News @ M-Media

Tag: 101kyawwinmg

  • ဆရာကြီး ဝမ်းအိုဝမ်း ကျော်ဝင်းမောင်၏ ဈာပန

    ဆရာကြီး ဝမ်းအိုဝမ်း ကျော်ဝင်းမောင်၏ ဈာပန

    စက်တင်ဘာ၊ ၂၄ ၊ ၂၀၁၂
    M-Media

    ဆရာကြီး ရဲ့ ဈာပနကို လိုက်လံပို့ဆောင်သူများ
    ဓါတ်ပုံ ( ဗမာမွတ်စလမ် လူငယ်များ ကွန်ယက်)

    ရန်ကုန်။     ။ မြန်မာ့လွတ်လပ်ရေး ကြိုးပမ်းစဉ်က လေထီးတပ်သားတဦးအဖြစ် ပါဝင်ခဲ့သူ စာရေးဆရာကြီး ၀မ်းအိုဝမ်း ကျော်ဝင်းမောင် (၉၃) နှစ်သည် ၂၃ ရက်ည ၁၀ နာရီ ၄၅ မိနစ်ခန့်တွင် သာကေတ နေအိမ်၌ ကွယ်လွန်သွားရာ အစ္စလာမ်ဘာသာ ထုံးတမ်းစဉ်လာနှင့်အညီ၂၄ ရက် နေ့လည် ၃ နာရီတွင် သံလျင်မြို့ ဒါရ်ဂါ သူတော်စင်ဗိမ္မာန်တွင် သင်္ဂြိုလ်သည်။

    အဆိုပါ ဈာပနအခမ်းနားသို့ မြန်မာမွတ်စလင်မ်ကွန်ယက်မှ မြန်မာမွတ်စလင်မ် ခေါင်းဆောင်တဦး ဖြစ်သူ ဒေါက်တာမြင့်သိန်း (ငြိမ်းချမ်းလုလင်) ၊ ရွှေဝါရောင် သံဃာအရေးလှုပ်ရှားမှု ဦးဆောင်ခဲ့သော သံဃာတော်များ၊ အမိမြေ ငြိမ်းချမ်းရေး မစ်ရှင်မှ ကိုမိုးသီးဇွန်နှင့် အဖွဲ့ဝင်များ၊ NLD ပါတီဝင်များ၊ နှင့်  ဆရာကြီး၏ သားတပည့်များ၊ အစ္စလာမ်ဘာသာဝင်များ၊ ဆရာကြီး၏ လုပ်ဖော်ကိုင်ဘက် နိုင်ငံရေးသားများ က ဆရာကြီး၏ နောက်ဆုံးခရီးကို လိုက်လံ နှုတ်ဆက်ပို့ဆောင်ခဲ့ကြပါသညည်။

    ဆရာကြိး ဝမ်းအိုဝမ်း ကျော်ဝင်းမောင် ဈာပနာအခမ်းအနားသို့ လိုက်လံပို့ဆောင်ခဲ့ကျသည့် သံဃာတော်များ၊ ဧည့်ပရိတ်သတ်များ
    ဓါတ်ပုံ ( ဗမာမွတ်စလမ် လူငယ်များ ကွန်ယက်)

    ဆရာကြိးဝမ်းအိုဝမ်း ကျော်ဝင်းမောင်နှင့် ဂျပန်ခေတ် ဗိုလ်သင်တန်းကို အတူတူ တက်ရောက်ခဲ့သည့် အမျိုးသား ဒီမိုကရေးစီ အဖွဲ့ချူပ် နာယက သူရ ဦးတင်ဦး ( ကာကွယ်ရေး ဦးစီးချူပ်ဟောင်း) မှ ယနေ့နံနက်တွင် ကျန်ရစ်သူ မိသားစုကို သွားရောက်အားပေးစကားပြော ကြားခဲ့ကြောင်း သတင်းရရှိပါသည်။

    ဆရာကြိးဝမ်းအိုဝမ်း ဦးကျော်ဝင်းမောင်သည် ဂျပန်ခေတ် မင်္ဂလာဒုံစစ်တက္ကသိုလ် တတိယပတ် ဗိုလ်သင်တန်းဆင်း၊ လွတ်လပ်ရေးမော်ကွန်းဝင် (ဒုတိယအဆင့်)၊ နိုင်ငံ့ဂုဏ်ရည်ဘွဲ့ (ဒုတိယအဆင့်)၊ သက်ကြီးကန်တော့ခံ စာပေပညာရှင် တစ်ယောက်ဖြစ်သည်။

     

     

    ဆရာကြိး ဝမ်းအိုဝမ်း ကျော်ဝင်းမောင် ဈာပနာအခမ်းအနားတွင် ဒေါက်တာမြင့်သိန်း( မြန်မာမွတ်စလင်မ် ကွန်ယက်) မှ ဝမ်းနည်းကြောင်း ပြောကြားစဉ်
    ဓါတ်ပုံ ( ဗမာမွတ်စလမ် လူငယ်များ ကွန်ယက်)
  • ဆရာကြီး ၀မ်းအိုဝမ်း ကျော်ဝင်းမောင် အလ္လာဟ်အရှင်မြတ် အမိန့်တော်ခံယူခြင်း

    စက်တင်ဘာ ၂၃၊ ၂၀၁၂

    M-Media

    ဆရာကြီး ၀မ်းအိုဝမ်း ကျော်ဝင်းမောင် အသက် (၉၃)နှစ် (၁၉၂၀ – ၂၀၁၂)

    •  လွတ်လပ်ရေးမော်ကွန်းဝင် ဒုတိယဆင့်
    •  နိုင်ငံ့ ဂုဏ်ရည်ဘွဲ.ဒုတိယဆင့်
    •  ဂျပန်ခေတ်မင်္ဂလာဒုံ စစ်တက္ကသိုလ် တတိယပတ် ဗိုလ်သင်တန်းဆင်း
    •  သက်ကြီးကန်တော့ခံ စာပေပညာရှင်

    မြန်မာ့လွတ်လပ်ရေးအတွက် ကျိုးပမ်းခဲ့သူ၊ မြန်မာ့မြေအတွက် သောကရှိပြီး မြန်မာ့အရေးအတွက် ကျိုးပမ်းခဲ့သူ ဦးကျော်ဝင်းမောင်(၀မ်းအိုဝမ်းကျော်ဝင်းမောင်)၊ အသက်(၉၃)နှစ်သည် ၂၀၁၂-ခု စက်တင်ဘာလ (၂၃)ရက် ည(၁၀း၄၅)နာရီအချိန်တွင် အလ္လာဟ်အရှင်မြတ်အမိန့်တော်ခံယူသွားကြောင်း သိရသည်။

    ဦးကျော်ဝင်းမောင်အား စက်တင်ဘာ ၂၄-ရက်နေ့၌ သံလျင်ဒါရ်ကာ ကဘာရ်စတာန်(မွတ်စလင်သုဿာန်)တွင် ဒါဖွနာ(မြှုပ်နှံ)မည်ဖြစ်ပါ၍ ဇဟိုရ်နမားဇ်အပြီး နေ့လည်(၂)နာရီအချိန်တွင် သာကေတနေအိမ် (အမှတ်-၃၃၁၊ အနော်မာ ၈-လမ်းထိပ်၊ ၁-ရပ်ကွက်)မှကားများ စတင်ထွက်ရှိမည်ဖြစ်ကြောင်း သိရပါသည်။

    ဦးကျော်ဝင်းမောင်သည် ဂျပန်ခေတ် မင်္ဂလာဒုံစစ်တက္ကသိုလ် တတိယပတ် ဗိုလ်သင်တန်းဆင်း၊ လွတ်လပ်ရေးမော်ကွန်းဝင်(ဒုတိယအဆင့်)၊ နိုင်ငံ့ဂုဏ်ရည်ဘွဲ့(ဒုတိယအဆင့်)၊ သက်ကြီးကန်တော့ခံစာပေပညာရှင် တစ်ယောက်ဖြစ်ပြီး နိုင်ငံအကျိုး အမျိုးဘာသာသာသနာအကျိုးကို စွမ်းစွမ်းတမံဆောင်ရွက်အကျိုးပြုခဲ့သော ဆရာကြီးအလ္လာဟ်အရှင်မြတ်အမိန့်တော် ခံယူသွားသည့်အတွက် M-Media မိသားစုမှ ဆရာကြီး၏မိသားစုနှင့်ထပ်တူ ၀မ်းနည်းကြေကွဲရပါကြောင်း မှတ်တမ်းတင်အပ်ပါသည်။

    ဆရာကြီး၏ အထ္ထုပ္ပတ္တိအကျဉ်းဖတ်ရန်

    ၀မ်းအိုဝမ်းကျော်ဝင်းမောင် (လေယာဉ်ပစ် အမြှောက်ကြီးတပ်)

  • နာမကျန်းဖြစ်နေသော ဝမ်းအိုဝမ်း ဦးကျော်ဝင်းမောင် အတွက် မြန်မာမွတ်စလင် သက်ကြီးစာရေးဆရာကြီးများ လူမှုကူညီရေးအဖွဲ့မှ အလှူငွေပေးအပ်

    နာမကျန်းဖြစ်နေသော ဝမ်းအိုဝမ်း ဦးကျော်ဝင်းမောင် အတွက် မြန်မာမွတ်စလင် သက်ကြီးစာရေးဆရာကြီးများ လူမှုကူညီရေးအဖွဲ့မှ အလှူငွေပေးအပ်

    စက်တင်ဘာ၊ ၉ ၊ ၂၀၁၂
    M-Media

    ရန်ကုန်။    ။ယနေ.ညနေပိုင်း စက်တင်ဘာ ၉ ရက် ၂၀၁၂ တွင် မြန်မာမွတ်စလင် သက်ကြီးစာရေးဆရာကြီးများ လူမှုကူညီရေးအဖွဲ့ မှ ရန်ကုန်ပြည်သူ.ဆေးရုံကြီး အဆောင် (၁-၂) ကုတင် ၁၉ တွင် တက်ရောက်ကုသမှု ခံယူနေရသော ဆရာကြီး ဝမ်းအိုဝမ် ဦးကျော်ဝင်းမောင် ထံသို. ဒုတိယအကြိမ်အဖြစ် ပြည်တွင်းပြည်ပ မှ ကောက်ခံ ရရှိသော အလှုငွေ (၇၂၀,၀၀၀ ) ခုနှစ်သိန်းနှစ်သောင်းတိတိ သွားရောက် လှုဒါန်း ခဲ့ပါသည်။

    ဆရာကြီး ဦးကျော်ဝင်းမောင် ကျန်းမာရေးအတွက် အလှူငွေပေးအပ်စဉ်
    Photo Credit – မဖရီဒါ

    မြန်မာမွတ်စလင် သက်ကြီးစာရေးဆရာကြီးများ လူမှုကူညီရေးအဖွဲ့ မှ ဆရာကြီး အတွက် ပထမအကြိမ်အဖြစ် ၃ သိန်း ခြောက်သောင်း ကို စက်တင်ဘာ ၆ ရက်၊ ၂၀၁၂ တွင် လှူဒါန်းခဲ့ပြီးဖြစ်ကြောင်း သိရပါတယ်။

    ဆရာကြီးမှာ မောပန်း အသံမထွက် သည်.ကြားမှ လေသံလေးဖြင့် အားလုံးကိုကျေးဇူးတင်ကြောင်း ပြန်ပြောပေးပါရန် မှာကြားပါတယ်။

  • ၀မ်းအိုဝမ်း ကျော်ဝင်းမောင် (လေယာဉ်ပစ် အမြှောက်ကြီးတပ်)

    ၀မ်းအိုဝမ်း ကျော်ဝင်းမောင် (လေယာဉ်ပစ် အမြှောက်ကြီးတပ်)

    ၀မ်းအိုဝမ်း ကျော်ဝင်းမောင်ကို အဖ ဦးဟာနစ်၊ အမိ ဒေါ်စိန်ညွန့်တို့မှ ကချင်ပြည်နယ် ဗန်းမော်မြို့တွင် (၁၂၈၁)ခု တပို့တွဲလပြည့်ကျော်(၁၃)ရက်၊ (၁၆၊ ၂ ၊ ၁၉၂၀) တွင် မွေးဖွားသည်။ ၃ လသားအရွယ်တွင် ဖခင် ကွယ်လွန်သည်။ (၃)နှစ် သားအရွယ်တွင် မိခင်ကွယ်လွန်သည်။ မောင်နှမ (၂) ယောက်ကျန်ရစ်သည်။ ဦးလေးလုပ်သူ ဦးအီဘရာဟင်က ကောက်ယူ မွေးစားခဲ့သည်။ အစ်မလုပ်သူသည် (၁၁)နှစ်အရွယ်တွင် ကွယ်လွန်သွားပြန်သည်။ ဗန်းမော်၊မိုးကုတ်၊ ကသာမြို့များတွင် ပညာသင်ကြားခဲ့သည်။ ဒုတိယ ကမ္ဘာစစ်ကြီးဖြစ်လာ၍ ကျောင်းများပိတ်လိုက်သည်။

    (၁၀)တန်းနဲ့ပဲ ပြီးခဲ့သည်။ (၁၉၄၃)ခု သြဂုတ်လ (၁၀)ရက်နေ့တွင် ဗမာ့ကာကွယ်ေ၇း တပ်မတော် (ဘီဒီအေ) သို့ဝင်ခဲ့သည်။ ရေနံချောင်း လေယာဉ်ပစ် အမြောက်ကြီး တပ်တွင် တာဝန်ထမ်းခဲ့သည်။ ၊ ဂျပန်ခေတ် မင်္ဂလာဒုံ စစ်တက္ကသိုလ် ဗိုလ်သင်တန်း တတိယအပတ်ကို တက်ခဲ့သည်။ ကျောင်းဆင်းခါနီးတွင် ဗိုလ်ချူပ်အောင်ဆန်း၏ လျို့ဝှက်တာဝန်ပေးချက်အရ မဟာမိတ်တပ်များနှင့် သွားရောက်ဆက်သွယ်ခဲ့သည်။ ယင်းတာဝန်ကို ထမ်းဆောင်ရာတွင် စစ်ကိုင်းမြို့နယ် မင်းကွန်းရွာတွင် ဂျပန်၏ ဖမ်းဆီးခြင်းကို ခံရသည်။ အသတ်ခံရမည့်ဆဲဆဲတွင် ဂျပန်တော်လှန်ရေး ရဲဘော်များ၏ အကူအညီနှင့် အချူပ်မှဖောက်၍ ထွက်ပြေးလွတ်မြောက်ခဲ့သည်။ စစ်ကြီးပြီးသောအခါ ဖ.ဆ.ပ.လ၊ ဗမာမွတ်စလင်မ် ကွန်ကရက်(ဗမက) ၊ ကွန်မြူနစ်ပါတီတို့တွင် တာဝန်ယူခဲ့သည်။

    (၁၉၄၆) ခု ကွန်မြူနစ်ပါတီ နှစ်ခြမ်းကွဲသောအခါ အလံနီဖြစ်လာသည်။ (၁၉၄၈)ခုနှစ်တွင် အလံနီအဖြစ်တောခိုခဲ့သည်။ (၁၉၅၄-၅၅) ခုနှစ်တွင် အလံနီတွင် အယူအဆတိုက်ပွဲဖြစ်ရာ ပါတီမှ အထုတ်ခံရသည်။ အထုတ်ခံရသည့် ရဲဘော်များစုပေါင်း၍ အလုပ်သမားညီညွတ်ရေး ပါတီကို တည်ထောင်ခဲ့သည်။ (၁၉၆၂)ခုနှစ် ဒီဇင်ဘာတွင် ဥပဒေတွင်း ၀င်ခဲ့သည်။

    နိုင်ငံရေးလုပ်ရာတွင် (၁၉၄၆)ခုနှစ် ကသာခရိုင် လူထုတိုက်ပွဲတွင် အသေခံဗိုလ်အဖြစ် ခေါင်းဆောင်ခဲံရာတွင် အဖမ်းခံရပြီး ထောင်ထဲတွင် ရှစ်လ လောက်နေခဲ့ရသည်။ (၁၉၆၂) ခုနှစ်တွင် ငြိမ်းချမ်းရေးကိစ္စလာရင်း အဖမ်းခံရပြီး မန္တလေး၊ ရန်ကုန်တွင် အချုပ်ခံခဲ့ရသည်။ ဥပဒေအတွင်းရောက်လာပြီး အမျိုးမျိုးသော အလုပ်များလုပ်ကိုင်ခဲ့သည်။ သို့သော် စီးပွားရေးလုပ်ငန်းများ စွန့်လွှတ်က သမိုင်းပေးတာများရှိသည့်အတွက် ကလောင်ကိုင်ခဲ့သည်။ “၀မ်းအိုဝမ်းနှင့် ဗမာ့မြေအောက်တော်လှန်ရေး” ဆိုတဲ့ စာအုပ်ပြုစုရင်း စာပေနယ်ထဲသို့
    ၀င်ခဲ့သည်။ ရုပ်ရှင်၊၀တ္ထု၊ ဇာတ်ညွှန်း၊ ဆောင်းပါးများနှင့် သုတေသနစာအုပ်များ ရေးသားခဲ့သည်။ မြန်မာ့လွတ်လပ်ရေးတိုက်ပွဲအဆင့်ဆင့်တွင် ပါဝင်လှုပ်ရှားမှု့ကြောင့် (၁၉၇၂)ခု မတ်လ(၂၇)ရက်နေ့တွင် လွတ်လပ်ရေး မော်ကွန်းဝင် ဒုတိယအဆင့်နှင့် (၁၉၈၀)ခု မေလ(၂၈)ရက်တွင် နိုင်ငံဂုဏ်ရည် ဒုတိယအဆင့်တို့ကို နိုင်ငံတော်သမ္မတက ချီးမြှင့်ခဲ့သည်။ ကန်တော်ခံ သက်ကြီးစာဆိုပညာရှင် အဖြစ်နှင့် ယနေ့တိုင် သမိုင်းဝင်စာပေများကို အဓိက ရေးသားပြုစုလျက်ရှိနေပါသည်။
    ”မြန်မာ့အာဇာနည်ခေါင်းဆောင် ဆရာကြီးဦးရာဇာတ်” စာအုပ်ဖြင့် ၂၀၀၉ ခုနှစ် ထွန်းဖောင်ဒေးရှင်း စာပေဆု အတ္ထုပ္ပတ္တိ ဘာသာရပ်အတွက် အကောင်းဆုံးဆု ချီးမြှင့်ခြင်းခံရသည်။

    အသက် ၉၂ နှစ်ရှိပြီဖြစ်သော ဆရာကြီး ဝမ်းအိုဝမ်းကျော်ဝင်းမောင်သည့် ကျန်းမာရေးချို့ယွင်းလာသည့် အတွက် ဆေးရုံတွင် ဆေးကုသမှုများခံယူနေရကြောင်းသိရှိရပါသ်ည။

    ၀မ်းအိုဝမ်း ကျော်ဝင်းမောင် ရေးသားပြုစုခဲ့သော စာအုပ်အချို့

    1.     ဆရာကြီးဦးရာဇတ်(ပထမပိုင်း)၊
    2.     ဂျပန်သုံ့ပန်း မဂိုကပြားမလေး၊
    3.     နွေဦးရဲ့ သတို့သမီးပျို၊
    4.     မေတ္တာလက်တစ်လှမ်း၊
    5.     ဘီဒီအေ လေယာဉ်ပစ် အမြှောက်ကြီးတပ်
    6.     မန္တလေး ၁၃၀၀ ပြည့်အရေးတော်ပုံမှ သည် နယ်ချဲ့တော်လှန်ရေးသို့၊
    7.     နယ်ချဲ့ကို ဒူးမထောက်တဲ့ သခင်နက်ဖေ (၁၉၉၉)၊
    8.     ဂျပန်ဖက်ဆစ်တော်လှန်ရေး လေထိးသမားများ(၁၉၉၉)
    9.     မြန်မာအာဇာနည်ခေါင်းဆောင်ကြိးဦးရာဇတ် (ထွန်းဖောင်ဒေရှင်း စာပေဆုကော်မတီမှ အတ္ထုပတ္တိစာပေဆု၇ စာအုပ် )

    ကိုးကား
    ဘီဒီအေ လေယာဉ်ပစ် အမြှောက်ကြီးတပ် စာအုပ်မှ စာရေးသူကိုယ်တိုင်ရေး ကိုယ်ရေးအကျဉ်း
    ၂၀၀၄ ခုနှစ် ဒီဇင်ဘာလထုတ် ကန့်တော့ခံ သက်ကြီးစာပေပညာရှင်များ၏ အတ္ထုပတ္တိအကျဉ်း
    ၁၃-၁-၂၀၀၉ ကြေးမုံသတင်းစာ

    ၂၀၁၂၊ ဇန်နဝါရီ ၁၈ ရက်နေ့ က ကျင်းပပြုလုပ်ခဲ့သော ဆရာကြီး ဒဂုန်တာရာ မွေးနေ့ပွဲ အကြို အလှူသို့ တက်ရောက်စဉ်က
    ၂၀၁၂ ခုနှစ် ဇန်နဝါရီ ၂၀ ရက်နေ့က ကျင်းပခဲ့သော ဆရာကြီး ဦးရာဇတ်နေ့ အခမ်းအနားသို့ တက်ရောက်ခဲ့စဉ်က (ညာအစွန်)

     

    ယခု ဆေးရုံပေါ်မှာ
    အစ္စလာမ်ဘာသာဝင်တစ်ဦးဖြစ်သာ ဆရာကြီးကို ဗုဓ်ဒဘာသာဝင် သံယာတော်တပါး လာရောက်အားပေး စကားပြောကြားစဉ်