News @ M-Media

Tag: ကင်းတားနား

  • ရခိုင်ပြည်နယ်၏ ပကတိဖြစ်အင် အပေါ်၌သာ မီဒီယာများမှ ဖော်ပြသင့်

    သြဂုတ်လ-၁၉ရက်၊ ၂၀၁၃
    M-Media

    ရခိုင်ပြည်နယ်ပဋိပက္ခအတွင်း တဖက်စောင်းနင်းရေးသားမှုများ၊ နိုင်ငံတကာ နာမည်ကြီးမီဒီယာများအား ကျင့်ဝတ်နှင့် မညီဟူသော အထောက်အထားမဲ့ ဝေဖန်မှုများကို သာမက ယခင်အာဏာရှင် စစ်အစိုးရ သံယောင်လိုက်ကာ လူမျိုးကြီးဝါဒအား အသက်သွင်းဖို့ကြိုး စားရင်း ဘော့စနီးယားအရေး အခင်းတွင် လူမျိုးတုန်း သတ်ဖြတ်မှုများကျူးလွန်ခဲ့သည့် ဆာ့ဘ်များဘက်ကပါ ထောက်ခံရေးသားခဲ့သည့် ဦးသန်းထွဋ်အောင် ဦးဆောင်သော အလဲဗင်း မီဒီယာဂရုသည် ယခုတကြိမ်တွင်လည်း ဖြစ်စဉ်များနှင့် အလှမ်းကွာနေသော စာဖတ်ပရိသတ်အား အမြင်မှောက်မှားစေဖို့ ကုလကိုယ်စားလှယ် ကင်းတားနားအား ဗုဒ္ဓဘာသာ ဘုန်းကြီးများအား ဂါရ၀မထားဟုဆိုကာ ပုဂ္ဂိုလ်ရေး အပုတ်ချထားရုံမက UNHCR ၏ ပြောစကားကိုပါ ၄င်းတို့နားလည်သည့်အတိုင်း ဘာသာပြန်ဖော်ပြထားပါသည်။

    အလဲဗင်း၏ ထိုသို့ပြုလုပ်ထားမှုအား “ ကင်တားနားသည် ဗုဒ္ဓဘာသာဝင်ဘုန်တော်ကြီးအပေါ် ဂါရ၀တရား မထားကြောင်း ဒေသခံများက ပြောကြား ” ခေါင်းစဉ်ပါ ၄င်းတို့၏ သတင်းဆောင်းပါးတွင် ဖတ်ရှုနိုင်ပါကြောင်းကို မြန်မာတိုင်းမ်စ် (အင်္ဂလိပ်ပိုင်း) က ထောက်ပြပြောဆို ဝေဖန် လိုက်ပါသည်။

    မြန်မာတိုင်းမ်စ်တင်ပြထားသည့် “Media should focus on the real issues in Rakhine State ” ခေါင်းစဉ်ပါ ဆောင်းပါးမြန်မာပြန်ကို M-Media စာဖတ်ပရိသတ် ဖတ်ရှုနိုင်ပါပြီ။

    သတင်းဆောင်းပါး – မြန်မာတိုင်းမ်စ် (အင်္ဂလိပ်ပိုင်း)
    (မြင့်မိုရ်မောင်မောင် မှ ဆီလျော်အောင် ပြန်ဆိုရေးသားသည်။)

    ထိုင်း(ယိုးဒယား) နိုင်ငံမကောင်းကြောင်းများ မကြာခဏအပုတ်ချရေးသားနေသည့် အလဲဗင်းဂရု၏ ခေါင်းဆောင် ဦးသန်းထွတ်အောင်အား ထိုင်းမီဒီယာတစ်ခုဖြစ်သော National Multimedia Group ၏ Chairman ဖြစ်သူ ဆူသီချိုင်းယွန်းနှင့် ၄င်းတို့နှစ်ပါတီအကြား ပလဲနံပသင့်ပေါင်းစည်းမှုအခန်းအနားတစ်ခု၌ အတူ တွေ့ရစဉ်။
    ထိုင်း(ယိုးဒယား) နိုင်ငံမကောင်းကြောင်းများ မကြာခဏ အပုတ်ချရေးသားနေသည့် အလဲဗင်းဂရု၏ ခေါင်းဆောင် ဦးသန်းထွဋ်အောင်အား ထိုင်းမီဒီယာတစ်ခုဖြစ်သော National Multimedia Group ၏ Chairman ဖြစ်သူ ဆူသီချိုင်းယွန်းနှင့် ၄င်းတို့အကြား ပလဲနံပသင့်ပေါင်းစည်းမှု အခမ်းအနားတစ်ခု၌ အတူ တွေ့ရစဉ်။

    ကမ္ဘာ့ကုလသမဂ္ဂ၏မြန်မာ့ လူ့အခွင့်အရေးဆိုင်ရာ အထူးကိုယ်စားလှယ် မစ္စတာ သောမတ်စ် ကင်တားနားသည် မြန်မာနိုင်ငံသို့လာရောက်သည့် အကြိမ်တိုင်း ခေါင်းကြီးသတင်းပိုင်းအဖြစ် ဖော်ပြခံရမြဲဖြစ်သည်။

    အမှန်တရားများနှင့်စပ်လျဉ်း၍ ကမောက်ကမဖြစ်နေမှုကို ကြုံရလေတိုင်း ပွင့်လင်းသည့်သဘောရှိသော ကင်တားနားမှ ထုတ်ဖော်ပြောဆိုတတ်ခြင်းမှာ လည်း အထူးတဆန်း မဟုတ်ပါလေတော့။ ဖေဖော်ဝါရီလ ကျွန်တော်တို့ Myanmar Times ရုံးကို မစ္စတာကင်တားနား လာရောက်လည်ပတ်စဉ် ကျွန်တော်တို့၏ ၀န်ထမ်းများအပါအ၀င် သူနှင့်ဆုံဖူးသူ မည်သူမဆိုပင် သူသည် ရိုးဖြောင့်စွာ အစီရင်ခံတင်ပြလိုသူ၊ မြန်မာ့လူ့အခွင့်အရေးအခြေအနေအား တိုးတက်စေချင်သူ တစ်ဦးဖြစ်ကြောင်း မြင်ကြရမည် ဖြစ်၏။ သူသည် နိုင်ငံရေး အကျဉ်းသားများ၊ စစ်တပ်ထဲမှ တစ်ဖက်စောင်းနင်း အစဉ်အလာကိစ္စ အပါအ၀င် အရေးပါသည့် အကြောင်းအရာများစွာအပေါ် ဦးတည် တိုက်တွန်းဆောင်ရွက်လျက်ရှိသည်။

    သူ၏ လေ့လာသုံးသပ်ချက်များကို သဘောမတူသူများအဖို့ ငြိမ်းချမ်းစွာဆန္ဒထုတ်ဖော်မှုအားဖြင့် မိမိတို့အမြင်အား လှစ်ဟဖော်ပြခွင့် ရှိအပ်ပေသည်။

    ရခိုင်ပြည်နယ်နှင့်မြန်မာပြည် တစ်ခွင်၌ ကွဲပြားမှု အက်ကြောင်းကြီးမားကျယ်ပြန့်လာလျှင် ဖေ့စ်ဘွတ်ပေါ် ကျိုးကြောင်းကျသည့် ပို့စ်များ နှင့် အတွေးအမြင်ဆောင်းပါးများနှင့် ပေါင်းကူး တံတားထိုးပေးနိုင်ရန် အရေးကြီးသည်။

    သို့သော် သူ၏နောက်ဆုံးအခေါက်ရောက်ရှိမှု၌ ယင်းအခြေအနေများအပေါ် အာရုံမရှိဘဲ အငြင်းပွားဖွယ်ရာဖက်သို့ ကူးပြောင်းခဲ့သည်။ ရခိုင်ရှိ ဗုဒ္ဓဘာသာဝင်နှင့် မွတ်စ်လင်မ်ခေါင်းဆောင်တို့ကို ကင်တားနားမှ တွေ့ဆုံသည့်

    မြင်ကွင်းဓာတ်ပုံများအား ဖော်ပြပြီး ဘုန်းတော်ကြီးများရှေ့ဝယ် ခြေစွပ်မချွတ်ဘဲ ဒူးတုပ်မထိုင်ခြင်း အကြောင်းကိုသာ မလေးစားမှုအဖြစ် ပုံနှိပ်နှင့် အွန်လိုင်း မီဒီယာအုပ်စု အချို့က အာရုံထား စွပ်စွဲလျက်ရှိသည်ကိုတွေ့နေရ၏။

    ဤအချက်ကိုအသုံးချပြီး ၄င်းတို့က ကင်တားနားသည် ရခိုင်လူ့အဖွဲ့အစည်းအား အလေးမပေးသကဲ့သို့ ပုံဖော်ရန် ကြိုးစားကြသည်။ မစ္စတာကင်တားနား၏အပြုအမူက စစ်တွေ ဘုန်းတော်ကြီးကျောင်းရှိ ထိုသူများကို စော်ကားရာ ရောက်သည်ဆိုလျှင် ထိုနေရာတွင် ရှိနေကြသူတို့အနေဖြင့် သူ၏ တာဝန်ဝတ္တရား အရေးပါမှုကိုမှေးမှိန်အောင် ကြိုးပမ်းနေခြင်းထက်သူ့အား တိုက်ရိုက်ပင် အေးဆေးစွာ ပြောဆို ရင်ဖွင့်သင့်ပေ၏။

    လက်ရှိနှစ်များအတွင်း မိမိတို့၏ခံယူချက်နှင့်ကိုယ်ပိုင်အစီအစဉ်ကြောင့်လည်းကောင်း၊ တမင်လူကြိုက်များစေရန်လည်းကောင်း အစဉ်တစိုက် လူမျိုးကြီးဝါဒ မှိုင်းသွင်းလေ့ ရှိသည့် စာစောင်အချို့က ဤအချက်ကို မဆိုင်းမတွပင် ဖော်ပြလိုက်ကြသည်မှာ ၀မ်းနည်းစရာကောင်းလှပါသည်။ အကြောင်းမလှစွာဖြင့် ဤတင်ပြချက်ကား ရခိုင်ပြည်နယ်ရှိ ဗုဒ္ဓဘာသာဝင်နှင့် မွတ်စ်လင်မ်လူ့အဖွဲ့ အစည်းနှစ်ရပ် အကြား သာမက နိုင်ငံတစ်ဝှန်း၌ ခွဲခြားမှုကို ပိုမိုကြီးထွားသွားစေ သည်။

    “ ကင်တားနားသည် ဗုဒ္ဓဘာသာဝင်ဘုန်တော်ကြီးအပေါ် ဂါရ၀တရားမထားကြောင်း ဒေသခံများက ပြောကြား ” ဟူ၍ အလဲဗင်းမီဒီယာ အုပ်စုမှ လတ်တစ်လောဆောင်းပါးတစ်ပုဒ်ဖြင့် ရေးသားဖော်ပြလိုက်ခြင်းသည်လည်း စိတ်ပျက်ဖွယ်ရာ အတိဖြစ်ရလေသည်။ ယင်းဆောင်းပါးတွင် ဂျီနီဗာရှိ ဒုက္ခသည်များဆိုင်ရာ ကမ္ဘာ့ကုလသမဂ္ဂပြောဆိုခွင့်ရပုဂ္ဂိုလ်က ဘင်္ဂါလီနှင့်အစိုးရအကြား ဆွေးနွေးမှုပြုရန် တိုက်တွန်းသည်ဟု ကောက်နှုတ်ဖော်ပြထား၏။ စင်စစ်၌ အမှန်တကယ် ပြောဆိုခဲ့သည့်စကားရပ်မှာ “ အစိုးရ နှင့် IDPs အကြား တွေ့ဆုံဆွေးနွေးမှုကို UNHCR မှ မြင်တွေ့လိုပါသည် ” ဟူ၍ ဖြစ်ပါသည်။

    ၄င်းမှာ ရိုးသားစွာ မှားယွင်းမှုတစ်ရပ် ဖြစ်ကောင်းဖြစ်နိုင်ပါသည်။ သို့သော် ထိုသို့လွဲမှားသည့်ဖော်ပြချက်က အမြင်ကွဲပြားနေသော ရခိုင်ပြည်နယ်၏မီဒီယာမျက်နှာစာ၌ ပြဿနာ ပိုမိုကြီးထွားရန် အစဖော်ပေးလိုက်သလို ဖြစ်သွားလေသည်။ မီဒီယာများသည် ပညာပေးခြင်း နှင့် အတွေးအမြင်ပြောင်းလဲခြင်း အတွက် အလွန်အရေးပါသည့် အခန်းကဏ္ဍတစ်ရပ် ဖြစ်သည်။ သို့ရှိရာ စာစောင်များအနေဖြင့် ဤသြဇာကို အပြုသဘောဆောင်ခြင်း၌သာ အသုံးချအပ်ပေသည်။ အခြေခံလူ့အခွင့်အရေးများအပြည့်အ၀ရရှိစေမည့် လူအပေါင်း၏ အနာဂတ်အတွက် ဆောင်ရွက်နေသူများအား ဖြိုလှဲပစ်ရန် အား မထုတ်သင့်ပါကြောင်း။

  • ကင်းတားနား ကေအိုင်အိုဌာနချုပ်တည်ရာ လိုင်ဇာသွားခွင့် ပိတ်ပင်ခံရ

    M-Media
    သြဂုတ်လ ၁၅ ရက်၊ ၂၀၁၃

    ကချင်ပြည်နယ်၊ မြစ်ကြီးနားမြို့ရှိ ဒုက္ခသည်စခန်းတစ်ခုတွင် ဒုက္ခသည်များနှင့် တွေ့ဆုံနေသော မစ္စတာ ကင်တားနား။ ဖေဖော်ဝါရီ ၁၅၊ ၂၀၃။ (photo:VOA)
    ကချင်ပြည်နယ်၊ မြစ်ကြီးနားမြို့ရှိ ဒုက္ခသည်စခန်းတစ်ခုတွင် ဒုက္ခသည်များနှင့် တွေ့ဆုံနေသော မစ္စတာ ကင်တားနား။ ဖေဖော်ဝါရီ ၁၅၊ ၂၀၃။ (photo:VOA)

     

    ကုလ လူ့အခွင့်အရေးကိုယ်စားလှယ် ကင်းတားနား ကေအိုင်အေဌာနချုပ်တည်ရှိရာ လိုင်ဇာမြို့ကို သွားရောက်ခွင့် ပိတ်ပင်ခံခဲ့ရတယ်လို့ သတင်းများက ဆိုပါတယ်။

    ကေအိုင်အေဘက်က ကင်းတားနားကို ကြိုဆိုပေမယ့် မြန်မာအစိုးရက သွားရောက်ခွင့်မပေးတာကြောင့် ကင်းတားနားရဲ့လိုင်ဇာခရီးစဉ် ဖျက်သိမ်းခဲ့ ရတာဖြစ်တယ်လို့ kachinwaves news က တင်ပြထားပါတယ်။

    `သူ(ကင်တာနား) ကိုယ်တိုင် လိုင်ဇာထိ သွားပြီး မျက်မြင်ကိုယ်တွေ့မြင်ရင်တော့ ကုလ ရဲ့လုပ်ဆောင်ချက်တွေက ပိုပြီးမြန်လာမှာပေါ့။ အခု သူမ သွားနိုင်တော့ ကေအိုင်အိုအနေနဲ့ရော၊ ကေအိုင်အိုအလုပ်အဖွဲ့အနေနဲ့ရော၊ စစ်ဘေးဒုက္ခသည်တွေကိုယ်စားပါ စိတ်မကောင်းဘူး။´ လို့ ကေအိုင်အို အလုပ်အဖွဲ့ရုံးမှ ပြောရေးဆိုခွင့်ရှိတဲ့ ဆရာဒေါင်ခါက kachinwaves news သို့ ပြောပြထားပါတယ်။

    မစ္စတာ ကင်တားနားဟာ ကချင်ပြည်နယ်ကိုရောက်ရှိစဉ်မှာ ပြည်နယ်အစိုးရအပါအ၀င် KIO ရဲ့ နည်းပညာဆိုင်ရာ အကြံပေးအဖွဲ့နဲ့လည်း တွေ့ဆုံခဲ့ပါတယ်။ အဲဒီနောက်မှာတော့ လိုင်ဇာကို သွားရောက်ဖို့ ပြင်ဆင်ခဲ့တာဖြစ်ကြောင်း မစ္စတာကင်တားနားနဲ့အတူ လိုက်ပါသွားတဲ့ ရန်ကုန် ကုလသမဂ္ဂ ရုံး ပြန်ကြားရေး အရာရှိ ဦးအေးဝင်းက ပြောပြကြောင်း ဗွီအိုအေမြန်မာပိုင်းက သတင်းတင်ပြထားပါတယ်။

    ကချင်ပြည်နယ်အစိုးရဘက်ကတော့ ဒီလိုမသွားရောက်နိုင်တာ ပြည်ထောင်စုအစိုးရဆီကနေ ခွင့်ပြုချက် မရတာကြောင့်ဖြစ်တယ်လို့ ပြည်နယ်အစိုးရအဖွဲ့ တာဝန်ရှိသူတစ်ဦးက ပြောပြတဲ့အကြောင်းကိုလည်း ဗွီအိုအေမြန်မာပိုင်း သတင်းက တင်ပြထားပါတယ်။

    ကချင်အရေးတက်ကြွလှုပ်ရှားသူ မခွန်ဂျာကတော့ သူမရဲ့ဖေ့စ်ဘွတ်ခ်မှာ ဒီသတင်းနဲ့ပတ်သတ်ပြီး “ကျွန်တော်တို့ ရွှီးထားတာတွေ ပေါ်သွားမှာစိုးလို့ မသွားခိုင်တာပါ။ ပုံ – နိုင်ငံတော်အစိုးရ။” လို့ မှတ်ချက်ပြု ရေးသားထားပါတယ်။

  • တိုင်းရင်းသားလူနည်းစု တို့အားကိုးတဲ့ ကင်းတားနား၊ ရိုဟင်ဂျာများ အတွက် အဖြေရှာထုတ်ပေးမည်ဟု ကတိပြု

    M-Media
    သြဂုတ်လ ၁၄ ရက်၊ ၂၀၁၃

    စစ်တွေမြို့၊ အောင်မင်္ဂလာရောက် မစ္စတာ ကင်းတားနား (ဓာတ်ပုံ VOA)
    စစ်တွေမြို့၊ အောင်မင်္ဂလာရောက် မစ္စတာ ကင်းတားနား (ဓာတ်ပုံ VOA)

    ကချင်၊ ချင်းများသာမက ကယမ်းတိုင်းရင်းသားများကပါ အားကိုးတကြီး မျှော်လင့်ချက်ထားနေသည့် ကင်းတားနား၏ ရခိုင်ပြည်နယ် ဒုတိယနေ့ ခရီးစဉ် အခြေအနေကို ဗွီအိုအေမြန်မာပိုင်းက တင်ဆက်ထားပါသည်။

    ရခိုင်များနှင့် အစိုးရတာဝန်ရှိသူအချို့တို့မှလွဲ၍ တိုင်းရင်းသားလူနည်းစုတို့ လိုလားသည့် ကုလကိုယ်စားလှယ် ကင်းတားနားက ရိုဟင်ဂျာများနှင့် တွေ့ဆုံရာ၌ “ခင်ဗျားတို့ မူဆလင် အသိုင်းအ၀ိုင်းမှာလည်း တာဝန်ရှိပါတယ်။ ဒီနေရာမှာ ငြိမ်းငြိမ်းချမ်းချမ်းဖြစ်အောင် ခင်ဗျားတို့ ကိုယ်တိုင် ဆောင်ရွက်ကြရမှာပါ။ နောက် တသံတည်း၊ တညီတည်းဖြစ်အောင်လို့လည်း စည်းရုံးဆောင်ရွက်သွားဖို့ လိုအပ်ပါတယ်။ အခြေအနေတွေကတော့ တိုးတက်လာလိမ့်မယ်လို့ ကျနော် တကယ်ပဲ မျှော်လင့်ပါတယ်။ အတော်တော့ ခက်ခဲမယ်လို့ ထင်ပါတယ်။ အခု ဒီနေရာမှာ ခင်ဗျားတို့ နေရထိုင်ရတာလည်း ခက်ခဲတယ်ဆိုတာ ကျနော် နားလည်ပါတယ်။ ဒါပေမဲ့လည်း အဖြေ တစုံတရာ ထွက်လာဖို့ အတွက်တော့ ဆောင်ရွက်သွားမယ်လို့ ကျနော် ကတိပေးပါတယ်။” ဟု ပြောကြားခဲ့ကြောင်း ဗွီအိုအေသတင်းက ဆိုပါသည်။

    ကင်းတားနားက ရိုဟင်ဂျာမလိုလားသည့် ရခိုင်များနှင့်လည်း တွေ့ဆုံခဲ့ကြောင်း၊ ရွှေစေတီဘုန်းကြီးကျောင်း ဆရာတော်နှင့်လည်း တွေ့ဆုံပြီး အသိုင်းအ၀န်းနှစ်ခုအကြား ပြန်လည်သင့်မြတ်ရေးဆောင်ရွက်ဖို့ တိုက်တွန်းခဲ့ကြောင်း၊ သို့သော် ရွှေစေတီဘုန်းကြီးကျောင်း ဆရာတော်ကမူ ရိုဟင်ဂျာ မရှိသည့် သမိုင်းကိုသာ ကင်းတားနားအား ပြောပြဖို့ စိတ်အားထက်သန်နေခဲ့ကြောင်း သတင်းများက ဆိုပါသည်။

    ရခိုင်ပြည်နယ်အစိုးရပြောခွင့်ရပုဂ္ဂိုလ် ဦးလှသိန်းကမူ အစိုးရက အသိုင်းအ၀န်းနှစ်ခုအကြား ယုံကြည်မှုတည်ဆောက်ပေးဖို့ အစီအစဉ်များရှိကြောင်း ကင်းတားနားအား ပြောပြခဲ့ပါသည်။ ဦးလှသိန်းက “ရခိုင်ပြည်နယ် ပဋိပက္ခနဲ့ ပတ်သက်ပြီးတော့ စုံစမ်းစစ်ဆေးရေး ကော်မရှင်က အကြံပြုချက်တွေထဲမှာ ပါဝင်တဲ့အတိုင်းပေါ့ ပထမ ကျနော်တို့ ရခိုင်ဘက်က မြို့မိမြို့ဖတွေ၊ နောက် ဘင်္ဂါလီအုပ်စုထဲက သူတို့ရဲ့ ရပ်မိရပ်ဖတွေပေါ့နော် အဲ့ဒီလူတွေကို ဆပ်ကော်မတီတစ်ခုကနေပြီးတော့ သီးသန့်စီ တွေ့ပြီးတော့ အခု ဆွေးနွေးမှုတွေ ရှိပါတယ်။ နောင် ဒီဟာနဲ့ တဆင့်တက်လာလို့ရှိရင်တော့ သူတို့ နှစ်ဘက်ကို မျက်နှာချင်းဆိုင် ပိုပြီးတော့ ရင်းနှီးမှုရှိအောင် လုပ်မယ်။ အဲ့ဒီလို လုပ်လာပြီးတဲ့အခါမှာ ယုံကြည်မှုတွေ တည်ဆောက်ပြီးတော့ လုပ်သွားဖို့ အစီအစဉ် ရှိပါတယ်လို့၊ လုပ်လည်း လုပ်နေပါတယ်လို့ ၀န်ကြီးချုပ်က ဖြေပါတယ်။” ဟု ပြောကြားခဲ့ကြောင်း ဗွီအိုအေမြန်မာပိုင်းက တင်ပြထားပါသည်။

    ကင်းတားနားက ရခိုင်သို့ တညအိပ် နှစ်ရက်ခရီးသွားရောက်ခဲ့ပြီး နေ့လည်တစ်နာရီတွင် ရန်ကုန်သို့ ပြန်လည်ထွက်ခွာလာကာ လူ့အခွင့်အရေးလှုပ်ရှားများ အပါအ၀င် အရပ်ဖက် လူမှုအဖွဲ့အစည်းများနှင့် တွေ့ဆုံခဲ့ကြောင်း သတင်းရရှိပါသည်။