အောက်တိုဘာ ၂၆၊ ၂၀၁၃
M-Media
လင်းလင်း
ရန်ကုန် ။ ။ ရန်ကုန်တိုင်းဒေသကြီး၊ တာမွေမြို့နယ် အမျိုးသားဒီမိုကရေစီအဖွဲ့ချုပ်မှ ပြုလုပ်သည့် ၂၀၀၈ ဖွဲ့စည်းပုံအခြေခံဥပဒေဆိုင်ရာရှင်းလင်းပွဲနှင့် လူထုဆန္ဒခံယူပွဲကို အောက်တိုဘာ ၂၅-ရက် ည ၇း၀၀-နာရီက အရိုးကုန်းရပ်ကွက်တွင်ကျင်းပပြုလုပ်ခဲ့ပါသည်။
ဒီနေ့ အခြေခံဥပဒေအတွက် ရှင်းလင်းတင်ပြခြင်းဟာ အင်မတန်မှလိုအပ်ချက်တစ်ခုဖြစ်ပါတယ်၊ ကျွန်တော်တို့ အမျိုးသား ဒီမိုကရေစီချုပ်ဟာ ပြည်သူတွေအတွက် အရှေ့ကနေ မားမားမတ်မတ် ရပ်တည်သလို ပြည်သူတွေရဲ့အကျိုးပြုလုပ်ငန်းများကိုလည်း အားကုန်ခွန်စိုက်ဆောင်ရွက်နေပါတယ်၊ ဒါကြောင့် ၂၀၀၈ အခြေခံ ဥပဒေသည် ပြည်သူတွေအတွက် ဘယ်လောက် အကျိုးတက်ရောက်မှုတွေရှိလဲ၊ ပြည်သူတွေအတွက် ဘယ်လောက်အကာကွယ်ပေးလဲ၊ ပြည်သူတွေအတွက် ဘယ်လောက် အားထားရာ ဘယ်လောက်ရုံကြည်ရာဖြစ်နေသလဲ၊ ပြည်သူရဲ့ လိုအပ်ချက်တွေ ဘယ်လောက်ကာကွယ်နိုင်သလဲ၊ လူ့အခွင့်အရေးတွေအနေနဲ့ ပက်သက်ပြီး ဘယ်လောက်အာမခံနိုင်သလဲ။ နိုင်ငံတကာရဲ့ဥပဒေများနှင့် ဘယ်လောက်စံနှုန်းတွေနဲ့ ပြည့်ဝနေမလဲဆိုတာ ပြည်သူတွေသိရှိဖို့အတွက် အင်မတန် လိုအပ်ပါတယ်။
ဒါကြောင့် အမျိုးသားဒီမိုကရေစီအဖွဲ့ချုပ်က ၂၀၀၈ အခြေခံဥပဒေအတွက်၊ ပြည်သူများသိရှိနိုင်ရန်အတွက် လိုအပ်ပါတယ်၊ ဒီနေ့ ဒီအချိန်အခါဟာ နိုင်ငံတော်အတွက် ပြည်သူသာလျှင်အမိ၊ ပြည်သူသာလျှင်အဖ၊ ပြည်သူသာလျှင်အဒိကဖြစ်ပါတယ်၊ ဒါကြောင့်မိုလို့ ပြည်သူသဘော ဆန္ဒတွေကို ခံယူပြီး ပြည်သူရဲ့ အဆုံးအဖြတ်၊ ပြည်သူရဲ့သဘောထားများကို ရယူခြင်းဖြစ်ပါတယ်၊ ဘာဖြစ်လို့်လဲဆိုတော့ ၂၀၀၈ အခြေခံဥပဒေသည်များသောအားဖြင့် ပြည်သူတွေအတွက်အကျိုးမဖြစ်ဘူး။ မကောင်းဘူး ပြည်သူအတွက်အကာကွယ်မပေးဘူး နိုင်ငံတော်ရဲ့စံညွန်းစံချိန်များ မညီတဲ့အတွက် မကောင်းဘူး ဆိုတဲ့အစိတ်အပိုင်းလောက်ဘဲ သိနေပါတယ်။
ဒါကြောင့် အမျိုးသားဒီမိုကရေစီအဖွဲ့ချုပ်ဟာ ၂၀၀၈ အခြေခံဥပဒေနှင့်ပတ်သက်လို့ ပြည်သူတွေ ရှင်းရှင်းလင်းလင်း သိရှိနိုင်အောင် ကျွန်တော်တို့အဖွဲ့ချုပ်အနေနဲ့ ဆောင်ရွက်ချင်းဖြစ်ပါတယ် “ဟု ဦးလှသိန်းမှပြောကြားခဲ့သည်။
ဆက်လက်ပြီး အရှေ့ပိုင်းခရိုင် ဥပဒေ အထောက်အကူပြုအဖွဲ့မှ ဦးဖြိုးသူရိန်ဌေး ကလည်း ၂၀၀၈ ဖွဲ့စည်းပုံအခြေခံဥပဒေနဲ့ ပက်သက်ပြီး ဆက်လက်ရှင်းလင်းတင်ပြခဲ့ရာ “၂၀၀၈ အခြေခံဥပဒေဆိုသာ ဘာလဲ၊ ဘယ်လောက်အရေးကြီးသလဲ။ ဖွဲ့စည်းပုံဥပဒေအရ ဒီမိုကရေစီစံနှုန်းနဲ့ လွဲနေတာကိုကျွန်တော်အနည်းငယ် ရှင်းလင်းတင်ပြမှာ ဖြစ်ပါတယ်၊ ဖွဲ့စည်းပုံအခြေခံဥပဒေဆိုတာဘာလဲဆိုတော့ လက်ရှိုအပ်ချုပ်နေတဲ့ အစိုးရနဲ့ ပြည်သူလူထုနဲ့ ချုပ်ဆိုထားတဲ့ ဥပဒေတစ်ရပ်ပဲ ဖြစ်ပါတယ်။ ဖွဲ့စည်းပုံ အခြေခံ ဥပဒေဟာ ဒီမိုကရေစီစံနှုန်းတွေနဲ့ လွဲချော်နေတဲ့ကိစ္စရပ်လေးတွေကို ကျွန်တော်အနည်းငယ် တင်ပြချင်ပါတယ်၊ မြန်မာနိုင်ငံမှာ ဖွဲ့စည်းပုံဥပဒေ ၃-ရပ် ရေးဆွဲခဲ့ ပါတယ်၊ ပထမဆုံးရေးဆွဲခဲ့တဲ့ ဖွဲ့စည်းပုံဥပဒေကို ၁၉၄၇ ခုနှစ်ကရေးဆွဲခဲ့တယ် ဗိုလ်ချုပ်အောင်ဆန်း အပါအ၀င် ပြည်သူ့လွှတ်တော်ကိုယ်စားလှယ်တွေ လွှတ်တော် ကိုယ်စားလှယ် တွေ ရေးဆွဲခဲ့တဲ့ ဖွဲ့စည်းအုပ်ချုပ်ပုံ အခြေခံဖြစ်ပါတယ်၊ နောက်တစ်ခုကတော့ ၁၉၇၄ မဆလ လက်ထက်မှာ ရေးဆွဲခဲ့တဲ့ ဖွဲ့စည်းပုံအခြေခံဖြစ်ပါတယ်၊ နောက်ဆုံးတစ်ခုကတော့ ယခုသုံးဆွဲနေတဲ့ ၂၀၀၈ အခြေခံဥပဒေပဲဖြစ်ပါတယ်၊ လက်ရှိ ဖွဲ့စည်းပုံ ဥပဒေမှာ အကြောင်းအရာအနည်းငယ်ကို ရှင်းလင်းတင်ပြပေးချင် ပါတယ်။ ဖွဲ့စည်းပုံအခြေခံ ဥပဒေ ပြင်ဆင်မယ်ဆိုရင် လက်ရှိပြည်ထောင်စုလွှတ်တော်မှာ ရှိနေတဲ့လွှတ်တော်ကိုယ်စားလှယ်တွေရဲ့ ၂၀% အဆိုတင်သွင်း ရမယ်လို့ ဆိုထားပါတယ်၊ ပြီးတဲ့အခါကြတော့ ပြည်ထောင်စုလွှတ်တော်မှာရှိတဲ့ကိုယ်စားလှယ်တွေ ၂၀%က အဆိုတင်သွင်းပြီးသွားရင် ပြည်ထောင်စုလွှတ်တော်မှာရှိတဲ့ ကိုယ်စားလည်တွေ ၇၅% ကျော်ကထောက်ခံမဲ ပေးရမယ်လို့လဲဆိုထားပါတယ်၊ နောက်ဆုံးတစ်ခုကတော့ ပြည်ထောင်စုလွှတ်တော်မှာရှိတဲ့ကိုယ်စားလှယ် ၇၅% ကျော် က ထောက်ခံမဲပေးပြီးသွားပြီဆိုရင် လက်ရှိပြည်သူလူထုအနေနဲ့ ဆန္ဒခံယူ ဆန္ဒမဲပေးပိုင်ခွင့်ရှိသူတွေရဲ့ ၅၀% ကဆန္ဒမဲပေးကမယ်ဆိုပြီးတော့ဆိုထားပါတယ်။ အဲဒီအပိုင်းမှာလဲ ပြည်သူလူထုအနေနဲ့ ဆန္ဒမဲပေးသူမဟုတ်ပဲနဲ့ ဆန္ဒမဲပေးပိုင်ခွင့်ရှိသူ ၅၀% ကျော်က ဆန္ဒမဲပေးကမယ်ဆိုတော့ ဒီမိုကရေစီစံနှုန်းတွေနဲ့ နည်းနည်းများ လွဲနေသလားလို့ ကျွန်တော်ထင်မိပါတယ်” ဟု ဦးဖြိုးသူရိန်ဌေးက ပြောကြားခဲ့ပါသည်။
၎င်းနောက် နိဂုံးချုပ်စကားပြောကြားခဲ့ပြီး တက်ရောက်လာသူများကို ၂၀၀၈ အခြေခံဥပဒေကိုပြင်ဆင်ချင်ပါသလားလို့ မေးမြန်းခဲ့ရာ ပြင်ဆင်လိုကြောင်း တညီတညွှတ် တည်းဖြေကြားခဲ့ကြပါသည်။ ယခုပြုလုပ်ခဲ့သည့် သဘောထားခံယူပွဲတွင် လူဦးရေ ၃၅၀-ကျော် တက်ရောက်ခဲ့ကြပါသည်။
