Tag: ၂၀၁၆_မောင်တော

HRW က မောင်တောအစီရင်ခံစာ ထုတ်ပြန်၊ အစိုးရက တုန့်ပြန်ပြော ဆို

မီးရှို့ဖျက်ဆီးခံထားရတဲ့ ရွာတွေကို HRW က ဂြိုလ်တုကနေ ရိုက်ကူးထားတာကို တွေ့ရစဉ်

ရခိုင်ပြည်နယ် မောင်တောမြို့နယ်က ကျေးရွာ ၃ ရွာမှာ မီးလောင်မှုနဲ့ ဆက်စပ်ပြီး ပျက်စီးသွားတဲ့ အဆောက်အဦး ၄၃၀ လောက်ရှိနေကြောင်းနဲ့ အဲဒီကိစ္စကို စုံစမ်းစစ်ဆေးဖို့ မြန်မာအစိုးရအနေနဲ့ ကုလသမဂ္ဂကို ဖိတ်ခေါ် သင့်ကြောင်း လူ့အခွင့်အရေး စောင့်ကြည့်လေ့လာရေး အဖွဲ့ HRW က ဒီကနေ့ ရက်စွဲနဲ့ အစီရင်ခံစာ ထုတ်ပြန် တိုက်တွန်းလိုက်ပါတယ်။

အဲဒီအစီရင်ခံစာနဲ့ ပတ်သက်ပြီး HRW အဖွဲ့ရဲ့ အာရှတိုက်ဆိုင်ရာ ဒုတိယ ဒါရိုက်တာ Mr. Phil Robertson က အခုလို ပြောပါတယ်။

“မောင်တောမြို့နယ်က ကျေးရွာ ၃ ရွာမှာ အဆောက်အဦး ၄၃၀ ဖျက်ဆီးခံထားရတာတွေ့ရှိထား ပါတယ်။ အောက်တိုဘာလ ၉ ရက်နေ့က နယ်ခြားစောင့်တပ်တွေ အတိုက်အခိုက်ခံရပြီး နောက်ပိုင်း နယ်မြေရှင်းလင်းရေးအတွင်း ဖြစ်ပျက်ခဲ့တာပါ။ နယ်မြေရှင်းလင်းမှုတွေအတွင်း ညှင်းပန်းနှိပ်စက်မှုတွေ ၊ ဖမ်းဆီးမှုတွေ ၊ အဓမ္မပြုကျင့်မှုတွေရှိတယ်လို့လည်း စွပ်စွဲပြောဆိုမှုတွေ ရှိနေပါတယ်။ ဂြိုလ်တုကရိုက်ကူး တဲ့ မှတ်တမ်းတွေ့ရှိချက်တွေအရဆိုရင် အဲဒီကျေးရွာ ၃ ရွာမှာ ဆိုးဆိုးဝါးဝါး မီးရှို့ဖျက်ဆီးခံထားရတာတွေ ရှိနေပါတယ်။ ဒီကိစ္စကို စုံစမ်းစစ်ဆေးဖို့ ကုလသမဂ္ဂက တာဝန်ယူသင့်ပါတယ်” လို့ပြောတာဖြစ်ပါတယ်။

မောင်တောမြို့နယ်က ပြောင်ပိုက် ခေါ် (ငါးစားကြူး)ရွာမှာ အဆောက်အဦး ၈၅လုံး ၊ ကြက်ရိုးပြင် ကျေးရွာမှာ ၂၄၅ လုံးနဲ့ ၀ပိတ်ကျေးရွာမှာ အဆောက်အဦး ၁၀၀ ဟာ မီးလောင်မှုကြောင့် ဆက်နွယ်ပြီး ပျက်စီးသွားတာလို့ HRW က ဂြိုလ်တုကနေ ရိုက်ကူးထားတဲ့ ဓါတ်ပုံတွေနဲ့ ဖေါ်ပြထားတာဖြစ်ပါတယ်။

HRW ရဲ့အစီရင်ခံစာအပေါ် မြေပြင်မှာ စုံစမ်းစစ်ဆေးမှုတွေ ပြုလုပ်သွားမယ်လို့ သမ္မတရုံးဝန်ကြီးဌာန ပြောရေး ဆိုခွင့်ရှိသူ ဦးဇော်ဌေး က အခုလို ပြောပါတယ်။

“အစီရင်ခံစာထွက်လာတယ်ပေါ့နော်၊ ထွက်လာတာနဲ့ ပတ်သက်ပြီးတော့ ကျနော်တို့ပြန်ပြီးတော့ စုံစမ်းစစ်ဆေးမှုတွေလုပ်နေတယ်ပေါ့၊ ဆက်ပြီးတော့လည်း လုပ်သွားမယ်၊ ဖြစ်စဉ်မှာဆိုရင် ပွင့်ဖြူချောင်း ကျေးရွာမှာ စစ်ကြောင်းမှူး ၁ ဦး၊ တပ်ရင်းမှူး ၁ ဦး ကျဆုံးခဲ့ရတယ်၊ နောက်စစ်သည် ၁ ဦး ကျဆုံးခဲ့ရတယ်၊ ဖြစ်စဉ်ကို ပြန်ကြည့်ရင် အကြမ်းဖက်တိုက်ခိုက်တဲ့လူတွေဟာ ရွာကိုမီးရှို့ပြီး ထွက်ပြေးတဲ့ အလေ့အထတွေလည်းရှိတယ်”

မနေ့က နိုဝင်ဘာလ ၁၂ ရက်နေ့က တပ်မတော်နဲ့ နယ်ခြားစောင့်ရဲတပ်ဖွဲ့တို့ နယ်မြေရှင်း လင်းရာမှာ ပွင့်ဖြူချောင်းကျေးရွာမှာ ရောက်ရှိစဉ် တိုက်ခိုက်ခံရတဲ့အတွက် စစ်ကြောင်းမှူး ၁ ဦးနဲ့ တပ်သား ၁ ဦး သေဆုံး ခဲ့ပါတယ်။ အဲဒီကျေးရွာမှာ တုတ်၊ ဓါးတွေ ကိုင်ဆောင်ထားတဲ့ ရွာသူ ရွာသား ၅၀၀ လောက် က အယောင်ပြပြီး စစ်ကြောင်းကို ၀ိုင်းခဲ့ကြောင်းနဲ့ အဲဒီအချိန်မှာ အလစ်အငိုက် ပစ်ခတ်ခံရတာ ဖြစ်ကြောင်း၊ မြေပြင်မှာ အကြမ်းဖက် သမားတွေနဲ့ ရွာသားတွေကို ခွဲခြားဖို့ ခက်ခဲကြောင်း ဦးဇော်ဌေး က ပြောပါတယ်။

မနေ့က မောင်တောမြို့နယ် မောင်နှစ်မတောင်ကျေးရွာအ၀င်နားမှာ နယ်ခြားစောင့် ရဲကွပ်ကွဲမှု ဌာနချုပ်က ရဲတပ်ဖွဲ့ဝင်တွေနဲ့ ဝန်ထမ်းတွေ စီးနင်းလာတဲ့ ကား ၃ စီးကို လက်လုပ်မိုင်းတစ်လုံးနဲ့ ဖေါက်ခွဲခဲ့ပြီး ပစ်ခတ်မှုတွေ လည်း ရှိခဲ့တယ်လို့ မြ၀တီက သတင်းထုတ်ပြန်ထားပါတယ်။

RFA မှ ကူးယူဖော်ပြသည်။

November 14, 2016
ရခိုင်အရေး သတင်းရေးသားခြင်းများ အပေါ် အစိုးရက ဟန့်တားနေဟု လူ့အခွင့်အရေး အဖွဲ့များပြော

နိုဝင်ဘာ ၆ ၊ ၂၀၁၆

Photo: Nyunt Win/EPA

မြန်မာတိုင်းမ်စ်မှ ဂျာနယ်လစ်တစ်ဦး အလုပ်ထုတ်ခံရခြင်း အပါအဝင် ရခိုင်ပဋိပက္ခတွင် သတင်းရေးမည့် ဂျာနယ်လစ်များအား အစိုးရက ဟန့်တား ပိတ်ပင်နှောင့်ယှက်ခြင်းများ ရှိနေကြောင်း လူအခွင့်အရေးအဖွဲ့တစ်ချို့က ပြောသည်။

ရခိုင်ပြည်နယ်က ပဋိပက္ခများအကြောင်း သတင်းရေးသားရန် ကြိုးစားကြသည့် မီဒီယာသမားများအပေါ် တားဆီးနှောင့်ယှက်ပိတ်ပင်ခြင်းများကို ရပ်သင့်ကြောင်း Committee to Protect Journalist CPJ က ထုတ်ပြန်သည်။

ပဋိပက္ခဒဏ် ကြုံတွေ့သည့် ရခိုင်ပြည်နယ်သို့ အမေရိကန်၊ ဥရောပနှင့် ကုလသမဂ္ဂတို့မှ ကိုယ်စားလှယ်များအား သွားရောက်ခွင့်ပြုလိုက်ပြီးချိန်တွင် CPJ ၏ ထုတ်ပြန်ချက် ထွက်ပေါ်လာခဲ့ခြင်းလည်းဖြစ်သည်။

ရခိုင်ပြည်နယ်တွင် စစ်တပ်၏ အကြမ်းဖက်မှုဖြိုခွင်းရေး၌ အမျိုးသမီးများအပေါ် လိင်အကြမ်းဖက်မှုများ၊ အလွဲသုံးစားလုပ်မှုများ ရှိနေကြောင်း စွပ်စွဲချက်များ ကျယ်ကျယ်ပြန့်ပြန်ထွက်ပေါ်နေသည့်ကြား ယခုကဲ့သို့ မီဒီယာများကို တားမြစ်မှုများ လုပ်ဆောင်နေခြင်းဖြစ်ကြောင်း CPJ ကဆိုသည်။

မောင်တောမြို့တွင် အကြမ်းဖက်တိုက်ခိုက်မှုများ ဖြစ်ပွား၍ လုံခြုံရေးဆောင်ရွက်နေစဉ် သတင်းမီဒီယာများမှ ဂျာနယ်လစ်နှင့် ဓာတ်ပုံသတင်းသမားများအား ဖြစ်ပွားရာနေရာများသို့ သွားရောက်ခွင့်အား စစ်တပ်က တားမြစ်ထားခဲ့ကြောင်း CPJ က ပြောသည်။

သတင်းမီဒီယာများအတွက် ဘေးကင်းလုံခြုံမှု မရှိ၍ သွားရောက်ခွင့် မပြုခြင်းဖြစ်ကြောင်း လုံခြုံရေးတာဝန်ရှိသူများက ဆိုသည်။ အောက်တိုဘာ ၉ ရက် တိုက်ခိုက်မှုနောက်ပိုင်း သတင်းသမားများ ရိုက်ကူးလာသည့် ဓာတ်ပုံများကိုလည်း စစ်တပ်အရာရှိများက ဖျက်ခိုင်းခြင်းများ ရှိခဲ့သည်ဟု ဆိုသည်။

“မြန်မာနိုင်ငံရဲ့ ရွေးကောက်ခံအစိုးရအနေနဲ့ ရခိုင်အရေးတွင် လွတ်လွတ်လပ်လပ် ဘေးကင်းလုံခြုံစွာ သတင်းများ လိုက်ပါရေးသားခွင့် ရအောင် လုပ်ဆောင်ပေးသင့်ပါတယ်။ ထွက်ပေါ်နေတဲ့ စွပ်စွဲချက်တွေနဲ့ ပတ်သက်ပြီး အကောင်းဆုံးနည်းလမ်းက လွတ်လပ်တဲ့ မီဒီယာကို ခွင့်ပြုပေးရမှာဖြစ်တယ်။ တကယ်လို့ အစိုးရအနေနဲ့ ဖုံးကွယ်စရာ မရှိဘူးဆိုရင် ရခိုင်အရေးမှာ မီဒီယာကို ဝင်ရောက်ခွင့်ပြုသင့်တယ်။”ဟု CPJ ၏ အရှေ့တောင်အာရှဆိုင်ရာ အကြီးတန်းကိုယ်စားလှယ် Shawn Crispin က ပြောခဲ့သည်။

စစ်တပ်၏ သားမယားပြုကျင့်မှုရှိသည်ဟု သတင်းဖော်ပြခဲ့သည့် Myanmar Times မှ ထောက်လှမ်းရေးသတင်းအယ်ဒီတာ Fiona MacGregor က အလုပ်မှ ထုတ်ပယ်ခြင်း ခံခဲ့ရသည်။

နိုဝင်ဘာ ၂ ရက်က ကုလသမဂ္ဂဌာနေညှိနှိုင်းရေးမှူးနှင့် ဥရောပသမဂ္ဂအပါအဝင် နိုင်ငံရှစ်နိုင်ငံမှ သံကိုယ်စားလှယ်များက ရခိုင်ပြည်နယ်သို့ ရောက်ရှိကာ စစ်ဆေးမေးမြန်းမှုများ လုပ်ဆောင်ခဲ့သည်။

Mizzima မှ ကူးယူဖော်ပြသည်။

November 6, 2016
မောင်တောအရေး သက်သေမရှိမချင်း မည်သူ့ကိုမျှ အပြစ်မတင်လိုကြောင်း ဒေါ်စုပြော

VOA မြန်မာပိုင်းမှ ကူးယူဖော်ပြသည်။

ဂျပန်နိုင်ငံကို ရောက်ရှိနေတဲ့ ဒေါ်အောင်ဆန်းစုကြည်ဟာ ဒီကနေ့ မနက်ပိုင်းမှာ ဂျပန်ဧကရာဇ် အကီဟီတို နဲ့ မိဖုရားတို့ကို ဂျပန်နန်းတော်မှာ သွားရောက်တွေ့ဆုံ။

မြန်မာနိုင်ငံမှာ ရိုဟင်ဂျာမွတ်ဆလင်တွေပေါ် မြန်မာစစ်တပ်က အကြမ်းဖက် ကိုင်တွယ် နှိမ်နင်းနေတယ်ဆိုတဲ့ လတ်တလော ထွက်ပေါ်နေတဲ့ သတင်းနဲ့ပတ်သက်လို့ လုံလောက်တဲ့ သက်သေအထောက်အထား မရှိဘူးလို့ နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ဂျပန် နိုင်ငံ တိုကျို မြို့ သတင်းထောက်များအသင်းမှာ ဒီကနေ့ ပြောကြားလိုက်ပါတယ်။ ရခိုင်ဒေသအရေးနဲ့ပတ်သက်လို့ နိုင်ငံတကာလူ့အခွင့်အရေး အဖွဲ့တွေက စိုးရိမ်မှု ထွက်ပေါ်နေချိ်န်မှာ အခုလိုပြောဆိုလိုက်တာပါ။ ကိုဉာဏ်ဝင်းအောင်က ဆက်လက် တင်ပြပါမယ်။

နိုဝင်ဘာ ၁ရက်နေ့က ဂျပန်နိူင်ငံ ချစ်ကြည်ရေးခရီးကို စခဲ့တဲ့ ဒေါ်အောင်ဆန်းစုကြည် ဟာ နိုဝင်ဘာ ၄ရက် သောကြာနေ့ ညနေပိုင်းမှာတော့ တိုကျိုမြို့ Chiyoda-ku မှာရှိတဲ့ ဂျပန်သတင်းထောက်များအသင်းမှာ သတင်းစာရှင်းလင်းပွဲ ပြုလုပ်ပြီး၊ ရခိုင်ဒေသအရေးကို ရှင်းလင်းပြောဆို သွားတာပါ။ ပြီးခဲ့တဲ့ အောက်တိုဘာလထဲ ဖြစ်ခဲ့တဲ့ ရခိုင်အကြမ်းဖက်တိုက်ခိုက်ခံရမှုနောက်ပိုင်း လုံခြုံရေးတပ်ဖွဲ့ဝင်တွေက ဒေသခံ မူဆလင် တွေပေါ် အကြမ်းဖက်နှိမ်နင်းနေတယ်ဆိုတဲ့ သတင်းနဲ့ပတ်သက်လို့ လုံလောက်တဲ့ အထောက်အထား မရှိဘူးလို့ ဒေါ်အောင်ဆန်းစုကြည်က သတင်းစာရှင်းလင်းပွဲမှာ ပြောကြားလိုက်ပါတယ်။

“ကျမတို့အနေနဲ့ ဘယ်သူ့ကိုမှ အပြစ်မတင်မိဖို့ သိပ်ကို ဂရုတစိုက် လုပ်နေရပါတယ်။ အထူးသဖြင့် ဘယ်ကိစ္စအတွက် ဘယ်သူ့မှာ တာဝန်ရှိ တယ်ဆိုတာကို ခိုင်မာပြည့်စုံတဲ့ အထောက်အထား မတွေ့မချင်း သတိထားနေရပါတယ်။ နောက် သိကြတဲ့အတိုင်း မနေ့ကဘဲ ရှေ့တန်းက ရဲစခန်းတခု တိုက်ခိုက်ခံရလို့ ရဲတပ်ဖွဲ့ဝင်တဦး သေဆုံးခဲ့ပါတယ်။ အောက်တိုဘာလ ၉ ရက်နေ့ တိုက်ခိုက်မှုတွေ စကတည်းက မူဆလင်တွေ သေဆုံးတာလည်း ရှိပါတယ် ”

တရားဥပဒေနဲ့အညီ သက်သေအထောက်အထားတွေု သေချာစုံစမ်းစစ်ဆေးပြီးတာနဲ့ အာဏာပိုင်တွေဘက်က အရေးယူဆောင်ရွက် သွားမှာ ဖြစ်တယ် လို့ ဒေါ်အောင်ဆန်းစုကြည်က သတင်းထောက်တွေကို ပြောကြားခဲ့ပါတယ်။

“ ဒီကိစ္စနဲ့ပတ်သက်ပြီး ကျမတို့ဘာမှဖုံးကွယ်ဖို့ မကြိုးစားပါဘူး။ ကျမတို့ ပြန်ကြားရေးဌာနမှာ အချက်အလက်တွေ အားလုံးရှိပါတယ်။ ဒီဖြစ်ရပ်နဲ့ ပတ်သက်ပြီး ခြေခြေမြစ်မြစ် သိရအောင်ကြိုးစားနေပါတယ်။ ဒါပေမဲ့ ဘယ်သူတွေ အပြစ်ရှိတယ်လို့ သက်သေမပြ နိုင်ခင်မှာတော့ အားလုံးဟာ အပြစ်မဲ့သူတွေလို့ သဘောထားပြီး တရားဥပဒေအတိုင်း လိုက်နာဆောင်ရွက်သွားမှာဖြစ်ပါတယ် ”

ဒေသခံမူဆလင်တွေအပေါ် သတ်ဖြတ်တာ၊ မုဒိမ်းကျင့်တာ၊ နေအိမ်တွေ မီးရှို့တာတွေကို မြန်မာစစ်တပ်ဘက်က ကျူးလွန်ခဲ့တယ်ဆိုပြီး လတ်တလော ထွက်ပေါ်နေတဲ့ သတင်းတွေကြောင့်၊ ငြိမ်းချမ်းရေး နိုဘယ်လ်ဆုရှင် ဒေါ်အောင်ဆန်း စုကြည်ဟာ နိုင်ငံတကာရဲ့ ဖိအားတွေနဲ့ ရင်ဆိုင်နေရတာဖြစ်ပါတယ်။

၂၀၀၈ ဖွဲ့စည်းပုံဥပဒေအရ၊ မြန်မာစစ်တပ်ဆီမှာ အာဏာတစုံတရာရှိနေတာကြောင့်၊ အခုဖြစ်ရပ်အတွက် မြန်မာ အစိုးရက ဒီပြဿနာကို ဘယ်လို ကိုင်တွယ်ဖြေရှင်းမလဲ ဆိုတဲ့အပေါ် မေးခွန်းထုတ်နေကြတာပါ။ ရခိုင်အရေးပြသနာပေါ် ဂျပန်အစိုးရရဲ့အမြင် နဲ့ပတ်သက်လို့ ဂျပန်သတင်းစာဆရာ ဦးရွှေဘ(ခေါ်) Hisao Tanabe က ခုလိုရှင်းပြပါတယ်။

“ ဂျပန်အစိုးရ အနေနဲ့တော့ ဒါကိုအဓိကအားဖြင့် လူ့အခွင့်အရေးကိစ္စအနေနဲ့ ရှုမြင်သုံးသပ်နေပါတယ်။ ပြီးတော့ ရခိုင်ပြည်နယ် မြောက်ဖက်ပိုင်း မောင်တော ဘူးသီးတောင်မှာ လူသတ်မှုတို့ဘာတို့ ဖြစ်ခဲ့တယ်ဆိုတာကို ဂျပန်အစိုးရ သိထားပါတယ်။ ဒါပေမယ့် ဒီလူမျိုးရေး ကိစ္စ ဒါမှမဟုတ် ဘာသာရေးနဲ့ ဆိုင်တဲ့ကိစ္စနဲ့ ပတ်သက်ရင်တော့ ဒါဟာ ကာယကံရှင် မြန်မာအစိုးရ ကသာ ဖြေရှင်းရမယ့် ကိစ္စဖြစ်တယ်၊ ဒါပေမယ့် ဥပမာ ဒီတိမ်းရှောင်ရေးစခန်းကို ရောက်လာသူတွေရဲ့ အစားအစာ မလုံလောက်တဲ့သူတွေရယ် ဆေးဝါးပစ္စည်း မရတဲ့သူတွေအတွက် အဲဒီလို လူသားချင်း စာနာထောက်ထားတဲ့ ရှုထောင့်ကနေပြီး ဂျပန်အစိုးရအနေနဲ့ ကူညီထောက်ပံ့ပေးဖို့ အသင့် ရှိတယ်လို့ ဂျပန်အစိုးရ ပြောနေပါတယ် ခင်ဗျ”

ဒေါ်အောင်ဆန်းစုကြည်ဟာ ဒီကနေ့ မနက်ပိုင်းမှာ ဂျပန်ဧကရာဇ် အကီဟီတို နဲ့ မိဖုရားတို့ကို တိုကျို ဂျပန်နန်းတော်မှာ သွားရောက်တွေ့ဆုံ ခဲ့ပါတယ်။ တကယ်တော့ ဒီကနေ့ဟာ ဂျပန်ဧကရာဇ်ရဲ့ ဦးလေးတော်အိမ်ရှေ့မင်းသား Mikasa ရဲ့ ဈာပနအခမ်းအနား ကျင်းပတဲ့နေ့ဖြစ်ပြီး ဒီလိုအခြေအနေတွေကြား မှာ ဒေါ်အောင်ဆန်းစုကြည် ကို လက်ခံတွေ့ဆုံခဲ့တာပါ။ ဒီလိုတွေ့ဆုံချိန်မှာ ဂျပန်ဧကရာဇ်ရဲ့ ပြောဆိုမှုနဲ့ပတ်သက်လို့ ဂျပန်သတင်းစာဆရာ ဦးရွှေဘက ခုလိုပြောပါတယ်။

“ ဂျပန့်ဘုရင်က ဒေါ်စုနဲ့ တွေ့တယ်ဆိုတာ ထူးဆန်းတယ်၊ ပြီးတော့ ဂျပန်ဘုရင်ကြီး ဘာပြောသလဲဆိုရင် စစ်တွင်းခေတ်မှာတဲ့ ဂျပန်စစ်သား တွေက ခင်ဗျားတို့နိူင်ငံကို ၀င်ရောက်ပြီးတော့ အနှောက်အယှက်ပေးတာ အများကြီးရှိတယ် ကြားရပါတယ်တဲ့ …ဒါတောင် မြန်မာတွေက ဂျပန့်စစ်သားတွေကို ကူညီပေးတာမျိုးတွေ ရှိတယ်ကြားရပါတယ်တဲ့ .. အရမ်းကို ဝမ်းသာပါတယ်တဲ့၊ အဲလိုမျိုး ဂျပန်ဘုရင်ကြီးက ဒေါ်စုကို ပြောတယ်တဲ့ ..”

နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရဲ့ ဂျပန်နိူင်ငံချစ်ကြည်ရေးခရီးစဉ် မနက်ဖြန် စနေနေ့မှာ အဆုံးသတ်မှာဖြစ်ပြီး မြန်မာနိုင်ငံကို ပြန်လည်ရောက်ရှိမှာ ဖြစ်ပါတယ်။

http://burmese.voanews.com/a/3580570.html

November 4, 2016
မောင်တောဒေသကို အကူအညီတွေ ပြန်လည်ပေး ခွင့်ပြုမယ်

နိုဝင်ဘာ ၄ ၊ ၂၀၁၆
RFA (မြန်မာပိုင်း)

မြန်မာနိုင်ငံဆိုင်ရာ ဌာနေညှိနှိုင်းရေးမှူး Ms Renata နဲ့ သံအမတ်အဖွဲ့ဟာ နိုင်ဝင်ဘာလ ၃ ရက်နေ့က မောင်တောမြို့နယ် အလယ်သံကျော်ကျေးရွာမှာရှိတဲ့ မွတ်ဆလင်တွေနဲ့ တွေ့ဆုံစဉ် Photo: RFA

ရခိုင်ပြည်နယ် မောင်တောမြို့နယ်က ဒုက္ခသည်တွေထံ နိုင်ငံတကာထောက်ပံ့ကူညီရေး အဖွဲ့အစည်းတွေ သွားရောက်ပြီး ရိက္ခာဖြန့်ဝေတာကို မြန်မာအစိုးရက ပြန်လည်ခွင့်ပြုတော့မယ်လို့ သိရပါတယ်။

အောက်တိုဘာ ၉ ရက်နေ့ကဖြစ်ပွားခဲ့တဲ့ အကြမ်းဖက်တိုက်ခိုက်မှုတွေနောက်ပိုင်းမှာ မြန်မာအာဏာပိုင်တွေက WFP ကမ္ဘာ့စားနပ်ရိက္ခာအစီအစဉ်အပါအဝင် နိုင်ငံတကာ ကူညီကယ်ဆယ်ရေးအဖွဲ့တွေကို အဲဒီဒေသသွားလာခွင့် ပိတ်ပင်ထားခဲ့ပါတယ်။

မောင်တောမြို့နယ်ကို အစိုးရအစီအစဉ်နဲ့ သွားရောက်ကြည့်ရှုခဲ့တဲ့ ကုလသမဂ္ဂနဲ့ နိုင်ငံတကာသံရုံးအဖွဲ့ဝင်တွေက စစ်တွေလေဆိပ်မှာ မနေ့က သတင်းစာရှင်းလင်းပွဲကျင်းပခဲ့ရာမှာ ကုလသမဂ္ဂ ဌာနေညှိနိုင်းရေးမှူး Renata Lok-Dessallien ရီနာတာ လော့ ဒက်စယ်လီယန် က “ဒုက္ခသည်တွေထံ လူသားချင်းစာနာမှုအကူ အညီတွေ ထောက်ပံ့ပေးပို့ခွင့်ပြုမှာဖြစ်ကြောင်း မြန်မာအစိုးရအာဏာပိုင်တွေက ကျမတို့ကို အာမခံပြော ကြားခဲ့ပြီးပါပြီ။ ဒါ့အပြင် အဲဒီလို ထောက်ပံ့ကူညီတာကို နိုင်ငံတကာ စောင့်ကြည့်ရေးသမားတွေ သွားရောက်လေ့လာခွင့်ပြုဖို့ ကျမတို့ တောင်းဆိုခဲ့တာကိုလည်း အစိုးရက သဘောတူ လိုက်လျှော ခဲ့ပါတယ်” လို့ ပြောပါတယ်။

ဒါ့အပြင် ကုလသမဂ္ဂအရာရှိက မောင်တောဒေသမှာ ဖြစ်ပေါ်ခဲ့တဲ့ တိုက်ခိုက်မှုတွေကြောင့် သေဆုံးခဲ့ရသူတွေ အတွက် ကြေကွဲဝမ်းနည်းကြောင်း၊ အဲဒီလို အကြမ်းဖက်မှုကို မိမိတို့အားလုံးက ရှုံ့ချကြောင်း၊ ပျောက်ဆုံးသွားခဲ့တဲ့ လက်နက်တွေ ပြန်လည်ရရှိရေးအတွက် အစိုးရကလိုအပ်သလိုစစ်ဆင်ရေး လုပ်တာကိုလည်း နားလည်ပါကြောင်း၊ အဲဒီကိစ္စတွေကိုဖြေရှင်းရာမှာ တရားဥပဒေနဲ့ အညီ လုပ်ဆောင်အရေးယူမယ်လို့ အာဏာပိုင်တွေက ပြော ဆိုခဲ့တာကိုလည်း ချီးကျူးအသိအမှတ်ပြုပါကြောင်း ပြောကြားခဲ့ပါတယ်။

တပြိုင်နက်မှာပဲ အဲဒီစစ်ဆင်ရေးတွေမှာ အစိုးရလုံခြုံရေးတပ်ဖွဲ့တွေက လူ့အခွင့်အရေးတွေချိုးဖေါက်ခဲ့တယ် ဆိုတဲ့ ပြောဆိုချက်တွေထွက်ပေါ်ခဲ့တာနဲ့ ပတ်သက်ပြီး ကုလအရာရှိ ရီနာတာက “အဲဒီ စွပ်စွဲချက်တွေကို အရေးယူဖို့အတွက် လွတ်လပ်မှုနဲ့ ယုံကြည်စိတ်ချမှုရှိမယ့် စုံစမ်းစစ်ဆေးရေးအဖွဲ့တစ်ခု အမြန်ဆုံးဖွဲ့စည်းပြီး အဲဒီဒေသကို စေလွတ်ဖို့ မြန်မာအစိုးရကို ကျမတို့ တိုက်တွန်းခဲ့ပါတယ်လို့ပြောပါတယ်။

တဆက်တည်းမှာပဲ ထွက်ပြေးတိမ်းရှောင်သွားခဲ့ရတဲ့ မောင်တောဒေသခံပြည်သူတွေ နေရပ်ပြန်လာပြီး ပုံမှန်အတိုင်း အခြေချနေထိုင်နိုင်ရေးအတွက် အဲဒီဒေသမှာ အခြေအနေတွေ တိုးတက်ကောင်းမွန်အောင် လုပ်ဆောင်ဖို့ အလွန်အရေးကြီးကြောင်း မြန်မာအစိုးရကို မိမိတို့ တိုက်တွန်းခဲ့တယ်” လို့လည်း ကုလအရာရှိကပြောပါတယ်။

အစိုးရလုံခြုံရေးတပ်ဖွဲ့တွေက အမျိုးသမီးတွေကို အဓမ္မကျင့်မှုတွေရှိတယ်ဆိုတဲ့ စွပ်စွဲချက်တွေနဲ့ ပတ်သက်ပြီး သတင်းထောက်တွေက မေးမြန်းရာမှာတော့ မစ် ရီနာတာက “ကျမတို့ အခုခရီးစဉ်မှာ အဲဒီစွပ်စွဲချက်တွေ မှန်လား မှားလားဆိုတာကို သက်သေအထောက်အထား ရှာဖွေဖေါ်ထုတ်ဖို့ မဖြစ်နိုင်ပါဘူး။ ကျမတို့ အခု သွားရောက်ပြီး ရွာသားတွေနဲ့ တွေ့ဆုံပြောဆိုခဲ့ရတဲ့အနေအထားက အဲဒီလို မေးမြန်းဖို့ အခွင့်သာတဲ့ အခြေအနေမျိုး မဟုတ်ပါဘူး။ အဲဒီနေရာမှာ အဖြေရရှိအောင် မရမက မေးမြန်းမယ်ဆိုရင် ဒေသခံတွေ ရဲ့လုံခြုံရေးအတွက် ကျမတို့ အင်မတန်တာဝန်မဲ့ရာကျပါလိမ့်မယ်။ တွေ့ဆုံပွဲမှာ သူ အဓမ္မပြုကျင့်ခံခဲ့ရတယ် လို့ ကျမကို ထွက်ပြီးပြောဆိုတဲ့ အမျိုးသမီးတော့ မရှိခဲ့ပါဘူး” လို့ပြောပါတယ်။

ရခိုင်ပြည်နယ်ကို ၂ ရက်ကြာသွားခဲ့တဲ့ အဲဒီ နိုင်ငံတကာသံတမန်အဖွဲ့ကို အာဏာပိုင်တွေက ပြဿနာဖြစ်ပွား ရာဒေသက ကျေးရွာအများအပြားကို လိုက်လံပြသခဲ့ပေမယ့် လူ့အခွင့်ရေးချိုးဖေါက်မှုတွေ အကြီး အကျယ်ပေါ်ပေါက်ခဲ့တယ်ဆိုတဲ့ နေရာတွေကိုတော့ ခေါ်ဆောင်သွားခဲ့ခြင်းမရှိဘူးလို့ Reuters ရိုက်တာသတင်း တစ်ပုဒ်မှာ ဖေါ်ပြထားပါတယ်။

မူရင်း Link

November 4, 2016
သံကိုယ်စားလှယ် အဖွဲ့ ရခိုင်အခြေအနေ စူးစမ်းရေးခရီးထွက်

VOA မြန်မာပိုင်းမှ ကူးယူဖော်ပြပါသည်။

ရခိုင်ပြည်နယ် မောင်တောမြို့နယ်အတွင်းမှာရှိတဲ့ နယ်ခြားစောင့် ကင်းစခန်းတွေ အောက်တိုဘာလ ၉ ရက်နေ့က တိုက်ခိုက်ခံရပြီးတဲ့နောက် အစိုးရ တပ်ဖွဲ့တွေက နယ်မြေရှင်းလင်းရေး လုပ်ဆောင်တဲ့နေရာမှာ လူ့အခွင့်အရေး ချိုးဖောက်မှုတွေ ရှိခဲ့ကြောင်း သတင်းတွေ ထွက်ပေါ်နေတဲ့ ကိစ္စကို လေ့လာဖို့ အတွက် ရခိုင်ပြည်နယ်ကို ဗုဒ္ဓဟူးနေ့မှာ သွားရောက်ကြမယ့် နိုင်ငံတကာ သံတမန်အဖွဲ့မှာ အမေရိကန် သံအမတ်ကြီး Scot Marciel လည်း လိုက်ပါ သွားမှာဖြစ်ကြောင်း အမေရိကန်နိုင်ငံခြားရေး ဌာနက ပြောပါတယ်။ အပြည့် အစုံကိုတော့ ကိုဇော်ဝင်းလှိုင်က တင်ပြပေးပါမယ်။

မောင်တောဒေသတွင် လုံခြုံရေးယူနေသည့် ရဲတပ်ဖွဲ့ဝင်များ / သော်ဟိန်းထက် / ဧရာဝတီ

ရခိုင်ပြည် ဘူးသီးတောင်၊ မောင်တောဒေသမှာ လုံခြုံရေးတပ်ဖွဲ့တွေက နယ်မြေရှင်းလင်းရာမှာ အရပ်သားတွေအပေါ် ဥပဒေမဲ့ သတ်ဖြတ်တာ၊ ဖမ်းဆီးတာနဲ့ မွတ်ဆလင် အမျိုးသမီးတွေကို အဓမ္မ ပြုကျင့်မှုတွေ ရှိကြောင်း သတင်းတွေ ထွက်ပေါ်နေတာနဲ့ ပတ်သက်လို့ ကုလသမဂ္ဂ အပါအ၀င် နိုင်ငံတကာအသိုင်းဝိုင်း အဲဒီ ဒေသမှာ သွားရောက်လေ့လာခွင့်ပြုဖို့ တောင်းဆိုတာကြောင့် ကုလသမဂ္ဂ ဌာနေ ညှိနှိုင်းရေးမှူး Ms. Renata Desssallien ဦးဆောင်ပြီး အမေရိကန်ပြည်ထောင်စု၊ အီးယူ၊ ဗြိတိန်၊ တရုတ်နိုင်ငံတို့က ထိပ်တန်း နိုင်ငံတကာသံတမန် ၁၀ ဦးကို မြန်မာအစိုးရ တာဝန်ရှိသူတွေက ဒီကနေ့ နိုဝင်ဘာလ ၂ ရက်နေ့မှာ ခေါ်ဆောင်သွားမှာ ဖြစ်ပါတယ်။

ဒီခရီးစဉ်မှာ မြန်မာနိုင်ငံဆိုင်ရာ အမေရိကန်သံအမတ်ကြီး Scot Marciel လည်း လိုက်ပါသွားမှာဖြစ်ကြောင်း အမေရိကန်နိုင်ငံခြားရေးဌာန အရှေ့အာရှနဲ့ ပစိဖိတ်ရေးဌာနက ပြောခွင့်ရအမျိုးသမီးက ဗွီအိုအေကို ပြောပါတယ်။

“ရခိုင်ပြည်နယ်မြောက်ပိုင်းက အခြေအနေတွေကို လေ့လာဖို့ အခု သီတင်းပတ် အတွင်း သွားကြမယ့် နိုင်ငံတကာ သံတမန်အဖွဲ့နဲ့အတူ သံအမတ်ကြီး Scot Marciel လည်း လိုက်သွားမှာ ဖြစ်ပါတယ်။”

သံအမတ်ကြီး Scot Marciel ဟာ ပြီးခဲ့တဲ့ ရက်ပိုင်းအတွင်းကပဲ ရှမ်းပြည်နယ်ကို သွားရောက်ခဲ့သူ ဖြစ်ပါတယ်။

ဒီခရီးစဉ်မှာ မြန်မာအစိုးရဖက်က နယ်စပ်ရေးရာဝန်ကြီးဌာန ပြည်ထောင်စုဝန်ကြီး ဒုတိယဗိုလ်ချုပ်ကြီး ရဲအောင်၊ နိုင်ငံခြားရေးဝန်ကြီးဌာနက ဒုတိယ၀န်ကြီး ဦးကျော်တင့်နဲ့ တခြား တာဝန်ရှိသူတွေ လိုက်ပါ သွားကြမယ်လို့ ပြန်ကြားရေး ၀န်ကြီးဌာန ညွန်ကြားရေးမှူး ဦးသက်ဆွေက ဗွီအိုအေကို တနင်္လာနေ့က ပြောပြခဲ့ပါတယ်။

Brad Adams ဟာ HRW လူ့အခွင့်အရေး စောင့်ကြည့်ရေးအဖွဲ့က အာရှရေးရာ ညွန်ကြားရေးမှူး ဖြစ်ပါတယ်။ သူက အခု ရခိုင်ပြည်ကို သွားကြမယ့် နိုင်ငံတကာ သံတမန်တွေအနေနဲ့ ဟိုရောက်တဲ့အခါ ဒေသခံတွေနဲ့ သီးခြား တွေ့ဆုံ မေးမြန်း သင့်တယ်လို့ အကြံပြုပါတယ်။

“ပထမဆုံးအဆင့် သူတို့လုပ်ဆောင်သင့်တဲ့အချက်ကတော့ ဒေသခံတွေနဲ့ ယုံကြည်စိတ်ချစွာ စကားပြောနိုင်ဖို့အတွက် အစိုးရနဲ့ စစ်တပ်က အရာရှိတွေ ထံကနေ သီးခြား ခွဲထွက်နေသင့်ပါတယ်။ သူတို့အနေနဲ့ ဒေသခံတွေကို အစိုးရ အရာရှိတွေရှေ့မှာ တွေ့ဆုံမယ်ဆိုင်ရင် ဒေသခံတွေက စကားပြောဖို့ အတွက် ကြောက်ရွံ့နေကြပါလိမ့်မယ်။ ဒါဟာ ဘယ်နိုင်ငံမှာမဆို အဲဒီလို ဖြစ်လေ့ ရှိတာကြောင့် မြန်မာနိုင်ငံမှာ ဆိုရင်လည်း အဲဒီလို ဖြစ်မှာ သေချာပါတယ်။ ဒုတိယအဆင့်အနေနဲ့ကတော့ HRW ရဲ့ အစီရင်ခံစာထဲမှာ ဖော်ပြထားသလို ရခိုင်ပြည် မြောက်ပိုင်းက မီးရှို့ခံရတယ်ဆိုတဲ့ ရွာတွေ ရှိတဲ့နေရာ၊ အမျိုးသမီးတွေ အဓမ္မပြုကျင့်ခံရတယ် ဆိုတဲ့ ဒေသတွေကို သွားရောက် လေ့လာသင့်ပါတယ်။ သူတို့အနေနဲ့ အောက်တိုဘလာ ၉ ရက်နေ့က ဒီပြဿနာ စဖြစ်တဲ့ နေရာကိုလည်း သွားလေ့လာသင့်ပါတယ်။ ပြဿနာ စဖြစ်ပြီးတဲ့နောက်မှာ နောက်ဆက်တွဲ ပြဿနာ ဖြစ်ခဲ့တဲ့ နေရာတွေကို သွားယုံနဲ့တင် မပြည့်စုံပါဘူး။”

ရခိုင်ပြည်နယ်အတွင်း လူ့အခွင့်အရေး ချိုးဖောက်မှုတွေ ရှိတယ်ဆိုတဲ့ သတင်းတွေ ထွက်ပေါ်နေတာနဲ့ ပတ်သက်လို့ – မြန်မာအစိုးရအနေနဲ့ ကုလသမဂ္ဂရဲ့ အကူအညီနဲ့ နိုင်ငံတကာ လေ့လာသူတွေ ရခိုင်ပြည်နယ်အတွင်း သွားရောက် လေ့လာခွင့် ပြုသင့်ကြောင်း HRW လူ့အခွင့်ရေး စောင့်ကြည့်ရေး အဖွဲ့က အောက်တိုဘာလ ၃၁ ရက်နေ့မှာ တောင်းဆိုခဲ့သလို – အဲဒီ တောင်းဆိုချက် ထဲမှာပဲ မောင်တောမြို့နယ် အတွင်းမှာ ရှိတဲ့ ကြက်ရိုးပြင်၊ ပြောင်ပစ်၊ ၀ါးပိတ် စတဲ့ ရွာ ၃ ရွာမှာ အောက်တိုဘာလ ၂၂ ရက်နေ့က မီးလောင်နေတဲ့ ဂြိုလ်တုပုံတွေနဲ့ တကွ ကိုးကားပြီး ဖော်ပြထားတာ ဖြစ်ပါတယ်။

ဒီခရီးစဉ်အတွင်း ဒေသခံတွေအနေနဲ့ အကူအညီတွေ ဘယ်လောက်အထိ အရေးတကြီး လိုအပ်နေတယ် ဆိုတာကိုလည်း နိုင်ငံတကာ အသိုင်းဝိုင်းက သိရှိခွင့်ရနိုင်မယ်လို့ Brad Adams က ထောက်ပြပါတယ်။

“ဒီခရီးစဉ်ကနေ သိရှိနိုင်မယ့် အရေးကြီးဆုံး ကိစ္စတခုကတော့ – ဒေသခံတွေအနေနဲ့ လူသားချင်း စာမှုဆိုင်ရာ အကူအညီတွေ ဘယ်လောက်အထိ လိုအပ်နေသလဲ ဆိုတဲ့ ကိစ္စဖြစ်ပါတယ်။ အကြမ်းဖက်မှုတွေကနေ ထွက်ပြေးသွားကြတဲ့ သူတွေဟာ လယ်ကွင်းတွေထဲမှာ အိပ်နေကြရတယ်၊ ဆေးဝါး၊ အစားအစာနဲ့ တခြား အကူအညီတွေ အရေးတကြီး လိုအပ်နေတယ်ဆိုတဲ့ သတင်းတွေ ကျနော်တို့ ကြားနေရပါတယ်။ သူတို့လိုနေတဲ့ အကူအညီတွေကို မဆိုင်းမတွ အမြန်ဆုံး ပို့ပေးဖို့ အင်မတန် အရေးကြီးပါတယ်။ တရက်နောက်ကျသွားတဲ့ အတွက် လူတွေ အသက်ဆုံးရှုံးရတဲ့ အခြေအနေအထိ ဖြစ်သွားနိုင်ပါတယ်။”

အခုချိန်ထိတော့ မောင်တောဒေသ အကြမ်းဖက် တိုက်ခိုက်မှုတွေနဲ့ ဆက်နွယ်ပြီး ဖမ်းဆီးထားသူ ၆၀ ကျော် ရှိသွားပြီဖြစ်ကြောင်းနဲ့ ဖမ်းဆီးထား သူတွေကို ဒေသ တွင်းက ရဲစခန်းတွေမှာ ထိန်းသိမ်းထားပြီး ပြစ်မှုဆိုင်ရာ စွဲချက်တွေနဲ့အညီ အရေးယူ သွားမှာဖြစ်ကြောင်း ရခိုင်အစိုးရ တာဝန်ရှိသူက နိုဝင်ဘာလ ၁ ရက်နေ့က ဗွီအိုအေကို ပြောကြားခဲ့ပါတယ်။

လူ့အခွင့်အရေး ချိုးဖောက်မှုတွေနဲ့ ပတ်သက်လို့ မကြာသေးခင်က သတင်းတွေ ထွက်ပေါ်ခဲ့တဲ့အပေါ် အမေရိကန်ပြည်ထောင်စုအနေနဲ့စိုးရိမ်မကင်း ဖြစ်မိကြောင်း၊ ဒီကိစ္စကို ကိုင်တွယ်တဲ့နေရာမှာ အစိုးရအနေနဲ့ ထင်သာ မြင်သာရှိပြီး တရားဥပဒေနဲ့အညီ လုပ်ဆောင်ဖို့ တိုက်တွန်းကြောင်း အမေရိကန် နိုင်ငံခြားရေးဌာန ပြောခွင့်ရပုဂ္ဂိုလ် John Kirby က တနင်္လာနေ့မှာ ပြုလုပ်တဲ့ ပုံမှန် သတင်းစာ ရှင်းလင်းပွဲအတွင်း ပြောကြားခဲ့ပါတယ်။

မူရင်း Link

November 2, 2016