အောက်တိုဘာ ၁၈၊ ၂၀၁၃
M-Media
လေထုညစ်ညမ်းမှုက အဆုတ်ကင်ဆာကိုဖြစ်စေနိုင်သည်ဟု WHO ဆို
ကမ္ဘာ့ကျန်းမာရေးအဖွဲ့(WHO) ၏ အဖွဲ့ခွဲတစ်ခုဖြစ်သော နိုင်ငံတကာ ကင်ဆာရောဂါ သုသေသန အေဂျင်စီ (IARC) အဖွဲ့က လေထုညစ်ညမ်းမှုများမှာ အဆုတ် ကင်ဆာ ရောဂါကိုဖြစ်ပွားစေနိုင်ကြောင်း ထုတ်ဖော်ပြောကြားခဲ့သည်။
ကျွမ်းကျင်သူများ၏လေ့လာချက်များအရ လေးထုညစ်ညမ်းမှုမှာ အဆုတ်ကင်ဆာဖြစ်ပွားစေနိုင်ပြီး ဆီးကျိတ်ကင်ဆာ ဖြစ်ပွားနိုင်မှု အန္တရာယ်ကိုလည်း တိုးပွားစေ နိုင်ကြောင်း ထင်ရှားသော အထောက်အထားများ တွေ့ရှိရသည်ဟု IARC က ယမန်နေ့တွင် ကြေညာချက်ထုန်ပြန်ခဲ့သည်။
လေထုညစ်ညမ်းမှု၏ အဓိကအကြောင်းအရင်းများမှာ သယ်ယူပို့ဆောင်ရေးယာဉ်များ၊ ဓာတ်အားပေးစက်ရုံမျာ၊ စက်ရုံနှင့် လယ်ယာများမှ ထုတ်လွှတ်ခြင်းများနှင့် ချက်ပြုတ်ခြင်းများဖြစ်ပြီး၊ ၂၀၁၀ ခုနှစ် စစ်တမ်းများအရ ကမ္ဘာတစ်ဝှမ်း အဆုတ်ကင်ဆာကြောင့် သေဆုံးသူ ၂၂၃၀၀၀မှာ လေထုညစ်ညမ်းမှုကြောင့်ဖြစ်သည်ဟု
အဆိုပါအေဂျင်စီ၏ ထုတ်ပြန်ချက်တွင် ရေးသားဖော်ပြထားသည်။
Ref : aljazeera
_______________________
လုံခြုံကောင်စီဝင် အသစ် ၅ နိုင်ငံကို ကုလရွေးချယ်
လူ့အခွင့်အရေး စောင့်ကြည့်သူများ၏ ကန့်ကွက်မှုများရှိနေသည့် ဆော်ဒီအာရေဗျ၊ ချဒ် နှင့် နိုင်ဂျီးရီးယားနိုင်ငံအပါအ၀င် ချီလီနှင့် လစ်သူယေးနီးယားနိုင်ငံတို့အား လုံခြုံရေးကောင်စီ အမြဲတမ်းမဟုတ်သည့် အဖွဲ့ဝင်များအဖြစ် ကုလသမဂ္ဂကရွေးချယ်ခဲ့သည်။
ယမန်နေ့က ရွေးချယ်ခဲ့ခြင်းဖြစ်ပြီး ၂ နှစ်တာ တာဝန်ထမ်းဆောင်ရမည့် ထို ၅ နိုင်ငံမှာ ၂၀၁၄ ဇန်န၀ါရီ ၁-ရက်နေ့မှစ၍ အဇာဘိုင်ဂျန်၊ ဂွာတီမာလာ၊ ပါကစ္စတန်၊ မော်ရိုကို နှင့် တိုဂိုနိုင်ငံတို့၏နေရာတွင် စတင်တာဝန်ထမ်း ဆောင်ရမည်ဖြစ်သည်။
ကုလသမဂ္ဂလုံခြုံရေးကောင်စီတွင် အဖွဲ့ဝင် ၁၅ နိုင်ငံရှိပြီး အမေရိကန်၊ ဗြိတိန်၊ ပြင်သစ်၊ ရုရှားနှင့် တရုတ်တို့မှာ ဗီတိုအာဏာအသုံးပြုခွင့်ရှိသည့် အမြဲတမ်းအဖွဲ့ဝင် နိုင်ငံများဖြစ်ကြကာ ကျန် ၁၀ နိုင်ငံမှာ ဗီတိုအာဏာမရှိသော အမြဲတမ်းအဖွဲ့ဝင်မဟုတ်သည့် နိုင်ငံများဖြစ်ကြသည်။
အဆိုပါ ၅-နိုင်ငံအား ကုလသမဂ္ဂအဖွဲ့ဝင် ၁၉၁ နိုင်ငံက မဲပေးရွေးချယ်ခဲ့ခြင်းဖြစ်ပြီး လစ်သူယေးနီးယားက ၁၈၇ မဲ၊ ချီလီနှင့် နိုက်ဂျီးရီးယားတို့က ၁၈၆-မဲ၊ ချဒ်နိုင်ငံ ၁၈၄-မဲနှင့် ဆော်ဒီအာရေဗျနိုင်ငံ ၁၇၆-မဲ အသီးသီးရရှိခဲ့ကြသည်။
ရွေးချယ်ခြင်းခံရသည့် နိုင်ငံငါးနိုင်ငံမှ တစ်နိုင်ငံဖြစ်သည့် ဆော်ဒီအာရေဗျက နိုင်ငံက လုံခြုံရေးကောင်စီမှာ ကမ္ဘာ့ငြိမ်းချမ်းရေးအားဆောင်ရွက်ရာတွင် ထိရောက်မှု မရှိကြောင်း၊ လုံခြုံရေးကောင်စီအတွင်း ပြုပြင်ပြောင်းလဲမှုများ မလုပ်ဆောင်သ၍ ထိုတာဝန်အား လက်ခံဆောင်ရွက်သွားမည်မဟုတ်ကြောင်း ယနေ့နံနက်တွင် သတင်း ထုတ်ပြန်ခဲ့သည်။
Ref : aljazeera
_______________________
မြောက်ကိုရီးယားနျူးကလီးယားကိစ္စဆွေးနွေးရန် တောင်ကိုရီးယား ထိပ်တန်း လုံခြုံရေးအကြံပေး အမေရိကန်သို့သွားမည်
မြောက်ကိုရီးယားနိုင်ငံ၏ နျူးကလီးယားပြဿနာနှင့် ယောင်ဗြုန်းရှိ နျူးကလီးယားဓာတ်ပေါင်းဖို ပြန်လည် လည်ပတ်မှုအကြောင်းနှင့်ပက်သက်ပြီး ဆွေးနွေးရန်အတွက် တောင်ကိုရီးယား လုံခြံရေးဆိုင်ရာ ထိပ်တန်းအကြံပေးဖြစ်သူမှာ အမေရိကန်နိုင်ငံသို့ လာမည့် သီတင်းပတ်တွင် သွားရောက်မည်ဟု တောင်ကိုရီုးယား ပြည်တွင်းမီဒီယာ များက ယနေ့တွင် ရေးသားဖော်ပြလိုက်သည်။
တောင်ကိုရီးယား သမ္မတ ပတ်ဂျုံးဟေး၏ လုံခြုံရေးအကြံပေးဖြစ်သူ ကင်မ် ဂျန်ဆူးမှာ လာမည့်သီတင်းပတ်အတွင်းဝါရှင်တန်သို့သွားရောက်မည်ဖြစ်ပြီး အမေရိကန် လုံခြုံရေးအကြံပေး ဆူဆန်ရွိုက်စ်၊ နိုင်ငံခြားရေးဝန်ကြီးဌာနနှင့် လုံခြုံရေးဝန်ကြီးဌာန တာဝန်ရှိသူများနှင့်တွေ့ဆုံကာ မြောက်ကိုရီယား နျူးကလီးယားအရေး၊ နှစ်နိုင်ငံ လုံခြုံရေးဆိုင်ရာ ကိစ္စရပ်များကို ဆွေးနွေးသွားမည်ဖြစ်သည်ဟု တောင်ကိုရီးယား ပြည်တွင်းသတင်းစာ Dong-a Ilbo တွင် ရေးသားဖော်ပြခဲ့သည်။
သမ္မတရုံးတာဝန်ရှိသူ ချောင်ဝါဒေးကလည်း ထိုသတင်းအား အတည်ပြုခဲ့ပြီး ခရီးစဉ်အသေးစိတ်အချက်အလက်များကို ထပ်မံထုတ်ပြန်သွားမည်ဟု ပြောဆိုခဲ့သည်။ ထိုခရီးစဉ်မှာ မြောက်ကိုရီးယား၏ နျူးကလီးခြိမ်ခြောက်မှု အန္တရာယ်စုိုးရိမ်ရမှု မြင့်တက်လာချိန်တွင် ထွက်ပေါ်လာခြင်းဖြစ်ပြီး တောင်ကိုရီးယား ထာက်လှမ်းရေး အေဂျင်စီများ၏ အဆိုအရ မြောက်ကိုရီးယားမှာ သြဂုတ်လမှစ၍ ယောင်ဗြုန်းရှိ နျူးကလီးယား စက်ရုံမှ ၅ မဂ္ဂါဝပ်ရှိသည့် ပလူတိုနီယံသုံး နျူကလီးယားဓာတ်ပေါင်းဖိုအား
ပြန်လည် လည်ပတ်နေသည်ဟု သိရသည်။
Ref : xinhua
________________________
သြစတေးလျတွင် တောမီးလောင်ကျွမ်းမှုများဖြစ်ပွား
သြစတေးလျနိုင်ငံ နယူးဆောက်သ်ဝေးလ်ပြည်နယ်တွင် လောင်ကျွမ်းနေသည့် တောမီးများအား ထိန်းချုပ်၍မရသေးဘဲ ထောင်ပေါင်းများစွာသော ဒေသခံများမှာ ကယ်ဆယ်ရေးစခန်းများသို့ သွားရောက်နေရသည်ဟု သိရသည်။
တောမီးလောင်ကျွမ်းမှုများမှာ ယမန်နေ့က စတင်ခဲ့ခြင်းဖြစ်ပြီး ပြည်နယ်တစ်ဝိုက် နေရာ ၃၀၀-ခန့်တွင် လောင်ကျွမ်းလျက်ရှိကာ မီးသတ်ဝန်ထမ်း ၁၅၀၀ ကျော်က ငြိမ်းသက်ရန်ကြိုစားနေသည်။
မီးလောင်ကျွမ်းမှုကြောင့် အိမ်ခြေ ၂၀၀နှင့် မြေဧက ဟက်တာ ၂ သောင်းကျော် လောင်ကျွမ်းပျက်ဆီးခဲ့ပြီး လေများတိုက်ခတ်နေမှုကြောင့် အခြေအနေမှာ ပိုမိုဆိုးရွားနေသည်ဟု မီးသတ်တပ်ဖွဲ့က ပြောကြားခဲ့သည်။
ထိုမီးလောင်မှုများကို ငြိမ်းသက်ရန် ၂ ရက်တာကြာမြင့်မည်ဖြစ်ပြီး ယနေ့နှောင်းပိုင်းတွင် ငြိမ်းသက်နိုင်ဖွယ်ရှိသည်ဟု တာဝန်ရှိသူများက ပြောကြားခဲ့သည်။
Ref : xinhua
________________________
ဆော်ဒီနှင့် ယူအေအီးသို့ စစ်လက်နက်ပစ္စည်းများ အမေရိကန်ရောင်းချမည်
ပင်တဂွန်အနေဖြင့် ဆော်ဒီအာရေဗျနှင့် ယူအေအီးနိုင်ငံတို့သို့ ဒေါ်လာ ၁၁.၈ ဘီလီယံ တန်ဖိုးရှိ ဒုံးကျည်နှင့် ဘန်ကာခွင်းဗုံးများကို ရောင်းချတော့မည်ဟု အမေရိကန် ကာကွယ်ရေးဝန်ကြီးဌာနက သတင်းထုတ်ပြန်ခဲ့သည်။
ကာကွယ်ရေးနှင့် လုံခြံရေးပူးပေါင်းဆောင်ရွက်မှုအေဂျင်ဆီက လက်နက်ရောင်းချရန် ကိစ္စအား ကန်ကွန်ဂရက်သို့ ယခုသီတင်းပတ်အတွင်း အစီရင်ခံတင်ပြခဲ့သည်ဟု ပင်တဂွန်က ယမန်နေ့တွင် ပြောဆိုလိုက်သည်။
ထိုကဲ့သို့ လက်နက်ရောင်းချရန် သဘောတူညီမှုက ဆော်ဒီအာရေဗျ နိုင်ငံ၏ လက်ရှိနှင့်အနာဂတ်တွင်ကြုံတွေ့ရမည့် ခြိမ်းခြောက်မှုများအား ရင်ဆိုင်နိုင်စွမ်းကို တိုးမြင့် စေကြာင်း၊ ထို့ပြင် အမေရိကန်မဟာမိတ်နိုင်ငံများ၏ လေတပ်ပိုင်းဆိုင်ရာ အသုံးဝင်မှုနှင့် စွမ်းရည်ကို ပိုမိုတောင့်တင်းစေပြီး မဟာမိတ်နိုင်ငံများ၏ စစ်ဆင်ရေးများကို ပိုမိုကောင်းမွန်စေမည်ဖြစ်ကြောင်း အေဂျင်ဆီက အစီရင်ခံစာတွင်ရေးသားဖော်ပြခဲ့သည်။
ဆော်ဒီက GBU-39 ဘန်ကာခွင်းဗုံး ထောင်ချီ၍၀ယ်ယူမည်ဖြစ်ပြီး ယူအေအီးနိုင်ငံက တပ်ဆင်သယ်ဆောင်နိုင်သည့် BRU-61 စနစ်ပါဝင်သည့် GBU-39/B တာတိုပစ် ဒုံးကျည်များကို ၀ယ်ယူသွားမည်ဖြစ်သည်။
Ref : presstv
________________________
အမေရိကန်ပိုင်သင်္ဘောမှ သင်္ဘောသား ၃၅-ဦးအား အိန္ဒိယဖမ်းဆီး
စစ်လက်နက်ပစ္စည်းများတင်ဆောင်ကာ အိန္ဒိယရေပိုင်နက်ထဲသို့ တရားမ၀င် ၀င်ရောက်လာသည့် အမေရိကန်သင်္ဘောတစ်စီးမှာ သင်္ဘောသား ၃၅ ဦးကို ဖမ်းဆီးလိုက် သည်ဟု အိန္ဒိယ အာဏာပိုင်များက ယနေ့တွင် သတင်းထုတ်ပြန်ခဲ့သည်။
အဖမ်းခံရသည့် သင်္ဘောမှာ အမေရိကန်အခြေစိုက် ကုမ္ပဏီတစ်ခုဖြသည့် AdvanFort မှ ပိုင်ဆိုင်သော MV Seaman Guard Ohio အမည်ရ အစောင့်သင်္ဘောတစ်စီး ဖြစ်ပြီး ကုန်တင်သင်္ဘောများကို ပင်လယ်ဓားပြများရန် မှကာကွယ်ပေးသည့် သင်္ဘောတစ်စီးဖြစ်သည်။
ထိုသင်္ဘောအား အိန္ဒိယတောင်ဘက် Tamil Nadu ပြည်နယ်ရှိ Tuticorin မြို့တွင် ကမ်းခြေစောင့်တပ်များက ပြီးခဲ့သည့် သီတင်းပတ်တွင် ဖမ်းဆီးခဲ့ခြင်းဖြစ်ပြီး အဆိုပါ သင်္ဘောပေါ်တွင် ရိုင်ဖယ် ၃၁ လက်နှင့် စစ်လက်နက်ပစ္စည်းစုံ ၅၀၀၀ ၀န်းကျင်ခန့်ပါဝင်သည်ဟု သိရသည်။
ထိုသင်္ဘောမှာ မုန်တိုင်းဒဏ်မှခိုလှုံရန် အိန္ဒိယရေပိုင်နက်အတွင်းသို့ ၀င်ရောက်ခဲ့ခြင်းဖြစ်ပြီး သင်္ဘောတွင်ပါဝင်သွားသည့် သင်္ဘောသားများမှာ အိန္ဒိယ၊ ဗြိတိန်၊ ယူကရိန်းနှင့် အက်စတိုးနီးယားနိုင်ငံများမှဖြစ်ကြပြီး အမေရိကန်နိုင်ငံ သားများမပါဝင်ဟု သင်္ဘောကိုပိုင်ဆိုင်သည့် AdvanFort ကုမ္ပဏီမှ ပြောကြားခဲ့သည်။
Ref : time
________________________
အဲလစ်ဇဘက် ဘုရင်မကြီးနှင့် မာလာလာတွေ့ဆုံမည်
အမျိုးသမီးများပညာသင်ခွင့်ရရန် လှုပ်ရှားဆောင်ရွက်ခဲ့သည့် ပါကစ္စတန်မှ မာလာလာနှင့် ဗြိတိန်ဘုရင်မကြီး အဲလစ်ဇဘက် ၂ တို့ ဘက်ကင်ဟမ်နန်းတော်၌ ယနေ့တွင် တွေ့ဆုံကြမည်ဟုသိရသည်။
အသက် ၁၆ နှစ်အရွယ် မာလာလာအား ဘုရင်မကြီးကဖိတ်ကြားခဲ့ခြင်းဖြစ်ပြီး ဘုရင်မကြီးနှင့် ခင်ပွန်းဖြစ်သူ အေဒင်ဘတ်မြို့စားတို့က “Reception for Youth, Education and the Commonwealth” ခေါင်းစဉ်ဖြင့် ဧည့်ခံပွဲတစ်ခု ပြုလုပ်ကာ မာလာလာအား ကြိုဆိုရန်ရှိနေသည်။
ဧည့်ခံပွဲနှင့်ပက်သက်၍ CNN သတင်းဌာန၏ ပြီးခဲ့သည့်တစ်ပါတ်က အင်တာဗျူးတွင် ဘုရင်မကြီး၏ အမိန့်ဖြစ်သောကြောင့် သွားရမည်ဖြစ်ကြောင်း မာလာလာက အရွှန်းဖောက်ပြောကြားခဲ့သည်။
ယခုအခါ အင်္ဂလန်တွင် နေထိုင်နေသည့် ပါကစ္စတန်နိုင်ငံသူမာလာလာမှာ တာလီဘန်များကြီးစိုးရာ ဆွက်တောင်ကြားဒေသတွင် အမျိုးသမီးများ ပညာသင်ကြားခွင့် ဆုံးရှုံးနေမှုအား ရဲဝင့်စွာဖော်ထုတ်ခဲ့သောကြောင့် တာလီဘန်တို့၏လုပ်ကြံခြင်းကိုခံခဲ့ရပြီး ကံကောင်းထောက်မစွာဖြင့် အသက်သေဆုံးခြင်းမရှိခဲ့ပေ။
Ref : cnn
________________________
ရုရှားသို့ မည်သည့်လျို့ဝှက်ချက်မှ မယူလာဟု စနိုးဒင်ဖွင့်ဟ
အမေရိကန်ထောက်လှမ်းရေးအေဂျင်ဆီများဖြစ်ကြသည့် NSA နှည် FBI တို့၏ လျို့ဝှက်ချက်များကိုဖွင့်ချခဲ့သည့် NSA ၀န်ထမ်းဟောင်း စနိုးဒင်က မည်သည့် လျို့ဝှက် ချက်ဖိုင်ကိုမှ ရုရှားသို့ ယူဆောင်လာခြင်းမရှိဟု ပြောကြားလိုက်သည်။
နယူးယောက်တိုင်းမ်သတင်းစာနှင့်အင်တာဗျူးတွင် NSA ၏ ၀န်ထမ်းဟောင်းဖြစ်သူစနိုးဒင်က ၎င်းယူဆောင်လာသည့် လျို့ဝှက်ချက်အားလုံးကို ဟောင်ကောင်တွင် ရှိနေစဉ် ဂျာနစ်လစ်တစ်ဦးသို့ပေးအပ်ခဲ့ပြီး ၎င်းထံတွင် ကူးယူသိမ်းဆည်းထားခြင်းမရှိကြောင်း၊ တရုတ်ထောက်လှမ်းအေဂျင်စီနှင့် ရုရှားနိုင်ငံများမှာလည်း မည်သည့် စာရွက်စာတမ်းကိုမျှ ရရှိခဲ့ခြင်းမရှိကြောင်း ပြောကြားခဲ့သည်။
အမေရိကန်ပြည်သူများနှင့် ကမ္ဘာ့တစ်ဝှမ်းလုံးရှိပြည်သူများ၏ ဖုန်းခေါ်ဆိုမှုများ နှင့် အင်တာနက်သုံးစွဲမှုများကို စောင့်ကြည့်လေ့လာနေသည့် အမေရိကန်၏ ကြီးမားသော ထောက်လှမ်းရေးလုပ်ငန်းကြီးကို ဖွင့်ချခဲ့သည့် စနိုးဒင်က ၎င်း၏ဖွင့်ချမှုမှာ အမေရိကန်၏ အချက်အလက်စုဆောင်းမှုများနှင့်ပက်သက်ပြီး အခြေအတင် ဆွေးနွေးပွဲများ ဖြစ်လာစေရန်လှုံ့ဆော်ပေးခဲ့ပြီး၊ အမေရိကန်၏ လုံခြုံရေးအား မြှင့်တင်ပေးရာ ရောက်သည်ဟု ခံစားရကြောင်း ထည့်သွင်းပြောကြားခဲ့သည်။
Ref : sky
________________________
