News @ M-Media

Tag: America

  • အမေရိကန်တွင် ကလေးငါးဦးအား သတ်ဖြတ်မှုဖြင့် သံသယရှိသူ ဖခင်တစ်ဦးကို ဖမ်းဆီး

    အမေရိကန်တွင် ကလေးငါးဦးအား သတ်ဖြတ်မှုဖြင့် သံသယရှိသူ ဖခင်တစ်ဦးကို ဖမ်းဆီး

    စက်တင်ဘာ ၁၀ ၊ ၂၀၁၄
    M-Media
    Timothy-Ray-Jones-or-Jones-Jr-jpg
    – အမေရိကန်ပြည်ထောင်စု တောင်ကယ်ရိုလိုင်းနားရှိ အသက် ၁ နှစ်မှ ၈ နှစ်အရွယ် ကလေးငယ် ၅ ဦး သေဆုံးမှုတွင် သံသယရှိသည့်အတွက်ကြောင့် ဖခင်ဖြစ်သူအား ဖမ်းဆီးထားသည်ဟု မစ္စစ်စီပီ အာဏာပိုင်များက ပြောကြားလိုက်သည်။

    ကလေးငယ်များမှာ ပြီးခဲ့သည့် သီတင်းပတ်က တောင်ကယ်ရိုလိုင်းနားမှ ပျောက်ဆုံးခဲ့ခြင်းဖြစ်ပြီး ၎င်းတို့၏ အလောင်းများကို ယမန်နေ့က အလာဘားမားရှိ ကားလမ်းတစ်ခု၏ ဘေးတွင် ပြန်လည်တွေ့ရှိခဲ့ဟု အလာဘားမား ပြည်သူ့လုံခြုံရေး ဌာနခွဲမှ တာဝန်ရှိသူ စတီဗ် ဂျာရတ်က ပြောကြားခဲ့သည်။

    တောင်ကယ်ရိုလိုင်းနားရှိ ကလေးများ၏ မိခင်ဖြစ်သူက သူမ၏ ခင်ပွန်းဟောင်းဖြစ်ပြီး ကလေးများအား အုပ်ထိန်းခွင်ရထားသူ အသက် ၃၂ နှစ်အရွယ် ဂျုံးစ် ဂျေအာကို ဆက်သွယ်၍ မရတော့သည့်အတွက်ကြောင့် ရဲတပ်ဖွဲ့အား တိုင်ကြားခဲ့ရာမှ ပြည်နယ်ရဲတပ်ဖွဲ့နှင့် FBI တို့က စုံစမ်းစစ်ဆးမှုများ ပြုလုပ်ခဲ့ခြင်းဖြစ်သည်။

    ဂျုံးစ်မှာ မိမိအနေဖြင့် ကလေးများကိုခေါ်၍ အခြားပြည်နယ်တစ်ခုကို ပြောင်းရွှေ့တော့မည်ဟု ပြောကြားခဲ့ကြောင်း တောင်ကယ်ရိုလိုင်းနားရှိ ၎င်း၏ နေအိမ်ရှိရာ လီဇင်တန်ကောင်တီရှိ အိမ်နီးချင်းများကဆိုသည်။

    အရက်မူးပြီး ကားမောင်းနှင်မှုဖြင့် ဂျုံးစ်ကို စနေနေ့တွင် မစ္စစ်စီပီရဲတပ်ဖွဲ့ ဖမ်းဆီးခဲ့ပြီး ၎င်း၏ကားတွင် ရာဇ၀တ်မှုကျူးလွန်သည့် မသင်္ကာဖွယ်ရာ တွေ့ရှိရသောကြောင့် အမျိုးသားရာဇ၀တ်မှု အချက်အလက်စင်တာတွင် စုံစမ်းခဲ့ရာ တောင်ကယ်ရိုလိုင်းနားရဲတပ်ဖွဲ့မှ အလိုရှိနေသူတစ်ဦးဖြစ်သည်ကို တွေ့ရှိခဲ့ရခြင်းဖြစ်သည်။

    ဖမ်းဆီးခဲ့ပြီးနောက် ဂျုံးစ်နှင့်အတူ အလောင်းများရှိရာနေရာသို့ ရဲတပ်ဖွဲ့ဝင်များက သွားရောက်ခဲ့ကြပြီး မည်သည့်အတွက်ကြောင့် ကလေးငယ်များ သေဆုံးခဲ့ရသည်ကို သိရှိရခြင်း မရှိသေးပေ။

     

    ref_CNN

  • ဖလော်ရီဒါ တက္ကသိုလ်တွင် ပထမဆုံး အစ္စလာမ့်ရေးရာ လေ့လာမှုစင်တာကို ဖွင့်လှစ်မည်

    ဖလော်ရီဒါ တက္ကသိုလ်တွင် ပထမဆုံး အစ္စလာမ့်ရေးရာ လေ့လာမှုစင်တာကို ဖွင့်လှစ်မည်

    စက်တင်ဘာ ၂ ၊ ၂၀၁၄
    M-Media
    Universityof-Florida
    – များပြားလာသည့် မွတ်စလင်ကျောင်းသား၊ ကျောင်းသူများ၏ လိုအပ်ချက်အား ဖြည့်တင်းပေးရန်၊ အစ္စလာမ်သာသနာနှင့်ပတ်သက်၍ ၀န်ဆောင်မှုပေးနိုင်ရန်အတွက် ပထမဆုံး အစ္စလာမ့်ရေးရာ လေ့လာမှုစင်တာကို ဖလော်ရီဒါ တက္ကသိုလ်တွင် ဖွင့်လှစ်တော့မည်ဟု သိရသည်။

    “ဒီအတွက် ကျွန်တော်တို့ အရမ်း စိတ်လှုပ်ရှားနေပါတယ်။ အမေရိကန် အရှေ့တောင်ပိုင်းမှာ ဒီလိုအစီအစဉ်မျိုး နည်းနည်းပဲရှိပြီး ဖော်ရီဒါမှာတော့ မရှိပါဘူး” ဟု အာဖရိကဆိုင်ရာ လေ့လာရေးမဟာဌာနရှိ ဘာသာရေးဌာနခွဲမှ တာဂျီအော့စတီဘိုက သြဂုတ်လ ၃၀ ရက်နေ့တွင် Gainesville Sun သတင်းစာသို့ ပြောကြားခဲ့သည်။

    အမေရိကန် အရှေ့တောင်ပိုင်း ဖလော်ရီဒါပြည်နယ်တွင် ပထမဆုံးဖြစ်သည့် အဆိုပါစင်တာမှာ ကမ္ဘာ့ဒုတိယအကြီးဆုံး ဘာသာတရားတစ်ခုဖြစ်သည့် အစ္စလာမ် သာသနာနှင့်ပတ်သက်၍ ပိုမိုနက်ရှိုင်းစွာ လေ့လာနိုင်ရန် ရည်ရွယ်ဖွင့်လှစ်ခြင်းဖြစ်ပြီး၊ အစ္စလာမ်သာသနာအား လေ့လာဆန်းစစ်မှုနှင့် ပတ်သက်သည့် သင်ရိုးများစွာကိုလည်း ထိုစင်တာတွင် သင်ကြားပို့ချသွားမည်ဖြစ်သည်။

    အဆိုပါ အစ္စလာမ့်ရေးရာ လေ့လာရေးစင်တာဖြစ်ပေါ်လာခြင်းမှာ ဖလော်ရီဒါ တက္ကသိုလ်ရှိ အာဖရိကလေ့လာရေးဆိုင်ရာ မဟာဌာနမှ ဘာသာရေး၊ လူမှုသိပ္ပံ၊ သမိုင်း၊ မနုဿဗေဒ၊ ဘာသာစကား၊ စာပေနှင့် ယဉ်ကျေးမှု စသည့် ဌာနခွဲများ ပူးပေါင်းကာ ကြိုးပမ်းအားထုတ်မှု၏ အသီးအပွင့်လည်းဖြစ်သည်။

    အမေရိကန်နိုင်ငံတစ်ဝှမ်းမှ အစ္စလာမ့် ဓမ္မပညာရှင်များအား ဆွဲဆောင်ရန်နှင့်  အစ္စလာမ်နှင့်သက်ဆိုင်သည့် အငြင်းပွားဖွယ်ရာ ကိစ္စရပ်များတွက် ၎င်းတို့၏ ယူဆချက်များကို ကြားသိနိုင်စေရန်အတွက်လည်း ထိုစင်တာက ရည်ရွယ်ထားသည်။

    အဆိုပါ အစ္စလာမ့်စင်တာကို စက်တင်ဘာ ၁၈နှင့် ၁၉ ရက်နေ့များတွင် စတင်ဖွင့်လှစ်မည်ဖြစ်ပြီး “Global Islam and the Quest for Public Space” ခေါင်းစဉ်ဖြင့် ဟောပြောပွဲတစ်ခုကိုလည်း ပြုလုပ်သွားမည်ဖြစ်သည်။

    အဆိုပါ ဟောပြောပွဲတွင် အဓိက ဟောပြောသူအဖြစ် ဂျော့ဂ်ျတောင်း တက္ကသိုလ်မှ ဘာသာရေးဆိုင်ရာ ပါမောက္ခ ဂျွန် အက်စပိုစီတို၊ Walsh နိုင်ငံခြားရေးရာ သင်တန်းကျောင်းရှိမွတ်စလင်-ခရစ်ယာန် နားလည်မှုစင်တာတည်ထောင်သူ မင်းသား အလ်ဝါလစ် ဘင် တာလာတို့က တက်ရောက် ဟောပြောသွားမည်ဖြစ်သည်။

    တရားဝင်စစ်တမ်းကောက်ယူမှုများ မပြုလုပ်ထားသော်လည်း အမေရိကန်နိုင်ငံတစ်ဝှမ်းတွင် အစ္စလာမ်သာသနာကို သက်ဝင်ယုံကြည်သူဦးရေမှာ ၆ သန်းမှ ၈ သန်းအထိ ရှိမည်ဟု ခန့်မှန်းထားသည်။

    ref_OnIslam & Newspapers

  • အလာစကာပြည်နယ်၏ ပထမဆုံး ဗလီဝတ်ကျောင်း ဖွင့်လှစ်နိုင်တော့မည်

    အလာစကာပြည်နယ်၏ ပထမဆုံး ဗလီဝတ်ကျောင်း ဖွင့်လှစ်နိုင်တော့မည်

    သြဂုတ် ၂၉ ၊ ၂၀၁၄
    M-Media
    AlaskaSet-to-Open-First-Mosque
    အမေရိကန်ပြည်ထောင်စုအနောက်မြောက်ပိုင်း အလာစကာပြည်နယ်ရှိ မွတ်စ်လင်မ်လူ့အဖွဲ့အစည်းငယ်လေးမှ ၎င်းတို့၏ ပထမဆုံးဗလီဝတ်ကျောင်းတော်အား တည်ဆောက်မှုနောက်ဆုံးအဆင့် ရောက်ရှိနေကြောင်း သိရသည်။

    အလာစကာပြည်နယ်၊ Anchorage ရှိ မွတ်စ်လင်မ်လူ့အဖွဲ့အစည်းသည် စုပေါင်းဝတ်ပြုရေးအတွက် ကုန်တိုက်တစ်ခု၏နေရာတစ်ခုကို ငှားရမ်းအသုံးပြုခဲ့သည်မှာ ဆယ်စုနှစ်များစွာ ကြာခဲ့ပြီဖြစ်သည်။ လွန်ခဲ့သောနှစ်အနည်းငယ်အတွင်း များပြားလာသော မွတ်စ်လင်မ်ပမာဏကြောင့် ကျယ်ဝန်းသောနေရာတစ်ခု လိုအပ်လာရာ ဗလီတစ်လုံး တည်ဆောက်ရေးအတွက် ရံပုံငွေထူထောင်ကြပြီး (၂၀၁၀)ခုနှစ်တွင် စတင်ဆောင်ရွက်နိုင်ခဲ့ကြသည်။

    ဗလီဝတ်ကျောင်း၏ပထမထပ်တည်ဆောက်ပြီးစီး၍ ဆက်လက်တည်ဆောက်နေသည့် ဒုတိယထပ်တွင် စာသင်ခန်း၊ ရုံးခန်းများနှင့် စာကြည့်တိုက်တို့ ပါဝင်မည်ဖြစ်သည်။

    Anchorage ၌ မတူကွဲပြားသော လူ့အဖွဲ့အစည်းများ အတူယှဉ်တွဲနေထိုင်ခြင်းကို အထူး အားပေးကြသည်။

    Anchorage ဒေသခံမွတ်စ်လင်မ်တစ်ဦးဖြစ်သူ Heather Robertson Barbour မှ သြဂုတ် (၂၆)ရက်၊ အင်္ဂါနေ့တွင် PRI သို့ အောက်ပါအတိုင်း ပြောပြခဲ့သည်။

    “ဗလီဝတ်ကျောင်းဟာ နှစ်ထပ်ဆောင်အဆောက်အဦ ဖြစ်ပါလိမ့်မယ်။ ပထမထပ်မှာ အမျိုးသားတွေ ၀တ်ပြုပြီး ဒုတိယထပ်က အမျိုးသမီးအတွက် ၀တ်ပြုဆောင်ပါ။ ကျွန်မတို့ လူ့အဖွဲ့အစည်းထဲမှာ အရှေ့တောင်အာရှ၊ တောင်အာရှ၊ အိန္ဒိယ၊ ပါကစ္စတန်၊ အရှေ့အလယ်ပိုင်း၊ ဥရောပ စတဲ့ ကမ္ဘာအနှံ့က လူပေါင်းစုံပါဝင်ပါတယ်။ ဆိုပါစို့။ အာရဗ်လူမျိုးတစ်ဦးက သူတို့ရဲ့ယဉ်ကျေးမှုကို သွတ်သွင်းဖို့ကြိုးစားလာမယ်ဆိုရင် ပါကစ္စတန်တစ်ဦးက – ဒါဟာ အစ္စလာမ့်နည်းလမ်းမကျဘူး၊ ကျမ်းဂန်တွေကို ခင်ဗျား လေ့လာဖို့ သုံးသပ်ဆန်းစစ်ဖို့ လိုနေပြီဆိုပြီး ပြောဆိုမှာဖြစ်တယ်။ ယခင်ဝတ်ပြုနေရာက သေးငယ်ကျဉ်းမြောင်းတယ်။ လက်ရှိနေရာကတော့ လိုအပ်ချက်နဲ့ အံဝင်ပြည့်စုံမှု ရလာပါလိမ့်မယ်။ တကွဲတပြားပုံစံမျိုး မဖြစ်နိုင်တော့ပါဘူးရှင်။ ၀တ်ကျောင်းတော်သစ် ဖွင့်လှစ်တဲ့အခါ မွတ်စ်လင်မ်တွေ ပိုစည်းလုံးလာလိမ့်မယ်လို့ ကျွန်မ ယုံကြည်ပါတယ်”။

    Ref : OnIslam & News Agencies

  • ဓားပြ တိုက်ခန်း ရုပ်ရှင်ရိုက်ကူးစဉ် ရဲမှ တကယ်ထင်ပြီး ပစ်ခတ်၍ သရုပ်ဆောင်နှင့် ကင်မရာမန်း သေဆုံး

    ဓားပြ တိုက်ခန်း ရုပ်ရှင်ရိုက်ကူးစဉ် ရဲမှ တကယ်ထင်ပြီး ပစ်ခတ်၍ သရုပ်ဆောင်နှင့် ကင်မရာမန်း သေဆုံး

    သြဂုတ် ၂၈ ၊ ၂၀၁၄
    M-Media
    20148272204233734_20
    – အမေရိကန်ပြည်ဆောင်စု နီဘရာစကာ ပြည်နယ်တွင် ရာဇ၀တ်မှုနှင့် ပတ်သက်သည့် ရုပ်ရှင်ဇာတ်လမ်းတွဲ တစ်ခု ရိုက်ကူးရာမှ ရဲတပ်ဖွဲ့၏ ပစ်ခတ်မှုကြောင့် လူနှစ်ဦး သေဆုံးခဲ့သည်ဟု သိရသည်။

    အိုဟားမားမြို့တွင် ယမန်နေ့က Cops ဟု အမည်ရသည့် ဇာတ်လမ်းတွဲအတွက် စားသောက်ဆိုင် တစ်ခုကို ဓားမြတိုက်သော ဇာတ်ဝင်ခန်း ရိုက်ရာမှ ဖြစ်ပွားခဲ့ခြင်းဖြစ်ပြီး ဓားပြအဖြစ် သရုပ်ဆောင်သူ ကော်တက်ဇ် ၀ါရှင်တန်နှင့် အသံဖန်တီးပြုလုပ်သူ ကင်မရာမန်း ဘရိုက်စ်ဒီယွန်တို့ သေဆုံးခဲ့ခြင်ဖြစ်သည်။

    အဆိုပါ ဇာတ်ဝင်ခန်းတွင် ပါဝင်ရန်အတွက် တာဝန်ကျ ရဲတပ်ဖွဲ့ဝင်နှစ်ဦးကို ရိုက်ကူးရေးသမားများက ခေါ်ဆောင်လာခဲ့ပြီး၊ ဓားပြအဖြစ် သရုပ်ဆောင်သူမှာ ပလက်စတစ်သေနတ် ကိုင်ဆောင်ထားသော်လည်း ၀ါရှန်တန်ပြုလုပ်ခဲ့သော အသံ အထူးပြုလုပ်ချက်မှာ သေနတ်သံ အစစ်နှင့် အလွန်တူ သွားခြင်းကြောင့် ရဲတပ်ဖွဲ့က တုံ့ပြန် ပစ်ခတ်ခဲ့ခြင်းဖြစ်သည်။

    ၀ါရှင်တန်မှာ စားသောက်ဆိုင်မှ ထွက် အပြေးတွင် ပစ်သတ် ခံရခြင်းဖြစ်ပြီး၊ ဒီယွန်မှာ ကျည်ကာ အင်္ကျီဝတ်ထားသော်လည်း ကျည်ဆံ တစ်ထောင့်မှာ ကျည်ကာအင်္ကျီ လွတ်နေသောနေရာမှ ရင်ဘတ်ထဲသို့ ၀င်ရောက် သွားခြင်းကြောင့် သေဆုံးခဲ့ခြင်းဖြစ်သည်။

    အိုဟားမား ရဲတပ်ဖွဲ့အကြီးအကဲ ရှမတ်ဒီရာကမူ အဆိုပါ ဇာတ်လမ်းတွဲကို ရိုက်ရန် အတွက် ဖိတ်ခေါ်မှုကို မိမိမှ လက်ခံခဲ့ခြင်ဖြစ်ပြီး ယခုကဲ့သို့ ဖြစ်ပွားခဲ့သည့်အတွက် ၀မ်းနည်းမိကြောင်း ပြောကြားခဲ့သည်။

    အဆိုပါ Cops ဇာတ်လမ်းတွဲကို အမေရိကန်ရှိ မြို့ပေါင်း ၁၄၀ နှင့် နိုင်ငံခြား တိုင်းပြည် သုံးခုတွင် ထုတ်လွှင့်ပြသနေသည်။

  • သင်တန်းသား ကလေးငယ်၏ မတော်တဆ ပစ်ခတ်မှုကြောင့် သေနတ်ပစ် နည်းပြ သေဆုံး

    သင်တန်းသား ကလေးငယ်၏ မတော်တဆ ပစ်ခတ်မှုကြောင့် သေနတ်ပစ် နည်းပြ သေဆုံး

    သြဂုတ် ၂၈ ၊ ၂၀၁၄
    M-Media
    4583090_G
    – အမေရိကန်ပြည်ထောင်စု အရီဇိုးနားပြည်နယ်ရှိ သေနတ်ပစ်ကွင်း တစ်ခုတွင် သေနတ်ပစ် သင်ယူနေသည့် အသက် ၉ နှစ်အရွယ်မိန်းကလေး တစ်ဦး၏ မတော်တဆ ပစ်ခတ်မှုကြောင့် သေနတ်ပစ် သင်တန်း ဆရာ တစ်ဦးသေဆုံးခဲ့သည်ဟု သိရသည်။

    Bullets and Burgers ဟုအမည် ရသည့် သေနတ် ပစ်ကွင်းတွင် တနင်္လာနေ့ ညပိုင်းက ဖြစ်ပွားခဲ့ခြင်းဖြစ်ပြီး သေဆုံးသူမှာ အသက် ၃၉ နှစ်အရွယ်ရှိ ချားလ်စ် ဗက်ကာဆိုသူဖြစ်ကာ ဦးခေါင်းအား ထိမှန်ခဲ့ခြင်းကြောင့် သေဆုံးခဲ့ရခြင်းဖြစ်သည်ဟု ရဲတပ်ဖွဲ့က ပြောကြား ခဲ့သည်။

    အသက် ၈ နှစ်မှ ၁၇ နှစ်အရွယ်ထိ ကလေးငယ်များမှာ မိဘများနှင့်အတူ လာရောက်ပါက အဆိုပါ သေနတ်ပစ်ကွင်းတွင် သေနတ်ပစ် သင်ကြားနိုင်ပြီး၊ အဆိုပါ မိန်းကလေးမှာလည်း မိဘများနှင့် လာရောက်ကာ သေနတ်ပစ် သင်ကြားခြင်းဖြစ်သည်။

    ထိုမိန်းကလေးနှင့် ဗက်ကာတို့မှာ အစ္စရေးလုပ် စက်သေနတ် Uzi အား လေဟာပြင် ပစ်ကွင်းတွင် အပစ်လေ့ကျင့်ခြင်းဖြစ်ပြီး ဗက်ကာမှာ စစ်သေနတ်အား မည်ကဲ့သို့ ကိုင်ဆောင် ပစ်ခတ်ရမည်ကို ထိုမိန်းကလေးအား ပြသခဲ့ကာ ပထမအကျော့ တွင် ကောင်းမွန်စွာ ပစ်ခတ်နိုင်ခဲ့သည်။

    သို့သော်လည်း ဒုတိယအကျော့တွင် မိန်ကလေးက အဆက်မပြတ် ပစ်ခတ်ရာမှ သေနတ်အား မထိန်းထားနိုင်ခဲ့သောကြောင့် ပစ်မှတ်မှချော်ကာ ဗက်ကာ၏ ဦးခေါင်းအား ထိမှန်ခဲ့ခြင်းဖြစ်သည်။

    ထိုဖြစ်ရပ် မဖြစ်ပွားခင် မိန်းကလေးနှင့် ဗက်ကာတို့၏ သေနတ်ပစ် လေ့ကျင့်နေမှုအား ဖုန်းဖြင့် ရိုက်ထားသော ဗီဒီယိုကို ရဲတပ်ဖွဲ့က ယမန်နေ့တွင် ထုတ်ပြန်ခဲ့သည်။