ဖေဖော်ဝါရီ ၁၃၊ ၂၀၁၅
M-Media
– အင်္ဂါနေ့က သေနတ်ဖြင့် ပစ်သတ်ခံခဲ့ရသည့် မြောက်ကယ်ရိုလိုင်းနားမှ မွတ်စလင်လူငယ် ၃ ဦး၏ ဈာပနအခမ်းအနားကို ယမန်နေ့က ကျင်းပပြုလုပ်ခဲ့ပြီး လိုက်ပါပို့ဆောင်သူ ၅၀၀၀ ခန့်ရှိသည်ဟု သိရသည်။
ရုပ်အလောင်းများကို ပြည်နယ်မြို့တော် Raleigh ရှိ မိသားစုများ၏ နေအိမ်မှ မြောက်ကယ်ရိုလိုင်နားတက္ကသိုလ် အားကစားကွင်းအထိ သယ်ဆောင်လာပြီး လိုက်ပါပို့ဆောင်သူ ၅၀၀၀ နီးပါးခန့်ရှိခဲ့သည်။ ထို့နောက် အဆိုပါ အားကစားကွင်းတွင် ၀တ်ပြုဆုတောင်းမှုများ ပြုလုပ်ခဲ့ပြီး ရုပ်အလောင်းများကို လက်ဆင့်ကမ်းသယ်ဆောင်ကာ Raleigh မြို့ပြင်ရှိ မွတ်စလင်သုဿန်တွင် မြှုပ်နှံသင်္ဂြိုဟ်ခဲ့ကြသည်။
သေဆုံးသွားသူများမှာ အသက် ၂၃ နှစ်အရွယ် ဒီယာရှက်ဒီ ဘရကသ်၊ ၎င်း၏ ဇနီးဖြစ်သူ အသက် ၂၁ နှစ်အရွယ် ယူဆိုးရ် မိုဟာမက် အဘူ ဆလ်ဟာနှင့် ယူဆိုးရ်၏ ၁၉ နှစ်အရွယ်ညီမ ရာဇန် မိုဟာမက် အဘူ ဆလ်ဟာတို့ဖြစ်ကြပြီး ၎င်းတို့ ၃ ဦးအား ချက်ပဲလ်ဟေးမြို့ မြောက်ကယ်ရိုလိုင်းနားတက္ကသိုလ် ပရ၀ုဏ်ရှိ ၎င်းတို့နေထိုင်သော ကွန်ဒိုတိုက်ခန်းတွင် ဦးခေါင်း သေနတ်ဒဏ်ရာဖြင့် သေဆုံးနေသည်ကို အင်္ဂါနေ့က တွေ့ရှိခဲ့ရသည်။
သေနတ်ဖြင့်ပစ်ခဲ့သူမှာ အသက် ၄၆ နှစ်အရွယ် ခရေ့ဂ်ျ စတီဖင် ဟစ်က်ဆိုသူဖြစ်ပြီး ၎င်းကိုယ်တိုင် ရဲစခန်းသို့ သွားရောက်အဖမ်းခံခဲ့သည်။ ရဲတပ်ဖွဲ့ကမူ ကားပါကင်အတွက် အချေအတင်ဖြစ်မှုက အခင်းဖြစ်ပွားမှုအတွက် အကြောင်းအရင်းဖြစ်သည်ဟု ကနဦး သတင်းထုတ်ပြန်ခဲ့သော်လည်း သေဆုံးသွားသူများ၏ မိသားစုများကမူ အဆိုပါ သတ်ဖြတ်မှုမှာ အမုန်းတရားကြောင့် ဖြစ်ပွားခြင်းသာဖြစ်သည်ဟု ပြောကြားခဲ့သည်။
“ကျွန်တော်တို့ လက်စားလည်းမချေပါဘူး။ ဘယ်လိုပစ်ဒဏ်ချမှတ်မယ်ဆိုတာကိုလည်း ဂရုမစိုက်ပါဘူး။ ကျွန်တော်တို့လိုချင်တာက ဘာဖြစ်လို့ ဒီလိုလုပ်ရလဲဆိုတာကိုသာ ၀န်ခံစေချင်တာပါ” ဟု သေဆုံးသွားသူ အမျိုးသမီး ၂ ဦး၏ ဖခင်ဖြစ်သူ အဘူဆလ်ဟာက ဈာပနအခမ်းအနားတွင် ပြောကြားခဲ့သည်။
အမေရိကန်၏ အကြီးဆုံး မွတ်စလင်အဖွဲ့အစည်းဖြစ်သော အမေရိကန်အစ္စလာမ် ဆက်ဆံရေးကောင်စီမှ အကြီးအကဲ
နီဟတ် အ၀ဒ်က
“ဒီရက်စက်တဲ့ ရာဇတ်ဝတ်မှု၊ သေဆုံးသူအမျိုးသမီးနှစ်ဦးရဲ့ဘာသာရေးနဲ့သက်ဆိုင်တဲ့ ၀တ်စားဆင်ယင်မှု၊ အမေရိကန်လူ့အဖွဲ့အစည်းအတွင်း မွတ်စလင်ဆန့်ကျင်ရေး မြင့်တက်လာမှုတွေကို အခြေခံပြီးတော့ ပြည်နယ်နဲ့ ပြည်ထောင်စု ဥပဒေထိန်းသိမ်းရေး အရာရှိတွေအနေနဲ့ ဒီအဖြစ်အပျက်မှာ ပုံမှန်မဟုတ်တဲ့ တွန်းအားတွေ ရှိနေတယ်ဆိုတဲ့ ကောလဟာလတွေကို အလျင်အမြန်ဖြေရှင်းပေးဖို့ ကျွန်တေ်ာတို့ တိုက်တွန်းပါတယ်” ဟု ပြောကြားခဲ့သည်။
အဆိုပါ လူငယ် ၃ ဦးအတွက် ဆုတောင်းပွဲများကို ဗုဒ္ဓဟူးနေ့နှင့် ကြာသာပတေးနေ့များတွင် အမေရိကန်နိုင်ငံတစ်ဝှမ်း ကျင်းပပြုလုပ်ခဲ့ကြသည်။
Ref:aljazeera
