News @ M-Media

Tag: သောင်းထိုက်

  • အဖြေမရှိတဲ့ “ဗမာ” ဆိုတာ

    သောင်းထိုက်
    သြဂုတ် ၁၇၊ ၂၀၁၂

    ဓာတ်ပုံ – realhistoryofmyanmar.blogspot.com

    “သခင်မျိုးဟေ ဒို့ ဗမာ၊ ” “သာကီမျိုးဟေ့ ဒို့ ဗမာ၊” “ယဉ်ကျေးတဲ့ ဗမာ” ဆိုပြီး ဆောင်ပုဒ်တွေ တသီသီနဲ့ ဆိုလေတော့ မြန်မာလူငယ်တွေ မျိုးချစ်စိတ်ဆိုပြီးတမျိုး၊ ရွှေမြန်မာဆိုပြီးတဖုန် မာန်တက်နေလေရဲ့ ။ တနေ့ က ကျနော်သင်တန်းပေးဖူးတဲ့ လူငယ် ၆ ယောက်နဲ့  လက်ဖက်ရည်ဆိုင်မှာ ထိုင်ဖြစ်တယ်။ စကားပြောနေရင်း ထုံးစံအတိုင်း ခုခေတ်စားနေတဲ့ ရိုဟင်ဂျာကိစ္စဆီရောက်သွားတယ်။

    အစပိုင်းမှာ သူတို့ ပြောတာ နားထောင် ရုံနားထောင်နေပေမဲ့ မနေနိုင်တာနဲ့  ၀င်မေးမိပါတယ်။ “ဗမာဆိုတာကို တိတိကျကျ ဘယ်လို အဓိပ္ဗါယ်ဖွင့်ဆိုလဲ”လို့ ။ ခုနက ဇာတိမာန်တက်ကြွနေတဲ့ တိုင်းချစ်ပြည်ချစ်များ တယောက်တပေါက် သူ့ ထက်ငါအပြိုင်ဂုဏ်ဖွဲ့ ပြောလိုက်တာ ဗမာဆိုတာ ဘာမှန်းမသိသလိုဖြစ်သွားရော။ မော်လမြိုင်က မွန်တိုင်းရင်းသား သတင်းသမားငယ်တစ်ယောက်က “မျိုးမစစ်လို့  ဗမာလို့ ခေါ် တာမဟုတ်ဘူးလား” ဆိုပြီး ရယ်ရယ်မောမောနောက်ပြီး ငွေရှင်းတော့မှ  တယောက်တပေါက်ဇာတ်လမ်း အဆုံးသတ်သွားတယ်။

    ပြောမိသမျှ ပြန်ပြောရရင် ကျနော် မေးခွန်းမေးလိုက်ချင်း တယောက်က ချက်ချင်း ကောက်ကာငင်ကာနဲ့  “ဗမာမိဘနှစ်ပါးက မွေးတဲ့လူ” လို့ ဖြေတယ်။ အဖြေထဲမှာ ဗမာဘာလဲဆိုတဲ့ အချက်ကို အဓိပ္ဗါယ်ဖွင့်တာ တခုမှမပါလာဘူး။ နောက်တယောက်က ဗမာဆိုတာ ပျူနဲ့ သက် အပါအ၀င် ရှေးလူမျိုး ၄ ခု ပေါင်းမှ ဗမာဖြစ်တာလို့  ပြောတယ်။ သူကိုယ်တိုင်လည်း တခြား ၂ ခုဘာလဲမသိ။ ပထမတယောက်က ထပ်ပြောပါတယ်။

    ဗမာမိဘကမွေး၊

    မြန်မာပြည်မှာမွေး၊

    မြန်မာပြည်မှာနေ၊

    ဗမာ စကားပြောတဲ့လူတဲ့လေ။

    သူကထပ်ပြီး ကွန့် ပါတယ်။ “ဗုဒ္ဓဘာသာမြန်မာလူမျိုး” ဆိုတဲ့ ဆောင်ပုဒ်လည်းရှိလေတော့

    ဗုဒ္ဓဘာသာလည်း ဖြစ်ရအုံးမယ်တဲ့။ သူကပြောပါတယ်။ အတိအကျဘယ်လို အဓိပ္ဗါယ်ဖွင့်မလဲဆိုလို့  အသေးစိပ် တခုချင်းစီပြောတာပါတဲ့။ အတိအကျပြောတော့မှ ရှုပ်ပြီးရင်း ထပ်ရှုပ်လေခြင်း။

    တယောက်က ၀င်နောက်ပါတယ်။ ယဉ်ကျေးတဲ့ ဗုဒ္ဓဘာသာ မြန်မာလူမျိုးဆိုတဲ့ စကားလည်းရှိလေတော့ ယဉ်ကျေးရမယ်ဆိုတာထည့်အုံးတဲ့။ တယောက်ကလည်း ထပ်နောက်ပါတယ်။ မျက်နှာစာအုပ် (ဖေ့စ်ဘွခ်) မှာ ဗမာတွေ ဒီလောက်လန်းနေတာ ဒီဆောင်ပုဒ်ကြီးနဲ့ သွားလုပ်ရင် အဖြဲခံရမယ်တဲ့လေ။ သေချာတာပေါ့ဗျာ။

    ပထမတယောက်ပြောတာ သုံးသပ်လိုက်ရင်

    ပထမအချက် – အဖြေမဟုတ်ပါဘူးဆိုတဲ့ ဗမာမိဘကမွေးရင်ဆိုတာက ထပ်ပါလာသေးတယ်။

    ဒုတိယအချက် –  မြန်မာပြည်မှာနေရအုံးမယ်။ ကျနော်ကမေးပါတယ်၊ ဒါဆိုရင် နိုင်ငံခြားသွားရင် ဗမာမဟုတ်တော့ဘူးလားလို့ ။ မြန်မာပြည်မှာ မွေးရမယ်ဆိုတော့ နိုင်ငံခြားမှာ ဗမာဆိုသူ မိဘနှစ်ပါးက မွေးတဲ့လူတွေ ဗမာမဟုတ်တော့ဘူးလားလို့ ။ နောက်တခုက ဗမာစကားလည်းပြောရအုံးမယ်ဆိုတော့ ဗမာမိဘကမွေး တယ်ပဲထား၊ နိုင်ငံခြားရောက်နေလို့  ဗမာစကားမပြောတတ်တော့ကလေးတွေကို ဗမာလို့ မသတ်မှတ်တော့ဘူးလားလို့ ။ ကျနော်ကထပ်မေးတယ်၊ မြန်မာပြည်မှာနေ၊ မြန်မာပြည်မှာမွေး၊ ဗမာစကားပြောတတ်ရင် ဗမာဖြစ်တယ်ဆိုရင် မြန်မာပြည်မှာမွေး၊ ဗမာ စကားပြောတတ်တဲ့ ရိုဟင်ဂျာတွေ ဗမာဖြစ်သလားလို့  ။

    တယောက်တပေါက်ပြောနေကြတာ လိုရင်းမရောက်ပါဘူး။ မန်းလေးက တယောက်က ၀င်ပြောပါတယ်။ သူက အသားဖြုဖြူ ပိန်ပိန်ရှည်ရှည် တရုတ်လိုလို ကိုးရီးယားမင်းသားလိုလုို ခပ်ဖြောင့်ဖြောင့် ခပ်နွဲ့ နွဲ့ ဆိုတော့ တရုတ်နဲ့ မှားမှာစိုးလို့  နောက်ကြောမလုံလို့ ထင်တယ် “ကျနော်က ဗမာ။ အမေကတော့ရှမ်း၊ အဖေက ဗမာပါ” တဲ့။ ဗမာကြားမှာကြီးလို့  ဗမာလို့ ပဲ ခံယူထားပုံရပါတယ်။ ကျနော့်စိတ်ထဲမယ်တော့ အမေရှမ်းဆိုမှတော့ ဘယ့်နှယ် ဗမာဖြစ်သွားရတာလဲပေါ့။ ရှမ်းတယောက်ယောက်ကြားရင် ရှမ်းဖက်ကို မဲဆွယ်လိုက်မဲ့ဖြစ်ချင်း။

    တယောက်တပေါက်ထပ်ပြောရင်း ဘာသာရေးဖက် ခရီးနှင်ပါတယ်။ ဗမာ ဗုဒ္ဓဘာသာတယောက် အစ္စလာမ်ဘာသာဖက်ပြောင်းသွားရင် ဗမာလို့ သတ် မှတ်သေးသလားဆိုတော့ လူမျိုးနဲ့  ဘာသာနဲ့  ကွဲကွဲပြားပြားရှိဖို့ လိုတယ်တဲ့။ တော်ပါသေးရဲ့ ။ ဒါပေမဲ့ ဆက်ပြောပါတယ်။ အစ္စလာမ်ထဲပြောင်းသွားရင် ကုလား၊ ကုလားမဆိုပြီးမှတော့ အပြောခံရမယ်ဆိုတာ။

    ဆက်မေးပါတယ်။ မြန်မာမွတ်စလင်(မ်) ဆိုတဲ့နေရာမှာ မြန်မာနဲ့  မွတ်စလင်(မ်) တွဲလို့ မရဘူးဆိုတာ ပြောပြောနေတော့ ဘယ်လိုမြင်လဲ ဆိုတော့ မယ်မယ်ရရ အဖြေမရှိပါ။ ကောင်မလေးတယောက်က ၀င်ပြောပါတယ်။ မြန်မာနဲ့  မွတ်စလင်(မ်) တွဲနေတာ သဘာဝမကျဘူးတဲ့။ ဘာဖြစ်လို့ လဲလို့ မေးတော့ နားထောင်ရတာ မမှန်မှန်းစိတ်ထဲကတော့သိနေတယ်။ ဒါပေမဲ့ အတိအကျတော့ ပြောမတတ်ဘူးတဲ့လေ။ ကျနော် မှတ်ချက်ချမိပါတယ်။ တိတိကျကျ အဓိပ္ဗါယ်ရှိရှိ သဘာဝကျကျ လက်မခံတာမဟုတ်ပဲ စိတ်ထဲက မကြိုက်ဘူးကွာဆိုတာနဲ့ တင် ငြင်းဆန်နေကြတာဆိုတာ။

    ရခိုင်ကိစ္စလဲပြောဖြစ်ပါတယ်။ တကယ်ဆိုရင် ရခိုင်နဲ့ ဗမာဆိုတာ စကားလည်းဆင်တယ်၊ ကိုးကွယ်တဲ့ဘာသာလည်းတူတယ်။ ဘာကြောင့် ရခိုင်နဲ့  ဗမာဟာ လူမျိုးခြားတွေလို့ သတ်မှတ်သလဲလို့ ။ ကျနော်က နှိုင်းယှဉ်ပြတယ်။ ထားဝယ်လည်း ဗုဒ္ဓဘာသာ၊ ပြောတဲ့စကားလည်းဆင်တူတာပဲ။ ဘာကြောင့် လူမျိုးခြားလို့ မ သတ်မှတ်ပဲ ဗမာအောက်မှာပဲ ဗမာလို့ သတ်မှတ်သလဲ။ ရခိုင်ကို လူမျိုးခြားလို့ သတ်မှတ်သလို ထားဝယ်ကိုလည်း လူမျိုးခြားလို့ သတ်မှတ်ပေါ့လို့ ။ တယောက် တပေါက် ဆက်ပြောကြတယ်။

    တယောက်က မေးတယ်။ ၂၀၀၉ လောက်က ဟောင်ကောင်ရောက် မြန်မာကောင်စစ်ဝန်က ရိုဟင်ဂျာတွေဟာ ဗမာနဲ့ မတူဘူး။ ရိုဟင်ဂျာတွေက အသားမည်းတယ် ဘီလူးတွေနဲ့ တူတယ်။ ဗမာဆိုတာ သူ့ လို အသားလတ်တယ်လို့ ပြောတာကိုဘယ်လို ထင်သလဲတဲ့။ အသားအရောင်နဲ့  လူမျိုး ဘာမှမဆိုင်တဲ့အကြောင်းပြောကြပါ တယ်။ ဟုတ်ပါတယ်။ မကွေးက အဖေဗမာ အမေဗမာဆိုသူ ကောင်မလေးတယောက်နဲ့ ဒညင်းကုန်းက ဗမာကောင်လေးတယောက်က ကျနော်တို့  ၇ ယောက် ထဲမှာ အသားအညိုဆုံးမဟုတ်လား။ မော်လမြိုင်က မွန်လေးလည်း အသားညိုပါတယ်။ ရှေးခေတ်တုန်းက ဗမာဆိုသူတွေရဲ့ ဓာတ်ပုံတွေကို အင်တာနက်မှာတွေ့ မိ တဲ့အကြောင်း၊ သူတို့ အသားမည်းတာရော ရုပ်ရည်ရော ကုလားနဲ့ တူတဲ့အကြောင်းပြောဖြစ်ကြပါတယ်။ အသားမည်းရင် ဗမာမဟုတ်ဘူးဆိုတာ ဘယ်ကပေါ်လာလည်း ကျနော်မသိ။ ဓာတ်ပုံတွေထဲမယ်တော့ မည်းတာသေချာတယ်။ (အဖြူအမည်း ဓာတ်ပုံကြောင့်မဟုတ်၊ အသားမည်းကြောင်း တခြား သက်သေသာဓကတွေ ရှိတယ်)။ ဟောင်ကောင်ရောက် ကောင်စစ်ဝန် ဗမာစစ်မစစ်တော့ သူ့ အမေပဲသိမယ်လို့  ကျနော်တို့  နောက်ပြောင်ဖြစ်ကြတယ်။

    ဒါနဲ့ ဗမာဆိုတာ ဘာလဲ၊ မြန်မာဆိုတာ ဘာလဲ ဆိုတာလည်း ပြောဖြစ်တယ်။ အကြိတ်အနယ်ပါပဲ။ ဘာမှ ရေရေရာရာ မဖြေမထွက်ပါ။ သေချာတာတခုကတော့ လူမျိုး၊ ဘာသာရေး၊ နိုင်ငံသား စတာတွေကို ကွဲကွဲပြားပြားမစဉ်းစားပဲ မြန်မာနိုင်ငံသားဖြစ်ဖို့  ဗုဒ္ဓဘာသာဖြစ်ရမယ်ဆိုတဲ့ ယုံကြည်ချက်က ပြင်းထန်ပြီး ဗမာဆိုတာဘာလဲ၊ ဗမာရဲ့  လူမျိုး ၀ိသေသတွေကဘာလဲ၊ ဗမာနဲ့ မြန်မာဆိုတာ ဘာကွာလဲဆိုတာတွေ သေသေချာချာ စဉ်းစားနားလည်တာမျိုးမရှိဘူး။ နိုင်ငံသားနဲ့  လူမျိုး ဆိုတာလည်း မကွဲကြဘူး။

    တယောက်က နောက်ပါတယ်။ ဘင်္ဂလီ (ရိုဟင်ဂျာ) မဟုတ်ရင် ကုလားမဟုတ်ရင် အဲ့ဒါဗမာပဲတဲ့။ ကျနော် မေးပါတယ်။ ကရင်၊ မွန်၊ တရုတ်၊ ကိုးရီးယား၊ ထိုင်း၊ အနောက်တိုင်းသားစတာတွေကို ဗမာလို့ သတ်မှတ်လားလို့ ။ ကျနော် စကားကပ်တာမဟုတ်ပါ။ သူတို့ ပြောတဲ့အချက်တွေကို တခုချင်းစီ မေးခွန်းပြန်ထုတ် တာပဲဖြစ်တယ်။

    ခုနက ရှမ်း-ဗမာကောင်လေး (ကျနော့်သတ်မှတ်ချက်) က၀င်ပြောတယ်။ အဲ့ဒါကတော့ သူ့ အပေါ်မှာမူတည်တယ်တဲ့။ ဥပမာ ကရင်တယောက်က ကရင်နဲ့ နီးစပ်ပြီး ကရင်လို့ ခံယူရင် ကရင်ပဲ။ ဗမာနဲ့ နီးလို့ ဗမာလို့ ခံယူရင် ဗမာပဲ။ ဒါမှမဟုတ် ကရင်-ဗမာလို့  ခံယူရင် ကရင်-ဗမာပဲ။ မြန်မာလို့ ခံယူရင်မြန်မာပဲ။ ဘာမှ မခံယူရင် ဘာမှမဟုတ်ဘူးပေါ့တဲ့။ ခေါင်းတငြိမ့်ငြိမ့်လုပ်နေကြလို့  ကျနော်ထပ်မေးတယ်၊ ရိုဟင်ဂျာတယောက်က သူ့ ကိုယ်သူ ဗမာလို့ သတ်မှတ်တယ်ဆိုရင် သူ့ ကို ဗမာလို့  သတ်မှတ်သလားဆိုတော့ တယောက်က ကျနော့်ကို စကားကပ်တယ်လို့  ထပြောပါတယ်။

    စကားပြောရင်း ထပေါက်လို့  ဘုကန့် လန့် ပြောလားတော့ ကျနော်လည်းမသိပါ။ အဖြေမရှိတဲ့ ကျနော်တို့ စကားဝိုင်းက မော်လမြိုင်ကသတင်းထောက်ပြောတဲ့ “မျိုးမစစ်လို့  ဗမာလို့  ခေါ် တာမဟုတ်ဘူးလား” ဆိုတာနဲ့  သိမ်းသွားပါတယ်။

    ဒီဆောင်းပါးကို အပေါစားဆောင်းပါးလို့  မြင်သူရှိပါမယ်။ ကျနော်က ကလေးတွေနဲ့ လမ်းဘေးလက်ဖက်ရည်ဆိုင်ထိုင်ပြီး ပြောချင်ရာတွေ ပေါက်တက်ကရ တွေပြော၊ ပြီးရင် ဒီအကြောင်းကို ရေးကြီးခွင်ကျယ်လုပ်ပြီး ဆောင်းပါးရေးတယ်လို့ ထင်ချင်တဲ့လူ ရှိပါလိမ့်မယ်။ ဒီကလေးတွေက တကယ်တော့ ကလေး တွေမဟုတ်ပါဘူး။ အန်ဂျီအိုတွေမှာလုပ်နေတဲ့ မျိုးဆက်သစ်လူငယ်တွေ။ ဘွဲ့ ရပညာတတ်ဆိုသူတွေ။ သူတို့ တွေရဲ့  အမြင်၊ နားလည်မှု၊ ခံယူချက်တွေက လက်ရှိ မြန်မာပြည်ရဲ့  အခြေအနေပါပဲ။ ဒါကြောင့် ကျနော်တို့ စကားဝိုင်းကို ပေါက်တတ်ကရ စကားဝိုင်းလို့ မယူဆပါ။ ကျနော်တို့  စကားဝိုင်းကို ပေါက်တတ်ကရ စကားဝိုင်းလို့ ယူဆရင် ခုနက ပညာတတ်၊ အန်ဂျီအိုမှာထိုးဖောက်ဖို့  ကြိုးစားနေတဲ့ နောင်မျိုးဆက် ၆ ယောက်ရဲ့  အတွေးအမြင်ကို ပေါက်တတ်ကရလို့  ယူဆတာနဲ့  အတူတူပါပဲ။ ဒီလူငယ် ၆ ယောက် အတွေးအမြင်မှာ မြန်မာပြည်က လူကြီးလူငယ် အများစု အတွေးအမြင်နဲ့ မကွာပါ။ မယုံရင် ဒီအကြောင်းပြောကြည့်ပါ။

    ဗမာဆိုပြီး ဇာတိသွေး ဇာတိမာန် တက်နေတဲ့ ဗမာများ၊ ဗမာဆိုတာ ဘာလဲဆိုတာ ရှင်းနိုင်ရင် ရှင်းကြပါ။ ဗမာဆိုတာ ဘာမှန်းညာမှန်း မသိပဲ၊ ကိုယ်စီးတဲ့ မြင်း အထီးမှန်းမသိ အမမှန်းမသိတဲ့လူတွေ၊ မျိုးချစ်စိတ်ရှိပါဆိုပြီး ဘာကိုချစ်ရမှန်းမသိတဲ့လူတွေ၊ ငါချစ်ရမဲ့ ငါ့လူမျိုးဆိုတာ ဘာလဲဆိုတာ အရင် သိအောင် အဓိပ္ဗါယ်ဖွင့်ကြပါလို့ စိမ်ခေါ်ပါတယ်။

    ဇာတိသွေး ဇာတိမာန်တက်မယ်ဆိုရင် ကိုယ်ကိုတိုင်က ဘာလဲဆိုတာ အရင်သိအောင်လုပ်ပါ။ မွန်သတင်းထောက်လေးပြောသလို ဘာအမျိုးကိုချစ်ရမယ်ဆိုတာ မယ်မယ်ရရ မသိတာမျိုး မဖြစ်အောင်အရင်လုပ်ဖို့ ၊ လုပ်နိုင်ရင် လုပ်ဖို့  ဖိတ်ခေါ်ပါတယ်။ စိမ်ခေါ်တယ်လို့ ပြောရင်လည်းရပါတယ်။ စာဖတ်သူတို့  အဓိပ္ဗါယ်ဖွင့်လာမှာကို စောင့်ပြီးနားစွင့်နေပါမယ်။

     

  • ရခိုင်လူသတ်မှုနဲ့ နိရဉ္စရာသတင်းဌာနပတ်သက်မှု

    ရခိုင်လူသတ်မှုနဲ့ နိရဉ္စရာသတင်းဌာနပတ်သက်မှု

    သောင်းထိုက်

    ရခိုင်ပြည်နယ် တောင်ကုတ်မှာဖြစ်သွားတဲ့ စုပြုံလူသတ်မှုရဲ့အစကဘာလဲ?

    မြန်မာအစိုးရ မီဒီယာက မွတ်စလင်ကုလားဆိုပြီးကြေညာတာကနောက်မှပါ။ ရခိုင်လူ သတ်မှုဖြစ်အောင် အဓိက မှိုင်းတိုက်ပေးခဲ့တာကတော့ ရခိုင်သတင်းဌာန နိရဉ္စရာပါပဲ။

    ဒီသတင်းဌာနဟာ ရခိုင်လူသတ်မှုအတွက် အဓိက ပထမ တာဝန်ရှိပြီး ဒီလူသတ်မှုအ တွက် တာဝန်ယူရမှာဖြစ်ပါတယ်။ ဒီအချက်ကို မှေးမှိန်သွားစေလို့ မဖြစ်ပါဘူး။ ဘာ ကြောင့်လဲဆိုရင် သတင်းမီဒီယာတခုရဲ့  ပါဝါကိုကိုင်ထားပြီး တာဝန်ယူမှုနဲ့ သတင်းမီ ဒီ ယာကျင့်ဝတ်မရှိလို့ အပြစ်မဲ့ ပြည်သူ ၁၁ ဦး အသက်ပေးခဲ့ရတာပါ။ ရ၀မ်ဒါလူမျိုးတုန်း သတ်ဖြတ်မှုမှာ ရေဒီယို အော်ပ ရေတာ ကိုင်ပြီး လူသတ်စိတ်ကြွအောင် မှိုင်းတိုက်ပေးခဲ့ တဲ့ ဟူတူလူမျိုး စစ်ရာဇ၀တ်ကောင်တွေရဲ့  လုပ်ရပ်နဲ့ အလား သဏ္ဍာန်အတူတူပါပဲ။

    နိရဉ္စရာသတင်းဌာနက ဘယ်လို လူသတ်မုန်းတီးစိတ် မှိုင်းတိုက်ခဲ့လည်းဆိုတာ သုံးသပ် ပြပါမယ်။ နိရဉ္စရာမှာ တင်ပြခဲ့တဲ့ သတင်း ၄ ပုဒ်ဟာ လူသတ်စိတ်ကြွစေတဲ့ သတင်းတွေ ပါ။ ဓားသွားကို သွေးပေးခဲ့တဲ့ ကလောင်သွား တွေပါပဲ။ အဓိကချပြသွားတဲ့ အိုင်ဒီယာ တွေကတော့

    (၁) အစ္စလာမ်ဘာသာဝင်၊ မွတ်စလင်မ်၊ ကုလား ၃ ယောက် ရခိုင်အမျိုးသမီးတယောက် (၁၆ နှစ်လို့ မှားယွင်းစွာ ဖော်ပြခဲ့) ကို အဓမ္မပြုကျင့်ပြီး ရက် ရက်စက်စက် လူမဆန်စွာသတ်ဖြတ်ခဲ့တယ်ဆိုတဲ့အချက်

    (၂) မွတ်စလင်မ်တွေဟာ အဲ့ဒီရပ်ရွာမှာ သောင်းကျန်းနေပြီး ရပ်ရွာလူထုကို ခြောက်လှန့် နှောင့်ယှက်နေပေမဲ့ အစိုးရက ဘာမှမလုပ်ပေးတဲ့အချက်ကို ဦးတည်ပြီး

    ကုလား၊ မွတ်စလင်မ်၊ အစ္စလာမ်ဘာသာဝင်ဆိုတဲ့ စကားလုံးတွေ ရောထွေးသုံးပြီး ရခိုင်အမျိုးသမီးကို မတရား ရက်ရက်စက်စက်လုပ်သွားတယ်ဆိုပြီး ထပ်ကာထပ်ကာ တင်ပြခဲ့တဲ့အတွက် ရခိုင်လူထုကို ပိုပြီး စိတ်ဆိုးစေ တယ်။ လူမျိုးခြား ဘာသာခြားတွေက ငါတို့ ကို အဲ့ဒီလို စော်ကားနေတယ်ဆိုတဲ့ ဒေါသတွေကို ဆွပေးခဲ့တယ်။ ဒေါသထွက်နေတဲ့ ရခိုင်ပြည်သူတွေဟာ နိရဉ္စရာရောချသလိုပဲ ရိုဟင်ဂျာ၊ ဘင်္ဂလီ၊ မြန်မာမွတ်စလင်မ်၊ ကုလား၊ တိုင်းရင်း သား အစ္စလာမ်ဘာသာဝင် ဘာမှမခွဲခြားတော့ပဲ ကားပေါ်မှာပါလာတဲ့ မွတ်စလင်မ် မှန်သမျှ ဆွဲချပြီး ရက်ရက်စက်စက် ရိုက်နှက်သတ်ဖြတ်ပါတော့တယ်။ (နိရဉ္စရာသတင်းထုတ်ပြန်ပုံကို ပူးတွဲ ကဏ္ဍတွင်ရှုပါ။)

    မီဒီယာကျင့်ဝတ်ဖောက်ပြီး သတင်းဖုံးတာလား တိုက်ဆိုင်တာလားတော့မသိပါ၊ မွတ်စလင်မ်တွေ အသတ်ခံရတဲ့ နေ့ မှာပဲ တောင်ကုတ်ကာ ကားချော်လို့  လူ ၈ ယောက်သေတယ်ဆိုပြီး ဖော်ပြခဲ့တယ်။ နောက်ပိုင်း သတင်းတွေ တက်လာမှ ဒီသတင်းပြန်ဖော်ပြတယ်။ ရခိုင်အမျိုးသမီးကိစ္စမှာ ဘာသာရေးကို  တငင်ငင်ဖော်ပြခဲ့ပေမဲ့ မွတ်စ လင်မ် အသတ်ခံရတဲ့သတင်းမှာတော့ ဗုဒ္ဓဘာသာတွေကို စုဖွဲ့ ပြီး ရိုက်သတ်တယ်ဆိုပြီး မပြောတာက မသိနားမ လည်လို့  အစ္စလာမ်ဘာသာကို ထည့်ရေးမိတာမဟုတ်ဘဲ ရည်ရွယ်ချက်ရှိရှိ လူမျိုးရေး မုန်းတီးစိတ်ဆွပေးတယ် ဆိုတာ ထင်ရှားနေပါတယ်။

    ပိုပြီးတော့မှ ထူးခြားတာက နိရဉ္စရာသတင်းဌာန ၀ဘ်ဆိုဒ်ဟာ ၂၀၀၅ ကတည်းက ရခိုင်အမျိုးသမီးကေ့စ်နဲ့မှ လူဝင်ကြည့်မှုအများဆုံးဆိုပြီး အောင်ပွဲခံခဲ့ ပါတယ်။ ရခိုင်ပြည်နယ်မှာ မုဒိန်းမှု၊ လူသတ်မှု၊ အဓမ္မလုပ်အား ပေးမှု၊ မြေသိမ်းမှု ပေါင်းစုံဖြစ်နေပေမဲ့ ခုလို အဓမ္မမှုတခုကို ခုတုံးလုပ်ပြီး လူမျိုးရေးဘာ သာရေးတွေရောပြီး နာမည်ကြီး အောင် အမြတ်ထုတ်သွားတာ ပေါ်လွင်နေပါတယ်။

    ဒါကြောင့် တကယ်တန်းတော့ ဒီလူသတ်မှုကို မှိုင်းတိုက်ပေးခဲ့တာကတော့ နိရဉ္စရာသတင်းဌာနဖြစ်တဲ့အတွက် အဲ့ဒီသတင်းဌာနမှာ အပြည့်အ၀ တာဝန် ရှိပါတယ်။ ဒီကိစ္စအတွက် နိရဉ္စရာက တနေ့ တချိန်မှာ တာဝန်ယူပေးရမှာဖြစ်ပါတယ်။

    ပူးတွဲ –

    နိရဉ္စရာသတင်းတင်ပြပုံ (ဒန်ငြာရှိန်းဆောင်းပါးမှ-)

    ရခိုင်သတင်းဌာန နိရဉ္စရာသတင်း ဌာနရဲ့  မေလ ၂၉  ရက်နေ့ ထုတ် “ရမ်းဗြဲတွင် အသက် ၁၆ နှစ်အရွယ် အမျိုးသမီးငယ် တစ်ဦး မုဒိမ်းကျင့် သတ်ဖြတ်ခံရ” ခေါင်းစဉ်ပါသတင်း တစ်ပုဒ်ထဲမှာတင် လူမျိုးရေး ဘာသာရေးမှိုင်းတိုက်ပေးတဲ့ စာလုံး၊ စာကြောင်းပေါင်းများစွာ ထည့်ခဲ့ပါတယ်။ အဲ့ဒီစာကြောင်းတွေကတော့

    –       ကျောက်ထရံ ကုလားရွာအနီးမှာ မုဒိမ်းကျင့်ခံရပြီး

    –       မုဒိမ်းကျင့် သတ်ဖြတ်သူများမှာ ကျောက်ထရံကျေးရွာမှ မွတ်ဆလင် လူငယ် သုံးဦး ဖြစ်ပြီး

    –       ” သူမကို မုဒိမ်းကျင့်ပြီး သတ်သွားတာက ကျောက်ထရံကျေးရွာက ကုလား လူငယ် (၃)ဦးဖြစ်တယ်”

    –       တစ်ဦးတည်းပြန်စဉ် ကျောက်ထရံ ကုလားရွာ အလွန် တာတမံဘောင်ရှိ ကုက္ကိုပင်တွင် ပုန်းအောင်းစောင့်နေသော မွတ်ဆလင် လူငယ် ၃ ဦးက အတင်းဆွဲချုပ် ဖမ်းဆီးပြီး မုဒိမ်းကျင့်ကာ

    နိရဉ္စရာသတင်းဌာနရဲ့  မေလ ၂၉  ရက်နေ့ ထုတ် “ရမ်းဗြဲ မုဒိမ်းကျင့် လူသတ်မူ ကျူးလွန်သူ တရားခံ သုံးဦးကို ညတွင်းချင်း ဖမ်းမိ” ခေါင်းစဉ်ပါ သတင်းမှာလည်း လူမျိုးရေး ဘာသာရေး စကားလုံးထပ်ပြီး ရေးသားထားပါတယ်။

    –       သူတို့ သုံးဦးစလုံးမှာ အစ္စလာမ်ဘာသာဝင်များ ဖြစ်ကြသည်။

    –       တစ်ခြား အစ္စလာမ်ဘာသာဝင် လူငယ် (၂)ဦးအား စစ်ဆေး မေးမြန်းနေသည်ကို

    –       အစ္စလာမ်ဘာသာဝင်များမှာ အပြင်ကို မထွက်ဘဲ ရှိနေကြသည်ဟု

    –       မေလ ၂၈ ရက် ညနေ ၅ နာရီကျော်ခန့်တွင် အစ္စလာမ်ဘာသာဝင် လူငယ် သုံးဦး မုဒိမ်းကျင့် သတ်ဖြတ်ခြင်းကို ခံခဲ့ရသည်။ မျက်မြင်များ အပြော အရ သူမလည်ပင်းအား လှီးဖြတ်ထားပြီး ရင်ဝကို ဓါးဖြင့် အကြိမ်ကြိမ်ထိုးသတ်ကာ အမျိုးသမီး အင်္ဂါစပ်များအားလည်း ဓါးဖြင့် ချေမွထားကြောင်း

    မေလ ၃၁ ရက်နေ့ ထုတ် “မသီတာထွေး မုဒိမ်းကျင့် သတ်ဖြတ်ခံရမူကို မကျေနပ်သော ရမ်းဗြဲလူထု ဆန္ဒပြ” ခေါင်းစဉ်ပါသတင်းမှာ

    –       အခု ဖမ်းဆီးထားတဲ့ ကုလား ကောင်လေးတွေဟာ

    –       မုဒိမ်းမူ၊ လူသတ်မူ မဖြစ်ခင်မှာ လမ်းသွားလမ်းလာ မိန်းခလေးတွေ၊ ကျောင်းသူတွေကို ဒီဒေသပတ်ဝန်းကျင်မှာ ရှိတဲ့ ကုလားရွာတွေက တချို့ ဆိုးသွမ်းတဲ့ လူတွေဟာ

    –       အဆိုပါ ဒေသတွင် မွတ်ဆလင် တချို့မှ ကျောင်းသူ ကျောင်းသားများ၊ ဈေးသွား ဈေးလာများကို နှောင့်ယှက်မူများ ရှိခဲ့သဖြင့်

    –       စွပ်စွဲခံထားရသူ ကျောက်ထရံ ကုလားရွာမှ ထက်ထက် (၂၃)နှစ်၊ ရော်ဖိ (၁၈) နှစ်နှင့် လူယု (၂၁)နှစ်တို့ ကို ဖမ်းဆီးထားကြောင်း

     

    ဇွန်လ ၂ ရက်နေ့ ထုတ် “ကျောက်ဖြူလူထု မိုးရေကြားထဲ မသီတာထွေးအတွက် သွားရောက် ဆန္ဒပြ”ပါသတင်းမှာ

    –       ဖမ်းဆီး ရမိထားသော တရားခံ မူဆလင်(၃) ဦးကို

    ရာဇ၀တ်မှုတွေကို လူမျိုးရေး ဘာသာရေး စကားလုံးချင်းထပ်ကာထပ်ကာ တွင်တွင်ရေးသားတင်ပြထားတဲ့ သတင်းတွေ ရခိုင်ပြည်မှာ ပျံ့ သွားပြီး ရခိုင်ပြည်သူတွေကို ဒေါသအမျက်ထွက်စေခဲ့ပါတယ်။

  • ကိုယ်ကျိုးရှာ စီးပွားရေးသမားများ၏ ဘာသာရေးမှိုင်းတိုက် တိုင်းပြည်မီးလောင်တိုက်သွင်းမှု့

    သောင်းထိုက်

    မကွေးတိုင်း ကမ္မတွင် ဧပြီ ၁၃ ရက်နေ့ က မွတ်စ်လင်မ်ဆုတောင်းဝတ်ပြုဆောင်ကို ဖျက်ဆီးပြီး အိမ်များကိုလည်း ၀င်ရောက်ဖျက်ဆီးကာ ပစ္စည်းများကို တရားဥပဒေမဲ့ လုယူသွားကြသည်။ အိမ်များကိုရွေးချယ်ဖျက်ဆီးခြင်း၊ ဆုတောင်းဝတ်ပြုဆောင်ကိုဖျက်ဆီးခြင်းဖြစ်၍ ဤအဖြစ်အပျက်သည် ဘာ သာရေး ပြသနာကဲ့သို့ဖြစ်လာသည်။ အမှန်မှာ ဤကိစ္စသည် စီးပွားရေးသမားအချင်းချင်း ပြိုင်ဆိုင်ရာမှာ ကြံ့ဖွံ့အမတ်နှင့် သူ၏ကျောထောက်နောက်ခံ စီးပွားရေးသမားများက  ပြည်သူများအား ဘာသာရေးမှိုင်းတိုက်ကာ ကိုယ်ကျိုးစီးပွားရှာခြင်းသာဖြစ်သည်။

    ဆိုလိုရင်းကို သုံးသပ်တင်ပြပါမည်။

    အွန်လိုင်းတွင် ကော်မန့် ရေးကြသူ အများစုသည် ဖြစ်စဉ်ကို သေချာသဘောပေါက်အောင်ဖတ်ဟန်မတူ။ လူမျိုးအစွဲ၊ ဘာသာရေးအစွဲဖြင့်သာ ရေနစ်သူဝါး ကူထိုးဆိုသကဲ့သို့ အတိုက်ခိုက်ခံရသူများကို အပြစ်တင်ကြသည်။ တိုက်ခိုက်သူများဖက်မှ ၀မ်းသာအားရ အားပေးကြသည်။ သတင်းမီဒီယာပေါက်စများ ကလည်း သတင်းမှားများ လွှင့်ခဲ့ကြသည်။ အချက်အချို့ ကို သေချာပြန်စဉ်းစားကြည့်စေလိုသည်။

    –       တိုက်ခိုက်ခံရသူအများစုသည် နေရင်းထိုင်ရင်း ပစ္စည်းများလုယက်ခံရခြင်းဖြစ်သည်။ အပြစ်တစုံတရာမလုပ်ဘဲ အကြမ်းဖက်ခံလိုက်ရခြင်းဖြစ်သည်။

    –       ကိစ္စရပ်တခုခုအပေါ် အခြေအတင်မကျေမလည်ဖြစ်သဖြင့် တဖက်နှင့်တဖက် အပြန်အလှန်တိုက်ခိုက် ခြင်းမဟုတ်။ လူစုလူဝေးဖြင့် မွတ်စလင်မ်ပြည် သူအိမ်များကို တိုက်ခိုက်လုယက်သွားခြင်းဖြစ်သည်။ တိုက်ခိုက်ခံရသူများမှာ ခုခံရန်အနေသာ ကြောက်လန့် သဖြင့် တံခါးများပိတ်ကာ ပုန်းအောင်းနေရ သည်။ ဆိုလိုရင်းမှာ တဖက်သက် တိုက်ခိုက်သွားခြင်းဖြစ်သည်။

    ဤဖြစ်စဉ်အား ဥပဒေရှု့ဒေါင့်၊ လူ့ အခွင့်အရေးရှု့ဒေါင့်၊ ဘာသာရေးရှု့ ဒေါင့် မည်သည့်ရှု့ဒေါင့်က ကြည့်ကြည့် တဖက်က တခြားတဖက်ကို တရားသော အကြောင်းပြချက်မရှိ တိုက်ခိုက်ခြင်းဖြစ်သဖြင့် တိုက်ခိုက်သူဖက်က အမှားဖြစ်သည်။ ဓား၊ ပုဆိန် ရဲဒင်း စသည့် လူကိုသေစေနိုင်သည့် လက်နက်များအ သုံးပြုပြီး တိုက်ခိုက်ခဲ့သည့်အတွက် ပိုင်နက်ကျူးလွန်မှု၊ ကြိုတင်ကြံစည်မှု၊ နာကျင်အောင်ကြံစည်မှု၊ လက်နက်ကိုင်ဆောင်မှု၊ လုယက်မှုစသည့် ရာဇ ဝတ်မှုများမြောက်သည်။ ထို့အပြင် တာဝန်ရှိသူများက အရေးယူဟန့်တားခြင်းမပြုဘဲ လက်ပိုက်ကြည့်နေခြင်းကလည်း အားပေးကူညီမှု မြောက်သည်။

    အွန်လိုင်းတွင် ကော်မန့်ရေးသူ မြန်မာပြည်သူ အတော်များများ (အားလုံးမဟုတ်) သည် ဤရာဇ၀တ်မှုကို ရာဇ၀တ်မှုဟုမမြင်နိုင်တော့ဘဲ ဘာသာရေးဟု ပြောလိုက်ယုံဖြင့် ရာဇ၀တ်မှုကျူးလွန်သူများဖက်မှ ရပ်တည်ကြတော့သည်၊ ပွင့်ပွင့်လင်း လင်းထောက်ခံကြတော့သည်။ ဤနေရာတွင်မေးခွန်း မေးစရာ များပေါ်လာသည်။ ကျွန်တော်တို့ မြန်မာပြည်သူ ပြည်သားများသည် ရာဇ၀တ်မှုမှန်းသိလျက် ထိုရာဇ၀တ်မှုများကို “ငါတို့နဲ့ဘာသာမတူသူများခံရလို့ဆိုပြီး ဘာသာ ရေးခေါင်းစဉ် အောက်ဆွဲသွင်းလိုက်ရုံဖြင့် ရာဇဝတ်မှုကို လျစ်လျူရှုလက်ခံပါသလား”။ “အကြမ်းမဖက်ဝါဒ (non-violence) နှင့်ဆန့်ကျင်ပြီး လက်နက်ကိုင်ဆောင်၍ အုပ်စုဖြင့် အုံအုံကြွကြွ ဆူပူခြင်း (mob violence) ကို တရားသောဖြေရှင်းနည်းလို့ လက်ခံပါသလား”။

    ကမ္မမြို့ အဖြစ်အပျက်ကို သေချာလေ့လာကြည့်လျှင် ကြံ့ဖွံ့လွှတ်တော်အမတ်နှင့် စီးပွားရေးသမားတို့မှ ပြည်သူများအား ဘာသာရေးမှိုင်းတိုက်ကာ ကိုယ်ကျိုးစီးပွားရှာခြင်းဖြစ်ကြောင်း ရှင်းလင်းစွာတွေ့ရသည်။ ဖြစ်စဉ်အကျဉ်းမှာ –

    –       ကမ္မ-ပြည် စက်လှေလိုင်စင်ကို ကြံ့ ဖွံ့ အမတ် ဦးဝင်းနိုင်က လေလံ ၁၃၅ သိန်းဖြင့် ယခင်းကတည်းက လက်ဝါးကြီးအုပ်ထားသည်။ စီးပွားရေး ပွင့် လင်းလာသည့်အတွက် ၂၀၁၂ ဧပြီလ ဈေးပြိုင် လေလံဆွဲပွဲတွင် အစ္စလာမ်ဘာသာကိုးကွယ်သူ ဦးဌေးလွင်နှင့် ဒေါ်ဝါဝါက လေလံအောင်သွားသဖြင့် ကြံ့ ဖွံ့  အမတ် ဦးဝင်းနိုင်နှင့် သူ၏ ကျောထောက် နောက်ခံ စီးပွားရေးသမားများက ဦးဌေးလွင်နှင့်ဒေါ်ဝါဝါတို့ကို မကျေနပ်ရာမှ ပြသနာစသည်။

    –       ကြံ့ ဖွံ့ ဦးဝင်းနိုင်အား ကျောထောက်နောက်ခံပေးထားသည့် စီးပွားရေးသမား ဦးဝမ်းသည် ကင်းရွာ-ပြည် ကူးတို့  လိုင်းကို ၂၅ သိန်းဖြင့်လေလံဆွဲ ထားပြီး သတ်မှတ်စည်ပင်နယ်နိမိတ်ကျော်ကာ ကံမ္မ-ပြည် ကူးတို့လိုင်းအနီးနား (မွတ်စလင်မ်ဦးဌေးလွင်တို့၏ ကူးတို့ လိုင်းနယ်နိမိတ်) အထိ နယ်မြေ ကျော် ပြေးဆွဲလျက်ရှိသည်။ ယခု ဘဏ္ဍာရေးနှစ်သစ်တွင် ဦးဌေးလွင်တို့ က စက်လှေကူးတို့  ပြေးဆွဲ တော့မည်ဖြစ်ရာ၊ ဦးဝမ်းတို့ နယ်ကျော်ကူးတို့ဆွဲ နေ မှုရပ်ဆိုင်းရမည့် ရက်ကျော်လွန်သော်လည်း  ရက်တိုးတောင်းမှုကြောင့် တိုးပေးခဲ့သည်၊ သို့သော် ထပ်တိုး ရက်ကျော်လွန်သည့် အခါ၊ ကြံ့ဖွံ့ အမတ်ဦး ၀င်းနိုင်က ဦးဌေးလွင်တို့ကို မြို့နယ်အုပ်ချုပ်ရေးရုံးတွင်ခေါ်ကာ ရက်တိုး ပေးရန်ညှိပြန်သည်။ သည်တစ်ကြိမ်တွင် ရက်ညှိရုံမက လေလံကိုပါ လွှဲအပ်ပေး ရန်တောင်းသည်ဟုဆို သည်။ လက်မခံပါက ဘာသာရေးပြသနာ ဖြစ်သွားနိုင်ကြောင်း အမတ်ဦးဝင်းနိုင်က ချိန်းခြောက်သည်ဟု ဆိုသည်။ စည်ပင်ဦးစီး မှူးမှ ဦးဝင်းနိုင်အား ဤသို့လုပ်ပါက ကြံ့ဖွံ့ပါတီသိက္ခာကျနိုင်ကြောင်း၊ ဥပဒေ အတိုင်းဆောင်ရွက်ပေးမည်ဖြစ်ကြောင်း ပြောသော်လည်းမရပေ။ ထို့ကြောင့် ၎င်းတို့တောင်းဆိုချက်အတိုင်း အနိုင်ရထားသော ကူးတို့လိုင်း လေလံကို ဦးဝမ်းတို့အား လွဲပြောင်းပေးခဲ့ရသည်။ သို့သော် ဈေးနည်းနည်းဖြင့် ရရမည့် လေလံကို ဦးဌေးလွင် ဒေါ်ဝါ၀ါတို့ကြောင့် ငွေကြေးများစွာကုန်ခဲ့ရသည်ဆိုကာ ဦးဝမ်းတို့မှ မကျေနပ်ဖြစ်ခဲ့သည် ဟုဆိုသည်။

    ဤအခြေခံပေါ်တွင် ဧပြီလ ၁၃ ရက်နေ့ တွင် ကြံ့ဖွံ့အမတ်ဦးဝင်းနိုင်နှင့် ဦးဝမ်းတို့ ပယောဂဖြင့် မွတ်စလင်မ် ပြည်သူအိမ်တချို့ ကို လူအုပ်က ဖျက်ဆီးလု ယက်ကြသည်။ ခံရသူများက သက်ဆိုင်ရာသို့  အကြောင်းကြားခဲ့သော်လည်း အရေးမယူသည့်အပြင် ကာကွယ်မှု လုံးဝ (လုံးဝ) မပေးပါ။ ထိုသို့ကာကွယ် မှုမပေးသည့်အတွက် မီးစိမ်းပြသည်ဟုမှတ်ယူကာ ကူးတို့ ဆိပ်ကမ်းမှ ဆင်းရဲသား အလုပ်သမားများအပါအ၀င် လူအုပ်စုက ၁၄ ရက်နေ့ နှင့် ၁၅ ရက် နေ့ တွင် နေအိမ်များ၊ ဆိုင်ခန်းများ၊ စက်လှေများကို ဆက်လက်ဖျက်ဆီးခဲ့ကြသည်။ ပစ္စည်းများလုယူသွားကြသည်။

    နောက်ပိုင်းတွင် ကြံ့ ဖွံ့ ဦးဝင်းနိုင်နှင့် အပေါင်းအပါတို့ က ဦးဌေးလွင်နှင့် ဆွေမျိုး တော်စပ်သူများထံမှ စီးပွားရေးလိုင်စင်များ ကို သိမ်းယူလိုက်သည်။ ပြသ နာကရှင်းနေသည်၊ ရုတ်ရုတ်သဲသဲ အခြေအနေကိုအသုံးချပြီး ကြံ့ ဖွံ့  ဦးဝင်းနိုင်နှင့် အပေါင်းအပါ စီးပွားရေးသမားများက ဓားပြတိုက်လိုက်ခြင်း (သို့ ) စီး ပွားရေး လက်ဝါးကြီးအုပ်လိုက်ခြင်းပင်။

    ဤဖြစ်စဉ်ကိုကြည့်ပါက ကြံ့ ဖွံ့  ဦးဝင်းနိုင်သည်

    (က) ကြံ့ဖွံ့ လွှတ်တော်အမတ်ဟူသော အာဏာကိုသုံးကာ အချိန်မရွေး ဘာသာရေး အဓိကရုဏ်းကို ဖန်တီးနိုင်စွမ်းရှိသည် ဟု ယုံကြည်ထားသူဖြစ် ကြောင်း၊ ထိုယြုံကည်ချက်ကို လက်တွေ့ဖန်တီးပြသလိုက်ကြောင်း ပေါ်လွင်သည်။

    (ခ) လွှတ်တော်အမတ်တစ်ဦးဖြစ်ပါလျှက် ဥပဒေနည်းလမ်းအတိုင်း ဆောင်ရွက်ခြင်းကို လျစ်လျှူရှု့ပြီး ပုဂ္ဂလိက စီးပွားရေးအတွက် ဥပဒေပြင်ပမှ ဒုစရိုက် ဆန်ဆန်လုပ်ခဲ့သည်။

    ဒီမိုကရေစီစနစ်နှင့် ပတ်သက်ပြီး အရေးကြီးသည့်အချက်တစ်ချက် ထောက်ပြပါမည်။

    အစိုးရရုံးများသည် တိုင်းပြည်ဘဏ္ဍာဖြင့် လှည်ပတ်နေသည့် ပြည်သူ့ ရုံး (အင်္ဂလိပ်အခေါ် Public Office) ဖြစ်သည်။ နိုင်ငံ အကျိုးစီးပွားနှင့် အများပြည် သူကိစ္စရပ်များအတွက် ထူထောင်ထားခြင်းဖြစ်သည်။ နိုင်ငံတော်နှင့် အများပြည်သူပိုင်သော အုပ်ချုပ်ရေးနေရာဖြစ်သည်။ ပြည်သူ့ ရုံးအား ပုဂ္ဂိုလ်ရေး ကိစ္စများအတွက်၊ ကိုယ်ကျိုးစီးပွား (သို့ ) ပုဂ္ဂလိက စီးပွားအတွက် အသုံးပြုခွင့်မရှိပေ။ ထိုနည်းတူ အမတ်များ၊ ၀န်ကြီးများနှင့် ၀န်ထမ်းများသည် ရာထူး အာဏာများကို ပုဂ္ဂိုလ်ရေးအတွက်၊ ကိုယ်ကျိုးစီးပွားအတွက်၊ တစုံတယောက်၏ အကျိုးစီးပွားအတွက် အသုံးပြုခွင့် လုံးဝမရှိပေ။ ရုံးနှင့် အာဏာကို ပုဂ္ဂိုလ် ရးအတွက် သုံးပါက နိုင်ငံရေးချစားမှု (Corruption) မြောက်သည်။

    ကြံ့ ဖွံ့ ဦးဝင်းနိုင်လုပ်ပုံမှာ မြို့ နယ်ရုံးနှင့် သူ၏ အာဏာကို စီးပွားရေးအတွက် အသုံးချခဲ့ရုံမက ရာဇ၀တ်နည်းလမ်းများပါ သုံးခဲ့သည်။ ဒီမိုကရေစီနိုင်ငံတွင် နိုင်ငံရေး ချစားမှုနှင့် Public Accountability (ခေါ်) ပြည်သူလူထု တာဝန်ခံမှုဆိုင်ရာနှင့် ပတ်သက်ပြီး အရေးယူခံထိုက်သည်။

    အွန်လိုင်းပေါ်မှပရိသတ်များသည် ဤအခြေခံကိုဖြစ်စဉ်ကိုမြင်လျှက် သဘောထား မှန်မှန်ကန်ကန်ဖြင့် သုံးသပ်သင့်ကြသည်။ ကိုယ်ကျိုးစီးပွားသမားများ ၏ မှိုင်းတိုက်မှုအောက်တွင် ဘာသာရေးအစွဲ လူမျိုးရေးအစွဲ ဖြင့်သာ ပြဿနာရပ်ကိုချဉ်းကပ်ပါမူ၊ သို့မဟုတ် မျက်စေ့မှိတ်၍ မတရားသည့် ဘက်လိုက် အော်ပေးမည်ဆိုလျှင်၊ ထို့ပြင် ပြဿနာတရပ်ရပ်ကို ဖြေရှင်းရာမှာ လူများစုလူအုပ်စုဖြင့် အနိုင်ကျင့်(mob violence) ဖြေရှင်းခြင်းနှင့်သာ ဖြေရှင်းကြမည် ဆိုလျှင် တိုင်းပြည်တွင် တရားဥပဒေ၏ အခန်းကဏ္ဍက ဘာလဲဟု မေးစရာဖြစ် တော့သည်။

    တဖန် လူများစု လူအုပ်စုဖြင့် အနိုင်ကျင့်ဖြေရှင်းရေး သဘောထား (Attitude) များကိန်းအောင်း အမြစ်တွယ်နေပါမူ ကောင်းသောလက္ခဏာမဟုတ်ပေ။ အခန့်မသင့်ပါက တိုင်းပြည်တွင်း ကြီးမားသော ပြဿနာ မလွှဲမသွေ ပေါ်ပေါက်လာနိုင်သည်။ ယနေ့လူနည်းစု မွတ်စလင်မ်များအပေါ် အနိုင်ကျင့်တိုက် ခိုက်သည်။ ပြီးလျှင် လူနည်းစု ခရစ်ယာန်များကိုအနိုင်ကျင့်တိုက်ခိုက်မည်။ နှောင်တွင် လူနည်းစု လူမျိုးစုများကိုတိုက်ခိုက်ကြမည်။ မတိုက်ခိုက်ဘူးထား ဦးတော့ ရှေ့ကဖြစ်ခဲ့ဖူးသည့် အတွေ့ အကြုံများကြောင့် သံသယများရှိနေမည်သာ။ ထို့ကြောင့် လူအုပ်ဖြင့်အနိုင်ကျင့်ဖြေရှင်းနည်းသည် တိုင်းပြည် အေး ချမ်းသာယာမှုကို အဟန့်အတားဖြစ်စေသကဲ့သို့ ၊ လူအုပ်ဖြင့်အနိုင်ကျင့်ဖြေရှင်းခြင်းအလေ့အထရှိခဲ့ခြင်း ကြောင့် ဖြစ်ရှိလာသော စိုးရိမ်စိတ် သံသယစိတ် များသည်လည်း တိုင်းပြည်အေးချမ်းသာယာရေး၊ တိုင်းပြည်တိုးတက် ဖွံ့ဖြိုးရေးကို အဟန့် အတားဖြစ်စေပါသည်။

    ထို့ကြောင့် တိုင်းပြည်တိုးတက်စေလိုသည့်စိတ်ရှိသူတိုင်း မည်သည့်မှိုင်းတိုက်မှုအောက်တွင်မပါစေဘဲ တရားဥပဒေ နှင့်အညီ တရားဥပဒေဘောင်အ တွင်းမှ ဆောင်ရွက်စေလိုသော ဆောင်ရွက်တတ်သော စိတ်ထားများ လေ့ကျင့် မွေးမြူနိုင်ရန် လိုအပ်ပါသည်။

    (မှတ်ချက် – ဤဆောင်းပါးသည် စာရေးသူ၏ အမြင်နှင့် သုံးသပ်ချက်များသာဖြစ်သည်။)