M-Media
သြဂုတ်လ ၁၆ ရက်၊ ၂၀၁၃
တရုတ်နိုင်ငံက ဟီနန်တိရစ္ဆာန်ရုံမှာ အာဖရိကခြင်္သေ့အဖြစ် တိရစ္ဆာန်တစ်ကောင်ကို သတ်မှတ်ဖော်ပြခဲ့တယ်။ အဲ့ဒီ သတ္တ၀ါကြီးက ပရိသတ်ရှေ့မှာ ထ,ဟောင်လိုက်တဲ့အခါကျမှသာ လှည့်စားမှုတစ်ခုလို့ ပေါ်လွင်သွားပါတယ်။
အဲ့ဒီတိရစ္ဆာန်ရုံဟာ ခြင်္သေ့အစစ်နေရာမှာ အမွှေးတို တိဗက်ခွေးအကြီးစားတစ်မျိုးကို အစားထိုးခဲ့ကြောင်း တရုတ်မီဒီယာများက ဆိုတယ်။
ခြင်္သေ့အစစ်ကို မျိုးပွားဌာနဆီ ပို့ထားခိုက်မှာ လုပ်သားတစ်ဦးပိုင်ဆိုင်တဲ့ခွေးကြီးကို လှောင်အိမ်ထဲ သွင်းထားခဲ့တာလို့ ဟီနန်ပြည်နယ်တိရစ္ဆာန် ရုံတာဝန်ရှိသူတစ်ဦးက ပြောလိုက်တယ်။
အလည်ပတ်ရောက်လာတဲ့သူထဲက မိခင်တစ်ဦးဟာ သူ့သားကို ခေါ်ပြစဉ် ထွက်လာတဲ့အသံက ကွဲပြားနေပုံကို သတိထားမိပြီး လှည့်စားမှုကိုရိပ်မိ သွားခဲ့တာလို့ Beijing Youth Daily သတင်းစာမှာ ဖော်ပြခဲ့တယ်။
Louhe city မြို့က အဲ့ဒီတိရစ္ဆာန်ကို လာရောက်သူများအဖို့ အလိမ်ခံရတဲ့အတွက် အမျက်ထွက်ကုန်ကြပါတယ်။
အာဖရိကခြင်္သေ့ ဆိုပြီး သူ့အရည်အသွေး၊ စရိုက်သဘာဝ နဲ့ အမည်နာမတပ်ထားတဲ့လှောင်အိမ်ထဲက သတ္တ၀ါဆီက ခွေးဟောင်သံကြားရတဲ့အခါ လည်ပတ်သူတို့ အလန့်တကြားဖြစ်သွားခဲ့တယ်။
နောက်တော့ အဲ့ဒီ အမည်ခံခြင်္သေ့ဟာ အမွှေးရှည်တိဗက်ခွေးကြီး တစ်ကောင်ဖြစ်ကြောင်း အစောင့်များက ဖွင့်ထုတ်ပြောပြခဲ့ကြတယ်။ အဲ့ဒီခွေးကြီးရဲ့ အညိုရောင်မွှေးပွကို တိုနှံ့နှံ့ဖြစ်အောင်လုပ်ပြီး ခြသေ့င်္တစ်ကောင်နဲ့ ဆင်တူအောင်ဖန်တီးထားခဲ့တာ ဖြစ်တယ်။
ဧည့်သည်အမျိုးသမီး လျူ က “ ဒီတိရစ္ဆာန်ရုံဟာ ကျွန်မတို့ကို လှည့်စားဖို့ကြိုးစားနေတာဘဲ။ ခြင်္သေ့တွေနေရာမှာ ခွေးတွေနဲ့ ပုံမှားရိုက်ထားတာပါ ” လို့ ပြောဆိုခဲ့တယ်။
ခြသေ့င်္ဟာ မျိုးပွားဌာနကို ပို့ဆောင်ထားရလို့ လုံခြုံရေးစည်းကမ်းချက်များအရ အဲ့ဒီလှောင်အိမ်ထဲ တိဗက်ခွေးကြီးကို ယာယီထည့်သွင်း ထားရတာဖြစ်ကြောင်း တိရစ္ဆာန်ထိန်းသိမ်းရေးဌာနမှူး လျူစုယာက Beijing Youth Daily ဆီ ပြောကြားလိုက်ပါတယ်။
ဒါပေမယ့် တခြားတိရစ္ဆာန်တွေမှာလည်း ခေါင်းစဉ်တံဆိပ်နဲ့ လွဲမှားနေတာ ထင်ထင်ရှားရှား ရှိနေပြန်ပါတယ်။ ကျားသစ်နေရာမှာ မြေခွေးဖြူတစ်ကောင် (နဲ့) ၀ံပုလွေနေရာမှာ နောက်ထပ်ခွေးတစ်မျိုးကို တွေ့နေကြရတယ် လို့ဆိုပါတယ်။