အောက်တိုဘာ ၂၇၊ ၂၀၁၃
M-Media
နေးမာမှာ တစ်ပွဲထက်တစ်ပွဲ ပိုကောင်းလာသည်ဟု မာတီနိုဆို
ရီးယဲလ်မက်ဒရစ်အသင်းအား ၂ ဂိုး ၁ ဂိုးဖြင့်အနိုင်ရရှိခဲ့သောပွဲတွင် တစ်ဂိုးသွင်းယူပေးခဲ့သည့် ဘရာဇီးတိုက်စစ်မှူးနေးမာထံမှ စွမ်းဆောင်ရည် များကို ပိုမို တွေ့မြင် ရမည်ဟု ဘာစီလိုနာအသင်းနည်းပြ မာတီနိုက ပြောကြားလိုက်သည်။
အသက် ၂၁ နှစ်အရွယ်ရှိ နေးမာမှာ ရီးယဲလ်မက်ဒရစ်နှင့်ပွဲတွင် ခြေစွမ်ပြခဲ့ပြီး ပထမဂိုးကို သွင်းယူပေးခဲ့ကာ ဆန်းချက်စ်၏ ဒုတိယဂိုးကိုလည်း ဖန်တီးပေးခဲ့သည်။
“အခုပွဲမှာ နေးမာဟာ အကောင်းဆုံးကစားခဲ့ပါတယ်။ ဒါပေမယ့် သူ့ရဲ့ပိုကောင်းတဲ့ပုံစံကို ကျွန်တော်မြင်ဖူးပါတယ်။ ရီးယဲလ်ကို သူသွင်းတဲ့ဂိုးဟာ အရေးပါပါတယ်။ ဒါပေမယ့် သူဒီထက်ပိုကောင်းအောင် ကစားခဲ့တဲ့ပွဲတွေကို ကျွန်တော်မြင်ဖူးပါတယ်” ဟု မာတီနိုက သတင်းထောက်များအား ပြောကြားခဲ့သည်။
goal
_________________________
ချမ်းသာသောအသင်းပိုင်ရှင်များက ဘောလုံးလောကအတွက် ကောင်းသည်ဟု မော်ရင်ဟိုဆို
လာမည့်စနေနေ့တွင် မန်စီးတီးအသင်းနှင့် ယှဉ်ပြိုင်ကစားရမည့် ချယ်ဆီးအသင်းနည်းပြ မော်ရင်ဟိုက ပိုက်ဆံချမ်းသာသည့် အသင်းပိုင်ရှင်များမှာ ဘောလုံးလောက အတွက် အနှောက်အယှက်မဟုတ်ဘဲ၊ ဘောလုံးလောကအား ကူညီပေးသည်ဟု ပြောကြားလိုက်သည်။
၂၀၀၃ ခုနှစ်က ရုရှားသူဌေး အီဗရာဟီမိုဗစ်ခ်ျက ချယ်ဆီးအသင်းအား ၀ယ်ယူပြီး ပေါင် ၁ ဘီလီယံကျော်သုံးစွဲခဲ့ကာ အသင်းအား အားဖြည့်ခဲ့ပြီးနောက် ၂ နှစ်အကြာတွင် ချယ်ဆီးအသင်းမှာ ပရီးမီးယားလိဂ်ဖလားအား ရယူနိုင်ခဲ့သည်။
မန်ချက်စတာစီးတီးအသင်းမှာလည်း ယူအေအီးသူဌေး ရှိခ်မန်စူရ် ၀ယ်ယူပြီးနောက်ပိုင်း ထိုကဲ့သို့ အောင်မြင်မှုများရရှိခဲ့သည်။ မော်ရင်ဟိုက ထိုအချက်များကို ဖော်ပြ ခဲ့ပြီး ဘောလုံးလောက တိုးတက်မှုအတွက်သော့ချက်ဖြစ်သည်ဟု ပြောဆိုခဲ့သည်။
“ဘောလုံးလောကမှာ ရင်းနှီးမြှုပ်နှံမှုတွေလိုအပ်ပါတယ်။ ပြီတော့ ဘောလုံးကိုချစ်မြတ်နိုးပြီး အသင်းငယ်လေးတွေကို အသင်းကြီးတွေဖြစ်အောင် လုပ်ချင်တဲ့သူတွေ လည်း လိုပါတယ်” ဟု မော်ရင်ဟိုက သတင်းထောက်များအား ပြောကြားခဲ့သည်။
goal
_________________________
ATP Swiss Indoors တင်းနစ်ပြိုင်ပွဲ ဗိုလ်လုပွဲသို့ ဖက်ဒါရာတက်ရောက်
ဆွစ်ဇာလန် နိုင်ငံတွင်ကျင်းပလျက်ရှိသည့် ATP Swiss Indoors တင်းနစ်ပြိုင်ပွဲ နောက်ဆုံးဗိုလ်လုပွဲသို့ ဆွစ်ဇာလန်တင်းနစ်သမား ရော်ဂျာဖက်ဒါရာ တက်ရောက်သွားခဲ့ပြီဟု သိရသည်။
ကမ္ဘာ့အဆင့် ၆ ရှိ ဖက်ဒါရာမှာ ဆီမီးဖိုင်နယ်တွင် ကမ္ဘာ့အဆင့် ၄၀ ရှိ ကနေဒါနိုင်ငံသား ဗာဆက်က် ပို့စ်ပီဆီလ်အား အကြိတ်အနယ်ကစားကာ ၆-၃၊ ၆-၇၊ ၇-၅ ဖြင့်အနိုင် ရရှိခဲ့ခြင်းဖြစ်သည်။
“ဒီနေ့ဟာ ပရိတ်သတ်တွေအတွက်ထူးခြားတဲ့နေ့ပါ။ ကျွန်တော် ဒီလိုမျိုးအနိုင်ရအောင် သူတို့က ကူညီခဲ့တာပါ။ ကြိုးကြိုးစားစားနဲ့လေ့ကျင့်ရတာ တန်သွားပါပြီ” ဟု ဖက်ဒါရာက ပြိုင်ပွဲအပြီးတွင်ပြောကြားခဲ့သည်။
အခြားဆီးမီးဖိုင်နယ်ပွဲစဉ်တစ်ခုဖြစ်သည့် အာဂျင်တိုင်း တင်းနစ်သမား ဒဲလ်ပေါ်ထရိုနှင့် ပြင်သစ်တင်းနစ်သမား အဒူယာဒ် ရော်ဂျာ ဗက်စ်စီလင်တို့ပွဲတွင် ဒဲလ်ပေါ်ထရိုက ၆-၄၊ ၄-၆၊ ၆-၂ ဖြင့် အနိုင်ရရှိခဲ့သည်။ ၂ နာရီနှင့် ၆ မိနစ်ကြာမြင့်ခဲ့သည့် အဆိုပါပွဲတွင် ပေါ်ထရိုမှာ ပထမပွဲငယ်တွင်အနိုင်ရရှိခဲ့ပြီး ဒုတိယပွဲငယ်တွင်ရှုံးနိမ့်ခဲ့သော်လည်း
တတိယပွဲငယ်တွင် အနိုင်ရရှိအောင် ကစားနိုင်ခဲ့၍ ဗိုလ်လုပွဲသို့ တက်ရောက်နိုင်ခဲ့ခြင်းဖြစ်သည်။
“ဒုတိယပွဲငယ်အဆုံးပိုင်းမှာ ကျွန်တော် အမှားတော်တော်များများ လုပ်ခဲ့ပါတယ်။ သူ(ဗက်စ်စီလင်)ဟာ ဒီအခွင့်အရေးကို အမိအရယူနိုင်ခဲ့ပါတယ်။ နောက်ဆုံးမှာတော့ ကျွန်တော်ကောင်းကောင်းကစားနိုင်ခဲ့ပြီး အနိုင်ရရှိခဲ့ပါတယ်” ဟု ပေါ်ထရိုက ပွဲအပြီးတွင် ပြောကြားခဲ့သည်။
ဒဲလ်ပေါ်ထရိုမှာ ATP Swiss Indoors တင်းနစ်ပြိုင်ပွဲ ဗိုလ်လုပွဲတွင် ဖက်ဒါရာနှင့် ယှဉ်ပြိုင်ကစားရမည်ဖြစ်သည်။
skysports
_________________________
WTA Championships ဗိုလ်လုပွဲတွင် ဆရီနာနှင့် လီနာတို့တွေ့ဆုံမည်
တူရကီနိုင်ငံ အစ္စတန်ဘူလ်မြို့တွင်ကျင်းပပြုလုပ်နေသည့် WTA ရာသီပိတ် တင်းနစ်ပြိုင်ပွဲဖြစ်သည့် WTA Championships နောက်ဆုံးဗိုလ်လုပွဲတွင် အမေရိကန် နာမည်ကြီးတင်းနစ်မယ် ဆရီနာ ၀ီလီယံနှင့် တရုတ် တင်းနစ်မယ် လီနာတို့ တွေ့ဆုံယှဉ်ပြိုင်ရမည်ဟုသိရသည်။
ယမန်နေ့ကယှဉ်ပြိုင်ခဲ့သော ဆီမီးဖိုင်နယ်ပွဲစဉ်တွင် ၀ီလီယံမှာ ဂျလီနာ ဂျန်ကိုဗစ်ကိုလည်းကောင်း၊ လီနာက ကဗီတိုဗာကိုလည်းကောင်း အသီးအသီးအနိုင်ရရှိခဲ့သည်။
လက်ရှိချန်ပီယံ ဆရီနာမှာ ဂျန်ကိုဗစ်ကို ပထမပွဲငယ်တွင်အနိုင်ရရှိခဲ့သော်လည်း ဒုတိယပွဲငယ်တွင် အရှုံးပေးခဲ့ရသည်။ သို့သော်လည်း အဆုံးအဖြတ်ပွဲစဉ်ဖြစ်သည့် တတိယပွဲငယ်တွင် ဆရီနာက အနိုင်ရရှိအောင်ကစားနိုင်ခဲ့ပြီး ၆-၄၊ ၂-၆၊ ၆-၄ ဖြင့် အနိုင်ရရှိခဲ့ခြင်းဖြစ်သည်။
တရုတ်တင်းနစ်မယ် လီနာမှာ ချက်နာမည်ကြီး တင်းနစ်မယ် ပီထရာ ကဗီတိုဗာအား ၆-၄၊ ၆-၄ ဖြင့်အနိုင်ရရှိခဲ့သည်။ ယခင်က ကဗီတိုဗာနှင့် သုံးကြိမ်တွေ့ဆုံခဲ့ပြီး သုံးကြိမ်စလုံးရှုံးနိမ့်ခဲ့သည့် လီနာမှာ ယခုပွဲတွင်မှအနိုင်ရရှိခဲ့ခြင်းဖြစ်သည်။
skysports
_________________________
အာဆင်နယ်၊ လီဗာပူးလ်တို့ အမှားမရှိခဲ့ဘဲ အဲဗာတန်၊ မန်ယူနှင့် ဆောက်သက်တမ်တို့ အနိုင်ရခဲ့ကြသည့် ပရီးမီးယားလိဂ် ပွဲစဉ်-၉ စနေနေ့ည ပွဲစဉ်များ
ပရီးမီးယားလိဂ်ပွဲစဉ် ၉ အဖြစ် စနေနေ့က ၆ ပွဲကစားခဲ့ရာ ဇယားထိပ်ဆုံးတွင်ရှိ နေသည့် အာဆင်နယ်၊ လီဗာပူးလ်အပါအ၀င် အဲဗာတန်၊ မန်ယူနှင့် ဆောက်သက်တမ်တို့ အသီးသီးအနိုင်ရရှိခဲ့ကြသည်ဟုသိရသည်။
ခရစ္စတယ်ပဲလေ့စ် ၀-၂ အာဆင်နယ်
ဇယားထိပ်တွင်ဦးဆောင်နေသည့် အာဆင်နယ်အသင်းမှာ ခရစ္စတယ်ပဲလေ့စ် အသင်းအား အဝေးကွင်းတွင်အမှားအယွင်းမရှိအနိုင်ရရှိခဲ့သည်။ သို့ရာတွင် အလွယ်တကူ အနိုင်ရရှိခဲ့ခြင်းမျိုးမဟုတ်ခဲ့ပေ။
ခရစ္စတယ်ပဲလေ့စ်အသင်း၏ နည်းပြ အီယန်ဟော်လိုဝေးမှာ အသင်နှင့်လမ်းခွဲခဲ့ပြီး အသင်းအား လက်ထောက်နည်းပြမှ တာဝန်ယူကိုင်တွယ် ခဲ့သော်လည်း အာဆင်နယ် အသင်းအား ယှဉ်ကစားနိုင်ခဲ့သည်။
အာဆင်နယ်အသင်းအတွက်ဦးဆောင်ဂိုးကို ပထမပိုင်းနာကျင်အချိန်ပိုတွင်မှ ရရှိခဲ့ခြင်းဖြစ်ပြီး ကွင်းလယ်လူ အာတီတာက ပင်နယ်တီမှတစ်ဆင့် သွင်းယူပေးခဲ့ခြင်း ဖြစ်သည်။ သို့သော်လည်း ဒုတိယပိုင်း ၆၄ မိနစ်တွင် ခရစ္စတယ်ပဲလေ့စ်တိုက်စစ်မှူး ချာမက်လွတ်ထွက်သွားသည်ကို နောက်မှ ဆွဲလှဲခဲ့သည့်အတွက် အာတီတာမှာ တိုက်ရိုက်အနီကဒ်ဖြင့်ထွက်ခဲ့ရပြီး ကျန်ရှိသည့် ပွဲချိန်ကို အဆင်နယ်အသင်းက တစ်ယောက်လျော့ဖြင့် ကစားခဲ့ရသည်။
တစ်ယောက်လျော့သွားပြီးနောက် အာဆင်နယ်အသင်းမှာ ထိန်းကစားနိုင်ခဲ့ပြီး ၈၆ မိနစ်တွင် တန်ပြန်တိုက်စစ်မှတစ်ဆင့် အာဆင်နယ်တို့ ဒုတိယဂိုး ရရှိခဲ့သည်။ ထိုဂိုးကို ရမ်ဆေး၏ ဖန်တီးမှုမှတစ်ဆင့် ဂျရူးက ခေါင်းတိုက်သွင်းယူပေးခဲ့ခြင်း ဖြစ်သည်။
…………………………………………..
လီဗာပူးလ် ၄-၁ ၀က်စ်ဘရွန်း
အန်ဖီးလ်တွင်ကစားခဲ့သည့် ယခုပွဲတွင် လီဗာပူးလ်အသင်းက ဆွာရက်ဇ်၏ ဟက်ထရစ်ဂိုးဖြင့် အောင်ပွဲခံနိုင်ခဲ့သည်။
ဦးဆောင်ဂိုးကို လီဗာပူးလ်အသင်းက ၁၁ မိနစ်တွင် စောစီးစွာရရှိခဲ့ပြီး ကိုလိုတိုးယေး၏ ဖန်တီးမှုမှတစ်ဆင့် ဆွာရက်ဇ်က သွင်းယူနိုင်ခဲ့ခြင်းဖြစ်သည်။ ဒုတိယဂိုးကိုလည် ၁၆ မိနစ်တွင် ထပ်မံရရှိခဲ့ပြီး ဆွာရက်ဇ်ကပင် ခေါင်းတိုက်သွင်းယူပေးခဲ့ကာ ပထမပိုင်းအပြီးတွင် လီဗာပူးလ်အသင်းက ၂ ဂိုးပြတ်ဖြင့်ဦးဆောင်နေခဲ့သည်။
ဒုတိယပိုင်းတွင်လည်း လီဗာပူးလ်ကသာ ပွဲကို စိုးမိုးထားနိုင်ခဲ့ပြီး ၅၅ မိနစ်တွင် တတိယဂိုးရရှိခဲ့သည်။ ထိုဂိုးကို ဂျာရတ်၏ ဖရီးကစ်ဖြတ်တင်ဘောမှ တစ်ဆင့် ဆွာရက်ဇ် ကပင် ၎င်း၏ ဟက်ထရစ်ဂိုးအဖြစ် သွင်းယူပေးနိုင်ခဲ့သည်။ ၆၆ မိနစ်တွင် ဧည့်သည် ၀က်စ်ဘရွန်းအသင်းတို့ ချေပဂိုးရရှိခဲ့ပြီး ပင်နယ်တီမှတစ်ဆင့် ဂျိမ်းစ်မောရစ်ဆန်မှ သွင်းယူပေးနိုင်ခဲ့သည်။ လီဗာပူးအသင်းအတွက် နောက်ဆုံးပိတ်အနိုင်ဂိုးကို တိုက်စစ်မှူး စတားရစ်ဂ်ျက ၇၇ မိနစ်တွင်သွင်းယူပေးခဲ့သည်။
လီဗာပူးလ်အသင်းမှာ ယခုပွဲအနိုင်ကြောင့် ဒုတိယနေရာတွင် ဆက်လက်ရှိနေခဲ့သည်။
……………………………………….
မန်ယူ ၃-၂ စတုတ်
ပရီးမီးယားလိဂ် လက်ရှိချန်ပီယံမန်ယူအသင်းမှာ အိမ်ကွင်းအိုးထရက်ဖို့ဒ်တွင် ရွန်နီ၊ ဟာနန်ဒက်ဇ်တို့၏ နောက်ကျသွင်းဂိုးများဖြင့် စတုတ်စီးတီးအား အနိုင်ရရှိခဲ့သည်။
ပရီးမီးယားလိဂ် ၈ ပွဲကစားပြီး ၃ ပွဲသာအနိုင်ရရှိထားသည့် မန်ယူအသင်းမှာ ယခုပွဲတွင်အနိုင်ရရှိရန်ပြင်ဆင်ခဲ့သော်လည်း ဦးဆောင်ဂိုးကို ဧည့်သည့် စတုတ်အသင်းမှ ပွဲအစ ၄ မိနစ်တွင်ရရှိခဲ့သည်။ စတုတ်တိုက်စစ်မှူး ပီတာခရော့ခ်ျက အနီးကပ်ကန်သွင်းယူခဲ့ခြင်းဖြစ်သည်။ ဦးဆောင်ဂိုးပေးလိုက်ရ ပြီးနောက် မန်ယူအသင်းမှာ ချေပဂိုးရရန် ကြိုးစားကစားခဲ့သော်လည်း ၄၂ မိနစ်တွင်မှ ချေပဂိုးရရှိခဲ့ပြီး ဗန်ပါစီက သွင်းယူပေးခဲ့သည်။
ချက်ချင်းဆိုသလိုပင် စတုတ်အသင်း ဒုတိယဦးဆောင်ဂိုးရရှိခဲ့ပြီး ဖရီးကစ်မှ တစ်ဆင့် မာကို အာနူတိုဗစ်က သွင်းယူပေးခဲ့သည်။ နောက်ပိုင်းတွင် မန်ယူအသင်းမှာ ချေပဂိုးရရှိရန်တင်ကစားလာခဲ့ပြီး ပွဲမှာအနည်းငယ် ကြမ်းလာခဲ့သည်။ ၇၇ မိနစ်တွင် မန်ယူတို့ချေပဂိုးရခဲ့ပြီး ဗန်ပါစီ၏ ထောင့်ကန်ဘောကို ရူနီက ခေါင်းတိုက်သွင်းယူ ပေးခဲ့ခြင်းဖြစ်သည်။ မန်ယူအသင်းအတွက် အနိုင်သေချာစေမည့် အဖိုးတန်ဂိုးကို ၂ မိနစ်အကြာတွင် ဟာနန်ဒက်ဇ်က အီဗရာ၏ ဖန်တီးပေးပို့မှုမှတဆင့် အနီးကပ် ကန်သွင်းယူနိုင်ခဲ့သည်။
မန်ယူအသင်းမှာ ယခုနိုင်ပွဲကြောင့် အဆင့် ၈ နေရာသို့ ရောက်ရှိလာခဲ့ပြီး နည်းပြမိုယက်စ်မှာလည်း ဖိအားအနည်းငယ်လျော့ကျခဲ့သည်။
………………………………………
အက်စတွန်ဗီလာ ၀-၂ အဲဗာတန်
ယခုနှစ်ရာသီတွင် ပုံစံကောင်းများပြသနေသည့် အဲဗာတန်အသင်းမှာ ယခုပွဲတွင်လည်း အက်စတွန်ဗီလာအသင်းအား ဝေးကွင်းတွင် ၂ ဂိုး ဂိုးမရှိဖြင့် အနိုင်ယူနိုင်ခဲ့သည်။
အဲဗာတန်အသင်းအတွက်ဂိုးများကို ဒုတိယပိုင်းတွင်ရရှိခဲ့ခြင်းဖြစ်ပြီး ၆၈ မိနစ်တွင် ရိုမယ်လို လူကာကူနှင့် ၈၁ မိနစ်တွင် အိုစမန်တို့က အသီးသီးသွင်းယူပေးခဲ့သည်။
…………………………………….
ဆောက်သက်တမ် ၂-၀ ဖူလ်ဟမ်
စိန့်မေရီကွင်းတွင်ယှဉ်ပြိုင်ကစားခဲ့သည့် ယခုပွဲစဉ်တွင် အိမ်ရှင်ဆောက်သက်တမ်အသင်းက ပထမိုင်းသွင်းဂိုးများဖြင့် အနိုင်ရရှိခဲ့သည်။
အိမ်ရှင်အသင်းအတွင်း ဦးဆောင်ဂိုးကို မိနစ် ၂၀ တွင် ရရှိခဲ့ခြင်းဖြစ်ပြီး ဂျေး ရော်ဒရီးဂွက်ဇ်၏ ဖန်တီးပေးမှုမှတစ်ဆင့် အင်္ဂလန်လက်ရွေးစင်တိုက်စစ်မှူး ရစ်ကီလမ် ဘာတ့်က သွင်းယူပေးခဲ့သည်။ ပထမပိုင်းပြီးကာနီး ၄၂ မိနစ်တွင် ဆောက်သက်တမ်တို့ ဒုတိယဂိုးရရှိခဲ့ပြီး လမ်ဘာ့တ်၏ ခေါင်းတိုက်ချပေးမှုက တစ်ဆင့် ဂျေးရော် ဒရီဂွက်ဇက်က သွင်းယူခဲ့ခြင်းဖြစ်သည်။
ယခုပွဲအနိုင်ကြောင့် ဆောက်သက်တမ်အသင်းမှာ ၉ ပွဲကစား ၁၈ မှတ်ဖြင့် အာဆင်နယ်၊ လီဗာပူးလ်အသင်းတို့၏အောက် တတိယနေရာတွင်ရှိနေသည်။
…………………………………
နော်ဝစ်ခ်ျ ၀-၀ ကာဒစ်ဖ်
အခြားပွဲစဉ်တစ်ခုဖြစ်သည့် နော်ဝစ်ခ်ျအသင်းနှင့် ကာဒစ်ဖ်တို့ ပွဲစဉ်တွင် မည်သူမျှ ဂိုးသွင်းနိုင်ခြင်းမရှိဘဲ ဂိုးမရှိသရေဖြင့်ပြီးဆုံးခဲ့သည်။
