News @ M-Media

Tag: 2016_election USA

  • ၀စ်ကွန်ဆင် မဲပြန်ရေမှု ကလင်တန်အဖွဲ့လည်း ပါဝင်ဆောင်ရွက်မည်

    ၀စ်ကွန်ဆင် မဲပြန်ရေမှု ကလင်တန်အဖွဲ့လည်း ပါဝင်ဆောင်ရွက်မည်

    နိုဝင်ဘာ ၂၇၊ ၂၀၁၆
    M-Media

    clinton

    – ရွေးကောက်ပွဲတွင် ထရမ့်အနိုင်ရခဲ့သည့် ၀စ်ကွန်ဆင်ပြည်နယ်မှ မဲပြန်ရေမှုအတွင်း မိမိတို့လည်း ပါဝင်မည်ဟု ဒီမိုကရက်တစ်သမ္မတလောင်းဖြစ်ခဲ့သူ ဟီလာရီကလင်တန်၏ မဲဆွယ်ရေးအဖွဲ့က ယမန်နေ့တွင် ပြောကြားလိုက်သည်။

    Green ပါတီ၏ သမ္မတလောင်း ဂျီလ် စတိုင်း၏ မဲပြန်ရေရန် တောင်းဆိုမှုကို ၀စ်ကွန်ဆင် ပြည်နယ်ရွေးကောက်ပွဲ ကော်မရှင်က သောကြာနေ့တွင် လက်ခံခဲ့သည်။

    ကလင်တန်မဲဆွယ်ရေးအဖွဲ့၏ အကြံပေးဖြစ်သူ မာ့ခ် အီလီယက်စ်ကမူ မိမိတို့၏ ကိုယ်ပိုင် စစ်ဆေးမှုများအရ ကွန်ပျူတာစနစ်ဖြင့် မဲပေးမှုတွင် ဟက်ခံရသည်ဆိုသည့် လက္ခဏာများ မတွေ့ရသောကြောင့် မိမိတို့အနေဖြင့် မဲပြန်ရေရန် ဆောင်ရွက်သွားမည်မဟုတ်ဟု ပြောကြားခဲ့သည်။

    “ဒါပေမယ့် အခု ၀စ်ကွန်ဆင်မှာ မဲပြန်ရေတော့မယ်ဆိုတော့ အားလုံးအတွက် မျှတနဲ့ အခြေအနေမျိုးနဲ့ ဆောင်ရွက်ရေး သေချာစေဖို့အတွက် ကျွန်တော်တို့ ပါဝင်ဖို့ ရည်ရွယ်ထားပါတယ်” ဟု ၎င်းက ဆိုပြီး မိမိတို့အဖွဲ့အနေဖြင့် ရလဒ်ကို စောင့်ကြည့်ရန် တရားဝင် ကိုယ်စားပြု ပါဝင်ရမည်ဟုလည်း ထည့်သွင်းပြောကြားခဲ့သည်။

    ဂျီလ် စတိုင်မှာ မီချီဂန်နှင့် ပင်ဆဲလ်ဗားနီးယား ပြည်နယ်များတွင် မဲပြန်ရေရန် ဆန္ဒရှိနေပြီး ထိုကဲ့သို့ ဖြစ်လာပါကလည်း မိမိတို့အနေဖြင့် ပါဝင်သွားမည်ဟု အီလီယက်စ်က ဆိုသည်။

    ၀စ်ကွန်ဆင်မဲရေတွက်မှုကို လာမည့်သီတင်းပတ်နှောင်းပိုင်းတွင် စတင်မည်ဖြစ်ပြီး ဒီဇင်ဘာ ၁၃ ရက်နေ့ နောက်ဆုံးထား ရေတွက်ရမည်ဖြစ်သည်။

    Ref : Aljazeera

  • အမေရိကန် ပြည်သူတွေနားထဲ သံချို  သွေးတဲ့ ဒေါ်နယ်ထရမ့်ရဲ့ တေးသံသာ

    အမေရိကန် ပြည်သူတွေနားထဲ သံချို သွေးတဲ့ ဒေါ်နယ်ထရမ့်ရဲ့ တေးသံသာ

    နိုဝင်ဘာ ၁၁ ၊ ၂၀၁၆
    M-Media
    မောင်ရဲဝင်း(တောင်ကြီး) ရေးသည်။

    Republican presidential candidate Donald Trump turns around to supporters behind him as he speaks before a crowd of over 3,500 Saturday, July 11, 2015, in Phoenix. (AP Photo/Ross D. Franklin)
    (AP Photo/Ross D. Franklin)

    နိုဝင်လာလ (၈) ရက်နေ့မှာ ကျင်းပပြုလုပ်ခဲ့တဲ့ အမေရိကန်ရွေးကောက်ပွဲရလဒ်ဟာ ကမ္ဘာကြီးကို အံ့သြစေခဲ့ပါတယ်။  အမေရိကနိုင်ငံသားတွေရဲ့ အကျိုးစီးပွားကို ကာကွယ်ရမယ်ဆိုတဲ့ ကျောရိုးကို အခြေခံပြီးထား မဲဆွယ်စည်းရုံးတဲ့အတွက် ရီပါပလစ်ကန်ပါတီဟာ မဲဆန္ဒနယ်အများစုမှာ အနိုင်ရ ခဲ့ကြတာပါ။

    ရီပါပလစ်ကန်ပါတီက ဒေါ်နယ်ထရမ့်ဟာ ရွေးကောက်ပွဲမဲဆွယ်ရာမှာနိုင်ငံနဲ့ လူမျိုးကို ကာကွယ်ရမယ်၊ ပြည်သူတွေရဲ့ လုံခြုံရေးကို ရှေ့ရှုရမယ်၊ အကြမ်းဖက်ရန်က ကာကွယ်ရမယ်၊ လူဝင်မှုကြီးကြပ်ရေးကိစ္စ ထိန်းချုပ်ရမယ်၊ အမေရိကန်နိုင်ငံရဲ့ စီးပွားရေးဖွံ့ဖြိုးတိုးတက် မှုကို ဦးစားပေးရမယ်၊ ဖွံ့ဖြိုးတိုးတက်မှုကိုတားဆီးနေတဲ့ နိုင်ငံရေး လုပ်ထုံးလုပ်နည်းတွေကို ဖယ်ရှား ပစ် ရမယ် ဆိုတဲ့ ကြွေးကြော်သံများနဲ့ မဲဆွယ်ခဲ့ပါတယ်။

    တဘက်မှာလည်း ဒေါ်နယ်ထရမ့်ရဲ့ မက္ကဆီကန် လူမျိုးတွေကိုတားဆီးမယ့်ကိစ္စ၊ အစ္စလာမ်ဘာသာဝင်တွေကို ထိန်းချုပ်မယ့်ကိစ္စ၊ အမျိုးသမီးတွေကို ချိုးနှိမ်တဲ့ကိစ္စ၊ လူမည်းတွေကို အထင်သေးတဲ့ကိစ္စတွေကလည်း တကမ္ဘာလုံးရဲ့ အာရုံစူစိုက်မှုကို ရရှိခဲ့ပါတယ်။

    အပြောအဆိုကြမ်းတမ်းပြီး တကိုယ်ကောင်းဆန်တဲ့ ဒေါ်နယ်ထရမ့်၊ လူမုန်းများပါတယ်ဆိုတဲ့ ဒေါ်နယ်ထရမ့် ဟာ နိုင်ငံရေးဝါရင့် အမျိုးသမီးကြီး ဟယ်လရီကလင်တန်အပေါ် အသာစီးရသွားတာကို စာနယ်ဇင်းသမားတွေနဲ့ ရွေးကောက်ပွဲစောင့်ကြည့်လေ့လာရေး ပညာရှင်တွေ တောင် မယုံနိုင်လောက်အောင်ဖြစ်ရပါတယ်။ သေခြာတာကတော့ ဒေါ်နယ်ထရမ့်ဟာ (၄၅) ယောက်မြောက် အမေရိကန် သမ္မတဖြစ်လာ ခဲ့ပြီဆိုတာပါပဲ။

    ဘာ့ကြောင့် ဒေါ်နယ်ထရမ့် က ဟယ်လရီကလင်တန်အပေါ်အသာစီးရသွားတာလဲ၊ သူ ဘာတွေပြောခဲ့လို့ အများစုမဲကို ရယူနိုင်ခဲ့တာလဲ၊ ဒေါ်နယ်ထရမ့်ရဲ့အောင်ပွဲ အရင်းအမြစ်ကို ပြန်လည်သုံးသပ် ကြည့်ကြရအောင်။

    ရီပါပလစ်ကန်ပါတီကို ကိုယ်စားပြုဖို့အတွက် ပါတီတွင်းရွေးချယ်တဲ့အခါမှာ ဝါရင့်နိုင်ငံရေးသမားတွေကို အောင်နိုင်ခဲ့ပြီးတဲ့နောက် ပြိုင်ဘက်ပါတီက ဟယ်လရီကိုပါ အနိုင်ရသွားတာတဲ့  ဒေါ်နယ်ထရမ့်ဟာ နိုင်ငံရေးလောက ထဲကို ဗျူဟာ အသစ်အဆန်းတွေ သယ်ဆောင်လာခဲ့သူဖြစ်ပါတယ်။ အမျိုးသားရေးဝါဒကို အခြေခံပြီး ဒေါ်နယ်ထရမ့်ကို လက်ခံကြသူတွေရှိပေမယ့် သူအနိုင်ရလိုက်တာဟာ အမျိုးသားရေးဝါဒကြောင့်လည်း မဟုတ်၊ အစ္စလာမ်ကြောက်တရားကြောင့်လည်း မဟုတ်၊ အမျိုးသမီး သမ္မတတင်ဖို့ အဆင့်သင့်မဖြစ်လို့လည်း မဟုတ်ပါဘူး။

    သမ္မတဘေလ်ကလင်တန်၊ သမ္မတအိုဘားမားတို့ရဲ့ ဦးဆောင်မှုအောင်မှာ ချွတ်ခြုံကျရတဲ့ ပြည်သူတွေရဲ့ ခံစားချက်တွေကို ထင်ဟပ်စေတဲ့ မူဝါဒတွေကို ရှေ့တန်းတင်တဲ့အတွက် ဒေါ်နယ်ထရမ့်ရဲ့ ပြောဆိုစည်းရုံးမှုတိုင်းဟာ နေ့စဉ်ရုန်းကန်နေရဲ့တဲ့ ဘဝကို စိတ်ကုန်ပြီး အပြောင်းအလဲတွေကို ဆာလောင်နေတဲ့ အလုပ်သမား လူတန်းစားရဲ့နားထဲ တယောထိုးသံတွေလို သာယာသွားခဲ့စေ လို့ပဲ  ဖြစ်ပါတယ်။

    အမေရိကန် ပထမဦးစားပေး
    —————————-
    ဒေါ်နယ်ဟာ “အမေရိကန်နိုင်ငံကို အင်အားကြီးအောင်ပြန်လုပ်မယ်” လို့ ကြွေးကြော်ချက်နဲ့အစပြုပြီး နိုင်ငံရေးလောကထဲကို ခြေစုံပစ်ဝင်လာခဲ့တာ ဖြစ်ပါတယ်။ ယခင် သမ္မတတွေ၊ နိုင်ငံရေးသမားတွေရဲ့ ပျော့ညံ့မှုကြောင့် အမေရိကန်နိုင်ငံဟာ အဘက်ဘက်မှာ နောက်ကျကျန်နေရပြီလို့ စည်းရုံးရေးခရီးတွေမှာ မကြာခဏပြောပါတယ်။ အမေရိကန်နိုင်ငံဟာ ကမ္ဘာမှာ ကယ်တင်ရှင်ကြီးလုပ်ပြီး သံတမန်ရေးတွေနဲ့ နိုင်ငံခြားဆက်ဆံရေးတွေ တည်ဆောက်နေပေမယ့် ရသင့်ရထိုက်တဲ့ အကျိုးအမြတ်မရရှိဘူးလို့ ယူဆသူဖြစ်ပါတယ်။ ဒါကြောင့် ဥရောပနဲ့ အာရှနိုင်ငံတွေမှာ  အမေရိကန်ရဲ့ လိုအပ်ချက်တွေကိုအရင်မဖြည့်စီးပေးရင် စစ်ရေး အကူအညီပေးနေတာတွေ၊ ငွေကြေး အကူအညီပေးနေ တာတွေ ပြန်ရုပ်သိမ်းမယ်၊ စီးပွားရေး အကျိုးမရှိရင် ဘာအကူအညီမှ  မပေးဘူးလို့ ကြုံးဝါးထားပါတယ်။ အမေရိကန်သမ္မတဟာ အမေရိကန်ပြည်သူတွေအတွက်သာဖြစ်ရမယ်ဆိုတဲ့ သူ့ရဲ့ ရပ်တည်ချက်က အခြေခံလူတန်းစား အမေရိကန်ပြည်သူတွေနားထဲ နာဝင်ချိုတဲ့  စကားတွေဖြစ်ပါတယ်။

    သမ္မတ ဘေလ်ကလင်တန်လက်ထက်က မက္ကဆီကို၊ အမေရိကန်နဲ့ ကနေဒါ နိုင်ငံတို့အကြားချုပ်ဆိုခဲ့တဲ့ မြောက်အမေရိက လွတ်လပ်စွာကုန်သွယ်ရေးစာချုပ် (NAFTA) ရဲ့ အကျိုးဆက်ကြောင့် အမေရိကန်နိုင်ငံက စက်ရုံအလုပ်ရုံတွေ ပိတ်၊ မက္ကဆီကိုနိုင်ငံကို ရွေ့ပြောင်းသွားခဲ့ပါတယ်။ သန်းပေါင်းများစွာသော ပြည်သူတွေ အလုပ်လက်မဲဖြစ်ရပြီး အမေရိကန်စီးပွားရေးကို ထိခိုက်စေခဲ့ပါတယ်။

    အထူးသဖြင့် ဝစ္စကန်ဆင်၊ မီချီဂန်နဲ့ အိုဟိုင်းရိုးပြည်နယ်တွေက မော်တော် ယာဉ်ထုတ်လုပ်ရေးလုပ်ငန်းတွေကို အကြီးအကျယ်ထိခိုက်ခဲ့ပါတယ်။ သမ္မတဘေလ် ကလင်တန်နဲ့ သူချုပ်ဆိုခဲ့တဲ့ ကုန်သွယ်ရေးစာချုပ်ကို အဲဒီပြည်နယ်မှာနေထိုင်သူတွေ အခဲမကျေသေးဘူးဆိုတဲ့အချက်ကို ဒေါ်နယ် အသုံးချနိုင်ခဲ့ပါတယ်။

    ဒီစာချုပ်ကို ပြန်စစ်ဆေးမယ်။ ပြန်ပြီး ညှိနှိုင်းမယ်။ အမေရိကန်ဘက်က လိုချင်တာ မရရင် ဖျက်မယ်။ တခြားကုန်သွယ်ရေးစာချုပ်တွေကို ပြန်စိစစ်မယ်။ ပြည်တွင်းက စက်ရုံတွေပိတ်ပြီး နိုင်ငံရပ်ခြားကိုပြောင်းရွေ့တဲ့ ကုမ္ပဏီတွေကို ဒဏ်ခတ်မယ်။ အမေရိကန်ဈေးကွက်ထဲ ဝင်လာတဲ့ တရုတ်ပစ္စည်းတွေကို အခွန်တွေ တိုးကောက်မယ်။ ပြည်တွင်းဖြစ်ကိုအားပေးမယ်။

    တံခါးဖွင့် စီးပွားရေးဆိုတာ အမေရိကန်ပြည်သူတွေအတွက် အကျိုးရှိမှသာ ဖွင့်သင့်သလောက်ဖွင့်မယ်ဆိုတဲ့ ယူဆချက်က စက်ရုံအလုပ်ရုံတွေကို မှီခိုနေကြတဲ့ အလုပ်သမား လူတန်းစားတွေ အကြိုက်ပါပဲ။ ဒါကြောင့် ယခင် ရီပါပလစ်ကန်ပါတီ သမ္မတလောင်းတွေ ဖြစ်တဲ့ ဂျွန်မကိန်းနဲ့ မိဒ်ရောမ်နီ တို့မစည်းရုံးနိုင်ခဲ့တဲ့ ဝစ္စကန်ဆင်၊ မီချီဂန်နဲ့ အိုဟိုင်းရိုးပြည်နယ်တွေကို ဒေါ်နယ်ထရမ့် အနိုင်ရယူပြလိုက်နိုင်တာ ဖြစ်ပါတယ်။

    နိုင်ငံခြားရေးပေါ်လစီမှာလည်း အမေရိကန်နိုင်ငံသည်သာ ပထမ ဦးစားပေးဖြစ်ရမယ်လို့ ကြွေးကြော်ချက်ဟာ ကမ္ဘာ့အလယ်မှာ အမေရိကန်နိုင်ငံရဲ့အင်အားလျော့ကျနေပြီလို့ ခံစားနေရတဲ့  ပြည်သူတွေအဖို့ မျှော်လင့်ချက် တရပ်ဖြစ်စေခဲ့ပါတယ်။

    အိုဘားမားကို သမိုင်းကဖျောက်မယ်
    ————————————-
    သမ္မတအိုဘားမားကို အားမလိုအားမရဖြစ်နေတဲ့ အမေရိကန်ပြည်သူတွေရဲ့ ခံစားချက်ကို ဖမ်းစားနိုင်ဖို့ရာအတွက် ‘အိုဘားမားရဲ့ အမိန်ကြေညာချက်တွေကို ပယ်ဖျက်မယ်၊ အိုဘားမားကို သမိုင်းထဲက ဖျောက်မယ်’ လို့ ပြောဆို စည်းရုံးခဲ့ပါတယ်။ အဲဒီအပြင် အိုဘားမားရဲ့ နိုင်ငံခြားဆက်ဆံရေး ပျော့ပျောင်းမှုတွေ၊ ဆီးရီးယား ဒုက္ခသည်တွေကို ကူညီပေးမှုတွေ၊
    စီးပွားရေး တိုးတက်မှုနှုန်းနှေးတာတွေ ကိုလည်း ဒေါ်နယ်ထရမ့်က ပြစ်တင်ဝေဖန်ပြီး သူဟာ ပြည်သူတွေနဲ့ အမြင်တူတယ်ဆိုတဲ့ အချက်ကို ပြသနိုင်ခဲ့တယ်။

    အိုဘားမား သက်တမ်း (၈) နှစ်တာကာလ အတွင်း စီးပွားရေးတည်ငြိမ်လာပေမယ့် သိသာထင်ရှားတဲ့ ပြောင်းလဲမှုတွေ မတွေ့မြင်ရဘူးလို့ လူများစုကခံစားလာကြ ပါတယ်။ အမေရိကနိုင်ငံရဲ့ GDP တိုးတက်နှုန်းဟာ လွန်ခဲ့တဲ့ (၅) နှစ်အတွင်း နှစ်စဉ် ၂ ရာခိုင်နှုန်းကျော်ကျော်လေးသာရှိနေခဲ့ပါတယ်။ ယခု ၂၀၁၆ မှာ တိုးတက်မှုနှုန်းလျော့နေမယ်လို့ ခန့်မှန်းချက်တွေထွက်ပေါ်လာနေတာတဲ့အပြင် တရုတ်နိုင်ငံကို စီးပွားရေးအရ ရှုံးနိမ့် စပြုနေပြီလို့ အမေရိကန်ပြည်သူတွေ မှတ်ယူထားကြပါတယ်။

    အမေရိကန်ပြည်သူအများစု မနှစ်သက်တာကတော့ အိုဘားမားကဲ (ObamaCare) လို့ခေါ်တဲ့ ကျန်းမာရေး အာမခံအစီအစဉ်ပဲဖြစ်ပါတယ်။ အလုပ်ရှင်တွေကို မဖြစ်မနေ ကျန်းမာရေးအာမခံစီစဉ်ပေးဖို့  ၂၀၁၅ ခုနှစ်ကစပြီး ဥပဒေအရပြဋ္ဌာန်းထားပြီး၊ ကျန်းမာရေးအာမခံ မစီစဉ်ပေးရင် အလုပ်ရှင်ကို ဒဏ်ရိုက်မယ် (ဒါမှမဟုတ်) စီစဉ်ထားပေးလျက်သားနဲ့ အာမခံမဝယ်ရင်  အလုပ်သမားကိုဒဏ်ရိုက်မယ်လို့ ပါရှိပါတယ်။ ဒီအစီအစဉ်ကိုအစပြုတဲ့အချိန်က လွှတ်တော်မှာ ညှိနှိုင်းမရလို့ အစိုးရရုံးတွေ ပိတ်ရတဲ့အထိ ဖြစ်ခဲ့ပါသေးတယ်။ အသုံးမတည့်တဲ့ ကျန်းမာရေး အာမခံကို  ဥပဒေပြုပြီး ဝယ်ခိုင်းတယ်လို့ ပြည်သူအများစုက ခံစားရတဲ့အတွက် အိုဘားမားကဲ ကို မနှစ်သက်ကြတာပါ။ ဒေါ်နယ်ထရမ့်က ဒါကို အကွက်ကောင်းယူပြီး သူအာဏာရရင် အိုဘားမားကဲ တခုလုံး ဖျက်သိမ်းပေးပါမယ်လို့ ပြောဆိုစည်းရုံးခဲ့တာပါ။

    တံတိုင်းခတ်မယ်၊ စစ်ဆေးမယ်
    ——————————-
    လူဝန်မှုကြီးကြပ်ရေး ကိစ္စရပ်အပေါ် ဒေါ်နယ်ထရမ့်ရဲ့ ရပ်တည်မှုဟာ အမေရိကန်ပြည်သူအများစုကို သိမ်းသွင်းနိုင်ခဲ့ပါတယ်။ အမေရိကန်နိုင်ငံနဲ့ နယ်ချင်းစပ်နေတဲ့ မက္ကစီကိုပြည်သူတွေ အမြောက်အများဟာ အမေရိကန်နိုင်ငံထဲ တိတ်တခိုးဝင်ရောက် နေထိုင်ကြပါတယ်။ မက္ကစီကို နယ်စပ်ကတဆင့် မူးယစ်ဆေးဝါးနဲ့ အတူ ဒုစရိတ်သမားတွေဝင်ရောက်နေတယ်လို့  အမေရိကန်ပြည်သူတွေက ယုံကြည်ကြပါတယ်။ ဒါကြောင့် တရားမဝင် ဝင်ရောက်နေထိုင်ကြတဲ့ မက္ကစီကန် လူမျိုးတွေကို သူတို့နိုင်ငံ ပြန်ပို့မယ်၊ နယ်စပ်တလျောက် တံတိုင်းကြီးတည်ဆောက်မယ်၊  ဒီတံတိုင်းရဲ့ ကုန်ကျစရိတ်ကိုလည်း မက္ကစီကန်အစိုးရကို ပေးခိုင်းမယ်လို့ မဲဆွယ်ကာလတလျောက်မှာ ပြောဆိုစည်းရုံးခဲ့ပါတယ်။

    ဒေါ်နယ်ထရမ့်ဟာ အမေရိကန်နိုင်ငံအတွင်းကို ဒုက္ခသည်တွေ ခေါ်သွင်းနေတဲ့ ကိစ္စကိုလည်း မလိုလားသူတယောက်ဖြစ်ပါတယ်။ အထူးသဖြင့် ဆီးရီးယား ဒုက္ခသည်တွေကို ခေါ်သွင်းမယ်ဆိုရင် အမေရိကန်ပြည်သူတွေရဲ့ လုံခြုံရေးစိုးရိမ်ရတယ်လို့ ပြောလေ့ရှိပါတယ်။ တဆက်တည်းမှာ ပြည်တွင်းက မွတ်စလင်တွေကို စောင့်ကြည့်ရမယ်၊ အစ္စလာမ်ဘာသာဝင် တွေကို ပြည်ဝင်ခွင့် ပိတ်ရမယ်၊ အကြမ်းဖက်ကိစ္စဖြေရှင်းပြီးမှ အစ္စလာမ်ဘာသာဝင်တွေကို ပြည်ဝင်ခွင့် ကိစ္စ ပြန်စဉ်းစားမယ် အစရှိသဖြင့် ပြောဆိုစည်းရုံးတာဟာလည်း အစ္စလာမ်ကြောက်ဝါဒအောက်မှာ နားယောင်နေတဲ့ အမေရိကန်ပြည်သူတွေ သဘောကျစေတဲ့အချက်ဖြစ်ခဲ့ပါတယ်။

    နိုင်ငံရေးစည်းဘောင်တွေ လွန်ဆန်သူ
    —————————————-
    ဒေါ်နယ်ဟာ နိုင်ငံရေးလောကထဲက မဟုတ်ပေမယ့် နိုင်ငံရေးသမားတွေနဲ့ နီးစပ်သူတစ်ဦးပါ။ လွန်ခဲ့တဲ့ အနှစ် (၃၀) အတွင်း တီဗီရှိုးတွေကတဆင့် လက်တွေ့ဖျော်ဖြေရေးသမားအဖြစ် လူသိများတဲ့ အမေရိကန် သူဌေးကြီးဖြစ်ပါတယ်။ နာမည်ကြီး သူဌေးတဦး အနေနဲ့ ငွေကုန်ခံပြီး ကြော်ငြာတွေနဲ့ ထွေထွေထူးထူး လုပ်နေစရာမလိုတဲ့အပြင် စည်းရုံးရေးမဲဆွဲပွဲတွေအတွက် တခြားလူတွေဆီ လက်ဝါးဖြန့်စရာ မလို၊ ဘယ်သူ့မျက်နှာမှထောက်ထားစရာမလို သူဖြစ်ပါတယ်။ ဒါကြောင့် စိတ်ထဲရှိတာလွတ်လွတ်လပ်လပ်ပြောမယ်၊ ပြောချင်တာပြောမယ်ဆိုတဲ့ သူရဲ့အမူအကျင့်ဟာ သာမန် အမြင်မှာ ကလေးဆန်ပြီး ရိုင်းစိုင်းတယ်လို့ထင်ကြပေမယ့် တခြားနိုင်ငံရေးသမားတွေနဲ့ မတူတာတော့အမှန်ပါပဲ။ ဖျော်ဖြေရေးသမား တယောက်အနေနဲ့  ပရိသတ် အကြိုက်ပြောတတ် တာကြောင့် သူ့ရဲ့ ထူးခြားတဲ့အမူအကျင့်ဟာ လူတွေကြားထဲ ရေပန်းစားလာခဲ့ပါတယ်။ နိုင်ငံရေးအရ သင့်မသင့်တွေ ကြည့်မနေဘဲ လုပ်စရာရှိတာလုပ်၊ ပြောစရာရှိတာပြောမယ်ဆိုတဲ့ သူ့ရဲ့ စရိုက်ဟာ မာယာများတဲ့နိုင်ငံရေးသမားတွေကို စိတ်ကုန်နေသူတွေအဖို့ အားကိုးစရာဖြစ်လာခဲ့ပါတယ်။

    ဟယ်လရီနဲ့ ဆန့်ကျင်ဘက်
    —————————
    ဒေါ်နယ်ထရမ့်လျောက်မယ့်ခရီးဟာ ဟယ်လရီလျောက်မယ့် ခရီးလမ်းကြောင်းနဲ့ အင်မတန်မှကွာဟလှပါတယ်။ ဟယ်လရီဟာ အိုဘားမားနဲ့ မူဝါဒရေးရာတွေမှာ သဘောထားကွဲလွဲမှုတွေရှိပေမယ့် ဟယ်လရီအနိုင်ရရင် အိုဘားမားလျောက်တဲ့ လမ်းပေါ်မှာ ဆက်လျှောက်နေမှာဖြစ်တယ်လို့ ယေဘုယအားဖြင့် ယူဆလို့ရပါတယ်။ ဒါကြောင့် ဟယ်လရီအနိုင်ရတာဟာ အိုဘားမားလက်အောက်မှာ ဆက်နေရသလို ပဲဖြစ်မယ်လို့ ဒေါ်နယ်ထရမ့် အပါအဝင် ရီပါပလစ်ကန်ခေါင်းဆောင်တွေက အမြဲပြောကြပါတယ်။ ဒီလိုပြောဆိုမှုဟာ အရင်ရွေးကောက်ပွဲမှာ အိုဘားမားကို မဲမပေးခဲ့သူတွေကို ထပ်မံဆွဲယူလိုက်တဲ့အပြင် အိုဘားမားကို မကြိုက်သူတွေကိုလည်း မဲဆွယ်စည်းရုံးလိုက်သလိုပါပဲ။

    စီးပွားရေးမူဝါဒတွေကိုကြည့်ရင် ဟယ်လရီက တံခါးဖွင့်ဝါဒကို ဆက်လက်ကျင့်သုံးသွားမှာဖြစ်ပြီး စီးပွားရေးလုပ်ငန်းပိုင်းဆိုင်ရာမူဝါဒတွေအပေါ် စည်းဘောင်တွေ တိုးချဲ့ရမယ်လို့ဆိုပါတယ်။

    ဒေါ်နယ်က ပြည်တွင်း စီးပွားရေးလွတ်လပ်မှုကို အားပေးမှာဖြစ်ပြီး စည်းဘောင်တွေကိုလျော့ချမယ်၊ သဘာဝပတ်ဝန်ကျင်ထိန်းသိမ်းရေး တားမြစ်ချက်တွေကို ပယ်ဖျက်မယ်၊  ပြည်ပရဲ့ပြိုင်ဆိုင်မှုတွေကိုသာ ထိန်းချုပ်သွားမှာဖြစ်ပါတယ်။ ဟယ်လရီက သူလုပ်ချင်တဲ့လုပ်ငန်းစဉ်တွေကို အကောင်အထည်ဖော်နိုင်ဖို့ အခွန်တွေကို တိုးမြင့်ဖို့လိုအပ်တယ်လို့ ပြောနေချိန်မှာ  ဒေါ်နယ်ဟာ တသီးပုဂ္ဂလဝင်ငွေရော စီးပွားရေး လုပ်ငန်းဝင်ငွေတွေအပေါ်မှာပါ အခွန်တွေလျော့ချသွားမှာဖြစ်တယ်၊ ဒါပေမယ့် နိုင်ငံခြားသွင်းကုန်တွေအပေါ်မှာတော့ အခွန်တိုးမယ်လို့ဆိုပါတယ်။

    ဒါကြောင့် ဒေါ်နယ်ထရမ့်ရဲ့အောင်ပွဲဟာ အမျိုးသားရေးဝါဒီကို အခြေခံတာမဟုတ်ဘဲ အမေရိကန်အခြေခံလူတန်းစားတွေ ကြားချင်၊ မြင်ချင်၊ ဖြစ်ချင်တာတွေကို အကောင်အထည်ဖော်ဆောင်ပေးမယ် ဆိုတဲ့ နိုင်ငံအကျိုးစီးပွားအပေါ် အခြေခံတဲ့တာဖြစ်လို့ ပြည်သူတွေနားထဲ သံချို သွေးတဲ့ တေးသံသာတွေဖြစ်လို့ ပါပဲ။ ပြောင်းလဲမှုကိုဆာလောင်နေတဲ့ အခြေခံပြည်သူ အလုပ်သမား လူတန်းစားရဲ့ အားပေးထောက်ခံမှုနဲ့ သူဌေးကြီးဒေါ်နယ်ထရမ့်က အောင်ပွဲဆင်ခဲ့ရခြင်းဖြစ်ပါတယ်။

    မောင်ရဲဝင်း (တောင်ကြီး)

  • အမေရိကန်ရွေးကောက်ပွဲမှာ အစ္စလာမ်ဘာသာဝင် လွှတ်တော်အမတ် (၂) ဦးအနိုင်ရ

    အမေရိကန်ရွေးကောက်ပွဲမှာ အစ္စလာမ်ဘာသာဝင် လွှတ်တော်အမတ် (၂) ဦးအနိုင်ရ

    နိုဝင်ဘာ ၁၀ ၊ ၂၀၁၆
    M-Media

    နိုဝင်ဘာလ (၈) ရက်နေ့မှာ ကျင်းပပြုလုပ်ခဲ့တဲ့ အမေရိကန်နိုင်ငံ အထွေထွေရွေးကောက်ပွဲမှာ ဒေါ်နယ်ထရမ့်အပါအဝင် ရီပါပလစ်ကန် ပါတီဘက်က အများစု အနိုင်ရရှိခဲ့ပါတယ်။ ဒီမိုကရက်တစ်ပါတီဝင်တွေဟာ အထက်လွှတ်တော်နဲ့ အောက်လွှတ်တော်တွေမှာ အမတ်ဦးရေအနည်းငယ်သာရရှိခဲ့ကြပါတယ်။ အနိုင်ရရှိတဲ့ ဒီမိုကရက်တစ်အမတ်တွေအနက် အစ္စလာမ် ဘာသာဝင် လွှတ်တော်အမတ် (၂) ဦးလည်း ပါဝင်တယ်လို့ သိရပါတယ်။

    ဒီ (၂) ဦးကတော့ အခြားသူတွေမဟုတ်ပါဘူး။ မီနီဆိုးတားပြည်နယ်က ကီးသ် အက်လီဆမ် (Keith Ellison) နဲ့ အင်ဒီယားနားပြည်နယ်က အန်ဒရီ ခါဆမ် (André D. Carson) တို့ ပဲဖြစ်ပါတယ်။ သူတို့ (၂) ဦးဟာ လက်ရှိ အောက်လွှတ်အမတ်တွေဖြစ်ကြပြီး နောက် သက်တမ်း (၂) နှစ်အတွက် ထပ်မံ အနိုင်ရလိုက်ကြတာဖြစ်ပါတယ်။ ကီးသ် ဟာ မီနီယားပို့လစ်မြို့ပါဝင်တဲ့ မီနီဆိုးတားပြည်နယ်ရဲ့ မဲဆန္ဒနယ် (၅)မှ အနိုင်ရတာဖြစ်ပြီး၊ အန်ဒရီ ကတော့ အင်ဒီယားနားပို့လစ်မြို့ပါဝင်တဲ့ အင်းဒီယားနားပြည်နယ်ရဲ့ မဲဆန္ဒနယ် (၇)မှ အနိုင်ရတာဖြစ်ပါတယ်။

    keith-ellison
    ကီးသ် အက်လီဆမ် (Keith Ellison)

    အသက် (၅၃) နှစ်အရွယ်ရှိတဲ့ ကီးသ် အက်လီဆမ်ဟာ နိုဝင်ဘာလ ၂၀၀၆ ခုနှစ် ရွေးကောက်ပွဲကအနိုင်ရရှိခဲ့ပြီး ပထမဆုံး အစ္စလာမ်ဘာသာဝင် လွှတ်တော်အမတ်ဖြစ်လာခဲ့သူပါ။ သူဟာ ၂၀၀၇ ခုနှစ်၊ ဇန်နဝါရီလမှာ သမ္မတဟောင်း သောမက် ဂျက်ဖဆင် ပိုင်ဆိုင်တဲ့ အင်္ဂလိပ်ဘာသာပြန် ကိုရ်အာန်ကျမ်းကို ကိုင်တွယ်ပြီး လွှတ်တော်မှာ တာဝန်ယူဖို့ ကျမ်းကျိန်ခဲ့သူဖြစ်ပါတယ်။ ၂၀၀၃ ခုနှစ်မှ ၂၀၀၆ ခုနှစ်အထိ  ပြည်နယ်လွှတ်တော်မှာလည်း တာဝန်ထမ်းဆောင်ခဲ့ဖူးပြီး ဘောဂဗေဒဘွဲ့နဲ့ ရှေ့နေဘွဲ့တွေကို ဆွတ်ခူးရရှိထားသူဖြစ်ပါတယ်။

    andre_carson
    အန်ဒရီ ခါဆမ် (André D. Carson)

    အသက် (၄၂) နှစ်အရွယ်ရှိတဲ့ အန်ဒရီ ခါဆမ်ကတော့ ရဲအရာရှိ ဘဝကနေ မြို့နယ်လွှတ်တော်ထဲရောက်ရှိလာပြီး ၂၀၀၈ ခုနှစ်မှာ ဒုတိယမြောက် အစ္စလာမ်ဘာသာဝင် လွှတ်တော်အမတ်ဖြစ်လာခဲ့ပါတယ်။ အင်ဒီယားနားပို့လစ်မြို့ရဲ့ ဒီမိုကရက်တစ်ပါတီ ဥက္ကဌအဖြစ်လည်း တာဝန်ယူခဲ့ပါသေးတယ်။ အန်ဒရီဟာ ၁၉၃၈ခုနှစ် ကနေ ၂၀၀၇ခုနှစ် အထိ လွှတ်တော် ကိုယ်စားလှယ် ဂျူလီယာ ခါဆမ် ရဲ့မြေးဖြစ်ပြီး သူ့အဖိုး ကိုယ်စားပြုခဲ့တဲ့ မဲဆန္ဒနယ်မြေကို ဆက်လက်ကိုယ်စားပြုနေသူဖြစ်ပါတယ်။

    ကီးသ် နဲ့ အန်ဒရီ နှစ်ဦးလုံးဟာ အာဖရိကန်-အမေရိကန် လူမျိုးတွေဖြစ်ကြပြီး ခရစ္စယာန် မိဘတွေကနေ မွေးဖွားကြီးပြင်းလာသူတွေဖြစ်ကြပါတယ်။ ငယ်ရွယ်စဉ်မှာပဲ အစ္စလာမ်ဘာသာကို လေ့လာခွင့်ရခဲ့ပြီး အစ္စလာမ်ဘာသာရဲ့ သွန်သင်ဆုံးမမှုတွေကို လက်ခံလာခဲ့ကြသူတွေဖြစ်ပါတယ်။

    သူတို့နှစ်ဦးရဲ့ ပညာရေး၊ ပြည်သူ့လုံခြုံရေးနဲ့ စီးပွားရေးအမြင်တွေကြောင့် လူအများရဲ့ ထောက်ခံမှုကို ရရှိကြတာဖြစ်တယ်လို့ သိရပါတယ်။

  • ကယ်လီဖိုးနီးယားတွင် သေနတ်ပစ်မှုကြောင့် မဲရုံတစ်ခု ပိတ်ပစ်ရ

    ကယ်လီဖိုးနီးယားတွင် သေနတ်ပစ်မှုကြောင့် မဲရုံတစ်ခု ပိတ်ပစ်ရ

    နိုဝင်ဘာ ၉၊ ၂၀၁၆
    M-Media

    poll

    – အမေရိကန်ပြည်ထောင်စု ကယ်လီဖိုးနီးယားပြည်နယ် အဇူဆာမြို့တွင် သေနတ်ပစ်ခတ်မှုတစ်ခု ဖြစ်ပွားခဲ့သောကြောင့် အနီးနားရှိ မဲရုံတစ်ခုကို ပိတ်ပစ်ခဲ့ရသည်ဟု သိရသည်။

    ပစ်ခတ်မှုအတွင်း အနည်းဆုံ ၂ ဦး ဒဏ်ရာရရှိခဲ့ပြီး အနီးရှိ မဲရုံအဖြစ်အသုံးပြုသော Memorial Park North Recreation Center ကိုပိတ်ပစ်ခဲ့ရခြင်းဖြစ်သည်။ အဇူဆာမြို့မှာ လော့စ်အိန်ဂျလိစ်မြို့မှ မိုင် ၃၀ အကွာတွင် တည်ရှိသည်။

    မဲပေးသူ အမျိုးသားတစ်ဦးကမူ သေနပတ်သံ အများအပြားကို ကြားခဲ့ရပြီး အပြင်ဘက်မှလူများက ထွက်ပြေးသည်ကို မြင်ရကြောင်း၊ တာဝန်ရှိသူများမှာ မဲရုံရှိ တံခါးအားလုံးကို ပိတ်ထားပြီး မိမိတို့ကိုလည်း မဲရုံအတွင်းမှာပင် ရှိနေရန် ညွှန်ကြားထားကြောင်း ပြောကြားခဲ့သည်။

    မဲရုံထဲတွင် ကလေးငယ်များအပါအ၀င် အနည်းဆုံး လူ ၃၀ ခန့်ရှိနေသည်ဟု ဆိုသည်။

    ပစ်ခတ်မှု အသေးစိတ်အကြောင်းအရင်းကို သိရှိရခြင်းမရှိသေးဘဲ ရဲတပ်ဖွဲ့က သေနတ်သမားများကို တုန့်ပြန်နေကာ ဒဏ်ရာရသူ ၂ ဦးကိုလည်း ဆေးရုံသို့ ရဟတ်ယာဉ်ဖြင့် ပို့ဆောင်ခဲ့သည်ဟု သိရသည်။

    Ref: CNN

  • အမေရိကန် သမ္မတ ရွေးကောက်ပုံ

    အမေရိကန် သမ္မတ ရွေးကောက်ပုံ

    နိုဝင်ဘာ ၇ ၊ ၂၀၁၆
    M-Media
    မောင်ရဲဝင်း (တောင်ကြီး) ရေးသည်။

    ရွေးကောက်ပွဲ သဘောတရားလေးသိရင် အမေရိကန် သမ္မတ ဘယ်သူဖြစ်မလဲလို့ စောင့်ကြည့်ရတာ ပိုအရသာရှိနိုင်မှာမို့ ဗဟုသုတ အဖြစ် မျှဝေလိုက်ပါတယ်။

    “အမေရိကန်သမ္မတ ကိုယ်စားလှယ်လောင်းက ဘယ်သူတွေလဲ။ ”

    ၁။ ဒီမိုကရက်တစ်ပါတီဘက်က ဘွားတော် ဟယ်လရီကလင်တန်

    ၂။ ရီပါပလစ်ကန်ပါတီဘက်က ဘိုးတော် ဒေါ်နယ်ထရမ့်

    ၃။ လစ်ဘရယ်ပါတီဘက်က ဦးရီးတော် ဂယ်ရီဂျွန်ဆင်

    တချို့ကတော့ လူလိမ်၊ အော့ကျောလန် နဲ့ အူကြောင်ကြား တို့ ဖြစ်တယ်လို့ အလွယ်တကူပဲ မှတ်ကြတယ်။ တမျိုးမထင်ပါနဲ့ သူများတွေပြောတာကို ဗဟုသုတအဖြစ်ပြောပြတာ။

    “အနိုင်ရဖို့ ဘယ်နှစ်မဲလိုသလဲ။”

    အနည်းဆုံး မဲ (၂၇၀) မဲ။ အဟုတ်ပြောတာ။ မဲ (၂၇၀) ရတဲ့လူ သမ္မတ။ (၂၇၀) ဆိုလို အားရဝမ်းသာနဲ့ လူ အယောက် (၂၇၀) စည်းရုံးပြီး သမ္မတတက်လုပ်လို့ရမယ်တော့ စိတ်မကူးနဲ့ဗျ။ တယောက် တမဲ မဟုတ်ဘူး။ Electro Votes လို့ခေါ်တဲ့ မဲ။ စုစုပေါင်းမှ မဲ (၅၃၈) မဲဘဲရှိတာ။ (၂၆၉) မဲ ဆိုရင် ထက်ဝက်။ တဝက်ကျော်ရမယ်ဆိုလို့ (၂၇၀) မဲ ရရမယ်လို့ပြောတာ။

    “(၅၃၈) မဲ ဆိုတာ ဘယ်က လာတာလဲ။”
    maxresdefault
    ပြည်နယ်အလိုက် ခွဲတန်းချထားပေးတဲ့ မဲ။ ကယ်လီဖိုးနီးယားပြည်နယ်က (၅၅) မဲ။ တက်ဆက်ပြည်နယ် က (၃၈) မဲ၊ ဖလော်ရီဒါပြည်နယ်နဲ့ နယူယောက်ခ်က (၂၉) မဲစီ၊ အီလီနွိုင်နဲ့ ပန်ဆလ်ဗေးနီးယား က (၂၀) မဲစီ၊ အိုဟိုင်းယိုးက (၁၈) မဲ၊ ကျနော်တို့ရဲ့ အင်ဒီယားနားပြည်နယ်ကတော့ (၁၁) မဲ အစရှိသဖြင့် ပြည်နယ် တခုနဲ့တခု မဲအရေအတွက် ကွာကြတယ်။ အဲဒီလို ပြည်နယ် ၅၀ က မဲတွေနဲ့ နဲ့ ဝါရှင်တန်ဒီစီ က (၃) မဲ ပေါင်းလိုက်တော့ စုစုပေါင်း (၅၃၈) မဲ ဖြစ်သွားတာ။

    “ဘယ်လိုဖြစ်လို့ တချို့ပြည်နယ်တွေက မဲ ခွဲတန်း များများရပြီး တချို့ပြည်နယ်တွေက မဲ ခွဲတန်း နည်းနေတာလဲ။”

    ပြည်နယ်တခုချင်းစီမှာ အောက်ထစ်ဆုံး ခွဲတန်း မဲ ၂ မဲ။ ကျန်တာကတော့ လူဦးရေးအပေါ်မူတည်တယ်။ လူဦးရေများတဲ့ပြည်နယ်က မဲခွဲတန်းများများရတယ်။ ဥပမာ ကယ်လီဖိုးနီးယားလို့။ လူဦးရေနည်းရင်တော့ မဲခွဲတန်းနည်းတာပေါ့။
    ကယ်… အခုရှင်းပြတာ ရှင်းသွားရင် ရှုပ်သွားအောင် ထပ်ပြောဦးမယ်။ မဲခွဲတန်းကိစ္စကို တနည်းပြောရရင် အထက်လွတ်တော်၊ အောက်လွတ်တော် ကိုယ်စားလှယ်ဦးရေနဲ့ အတူတူပဲလို့ မှတ်ယူတယ်။ ကယ်လီဖိုးနီးယားမှာ အထက်လွတ်တော် ၂ နေရာ၊ အောက်လွတ်တော် ၅၃ နေရာ၊ ပေါင်း ၅၅ နေရာ။ ဒါကြောင့် မဲခွဲတန်း ၅၅ မဲ။ အင်ဒီယားနားပြည်နယ်မှာ အထက်လွတ်တော် ၂ နေရာ၊ အောက်လွတ်တော် ၉ နေရာ ပေါင်း ၁၁ နေရာ။ ဒါကြောင့် ၁၁ မဲ။

    “ပြည်နယ်တခုစီကရတဲ့ မဲခွဲတန်းကို ဘယ်သူတွေက မဲပေးတာလဲ။”

    အဲဒီပြည်နယ်အတွင်းမှာ နေထိုင်တဲ့ မဲပေးပိုင်ခွင့်ရှိတဲ့လူတွေက “သွယ်ဝိုက်တဲ့နည်း” နဲ့ မဲပေးတာ။ ဟုတ်တယ်။ သွယ်ဝိုက်တဲ့နည်း။ ပြည်သူတွေက သူတို့ရဲ့ ကိုယ်စား မဲပေးမယ့်လူတွေကို ရွေးတယ်။ ကိုယ်စားမဲပေးတဲ့လူတွေက အစည်းအဝေးလုပ်ပြီး ပြည်သူတွေရဲ့ ကိုယ်စားမဲပေးတယ်။ ဥပမာ အင်ဒီယားနားပြည်နယ် က (၁၁) မဲ ရပိုင်ခွင့်ရှိတယ်။ ဒီတော့ အင်ဒီယားနားက သူတို့ကိုယ်စား လူ (၁၁) ဦးကိုရွေးတယ်။ ဒီလူ (၁၁) က ဒီဇင်ဘာမှာ အင်ဒီယားနားပို့လစ်မြို့ကိုသွားပြီး အစည်းအဝေးလုပ်မယ်။ ပြီးတော့ သမ္မတရွေးမယ်။

    “ဒါဆို လူတွေရဲ့ ဆန္ဒနဲ့ မဲပေးမယ့်ကိုယ်စားလှယ်ရဲ့ ဆန္ဒနဲ့ တထပ်တည်း ကျနိုင်ပါ့မလား။”

    မကျ-ကျ အောင်ကိုလုပ်ထားပြီးသား။ အမေရိကန် လူလည်ကြီးတွေ ဘာမှတ်လို့လဲ။ မဲပေးမယ့်ကိုယ်စားလှယ်တွေကိုယ်တိုင်ကလည်း ဘယ်သူ့ကို မဲပေးပါ့မယ်လို့ ကြိုပြီး သက်မှတ်ထားပြီးသား။ သဘောတရားသာ စာအုပ်ကြီးအတိုင်းလုပ်ပြီး အားအားယားယား ကိုယ်စားမဲပေးတာ။ မဲပေးမယ့်ကိုယ်စားလှယ် ရွေးတုန်းကတည်း တံဆိပ်ကပ်ပြီး ရွေးထားတာ။
    z_p21-voters
    ဥပမာ – အင်ဒီယားနားပြည်နယ်က လူအများစုက ဒီမိုကရက်တစ်ပါတီဘက်က ဟယ်လရီ ကလင်တန်ကို မဲပေးကြတယ်ဆိုပါစို့။ ဒီတော့ အင်ဒီယားနားပြည်နယ်မှာ ဘွားတော်က အနိုင်ရပြီလို့မှတ်။ ဒီတော့ ဘွားတော်ကို မဲပေးမယ့် လူ (၁၁) ကိုရွေး၊ အစည်းအဝေးခေါ်၊ ဘွားတော်ကို မဲပေးခိုင်း၊ ပြီးတော့ ကျနော်၊ ကျမတို့ အင်ဒီယားနားပြည်နယ်က ဘွားတော်ကိုမဲပေးပါတယ် လို့ သံတော်ဦးတင်ခိုင်း။ ဒီလိုပဲ ရီပါပလစ်ကန်ကို မဲပေးတာများရင် ရီပါပလစ်ကန်ဘက်က လူ (၁၁) ကို ရှေ့ထွက်ပြီး ဘိုးတော်ကြီးကို မဲပေးပါတယ်ခင်ဗျ လို့ သံတော်ဦးတင်ခိုင်းတာ။ ဇာတ်လမ်းက အဲ့လို…အဲ့လို…။

    “ပြည်နယ်တခုချင်းစီက မဲခွဲတန်းနဲ့ အနိုင်အရှုံးဘယ်လိုခွဲသလဲ။”

    လွယ်လွယ်ပြောရရင် “အများနိုင်၊ အကုန်ယူ” စနစ်သုံးတယ်။ ဟုတ်တယ်။ အများနိုင်၊ အကုန်ယူ ပဲ။ ငယ်ငယ်က သားရေကွင်းပစ်၊ ဂေါ်လီရိုက်တဲ့ စနစ်နဲ့အတူတူပဲ။ ထက်ဝက်ကျော်နိုင်ရင် အားလုံးစားပဲ။ အကုန်ကိုစားတာ။ သိပ်မရှင်းရင် ကလေးတွေ ကစားနေတာသွားထိုင်ကြည့်။

    ဥပမာ အင်ဒီယားနားပြည်နယ်မှာ မဲခွဲတန်း (၁၁) မဲရှိတယ်။ ပြည်သူပေးတဲ့မဲမှာ ဟယ်လရီ ကလင်တန် က မဲအများဆုံးရင် အင်ဒီယားနားပြည်နယ်က ဟယ်လရီကို မဲပေးမယ့် မဲပေးကိုယ်စားလှယ် (၁၁) ကိုရွေးပြီး ဟယ်လရီကိုမဲပေးခိုင်းတာ။ ဟုတ်တယ် (၁၁) ယောက်ဆီက (၁၁) မဲအပြည့် ရတယ်။

    ဥပမာအဖြစ်သာ ပြောရတာ အင်ဒီယားနားပြည်နယ်က ဒေါ်နယ်ထရမ့်ရဲ့ ဘော်ဘော်တွေများတယ်။ သူ့တပည့်ကျော် ဒုသမ္မတလောင်းတောင် အင်ဒီယားနားပြည်နယ်က ချဉ်ဖက် အုပ်ချုပ်ရေးမှူးကို ဆွဲစိထားတာ။ ထူးထူးဆန်းဆန်း မိန်းပြည်နယ်နဲ့ နဘ်စ်ကားပြည်နယ် ၂ ခုပဲ အများနိုင်၊ အကုန်ယူ စနစ်မသုံးတာ။

    [ဒါနဲ့ ကြုံလို့ပြောရဦးမယ်၊ အမေရိကန်နိုင်ငံလို ဖယ်ဒရယ်စနစ်မှာ ပြည်နယ်တွေက သူတို့သဘောနဲ့ သူတို့။ ကိုယ့်ပြည်နယ်အစိုးရနဲ့ကိုယ်။ အတင်းကြီး တခြားပြည်နယ်တွေလုပ်သလို လိုက်လုပ်လို့ တိုက်တွန်းမထားဘူး။]

    “ဒါဆို ပြည်နယ်ကြီးတွေက အဓိကကျတာပေါ့။”

    ဟုတ်သလိုလို-မဟုတ်သလိုလို ပဲ။ ကယ်လီဖိုးနီးယားပြည်သူတွေဆီက ထက်ဝက်ကျော်မဲရရင် မဲခွဲတန်း ၅၅ ခုလုံးကို သိမ်းကျုံးယူသွားမှာ။ တက်ဆက်ဆိုရင် ၃၈ မဲ။ အဓိကကျတာတော့ ကျတာအမှန်ပဲ။ ဒါပေမယ့် ကယ်လီဖိုးနီးယားက ဒီမိုကရက်တစ် အမာခံ။ တတ်ဆက်က ရီပါပလစ်ကန် အမာခံ။ အိတ်ထဲစွဲထည့်ဖို့မပြောနဲ့ ဒီပြည်နယ်တွေက အိတ်ထဲက ထွက်ကိုမထွက်လာတာ။ ဘက်လည်း မပြောင်းဘူး။ မျက်စေ့မိတ်ပြီးထောက်ခံထားကြပြီးသား။ ရပြီလို့သာ အပိုင်တွက်လို့ ရတဲ့ ပြည်နယ်တွေ။

    “ဘယ်ပြည်နယ်တွေက အဓိကပိုကျလဲ။”

    လွယ်လွယ်ပြောရရင် ကိုယ်စားလှယ်လောင်းတွေ ခြေရှုပ်တဲ့ပြည်နယ်တွေ။ ဒါအမှန်ပဲ။ စွဲလို့ရမယ်ထင်လို့ သူတို့တွေ လိုက်စွဲနေကြတာပေါ့။ တနည်းပြောရရင် နှစ်ဘက် အင်အားမျှတဲ့ ပြည်နယ်တွေက ပိုအဓိက ကျတယ်။ ဥပမာ ဖလော်ရီဒါ၊ ပန်ဆလ်ဗေးနီးယား၊ အိုဟိုင်းယိုး၊ ဗဂျီးနီးယား၊ ကိုလိုရာဒို၊ အရီဇိုးနား၊ နဝါးဒါး၊ နယူဟပ်မ်ရှာ၊ နှောက်ကယ်ရိုလိုင်းနား အစရှိတဲ့ ပြည်နယ်တွေ။

    အင်ဒီယားနားပြည်နယ် ဆိုကြည့်၊ ဟယ်လရီလည်း အနားမကပ်ဘူး၊ ဒေါ်နယ်ထရမ့်ကြီးလည်း အရေးမလုပ်ဘူး။ ပါတီတွင်းရွေးကောက်ပွဲကဆို ဖို့တ်ဝိန်းမြို့ကို ဟယ်လရီရဲ့ ယောကျာ်း သမ္မတဟောင်းကြီးပဲလာတယ်။ အဲဒီတုန်းက တက်ခ်နဲ့ပြိုင်နေရလို့ ဒေါ်နယ်ထရမ့် ကိုယ်တိုင်လာခဲ့သေးတယ်။ ခုတော့ သူ့တပည့်ကျော်ကြီးကိုပဲ လွှတ်ထားတယ်။

    “ဒါဆို အရေးမပါလှတဲ့ ပြည်နယ်တွေမှာ မဲပေးလည်း မထူးတော့ဘူးပေါ့။”

    အဲဒီလိုတော့လည်းမဟုတ်ပြန်ဘူး။ တခါတလေတော့လည်း လန့်ဖြန့်ပြီး အပြောင်းအလဲတွေရှိတတ်တယ်။ ဥပမာ အင်ဒီယားနားပြည်နယ်က မဲခွဲတန်းတွေအမြဲတန်း ရီပါပလစ်ကန် ဆီရောက်နေတာ ၂၀၀၈ ကမှ ထူးထူးဆန်းဆန်း ဒီမိုကရက်ဘက်ရောက်သွားဖူးတယ်။ လူသစ်တွေ မဲထွက်ပေးလို့ လို့ဆိုကြတယ်။ နောက်တခုက လွတ်တော်။ ကိုယ်လိုချင်တဲ့ သမ္မတ မရလည်း လွတ်တော်ဆီ ဘယ်လိုလူတွေရောက်လာသလဲဆိုတာ အရေးကြီးတယ်။ ဒါကြောင့် လွတ်တော်အမတ်တွေကိုလည်း စိတ်ကြိုက်ရွေးပြီးမဲပေးကြဖို့လိုတယ်

    “ရွေးကောက်ပွဲနေ့က ဘယ်နေ့လဲ။”

    နိုဝင်ဘာလ (၈) ရက်။ ဒါပေမယ့် အဲဒီရက်မတိုင်ခင်ကတည်းက ကြိုတင်မဲပေးလို့ရတယ်။

    “အဖြေဘယ်ခါရမလဲ။”

    နိုဝင်ဘာလ (၈) ရက်နေ့ည အဖြေပေးမယ်တဲ့။ ရွေးကောက်ပွဲအဖြေကိုပြောတာ။ “အများနိုင်၊ အကုန်ယူ” စနစ်နဲ့သွားနေတော့ အဲဒီနေ့ညဆိုရင် ဘယ်ပြည်နယ်တွေက ဘယ်သူ့ကိုမဲပေးလဲဆိုတာသိရပြီ။ အနိုင်-အရှုံးသိရပြီ။ ဒါပေမယ့် မပြီးသေးဘူး။ ဒီဇင်ဘာ (၁၉) ရက်နေ့မှ ပြည်နယ်အသီးသီးရဲ့ မဲပေးမယ့် ကိုယ်စားလှယ်တွေက သူတို့သက်ဆိုင်ရာ ပြည်နယ်မြို့တော်တွေမှာ အစည်းအဝေးလုပ်ပြီး မဲပေးကြမှာ။ အဲဒီတော့မှ အတည်။

    သတင်းတွေကြည့်တဲ့အခါ ၂၇၀ မဲ ဘယ်သူအရင်ရမလဲလို့ ပြောတာတွေ ကြားရမယ်။ အမေရိကန်နိုင်ငံမြေပုံမှာ ရလဒ်ကို အခြေခံပြီး ပြည်နယ် အလိုက် အနီနဲ့ အပြာ အရောင်ချယ်တာတွေ တွေ့ရမယ်။ ဒီလောက်သိထားရင် နိုဝင်ဘာ (၈) ရက်နေ့ညနေမှာ နားလည်ပါးလည်နဲ့ ရောယောင်ပြီး ရင်ခုံလို့ရပြီ။

    မောင်ရဲဝင်း (တောင်ကြီး)
    နိုဝင်ဘာ (၆) ရက်၊ ၂၀၁၆။