News @ M-Media

Tag: 7Day

  • မွတ်စလင် ညီလာခံသတင်း မမှန်ရေးသားမှု 7 Day ဖြေရှင်းချက် မပေးလျှင် တရားစွဲမည်ဟုသိရ

    ဇွန် ၂၃၊ ၂၀၁၄
    M-Media
    ချမ်းငြိမ်းအေး
    UMNC
    ဇွန်လ ၂၂ ရက်နေ့ 7DayDaily တွင် ဖော်ပြခဲ့သည့် မွတ်စလင် ပြည်လုံးကျွတ်ညီလာခံ ကျင်းပမည့် သတင်း တပုဒ်တွင် ညီလာခံ ကျင်းပရေး ကော်မတီ အတွင်းရေးမှူး ဦးအုန်းမောင်မှ ပြောကြားခဲ့ခြင်း မရှိသည့် စကားရပ်များ ထည့်သွင်းဖော်ပြခဲ့ခြင်းနှင့် ပတ်သက်ပြီး ဖြေရှင်းချက်ပေးဖို့တောင်းဆိုလိုက်ပြီး၊ ဖြေရှင်းချက် မပေးပါက တရားဥပဒေကြောင်း အရ ဆက်လက် ဆောင်ရွက်သွားမည်ဖြစ်ကြောင်း သိရပါတယ်။

    ညီလာခံကျင်းပရေး အတွင်းရေးမှူးဖြစ်သူ ဦးအုန်းမောင် အနေနှင့် ခိုးဝင်ဘင်္ဂါလီ၊ ရိုဟင်ဂျာ တို့နှင့် ပတ်သက်သည်များကို ပြောကြားခဲ့ခြင်း မရှိကြောင်းသိရပါတယ်။

    အတွင်းရေးမှူးဖြစ်သူ ဦးအုန်းမောင်အား ဆက်သွယ်မေးမြန်းရာ “7 Day က ရေးတဲ့သတင်းက အမှားကြီးဖြစ်နေတယ်။ အန်ကယ်လ်အဲ့လို မပြောခဲ့ဘူး။ အန်ကယ်လ်တို့မှာ Record ရှိတယ်။  အန်ကယ်လ်တို့ပြောတာ လူမျိုးစု၊ လူမျိုး အကြောင်းတွေ လုံးဝ မပါဘူး။ နိုင်ငံသား မွတ်စလင်နဲ့ ပတ်သက်တာပဲပြောတယ်။”

    အဲ့ဒီလူက သက်သက်မဲ့ ရှုပ်ထွေးသွားအောင်လုပ်တာ။ သတင်းစာရှင်းလင်းပွဲနေ့က တက်လာတဲ့ ကျန်တဲ့ မီဒီယာတွေကိုလည်း မေးကြည့်နိုင်ပါတယ်။ အန်ကယ်လ်တို့ အနေနဲ့ 7 Day ကို ဖြေရှင်းချက် တောင်းမယ်။ အထောက်အထားနဲ့ ပြရင်ပြ။ မပြရင် တရားစွဲမယ်။ ဒါဟာ စိတ်ဝမ်းကွဲအောင် လုပ်တဲ့ကိစ္စပါ။ အန်ကယ့်လ် အနေနဲ့ အနောက်ကနေ ခိုးဝင်လာတယ်ဆိုတဲ့ ဘင်္ဂါလီဆိုတာရော ရိုဟင်ဂျာဆိုတာရော လုံးဝမသုံးခဲ့ဘူး။ အန်ကယ်လ်က ဥပဒေသမားတစ်ယောက်ပါ။ ဒါကို ဘယ်လို ရည်ရွယ်ချက်နဲ့ လုပ်လိုက်တာလဲလို့ စဉ်းစားမိတယ်။ တချက်က အပြင်အုပ်စုတစ်စုက မလိုလားလို့ ရန်တိုက်ပေးတာလား။ အတွင်းဘက်က အုပ်စုတစ်စုက ရန်တိုက်ပေးတာလားတော့ အန်ကယ်လ်မသိပါဘူး။ အန်ကယ်လ် လုံးဝ မပြောခဲ့တဲ့ကိစ္စပါ။ ညီလာခံကျင်းပရေးက ပြန်ကြားရေး တာဝန်ယူထားသူတွေကိုလည်း အန်ကယ်လ် ပြောထားပါတယ်။ အဲ့ဒီ 7 Day ကို ခေါ်ပြီးရှင်းဖို့၊ မဟုတ်ရင် အမှန်ထင်သွားကြမယ်လို့ အန်ကယ်လ်ပြော ထားပါတယ်”ဟု ဖြေကြားခဲ့ပါတယ်။

    ပြည်ထောင်စုသား မွတ်စလင်မ် များ  ပြည်လုံးကျွတ် ညီလာခံ ကျင်းပရေးကော်မတီ၏ ပထမအကြိမ် ဗဟိုကော်မတီ အစည်းအဝေးပွဲနှင့် စပ်လျှဉ်း၍ သတင်းစာ ရှင်းလင်းပွဲကို အဆိုပါ ကော်မတီရုံးခန်း မှာ ယနေ့ ဇူလိုင်လ ၁၉ ရက်နေ့ မနက် ၁၀ နာရီမှာ ပြုလုပ်ခဲ့တာ ဖြစ်ပါတယ်။

    ဓါတ်ပုံအညွှန်း- ပြည်လုံးကျွတ် မွတ်စလင် ညီလာခံကျင်းပရေး ကော်မတီရဲ့ သတင်းစာရှင်းလင်းပွဲပြုလုပ်စဉ်

  • ဘယ်မှာလဲ ကျင့်ဝတ် (သူ့အမြင် ကဏ္ဍ)

    ဖေဖော်ဝါရီ ၇ ၊ ၂၀၁၄
    M-Media
    မောင်ရင်လေး
    7 Days
    မနေ့ကအချိန်လေးရတုန်း အွန်းလိုင်းပေါ်မှာ မွှေနှောက်ရင်းနဲ့ သတင်း ဘလော့လေးတစ်ခု ဖတ်လိုက်ရတယ်။

    ဖတ်မိလိုက်တဲ့အကြောင်းကလည်း အဲ့ဒီဘလော့မှာတင်ထားတဲ့ ကိုရင်လေးတွေက ဖုန်းတစ်လုံးကို ငုံ့ကြည့်နေပြီး ခေါင်းစဉ်ပေးထားတာကလည်း My IPhone ဆိုတော့… အိုင်ဖုန်းနဲ့ ကိုရင်လေးတို့ ဘာများဖြစ်ကျသလဲဆိုတဲ့ စူးစမ်းကြည့် ချင်စိတ်ကြောင့်ပါ။

    တစ်ကယ်တမ်း ဖတ်ကြည့်မိလိုက်တဲ့ အခါကျမှ အိုင်ဖုန်းနဲ့ ကိုရင်လေးက ဘာမှမဆိုင်ဘဲ ဘလော့တစ်ခုရဲ့ စာဖတ်သူအတွက် attraction တစ်ခုထားတယ်လို့ပဲ မှတ်ယူလိုက်ပါတယ်။

    စာရေး သူဟာလည်း အိန္ဒိယသူ မီဂါးဘာရီး ဖြစ်ပြီးတော့ နယူးဒေလီ အခြေစိုက် အလွတ်တန်းသတင်းသမားတစ်ဦးပါလို့ အဲ့ဒီ blog မှာအတိအလင်းဖော်ပြထားပါတယ်။

    သုံးထားတဲ့ဓာတ်ပုံအညွန်း(original source)ကိုလည်းသေချာထည့်ပြထားပါတယ်။

    ဒီအထိကဘာမှမထူးခြားပါဘူး။ ကျွန်တော်ပြောချင်တဲ့အချက်က ဖေဖော်ဝါရီ ၁ ရက်နေ့ထုတ်  7 day နေ့စဉ်သတင်းစာ ဖတ်မှပေါ်လာတာပါ။ ယင်း 7 day သတင်းစာရဲ့ Feature စာမျက်နှာ(စာမျက်နှာ ၁၆)မှာ အပေါ်က ကျွန်တော်တင်ပြထားတဲ့ blog ကိုဘာသာပြန် ပြီးထည့်ထားပါတယ်။ ဘာသာပြန်တာက အကြောင်း မဟုတ်ပေမယ့် ဘာသာပြန်ဖြစ်ကြောင်း မူရင်းစာရေးသူ ဘယ်သူဘယ်ဝါဆိုတာ မပါတဲ့အပြင် ဓာတ်ပုံ အညွန်းဆိုတာလည်း မတွေ့ရပါဘူး။ အောက်ဆုံးမှာ ခင်မေဇော်(ဝါရှင်တန်ဒီစီ)ဆိုပြီး ကိုယ်တိုင်ရေး ပုံစံဖမ်းကာ ထည့်ထားပါတယ်။

    ဒီမှာတင် ပြန်ကြားရေးဒုဝန်ကြီး ပြောသွားတဲ့မြန်မာပြည်က ရောင်းအား အကောင်းဆုံး စောင်ရေ အများဆုံးဆိုတဲ့ သတင်းစာ ဂျာနယ်တို့ရဲ့ကျင့်ဝတ် အနေအထားကို သုံးသပ်မိရင်း ကမ္ဘာ မီဒီယာအသိုင်းအဝိုင်းမှာ မြန်မာ့မီဒီယာက ဘယ်နေရာရှိနေမလဲဆိုတာ တစ်ယောက်ထဲ တွေးတောမိနေပါတော့တယ်။

    My iPhone in Burma ဆောင်းပါး မူရင်းလင့် => http://www.newyorker.com/online/blogs/currency/2014/01/my-iphone-in-myanmar.html