ဇန်န၀ါရီလ၈၊၂၀၁၃ခုနှစ်
M-Media
သတင်း-ဆောင်းနှင်းမှုံ
ဇန်န၀ါရီလ ၇ရက်နေ့က ဆရာကြီး သခင်ကိုယ်တော်မှိုင်း ဂူဗိမာန် ထိန်းသိမ်း စောင့်ရှောက်ရေး အဖွဲ့၏ ပထမကြိမ်မြောက် ဂုဏ်ပြု မှတ်တမ်းလွှာ ပေးအပ်ပွဲ အခမ်းအနားကို ရန်ကုန်မြို့၊ရွှေဂုံတိုင်၊တော်ဝင်နှင်းဆီ(သီရိခန်းမ) ၌ နေ့လည် ၁း၀၀ မှ ၃း၀၀ထိ ကျင်းပ ပြုလုပ်ခဲ့ကြောင်း သတင်း ရရှိသည်။
ထို အခမ်းအနားသို့ ဂူဗိမာန် ထိန်းသိမ်း စောင့်ရှောက်ရေး အဖွဲ့ နာယကကြီး ဟံသာဝတီ ဦးဝင်းတင်၊ဥက္ကဌ ဦးမောင်မောင်ခင်၊ဦးမိုးဝင်း၊ဦးဝင်းသူ၊စာရေးဆရာမ ခင်ဆွေဦး နှင့် အလှူရှင်များ၊ဖိတ်ကြားထားသော ဧည်သည့်တော်များ၊သတင်းမီဒီယာများ စုံညီစွာ တက်ရောက် ခဲ့ကြောင်း သတင်း ရရှိသည်။
ထို အခမ်းအနားသို့ ပေးပို့သော ဆရာ ဒဂုန်တာရာ၏ သ၀ဏ်လွှာကို တွဲဖတ် အတွင်းရေးမှူး ဒေါက်တာ လှမြင့် ကဖတ်ကြားခဲ့ကြောင်း သိရသည်။
နာယက ဟံသာဝတီ ဦးဝင်းတင်မှ အခမ်း အနား ကျင်းပ ရခြင်းနှင့် ပတ်သပ်၍ “ဆရာကြီး သခင် ကိုယ်တော်မှိုင်းဟာ မြန်မာပြည်ရဲ့ လွတ်လပ်ရေး ခေါင်းဆောင်ကြီး၊မြန်မာ စာပေရဲ့ ဖခင်ကြီး၊ပြည်တွင်း ငြိမ်းချမ်းရေးရဲ့ ဖခင်ကြီး၊ကျောင်းသား လူငယ် လူတန်းစား အလွှာ အသီးသီးရဲ့ ခေါင်းဆောင်ကြီး ဖြစ်တဲ့ အတွက် ဆရာကြီးရဲ့ ကျေးဇူးတွေဟာ ကြီးမားပါတယ်။ ဆရာကြီးဟာ ကျောင်းသား လူငယ်တွေ အပေါ်မှာလည်း မကွယ်လွန်ခင် ချိန်ထိ တစ်လျှောက်လုံး ရှေ့ဆောင် ပုဂ္ဂိုလ်ကြီး အနေနဲ့ အမြဲတမ်း ရပ်တည်ခဲ့တယ်။၁၉၂၀ ကျောင်းသား သပိတ်မှာလည်း ကျောင်းသား လူငယ်တွေ အတွက် အမျိုးသား တက္ကသိုလ် ဖွင့်တဲ့ အခါမှာလည်း မြန်မာစာ ပါမောခ အဖြစ် ဆောင်ရွက် ခဲ့တဲ့ ပုဂ္ဂိုလ်ပါ။ ဆရာကြီး ရဲ့ဂူဗိမာန် အတွက် အလှူရှင်တွေက ၀မ်းပန်းတသာ ပြုလုပ်ပေးတဲ့ အတွက် မုဒီတာ ပွားရပါတယ်။ဒီပွဲလေးဟာ ဆိုရင် ဆရာကြီးရဲ့ ဂုဏ်ကျေးဇူးကို သိတတ်တဲ့ အလှူရှင်များကို ပြန်လည် ဂုဏ်ပြုချီးမြှင့်တဲ့ပွဲ ဖြစ်ပါတယ်”ဟု M-Media သို့ပြောကြားခဲ့သည်။
ဂူဗိမာန် စောင့်ရှောက်ရေး အဖွဲ့မှ အတွင်း ရေးမှူး ဒေါက်တာလှမြင့်(မြန်မာ-မွတ်စလင်မ် တစ်ဦးဖြစ်သည်)မှ “ဆရာကြီး သခင်ကိုယ်တော်မှိုင်းဟာ သူမနာ ကိုယ်မနာ ငြိမ်းချမ်းရေး လမ်းစဉ်ကို တစ်နည်း အားဖြင့် သင်ပုန်းချေ လမ်းစဉ်ကို လျှောက်လှမ်း ခဲ့သူပါ။အခု ကျွန်တော်တို့ မြန်မာပြည်သူများဟာ ဆရာကြီးရဲ့ လမ်းစဉ်ကို လျှောက်လှမ်းရမှာ ဖြစ်တယ်။ ဒီခေတ် မျိုးဆက်သစ် လူငယ်တွေ အတွက် ဆရာကြီးရဲ့ စာပေတွေ အဆက်မပြတ် သွားအောင်၊ အလှမ်း မကွာဝေးသွားအောင်လည်း ဆရာကြီးရေးခဲ့တဲ့ စာပေတွေကို ပြန်လည် ဖော်ထုတ်သွားမှာ ဖြစ်တယ်။တိုင်းပြည်အတွက် လုပ်ခဲ့တဲ့ ငြိမ်းချမ်းရေး လုပ်ခဲ့တဲ့ သူတွေရဲ့ ဂူဗိမာန်တွေကို အခုလိုမျိုး ထိန်းသိမ်း စောင့်ရှောက် ထားသင့်ပါတယ်”ဟု M-Media သို့ပြောကြားခဲ့သည်။
ထို အခမ်းအနား ကျင်းပရာ တော်ဝင်နှင်းဆီ ခန်းမအား ပိုင်ရှင် ဦးစိုးညွှန့်မှ မေတ္တာဖြင့် အသုံးပြုခွင့် ပေးခဲ့ကြောင်း သိရသည်။ ပန်းချီ ဆရာ မောင်ညှိဝင်းမှလည်း ဆရာကြီး သခင်ကိုယ်တော်မှိုင်း၏ ပုံတူ ပန်းချီများကို မေတ္တာဖြင့် ရေးဆွဲ ပေးခဲ့ကြောင်း၊အလှူရှင် အများ အပြားမှလည်း အဘက်ဘက်မှ ကူညီ ပံ့ပိုးပေးခဲ့ကြောင်း စုံစမ်း သိရှိရသည်။
M-Media-001