မြန်မာပြည်ထဲ ဘင်္ဂါလီတွေ ခိုးဝင်နိုင်ဖို့ အဓိကနေရာကပါဝင်တဲ့ ဘင်္ဂါလီပိုင် ဆောက်လုပ်ရေးကုမ္ပဏီကြီးတွေရဲ့ ခြေလှမ်းတွေ၊ သမိုင်းတွေ၊ လှုပ်ရှားမှုတွေကို မျက်ခြေမပြတ် ကြည့်ဖို့လိုနေပြီဗျ။ ဒီဘင်္ဂါလီခရိုနီ ဆောက်လုပ်ရေးကုမ္ပဏီကြီးတွေက ကျုပ်တို့မြန်မာပြည်ထဲမှာ အရင်ဆုံးလာချထားတဲ့ ထရိုဂျန်မြင်းရုပ်တွေပဲဖြစ်တယ် ” လို့ ရေးသားထားပါတယ်။

စာရေးသူကျွန်တော်ဟာ မြို့ပြအင်ဂျင်နီယာတစ်ယောက်ပါ။ ကျွန်တော်ကိုယ်တိုင် ခင်ဗျား စွပ်စွဲနေတဲ့ ဘင်္ဂါလီခရိုနီကုမ္ပဏီတွေမှာ မလုပ်ဖူးပေမယ့် ကျွန်တော့် ကျောင်းနေဖက် သူငယ်ချင်းတစ်ချို့လည်း ရှိနေပါတယ်။ တချို့လည်း Sub-Contractor အဖြစ် လုပ်နေကြပါတယ်။ ဘယ်ကလာ ခရိုနီလည်းဗျာ။ သူတို့ဟာသူတို့တောင် တိုင်ပတ်နေကြတယ်။ လုပ်ငန်းတွေ မလည်ပတ်နိုင်၊ လုပ်ငန်းတွေဆီ ငွေမချနိုင်နဲ့ ချာလပတ်လည် ရိုက်နေကြတယ်။ ခရိုနီဆိုတာ ဘာကိုခေါ်သလဲ။ ဒေါ်လာ မီလျံ ဂဏန်းဘယ်နှစ်လုံးလောက် ချမ်းသာရလဲ ဆိုတာကိုလည်း နားလည်အောင်လေ့လာသင့်ပါတယ်။ သူများတွေ ခရိုနီခေါ်တိုင်း ငါလည်း လိုက်ရေးမယ်ဆိုရင် ဒါ ညံ့ရာကျတယ်ဗျာ။ ခင်ဗျားပြောတဲ့ ဒီဆောက်လုပ်ရေး ကုမ္ပဏီသူဋ္ဌေးတစ်ယောက်ရဲ့အိမ်မှာ ကျွန်တော်သွားပြီး သတင်းယူဖူးတယ်။ သူပြောခဲ့တာက – ငါချမ်းသာသလောက်က ကိုးကန့်သူဋ္ဌေးတစ်ယောက်ရဲ့အိမ်မှာ ပန်းကန်ဆေးတဲ့ အဆင့်လောက်ပဲ ရှိတယ် လို့ ပြောခဲ့တယ်။

သမ္မတဦးသိန်းစိန်ကစလို့ ၀န်ကြီးဦးခင်ရီအလယ် ဒုဝန်ကြီးဦးရဲထွဋ်အဆုံး ရိုဟင်ဂျာ မလိုချင်ပါ လို့သာ ပြောခဲ့တယ်။ ဘင်္ဂါလီ ဆိုရင်တော့ ရပါတယ်။ အခု ခင်ဗျားကျတော့ ဘင်္ဂါလီ ဘင်္ဂါလီ လူမျိုးရေးခေါင်းစဉ်တပ်ပြီး အကြောင်းအရာတွေ တွဲစပ်နေတော့ ရိုဟင်ဂျာ ပြီးတော့ ယခုတစ်ဖန်အလှည့်ကျသူက ဘင်္ဂါလီလားလို့တောင် မေးရမလို ဖြစ်နေပါပြီ။ ထို့အတူ ထရိုဂျန် မြင်းရုပ်တွေဆိုတဲ့ အသုံးအနှုန်းကလည်း မီးလောင်ရာလေပင့်စေတဲ့ အရေးအသားတွေ ဖြစ်နေတာပါ။ ဒါကြောင့် ကမ္ဘာ့စာနယ်ဇင်းကောင်စီရဲ့ ဂျာနယ်လစ်များသို့ လမ်းညွှန်ချက်များအနက်က အောက်ပါအချက် ၂ ခုဟာဖြင့် ခင်ဗျားလိုက်နာသင့်တဲ့ အကြောင်းအရာတွေ ဖြစ်နိုင်ပါတယ်။

(၁) စာနယ်ဇင်းနှင့်မီဒီယာတို့သည် ငြိမ်းချမ်းရေးကို တည်ဆောက်သူများသာ ဖြစ်ကြစေရန်၊ လှုံ့ဆော်မှု ပြဿနာကို မီးမွှေးကြသူများ မဖြစ်ကြစေရန်

(၂) စာနယ်ဇင်းနှင့်မီဒီယာများသည် လူမျိုးရေး ဘာသာရေးကွဲပြားခြားနားမှုများ၊ ခွဲခြားမှုများကို ပပျောက်စေပြီး သဟဇာတဖြစ်မှု၊ အပြန်အလှန်နားလည်မှုများကို တည်ဆောက်ပေးကြရန်ဖြစ်သည် တဲ့ခင်ဗျား။

တစ်ခါ နောက်ထပ် ၂၀၁၃ ခုနှစ် ဧပြီလ ၅ ရက်မှာ ‘‘ ဘင်္ဂလားဒေ့ရ်ှက ဘင်္ဂါလီတွေက ဗုဒ္ဓဘာသာ ရဟန်းတွေလို ဦးပြည်းတုံးပြီး၊ ရဟန်းတွေရဲ့ သင်္ကန်းကိုခြုံပြီး၊ ရဟန်းယောင်ဆောင်ပြီး မြန်မာပြည်ထဲ ခိုးဝင်လာတဲ့ဓာတ်ပုံတွေ ရထားတယ်။ ကျုပ် ရန်ကုန်-မန္တလေး အမြန်လမ်းမကြီးပေါ်မှာ သွားနေတဲ့ ကားတွေမှာလည်း တစ်ဖက်က အန်စာတုံးလို၊ HiAce တို့လို မှန်လုံကားကြီးတွေထဲမှာ မုတ်ဆိတ်တွေနဲ့ ဘင်္ဂါလီတွေ တစုတဝေးကို မကြာခဏတွေ့နေရတယ်။ ကျုပ်တို့မြန်မာပြည်က အမေရိကန်နဲ့ မတူဘူးလေဗျ။ ကျုပ်တို့က အမေရိကန်တွေရဲ့ လ၀ကလမ်းစဉ်မူဝါဒကို လိုက်လို့မရဘူး။ သြစတေးလျနိုင်ငံရဲ့ လမ်းစဉ်မူဝါဒကိုလိုက်ရမယ်။ အစ္စရေးနိုင်ငံလို ရန်သူတွေအကြားမှာနေရတဲ့ စိတ်ဓာတ်မျိုးနဲ့ တစ်ချိန်လုံး သတိနဲ့နေရမယ်ဗျ။ ဒီလိုမှ မဟုတ်ရင် ” လို့ ရေးခဲ့တယ်။

ဒါကြောင့် ဒီဆောင်းပါးရဲ့အစမှာ ကျွန်တော်ရေးခဲ့သလို ‘‘ စာဖတ်ပါ။ သမိုင်းအမှန်ကို သိအောင် လုပ်ပါ ” လို့ ဆိုချင်ပါတယ်။ မြန်မာပြည်နဲ့ကပ်နေတဲ့ အိမ်နီးချင်းဘင်္ဂလားဒေ့ရှ်ရဲ့ ပြည်နယ်တွေမှာ ဗုဒ္ဓဘာသာကိုးကွယ်တဲ့ ဘင်္ဂါလီတွေရှိပါတယ်။ လူဦးရေ သုံးသန်းလောက်ရှိတယ်ဗျ။ သက်ဆိုင်ရာ ၀န်ကြီး နေရာတွေတောင် ရထားတယ်။ ဒီမိုကရေစီတိုင်းပြည်လေဗျာ။ ဟိန္ဒူဘာသာကိုးကွယ်တဲ့ ဘင်္ဂါလီတွေလည်း ရှိတယ်။ သူတို့လည်း ၀န်ကြီးအဖြစ်တွေ ရထားတယ်။ အစိုးရအဖွဲ့ကက်ဘိနက်ထဲမှာလည်း ပါတယ်။ ဒါကြောင့် ဦးပြည်းတုံးပြီး၊ ရဟန်းသင်္ကန်းခြုံပြီး အယောင်ဆောင်ခိုးဝင်လာတယ်လို့ ပြောလို့မရပါ။ ဗုဒ္ဓဘာသာ ဘင်္ဂါလီဖြစ်ရင် သူ့မှာလည်း ရဟန်းဖြစ်ဖို့အခွင့်အရေးရှိပါလိမ့်မယ်။ ရခိုင်ဒေသနဲ့ ဘင်္ဂလားဒေ့ရ်ှမှာရှိကြတဲ့ လူမျိုးစုတွေဟာ အတော့်ကို ရုပ်ဆင်းသဏ္ဍာန်တူညီနေတာကိုလည်း တွေ့ရပါလိမ့်မယ်။ ခွဲခြားလို့တောင် မရနိုင်ပါ။ နောက်တစ်ချက်က ဘင်္ဂလားဒေ့ရ်ှဖက်ကနေ ပြန်ဝင်ရောက်လာတဲ့ ဗုဒ္ဓဘာသာအဆက်အနွယ်တွေဟာ မြန်မာပြည်ဖက်ကိုရောက်လာပြီး အိုးအိမ်တွေ ထူထောင်၊ လယ်မြေတွေ နေရာချပေးနဲ့ ဒီလိုလုပ်ပေးနေတာတွေလည်း ရှိနေတယ်။ အဲ့ဒီလူတွေကို သွားကြည့်၊ ဘင်္ဂါလီတွေဘဲလို့ ခင်ဗျား ထင်လိမ့်မယ်။ ခွဲမရတာ။ သူတို့ကို ဒိုင်းနက်လူမျိုးလို့လည်း ခေါ်တယ်။

‘‘ရန်ကုန်-မန္တလေး အမြန်လမ်းမကြီးပေါ်မှာ သွားနေတဲ့ ကားတွေမှာလည်း တစ်ဖက်က အန်စာတုံးလို၊ HiAce တို့လို မှန်လုံကားကြီးတွေထဲမှာ မုတ်ဆိတ်တွေနဲ့ ဘင်္ဂါလီတွေ တစုတဝေး ” ဆိုတာကြီးကတော့ အတော့်ကို ဆိုးဝါးလှတဲ့ စွပ်စွဲချက်ပေါ့ဗျာ။ မုတ်ဆိတ်ထားတိုင်းသာ ဘင်္ဂါလီ ဖြစ်ကြစတမ်းဆိုရင် အမေရိကန်သမ္မတကြီး အေဗရာဟင်လင်ကွန်းလည်း ဘင်္ဂါလီ ဖြစ်နေမှာပေါ့။ ခင်ဗျား အရှင်းဆုံးသိချင်ရင် ဘင်္ဂလားဒေ့ရ်ှသံရုံးရဲ့အတွင်းထဲမှာ ချိတ်ထားတဲ့ဓာတ်ပုံတစ်ပုံရှိတယ်။ သူလည်း မုတ်ဆိတ်ကြီးနဲ့ပဲ။ ခင်ဗျား အဲ့ဒီပုံကို ကြည့်ပြီးမှ မုတ်ဆိတ်နဲ့ ဘင်္ဂါလီ ခွဲခြားနိုင်မယ် ထင်ပါတယ်။

အမေရိကန်၊ သြစတေးလျနဲ့ အစ္စရေး

ကျုပ်တို့တိုင်းပြည်ဟာ အမေရိကန်နဲ့မတူဘူးဆိုတာ သိပ်မှန်ပါတယ်။ ဘယ်သူနဲ့မှတူဖို့ မလိုပါဘူး။ ဒါပေမယ့် အမေရိကန်ရဲ့မူဝါဒကြောင့်၊ အမေရိကန်ရဲ့ လ၀ကလမ်းစဉ်မူဝါဒကြောင့် ကျွန်တော်တို့ ညီအစ်ကိုတော်ကျောင်းသားတွေ၊ တော်လှန်ရေးသမားတွေ၊ ပညာရှေင်တွေ အခြေချနေထိုင်ခဲ့လို့ရတာပါ။ ကိုမိုးဟိန်းတို့ ကိုမိုးသီးဇွန်တို့ ပိုသိပါလိမ့်မယ်။ ကိုမိုးဟိန်းရေးသလို အမေရိကန်ရဲ့အချုပ်ခန်းတောင် ကျုပ်တို့ဆီက Hotel ဟိုတယ်လိုမျိုးတဲ့လေ။ သူတို့သာ တင်းကြပ်ထားခဲ့ရင် ကျုပ်တို့ ခင်ဗျားတို့ အနံ့တောင် ရှူရဖို့မရှိနိုင်ပါဘူး။

သြစတေးလျ လ၀ကဥပဒေတွေက အခြေအနေပေါ်မှာ ထိန်းချုပ်ထားရတာပါ။ သူတို့ ယခင်က ကျင့်သုံးခဲ့ကြတဲ့ Immigration ဥပဒေရဲ့ ချို့ယွင်းချက်တွေကို မကွယ်မ၀ှက် ၀န်ခံခဲ့ကြပါပြီ။ လူဖြူအသားပေး Only White ဆိုတဲ့ စနစ်မျိုးကို ပယ်ဖျက်လိုက်ပါပြီ။ ဒေသခံတိုင်းရင်းဌာနေ Aborigin တွေအပေါ်မှာ ကျူးလွန်ခဲ့တဲ့ လူ့အခွင့်အရေးချိုးဖောက်မှု၊ လူမျိုးသုဉ်းသတ်ဖြတ်မှု၊ ခွဲခြားဆက်ဆံမှုတွေ အားလုံးကို အမှားတွေလို့ဝန်ခံပြီး တိုးတက်ဖွံ့ဖြိုးချမ်းသာစေခဲ့တဲ့ ၂၁ ရာစုရဲ့ သြစတေးလျနိုင်ငံကို တက်လှမ်းနိုင်ခဲ့ကြပါပြီ။ ဒီမိုကရေစီနိုင်ငံဖြစ်တဲ့အတွက် တက်လာခဲ့တဲ့ မဲအနိုင်ရပါတီ၊ ၀န်ကြီးချုပ်ရဲ့မူဝါဒ တွေဟာ အပြောင်းအလဲရှိခဲ့တာပါ။ ယခင်ဝန်ကြီးချုပ် ကေဗင်ရုဒ်နဲ့ ယခုလက်ရှိ ၀န်ကြီးချုပ် တိုနီအက်ဘော့ဂ် တို့ဟာ လူဝင်မှုထိန်းချုပ်ရေးမှာ တူညီတဲ့မူဝါဒတွေ ရှိမှာမဟုတ်ပါဘူး။ ဒါပေမယ့် လူပေါင်းစုံ ဓလေ့ပေါင်းစုံရှိရာ Multi Culturalism သြစတေးလျရဲ့ပုံရိပ်ကိုတော့ ထိန်းသိမ်းထားရာမှာ တူညီပါတယ်။ သြဇီမှာ ကြည့်လိုက်ရင် တရုတ်၊ အိန္ဒိယတွေကို အများကြီးတွေ့နေရပေမယ့်၊ သူတို့ရဲ့ ထုံးတမ်းစဉ်လာပွဲလမ်းသဘင်တွေကို ဆင်ယင်ကျင်းပနေကြပေမယ့် ဘယ်သြဇီတစ်ယောက်မှ ငါတို့ တိုင်းပြည်ကို တရုတ်တွေ၊ အိန္ဒိယတွေ ကြီးစိုးသွားပြီလို့ မယူဆကြဘဲ သူတို့ရဲ့ သြဇီတိုင်းပြည်အပေါ်မှာ တန်ဖိုးရှိတဲ့ နိုင်ငံခြားသားတို့ရဲ့လုပ်အား၊ လူသားဖြစ်တဲ့ ဒုက္ခသည်တွေအတွက် ခိုလှုံစရာ ရှိသင့်တယ်ဆိုတဲ့၊ လူသားဆန်တဲ့ မြင့်မြတ်စိတ်ထားတွေကို တွေ့ရပါလိမ့်မယ်။ ခင်ဗျားတို့ သေချာစွာလေ့လာသင့်ပါတယ်။

နောက်ထပ်ရေးတာက အစ္စရေးရဲ့စိတ်ဓာတ်မျိုးတဲ့။ ကျုပ် ၁၀ တန်းကျောင်းသားဘ၀က အစ္စရေး နိုင်ငံက ဂျူးအမျိုးသမီးစာရေးဆရာမ ကရင်ဗန်းအိခ်ျ Karin Vaneash နဲ့ တစ်ပတ်လောက် သူ့ရဲ့စကားပြန် အဖြစ် အတူတူနေဖူးခဲ့တယ်။ ဟိုတုန်းက Visa ရက်က သိပ်မရတော့ အချိန်တိုအတွင်းမှာပဲ နေရာအနှံ့ ရောက်တယ်။ တန်ခိုးကြီးဘုရားတွေ၊ ခရစ်ယာန်ဝတ်ပြုကျောင်းတွေ၊ ဗလီတွေအပါအ၀င် နေရာအနှံ့ လျှောက်သွားကြတယ်။ အနားယူတဲ့အချိန်တိုင်း အာရပ် အစ္စရေးကိစ္စကို ပြောဖြစ်တယ်။ အစ္စရေးလူမျိုးတွေဟာ ခင်ဗျားတို့ထင်သလို၊ ကျုပ်တို့ထဲကလူတစ်ချို့ထင်သလို ပြင်းထန်တဲ့ စိတ်ဓာတ်မျိုးတွေသာ ရှိနေတာ မဟုတ်ပါ။ သူတို့ဟာ ဂျာမနီတွေရဲ့ ရက်စက်မှုကိုခံခဲ့ရလို့ အတိတ်ရဲ့ဖြစ်ရပ်တွေ တစ်ပတ်လည်လာမှာကို အလွန်စိုးရိမ်တတ်တဲ့လူမျိုးတွေပါ။ ယခုလို အာရပ်တွေရဲ့ နေရာဒေသတွေ သိမ်းပိုက်နေခြင်းကို ပြည်သူအများစုကြီးက မလိုလားကြပါဘူး။ အထူးသဖြင့် လေဘာတီ ပါတီကဆိုရင် လုံးဝ ကန့်ကွက်နေပါတယ်။ သူများပိုင်အိမ်တွေကို ဖြိုဖျက်ချပြီး ကျူးကျော်အိမ်ရာ ဆောက်လုပ်နေတာဟာ မှန်ကန်တဲ့ အစ္စရေးမူဝါဒမဟုတ်ပါဘူးလို့ ငြင်းဆိုခဲ့ပါတယ်။ ငြိမ်းချမ်းစွာ အတူယှဉ်တွဲနေထိုင်ရေးဆိုတဲ့ လမ်းစဉ်ကိုသာ တစိုက်မတ်မတ် လက်ခံထားကြတဲ့ ဂျူးလူမျိုးတွေ ကမ္ဘာပေါ်မှာ မြောက်များစွာရှိနေပါတယ်။ ဒါကြောင့် ကိုယ်ကြိုက်တဲ့အချက်ကျရင် သြစတေးလျလိုမျိုး၊ အစ္စရေးလိုမျိုး ပြောပြီး မကြိုက်တာကျတော့ အမေရိကန်လိုမဟုတ်ဘူးလို့ပြောတဲ့ ကလေးအတွေးနဲ့ အရေးအသားမျိုးတွေကို ဆင်ခြင်သင့်ပါတယ်။ လိုရာဆွဲတွေးရေးသားတဲ့ အကွက်တွေဟာ Facebook ပေါ်မှာသာ အလုပ်ဖြစ်နိုင်ပါတယ်။

အနာဟောင်းကို တူးဆွခြင်း

စစ်သူရဲဗလမင်းထင်ရဲ့ မျက်နှာဖုံးဆောင်းပါးမှာပါတဲ့ ပုံကိုကြည့်ပြီး ကြက်သီးထမိပါတယ်။ အေဒီ ၆ ရာစုက ဘာမီယန်ရုပ်ပွားတော်များကို တာလီဘန်တွေ ဖျက်ဆီးနေတဲ့ပုံတွေပါ။ ၂၀၀၁ ခုနှစ်က အဖြစ်အပျက်ပါ။ ဒီကိစ္စကိုအကြောင်းခံပြီး မြန်မာပြည်ရဲ့ဗလီကျောင်းတွေ မြောက်များစွာဖျက်ဆီးခံခဲ့ရတာတွေကို ကျွန်တော်တို့ မှတ်တမ်းတင်ထားတာလေးတွေ ရှိပါတယ်။ မြန်မာနိုင်ငံမှ အစ္စလာမ်ဘာသာရေးအဖွဲ့ကြီး ၅ ဖွဲ့နဲ့အတူ နိုင်ငံသားအစ္စလာမ်တွေအားလုံးက ဒီကိစ္စကို ဆန့်ကျင်ခဲ့ပါတယ်။ အစ္စလာမ်ရဲ့ဥပဒေအရ ‘‘ ဘာသာရေးဆိုင်ရာပုဂ္ဂိုလ်များ၊ ဘာသာရေး အဆောက်အဦများကို ဖျက်ဆီးခြင်း ” မပြုရပါ။ ဒီလိုတစ်ဖက်စွန်းရောက်သူတစ်စုရဲ့ လုပ်ဆောင်ချက်ကို တုန့်ပြန်တဲ့အနေနဲ့ မြန်မာနိုင်ငံမှာ ဗလီဝတ်ပြုကျောင်းတွေကို အကြမ်းဖက်ခံခဲ့ရတာဟာ အလွန်မှားယွင်းတဲ့ တုန့်ပြန်မှုတစ်ရပ်ပါ။ ယခုအခါ သူရိယနေ၀န်းဂျာနယ်က ထပ်မံ မျက်နှာဖုံး တင်ပြီး အသုံးချလာပြန်တော့ နောက်ထပ်အကြမ်းဖက်လုပ်ရပ်တွေ ပေါ်ပေါက်လာဖို့ လှုံ့ဆော်နှိုးဆော်သလို မလုပ်သင့်ပါလို့တော့ မေတ္တာရပ်ခံချင်ပါတယ်။

တလောတုန်းကပဲ အင်ဒိုနီးရှားနိုင်ငံမှာ မီးတောင်ပေါက်ကွဲမှုတွေဖြစ်ပွားခဲ့ပြီး အမှိုက်၊ အညစ်အကြေးတွေ ဖုံးလွှမ်းနေတဲ့ ဗုဒ္ဓသာသနိကအဆောက်အဦတွေကို အစ္စလာမ်ဘာသာဝင်တွေက ၀ိုင်းဝန်းပြီး သန့်ရှင်းရေးလုပ်၊ ပြုပြင်ထိန်းသိမ်းကြတယ်ဆိုတဲ့ သတင်းမျိုးဟာ မင်္ဂလာယူစရာ၊ ကုသိုလ်ယူစရာ သတင်းမျိုးပါ။ ဒီလိုအကြောင်းအရာတွေကိုလည်း ရေးသားဖော်ပြသင့်ပါတယ်။ အင်ဒိုနီးရှား နိုင်ငံမှာရှိတဲ့ ကမ္ဘာ့သမိုင်းဝင် ဗောဓောဗုဒ္ဓေါစေတီတွေ၊ ပါကစ္စတန်နိုင်ငံ တက္ကသီလာရှိ ကမ္ဘာ့ဗုဒ္ဓအမွေအနှစ် အဆောက်အဦတွေကို စနစ်တကျပြုပြင်ထိန်းသိမ်းကာကွယ်စောင့်ရှောက်ထားခြင်း ကဲ့သို့ အစ္စလာမ်နိုင်ငံတွေရဲ့ ဗုဒ္ဓဘာသာအပေါ် အကောင်းမြင်စိတ်ဓာတ်ကိုလည်း ဖော်ပြသင့်ပါတယ်။ ဒါမှသာလျှင် ဘာသာပေါင်းစုံချစ်ကြည်ရင်းနှီးပြီး ငြိမ်းချမ်းစွာအတူယှဉ်တွဲနေထိုင်ရေးကို ဖော်ညွှန်းတဲ့ အကျိုးပြုစာနယ်ဇင်း တွေ ဖြစ်လာပါလိမ့်မယ်။

ဒါကြောင့် ကမ္ဘာ့စာနယ်ဇင်းကောင်စီ WJC က ဂျာနယ်များကိုလမ်းညွှန်တဲ့အခါ အချက်တစ်ချက် အနေနဲ့ ‘‘ ပဋိပက္ခများနှင့်စပ်လျဉ်း၍ ရေးသားဖော်ပြရာတွင် သတင်းအချက်အလက်များကို ခိုင်မာအောင် အတည်ပြုပြီးမှသာ ရေးသားကြရန်နှင့် ရေးသားရာတွင်လည်း ငြိမ်းချမ်းရေးကိုရှေ့ရှုသော အသုံးအနှုန်းများဖြင့်သာ သုံးစွဲရန်ဖြစ်ပြီး၊ ဖြစ်ပြီးနှင့်ဖြစ်ဆဲ ပဋိပက္ခများကို ပိုမိုကျယ်ပြန့်လာစေရန် လှုံ့ဆော်သည့်သဘောမျိုး မဖြစ်စေရန်လိုအပ်သည် ” လို့ အတိအလင်း ဖော်ပြထားပါတယ်။ ကျေးဇူးပြု၍ အနာဟောင်းကို မတူးဆွပါနဲ့ခင်ဗျား။ ဒဏ်ရာတွေဟာ မကျက်သေးပါဘူး။

လာပြန်ပြီလား ၇၈၆

အများရေးနေတော့ ဆွမ်းကြီးဝိုင်းလောင်းတဲ့အနေနဲ့ ဆောင်းပါးရှင် ဖေသီဟ (ကသ ၄၃) ကလည်း ‘‘ ၇၈၆ ဆောက်လုပ်ရေးကုမ္ပဏီရဲ့ ဥက္ကဋ္ဌတစ်ဦး ” လို့ သုံးနှုန်းပြန်သေးတယ်။ အတွဲ ၁ အမှတ် ၁၅ မှာပါ။ အများယောင်လို့ …………. ဆိုသလို ဖြစ်ပုံရပါတယ်။ ၇၈၆ က ဘာကို ကိုယ်စားပြုသလဲ၊ အစ္စလာမ်ဘာသာ ကိုလား၊ လုပ်ငန်းပိုင်ရှင်ရဲ့ ကုမ္ပဏီအမှတ်သညာလား၊ လူမျိုးခွဲခြားရေးရဲ့ အမှတ်တံဆိပ်လား၊ ခင်ဗျားသိတဲ့ အဖြေလေးပေးပါ။ တလွဲဖြစ်နေပါလိမ့်မယ်။ ရေးတာကိုက မှားယွင်းစွာရေးသားထားလေတော့ ဘယ်လိုမှ သဘောပေါက်နိုင်မှာ မဟုတ်ပါ။ ဒါကြောင့် စာရေးဆရာဆိုတာ အများသူငါကို အသိပညာဖြန့်ဝေပေးနေ သူတွေဆိုတော့ အရင်ဆုံး ကိုယ်သိအောင် ဖတ်ရမှတ်ရတာတွေ လုပ်ရတယ်ဗျ။ ကိုယ်တိုင်မသိဘဲ လျှောက်ရေးနေရင် မှားယွင်းတဲ့အသိပညာတွေ၊ Message အမှားကြီးတွေ စာဖတ်တဲ့ ပြည်သူများ ရသွားရင် ရှက်စရာကြီးဗျို့။

ကိုမိုးဟိန်း ………. ရေ

နောက်မဟာအမှားကြီးကတော့ အိန္ဒိယနိုင်ငံလွတ်လပ်ရေးကြိုးပမ်းမှုမှာ ထွက်ပြေးလာကြတဲ့ သူတွေအကြောင်းရေးရင်းနဲ့ မြန်မာပြည်က ကွန်မြူနစ်ရဲ့ ပေါ်လစ်ဗျူရိုထဲက ရဲဘော်ဂိုရှယ်တို့ကို အိန္ဒိယ/ဘင်္ဂါလီတွေလို့ ရေးသားခြင်းပါ။ နောက်မှ ဟိန္ဒူဘာသာဝင်တွေလို့ ရေးတာ။ ဒါမမှားဘူးဆိုရင်လည်း M.A ရာရှစ် လို့ခေါ်တဲ့ ကျောင်းသားခေါင်းဆောင် ဦးရာရှစ်ကို အိန္ဒိယ/ဘင်္ဂါလီ တဲ့ဗျာ။ ဒီအကြောင်းကတော့ ဘယ်သူရေးရေး ကျွန်တော်ကတော့ အစ်ကို့ကိုသာ ပြောချင်တာပါ။ အစ်ကိုက နှစ်ပေါင်းများစွာ အဆက်ပြတ်ပြီးမှပေါ်ပေါက်လာတဲ့ ကျောင်းသားသမဂ္ဂရဲ့ စည်းရုံးရေးမှူးတစ်ဦး၊ ကျောင်းသားခေါင်းဆောင် တစ်ဦးဖြစ်နေတော့ ‘‘ သခင်အောင်ဆန်း ” တို့နဲ့အတူ လက်တွဲပြီး လွတ်လပ်ရေးအတွက်ကြိုးပမ်းခဲ့တဲ့ ကျောင်းသားခေါင်းဆောင်တစ်ဦးကို စော်ကားခဲ့တာကိုတော့ အစ်ကိုကိုယ်တိုင်ပဲ သတိပေးသင့်တာပါ။ ဦးရာရှစ် ဘယ်သူလဲဆိုတာ ကြည့်ရအောင်။

ဦးရာရှစ်ကို ၁၉၁၂ ခုနှစ် အိန္ဒိယမှာမွေးခဲ့ပေမယ့် ၃ နှစ်သား အရွယ်မှာ မြန်မာပြည်ကိုရောက်ခဲ့ပါတယ်။ ရန်ကုန်မြို့ Randaria အထက်တန်းကျောင်းမှာ ပညာသင်ကြားခဲ့ပြီး ရန်ကုန်တက္ကသိုလ်မှာ ၀ိဇ္ဇာသိပ္ပံဘွဲ့နဲ့ ဥပဒေဘွဲ့များ ရရှိခဲ့ပါတယ်။ ဗမာ့အမျိုးသားရေး လှုပ်ရှားမှု၊ ယခင်လှုပ်ရှားမှုတွေမှာ အစ ကနဦးကတည်းက ပါဝင်ခဲ့ပြီး၊ ရန်ကုန်တက္ကသိုလ်ကျောင်းသား လှုပ်ရှားမှုမှာ တက်ကြွစွာပါဝင်ခဲ့တယ်။ ၁၉၃၁ ခုနှစ် ရန်ကုန်တက္ကသိုလ်ကျောင်းသားသမဂ္ဂရဲ့ အထွေထွေ အတွင်းရေးမှူးချုပ်၊ ၁၉၃၅-၃၆ မှာ ဒုတိယဥက္ကဌ၊ ၁၉၃၆-၃၇ မှာ တကသရဲ့ဥက္ကဌအဖြစ် ရွေးကောက်တင်မြှောက်ခံရတယ်။ ၁၉၃၆ ခုနှစ်မှာဖွဲ့စည်းခဲ့တဲ့ မြန်မာနိုင်ငံလုံးဆိုင်ရာ ကျောင်းသားသမဂ္ဂရဲ့ ပထမဦးဆုံးဥက္ကဌ ဖြစ်ခဲ့တယ်။ ပထမဆုံး တကသ ကိုယ်စားလှယ်ကောင်စီလူကြီးအဖြစ် တာဝန်ယူခဲ့တယ်။ ဗိ်ုလ်အောင်ကျော် ကျဆုံးခဲ့တဲ့အမှုမှာလည်း ကျောင်းသားများဖက်က ရှေ့နေလိုက်ခဲ့သူ ၀တ်လုံတော်ရ တစ်ဦးလည်းဖြစ်ခဲ့တယ်။

ဒုတိယကမ္ဘာစစ်ဖြစ်ပွားခဲ့ချိန် မိဘများနဲ့အတူ နိုင်ငံခြားမှာနေထိုင်ရာက တိုင်းပြည်ထူထောင်ရေး အတွက် ဗိုလ်ချုပ်အောင်ဆန်းက ပြန်လာခဲ့ပါလို့ခေါ်လို့ သခင်အောင်ဆန်းနဲ့အတူ တိုင်းပြည်အရေး ကိစ္စတွေမှာ တစိုက်မတ်မတ်ကြိုးပမ်းခဲ့ပြန်ပါတယ်။ ၀န်ကြီးချုပ်ဦးနုက ဦးရာရှစ်ကို ကက်ဘိနက်မှာ ပါဝင်စေခဲ့ပြီး၊ ၁၉၅၄ မှာ သတ္ထုတွင်းဝန်ကြီး၊ ၁၉၆၀ ပြည့်နှစ်မှာ စီးပွားရေးနဲ့စက်မှုဝန်ကြီးအဖြစ် တာဝန်ယူစေခဲ့တယ်။ ၁၉၆၂ ဦးနေ၀င်း အာဏာသိမ်းအပြီး ထိန်းသိမ်းခံခဲ့ရတယ်။ အကြိမ်ကြိမ် အဖမ်းခံခဲ့ရပြီး ဦးနေ၀င်းရဲ့ မြန်မာ့ဆိုရှယ်လစ်လမ်းစဉ်ကြီးနဲ့ သဘောထားမတိုက်ဆိုင်လို့ ၁၉၇၄ ဒီဇင်ဘာလမှာ ပါကစ္စတန်ကို အပြီးထွက်ခွာသွားခဲ့ပါတယ်။

ကိုမိုးဟိန်း …… ရေ

ဒီလိုတိုင်းပြည်အတွက် ပေးဆပ်ပေးအပ်သူကို တပ်ထွက်ဝန်ကြီးမင်းတစ်ပါးက ‘‘ လိုအပ်ရင် လူမျိုးခြားတွေကို အသုံးပြုရတယ် ” ဆိုသတဲ့။ သူပြောတာကိုတော့ စိတ်မနာပါဘူးဗျာ။ သူတို့က မလိုအပ်ဘူးဆိုရင် ‘‘ သံဃာတော် ” တွေကိုတောင် ချနင်းခဲ့တာပါ။ ဒါပေမယ့် ဒီမိုကရေစီတိုက်ပွဲဝင်ခဲ့ကြတဲ့ ကျွန်တော်တို့ရဲ့ ညီအစ်ကိုကျောင်းတော်သား ဆောင်းပါးရှင်တွေက ပြည်ပြေးတွေ၊ အိန္ဒိယ/ဘင်္ဂါလီတွေ လို့ နှိမ့်ချပြီး စော်ကားတာကိုတော့ ရင်နာစရာပါ။ ဇာတ်တူသားစားတဲ့သူတွေတိုင်း ဇာတ်သိမ်းမကောင်းကြဘူး ဆိုတာ အတိတ်ရာဇ၀င်သမိုင်းမှာ ရှိခဲ့တယ်နော်။ အစ်ကိုကိုယ်တိုင်ပဲ သူတို့ကိုပြောပြစေချင်တာပါ။ အကယ်၍များ M.A ရာရှစ်က အစ္စလာမ်ဘာသာဝင်တစ်ယောက်ဖြစ်လို့ ဒီလိုခေါ်ဝေါ်သမုတ်တယ်ဆိုရင် ဒီလိုလူတွေမှာ အစ္စလာမ်အကြောက်အမုန်းရောဂါ Islamophobia စွဲကပ်နေပြီဗျို့။

သူရိယနေ၀န်းရဲ့ CEO (အမှုဆောင်အရာရှိချုပ်) တစ်ဦးထံကို မေတ္တာရပ်ခံလိုတာက ….

– ခရိုနီတွေကို အမြစ်ဖြုတ်ချင်တယ်ဆိုရင် ရွေးတွယ်နေလို့ကတော့ မဖြစ်နိုင်သေးပါဘူး။ – အိမ်နီးချင်းနိုင်ငံတွေကိုလည်း အကောင်းမြင်ဝါဒလေးနဲ့ ကြည့်ပေးပါ။ – တရုတ်၊ ဘင်္ဂါလီ လူမျိုးရေး မုန်းတီးမှုဝါဒကြီးကို အသက်မသွင်းပါနဲ့။ – ပြီးခဲ့တဲ့ အနာဟောင်းတွေကို မတူးဆွပါနဲ့၊ ပဋိပက္ခတွေ ထပ်မံ မဖြစ်ပွားစေပါနဲ့။ – တိုင်းပြည်အတွက် သစ္စာရှိခဲ့တဲ့ ကျောင်းသားခေါင်းဆောင်တွေကို ဂုဏ်မပေးချင်နေပါ၊ မစော်ကားပါနဲ့။ –

အများသည်းခြေကြိုက်ရေးနိုင်တဲ့၊ ဈေးကွက်အလိုက် နေ့တွက်ကိုက်မယ့် အရေးအသားမျိုးနဲ့ ဆောင်းပါးတွေကို အသုံးမပြုသင့်ပါ။ စာဖတ်အားကောင်းပြီး သမိုင်းအမှန်သိသူ ဆောင်းပါးရှင်တွေကိုသာ အသုံးပြုသင့်ပါတယ်။ မီဒီယာသမားတွေဟာ စစ်မေးခြင်းဆိုင်ရာ အနုပညာနဲ့ တင်ပြခြင်းဆိုင်ရာအနုပညာတွေကို နားလည်ဖို့ ဥပဒေတွေကို လေ့လာရပါတယ်။

ဒီအချက်တွေကို အကြံပြုရင်းနဲ့ ..

ခိုင်မာသောရပ်တည်ချက်ဖြင့် သတင်းပညာတို့ကို တင်ဆက်ရင်း နှစ်ဆယ့်တစ်ရာစုရဲ့ ‘‘ ဒီမိုကရေစီ လူမှုဘ၀သစ် ” ကြီးကို တည်ဆောက်ကြပါစို့လို့ တိုက်တွန်းလိုက်ရပါတယ်။

ဒီလိုမှ မဟုတ်ရင်တော့

ကိုယ်ရွာချလိုက်တဲ့ ‘‘ ပေါက္ခရ၀သ မိုးရေတွေထဲမှာ ” ကိုယ်တိုင် နစ်မြုပ်ပျောက်ကွယ်သွားမယ့် အဖြစ်မျိုး မကြုံစေချင်လို့ပါ။

‘‘ သူရိယနေ၀န်း ” ထာဝစဉ် တောက်ပထွန်းလင်းပါစေ။

ကျော်နေမင်း (မြို့ပြ)

June 7, 2014
စည်သူအောင်မြင့် – ဘင်္ဂလားဒေ့ရှ် နယ်စပ်အရေး မြှောက်မပေးကြပါနဲ့

ဇွန် ၄ ၊ ၂၀၁၄
မဇ္ဈိမ
ဆောင်းပါးရှင်-စည်သူအောင်မြင့်

ခုရက်ပိုင်း သတင်းတွေမှာ ဖုံးလွှမ်းနေတာက ဘင်္ဂလားဒေ့ရ်ှနယ်စပ်ပြဿနာ အရေးအခင်းပါ။ အများစုသတင်းတွေကလည်း ရဲရဲတောက်မျိုးချစ်စိတ်တွေနဲ့ရေးတဲ့ သတင်းတွေပါ။ မသိရင်ဘဲ ဘင်္ဂလားဒေ့ရ်ှဘက်က တပ်တွေ အလုံးအရင်းနဲ့ နယ်စပ်မှာ လာချထား၊ မြန်မာဘက်ကလည်း တပ်တွေပို့၊ ရေတပ်က စစ်ရေးလေ့ကျင့် မနက်ြဖန် သန်ဘက်ခါပဲ နှစ်နိုင်ငံ စစ်ပွဲကြီးထဖြစ်တော့မလို ရေးကြ၊ သားကြပါတယ်။အနောက်ဘက် တံခါးကြီး ဘာဖြစ်တော့မယ် ညာဖြစ်တော့မယ် ဆိုကြပါတယ်။ တကယ် ဘာတွေ ဖြစ်နေသလဲ၊ ပြဿနာအတိုင်းအတာ ဘယ်လောက်ကြီးမားလဲ၊ ဒါဟာ စိတ်ပူစရာကောင်း သလားဆိုတာ ဆွေးနွေးတင်ပြသွားပါ့မယ်။

အခုနောက်ဆုံးဖြစ်တဲ့ ပြဿနာက ဘင်္ဂလားဒေ့ရ်ှဘက်ကနေ မြန်မာနိုင်ငံ နယ်နိမိတ်ထဲ ကျွံဝင်လာတဲ့ ယူနီဖောင်းဝတ် လက်နက်ကိုင် နှစ်ယောက်ကို မြန်မာတပ်ဖွဲ့တွေက ပစ်ခတ်လို့ တစ်ယောက်သေပြီး လက်နက်ပါ ကျန်ရစ်တဲ့ကိစ္စပါ။ သေဆုံးသူဟာ ရိုဟင်ဂျာ လက်နက်ကိုင်ဖြစ်နိုင်တယ်ဆိုပြီး မြန်မာဘက်က ယူဆပါတယ်။ နောက်တော့ ဘင်္ဂလားဒေ့ရှ် နယ်ခြားစောင့်တပ်က တပ်သားနှစ်ယောက် ပျောက်နေတယ်ဆိုပြီး သိလာရပါတယ်။ နောက်ဆုံး ဘင်္ဂလားဒေ့ရှ် နယ်ခြားစောင့်တပ်ကို အလောင်းလွှဲပြောင်းပေးတဲ့အခါ သူတို့ တပ်ဖွဲ့ဝင် အလောင်းဖြစ်တယ်ဆိုတာ အတည်ပြုပါတယ်။ ဒီလိုနဲ့ နှစ်နိုင်ငံ လုံခြုံရေးတပ်ဖွဲ့ မှားယွင်းမှုဖြစ်စဉ် ငြိမ်းငြိမ်းချမ်းချမ်း ဖြေရှင်းလို့ ပြီးသွားပါတယ်။ သိပ်မကြာခင် ရက်ပိုင်းအတွင်း နှစ်ဖက် နယ်စပ် တာဝန်ရှိသူတွေ နယ်ခြားကိစ္စ တွေ့ဆုံဆွေးနွေးကြပါဦးမယ်။

ရှေ့ပိုင်းဖြစ်ခဲ့တဲ့ ပြဿနာတစ်ခုမှာတော့ မြန်မာဘက်က နယ်ခြားစောင့် ရဲတပ်ဖွဲ့ဝင်လေးယောက် ကျဆုံးတဲ့ ပစ်ခတ်မှုဖြစ်ခဲ့ပါတယ်။ အဲဒီတိုက်ပွဲနဲ့ ပတ်သက်ပြီးတော့လည်း RSO ဖြစ်တယ်၊ ဘင်္ဂလားဒေ့ရ်ှနိုင်ငံထဲ ခြေကုပ်ယူပြီး မြန်မာဘက် ၀င်တိုက်တယ် စသဖြင့် အမျိုးမျိုး ပြောကြဆိုကြတာ ရှိပါတယ်။ ဒါနဲ့ပတ်သက်လို့ တိုက်ပွဲမှာ ဒဏ်ရာရပြီး အသက်မသေ ကျန်ရစ်သူ ရဲဝန်ထမ်းတစ်ယောက် ကိုယ်တိုင် ပြန်ပြောတာက တစ်ဖက်က ရန်သူဟာ RSO ဖြစ်သလား၊ ဘာအဖွဲ့လဲဆိုတာ သိဖို့ ဝေးလို့ဘယ်လို ယူနီဖောင်းမျိုး ၀တ်ထားတယ် ဆိုတာတောင် မမြင်လိုက်ရဘူးလို့ ဆိုပါတယ်။ ပြောရရင် ပထမအရေးကြီး တစ်ချက်က သက်သေအထောက်အထား ခိုင်ခိုင်လုံလုံမရှိဘဲ ဟိုအဖွဲ့ဒီအဖွဲ့ ပြောလို့မရနိုင်ဘူး ဆိုတာပါ။

ဘယ်လိုပဲဖြစ်ဖြစ် တချို့သော လက်နက်ကိုင် အင်အားစုအသေးလေးတွေဟာ ဘင်္ဂလားဒေ့ရ်ှဘက်အခြမ်းမှာ ခိုလှုံပြီး အရင်ကလည်း မြန်မာနယ်နိမိတ်ဘက် ၀င်တိုက်တာတွေ ရှိတယ်၊ ချောင်းမြောင်း လုပ်ကြံတာ ရှိတယ်၊ ခုလည်း ဒီလို ပြဿနာတွေ ရှိနေတယ်။ ဒါပေမဲ့ ဒါဟာ စိုးရိမ်ရလောက်တဲ့ ပြဿနာမဟုတ်၊ အရေးအကြီးဆုံးအချက်က မြန်မာနိုင်ငံဘက်အခြမ်းမှာ လုံးဝခြေကုပ်ရယူထားနိုင်ခြင်း မရှိသလို မြန်မာ့စစ်တပ်ကိုလည်း အံတုနိုင်တဲ့ အခြေအနေ လုံးဝရှိမနေဘူး ဆိုတာပါပဲ။ ဒါက မြန်မာစစ်တပ်ဘက်က အဆင့်မြင့် အရာရှိ တစ်ယောက် ကိုယ်တိုင်ပြောတာပါ။

အခြားတစ်ဖက်ကဆိုရင်လည်း ဘင်္ဂလားဒေ့ရှ် အစိုးရကရော စစ်တပ်ကပါ ဘယ်လို လက်နက်ကိုင်အင်အားစုကိုမှ သူ့နိုင်ငံထဲ ခြေကုပ်ယူပြီး မြန်မာနိုင်ငံဘက် တိုက်ခိုက်တာ ခွင့်ပြုမှာ မဟုတ်ဘူးလို့ ထပ်ခါတလဲ ပြောဆိုခဲ့ဖူးပါတယ်။ အခု နောက်ဆုံးမှာလည်း အဲဒီကတိစကား ပြောပါတယ်။ ဒီအတွက် ခုလိုပဲ တိုက်ပွဲ တွေဖြစ်ရင်၊ သောင်းကျန်းသူလို့ ထင်ရတဲ့ အလောင်းတွေကိုသာရခဲ့ရင် ဘင်္ဂလားဒေ့ရှ် အစိုးရကိုရော၊ စစ်တပ်ကိုပါ မြန်မာဘက်က ကောင်းကောင်း အရေးဆိုနိုင်ပါတယ်။

လက်ရှိ ဘင်္ဂလားဒေ့ရှ် နယ်စပ်ဘက်မှာ ဖြစ်နေတာနဲ့ နှိုင်းယှဉ်ကြည့်နိုင်အောင် အရှေ့ဘက်နယ်စပ်ကို ကြည့်လိုက်စေချင်ပါတယ်။ ထိုင်းနယ်စပ်မှာဆိုရင် မြောက်ဖျားကနေ တောင်ဖျားအထိ လက်နက်ကိုင် တိုင်းရင်းသားတပ်ဖွဲ့တွေ တန်းစီ နေရာယူထားကြ ပါတယ်။ နှစ်ပေါင်း များစွာကြာ အောင်အိမ်ကြက်ချင်း အိုးမည်းသုတ်ခွပ်သလို ဖြစ်နေတဲ့ အနေအထားအောက်မှာ လက်ခုပ်လက်ဝါးတီး အားပေးအားမြှောက် ပြုရင်း မြန်မာ့ သစ်တောနဲ့ သတ္တသယံဇာတတွေ ထုတ်ယူပါတယ်။ တရားမ၀င် ကုန်သွယ်မှုတွေ လုပ်ပါတယ်။ တိုင်းရင်းသား တပ်ဖွဲ့တွေ ကိုင်တဲ့ လက်နက်တွေအားလုံး ထိုင်းနိုင်ငံဘက်အခြမ်းက လာပါတယ်။ ကာလတချို့မှာ တိုင်းရင်းသားတပ်ဖွဲ့တွေဟာ လက်နက်ခဲယမ်း အပြည့်အစုံနဲ့ ထိုင်းနိုင်ငံနယ်မြေ ကားလမ်းတွေ အသုံးပြုပြီး တပ်တွေ ရွှေ့ပြောင်းနိုင်ခဲ့ကြပါတယ်။

တရုတ်နယ်စပ်ကရော ဘာထူးပါသလဲ။ ပိုတောင် ဆိုးတာတွေ့ကြရမှာပါ။ ၁၉၆၈ ဇန်န၀ါရီ ၁ ရက်မှာ ဗမာပြည် ကွန်မြူနစ်ပါတီ ဗကပ အလံထောင်ပြီး ဗမာပြည်သား နည်းနည်း၊ တရုတ်ဘော်လံတီယာများများဟာ တရုတ်စစ်အကြံပေးတွေ ဦးစီးပြီး တရုတ်လက်နက်ခဲယမ်း မီးကျောက် အပြည့်အစုံနဲ့ တိုက်ပွဲကြီးတွေ ဆင်နွှဲခဲ့ပါတယ်။ လက်ရှိ “၀”နယ်၊ ၈၁၅ လို့ခေါ်တဲ့ ရှမ်းအထူးဒေသ(၄) မိုင်းလား နယ်မြေတွေဟာ အဲဒီပြဿနာရဲ့ ရလဒ်တွေပါပဲ။ ကိုးကန့် နယ်မြေကိုတော့ မြန်မာစစ်တပ် ပြန်သိမ်း လိုက်လို့ မရှိတော့ပါဘူး။

လက်ရှိအစိုးရတပ်နဲ့ ကေအိုင်အေ ကချင်ပြည်လွတ်လပ်ရေးတပ်မတော် တိုက်ပွဲတွေမှာဆိုရင်လည်း ကေအိုင်အေဘက်က အသုံးပြုတဲ့ စစ်လက်နက်ခဲယမ်း အများစုဟာ တရုတ်ပြည်ဘက်က ၀ယ်ယူရတာတွေပါ။ အဲလောက်ဆို ဘင်္ဂလားဒေ့ရှ်၊ ထိုင်း၊ တရုတ် စတဲ့ အိမ်နီးချင်းနိုင်ငံတွေရဲ့ မြန်မာနိုင်ငံအပေါ်သဘောထား နားလည်နိုင်ပါပြီ။

တကယ်တော့ မြန်မာနိုင်ငံမှာ လိုအပ်နေတာ ကိုယ့်အမျိုးသားချင်း ကိုယ့်တိုင်းရင်းသားအချင်းချင်း စည်းလုံးညီညွတ်ရေးပါ။ ကိုယ့်နိုင်ငံသားချင်း၊ ကိုယ့်နိုင်ငံထဲ အတူနေထိုင်ကြသူ အချင်းချင်းသင့်တင့် အေးချမ်းအောင်နေရေးပါ။ ဒါတွေ မတည်ဆောက်ထားနိုင်ရင် အိမ်နီးချင်းတွေကလည်း လေးစားမှာ မဟုတ်ပါဘူး။ အိမ်ကြက်ချင်းခွပ်နေကြတာကို ဘေးတီး မြှောက်ပင့်ပေးပြီး အင်အားချိနဲ့နေတာကို သဘောကျနေကြမှာ ပါပဲ။

ဘင်္ဂလားဒေ့ရ်ှနယ်စပ် ကိစ္စ ပြန်ကောက်ရရင် ပြီးခဲ့တဲ့နှစ်နှစ် ရခိုင်ပြည်နယ်မှာ အလွန်ဆိုးရွားတဲ့ ဘာသာရေး လူမျိုးရေးဆန်တဲ့ ပဋိပက္ခကြီး ဖြစ်ပွားခဲ့ရတာဟာ ဘင်္ဂလားဒေ့ရ်ှအစိုးရ မြှောက်ပေးလို့ မဟုတ်ပါဘူး။ ပြဿနာတွေတက် မီးတွေလောင်ကြတော့လည်း ဘင်္ဂလားဒေ့ရှ် အစိုးရမီးလောင်ရာလေပင့် မလုပ်ခဲ့ပါဘူး။ ဘယ်လိုပဲဖြစ်ဖြစ် ကိုယ့်အိမ်နီးချင်း နိုင်ငံအချင်းချင်း ချစ်ချစ်ခင်ခင် ရင်းရင်းနှီးနှီး ရှိအောင်ပဲ ကြိုးစားသင့်ပါ တယ်။ ဒီအတွက် အနောက်တံခါးကြီး ဘာဖြစ်တော့မယ် ညာဖြစ်တော့မယ်၊ ဒီနေ့ နက်ဖြန် ဘင်္ဂလားဒေ့ရှ် နဲ့ပဲ စစ်ဖြစ်ရတော့မယ်ဆိုတဲ့ မဟုတ်မမှန် လုပ်ကြံရေးသားဖော်ပြ၊ သွေးထိုး မြှောက်ပင့် ပေးနေကြ၊ မြန်မာ့နိုင်ငံရေး လမ်းလွဲအောင် လုပ်နေကြတာကို မယုံကြည်ကြဖို့ တိုက်တွန်း နှိုးဆော်လိုက်ရပါတယ်။

Link =>http://www.mizzimaburmese.com/2013-10-20-17-18-22/2013-10-20-16-34-60/item/22529-2014-06-04-01-58-07

ဓါတ်ပုံအညွှန်း- ဆိုရှယ်မီဒီယာတွေ ဘင်္ဂလားဒေရှ် နှင့် ဖြစ်ပွားခဲ့သည့် ကိစ္စအား မဟုတ်မမှန် သွေးထိုးလှုံဆော်ရေးသားခဲ့မှုများ
(အဆိုပါ အကောင့်များသည့် ဒေါ်အောင်ဆန်းစုကြည် ဆန့်ကျင်ရေး ၊၊ သမ္မတဦးသိန်းစိန်ထောက်ခံသည့် ရေးသားမှုများ၊ မွတ်စလင် မုန်းတီး ဆန်ကျင်ရေး လှုံဆော်မှုများကို အွန်လိုင်းစာမျက်နှာထပ်တွင် နှစ်နဲ့ ချီလုပ်ဆောင်နေသူများဖြစ်ကြောင်း လေ့လာတွေ့ရှိရပါသည်။ )

June 4, 2014