M-Media
ဇူလိုင် ၇ ရက်၊ ၂၀၁၃
ဗုဒ္ဓဂယာတွင် ဗုံးပေါက်ကွဲမှုများဖြစ်ပေါ်ပြီးနောက် သံသယတရားခံနှစ်ဦး၏ ရုပ်ပုံကြမ်း ပေါ်ထွက်လာပြီဖြစ်သည်။ ဗုဒ္ဓဂယာရှိ ဟိုတယ်နှစ်ခု အကြားတွင် လည်း မပေါက်ကွဲသေးသည့် ဗုံးတစ်လုံးရှာဖွေတွေ့ရှိခဲ့သေးကြောင်း သိရသည်။
ဘီဟာရ်ပြည်နယ်၊ ရဲအရာရှိချုပ်ဖြစ်သူက ဘုရားဝတ်တက်နေသူများ ရှိနေသော်လည်း မဟာဗောဓိဘုန်းကြီးကျောင်းအ၀န်းတွင် လုံခြုံရေးထပ်မံ တိုးမြှင့် ထားကြောင်း၊ လက်ရှိအနေအထားတွင်မူ အများပြည်သူ ဘုရားဖူးလာရောက်ခြင်းမှ တားမြစ်ထားကြောင်း သတင်းစာရှင်းလင်းပွဲ၌ ပြောကြားသည်။
အိန္ဒိယနိုင်ငံ၏ ပြည်ထဲရေးဝန်ကြီးကမူ ဗုဒ္ဓဂယာဗုံးပေါက်ကွဲမှုများသည် အကြမ်းဖက်တိုက်ခိုက်မှုဖြစ်ကြောင်း အတည်ပြုပြောကြားခဲ့သည်။
ယင်းသို့တိုက်ခိုက်မှုသည် ယူနက်စကိုမှ ကမ္ဘာ့ယဉ်ကျေးမှုအမွေအနှစ်အဖြစ် သတ်မှတ်ထားသည့် မဟာဗောဓိဘုန်းကြီးကျောင်းနှင့် မြို့ကို ရည်ရွယ်တိုက် ခိုက်ခြင်းဖြစ်ကြောင်း သိရသည်။
ယမန်နှစ်က ထိုမြို့ကို အသေခံဗုံးတိုက်ခိုက်ခြင်းမျိုးမှ တားဆီးနိုင်ခဲ့သလို ဗုံးခွဲကြမည့် အိန္ဒိယနိုင်ငံသား မူဂျာဟစ်များကိုလည်း ဖမ်းဆီးနိုင်ခဲ့ကြောင်း၊ ၄င်းတို့ က မြန်မာပြည်ရှိ မွတ်စလင်များအတွက် ကလဲ့စားချေလိုခြင်းဖြစ်ကြောင်း ဒေလီရဲတပ်ဖွဲ့က ဆိုသည်။
သို့သော် ယခုတိုက်ခိုက်ခြင်းအတွက် မည်သည့်အဖွဲ့ကမှ တာဝန်ရှိကြောင်း ကြေညာခြင်းမရှိသေးသလို ထိုမြို့တွင် မော်စီတုန်းဝါဒီများလည်း အများအပြား ရှိကြောင်း zee news က တင်ပြသည်။
ဗုံးပေါက်ကွဲမှုကြောင့် ဗုဒ္ဓဘာသာဝင်များအထွတ်အမြတ်ထားသည့် မဟာဗောဓိပင်ရော အခြားရုပ်ပွားတော်များပါ တစုံတရာထိခိုက်ခြင်းမရှိသော်လည်း တိဘက်ဘုန်းကြီးတစ်ပါးနှင့် မြန်မာဘုန်းကြီးတစ်ပါး ဒဏ်ရာရရှိခဲ့ကြောင်း သိရသည်။
“မဟာဗောဓိပင်နားမှာ ပထမ ဗုံးကွဲတော့ အနီးက စားပွဲခုံမြောက်တက်သွားတယ်၊ အဲဒီကနေ လူနှစ်ယောက်လောက် ဒဏ်ရာရသွားတယ်။ ဒုတိယ တစ်ကြိမ်ဗုံးကွဲတော့ ကျနော်ထင်တာ စာအုပ်ဗီရိုထဲကဖြစ်မယ်၊ ပရိဘောဂတွေတော့ ပျက်ဆီးသွားပေမယ့် ရုပ်ပွားတော်တွေနဲ့ သမိုင်းဝင်အထိမ်းအမှတ် ပစ္စည်းတွေတော့ မပျက်ဆီးဘူး” ဟု ဗုဒ္ဓဂယာကော်မတီအတွင်းရေးမှူး ဒေါဂျီက ပြောပြခဲ့သည်။
ရဲတပ်ဖွဲ့၏ လက်ထောက်ဒါရိုက်တာဂျင်နရယ်ဖြစ်သူ S K Bharadwaj ကမူ – “ကျနော်တို့ လွန်ခဲ့တဲ့ ၆ လလောက်ကတည်းက မဟာဗောဓိ ဘုန်းကြီးကျောင်းအ၀န်းမှာ အကြမ်းဖက်တိုက်ခိုက်တာမျိုး ဖြစ်နိုင်တယ်လို့ သတင်းရခဲ့တယ်။ ဒါကြောင့် ကျနော်တို့ လုံခြုံရေး တိုးမြှင့်ခဲ့သလို အပိုတပ်တွေ ပါချထားခဲ့ပါတယ်” ဟု ပြောကြားခဲ့ပြီး ၄င်းကပင် ယခုပေါက်ကွဲခဲ့သည့် ဗုံးအမျိုးအစားများမှာ ချိန်ကိုက်ဗုံးများဖြစ်နိုင်ကြောင်း သုံးသပ်ပြောဆိုခဲ့သည်။
အိန္ဒိယနိုင်ငံဝန်ကြီးချုပ် မန်မိုဟန်ဆင်းကမူ ထိုတိုက်ခိုက်မှုအား ပြင်းထန်စွာရှုံ့ချလိုက်သလို မိမိတို့နိုင်ငံအနေဖြင့် ထိုသို့သော ဘာသာရေးဆိုင် ရာနေရာများ ကို အကြမ်းဖက်မှုအား လုံးဝသည်းခံမည်မဟုတ်ကြောင်း ပြောဆိုသည်။
သို့သော် ဘေဂျေပီပါတီ၏ ပြောခွင့်ရပုဂ္ဂိုလ် ပရာကက်ရှ် ဂျဗက်ဒီကာကမူ – “ဗဟိုအေဂျင်စီတွေက ဒါမျိုးတိုက်ခိုက်မှုမျိုးကို သတိပေးခဲ့တယ်။ ဗုဒ္ဓဂယာ တိုက်ခိုက်ခံရနိုင်တဲ့အကြောင်းတွေကို သတင်းပေးပို့ခဲ့ပေမယ့် (ပြည်နယ်အစိုးရက) သင့်တော်တဲ့ အစီအစဉ်တစ်ခုမှ မလုပ်သေးဘူး။ ဒါကြောင့် ဗဟိုအစိုးရ ကလည်း ဒါမျိုးတိုက်ခိုက်မှုတွေကနေ ရှောင်နိုင်ဖို့ တာဝန်ယူပေးရလိမ့်မယ်။” ဟု ပြောကြားခဲ့သည်။
ဗုဒ္ဓဂယာသို့ ငြိမ်းချမ်းရေးနိုဗယ်ဆုရှင် ဒလိုင်လားမား မကြာခဏ ဘုရားဖူးလာရောက်လေ့ရှိသလို လွန်ခဲ့သည့် ၆ လခန့်ကလည်း သီရိလင်္ကာသမ္မတ လာရောက်လည်ပတ်ခဲ့သေးသည်။ ဗုဒ္ဓဂယာတွင် နိုင်ငံပေါင်း ၅၂ နိုင်ငံမှ ဘုန်းကြီးကျောင်းများ တည်ရှိသည်။