အောက်တိုဘာ ၂၁ ၊ ၂၀၁၄
M-Media
– အိန္ဒိယ ဘောလုံးကလပ်အသင်းတစ်ခုမှ ကစားသမားတစ်ဦးမှာ ဂိုးသွင်းပြီးနောက် ကျွမ်းထိုးအောင်ပွဲခံရာမှ သေဆုံးသွားခဲ့သည်ဟု သိရသည်။
ပြီးခဲ့သည့်တစ်ပတ် အင်္ဂါနေ့က မီဇိုရမ်ပရီးမီယားလိဂ် MPL တတိယတန်းပွဲစဉ်အဖြစ် Chanmari West FC အသင်းနှင့် Vengthlang FC တို့ ကစားခဲ့ရာ Bethlehem အသင်းမှ အသက် ၂၃ နှစ်အရွယ် အလယ်တန်းကစားသမား Peter Biaksangzuala မှာ ချေပဂိုးသွင်းပြီးနောက် အောင်ပွဲခံရာ၌ ကျွမ်းထိုးခဲ့ပြီး ပြန်အကျတွင် သတိလစ်သွားခဲ့သည်။
ထို့နောက် မီဇိုရမ်ပြည်နယ် အရှေ့မြောက်ပိုင်းရှိ ဆေးရုံတွင် ဆေးကုသမှုခံယူခဲ့သော်လည်း ကျောရိုးရှိ နာဗ့်ကြောမကြီးကို ဆိုးရွားစွာ ထိခိုက်သွားသည့် Peter မှာ ပြန်လည်သက်သာခြင်းမရှိဘဲ တနင်္ဂနွေနေ့တွင် သေဆုံးသွားခဲ့သည်။
“ဒီအဖြစ်အပျက်အတွက် ကျွန်တော်တို့တုန်လှုပ်ခဲ့ပါတယ်။ မီဇိုရမ် ဘောလုံးအဖွဲ့ချုပ်အနေနဲ့ တတ်နိုင်သလောက်ဆောင်ရွက်ခဲ့ပေမယ့် သူ့ရဲ့အသက်ကို မကယ်တင်နိုင်ခဲ့ပါဘူး” ဟု MFA အတွင်းရေးမှူး Lalnghinglova Hmar က ပြောကြားခဲ့သည်။
ဆေးရုံသို့ရောက်ရှိခဲ့ပြီးနောက် ပီတာမှာ သတိမရတစ်ချက် ရတစ်ချက်ဖြစ်နေပြီး စကားအနည်းငယ်သာပြောနိုင်ကြောင်း၊ ဒေလီသို့ခေါ်ဆောင်၍ ဆေးကုသရန် စီစဉ်ခဲ့သော်လည်း Peter ၏ အခြေအနေက အလွန်ဆိုးရွားနေသောကြောင့် မခေါ်သွားခဲ့ကြောင်း ၎င်းက ထပ်လောင်းပြောကြားခဲ့သည်။
Bethlehem အသင်းကမူ Peter အား ဂုဏ်ပြုသည့်အနေဖြင့် ၎င်းဝတ်ဆင်ကစားခဲ့သည့် ကျောနံပါတ် ၂၁ ဂျာစီအား လုံးဝ အနားပေးလိုက်သည်ဟု ကြေညာခဲ့သည်။
