News @ M-Media

Tag: 2018 Hajj

  • မတ်စ်ဂျစ်ဒ်ဟရမ်တွင် အာရပ်အမျိုးသားတစ်ဦး ခုန်ချသတ်သေ

    မတ်စ်ဂျစ်ဒ်ဟရမ်တွင် အာရပ်အမျိုးသားတစ်ဦး ခုန်ချသတ်သေ

    သြဂုတ် ၂၅၊ ၂၀၁၈
    M-Media

    မက္ကာမြို့ရှိ မတ်စ်ဂျစ်ဒ်ဟရမ် ဗလီဝတ်ကျောင်းတော်

    – ဟဂ်ျဘုရားဖူး လာရောက်ကြသူတွေထဲက အာရပ်လူမျိုးတစ်ယောက်ဟာ သောကြာနေ့မနက်ပိုင်းက မက္ကာမြို့ မတ်စ်ဂျစ်ဒ်ဟရမ် ဗလီဝတ်ကျောင်းတော်ရဲ့ ခေါင်မိုးပေါ်ကနေ ခုန်ချကာ သတ်သေသွားခဲ့တယ်လို့ သိရပါတယ်။

    ဒီအဖြစ်အပျက်မှာ အခြား ဟဂ်ျဘုရားဖူးနှစ်ဦး ဒဏ်ရာရရှိခဲ့ပြီး ဆေးရုံမှာ ဆေးကုသမှု ခံယူနေရပါတယ်။

    မြင့်မြတ်ရာ ဗလီဝတ်ကျောင်းတော်နှစ်လုံးရဲ့ ဂေါပကအဖွဲ့က ပြောရေးဆိုခွင့်ရှိသူ အဟ်မဒ် ဘင် မိုဟာမက် အလ် မန်ဆူရီက ဒီအဖြစ်အပျက်ကို ရဲတပ်ဖွဲ့က စုံစမ်းစစ်ဆေးမှု ပြုလုပ်နေတယ်လို့ ပြောကြားခဲ့ပါတယ်။

    မတ်စ်ဂျစ်ဟရမ် ဗလီဝတ်ကျောင်းတော်မှာ ဒီလို သတ်သေတာဟာ ဒါ ပထမဆုံးအကြိမ် မဟုတ်ဘဲ ဇွန်လကလည်း ပြင်သစ်နိုင်ငံသားတစ်ဦး ခုန်ချ သတ်သေခဲ့ပါတယ်။

    ပြီးခဲ့တဲ့နှစ်က ဆော်ဒီနိုင်ငံသားတစ်ဦး မတ်စ်ဂျစ်ဟရမ်က ကအ်ဘာ ၀တ်ကျောင်းတော်အရှေ့မှာ ကိုယ့်ကိုယ်ကိုယ် မီးရှို့သတ်သေဖို့ ကြိုးစားခဲ့ပြီး လုံခြုံရေးတွေက တားဆီး ဟန့်တားခဲ့ရပါတယ်။

    အစ္စလာမ့်ဓမ္မပညာရှင်တွေကတော့ အစ္စလာမ်သာသနာမှာ မိမိကိုယ်ကိုယ်သတ်သေတာဟာ လုပ်ခွင့်မရှိဘဲ လုပ်မယ်ဆိုရင် ငရဲကြီးကြောင်း ထုတ်ပြန်ထားပါတယ်။

    Ref: Arab News

  • ဟဂ်ျဘုရားဖူးတွေ အခမဲ့ မျှဝေအသုံးပြုနိုင်မယ့် မီနာက စမတ်အိပ်ခန်းငယ်

    ဟဂ်ျဘုရားဖူးတွေ အခမဲ့ မျှဝေအသုံးပြုနိုင်မယ့် မီနာက စမတ်အိပ်ခန်းငယ်

    သြဂုတ် ၁၈၊ ၂၀၁၈
    M-Media

    အခမဲ့အသုံးပြုနိုင်မယ့် အိပ်ခန်းငယ်လေးများ

    – ကဒ်တစ်ခုကို ဝှေ့ယမ်းကာ အိပ်ခန်းငယ်လေးတစ်ခုရဲ့ တစ်ခါးကို ဖွင့်လိုက်တဲ့ မန်ဆူရ် အလ်-အေမာရ်ရဲ့ အပြုအမူဟာ ဂျပန်က နာမည်ကျော် အိပ်ခန်းငယ်ဟိုတယ်တွေကို သတိရစေပါလိမ့်မယ်။ ဒါပေမယ့် အဲဒီ အသေးစား အိပ်ခန်းလေးဟာ တနင်္ဂနွေနေ့ (သြဂုတ် ၁၉) ရက်နေ့မှာ စတင်မယ့် အစ္စလာမ်ဘာသာဝင်တို့ ဟဂ်ျပြုရာ ဆော်ဒီအာရေဗျမှာ ဖြစ်ပါတယ်။

    လာမယ့်ရက်အနည်းငယ်အတွင်း ဆော်ဒီက မီနာဒေသမှာ ဒီလို အိပ်ခန်းငယ်လေးတွေကို စတင်အသုံးပြုသွားဖို့ ရှိနေပါတယ်။ ၆ ရက်တာကြာမြင့်မယ့် ဟဂ်ျကျင့်စဉ်ဟာ အစ္စလာမ်ဘာသာဝင်တို့ရဲ့ ပဉ္စမမြောက်မဏ္ဍိုင်ဖြစ်ပြီး လူပေါင်း ၂ သန်းလောက် မီနာမှာ စုရုံးကြမှာ ဖြစ်ပါတယ်။

    ရာစုနှစ်ပေါင်းများစွာ ရှိလာခဲ့တဲ့ ဟဂ်ျကျင့်စဉ်ကို အခုနှစ်မှာ ခေတ်မီနည်းလမ်းတွေနဲ့ လွယ်ကူအောင် ဆော်ဒီအစိုးရက ဆောင်ရွက်ရာမှာ အခမဲ့အသုံးပြုနိုင်မယ့် စမတ် အိပ်ခန်းငယ်လေးတွေ ထားရှိပေးမယ့် အစီအစဉ်လည်း ပါဝင်လာပါတယ်။

    ချက်ခြင်းလက်ငင်း ဘာသာပြန်နိုင်ဖို့နဲ့ ကျန်းမာရေးဆိုင်ရာ အရေးပေါ်အခြေအနေတွေမှာ အသုံးပြုနိုင်မယ့် အက်ပလီကေးရှင်းတွေကိုလည်း ဆော်ဒီအစိုးရက စီစဉ်ပေးထားပါတယ်။

    အေမာရ်ဦးဆောင်တဲ့ ဆော်ဒီပရဟိတအဖွဲ့ Haji and Mutamer Gift Charitable Association ဟာ ဟဂ်ျဘုရားဖူးတွေ အိပ်စက်အနားယူနိုင်ဖို့အတွက် လာမယ့် ရက်အနည်းငယ်အတွင်းမှာ စမတ်အိပ်စင် ၁၈ ခုကနေ ၂၄ ခုအထိ စီစဉ်ပေးသွားဖို့ ရှိနေပါတယ်။

    ဖိုက်ဘာမှန်သားနဲ့ ပြုလုပ်ထားတဲ့ အိပ်ခန်းငယ် တစ်ခုချင်းစီဟာ ၃ မီတာရှည်ကာ တစ်မီတာမြင့်ပြီး၊ မွေ့ယာ၊ အိပ်ယာခင်း၊ လေးအေးပေးစက်နဲ့ ညအိပ်မီးတွေ ပါဝင်မှာဖြစ်ပါတယ်။

    အိပ်ခန်းငယ်လေးတွေကို အသုံးပြုချိန်မှာ အလျားလိုက် ချထားနိုင်ပြီး အသုံးမပြုတဲ့အခါ ဒေါင်လိုင် သိမ်းဆည်းထားနိုင်ပါတယ်။

    “ဟဂျင်ကျင့်စဉ်အတွင်း ဘုရားဖူးတွေ သက်တောင့်သက်သာဖြစ်အောင် ဘယ်လို စီစဉ်ပေးရမလဲဆိုတာကို ကျွန်တော်တို့ အမြဲတမ်း စဉ်းစားနေတာပါ” လို့ အေမာရ်က AFP သတင်းဌာနကို ပြောကြားခဲ့ပါတယ်။

    မျှဝေအသုံးပြုမှုစနစ်

    ဒီအိပ်ခန်းငယ်လေးတွေဟာ ဟဂ်ျကျင့်စဉ်အတွင်း ဟိုတယ်မငှားနိုင်တဲ့ ဘုရားဖူးတွေ အနားယူဖို့မလွယ်တဲ့ ပြဿနာအတွက် အဖြေလည်း ဖြစ်ပါတယ်။

    ဘုရားဖူးတစ်ယောက်ဟာ ဒီအိပ်ခန်းငယ်လေးတွေမှာ ၃ နာရီလောက် အိပ်စက် အနားယူနိုင်မှာ ဖြစ်ပါတယ်။ အိပ်ခန်းငယ်လေးတွေကို ဂျပန်ကတင်သွင်းတာဖြစ်ပြီး တစ်ခုကို ကန် ၁၁၁၄ ဒေါ်လာလောက် ကျသင့်ပါတယ်။

    အသုံးပြုသူက ဘုရားဝတ်ပြုဖို့အတွက် ထသွားမယ်ဆိုရင် ဟဂ်ျဝန်ထမ်းတွေက ဒီအိပ်ခန်းတွေကို သန့်ရှင်းရေးလုပ်ကာ အခြားတစ်ဦး အသုံးပြုဖို့ စီစဉ်ပေးမှာ ဖြစ်ပါတယ်။

    “ဒီဟာကို အသုံးပြုဖို့ စိတ်ကူးဟာ ကမ္ဘာတစ်ဝှမ်းမှာ ရှိနေပြီး ဂျပန်နဲ့ ကမ္ဘာ့အခြားမြို့ကြီးတွေမှာ သုံးနေကြပါတယ်။ ကျွန်တော်ဆီက လူများလွန်းတဲ့ မြင့်မြတ်ရာနေရာတွေနဲ့ မက္ကာအတွက် ဒီဟာလေးတွေက တော်တော်လေး အသုံးဝင်မယ်လို့ ယုံကြည်ပါတယ်” လို့ အေမာရ်က ပြောပါတယ်။

    ဆော်ဒီအာရေဗျအနောက်ပိုင်း မက္ကာနဲ့ မီနာမြို့တို့က မြင့်မြတ်ရာနေရာတွေမှာ အဓိကဆောင်ရွက်ရတဲ့ ဟဂ်ျကျင့်စဉ်မှာ ဒီအိပ်ခန်းငယ်လေးတွေအပြင် ကား၊ မော်တော်ဆိုင်ကယ်နဲ့ စက်ဘီးတွေကို မျှဝေအသုံးပြုတဲ့စနစ်ဟာလည်း လူကြိုက်များလာပါတယ်။

    “ဒီအိပ်ခန်းငယ်လေးတွေဟာ စက်ဘီးကို တစ်နာရီငှားစီးပြီး၊ အချိန်ပြည့်ရင် နောက်တစ်ယောက်အတွက် ထားခဲ့ရတဲ့ မျှဝေအသုံးပြုမှု စနစ်လိုပါပဲ” လို့ အေမာရ်က ပြောပါတယ်။

    အခုနှစ်အစောပိုင်းမှာ စမတ်အိပ်စဉ် ၁၂ ခုကို စမ်းသပ်အသုံးပြုမှုဟာ အောင်မြင်ခဲ့ပြီး၊ ရမ်ဇာန်ဥပုသ်လမှာ အဲဒီအိပ်ခန်းငယ်လေးတွေကို တစ်နေ့ အယောက် ၆၀ လောက်အသုံးပြုခဲ့ကြတယ်လို့လည်း အေမာရ်က ဆိုပါတယ်။

    ကမ္ဘာတစ်ဝှမ်းက ဘုရားဖူးခရီးသည်ပေါင်း ၂ သန်းလောက်ကို လက်ခံနေရာချထားပေးရာမှာ ဆော်ဒီအစိုးရဟာ အခုအနောက်ပိုင်း နောက်ဆုံးပေါ် နည်းစနစ်တွေကို အသုံးပြုလာခဲ့ပါတယ်။

    Ref: CNA

  • ဟဂ်ျကိစ္စ လိမ်လည်မှုအတွက် ထိပ်တန်း ဘာသာရေးဆရာတစ်ဦးကို စင်ကာပူ ဖမ်းဆီး

    ဟဂ်ျကိစ္စ လိမ်လည်မှုအတွက် ထိပ်တန်း ဘာသာရေးဆရာတစ်ဦးကို စင်ကာပူ ဖမ်းဆီး

    သြဂုတ် ၁၇၊ ၂၀၁၈
    M-Media

    ဖမ်းဆီးတရားစွဲဆိုခံရသည့် ဖာရိုရာဇီ ဆိုဟီ

    – ဟဂ်ျဘုရားဖူးခရီးစဉ် စီစဉ်မှုမှာ လိမ်လည်တယ်ဆိုတဲ့ စွဲချက်နဲ့ ထင်ရှားတဲ့ မွတ်စလင်ဘာသာရေးဆရာတစ်ဦးကို စင်ကာပူက ဒီကနေ့မှာ တရားစွဲဆိုလိုက်ပါတယ်။

    အသက် ၄၇ နှစ်အရွယ် ဖာရိုရာဇီ ဆိုဟီ ဆိုသူဖြစ်ပြီး ဆော်ဒီသံရုံးက ဖိတ်ကြားတဲ့ ‘VIP ဟဂ်ျခရီးစဉ်’ သွားရမယ်ဆိုကာ မိုဟာမက် ဖာရီဟန် မိုဟာမက် ဟူစိန်ထံကနေ စင်ကာပူဒေါ်လာ ၁၅၅၀ လှည့်ဖျားတောင်းဆိုခဲ့တယ်လို့ ဖော်ပြထားပါတယ်။

    ဟဂ်ျဘုရားဖူးခရီးစဉ် သွားရောက်ရမယ်ဆိုပြီး ဟူစိန်အပါအ၀င် စင်ကာပူနိုင်ငံသား ၈၀ ကျော်လောက်ဟာ အလိမ်ခံခဲ့ရပါတယ်။

    သူတို့တွေဟာ ဖာရိုရာဇီ စီမံနေတဲ့ ခရီးသွားလုပ်ငန်းကို ဟဂ်ျသွားဖို့အတွက် စင်ကာပူဒေါ်လာ စုစုပေါင်း ၉၈၂၅၀ လောက် ပေးထားတာ ဖြစ်ပါတယ်။ နိုင်ငံကူးလက်မှတ်တွေလည်း ဖာရိုရာဇီကို ပေးထားပြီး ကြာသာပတေးနေ့က သွားဖို့ စီစဉ်ထားပေးမယ့် လေယာဉ်လက်မှတ်မရသလို၊ ဗီဇာလည်း ရရှိခြင်း မရှိပါဘူး။

    ဖာရိုရာဇီကို စင်ကာပူရဲတပ်ဖွဲ့က ဗုဒ္ဓဟူးနေ့မှာ ဖမ်းဆီးခဲ့ပြီး စင်ကာပူဒေါ်လာ ၁၉၆၉၅၀ ကိုလည်း သိမ်းဆည်းရမိခဲ့ပါတယ်။

    စင်ကာပူက ထိပ်တန်း အစ္စလာမ်ဘာသာရေးခေါင်းဆောင်တွေကို ဓမ္မပညာရပ်တွေ သင်ကြားပို့ချပေးခဲ့တဲ့ နာမည်ကျော် အစ္စလာမ့်ဓမ္မပညာရှင် ကီယာယီ ကာဆင် အဒ်နန်ရဲ့သားဖြစ်သူ ဖာရိုရာဇီဟာ ၁၉၉၅ ခုနှစ်ကတည်း အစ္စလာမ့်ရေးရာတွေကို သင်ကြားပို့ချပေးနေတာ ဖြစ်ပါတယ်။

    အခုစွဲချက်အတွက် အပြစ်ရှိကြောင်း တွေ့ရှိရမယ်ဆိုရင် သူဟာ အမြင့်ဆုံး ထောင်ဒဏ် ၁၀ နှစ်ကျခံ ရမှာဖြစ်သလို၊ ဒဏ်ငွေလည်း ရိုက်ခံရမှာ ဖြစ်ပါတယ်။

    Ref: CNA

  • ၁၁ ကြိမ်မြောက် ဟဂ်ျဆိုင်ရာ အသိပညာပေးမှုကို ဆော်ဒီ စတင်

    ၁၁ ကြိမ်မြောက် ဟဂ်ျဆိုင်ရာ အသိပညာပေးမှုကို ဆော်ဒီ စတင်

    သြဂုတ် ၂၊ ၂၀၁၈
    M-Media

    မက္ကာမြို့ရှိ မတ်စ်ဂျစ်ဒ်ဟရမ် ဗလီဝတ်ကျောင်းတော်

    – ယခုနှစ် ဟဂ်ျဘုရားဖူးရာသီအတွင်း ကမ္ဘာတစ်ဝှမ်းကနေ လာရောက်ကြမယ့် ဘုရားဖူးခရီးသည်တွေကို ကူညီစောင့်ရှောက်ပေးပြီး၊ အသိပညာပေးမယ့် လှုပ်ရှားမှုတစ်ခုကို မက္ကာအုပ်ချုပ်ရေးမှူး မင်းသား ခါလစ် အလ်-ဖိုင်ဆဲလ်က မနေ့မှာ စတင်လိုက်ပါတယ်။

    ‘ဟဂ်ျပြုခြင်းသည် ငြိမ်းချမ်းရေးသတင်းစကားဖြစ်သည်’ ဆိုတဲ့ခေါင်းဆောင်နဲ့ ပြုလုပ်မယ့် အဲဒီလှုပ်ရှားမှုဟာ ၁၁ ကြိမ်မြောက်ဖြစ်ပြီး အဆင့် ၄ ဆင့် ပါဝင်မှာ ဖြစ်ပါတယ်။

    ဗဟို ဟဂ်ျကော်မတီရဲ့ ဥက္ကဌလည်းဖြစ်တဲ့ အလ်-ဖိုင်ဆဲလ်က အခုလှုပ်ရှားမှုအတွက် ဘုရင် ဆလ်မန်ရဲ့ ညွှန်ကြားမှုနဲ့ အိမ်ရှေ့မင်းဟာ မိုဟာမက် ဘင် ဆလ်မန်ဦးဆောင်တဲ့ ‘မက္ကာနဲ့ မြင့်မြတ်ရာနေရာများဆိုင်ရာ တော်ဝင်ကော်မရှင်’ ကို ချီးကျူးခဲ့ပါတယ်။

    ဘုရားဖူးတွေကို ကောင်းမွန်စွာ ဧည့်ခံနိုင်ရေး ဆော်ဒီက ဆန္ဒပြင်းပြနေတဲ့အချိန် အခုလှုပ်ရှားမှုဟာ မက္ကာနဲ့ မြင့်မြတ်ရာဒေသတွေမှာ ကောင်းမွန်တဲ့ တိုးတက်မှုတစ်ခုဖြစ်တယ်လို့ ပြောကြားခဲ့ပါတယ်။

    လှုပ်ရှားမှုရဲ့ ပထမအဆင့်က ဟဂ်ျပြုဖို့ လာရောက်ကြသူတွေကို လက်ခံကြိုဆိုမှု၊ ၀န်ဆောင်မှုပေးမှုတွေဟာ ဂုဏ်ယူစရာဖြစ်တယ်ဆိုတာ မက္ကာဒေသခံတွေနဲ့ ဟဂ်ျလုပ်သားတွေကို အသိပညာပေးရေးဖြစ်ပါတယ်။

    ဒုတိယအဆင့်ကတော့ ဆော်ဒီနိုင်ငံသားတွေနဲ့ ပင်လယ်ကွေ့ ပူးပေါင်းဆောင်ရွက်ရေးကောင်စီ (GCC) အဖွဲ့ဝင်နိုင်ငံတွေက နိုင်ငံသားတွေကို ပစ်မှတ်ထားပြီး ဟဂ်ျပြုခွင့် ထုတ်ပေးမှုရဲ့ အရေးပါပုံကို အသိပညာပေးမှာ ဖြစ်ပါတယ်။

    တတိယအဆင့်ကတော့ ဟဂ်ျပြုဖို့ လာရောက်သူတွေရဲ့ မလျော်ကန်တဲ့ အပြုအမူတွေ၊ အ,ဂါရ၀ဖြစ်စေမယ့် အပြုအမူတွေကို စောင့်ကြည့်ရေးဖြစ်ပြီး၊ စတုတ္ထအဆင့်က စည်းကမ်းတကျ ကျင့်မှုဆောက်တည်ခဲ့ကြတဲ့ ဟဂ်ျဘုရားဖူးတွေနဲ့ ၀န်ဆောင်မှုပေးခဲ့ကြတဲ့ လုပ်သားတွေကို ကျေးဇူးတုန့်ပြန်မှု အစီအစဉ် ဖြစ်ပါတယ်။

    ဆော်ဒီအစိုးရရဲ့ ဒီလို ဟဂ်ျလှုပ်ရှားမှုတွေကို လွန်ခဲ့တဲ့ ၁၀ နှစ်က စတင်ခဲ့တာဖြစ်ပြီး အဲဒီလှုပ်ရှားမှုကြောင့် စည်းကမ်းဖောက်ဖျက်တာ၊ တရားမ၀င် ဟဂ်ျပြုဖို့လာရောက်တာတွေ သိသိသာသာ ကျဆင်းသွားတာကို တွေ့ခဲ့ရပါတယ်။

    ဒီလှုပ်ရှားမှုဟာ မြင့်မြတ်ရာနေရာတွေနဲ့ ဟဂ်ျကျင့်စဉ်ကို ဂါရ၀တရား ထားရှိရေး၊ လူသားဝါဒထွန်းကားရေး၊ စည်းကမ်းရှိရေးကို တိုက်တွန်းအားပေးတဲ့ လှုပ်ရှားမှုလည်း ဖြစ်ပါတယ်။

    ယခုနှစ် ဟဂ်ျရာသီအတွင်း ကုန်းလမ်း၊ ရေလမ်း၊ လေကြောင်းလမ်းကနေ ဘုရားဖူးလာရောက်သူအရေအတွက်ဟာ မနှစ်ကထက်စာရင် ၅ ရာခိုင်နှုန်း မြင့်တက်လာတယ်လို့ ဆော်ဒီ လူဝင်မှုကြီးကြပ်ရေးဌာနက ထုတ်ပြန်ထားပါတယ်။

    Ref: Arab News

  • ဟဂ်ျရာသီအတွက် အဆင်သင့်ပြင်ထားသည်ဟု ဆော်ဒီကျန်းမာရေးဝန်ကြီးဌာန ကြေငြာ

    ဟဂ်ျရာသီအတွက် အဆင်သင့်ပြင်ထားသည်ဟု ဆော်ဒီကျန်းမာရေးဝန်ကြီးဌာန ကြေငြာ

    ဇူလိုင် ၂၅၊ ၂၀၁၈
    M-Media


    – မကြာခင်မှာ ကျရောက်တော့မယ့် ဟဂ်ျဘုရားဖူးကာလမှာ လာရောက်ကြမယ့်သူတွေကို အကောင်းဆုံးဝန်ဆောင်မှု ပေးနိုင်ဖို့အတွက် ပြင်ဆင်နေတယ်လို့ ဆော်ဒီ ကျန်းမာရေးဝန်ကြီးဌာနက ပြောကြားလိုက်ပါတယ်။

    ကာကွယ်မှု၊ ကုသမှုနဲ့ အရေးအပေါ်အခြေအနေမှာ တုန့်ပြန်ဆောင်ရွက်မှုတွေအတွက် ပစ္စည်းကိရိယာပိုင်း၊ ဆေးဘက်ဆိုင်ရာ ၀န်ထမ်းတွေရဲ့ အရည်အသွေးပိုင်းတွေကို အကောင်းဆုံးဖြစ်အောင် ပြင်ဆင်နေတာ ဖြစ်ပါတယ်။

    ဂျစ်ဒါက ကင်းအဘ်ဒူလ်အဇစ် နိုင်ငံတကာလေဆိပ်က ဆရာဝန်တွေ၊ နည်းပညာသမားတွေနဲ့ အုပ်ချုပ်ရေးတာဝန်ရှိသူတွေအပါအ၀င် ၀န်ထမ်းအားလုံးကိုလည်း ဟဂ်ျပြုဖို့ လာရောက်သူတွေရဲ့ ကျန်းမာရေးကို စောင့်ကြည့်ဖို့၊ ကူးစက်ရောဂါတွေကနေ ကာကွယ်ဖို့အတွက် လေ့ကျင့်သင်ကြားပေးထားတယ်လို့ ၀န်ကြီးဌာနက ပြောပါတယ်။

    ဆော်ဒီ လခြမ်းနီအဖွဲ့ကလည်း လာမယ့် ဟဂ်ျရာသီအတွက် ပြင်ဆင်မှုတွေ ပြုလုပ်နေပြီး မက္ကာက မတ်စ်ဂျစ်ဒ်ဟရမ် ဗလီဝတ်ကျောင်းတော်၊ မဒီနာက တမန်တော်မြတ် ဗလီဝတ်ကျောင်းတော်နဲ့ အခြား မြင့်မြတ်ရာနေရာတွေ၊ မက္ကာကိုဦးတည်တဲ့လမ်းတွေမှာ ၀န်ဆောင်မှုပေးမှာ ဖြစ်ပါတယ်။

    မက္ကာနဲ့ မဒီနာမှာ ဘုရားဖူးတွေကို ၀န်ဆောင်မှုပေးနိုင်ဖို့အတွက် ဆရာဝန်တွေ၊ အထူးကုတွေ၊ နည်းပညာရှင်တွေ စုစုပေါင်း ၂၆၃၁ ဦးက အလှည့်ကျ တာဝန်ယူမှာ ဖြစ်ပါတယ်။

    Ref: Arabnews