News @ M-Media

Tag: မြန်မာဆီးဂိမ်း

  • မြန်မာလမ်းလျှောက်မယ် ရွှေတံဆိပ် လိမ်လည် ရယူသည်ဟု ဗီယက်နမ် မီဒီယာများ ဖော်ပြ

    M-Media
    ဒီဇင်ဘာ ၁၈၊ ၂၀၁၃

    ၂၀၁၃ မြန်မာဆီးဂိမ်းသတင်း

    ၂၀ ကီလို လမ်းလျောက်ပြိုင်ပွဲတွင် ရွှေတံဆိပ်ဆုရ မြန်မာအားကစားမယ် စောမာလာနွယ်က ရွှေတံဆိပ်ကို လှည့်ဖျားသော နည်းလမ်းဖြင့် ရယူခဲ့ခြင်းဖြစ်သည်ဟု ထိုပြိုင်ပွဲ၌ ငွေတံဆိပ်သာ ရရှိခဲ့သည့် ဗီယက်နမ် အားကစားမယ် ငုယင်သီထန်ဖုက စွပ်စွဲပြောကြား လိုက်သည်။

    ငွေတံဆိပ်ကို မျက်ရည်လည်ရွဲဖြင့် ရယူနေသည့် ဗီယက်နမ် အားကစားမယ်
    ငွေတံဆိပ်ကို မျက်ရည်လည်ရွဲဖြင့် ရယူနေသည့် ဗီယက်နမ် အားကစားမယ်

    သူမက ဗီယက်နမ်သတင်းဌာနတစ်ခုဖြစ်သည့် Thanh Nien ကို ယင်းသို့ပြောကြားခဲ့ခြင်းဖြစ်သည်။

    ငုယင်သီထန်ဖုက မြန်မာအားကစားမယ်သည် လမ်းလျောက်လိုက်၊ ပြေးလိုက်ဖြင့် ပြိုင်ပွဲကို ယှဉ်ပြိုင်ခဲ့ခြင်းဖြစ်ကြောင်း၊ မိမိအနေဖြင့် လက်ရှိ ချန်ပီယံဘွဲ့ကို ကာကွယ်ရန် ပြိုင်ပွဲဝင်ြခင်းဖြစ်ကြောင်းပြောပြသည်။ စောမာလာနွယ်နောက်မှ ၂ မိနစ် ၅ စက္ကန့်နောက်ကျပြီး ပန်းဝင်လာသည့် ငုယင်သီထန်ဖုသည် ဒုတိယငွေတံဆိပ်သာ ရရှိ၍ မျက်ရည်ဖြိုင်ဖြိုင် ကျခဲ့သေးသည်။ သို့သော် သူမသည် လည်း ပြိုင်ပွဲ၌ ပြေးလွှားခဲ့သောကြောင့် အနီကဒ် ၂ ခါထိခဲ့သေးသည်။ စည်းမျဉ်းအရ အကယ်၍ တတိယတကြိမ် အနီကဒ် ထိခဲ့ပါလျှင် ပြိုင်ပွဲမှ ထွက်ရမည်ဖြစ်သည်။

    ဗီယက်နမ်တို့က သူတို့ရွှေ မရရှိခဲ့သည့် ယင်းအကြောင်းအရာကို သတင်းမီဒီယာများ၌ အကြီးအကျယ်ဖော်ပြနေကြသည့်အတွက် ၀ီကီပီးဒီယား၊ Sea Games ကဏ္ဍအောက်တွင်ပင် ယင်းအဖြစ်အပျက် ထည့်သွင်းရေးထား ပြီဖြစ်သည်။ (en.wikipedia.org/wiki/2013_Southeast_Asian_Games#Controversies)

    ဗီယက်နမ်အားကစားမယ်က ယင်းပြိုင်ပွဲမှာ တရားမျှတသော ပြိုင်ပွဲမဟုတ်ဟုလည်း ဝေဖန်ခဲ့သည်။ ရေကူးပြိုင်ပွဲတွင်လည်း အလားတူဖြစ်ရပ်မျိုး ဗီယက်နမ်တို့ ရင်ဆိုင်ခဲ့ရကြောင်း၊ သို့သော် ထိုရေကူးပြိုင်ပွဲတွင် မြန်မာတို့ ရွှေရယူခဲ့သည်မဟုတ်ဘဲ စင်ကာပူမှ ရေကူးမယ်တောက်လီက ရွှေရခဲ့ခြင်းဖြစ်သည်။ ထို့ကြောင့် ဗီယက်နမ်တို့က တောက်လီ ၏ ရွှေတံဆိပ်ကို ဝေဖန်နေခြင်း ဖြစ်သည်။

    Vietnam Media link => http://vietnamnews.vn/sports/248979/age-no-object-for-vn-athlete.html

  • ဖိလစ်ပိုင် နာမည်ကြီး ရေကူးမယ် ရွှေတံဆိပ်ပြန်လည် အသိမ်းခံရမှုကြောင့် ဖိလစ်ပိုင် အားကစားအဖွဲ့က တာဝန်ရှိသူများကို သပိတ်မှောက် ကန့်ကွက်ခဲ့

    M-Media
    ဒီဇင်ဘာ ၁၇၊ ၂၀၁၃

    jasmine-alkhaldi
    ဖိလစ်ပိုင်ရေကူးမယ် ဂျက်စမင်း အလ်-ခလ်ဒီ (ယာ)

    အငြင်းပွားဖွယ်များဖြစ်ပေါ်နေသည့် ၂၀၁၃ မြန်မာဆီးဂိမ်း၌ ဖိလစ်ပိုင်ရေကူးမယ် ဂျက်စမင်း အလ်-ခလ်ဒီရရှိခဲ့သည့် ရွှေတံဆိပ်ကို ရုပ်သိမ်းခဲ့သည့်အတွက် ဖိလစ်ပိုင်အားကစားအဖွဲ့က ကန့်ကွက် ထားကြောင်း စီအင်အေသတင်းတစ်ရပ်က ဖော်ပြသည်။

    ဖိလစ်ပိုင်တို့က မြန်မာဆီးဂိမ်းတွင် ပါဝင်လာသည့် အမျိုးအမည်မသိသော အားကစားနည်း အမျိုးအစားအများအပြားအပေါ် မေးခွန်းထုတ်ဝေဖန်ခဲ့ပြီးနောက် ယခုကဲ့သို့ ကိစ္စမျိုး ထပ်မံဖြစ်ပေါ်လာခြင်း ဖြစ်သည်။ ဖိလစ်ပိုင်တို့က မြန်မာဆီးဂိမ်းတွင် ပါဝင်သည့် ထိုအားကစားနည်းများမှာ အိမ်ရှင်မြန်မာနှင့် အပေါင်းအပါတိုင်းပြည်များကိုသာ ဆုတံဆိပ်အများအပြား ရရှိစေမည့် အားကစားနည်းများဖြစ်သည်ဟု စွပ်စွဲထားသည်။

    ဖိလစ်ပိုင်အားကစားအဖွဲ့က မိမိတို့၏ အသက် ၂၀ အရွယ်၊ ဆော်ဒီနွယ်ဖွား ရေကူးအားကစားမယ် အလ်-ခလ်ဒီ၏ ရွှေတံဆိပ်ကို ပြန်လည်ပေးအပ်ဖို့ တောင်းဆိုချက်တစ်ခုထုတ်ကာ ဖော်ပြခဲ့သေးသည်။

    အလ်-ခလ်ဒီမှာ မီတာ ၁၀၀ အလွတ်တန်း ရေကူးပြိုင်ပွဲတွင် ရွှေတံဆိပ်ရယူနိုင်ခဲ့သော်လည်း ခဏအကြာတွင်ပင် တာထွက်မှားယွင်းခဲ့သည်ဟုအကြောင်းပြပြီး ရွှေတံဆိပ် ပြန်လည်ရုပ်သိမ်းခံခဲ့ရသည်။ နောက်တစ်နေ့တွင် ပြိုင်ပွဲအား ထပ်မံယှဉ်ပြိုင်စေခဲ့ရာ အလ်-ခလ်ဒီမှာ ထိုင်းနှင့် စင်ကာပူအားကစားသမားတို့၏နောက် တတိယနေရာသာ ရရှိခဲ့သည်။

    တာထွက်မှားသည်ဟု အကြောင်းပြပြီး အလ်-ခလ်ဒီ၏ ရွှေတံဆိပ်ကို အဓိကစောဒကတက်ခဲ့သည်မှာ ထိုင်းအားကစားအဖွဲ့ဖြစ်ကြောင်းသိရသည်။ ဖိလစ်ပိုင်အားကစားအဖွဲ့က ပြိုင်ပွဲကို ထပ်မံယှဉ်ပြိုင်စေခြင်း ဆိုသည်မှာ FINA (International Swimming Federation) ၏ စည်းမျဉ်းနှင့်မကိုက်ညီကြောင်း၊ ပြိုင်ပွဲကို ဒုတိယတစ်ကြိမ်ပြန်လည်ယှဉ်ပြိုင်သည့်အခါ မိမိတို့ ကစားသမား၏ စိတ်ဓါတ်ရေးရာကို ကျဆင်းစေကြောင်း၊ ထိုင်းတို့၏ ပြိုင်ပွဲကို ထပ်မံကျင်းပဖို့တောင်းဆိုသည်မှာ ဘောင်မ၀င်ကြောင်း ဆိုသည်။

    ဖိလစ်ပိုင်တို့က ဆီးဂိမ်းမစတင်မီကပင် အားကစားသမားအနည်းငယ်ကိုသာ စေလွှတ်ခြင်းဖြင့် မြန်မာဆီးဂိမ်းကို သပိတ်မှောက်ဖို့ စီစဉ်ခဲ့သေးသည်။