Category: သုတ၊ရသနှင့်အထွေထွေ

နိုဝင်ဘာ ၁ ၊ ၂၀၁၅
M-Media

ကာလရှည်အညှဉ်းဆဲခံ လူမျိုးစုတစ်ရပ်မှာ “တစ်အုံတစ်ကျင်းအစဖျောက်ခံရမှု” ထဲသို့ စတင်ခြေလှမ်းကျွံနေပြီဟု ကျွမ်းကျင်သူများက အစိုးရ၏ကြံရာပါ အထောက်အထားသစ်တို့ကို ရည်ညွှန်း၍ ဆိုကြသည်။

အမေရိကန်ဦးဆောင်သည့် စီးပွားရေးပိတ်ဆို့မှုများကို လှည့်ပြောင်းလျှော့ချခြင်းနှင့်အတူ နိုင်ငံတကာမှ အားပေး ကူညီထားသည့် နိုင်ငံ့ရွေးကောက်ပွဲများသည် လာမည့်လအစောပိုင်းတွင် စတင်ကျင်းပတော့မည်ဖြစ်သည်။ သို့တိုင် မြန်မာနိုင်ငံရှိ လူ တစ်သန်းကျော်မှာ နိုင်ငံတော်မှ ကျားကန်ပေးသော Genocide စီမံချက်နှင့် ရင်ဆိုင်နေရကြောင်း အစီရင်ခံစာသစ်တစ်ခုအရ သိရပေသည်။

အရှေ့တောင်အာရှမှ စစ်တပ်ကြီးစိုး မြန်မာနိုင်ငံရှိ ရိုဟင်ဂျာ မွတ်စ်လင်မ်လူ့အဖွဲ့အစည်းသည် အကွက်ချ ညှင်းပန်းနှိပ်စက်ခြင်း၊ နိုင်ငံသား အဖြစ်မှ အပြီးတိုင်ဖယ်ထုတ်ခြင်းတို့ကို ခံထားရပြီးဖြစ်သည်။ ရံဖန်ရံခါ လူများစု ဗုဒ္ဓဘာသာဝင် လူ့အဖွဲ့အစည်းမှ သြဇာကြီး အကြမ်းဖက် အုပ်စုများ၊ အစိုးရ အာဏာပိုင်များ၏ သားကောင်ဘ၀သို့လည်း မကြာခဏဆိုသလို ကျရောက်လျက်ရှိသည်။ အဆိုပါ အဆင့်မှသည် ယခုသော် လုံးဝ လက်စဖျောက်တော့မည့် အနေအထားသို့ ဆိုက်ရောက် သွားနိုင်ချေရှိကြောင်း လန်ဒန်ရှိ Queen Mary တက္ကသိုလ်မှ အပြည်ပြည်ဆိုင်ရာ နိုင်ငံတော် အဆင့်ပြစ်မှုလေ့လာ အကဲဖြတ်အဖွဲ့ International State Crime Initiative (ISCI) ၏ အထူးလေ့လာချက်၌ ဖော်ပြလိုက်သည်။

၎င်းလေ့လာချက် အစီရင်ခံစာ၌ “ရိုဟင်ဂျာများသည် Genocide အစီအမံ၏နောက်ဆုံးအဆင့်ကို ရင်ဆိုင်နေရသည်” ဟု ကောက်ချက်ချထား၏။

ISCI သည် ထင်ရှားကျော်ကြားလှသည့် Genocide  ကျွမ်းကျင်သူ Daniel Feierstein ပြုစုရေးသားထားသော Genocide as Social Practice(2014) စာအုပ်မှ Genocide အဆင့်ခြောက်ဆင့်အပေါ်အခြေပြု၍ မြန်မာ့အရေးကို ထွင်းဖောက်ထောက်ပြထားခဲ့သည်။ လူမျိုးစုဖယ်ရှား ရှင်းလင်းရေး၌ နှစ်ဖက် ပါဝင် ပတ်သက်နေသူတို့နှင့် တွေ့ဆုံမေးမြန်းမှုများ၊ မီဒီယာသတင်းနှင့် အစိုးရ စာရွက်စာတမ်းပေါက်ကြားမှုများအားဖြင့် အစီရင်ခံစာက ရိုဟင်ဂျာတို့မှာ Genocide သတ်မှတ်ချက်၏ ပထမအဆင့်လေးဆင့် အထိ ဖြတ်သန်းခဲ့ရပြီးဖြစ်ကြောင်း ရေတွက်ထောက်ပြထားသည်။ ထိုအဆင့်လေးဆင့်မှာ တန်ဖိုးမဲ့အောင်ပြု၍ သိက္ခာချခြင်းနှင့် လူရာ မသွင်းခြင်း၊ အစဉ်တစိုက် ဒုက္ခပေးခြင်း၊ အကြမ်းဖက်တိုက်ခိုက်သတ်ဖြတ်ခြင်း၊ လူ့အသိုင်းအ၀ိုင်းမှဖယ်ကြဉ်ခြင်းနှင့် ထီးတည်း ကန့်သတ်ခွဲထားခြင်း တို့ဖြစ်သည်။ ပဉ္စမအဆင့်သည် အားပျော့ချည့်နဲ့သွားအောင် အကွက်ချလုပ်ဆောင်မှုဖြစ်ပြီး (ထိုအဆင့်သို့ရောက်လျှင်) တစ်အုံတစ်ကျင်း အစဖျောက်မှုသို့ ခြေလှမ်းကျွံဝင်ပြီဟု ဆိုနိုင်ပေသည်။ နောက်ဆုံးအဆင့်တွင် အပါဝင်တစ်ခုဖြစ်သော “ဓားစားခံ အုပ်စုကို သမိုင်းကြောင်းမှ ဖယ်ရှားပစ်ခြင်း” အချက်ကိုလည်း သက်ဆိုင်ရာကဏ္ဍ အလျောက် တွေ့မြင်နေရကြောင်း အစီရင်ခံစာက ဖော်ပြသည်။

၁၉၈၂ ခုနှစ်တွင် တိုင်းရင်းသားလူမျိုး ၁၃၅ မျိုးသာရှိသည်ဟု တစ်ဖက်သတ် တရားဝင်သတ်မှတ်ခဲ့ချိန်မှစ၍ ရိုဟင်ဂျာတို့သည် ခွဲခြား ဆက်ဆံခြင်းနှင့် လူ့အခွင့်အရေး ချိုးဖောက်ခြင်းများကို ဆယ်စုနှစ်များစွာ ခံစားလာခဲ့ရသည်။ လက်ရှိ၌ အဆိုးဆုံး အခြေအနေသို့ ရောက်နေသည်။ ရိုဟင်ဂျာများသည် မျိုးဆက် အလီလီ မြန်မာနိုင်ငံတွင် နေထိုင်လာခဲ့သော်ငြား မြန်မာအစိုးရက သူတို့ကို အိမ်နီးချင်း ဘင်္ဂလားဒေ့ရ်ှမှ ကျူးကျော် ၀င်ရောက်လာသူများအဖြစ် သတ်မှတ်ထားသည့်အပြင် ဘင်္ဂါလီ ဟူသောအသုံးအနှုန်းမှအပ သူတို့၏ ကိုယ်ပိုင်(လူမျိုးစု)အမည်နာမ (ရိုဟင်ဂျာ)ကိုပင် အသိအမှတ် မပြုချေ။

၂၀၁၂ ခုနှစ်တွင် ဗုဒ္ဓဘာသာဝင် အမျိုးသမီးတစ်ဦး မုဒိန်းကျင့်ခံရသည့်သတင်းထွက်လာပြီးနောက် ဘာသာရေးတင်းမာမှုမြင့်မားခြင်းမှ တဆင့် ဇွန်နှင့်အောက်တိုဘာ ပင်မ အကြမ်းဖက်လှိုင်းကြီး နှစ်ခု ပေါက်ကွဲပွင့်အံလာခဲ့သည်။ ၎င်း၌ ရာပေါင်းများစွာ အသတ်ဖြတ်ခံရပြီး အဓိကအားဖြင့် မွတ်စ်လင်မ်များ ဖြစ်ကြသည်။ ထိုပဋိပက္ခကို မြန်မာအစိုးရက အမြင်ကောင်းအောင် ဖာထေးခဲ့သော်ငြား ISCI အစီရင်ခံစာမှာတော့ ယင်းတိုက်ခိုက်မှုများသည် ဒေသခံအာဏာပိုင်တို့၏ တင်ကူးကြံစည်မှုနှင့်စီမံမှု ဟူသည်ကို မငြင်းနိုင်သော အထောက်အထားများဖြင့် တင်ပြထား၏။

လက်ရောက် ကျူးလွန်သူအချို့မှာ အထောက်အထားမခိုင်မာ ဆိုသည့်အကြောင်းပြချက်ဖြင့် အရေးယူခြင်း မခံကြရ။ ထိုသူတို့နှင့် တွေ့ဆုံမေးမြန်းမှုပြုခဲ့ရာ – သူတို့ကို ရခိုင်ပြည်နယ်မြို့တော် စစ်တွေသို့ အနီးအနားရွာများမှတဆင့် ကားကြီးများဖြင့် သယ်ဆောင် သွားကြောင်း၊ နေ့စဉ် ထမင်း နှစ်နပ် ကျွေးမွေးကြောင်း၊ “မွတ်စ်လင်မ်တို့အား တိုက်ခိုက်မှု၌ ပါဝင်ရန်မှာ ရခိုင်လူမျိုး၏ တာဝန်ဖြစ်သည်”ဟု ပြောဆိုမှာကြားကြောင်း ပေါ်လွင်သွားခဲ့သည်။

ခိုင်မာအားကောင်းသည့် ထောက်ပြချက်များလည်း ရှိပါသေးသည်။ အစိုးရသည် တစ်ပတ်နီးပါး အရှိန်မလျှော့ အကြမ်းဖက်ရန် ခွင့်ပြုပေးခဲ့သည်သာမက ရဲ၊ စစ်တပ်နှင့် အခြားလုံခြုံရေးတပ်သားများကိုယ်တိုင် အကြမ်းဖက်မှုအတွင်း ပါဝင်စေခဲ့ကြောင်း အစီရင်ခံစာက ဆိုသည်။

ထိုအချိန်ကာလမှစတင်ကာ ရိုဟင်ဂျာပေါင်း တစ်သိန်းလေးသောင်းနီးပါးသည် စစ်တွေမြို့ပြင်ရှိ ကျဉ်းကြပ်ညစ်ပတ်သော စခန်းများထံ ခွဲခြားပို့ဆောင်ခံရသည်။ လုံခြုံရေးတပ်ဖွဲ့များမှ တင်းကြပ်စွာ စောင့်ကြပ်ထားပြီး ပြင်ပထွက်ခွင့်ကို တားဆီးထားသည်။ စစ်တွေမျြိ့တွင်း မွတ်စ်လင်မ်ရပ်ကွက်ထဲ ကျန်ရစ်နေထိုင်နေသော ရိုဟင်ဂျာ ၄၅၀၀ ဦးသည်လည်း အလားတူ သွားလာခွင့် ကန့်သတ်ခံထားရသည်။ လူဦးရေ ၈ သောင်းဝန်းကျင်ရှိ ရိုဟင်ဂျာအများစုမှာ ရခိုင်ပြည်နယ်မြောက်ပိုင်း အခြားမြို့နယ်နှစ်ခု၌ ပျံ့နှံ့နေပြီး စစ်တပ်မှ ၎င်းတို့အား ပြင်ပလောကနှင့် အဆက်အသွယ် ဖြတ်တောက်ထားသည်။

နိုင်ငံတကာ ကယ်ဆယ်ကူညီရေးအဖွဲ့အစည်းများမှ ရိုဟင်ဂျာများအတွက် စားနပ်ရိက္ခာကို ထောက်ပံ့ပေးပို့ခဲ့ကြသည်။ သို့သော် ရိုဟင်ဂျာဒုက္ခသည် စခန်းများသို့ မည်သည့်အခါမျှ အပြည့်အ၀ မရောက်ရှိခဲ့။ ထို့ပြင် လုံလောက်သော ကျန်းမာရေးစောင့်ရှောက်မှု ရရှိရေးကိုလည်း ငြင်းပယ်ခံရသဖြင့် ၎င်းသူတို့မှာ အာဟာရ ချို့တဲ့ခြင်းနှင့် ရောဂါဖြစ်ပွားခြင်း စစ်တလင်းထဲ တွန်းပို့ ခံရသည့်နှယ် ဖြစ်နေသည်။ ယင်းသို့ ဘက်စုံခွဲခြား ဆက်ဆံရေး အစီအမံများကြောင့် ဒုက္ခသည်စခန်းရှိလူများသည် ပညာသင်ခွင့်နှင့် သက်မွေးဝမ်းကျောင်းခွင့်ကိုလည်း တားဆီးခံ ထားရပါသည်။

“ရိုဟင်ဂျာတွေ ကြုံဆုံနေရတဲ့ ကျူးလွန်စော်ကားချက် အဆင့်နဲ့အတိုင်းအတာတွေလိုမျိုး အရှေ့တောင်အာရှတစ်ခွင်မှာ ကျွန်တော်တို့ မတွေ့ဖူးသေးပါဘူး။ ရိုဟင်ဂျာတွေကို မျိုးပြုန်းဖြိုလဲမှုပြစ်မှုအတွက် တစ်စုံတစ်ယောက်က မျိုးဖြုတ်တဲ့ အလုပ်မလုပ်ဖို့ တာဝန်ခံရပါလိမ့်မယ်။ သူတို့ (ဗမာအာဏာပိုင်များ)ဟာ လူတစ်သန်းကျော် ပျက်စီးသွားစေမယ့် ဘ၀ပုံဟန်ကို ဖန်တီးနေကြပါတယ်” ဟု ဘန်ကောက်အခြေစိုက် Fortify Rights လူ့အခွင့်အရေးအဖွဲ့အစည်းထူထောင်သူနှင့် အမှုဆောင်ဒါရိုက်တာ မက်သယူးစမစ် Matthew Smith က TIME သို့ ပြောပြသည်။ ထိုအဖွဲ့သည် မြန်မာနိုင်ငံရှိ လူ့အခွင့်အရေးချိုးဖောက်မှုများကို လေ့လာ စုဆောင်းနေပြီး နိုင်ငံတော် အဆင့် လူမျိုးစုရှင်းလင်းရေး အစီအမံများဟု ယုံကြည်စရာ ခိုင်ခိုင်မာမာ အကြောင်းတစ်ရပ်ရှိသည့်အချက်အပေါ် စမစ်က အထက်ပါစကားအတိုင်း ထင်ဟပ်ပြောကြားခဲ့ခြင်းဖြစ်သည်။

ရိုဟင်ဂျာတို့၏ နာကျင်ဒုက္ခများ
——————————–
ရိုဟင်ဂျာတို့အား ရုပ်ပိုင်းဆိုင်ရာသက်သက် ဒုက္ခပေးမှုများအပြင် အခြားအချက်များလည်း ရှိသေးသည်။ သူတို့ကို နိုင်ငံသားအဖြစ်မှ ဖယ်ထုတ်သည်။ သူတို့၏ကလေးငယ်များအတွက် မွေးစာရင်း ထုတ်မပေး။ ထိမ်းမြားခွင့်နှင့်မွေးဖွားခွင့်ကိုလည်း ဥပဒေများဖြင့် ကန့်သတ်ထားသည်။ အစိုးရကိုယ်တိုင်ကပင် သူတို့လူ့အဖွဲ့အစည်းအား ဘင်္ဂါလီဟု မခံယူသမျှ ၂၀၁၄ သန်းခေါင်စာရင်းမှ ဖယ်ထုတ်ထားသည်။

မြောက်များစွာသော ရိုဟင်ဂျာတို့သည် ၂၀၁၀ ခုနှစ်က မဲပေးခွင့်ရခဲ့ကာ လွှတ်တော်အမတ်အချို့ပင် ထွက်ရှိလာခဲ့သော်လည်း ယခုလာမည့် နိုဝင်ဘာ ၈ ရက် ရွေးကောက်ပွဲ၌မူ ပါဝင်နိုင်ခွင့် မပေးတော့ပေ။ စစ်တပ်ကျောထောက်နောက်ခံအစိုးရသည် ရခိုင်တိုင်းရင်းသားပါတီကိုလည်း ပြိုင်ဖက်အဖြစ် အငြိုးတံပိုးအဖြစ် ထမ်းထားသေး၏။

တစ်ဖက်သတ်အစ္စလာမ်ကြောက်ရောဂါကို ပြန်လည်အံတုမည့် နိုင်ငံရေးပါတီဟူ၍ တစ်ခုတစ်ရပ်မျှ မရှိ။ နိုဘယ်ဆုရှင် ဒေါ်အောင်ဆန်းစုကြည်၏ အမျိုးသားဒီမိုကရေစီအဖွဲ့ချုပ် NLD ပင်လျှင် မွတ်စ်လင်မ် ကိုယ်စားလှယ်လောင်း တစ်ဥိးမျှ မထည့်သွင်းထား။ ရိုဟင်ဂျာတို့၏ ရင်နင့်စရာ အနေအထားကမူ ရွေးကောက်ပွဲ ရလဒ် မည်သို့ပင်ဖြစ်စေ ဤအတိုင်းပင် ရှေ့ဆက်ဖို့ များနေပါသည်။

“ရိုဟင်ဂျာတွေအတွက် ဘာမှ အပြောင်းအလဲ ဖြစ်လာမှာ မဟုတ်ပါဘူး။ ကျွန်တော်တို့လူ့အဖွဲ့အစည်းနဲ့ ကျွန်တော်တို့လူမျိုးစုကို အစိုးရဖက်က လုံးဝဥဿုံ ငြင်းပယ်နေပါတယ်။ ဆက်ဖြစ်လာနိုင်မှာကတော့ ဒီလူတွေကို လက်စတုံးပစ်မယ့် – မောင်းထုတ်ပစ်မယ့် အကြွင်းမဲ့ အစီအမံမျိုးပါပဲ” ဟု ပြန်လည်ရွေးကောက်ခံရန် တားမြစ်ခံရသော လက်ရှိ ရခိုင်ပြည်နယ်မြောက်ပိုင်း လွှတ်တော်အမတ် ရိုဟင်ဂျာလူမျိုး ဦးရွှေမောင်က ဆိုသည်။

နောက်ဆုံးမျှော်လင့်ချက်ရောင်ခြည် ကုန်ဆုံးပြီဖြစ်၍ ရိုဟင်ဂျာတို့အတွင်း လာမည့်လများတွင် နိုင်ငံစွန့်ခွာထွက်ပြေးရန် ပင်လယ်ထဲဆင်းကြမည့်သူများ တိုးပွားလာဖွယ် ရှိနေသည်။ ယခုနှစ်အစောပိုင်းကလည်း ယင်းသို့ ကြံစည်ခဲ့သဖြင့် လူကုန်းကူသူများ၏ထောင်ချောက်ထဲ သက်ဆင်းရကာ ထောင်ချီပြီး သေဆုံးသွားခဲ့ရသည်။

“ရခိုင်ပြည်နယ်ထဲမှာပဲ နေပြီး သေခြင်းတရားကို ရင်ဆိုင်ဖို့ ဒါမှမဟုတ် နိုင်ငံစွန့်ထွက်ပြေးဖို့ – တစ်ခုခုကို ရွေးချယ်ရတော့မယ်လို့ ရိုဟင်ဂျာ အများအပြားက ကျွန်တော်တို့ကို ပြောပြပါတယ်။ ရခိုင်ပြည်နယ်ထဲကအခြေအနေတွေ ဆိုးဝါးသထက် ဆိုးဝါးလာနေတာကြောင့် သေမထူးနေ မထူးဖြစ်မယ့်အတူတူ ဒီစွန့်စားမှုကို သူတို့ လိုလားနေကြတာပါပဲ” ဟု စမစ်က ဆိုပါသည်။

ပြီးခဲ့သော နယ်မြေစွန့်ခွာထွက်ပြေးမှုမှာ အစိုးရအာဏာပိုင်များ၏ တွန်းအားပေးခွင့်ပြုချက်သာမက အဓမ္မတွန်းထုတ်ခြင်းလည်း ပါဝင်ကြောင်း မျိုးပြုန်းစေရေးအစီအမံကိုဖွင့်ချထားသည့် အလ်ဂျဇီးရားသတင်းဋ္ဌာနတင်ဆက်မှု အင်တာဗျူးသတင်းမှတ်တမ်းတင် ရုပ်ရှင်တွင် တွေ့ခဲ့ရသည်။ အဆိုပါ နယ်စွန့်ထွက်ပြေးနှုန်းသည် ဇွန်လက အမြင့်မားဆုံး ဖြစ်ခဲ့သည်။

“မင်းတို့ဟာ မွတ်စ်လင်မ်တွေဖြစ်လို့ ရခိုင်ပြည်နယ်ထဲ နေထိုင်ခွင့် မရှိဘူး။ လှေပေါ်တက်ပြီး ဆန္ဒရှိရာကို ထွက်သွားကြလို့ သူတို့က ပြောတယ်” ဟု ရိုဟင်ဂျာ သက်ကြားအိုတစ်ဦးက လက်ရှိ မြန်မာ့လုံခြုံရေးတပ်ဖွဲ့၊ စစ်တပ်နှင့် ရဲတပ်ဖွဲ့ဝင်များမှ သူတို့ကို သေတွင်းထဲဆင်းခိုင်းသည့်အကြောင်း ပြန်ပြောင်းပြောပြခဲ့သည်။ ထိုလူကြီး၏ အစ်ကိုဖြစ်သူမှာ ပြန်လည်ချေပပြောဆို တုန့်ပြန်ရန်ကြိုးစားသဖြင့် ဗုဒ္ဓဘာသာဝင်ရခိုင်များက ဓားဖြင့် နေရာမှာတင် ခုတ်ပိုင်း သတ်ဖြတ်ခဲ့သည့်အဖြစ်ကို အလ်ဂျာဇီးရားသို့ ပြောပြပြီးနောက် မျက်ရည်ဖြိုင်ဖြိုင် ကျဆင်းခဲ့လေသည်။

အလ်ဂျဇီးရားမှ နှစ်လုံးပေါက် ထောင့်စေ့အောင် လေ့လာစုံစမ်းထားပြီး၊ မြန်မာလူထုအကြား မွတ်စ်လင်မ် ဆန့်ကျင်ရေး လှုပ်ရှားမှု ဖော်ဆောင်ခြင်း ဟူသော အနိမ့်ဆုံးအဆင့်မှသည် ငြင်းပယ် မရသည့် အစိုးရ၏ သရုပ်မှန် အထောက်အထားတို့ပါဝင်နေသော အဆိုပါ မှတ်တမ်းတင် ရိုက်ကူးချက်ကို တနင်္လာနေ့က ထုတ်လွှင့်ခဲ့သည်။ ၎င်း၌ လူမျိုးရေးအမုန်းတရားမှိုင်းတိုက်ချက်များ၊ ဘာသာရေးအကြမ်းဖက်မှု တွန်းအားပေးချက်များကို အစိုးရကိုယ်တိုင် ကြပ်မတ်စီမံသည့် အထောက်အထားများစွာကို တင်ဆက်ထားသည်။

Fortify Rights ၏ သုတေသနနည်းတူ ၎င်းမှတ်တမ်းရုပ်ရှင်၌ ယေးလ်ဥပဒေတက္ကသိုလ်မှ Lowenstein လေ့လာမှုဋ္ဌာန၏ ၈ လတာ စူးစမ်းဖော်ထုတ်မှုများ ပါဝင်နေသည်။ ၎င်းသည် ရိုဟင်ဂျာတို့၏အနေအထားများကို Genocide အစီအမံများ တားဆီးကာကွယ်ရေးနှင့် အရေးယူမှုဆိုင်ရာ ၁၉၄၈ အပြည်ပြည်ဆိုင်ရာ ပဋိညာဉ်အရလည်းကောင်း၊ နိုင်ငံတကာဥပဒေစည်းမျဉ်းများအရလည်းကောင်း စိစစ်လေ့လာခဲ့ပြီးနောက် မြန်မာပြည်ထဲ၌  ရိုဟင်ဂျာလူမျိုးစုကို ဖျက်ဆီးရန်ရည်ရွယ်ဖော်ဆောင်သော Genocide ပြစ်မှုထင်ရှားစေသည့် အခိုင်အမာအထောက်အထားများ တည်ရှိနေကြောင်း ကောက်ချက်ချသုံးသပ်ထားပေသည်။ ကြာသပတေးနေ့က ထုတ်ပြန်ခဲ့သည့် ယင်းအစီရင်ခံစာတွင် အဆိုပါအရေးနှင့်စပ်လျဉ်း၍ အရေးပေါ်လွတ်လပ်စွာ စုပေါင်းစုံစမ်းစစ်ဆေးရေးကော်မရှင်တစ်ရပ်ဖွဲ့စည်းရန် ကုလသမဂ္ဂလူ့အခွင့်အရေးကောင်စီသို့ တိုက်တွန်းထား၏။

“ရိုဟင်ဂျာတွေအပေါ် ကျူးလွန်စော်ကားမှုများက ကျယ်ကျယ်ပြန့်ပြန့် အစီအစဉ် ချမှတ်ထားတဲ့ နိုင်ငံရေးမူဝါဒ တစ်ခုဖြစ်နေတဲ့ အကြောင်း နိုင်ငံတကာ အသိုင်းအ၀ိုင်း အနေနဲ့ ရှင်းလင်းနက်ရှိုင်းစွာ နားလည်သိမြင်ဖို့ လိုအပ်နေပါပြီ။ အရေးယူဖို့ လိုအပ်နေပါပြီ။ ဒီကျူးလွန်စော်ကားမှုများဟာ ဆယ်စုနှစ်များစွာ ဆက်တိုက်ဖြစ်ပွားနေခဲ့တာပါ” ဟု စမစ်က TIME သို့ ပြောကြားပါသည်။

TIME သော်လည်းကောင်း အလ်ဂျဇီးရားသော်လည်းကောင်း အကြိမ်ကြိမ်ကြိုးစားသော်လည်း မြန်မာအစိုးရ၏တုန့်ပြန်မှုတစ်စုံတစ်ရာ မရရှိခဲ့ပါ။ သို့သော် ယမန်နှစ်က သတင်းနှင့်ပြန်ကြားရေးဝန်ကြီး ဦးရဲထွဋ်က ဤသို့ ဆိုခဲ့သည်။ “Fortify Rights အဖွဲ့လို ဘင်္ဂါလီတွေအတွက် လော်ဘီလုပ်ပေးနေတဲ့အုပ်စုတွေကို ကျွန်တော်တို့ အရေးစိုက်နေစရာ အကြောင်းမရှိပါဘူး”။

ယင်းသို့သဘောထားများသည် ရိုဟင်ဂျာများအတွက် နိမိတ်မကောင်းပါ။ ISCI မှ တွေ့ဆုံမေးမြန်းခဲ့သော ဒုက္ခသည်စခန်းမှ အမျိုးသမီးကြီးတစ်ဦး၏ အပြင်းစား ညည်းရှိုက်သံက သူတို့၏ဒုက္ခ၀န်ပိုးအား မီးမောင်းထိုးပြလျက် ရှိပါတော့သတည်း။

“တကယ်လို့များ ကျွန်မတို့ကို နိုင်ငံတကာအသိုင်းအ၀ိုင်းက မကူညီနိုင်တော့ဘူးဆိုရင် ကျွန်မတို့အားလုံး နောက်ဘ၀ကူးနိုင်အောင် ကျွန်မတို့အပေါ် ကျေးဇူးပြုပြီး ဗုံးတစ်လုံးသာ ကြဲချပေးလိုက်ပါတော့ရှင်”။

Ref : TIME
ပြန်ဆိုသူ – မြင့်မိုရ်မောင်မောင်

http://time.com/4089276/burma-rohingya-genocide-report-documentary/