ဇူလိုင် ၃ ၊ ၂၀၁၄
M-Media
– အစ္စလာမ်ဘာသာဝင်တို့၏ မြင့်မြတ်သော ရမသွာန် ဥပုသ်လကို ကြိုဆိုသည့်အနေဖြင့် ချို့တဲ့သူများအား အစားသောက်များ ထောက်ပံ့ပေးခြင်းနှင့် လူမှုအကျိုးပြု လှုပ်ရှားမှုတစ်ခုကို ချီကာဂို မွတ်စလင်အဖွဲ့များက ပြုလုပ်နေသည်ဟု သိရသည်။
Sabeel Food Pantry အမည်ရသည့် အဖွဲ့မှာ ရမသွာန် ဥပုသ်အတွင်း လမ်းမလျှောက်နိုင်သူများ၊ အိမ်ရာမဲ့များနှင့် ချို့တဲ့သည့် အိမ်နီးချင်းများအတွက် အစားသောက်များကို စေတနာ့ ၀န်ထမ်းများဖြင့် ဝေငှေထောက်ပံ့နေသည်။
“Sabeel Food Pantry အဖွဲ့ကို အမေရိက အစ္စလာမ့်အစားအသောက်နှင့် အာဟာရဆိုင်ရာကောင်စီ IFANCA က တည်ထောင်ခဲ့တာဖြစ်ပြီး ကူညီထောက်ပံ့မှုတွေ လိုအပ်နေတဲ့ အိမ်နီးချင်းတွေကို ကူညီဖို့ပါ” ဟု ချီကာဂိုအခြေစိုက် IFANCA မှ အမှုဆောင်ဒါရိုက်တာ ရော်ဂျာ အွစ်မန်က ပြောကြားခဲ့သည်။
Sabeel Food Pantry အဖွဲ့မှ ထိုကဲ့သို့ လှုပ်ရှားမှုများကို ပြုလုပ်ခဲ့သည်မှာ ၁၂ နှစ်တာရှိခဲ့ပြီဖြစ်ပြီး လာမည့် ဇူလိုင်လတွင်ပြုလုပ်မည့် ဘာသာပေါင်းစုံ စုပေါင်းဝါဖြေပွဲတွင် ပါဝင်ရန်လည်း စီစဉ်ထားသည်။
“ဇူလိုင် ၁၁ ရက်နေ့မှာပြုလုပ်မယ့် စုပေါင်းဝါဖြေ ညစာစားပွဲကို Sabeel Food Pantry ဟာ CBC နဲ့အတူ ပူးပေါင်းဆောင်ရွက်သွားမှာပါ။ အဖွဲ့ရဲ့ရုံးခန်းမှာ ပြုလုပ် သွားမှာဖြစ်ပြီး ရှိခ် အိုမာရ် မူဇာဖာရ်က ဟောပြောမှာဖြစ်ပါတယ်” ဟု အွစ်မန်က ဆိုသည်။
ချီကာဂိုရှိ အစ္စလာမ်ဘာသာဝင် မိသားစုများမှာ ရမသွာန် ဥပုသ်လ တစ်လလုံး စုပေါင်း ၀ါဖြေပွဲများကို ပြုလုပ်လေ့ရှိကြပြီး ချီကာဂိုမြို့အစ္စလာမ်ကောင်စီ CIOGC ကလည်း ချီကာဂိုရှိ ဗလီဝတ်ကျောင်းတော်များတွင် “Go Green” လှုပ်ရှားမှုကို စတင်ခဲ့သည်။
အဆိုပါ လှုပ်ရှားမှုမှာ ဗလီဝတ်ကျောင်းတော်များ၌ အစ္စလာမ်ဘာသာဝင်များ စုရုံးရာတွင် ပလက်စတစ် ပစ္စည်းများအား ပြန်လည်သုံးစွဲရေး၊ သဘာဝအတိုင်း ပျက်စီးသွားနိုင်သည့် ပစ္စည်းများကို သုံးစွဲရန်အတွက် ဖော့ပန်းကန်များ၊ ခွက်များ၊ ဖော့ဗူးများ စသည်တို့ကို အသုံးမပြုရေး စသည့် အချက်နှစ်ချက်ကို လိုက်နာစေရန် ရည်ရွယ်ခြင်းဖြစ်သည်။
အခြားမွတ်စလင်အဖွဲ့တစ်ခုဖြစ်သည့် မွတ်စလင် အမျိုးသမီးများ မဟာမိတ်အဖွဲ့ WMA ကလည်း ရမသွာန် လမြတ်အတွင်း အိမ်ယာမဲ့များနှင့် ချို့တဲ့သည့် မိသားစုများအတွက် အစားအသောက်များ လှူဒါန်း ထောက်ပံ့ပေးသည့် R သုံးလုံးလှုပ်ရှားမှု (Ramadan Rush for Rewards) ကို ဆောင်ရွက်လျက်ရှိနေသည်။
ဓါတ်ပုံ အညွှန်း- မွတ်စလင်တို့ရဲ့ အိဒ်နေ့တွင် ဘောလုံးကွင်းအတွင်းစုပေါင်း ဝတ်ပြုနေကြသည့် ချီကာဂိုမှ မွတ်စလင်မ်များ (၂၀၁၃ခုနှစ်)
Ref: OnIslam
