Tag: African Cup

ဖေဖော်ဝါရီ ၉၊ ၂၀၁၅
M-Media

– ပုံမှန်ပွဲကစားချိန်၊ အချိန်ပိုများဖြင့် ရေကုန်ရေခန်းကစားခဲ့ကြပြီးနောက် ၂၀၁၅ ခုနှစ် အာဖရိကနိုင်ငံများဖလားကို အိုက်ဗရီကို့စ်အသင်းက ဂါနာအား ပင်နယ်တီဖြင့် အနိုင်ယူကာ ဆွတ်းခူးရရှိခဲ့သည်ဟုသိရသည်။

အနောက်အာဖရိက အိမ်နီးချင်း ၂ သင်း အီကွေတိုရီယဲလ်ဂီနီနိုင်ငံ မြို့တော်ဘာတာတွင် ယမန်နေ့က ယှဉ်ပြိုင်ကစားခဲ့သည့် အဆိုပါပွဲမှာ အကြိတ်အနယ်ရှိခဲ့ပြီး ဂါနာအသင်းက ဘောလုံးပိုင်ဆိုင်မှု အနည်းငယ် အသာရခဲ့သည်။ သို့သော်လည်း အပြန်အလှန်ကစားနိုင်ခဲ့ပြီး ပွဲမှာမြိုင်ဆိုင်ခဲ့ကာ နှစ်သင်းစလုံး ဂိုးသွင်းခွင့် အချို့ ရခဲ့ကြသည်။

ပွဲချိန်မိနစ် ၉၀ အတွင်း ဂိုးမရှိသရေကျနေသောကြောင့် အချိန်ပို ဆက်လက်ကစားခဲ့ရာ အချိန်ပိုတွင်လည်း မည်သူမှ ဂိုးမသွင်းနိုင်ခဲ့သောကြောင့် ပင်နယ်တီ ကန်ခဲ့ရသည်။ ပင်နယ်တီတွင် ၁၁ လုံး ကန်ခဲ့ရပြီး ၉ ဂိုး ၈ ဂိုးဖြင့်
အိုက်ဗရီကို့စ်က အနိုင်ရခဲ့ကာ အနိုင်ရရှိမည့် ပင်နယ်တီကို ဂိုးသမား ဘောက်ဘာကာ ဘာရီက သွင်းယူပေးခဲ့ခြင်း
ဖြစ်သည်။

အိုက်ဗရီကို့စ်အသင်း၏ ယခုကဲ့သို့ ဗိုလ်စွဲခဲ့ခြင်းမှာ ၁၉၉၂ ခုနှစ်နောက်ပိုင်း ပထမဆုံး ဗိုလ်စွဲနိုင်ခဲ့ခြင်းဖြစ်သည်။ ၁၉၉၂ ခုနှစ်တွင်လည်း အိုက်ဗရီကို့စ်မှာ ဂါနာအသင်းအား ပင်နယ်တီ ၂၄ လုံးအထိ ကန်ကာ အနိုင်ရရှိခဲ့ခြင်း ဖြစ်သည်။

Ref: dailymail

ဖေဖော်ဝါရီ ၇၊ ၂၀၁၅
M-Media

– အီဘိုလာကူးစက်မည်ကို စိုးရိမ်သောကြောင့် ၂၀၁၅ အာဖရိကနိုင်ငံများဖလား ပြိုင်ပွဲကို လက်ခံကျင်းပရန် ငြင်းဆိုခဲ့သည့် မော်ရိုကိုအား လာမည့် အာဖရိကဖလားပြိုင်ပွဲ ၂ ကြိမ် ၀င်ရောက်ယှဉ်ပြိုင်ခွင့်ကို အာဖရိက ဘောလုံးအဖွဲ့ချုပ် CAF က ပိတ်ပင်လိုက်သည်ဟု သိရသည်။

မော်ရိုကိုမှာ ယခုနှစ် အာဖရိကနိုင်ငံများဖလားပြိုင်ပွဲကို အိမ်ရှင်အဖြစ်ကျင်းပရန် ယခင်က တာဝန်ယူခဲ့သော်လည်း အာဖရိကအနောက်ခြမ်းတွင် ကူးစက်ပြန့်ပွားခဲ့သည့် အီဘိုလာရောဂါကြောင့် နိုင်ငံအတွင်း ကူးစက်ပြန့်ပွားမည်ကို စိုးရိမ်ရသည်ဟုဆိုကာ ပြိုင်ပွဲကျင်းပရန် နီးကပ်လာချိန်တွင် ငြင်းဆိုခဲ့သည်။

CAF မှ ယမန်နေ့တွင် ထုတ်ပြန်သည့် အစီရင်ခံစာတွင် မော်ရိုကိုဘောလုံးအဖွဲ့ချုပ်၏ ထိုသို့ ငြင်းဆိုမှုမှာ အဖွဲ့ဝင်နိုင်ငံများ၏ အကျိုးအတွက် လက်ခံ၍မရနိုင်ဟု ယူဆခဲ့ပြီး ၂၀၁၇ နှင့် ၂၀၁၉ တွင် ပြုလုပ်မည့် အာဖရိကနိုင်ငံများဖလားပြိုင်ပွဲများ၌ ၀င်ရောက်ယှဉ်ပြိုင်ခွင့်မပြုရန် ဆုံးဖြတ်ချက်ချခဲ့သည်ဟု ဖော်ပြခဲ့သည်။

ထို့ပြင် CAF မှာ မော်ရိုကိုအား ဒဏ်ငွေ ပေါင် ၆သိန်း ၂ သောင်း ဒဏ်ရိုက်ခဲ့ပြီး ပြိုင်ပွဲမကျင်းပသောကြောင့် နစ်နာခဲ့ရသူများအတွက် နစ်နာကြေးအဖြစ် ပေါင် ၅.၉ သန်းပေးဆောင်ရန် အမိန့်ချမှတ်ခဲ့သည်။

မော်ရိုကိုက အိမ်ရှင်အဖြစ်လက်ခံကျင်းပရန် ငြင်းဆိုခဲ့သောကြောင့် ၂၀၁၅ အာဖရိကနိုင်ငံများဖလား ပြိုင်ပွဲကို အီကွေတိုရီယဲလ် ဂီနီနိုင်ငံ၌ ကျင်းပပြုလုပ်ခဲ့သည်။

Ref:goal.com

နိုဝင်ဘာ ၁၀၊ ၂၀၁၄
M-Media

– အာဖရိကနိုင်ငံများဖလား ဘောလုံးပြိုင်ပွဲ ကျင်းပရေးအတွက် အကြောင်းပြန်ရန် အာဖရိကဘောလုံးအင်ဖွဲ့ချုပ် CAF ၏ နောက်ဆုံးရက် သတ်မှတ်ထားမှုမှာ ယမန်နေ့က ပြည့်သွားခဲ့ပြီး အိမ်ရှင်အဖြစ် လက်ခံကျင်းပရန် တာဝန်ယူထားသည့် မော်ရိုကိုနိုင်ငံမူ အကြောင်းပြန်ခဲ့ခြင်းမရှိဟု သိရသည်။

အာဖရိကနိုင်ငံများမှ အသင်း ၁၆ သင်း ပါဝင်ယှဉ်ပြိုင်မည် ဖြစ်ပြီး ၂၀၁၅ ခုနှစ် ဇန်န၀ါရီလတွင် ကျင်းပရန် စီစဉ်ထားသော အဆိုပါ ဘောလုံးပြိုင်ပွဲသို့ အာဖရိက နိုင်ငံပေါင်းစုံမှ ပြည်သူများ လာရောက်မည်ဖြစ်သောကြောင့် အီဘိုလာဗိုင်းရပ်စ်ပိုး ကူးစက်ပြန့်နှံ့မည်ကို စိုးရိမ်သည့် အတွက် ရွှေ့ဆိုင်းရန် မော်ရိုကို ဘောလုံးအဖွဲ့ချုပ်က CAF ကို တောင်းဆိုခဲ့သည်။

CAF ကမူ ယှဉ်ပြိုင်ကစားမည့် ၁၆ သင်းတွင် အီဘိုလာပြန့်နှံ့နေသည့် နိုင်ငံများထဲမှာ ဂီနီ တစ်နိုင်ငံတည်းသာ ပါဝင်မည်ဖြစ်သောကြောင့် မစိုးရိမ်ရန်နှင့် ပြိုင်ပွဲကိုလည်း  သတ်မှတ်ထားသည့်အတိုင်း ကျင်းပမည်ဟု ပြောကြားခဲ့သည်။ ထို့ပြင် မော်ရိုကိုနိုင်ငံအနေဖြင့် ထိုပြိုင်ပွဲအား အိမ်ရှင်အဖြစ် လက်ခံကျင်းပရန် အစီအစဉ် ရှိ၊ မရှိ ပြန်လည်အကြောင်းကြားရန်အတွက်လည်း ရာဇသံပေးခဲ့သည်။

သို့သော်လည်း မော်ရိုကိုက အချိန်မီ အကြောင်းပြန်ခဲ့ခြင်း မရှိသောကြောင့် မည်သည့် နိုင်ငံက လက်ခံကျင်းပမည်ကို လာမည့် သီတင်းပတ်တွင် ပြုလုပ်မည့် CAF အမှုဆောင်ကော်မတီ အစည်းအဝေးတွင် ဆုံးဖြတ်သွားမည်ဖြစ်သည်။