စက်တင်ဘာ ၅၊ ၂၀၁၅
M-Media
– ဖလော်ရီဒါအခြေစိုက် လက်နက်ကုမ္ပဏီတစ်ခုက ခရစ်ယာန်ကျမ်းချက် ရေးသားထားသော AR-15 ခရူးဆိတ်ဒါ ရိုင်ဖယ်တစ်လက်ကို တီထွင်ထုတ်လုပ်လိုက်ပြီး မွတ်စလင်အကြမ်းဖက်သမား ကိုင်တွယ်အသုံးပြု၍မရဟု ဆိုသည်။
The Spike ကုမ္ပဏီက ထုတ်လုပ်လိုက်သည့် အဆိုပါ ချေမှုန်းရေးရိုင်ဖယ်တွင် ခရစ်ယာန်တို့၏ ဆာလံကျမ်း အခန်းကြီး ၁၄၄၊ ၁ မှ ကျမ်းချက်ဖြစ်သော “ငါ၏ကျောက်တည်းဟူသော ထာဝရဘုရားသည် မင်္ဂလာရှိတော်မူစေသတည်း။ ငါ့လက်သည် စစ်တိုက်၍ လက်ချောင်းတို့သည်လည်း စစ်မှုကို လေ့ကျက်မည့်အကြောင်း သွန်သင်တော်မူ၏။” ကို ရေးသားထားသည်။
ယခင် နေဗီဆီးလ်တပ်ဖွဲ့ဝင်ဟောင်းဖြစ်ပြီး၊ ကုမ္ပဏီ၏ ပြောရေးဆိုခွင့်ရှိသူ ဘန်မိုကီး သောမတ်စ်က Orlando Sentinel သို့ ပြောကြားရာတွင် မည်သည့်မွတ်စလင်မှ အဆိုပါ ရိုင်ဖယ်ကို ကိုင်တွယ်ရဲမည်မဟုတ်ဟု ဆိုသည်။
“ပြောရရင် မွတ်စလင်အကြမ်းဖက်သမားတစ်ယောက် ကိုင်တဲ့အခါ မိုးကြိုးပစ်ပြီး သေစေမယ့် သေနတ်မျိုးကို ကျွန်တော် လိုချင်တာပါ” ဟု သောမတ်စ်က ပြောကြားခဲ့သည်။
အမေရိကန်-အစ္စလာမ် ဆက်ဆံရေးကောင်စီ၏ ဖလော်ရီဒါအဖွဲ့ခွဲ CAIR-FL မှ အမှုဆောင်ဒါရိုက်တာ ဟာဆန် ရှီဘလီကမူ သောမတ်စ်၏ ပြောကြားမှုကို တုန့်ပြန်ခဲ့ပြီး အဆိုပါသေနတ်မှာ ခရစ်ယာန်အကြမ်းဖက်သမားအတွက် ထုတ်လုပ်ခြင်းလားဟု မေးခွန်းထုတ်ခဲ့သည်။
ထို့ပြင် အမေရိကန်၌ အစုလိုက်အပြုံလိုက်သတ်ဖြတ်မှု ၂၅၀ တွင် မွတ်စလင်ကျူးလွန်သည့် အမှုက တစ်ခုသာရှိသည်ဟု မှတ်တမ်းများဖြင့်လည်း ထောက်ပြခဲ့သည်။ CAIR-FL မှာ မည်သည့် ဘာသာရေးအစွန်းရောက်မှုကိုမဆို ဆန့်ကျင်ပြီး သေနတ်ထုတ်လုပ်သူများအနေဖြင့် မိမိတို့အား ၎င်းတို့နှင့် ထိပ်တိုက်တွေ့စေရန်အတွက် ကို့ရို့ကားယားနိုင်သည့် ကိစ္စများကို ပြုလုပ်စရာမလိုဟု ထည့်သွင်းပြောကြားခဲ့သည်။
အဆိုပါရိုင်ဖယ်ကို ကန်ဒေါ်လာ ၁၃၉၅ ဒေါ်လာဖြင့် ရောင်းချမည်ဖြစ်ပြီး တစ်သက်တာအာမခံ ပါဝင်သည်။ Sky News သတင်းဌာနကမူ ထိုရိုင်ဖယ်၏ ဘေးအန္တရာယ်ကင်းရေး ခလုတ်၌ “ငြိမ်းချမ်းရေး” “စစ်” နှင့် “ဘုရားသခင် အလိုတော်ရှိပါစေ” ဟု အဓိပ္ပါယ်ရသော စကားလုံးများကို လက်တင်ဘာသာစကားဖြင့် ရေးထိုးထားသည်ဟု ဖော်ပြခဲ့သည်။
CAIR-FL က ထိုလက်နက်ထုတ်လုပ်မှုကို တုန့်ပြန်သော အားဖြင့် ကြေညာချက်တစ်စောင် ထုတ်ပြန်ခဲ့သည်။
“၀မ်းနည်းစရာကောင်းတာက ဒီကုမ္ပဏီရဲ့ ဖန်စီကျတဲ့ လက်နက်ဟာ အမေရိကမှာ တကယ့်ခြိမ်းခြောက်မှုဖြစ်တဲ့ သေနတ်ပစ် တိုက်ခိုက်မှု မြင့်တက်လာတာကို လျော့ကျစေမှာ မဟုတ်ပါဘူး။ ဒါဟာ အမုန်းတရား၊ သွေးခွဲမှုနဲ့ အကြမ်းဖက်မှုတွေကို ပရိုမိုးရှင်းလုပ်ပြီး အမြတ်ထုတ်ဖို့ ရည်ရွယ်တဲ့ ရှက်စရာ ဈေးကွက် ပရိယာယ်တစ်ခုသာ ဖြစ်ပါတယ်” ဟု အဆိုပါ ကြေညာချက်တွင် ဖော်ပြထားသည်။
ပြီးခဲ့သည့် ဇူလိုင်လတွင် “မွတ်စလင်ကင်းမဲ့ဇုန်” ဟု ကြေညာခဲ့သည့် ဖလော်ရီဒါမှ သေနတ်အရောင်းဆိုင်တစ်ခုကို အမေရိကန်-အစ္စလာမ် ဆက်ဆံရေးကောင်စီက တရားစွဲဆိုခဲ့သည်။
ထို့ပြင် “ဘာသာရေးလွတ်လပ်ခွင့်ကို ထိခိုက်ပျက်ဆီးစေသော” ပုံစံဖြင့် စီးပွားရေးလုပ်ခြင်းများကို တားဆီးရန်လည်း တရားရေးဌာနကို CAIR က တိုက်တွန်းခဲ့သည်ဟု Reuters သတင်းဌာနတွင် ဖော်ပြခဲ့သည်။
Ref: Independent
