News @ M-Media

Tag: ရခိုင်အကြမ်းဖက်မှု

  • ကန်အခြေဆိုက် ဂျီနိုဆိုဒ် တိုက်ဖျက်ရေး အဖွဲ့၏ ရခိုင်ကိစ္စ ပြောဆိုတင်ပြချက်မှာ မြန်မာ အစိုးရအား သတိပေးသည်နှင့် တူညီ

    အေပီ သတင်းဌာန
    ၀ါရှင်တန်၊ မတ် ၂၄

    မကြာသေးမီက မြန်မာရခိုင်ပြည်နယ်သို့ သွားရောက်ခဲ့သည့် ကန်အခြေဆိုက် ဂျီနိုဆိုဒ်တိုက်ဖျက်ရေး အဖွဲ့ခေါင်းဆောင် အမေရိကန် ကွန်ဂရက် အမတ်ဟောင်း တစ်ဦးက ရိုဟင်ဂျာများသည် ဆေးဝါးကုသမှုများ ရရှိဖို့အတွက် အသက်အန္တရာယ် စိုးရိမ် ရသည် အထိ ခက်ခဲနေကြောင်း၊ တိုက်ခိုက်မှုများ ခံရမည့်အရေးကိုလည်း အထိတ်တလန့်ဖြင့် စိုးရိမ်နေရကြောင်း သတိပေးပြောဆိုလိုက်သည်။

    United to End Genocide အဖွဲ့ခေါင်းဆောင် Tom Andrews
    United to End Genocide အဖွဲ့ခေါင်းဆောင် Tom Andrews

    United to End Genocide ဟုအမည်ရသည့် အမေရိကန်အခြေဆိုက် လူ့အခွင့်အရေးလှုပ်ရှားမှုအဖွဲ့ခေါင်းဆောင် တွမ်အင်ဒရူးက ယမန်နေ့က အစီရင်ခံစာတစ်စောင် ထုတ်ပြန်ခဲ့သည်။ ထိုအစီရင်ခံစာကို အေပီက ပြင်းပြင်းထန်ထန် ထိုးနှက်သည့် အစီရင်ခံစာ (hard-hitting report) ဟု ဖော်ပြထားသည်။ United to End Genocide အဖွဲ့သည် ရခိုင်ပြည်နယ်သို့ သွားရောက်လေ့လာ ခဲ့အပြီးမှ အစီရင်ခံစာ ထုတ်ပြန်ခဲ့ခြင်းသည်။

    အမေရိကန် ဒီမိုကရက်တစ်ပါတီ၊ ဥပဒေပြုအမတ်ဟောင်းတစ်ဦးကမူ သမ္မတအိုဘားမားအား သူ၏ တတ်နိုင်သည့် အခန်းကဏ္ဍမှ နိုင်ငံမဲ့ရိုဟင်ဂျာများအား အကာအကွယ်ပေးဖို့ မြန်မာအစိုးရအား တောင်းဆိုသွားရန် တိုက်တွန်းနှိုးဆော်လိုက်သည်။

    “အန္တရာယ်ရဲ့ အရိပ်လက္ခဏာတွေက ရှင်းရှင်းလင်းလင်းကြီးရှိနေတယ်။ အဲဒီအန္တရာယ် လက္ခဏာတွေက တစတစ တိုးတက်နေသေးတယ်။ ကျွန်တော်တို့ ကပ်ဘေး ဒုက္ခကြီးတစ်ခုကို မြင်တွေ့ ရမယ့်အနေအထားပဲ။ အဲဒီ (ရခိုင်) မှာ အသက်ဆုံးရှုံးသွားရတဲ့ အရေအတွက်ကလည်း ပြောပလောက်အောင်ရှိနေပြီးပြီ။ အဲဒီမှာ ရှိနေတဲ့လူတွေ ဘာမှမလုပ်ဘဲ ဒါတွေဖြစ်လာတာမှ မဟုတ်ဘဲ။ ဘာကြောင့်လဲ၊ အဲဒီ (ရိုဟင်ဂျာ) တွေက (ဘာကြောင့် ဒီလို အလုပ်ခံရတာလဲဆိုတော့) သူတို့က လူမျိုးခြားဖြစ်နေတယ်၊ (တသီးတခြားဖြစ်နေတဲ့) သူတို့လူမျိုးစု၊ သူတို့ကိုးကွယ်တဲ့ ဘုရားရှင် စတဲ့ အကြောင်းများကြောင့် ဖြစ်တယ်။ ဒါကြောင့် သူတို့တွေ ဓါးစာခံဖြစ်နေရတယ်။” ဟု အင်ဒရူးက အေပီသို့ ပြောပြသည်။

    ထို့ပြင် အင်ဒရူးက “အဲဒီရခိုင်မှာ လူမျိုးတုန်း သတ်ဖြတ်ဖို့ အစီအမံ အစိတ်အပိုင်းတွေ ရှိနေတယ်။ ကြီးမားတဲ့ အကြမ်းဖက်မှုကြီးဖြစ်ဖို့  အရိပ်အယောင်တွေ ရှိနေတယ်” ဟု ဆိုသည်။

    ၂၀၁၂ နှစ်လည်ပိုင်းမှစ၍ ရခိုင်ပဋိပက္ခကြောင့် လူပေါင်း ၂၈၀နီးပါး သေဆုံးခဲ့ရသည်။ အများစုမှာ ရိုဟင်ဂျာများဖြစ်သည်။ ရိုဟင်ဂျာပေါင်း တစ်သိန်းလေးသောင်းခန့်မှာ လူဦးရေ ပြွပ်သိပ်ကျပ်တည်း နေသည့် ဒုက္ခသည် စခန်းများသို့ ပို့ဆောင်ခံခဲ့ရသည်။ ရိုဟင်ဂျာထောင်ပေါင်း များစွာမှာလည်း ပင်လယ်တွင်း လှေစီး ထွက်ပြေးခဲ့ကြရသည်။ အင်ဒရူးကမူ ယခုနှစ်အတွင်း လှေစီးထွက် ပြေးရသည့် ပမာဏမှာ နှစ်ဆမြင့်တက် လာကြောင်း၊ ထိုသို့ ထွက်သွားခြင်းမှာ အန္တရာယ် များလွန်းသလို အခြားနေရာများ၌ ခိုလှုံခွင့်ရနိုင်ရေးမှာလည်း အခွင့်အလမ်း အလွန်နည်းပါးကြောင်း ဆိုသည်။

    ရိုဟင်ဂျာအများစုက မြန်မာပြည်တွင်းမွေးဖွားပြီး မျိုးဆက်ပေါင်း များစွာကပင် မြန်မာပြည်တွင်း နေထိုင်နေကြသော်လည်း မြန်မာ အစိုးရက တရားမ၀င် ခိုးဝင်လာသူများဟုသာ မှတ်ယူနေကြောင်း အေပီက ဆိုသည်။

    ပြီးခဲ့သည့်လအတွင်းကလည်း ရခိုင်ရှိ နယ်စည်းမခြား ဆရာဝန်များအဖွဲ့၏ လုပ်ငန်းစဉ်များအား မြန်မာအစိုးရက အင်အားသုံး ရပ်တန့်ပစ်ခဲ့သည်။ ထိုအဖွဲ့က လူပေါင်း ၇ သိန်းခန့်အား ကျန်းမာရေး စောင့်ရှောက်မှုပေးနေသည့် အဖွဲ့ဖြစ်သည်။ ထိုလူပေါင်း ၇ သိန်းတွင် ၂ သိန်းမှာ သွားလာရေးခက်ခဲသည့် ရွာများတွင် နေထိုင်သည့်လူများနှင့် ဒုက္ခသည်စခန်းများတွင် နေထိုင်သူများ ဖြစ်ကြသည်။ နိုဘယ်ဆုတံဆိပ်ရရှိထားသည့် ထိုအဖွဲ့အစည်းကို မြန်မာ အစိုးရက ဗုဒ္ဓဘာသာများထက် မွတ်စလင်များကို မျက်နှာသာပေးသည်ဟု စွပ်စွဲခဲ့သည်။

    အင်ဒရူးက သူ့အနေဖြင့် စစ်တွေအနီးရှိ ဒုက္ခသည်စခန်းတွင် လေးရက်တိတိ အချိန်ပေးလေ့လာခဲ့ကြောင်း၊ စခန်းတွင်နေထိုင်သူများ၏ ပြောပြချက်အရ ဒုက္ခသည်များက လှေဖြင့်ထွက်ပြေးတိုင်း စခန်းလုံခြုံရေးအစောင့်များက မသိချင်ယောင် ဆောင်နေကြကြောင်း၊ စစ်တွေဆေးရုံသို့ ဆေးကုသလိုသည့် ဒုက္ခသည်တိုင်း လုံခြုံရေးများကို လာဘ်ထိုးဖို့ လိုကြောင်း ပြောပြသည်။ အင်ဒရူးက မကျန်းမမာဖြစ်နေသည့် ဒုက္ခသည်များအတွက် ဆေးဝါး လုံလောက်မှုမရှိသည့်အကြောင်းနှင့် အချို့မှာ မိမိတို့ကိုယ်ကိုပင် သေလူအဖြစ် သတ်မှတ်ထားကြသည့် အချက်များကို လေးလေးနက်နက် ပြောပြခဲ့သည်။

    နယ်စည်းမခြားဆရာဝန်များအဖွဲ့ကလည်း ၄င်းတို့၏ လုပ်ငန်းစဉ်များ ပိတ်ပင်ခံရသည့်အတွက် လူအများ၏အသက် ထိခိုက်မည်ကို စိုးရိမ်ကြောင်း ဖော်ပြခဲ့ကြသည်။ နယ်စည်းမခြားဆရာဝန်များအဖွဲ့၏ ခေါင်းဆောင်က ပြီးခဲ့သည့် ရက်သတ္တပတ်အတွင်း မြန်မာပြည်သို့ လာခဲ့ပြီး မြန်မာအစိုးရထိပ်ပိုင်း ရခိုင်ပြည်နယ်တွင်း ဆေးကုသရေးလုပ်ငန်းများ ဆက်လက် လုပ်ဆောင်ရေးအတွက် ဆွေးနွေးခဲ့ကြောင်း တနင်္လာနေ့က ထုတ်ပြန်သည့် အစီရင်ခံစာတွင် ဖော်ပြသည်။

    ၀ါရှင်တန်အခြေဆိုက် မြန်မာသံရုံးကမူ (ထုံးစံအတိုင်း) အထက်ပါအကြောင်းများအတွက် သုံးသပ်ချက်ပေးဖို့ရာ တုံ့ဆိုင်းနေခဲ့သည်။ မြန်မာအစိုးရမူ ရခိုင်ပြည်တွင်း တရားဥပဒေစိုးမိုးရေးက ဦးစားပေး အချက်ဖြစ်သည်ဟု ပြောသည်။

    လွန်ခဲ့သည့် သုံးနှစ်အတွင်း မြန်မာပြည်၌ ဒီမိုကရေစီအသွင်ကူးပြောင်းရေးအတွက် ကူညီခဲ့သည့် နိုင်ငံတကာ သံအဖွဲ့များအား ဦးဆောင်သူ အမေရိကန်နိုင်ငံက နိုင်ငံတကာ လူ့သားချင်းစာနာ ထောက်ထားရေး အဖွဲ့များအား နိုင်ငံတွင်း အကွပ်အထိန်းမဲ့ သွားလာလှုပ်ရှား ခွင့်ပေးရေးအတွက် မြန်မာအစိုးရအား တိုက်တွန်းလိုက်သလို ရိုဟင်ဂျာများအား နိုင်ငံသားပြုပေးရေး အတွက်လည်း ဆွေးနွေးဆောင်ရွက်ဖို့ တိုက်တွန်းသည်။

    အင်ဒရူးကမူ မြန်မာအစိုးရအနေဖြင့် ရခိုင်ပြည်နယ်တွင်း ဘာသာရေးနှင့် လူမျိုးရေးတင်းမာမှုများအား ကိုင်တွင်ဆောင်ရွက်ဖို့ လုပ်ကိုင်ရာတွင် (ရခိုင် များ၏) ဖိအားပေးမှု  အနည်းငယ်ရှိနေကြောင်း၊ ၂၀၁၅ ရွေးကောက်ပွဲ၌ ဗုဒ္ဓဘာသာ အမျိုးသားရေး ဦးစားပေး မဲဆွယ်မှုကလည်း တိုးတက်မြင့်မားလာနေကြောင်း ဆိုသည်။ သို့သော် အင်ဒရူုးက မြန်မာအစိုးရအနေဖြင့် နိုင်ငံတကာ အသိုင်းအ၀ိုင်းတွင် ပါဝင်ပတ်သက်နိုင်ရေး သဘော ဆန္ဒရှိနေသဖြင့် အမေရိကန်ကဲ့သို့သော နိုင်ငံခြားအစိုးရများက ၄င်းတို့၏ အခန်းကဏ္ဍကို ဆုပ်ကိုင်ထား (ပြီး လိုသလို ဆောင်ရွက်) ကြဖို့လိုကြောင်း ဆိုသည်။

    အင်ဒရူးမှာ ၁၉၉၁ မှ ၁၉၉၅ အထိ အမေရိကန် ကွန်ဂရက်တွင် အမှုထမ်းခဲ့သည်။ သူ၏ မြန်မာခရီးစဉ်မှာ တရားဝင်ခရီးစဉ် မဟုတ်သလို ပြီးခဲ့သည့်နှစ် ဇွန်လမှစ၍ ရေတွက်ပါက သူ၏ ခရီးစဉ်မှာ ဒုတိယအကြိမ်ဖြစ်သည်။

    United to End Genocide မှာ ဆီးရီးယား၊ ဆူဒန်စသည့် နိုင်ငံများအရေးကိုလည်း ဆောင်ရွက်လျက်ရှိသည်။

  • ရခိုင်ကိုယ်စားလှယ်အဖွဲ့ ဦးရွှေမန်းနှင့်တွေ့စဉ် အကြမ်းဖက်မှုများ တရားဝင်ဆောင်ရွက်နိုင်ဖို့ ပြည်သူ့စစ်ဖွဲ့ပေးရန် တောင်းဆို

    ရခိုင်ကိုယ်စားလှယ်အဖွဲ့ ဦးရွှေမန်းနှင့်တွေ့စဉ် အကြမ်းဖက်မှုများ တရားဝင်ဆောင်ရွက်နိုင်ဖို့ ပြည်သူ့စစ်ဖွဲ့ပေးရန် တောင်းဆို၊ ၉၆၉ အား ဖမ်းမည်ဟုဆိုခဲ့ဖူးသည့် ဦးရွှေမန်းက အကြမ်းဖက်မှုများအဖြစ် သံသယ၀င်စရာ ရခိုင်တို့၏ဆောင်ရွက်ချက်များအား ထောက်ခံပြောကြားခဲ့

    M-Media
    အောက်တိုဘာ ၅၊ ၂၀၁၃
    သတင်း – မြန်မာတိုင်းမ်စ် အင်္ဂလိပ်ပိုင်း

     

    imagesမြန်မာလွှတ်တော်ဥက္ကဌ ဦးရွှေမန်းက ရခိုင်များကို မြန်မာပြည်၏ အနောက်ဘက်စည်းအား အကာအကွယ်ပေး လုံခြုံစေသည်ဟုဆိုကာ ဂုဏ်ပြုချီးကျူးခဲ့ သည်ဟု မြန်မာတိုင်းမ်စ်အင်္ဂလိပ်ပိုင်းက အောက်တိုဘာ ၄ ရက်နေ့၌ သတင်းတင်ပြခဲ့သည်။

    ရခိုင်ကိုယ်စားလှယ်များကလည်း ယာယီနိုင်ငံသားကဒ်ပြားများဖျက်သိမ်းရေးနှင့် အကြမ်းဖက်မှုများအား တရားဝင်စေဖို့ရာ အတွက် ပြည်သူ့ စစ်ဖွဲ့စည်းပေး ဖို့ရန် တောင်းဆိုခဲ့ကြကြောင်း သိရသည်။

    ရန်ကုန်တွင် သူရဦးရွှေမန်းနှင့် ရခိုင်ကိုယ်စားလှယ်များ စက်တင်ဘာ ၂၉ က တွေ့ဆုံခဲ့စဉ်ယင်းသို့ နှစ်ဖက်ပါတီ ပလဲနံပသင့် အပြန်အလှန် ပြောဆိုမှု များ ပြုလုပ်ခဲ့ခြင်းဖြစ်သည်။

    ၉၆၉ အစွန်းရောက်များအား ဖမ်းဆီးပေးပါမည်ဟု အမေရိကန်နိုင်ငံတွင် ကတိပေးပြောဆိုခဲ့သော ဦးရွှေမန်းမှာ ရခိုင်ပြည်နယ်၌ လတ်တလော အကြမ်းဖက်မှုများအား ခေါင်းဆောင်ခဲ့သည်ဟု သံသယ၀င်ဖွယ်ရာ ရခိုင်ကိုယ်စားလှယ်များအား အထက်ပါအတိုင်း မြှောက်ပင့်ခဲ့သည်သာမက ရခိုင်များကို အထောက်အပံ့ပေးရန် မြန်မာပါလီမန်တွင် တာဝန်ရှိသည်ဟုလည်း ပြောဆိုခဲ့သည်။

    “ရခိုင်တွေကို စကားလုံးနဲ့ ချီးမြှင့်ပြောဆိုဖို့တောင် မလုံလောက်ဘူးဗျာ။ ရခိုင်ြပည်နယ်ဖွံ့ဖြိုးတိုးတက်ဖို့အတွက် ပူးပေါင်းဆောင်ရွက်ကြပါစို့၊ လူတွေကို လည်း ရုပ်ပိုင်းအရသာမက စိတ်ပိုင်းအရပါ ကူညီကြဖို့ဖြစ်ပါတယ်။” ဟု ဦးရွှေမန်းက ပြောဆိုခဲ့သည်။

    ထို့ပြင် ဦးရွှေမန်းက ရခိုင်များကို အနောက်ဘက်စည်းရှိ ရေပိုင်နက်အား ကာကွယ်ပေးသည့်အတွက် လေးစားကြဖို့ရန်တိုက်တွန်းခဲ့သည်။

    “နိုင်ငံတော်ရဲ့ အချုပ်အခြာအာဏာ၊ နယ်နိမိတ်၊ ယဉ်ကျေးမှုအစဉ်အလာနဲ့ ဘာသာသာသနာစတာတွေကို ကာကွယ်တဲ့တာဝန်ဆိုတာ လွယ်တာမဟုတ်ဘူး။ အခက်အခဲတွေရှိပေမယ့်လည်း ရခိုင်တွေရဲ့ မြန်မာပြည်ကို ကာကွယ်ပေးတဲ့အပေါ် ကျွန်တော်တန်ဖိုးထားပါတယ်” ဟု ဦးရွှေမန်းက ဆိုခဲ့သည်။

    ရခိုင်ကိုယ်စားလှယ်များကလည်း ဦးရွှေမန်းအား ၄င်းတို့၏အခက်အခဲများကို တင်ပြခဲ့သည်။ ၄င်းတို့၏ တင်ပြပြောဆိုမှုများထဲ၌ ဘူး သီးတောင်နှင့် မောင်တောဒေသများ၌ တရားမ၀င် ခိုးဝင်လာသူများ အခြေချနေထိုင်နေကြကြောင်း၊ အစိုးရက ၄င်းတို့အား white card ခေါ် ယာယီနေထိုင်ခွင့်ကဒ်များ ထုတ်ပေးထားကြောင်း၊ ထိုကဒ်များမှာ ၂၀၀၈ ခုနှစ် ဖွဲ့စည်းပုံအခြေခံဥပဒေအရ ထုတ်ပေးခဲ့ခြင်းမျိုးမဟုတ်သလို ၁၉၈၂ နိုင်ငံသားဖြစ်ခွင့်ဥပဒေအရလည်း တရားမ၀င်ကြောင်း ဆိုသည်။

    ရခိုင်ကိုယ်စားလှယ်များ အဓိကပြောဆိုခဲ့သည့်အချက်မှာ ၄င်းတို့ရခိုင်မြေကို ကာကွယ်ရန်အကြောင်းပြကာ ၄င်းတို့ကျူးလွန်နေသည့် အကြမ်းဖက်မှုများအား တရားဝင်ဆောင်ရွက်နိုင်ဖို့ “ပြည်သူ့စစ်” အဖွဲ့အား ဖွဲ့စည်းထားရှိပေးရန်ပင်ဖြစ်သည်။

    ဦးရွှေမန်းကလည်း သမ္မတရုံးထံ တင်ပြပြောဆိုပေးမည့်အကြောင်း ကတိပေးခဲ့သည်။ ရခိုင်ကိုယ်စားလှယ်အဖွဲ့ကို ရှေ့နေ ဦးဘိုမင်းဖြူနှင့် စစ်တွေမြို့မှ ရှေ့နေ ဦးသားပွင့်တို့က ခေါင်းဆောင်ခဲ့သည်။

    ဦးရွှေမန်း၏ ယင်းသို့ပြောဆိုမှုများမှာ ကမန်တိုင်းရင်းသားများအပါအ၀င် ပြည်တွင်းနေ နိုင်ငံသားမွတ်စလင်များအတွက် ရတက်မအေးဖွယ်ရာဖြစ်နေသည် သာမက အပြောကတော့ ရွှေ့မန်း ၊ အဆိုမှာတော့ ချိုမိုင်မိုင် ဇတ်လမ်းမျိုးဖန်တီးနေသည်ဟူသော ဝေဖန်ချက်များမှာလည်း တဖြည်းဖြည်း ပိုမို မှန်ကန် လာနေသည်ဟု သုံးသပ်ရပေသည်။

  • မြန်မာပြည်က လတ်တလောဖြစ်ပျက်ခဲ့တဲ့ လူမျိုးဘာသာရေး အကြမ်းဖက်မှုကြီးအကြောင်း ရိုက်တာမှ သတင်းဆောင်းပါး

    M-Media
    အောက်တိုဘာ ၅ ရက်၊ ၂၀၁၃
    မြန်မာပြန် – M-Media
    မူရင်းလင့် – www.reuters.com

    သံတွဲအကြမ်းဖက်မှုကြောင့် မွတ်စလင်တွေ သေကျေခဲ့သလို တချို့လည်း ပုန်းအောင်းနေကြရဆဲပါ။ ထုံးစံအတိုင်း အသွင်ပြောင်း မြန်မာစစ်အစိုးရ ရဲ့ နိုင်ငံခြားရေးဝန်ကြီးကတော့ ကုလသမဂ္ဂမှာ သံကောင်းပြပြီး လူမျိုးဘာသာရေးအဓိကရုဏ်းတွေ ကို “ဇီးရိုးတော်လိရန့်”၊ လုံးဝသည်းခံသွား မှာမဟုတ်လို့ ဆိုခဲ့ပါတယ်။ အဲဒီလိုပါပဲ၊ လူပေါင်းများစွာ သတ်ဖြတ်ခဲ့တဲ့ လက်ရက်ဇက်ရဲစိတ်ဓါတ် ကြောင့် လူများစွာသေကျေနေရတာကို မထိခိုက်မခံစားနိုင်ဘဲ အပြုံးမပျက်လက်ဆွဲနုတ်ဆက်ကာ ရခိုင်မြေကို ခြေချခဲ့တဲ့ ဗိုလ်ချုပ်တဖြစ်လဲ သမ္မတဦးသိန်းစိန်ကလည်း သံတွဲအဖြစ်အပျက် ဟာ အချိန်ကိုက်လှုပ်ရှားမှုလို့ သံသယဖြစ်ကြောင်း ဆိုပါတယ်။

    အမေရိကန်နဲ့ အနောက်နိုင်ငံတွေရဲ့ ပေါ်လစီကို အားကျခိုးချပြီး အန္တီမွတ်စလင်အရေးကို ကာကွယ်ပြီး မွတ်စလင်အကြမ်းဖက်ကို ဗန်းပြဖို့ အကြီးအကျယ် လှုပ်ရှားနေတဲ့ ဆေးကုဆရာဝန် ဦးသန်းထွတ်အောင်ခေါင်းဆောင်တဲ့ အလဲဗင်းမီဒီယာကလည်း ချိန်သားကိုက် ၀ါဒဖြန့် ပေးခဲ့ပါတယ်။ ဒါပေမယ့် သူတို့ရဲ့ ၀ါဒဖြန့်ချက်ဟာ အရာမရောက်မအောင်မမြင်ဖြစ်နေဆဲပါပဲ။ ကမ္ဘာ့မီဒီယာကြီးတွေက နှစ်ပေါက်ကြမြင့်နေပြီဖြစ်တဲ့ အကြမ်းဖက်မှုတွေကို သတင်းရယူနိုင်ဖို့အတွက် ကင်မရာကြီးတွေနဲ့ မြန်မာပြည်တွင်း နေရာအနှံ့ကနေ စောင့်ကြည့်နေကြပါပြီ။

    ရိုက်တာသတင်းဌာနက သူတို့မျက်မြင်တွေ့ရှိခဲ့ရတဲ့ အဖြစ်အပျက်အကြောင်းကို ဆောင်းပါးတိုရေးသား တင်ပြထားပါတယ်။ အမ်-မီဒီယာ ပရိသတ်များ မြန်မာပြန် ကို ဖတ်ရှုနိုင်ပါပြီ။

    A man walks out from a destroyed mosque that was burnt down in recent violence at Thapyuchai village
    (Photo is the courtesy of Reuters and Soe Zeya Tun)

    ဒေါသူပုန်ထနေတဲ့ ဗုဒ္ဓဘာသာလူအုပ်ကြီးက ခင်နိုင့်အလောင်းကို ရုပ်ပျက်ဆင်းပျက်ဖြစ်အောင်လုပ်တယ်၊ မီးနဲ့ရှို့တယ်။ ရက်ရက်စက်စက် လုပ်ထားတာကြောင့် သူ့သားဖြစ်သူကိုယ်တိုင် ခင်နိုင့်အလောင်းကို မမှတ်မိတော့ဘူး။ မြန်မာပြည်က ဗုဒ္ဓဘာသာဘုန်းကြီးတွေ ခေါင်းဆောင်တဲ့ လှုပ်ရှားမှုတွေကြောင့် တိုက်ခိုက်မှုဖြစ်စဉ်တွေ ဆက်တိုက်ထွက်ပေါ်လာသလို အဲဒီလှုပ်ရှားမှုက မွတ်စလင်ဆန့်ကျင်ရေး လှုပ်ရှားမှုကြီးဖြစ်နေတယ်လို့လည်း သမုတ်ခံနေရပါတယ်။

    သဗြုချိုင်ကျေးရွာရဲ့ ဗလီဝတ်ကျောင်းကတော့ ဗြောင်းဆန်အောင် မွှေနှောက်ရှာဖွေခံထားရပါတယ်။ ဗလီရှေ့က သွေးစွန်းနေတဲ့ မြေကြီးထက်မှာ ယင်ကောင်တွေ တလူလူနဲ့ပါ။ ခင်နိုင်ရဲ့ ရုပ်အလောင်းကို ရဲတွေက ဖယ်ရှားလိုက်ပါတယ်။ ခင်နိုင်ကတော့ ရခိုင်ဗုဒ္ဓဘာသာ ၀င်တွေလက်ချက်နဲ့ သေခဲ့ရတာပါ။

    “အဖေက ရခိုင်တွေလက်ကနေလွတ်အောင် မပြေးနိုင်ခဲ့ဘူးဗျာ” လို့ ခင်နိုင်ရဲ့သား အသက် ၁၇ နှစ်အရွယ် ထွန်းထွန်းနိုင်က ဆိုပါတယ်။ ထွန်းထွန်းနိုင်ကတော့ မီးလောင်ခံထားရလို့ မဲသဲနေတဲ့ အ၀တ်အစားတွေနဲ့အတူ သူ့အဖေအလောင်း ဟုတ်မဟုတ်ဆိုတာ ခွဲခြားဖို့ ပုန်းနေတဲ့နေရာကနေထွက်လာခဲ့တာပါ။

    သံတွဲရုန့်ရင်းဆန်ခတ်မှုက ၄ ရက်ကြာမြင့်ခဲ့ပါတယ်။ မွတ်စလင်ငါးဦးသေဆုံးခဲ့တဲ့ထဲမှာ ခင်နိုင်လည်း အပါအ၀င်ဖြစ်သလို ဗုဒ္ဓဘာသာဝင် လေးဦးဒဏ်ရာရခဲ့ပါတယ်။ သံတွဲကတော့ ရခိုင်ပြည်နယ်အနောက်ဘက်မှာရှိပြီး ငပလီကမ်းခြေကြောင့် နိုင်ငံခြားသားတွေအတွက် လည်ပတ်စရာ ပေါ်ပြူလာ နေရာတစ်ခုပါ။

    အဲဒီငပလီအပန်းဖြေစခန်းနဲ့ မဝေးတဲ့တနေရာမှာတော့ ဗုဒ္ဓဘာသာဝင်တွေဟာ တုတ်တွေ၊ လောက်လေးဂွတွေနဲ့ ဓါးရှည်တွေကို ကိုင်ပြီး မွတ်စလင်ကျေးရွာတွေကို ထပ်ကာထပ်ကာ တိုက်ခိုက်ခဲ့ကြတာပါ။ တနင်္ဂနွေနေ့ကစပြီး တိုက်ခိုက်ခဲ့တဲ့နေရာမှာ သူတို့တွေဟာ အိမ်ဒါဇင်များစွာကိုလည်း မီးရှို့ခဲ့ကြတယ်လို့ မျက်မြင်သက်သေတွေက ဆိုပါတယ်။

    ဇွန်လ ၂၀၁၂ ကတည်းက စလာလိုက်တဲ့ လူမျိုးရေးအဓိကရုဏ်းကြောင့် လူပေါင်း အနည်းဆုံး ၂၄၀ သေဆုံးခဲ့ရပြီးဖြစ်ပါတယ်။ မိသားစုပေါင်း တစ်သိန်းလေးသောင်းခန့် အိုးအိမ်မဲ့ခဲ့ရပါတယ်။ သူတို့ထဲက အများစုကတော့ မွတ်စလင်တွေပဲဖြစ်ပါတယ်။

    သံတွဲမှာ လတ်တလောဖြစ်သွားတဲ့ အဖြစ်အပျက်ကြောင့် မြန်မာအသွင်ပြောင်းအစိုးရအနေနဲ့ ၉၆၉ ခေါ် ဗုဒ္ဓဘာသာအခြေခံ အမျိုးသားရေးလှုပ်ရှားမှုတွေနဲ့ အကြမ်းဖက်မှုတွေကို ကျူးလွန်နေတဲ့ ရခိုင်တိုင်းရင်းသားပါတီတွေကို ထိန်းချုပ်နိုင်ဖို့ ရုန်းကန်နေရတာ ပေါ်လွင်လာပါတယ်။

    ၉၆၉ လှုပ်ရှားမှုတွေကိုတော့ ပြဿနာရှာတတ်တဲ့ ဘုန်းကြီးတွေက ဦးဆောင်တာပါ။ သူတို့က မွတ်စလင်တွေနဲ့ ထိမ်းမြားတာတွေ မလုပ်ဖို့၊ မွတ်စလင်ပိုင်စီးပွားရေးလုပ်ငန်းတွေကို သပိတ်မှောက်ဖို့ စတာတွေ (တရား) ဟောပြောတင်ပြကြပါတယ်။

    ၉၆၉ ဂဏန်းကတော့ ဗုဒ္ဓ၊ ဓမ္မနဲ့ သံဃာကို ရည်ညွှန်းတာပါ။ ၉၆၉ တရားဟောတဲ့နေရာအများစုမှာ အစ္စလာမ်ဆန့်ကျင်ရေး (အကြမ်းဖက်) တိုက်ခိုက်မှုတွေ ဖြစ်ပေါ်လျက်ရှိနေခဲ့ပါတယ်။ ဒါပေမယ့် အခုသံတွဲအဖြစ်အပျက်မတိုင်မီ ရက်သတ္တပတ်တွေမှာတော့ အကြမ်းဖက်မှုတွေ ငြိမ်သက်နေခဲ့ ပါသေးတယ်။

    သံတွဲက ရဲတွေကတော့ လူ ၆ ယောက်ဖမ်းထားပြီးဖြစ်တယ်လို့ ဆိုပါတယ်။ သူတို့တွေထဲမှာတော့ ရခိုင်အမျိုးသားဖွံ့ဖြိုးတိုးတက်ရေးပါတီ (အာရ်အန်ဒီပီ) ရဲ့ ဒေသခံ ဥက္ကဌပါဝင်သလို ၉၆၉ လှုပ်ရှားသူတွေလည်း ပါဝင်ပါတယ်။ ပြီးခဲ့နှစ် အောက်တိုဘာလတုန်းကလည်း အဲဒီ အာရ်အန်ဒီပီပါတီဝင်တွေရဲ့ လှုပ်ရှားပါဝင်မှုကြောင့် မွတ်စလင်ဆန့်ကျင်ရေး အကြမ်းဖက်မှုတွေ ဖြစ်ခဲ့ရသလို လူပေါင်း ၈၉ ဦး အသတ်ခံခဲ့ ရပြီးပါပြီ။ ဒါကို ရိုက်တာသတင်းဌာနက စုံစမ်းတွေ့ရှိထားတာပါ။

    သံတွဲအကြမ်းဖက်မှုကတော့ ရခိုင်ကို သမ္မတဦးသိန်းစိန်အလည်အပတ်ရောက်တာနဲ့ တိုက်တိုက်ဆိုင်ဆိုင်ကြီးကို ဖြစ်သွားခဲ့တာပါ။ ဗုဒ္ဓဟူး နေ့မှာ ရခိုင်ကို ဦးသိန်းစိန်ရောက်တော့ တင်းမာမှုရေချိန် တော်တော်လေးမြင့်တက်နေပါပြီ။ ရဲတွေကလည်း လူစုခွဲဖို့ လေထဲကို သံနတ် တွေ ပစ်ဖောက်နေကြရပါပြီ။

    ရန်သူတွေရဲ့ ခြေကုပ်စခန်းများ

    ၉၆၉ လှုပ်ရှားမှုကိုတော့ (ဒီအကြမ်းဖက်မှုတွေထဲမှာ ပါဝင်ပတ်သတ်နေမနေ သိရှိဖို့အတွက်တော့) မေ့ကျန်မနေစေ ရလောက်အောင် ထင်သာမြင်သာရှိ လွန်းလှပါတယ်။ ငပလီကမ်းခြေလမ်းမကြီးတွေတလျှောက် ၉၆၉ အလံတွေကိုင်ပြီး ချီတက်နေကြတယ်။ ၉၆၉ ထောက်ခံသူတွေက (အဲဒီလိုမချီတက်မီမှာ) သံတွဲမြို့တော်ခန်းမမှာ ဗုဒ္ဓဘာသာအမျိုးသားရေးသီချင်းတွေကို လော်စပီကာတွေသုံးပြီး အသံကုန်ဟစ်အော်ခဲ့ကြပါသေးတယ်လို့ မွတ်စလင်တွေက ပြောပြပါတယ်။

    အဲလိုအသံကုန်ဟစ်အော်ပြီးတဲ့နောက်မှာတော့ ရွှေလှေးရွာမှာ ၉၆၉ ဘုန်းကြီး ၀ီရသူက တရားဟောခဲ့ပါသေးတယ်။ သူကပဲ ဗလီဝတ်ကျောင်းတွေကို ရန်သူတွေရဲ့ ခြေကုပ်စခန်းတွေလို့ သမုတ်ခဲ့တာပါ။

    “အဲဒီနောက်တော့ဗျာ၊ ကျနော်တို့ ရွာထဲမှာ အတော်ကလေး ကရုစိုက်ပြီးနေကြရတာပေါ့၊ ဗုဒ္ဓဘာသာဝင်တွေကို မတိုက်မိအောင်၊ စိတ်ဆိုး မသွားရအောင် ကရုစိုက်နေကြရပါတယ်။” လို့ သဗြုချိုင်ကျေးရွာ ဒေသခံမွတ်စလင်တွေထဲကတစ်ဦးဖြစ်တဲ့ မြင့်အောင်က ဆိုပါတယ်။ သဗြုချိုင်မှာတော့ အိမ်အနည်းငယ်သာ (မီးဘေးမသင့်ဘဲ) ကျန်ရစ်နေခဲ့ပါတယ်။

    ၀ီရသူကို အထင်ကြီးသူတွေထဲမှာ သာသနာရေးဝန်ကြီး (ဦး) ဆန်းဆင့်လည်း ပါဝင်ပါတယ်။ သူက ဇွန်လတုန်းက ရိုက်တာကို ၀ီရသူရဲ့ တရားတွေက သာသနာတွေအကြား ချစ်ခင်ရေးနဲ့ နားလည်မှုကို မြင့်မားစေပါတယ်လို့ ဆိုခဲ့ပါတယ်။

    သမ္မတဦးသိန်းစိန်ကလည်း ၀ီရသူကို ဗုဒ္ဓသားတော်လို့ ခေါ်ခဲ့ဖူးသလို ၉၆၉ တံဆိပ်ကိုလည်း ငြိမ်းချမ်းရေးသင်္ကေတရယ်လို့ ကင်ပွန်းတပ်ခဲ့ ပါတယ်။

    အစိုးရရဲ့ ခန့်မှန်းချက်အရ လူပေါင်း သန်း၆၀ရှိတဲ့ မြန်မာပြည်မှာ ၅ ရာခိုင်နှုန်းလောက်က မွတ်စလင်တွေပါ။ အဲဒီထဲက ၁ မီလီယံထက်ပို တဲ့ လူအရေအတွက် က ရိုဟင်ဂျာမွတ်စလင်တွေ ဖြစ်ပါတယ်။ သူတို့တွေထဲက အများစုက နိုင်ငံမဲ့နေပြီး ရခိုင်မြောက်ပိုင်းမှာ နေပါတယ်။

    သဗြုချိုင်ရွာသား ဗုဒ္ဓဘာသာဝင် မြင့်ဌေးကတော့ အင်္ဂါနေ့ အကြမ်းဖက်ပွဲကြီးမှာ သူမပါဝင်ခဲ့ဘူးလို့ဆိုပေမယ့် အကြမ်းသမားတွေုကို ရှုတ်ချဖို့ တော့ ငြင်း ဆိုခဲ့ပါတယ်။

    “ဒါမမှားဘူးလေ” လို့ သူက ဆိုပါတယ်။ ဒြါ့ပင်သူက ရခိုင်တွေအနေနဲ့ သူတို့ရဲ့ အမိမြေကို မွတ်စလင်တွေလက်ကနေ ကာကွယ်ဖို့ တာဝန်ရှိတယ်လို့ လည်း ဆိုပါတယ်။

    အမျိုးဘာသာသာသနာကာကွယ်ရေးအဖွဲ့ဝင် မြင့်မိုးဆိုသူကတော့ သူကိုယ်တိုင် ၉၆၉ တံဆိပ်ကပ် စတစ်ကာတွေကို ဖြန့်ဖြူးခဲ့သလို ဗုဒ္ဓဘာသာ ဘုန်းကြီး ရာပေါင်းများစွာကို အထောက်အပံ့ပေးခဲ့တယ်လို့ ပြောပြပါတယ်။

    မြင့်မိုးက ရိုဟင်ဂျာအသုံးအနှုံးကို ငြင်းဆိုခဲ့ပြီး ရိုဟင်ဂျာဆိုသူတွေဟာ ဘင်္ဂလီတွေပါလို့ ပြောပါတယ်။ ဘင်္ဂလီကတော့ အိမ်နီးချင်း ဘင်္ဂလားဒေ့ရ်ှကနေ ခိုးဝင်လာသူတွေကို ခေါ်တာပါ။

    သံတွဲအခြေဆိုက် အာရ်အာန်ဒီပီပါတီရဲ့ ခေါင်းဆောင်တွေကတော့ သူတို့ပါတီခေါင်းဆောင်တွေကို ဖမ်းဆီးတာဟာ အကျိုးဆက်အနေနဲ့ မတည်ငြိမ်မှုကို တိုးပွားစေမှာပဲလို့ ဆိုပါတယ်။

    “ပါတီခေါင်းဆောင်တွေနဲ့ ဘာသာရေးခေါင်းဆောင်တွေကို ဖမ်းဆီးတဲ့အတွက် အစိုးရမှာတာဝန်ရှိတယ်၊ လူတွေက ဒေါသူပုန်ထနေကြတယ်” လို့ မောင်မောင်ဖြူက ဆိုပါတယ်။

    (ရိုက်တာသတင်းဌာန – ဂျာရက်ဖာရီ သံတွဲမှာ တိုက်ရိုက်သတင်းရေးသားသည်။ ရန်ကုန်မှ မင်းဇေယျာဦးက ထပ်တိုးသတင်းပေးပို့ပြီးMartin Petty, Andrew R.C. Marshall နှင့် Robert Birsel တို့က တည်းဖြတ်သည်။)

  • မြန်မာရဲများ ရိုဟင်ဂျာဒုက္ခသည်စခန်းများကိုစီးနင်း၍ ဆက်သွယ်ရေး အီလက်ထရွန်နစ်ပစ္စည်းများအား အာဏာပြသိမ်းဆည်းနေ

    M-Media
    ဇူလိုင်လ ၂၈ ရက်၊ ၂၀၁၃
    သတင်းအရင်းအမြစ် – မြန်မာတိုင်းမ်စ်

    imagesစစ်တွေအနီးရှိ မွတ်စလင်ဒုက္ခသည်စခန်းများတွင် ရဲများက ညဘက်အချိန်မတော်တွင် လက်တော့ပ်ကွန်ပျူတာနှင့် အဆင့်မြင့်ဖုန်းများကို အာဏာပြ သိမ်းဆည်းနေကြောင်း မြန်မာတိုင်းမ်စ် သတင်းတစ်ရပ်က ဆိုသည်။

    ထိုသို့ သိမ်းဆည်းနေခြင်းမှာ အိုင်ဒီပီစခန်းများရှိ ဒုက္ခသည်များအား အဆက်အသွယ်ပြတ်တောက်ပြီး အထီးတည်းဖြစ်စေရန်ရည်ရွယ်၍ ၄င်းတို့၏ နိုင်ငံရပ်ခြား ဆက်သွယ်မှုများကို တားဆီးခြင်းဖြစ်ကြောင်း မြန်မာတိုင်းမ်စ်က သုံးသပ်ထားသည်။ စစ်တွေရှိ ရိုဟင်ဂျာမွတ်စလင်များမှာ ဒုက္ခသည်စခန်း များ၌ ကျပ်တည်းစွာ ထိန်းသိမ်းခံထားရသလို မြို့ရှိ အစိတ်အပိုင်းအနည်းငယ်နှင့် အင်တာနက်အသုံးပြုမှုများကသာ ၄င်းတို့အတွက် အပြင်ဘက်ပိုင်းကမ္ဘာသို့ ဆက်သွယ်ရာ နည်းလမ်း ဖြစ်နေရသည်။.

    ရခိုင်ပြည်နယ်အစိုးရကမူ ယင်းသို့ ဆောင်ရွက်မှုမျိုးမရှိကြောင်း ငြင်းဆိုထားပြီး ထိုသတင်းများကိုလည်း လုပ်ကြံသတင်းများဟု ပြောဆိုသည်။

    သို့သော် သက်ကယ်ပြင်ရှိ ဒုက္ခသည်စခန်းတစ်ခုမှ အမည်မဖော်လိုသူတစ်ဦးကမူ ဇွန်လဆန်းပိုင်းမှစပြီး စခန်းသို့ ရဲများ အကြိမ်များစွာလာရောက်ပြီး လက်တော့ပ်ကွန်ပျူတာများနှင့် အင်တာနက်ဆက်သွယ်ရေးပစ္စည်းကိရိယာများကို လိုက်လံရှာဖွေကြကြောင်း ဆိုသည်။

    ရဲများလက်ရောက်တိုင်း ကြမ်းတမ်းခက်ထန်စွာ မေးမြန်းကြောင်း၊ အချို့အခါများတွင် သတင်းရရေးအတွက် ဒုက္ခသည်များကို ရိုက်နှက်ခြင်းမျိုးရှိကြောင်း၊ ၄င်းရဲများလာရောက်တိုင်း စခန်းရှိ ဒုက္ခသည်များကို သတင်းအမှားများဖြန့်ဖြူးသည်ဟု စွပ်စွဲလေ့ရှိကြောင်း သိရသည်။

    အကြမ်းဖက်မှုများ မဖြစ်ပွားမီက တက္ကသိုလ်ကျောင်းသားတစ်ဦးဖြစ်သူ ယင်းအမျိုးသားက – “သူတို့က ကျနော်တို့ကို နိုင်ငံခြားသားတွေနဲ့ ဆက်သွယ် နေတာတွေကနေ ရပ်ပစ်ဖို့ ကြိုးစားနေတာပါ” ဟု ပြောပြသည်။ သူု့အနေဖြင့် အင်တာနက်ကို သုံးစွဲကာ ဥရောပရှိ အစ်ကိုဖြစ်သူနှင့် လည်းကောင်း၊ မလေးရှိ စာနာကူညီထောက်ပံ့ရေးအသင်းများနှင့်လည်းကောင်း ဆက်သွယ်သည်ဟု ပြောပြခဲ့သည်။

    ရိုဟင်ဂျာအရေးတက်ကြွလှုပ်ရှားသူ ဦးအောင်ဝင်း (စစ်တွေတ၀ိုက်တွင် ပုန်းအောင်းနေရသူ)ကမူ လူပေါင်း ၈၀ ထက်မနည်းကို ကွန်ပျူတာ သို့မဟုတ် အဆင့်မြင့်တယ်လီဖုန်းများ လက်ဝယ်တွေ့ရှိသဖြင့် မတရားပုဒ်မများတပ်ကာ ပြီးခဲ့သည့်လအတွင်း ဖမ်းဆီးခဲ့ကြောင်း ဆိုသည်။ အခြားသော သတင်းအရင်း အမြစ်များကလည်း ထိုပမာဏလူဦးရေအတိုင်း ဖမ်းဆီးခံခဲ့ရကြောင်း ဆိုသည်။

    ဦးအောင်ဝင်းက – “ကျနော်လည်း လက်တော့ပ်ကို တိတ်တိတ်လေးသုံးပါတယ်။ လူတိုင်း တိတ်တိတ်လေးသုံးနေကြရတယ်။ အိုင်ဒီပီစခန်းတိုင်းမှာ ဒါက ဖြစ်ပျက်နေတာပါ။” ဟု ဆိုသည်။

    ရခိုင်ရှိ ရိုဟင်ဂျာဒုက္ခသည်များနေသည့် အိုင်ဒီပီစခန်းများမှာ သန့်ရှင်းမှုမရှိခြင်း၊ ရေနှင့် လျှပ်စစ်မီးမရှိခြင်းများနှင့် ရင်ဆိုင်နေရသည်။ ဒုက္ခသည်စခန်းရှိ လူများ၏ ပြောပြချက်အရ ၄င်းတို့စုပေါင်းပြီး နေရောင်ခြည်သုံး လျှပ်စစ်ဓာတ်အားထုတ်စက်ကို ငွေ တစ်သောင်းခွဲဖြင့် ၀ယ်ထားကြောင်း၊ ထိုစက်ဖြင့် ၄င်းတို့၏ လက်တော့ပ်များ၊ ဖုန်းများကို မီးအားသွင်းကြောင်း ပြောပြသည်။

    ရခိုင်ပြည်နယ်အစိုးရ၏ ပြောခွင့်ရ ဦးဝင်းမြိုင်ကမူ ရဲများက ဒုက္ခသည်စခန်းများကို စီးနင်းသည်ဆိုခြင်းကို ငြင်းဆိုခဲ့သည်။ ၄င်းက ဦးအောင်ဝင်းနှင့် အခြားရိုဟင်ဂျာများသည် သတင်းမှားဖြန့်ဖို့ ငွေကြေးဖြင့် စေခိုင်းခံထားရသည်ဟု ပြန်လည် စွပ်စွဲခဲ့သည်။

    မြန်မာသမ္မတဦးသိန်းစိန်၏  ယူကေခရီးစဉ်အပြန်တွင် ပြောဆိုခဲ့သည့် အချက်များထဲ၌ ” မြန်မာပြည်နှင့်ပတ်သတ်ပြီး နိုင်ငံတကာတွင် ဘာသာရေး၊ လူမျိုးရေး ဖိနှိပ်မှုများ အများအပြားဖြစ်နေသယောင် တင်ပြပြောဆိုနေခြင်းများရှိသည် ” ဟူသော အချက်လည်း အပါအ၀င်ဖြစ်ရာ ယခုကဲ့သို့ ဒုက္ခသည်များကို နိုင်ငံခြားသားများနှင့် အဆက်အသွယ်လုပ်ခြင်းမှ အဓမ္မတားမြစ်ခြင်းမှာ ထိုပြောဆိုမှုနှင့် တိုက်ရိုက်ပတ်သတ်မှု ရှိနိုင်ကြောင်း သုံးသပ်ရသည်။

    ထို့ပြင် မြန်မာအစိုးရက အမေရိကန်နိုင်ငံ၏ နစကကို မတရားသင်းမကြေညာမီ လက်မတင်ကလေး အလိုတွင် ဖျက်သိမ်းခဲ့ခြင်းဖြစ်သည် ဟု မြန်မာ တိုင်းမ်စ်နှင့် အခြားနိုင်ငံတကာသတင်းဌာနများက ဆိုထားသည်။

    ထို့ကြောင့် သမ္မတဦးသိန်းစိန်၏ လူမျိုးရေး ဘာသာရေး တင်းမာမှုများ ပပျောက်အောင်နှင့် ယင်းကိုအခြေခံကာ အကြမ်းဖက်မှုများ ပပျောက်အောင် ဆောင်ရွက်ရေး ဗျူဟာမှာလည်း သံသယပွားစရာ ကောင်းနေသလို ထိုဗျူဟာသည်ပင် အကြမ်းဖက်အာဏာပြရေး ဖြစ်နေပြီလော ဟု မေးခွန်းထုတ်ကြရမှာဖြစ်သည်ဟု လေ့လာသူများက ဆိုသည်။